Off Beat

పుట్టినరోజు, పెళ్లి రోజు, ప్రమోషన్ లేదా వీకెండ్ లాంటి కారణం ఏదైనా ఫ్యామిలితో లేదా ఫ్రెండ్స్ తో  రెస్టారెంటుకి వెళ్ళడం ఈ రోజుల్లో సాధారణం అయ్యింది. సరదాగా కబుర్లు చెప్పుకుంటూ తిన్న తరువాత, వచ్చిన బిల్లును చూస్తే ఆ సరదా కాస్తా తీరిపోతుంది.

వందల్లో వచ్చిన బిల్లును చూస్తే, దాని పైన రకరకాల పేర్లతో ఉండే అదనపు చార్జీలు కూడా చెల్లించేసి బయటకి వస్తాం. అయితే ఇటీవల కాలంలో కొన్ని రెస్టారెంట్స్ లో జీఎస్టి పేరుతో మోసం జరుగుతోందని తెలుస్తోంది. దానిని ఎలా తెలుసుకోవాలో ఇప్పుడు చూద్దాం..
రెస్టారెంట్లలో జీఎస్టి అమలులోకి వచ్చిన అనంతరం, రెస్టారెంట్ కు వచ్చే కస్టమర్ల దగ్గర జీఎస్టి పేరుతో ఎక్కువగా వసూలు చేస్తున్నారనే విషయం తెలిసొందే. చిన్నపాటి ఏసీ రెస్టారెంటులో ఫుడ్ తిన్నాకూడా కనీసం 18 శాతం జీఎస్టి కట్టాల్సి వస్తోంది. దీనికి తోడు సర్వీస్ చార్జి మరో పది శాతం. చాలా హోటళ్లు జీఎస్టి లెక్కపెట్టేటప్పుడు సర్వీస్ చార్జిని కూడా కలుపుతున్నాయి.
అయితే కొన్ని రెస్టారెంట్స్ కంపోజిషన్ ట్యాక్స్‌పేయర్‌ గా ఉన్నప్పటికీ కూడా బిల్ లో జీఎస్టిని కూడా కలిపి, కస్టమర్లను మోసం చేస్తున్నారు. ఈ టాక్స్ పేయర్స్ గా ఉన్న రెస్టారెంట్స్ లో జీఎస్టి కట్టాల్సిన అవసరం లేదు. మరి  కంపోజిషన్ ట్యాక్స్‌పేయర్‌ అవునో కాదో తెలుసుకోవాల్సి ఉంటుంది.
బిల్లు పై ఉన్న GST చెల్లించాలా వద్దా అని ఎలా చెక్ చేయాలంటే..?

• జీఎస్టీ పోర్టల్ https://www.gst.gov.in కి వెళ్ళాలి.
• సెర్చ్ ట్యాక్స్ పేయర్ మరియు సెర్చ్ కంపోజిషన్ ట్యాక్స్ పేయర్ పై ట్యాప్ చేయాలి.
• ఆ తరువాత రెస్టారెంట్ బిల్లు పై ఉన్న జీఎస్టీ నంబర్‌ను ఎంటర్ చేయాలి.
• ఆ రెస్టారెంట్ సాధారణ జీఎస్టీ ట్యాక్స్‌పేయర్‌ కిందకు వస్తుందా లేదా కాంపోజిట్ ట్యాక్స్‌పేయరా అనేది కస్టమర్‌కు తెలుస్తుంది.
• ఇది కాంపోజిట్ ట్యాక్స్‌పేయర్ అయితే  బిల్లుపై విధించిన జీఎస్టీని చెల్లించకూడదు.
• ఒకవేళ హోటల్
• సాధారణ జీఎస్టీ ట్యాక్స్‌పేయర్‌ క్రింద ఉన్నట్లయితే, జీఎస్టీ మొత్తాన్ని చెల్లించాలి.

https://www.instagram.com/reel/CvXRaltg19G/?igshid=NjZiM2M3MzIxNA%3D%3D

Also Read: కోచింగ్ లేకుండా IAS..! ఇది ఎలా సాధ్యం..?

హీరో లేదా విలన్ జైలుకు వెళ్ళడం వంటి సన్నివేశాలను చాలా సినిమాలలో చూపించడం జరిగింది. ఈ క్రమంలో జైలు లోపల ఎలా ఉంటుందో, వారిని కలవడానికి వచ్చేవారిని, ఖైదీలు ఉండే జైలు గదులు కూడా పలు సినిమాలలో కనిపిస్తాయి.

ఖైదీల జీవన విధానం, వారు చేసి పనులను మరియు వారు భోజనం కోసం వరుసలో నిలబడి ఉండడం వంటి సన్నివేశాలను కూడా కొన్ని చిత్రాలలో అందరూ చూసే ఉంటారు. అయితే ఆంధ్రప్రదేశ్, తెలంగాణ జైళ్ళలో ఉండే ఖైదీలకు ఎలాంటి ఆహారం ఇస్తారో ఇప్పుడు చూద్దాం..
భారతీయ జైళ్ళలో ఎలాంటి ఆహారం ఇస్తారనే విషయాన్ని కోరాలో అడగగా, ఒక వ్యక్తి ఆంధ్రప్రదేశ్ జైలులో ఎలాంటి ఆహారం పెడతారనే విషయం గురించి వివరించారు. అదే విధంగా ఒక వ్యక్తి తెలంగాణలో చంచల్ గూడ జైలులో ఎలాంటి ఆహారం పెడతారో గురించి ఈ విధంగా చెప్పుకొచ్చారు.
ఆంధ్ర ప్రదేశ్ జైలులో “అల్పాహారంగా ప్రతి రోజు, ఉదయం 6:30 గంటలకు పులిహోరను వడ్డిస్తారు. మధ్యాహ్న భోజనంలో అన్నం, కూరగాయలు లేని నీళ్ల సాంబారు. రోజూ ఒక్కో రకం కూర. దాదాపు 11:30 కి పెట్టారు. రాత్రి భోజనంలో రసంతో తాజాగా వండిన అన్నం, మధ్యాహ్న భోజనంలో మిగిలిన సాంబార్. దీర్ఘకాలం ఉండే ఖైదీలకు దాదాపు సాయంత్రం 5:00 గంటలకు ఒక గుడ్డు. ఆదివారం నాడు  200 గ్రాముల మటన్ లేదా కోడి కూర. కూర తూకం వేయబడుతుంది. తద్వారా ప్రతి ఒక్కరికి సమానంగా లభిస్తుంది. ఎటువంటి గొడవలు జరగవు, కూర చాలా బాగుంది. పోలీసులు మాతో కలిసి భోజనం చేస్తారు. శాఖాహారులకు ఆదివారం ప్రత్యేక కూర ఇస్తారని ఒకరు వివరించారు.
తెలంగాణ చంచల్‌గూడ జైలు లో “అల్పాహారం ప్రతిరోజూ ఉదయం 7:00 గంటలకు  చపాతీ, ఉప్మా మొదలైనవి చాలా పరిమిత పరిమాణంలో అందించబడతాయి. టీ కూడా ఇస్తారు. మధ్యాహ్నం 12:30 గంటలకు భోజనంలో అన్నం మరియు కూర సమృద్ధిగా లభిస్తాయి. జైలు క్యాంటీన్ లో ఊరగాయలు కొని, అన్నం తినడానికి, మధ్యాహ్న భోజనంతో కొన్ని స్నాక్స్ తీసుకునే వెసులుబాటు ఉంటుంది. సాయంత్రం 5:30 గంటలకు మళ్లీ కూరతో అన్నం సరిపడినంత  లభిస్తుందని” ఒక యూజర్ వివరించారు.

Also Read: నాడు బ్రిటిషర్లకే డబ్బులు అప్పు ఇచ్చిన భారతీయుడి కుటుంబం..! ఇవాళ ఎలాంటి పరిస్థితుల్లో ఉంది..?

మన భారత దేశ చరిత్రను ఎంతగా తవ్వితే.. అంత నమ్మకశ్యం కానీ విశేషాలను మనం తెలుసుకోవచ్చు. భారత్ నేడుఅభివృద్ధి చెందుతున్న దేశాల్లో ఒకటి. కానీ ఒకప్పటి భారత్ వేరు. అది ప్రపంచంలోని అత్యంత సంపన్న దేశాల్లో ఒకటి.

శతాబ్దాల క్రితం గీసిన లేదా తీసిన చిత్రాలను చూస్తే వారి వైభోగం మనకు అర్థం అవుతుంది. దేశం పరాయి పాలనలో ఉన్నప్పటికీ అపార సంపదలు కలిగిన వారిగా కొందరి పేర్లు చరిత్రలో లిఖించబడ్డాయి. వారిలో ఒకరే ముర్షిదాబాద్ కు చెందిన జగత్ సేఠ్. ఆయన్ను సేఠ్ ఫతే చాంద్ అని కూడా పిలుస్తారు.

జగత్ సేఠ్ కు ‘ది బ్యాంకర్ అఫ్ ది వరల్డ్’ అనే బిరుదు ఉంది. దీనిని 1723 లో మొఘల్ చక్రవర్తి మొహమ్మద్ షా ఇచ్చారు. 18 వ శతాబ్దంలో బెంగాల్ లోని అత్యంత ధనిక కుటుంబంగా వీరు పేరు గాంచారు.

# కుటుంబ నేపథ్యం

సేఠ్ మాణిక్ చాంద్ ఈ కుటుంబ స్థాపకుడు. వీరి పూర్వీకులు మార్వార్ నివాసులని స్థానికులు తెలిపారు.క్రీ.శ 1652లో, ఈ కుటుంబానికి చెందిన హీరానంద్ సాహు మార్వార్ నుండి పాట్నాకు మారారు.

1720లలో బ్రిటిష్ ఆర్థిక వ్యవస్థ జగత్ సేఠ్ సంపద కంటే తక్కువగా ఉండేది. అది ప్రస్తుత విలువలో సుమారు 1000 బిలియన్ పౌండ్లు లేదా అంతకంటే ఎక్కువ. బ్రిటిష్ పత్రాల ప్రకారం, ఇంగ్లాండ్‌లోని అన్ని బ్యాంకుల కంటే ఎక్కువ డబ్బు జగత్ సేఠ్ వద్ద ఉండేది.

# ఇంత సంపద ఎలా సంపాదించారు?

హీరానంద్ కుమారుడు మాణిక్‌చంద్ సాహు, బెంగాల్ మొదటి నవాబు ముర్షిద్ కులీ ఖాన్‌తో స్నేహం చేశాడు. సాహులు లేదా సేఠ్ లకు భారత దేశంలోని ప్రతి ముఖ్య నగరాల్లో కార్యాలయాలు ఉండేవి. నవాబులు మరియు బ్రిటీషర్లు ఒక ప్రదేశం నుండి మరొక ప్రదేశానికి డబ్బును బదిలీ చేయడానికి వీరి సహాయం తీసుకొనేవారు.
ఆ విధంగా పోర్చుగీస్, ఫ్రెంచ్ మరియు బ్రిటీష్ వలస శక్తులకు ఆర్థిక సహాయం చేయడం ద్వారా వారు చాలా డబ్బు సంపాదించారు.

వారి చివరి రోజుల్లో ఏం జరిగింది?

1764లో బక్సర్ యుద్ధానికి ముందు మీర్ ఖాసిం మాధవ్ రాయ్ మరియు అతని బంధువు మహారాజ్ స్వరూప్ చంద్‌ని కిడ్నాప్ చేసి, రాజద్రోహం ఆరోపణలపై కాల్చి చంపాడు. హత్యకు గురైనప్పుడు మాధవ్ రాయ్ అత్యంత ధనవంతుడు.

బ్రిటిష్ ఈస్టిండియా కంపెనీకి వ్యతిరేకంగా బెంగాల్ నవాబును నిలబెట్టిన ప్లాసీ యుద్ధంలో వారిద్దరూ బ్రిటిష్ ఈస్ట్ ఇండియా కంపెనీకి మద్దతు ఇచ్చారని చెబుతారు. వారు నవాబ్ సైన్యానికి నిధులు కూడా అందించారు.

జగత్ సేఠ్ కుటుంబం ఇప్పుడు ఎక్కడ ఉంది?

మాధవ్ రాయ్, స్వరూప్ చంద్ మరణించిన తర్వాత వారి రాజ్యం కూలిపోవడం ప్రారంభమైంది. వారు తమ ఆధీనంలో ఉన్న చాలా భూమిపై నియంత్రణ కోల్పోయారు. అంతే కాకుండా బ్రిటిష్ ఈస్ట్ ఇండియా కంపెనీ వారి నుండి తీసుకున్న డబ్బు తిరిగి చెల్లించలేదు.

దీంతో వారు కృంగిపోయారు. సాహు కుటుంబం 1900ల నాటికి ప్రజల దృష్టి నుండి అదృశ్యమైంది. జగత్ సేఠ్ నివాసం ప్రస్తుతం మ్యూజియంగా మారింది.

ఇండియాకి చెందిన నూరుల్ హాసన్ గొప్ప ఆర్టిస్ట్. కొన్ని నెలల క్రితం అమెరికాకు చెందిన ఒక ఆర్టిస్ట్ ఒకేసారి మెస్సీ మరియు డోనాల్డో ఫోటోలను డ్రా చేసి, తన యొక్క యూట్యూబ్ ఛానెల్ లో షేర్ చేశాడు. ఆ యూట్యూబ్ వీడియో క్రింద కామెంట్ సెక్షన్ లో నూరుల్ హాసన్ సార్ నేను కూడా ఇలా డ్రా చేయగలను అని కామెంట్ చేశాడు.

అయితే నూరుల్ కామెంట్ చూసిన వేరొక వ్యక్తి ‘యూ బ్లెడి ఇండియన్స్’ ఇలా చేయడం మీ వల్ల కాదు అంటూ కామెంట్ పెట్టాడు. ఇండియన్స్ తిట్టడం, తక్కువ చేసి మాట్లాడం నచ్చని నూరుల్ హాసన్ చాలా బాధ పడ్డాడు. ఆ తరువాత ఒకటి కాదు రెండు కాదు ఏకంగా ఒకేసారి నలుగురి ఫోటోలను (అబ్దుల్ కలాం, భగత్ సింగ్, సోను సూద్, విక్రమ్ బాత్రా) డ్రా చేసి, తన టాలెంట్ ఏమిటో చూపించాడు.
ఈ  ‘ఇండియన్ రియల్ లైఫ్ హీరోస్’ స్కెచ్ వర్క్‌ వీడియోని రియల్ హీరో సోనుసూద్ 2021లో ట్విట్టర్‌లో పోస్ట్ చేశారు. ఒక కళాకారుడు తనను రియల్ లైఫ్ హీరోలతో కలిపి డ్రా చేసినందుకు సోనూ సూద్ గర్వంగా భావించాడు. ఈ పోస్ట్‌ను షేర్ చేస్తున్నప్పుడు,  ‘నా అవార్డు’ అని క్యాప్షన్ కూడా ఇచ్చాడు. ఆ తరువాత నూరుల్ హాసన్ ఒకేసారి ఐదుగురి ఫోటోలను డ్రా చేసి, వరల్డ్ రికార్డుని సృష్టించారు.
ఈ గొప్ప ఇండియన్  ఆర్టిస్ట్ ‘నూరుల్ ఆర్ట్’ పేరుతో సోషల్ మీడియా వేదికలు అయిన ఇన్ స్టాగ్రామ్, ఫేస్ బుక్ లో  తాను గీసిన చిత్రాలకు సంబంధించి వీడియోలను షేర్ చేస్తుంటాడు. అంతే కాకుండా అతనికి ఒక యూట్యూబ్ ఛానెల్ కూడా ఉంది. ఆ ఛానెల్ పేరు కూడా నూరుల్ ఆర్ట్. అతని ఛానెల్ కు వేలమంది సబ్స్క్రైబర్లు ఉన్నారు.

https://www.instagram.com/p/CWGdELghV_G/

Also Read: “యశస్వి జైస్వాల్” ని ఇంటర్వ్యూ చేసిన ఈ అమ్మాయి ఎవరో తెలుసా..?