Category:

Off Beat

105 పెళ్లిళ్లు, 14 దేశాలకు అల్లుడు.. విస్తుపోయే విషయం ఏమిటంటే..

by kavitha April 25, 2023

written by kavitha

పెళ్లి అనేది చిన్న విషయం కాదు. ఇద్దరు మనుషులు ఒకటిగా మారి నూరేళ్లు కలిసి బ్రతకాల్సిన జీవితం. అందువల్లే పెళ్లి విషయంలో పెద్దలు ఎంతో ఆలోచించి, ఆచి తుచి అడుగులు వేస్తుంటారు. ప్రస్తుతం ఉన్న రోజుల్లో యువకులు ఒక్క వివాహం చేసుకోవడానికే ఎన్నో బాధలు పడుతుంటే, ఒక వ్యక్తి మాత్రం అవలీలగా 105 పెళ్లిళ్లు చేసుకుని అందరు ఆశ్చర్యపోయేలా చేశాడు.

విస్తుపోయే మరో విషయం ఏమిటంటే, ఆ వ్యక్తి ఒక్కరికి కూడా విడాకులు ఇవ్వకుండానే అంతమందిని వివాహం చేసుకున్నాడు. గిన్నిస్ వరల్డ్ రికార్డ్స్ ఆ వ్యక్తి గురించిన వీడియోను ట్విట్టర్‌లో పంచుకుంది. 105 పెళ్లిళ్లు చేసుకున్న అతని పేరు గియోవన్నీ విగ్లియోటో. సిసిలీలో ఉన్న సిరాకుసాలో 1929లో ఏప్రిల్ 3న ఆ వ్యక్తి జన్మించాడు. అయితే విచారణ టైమ్ లో ఆ వ్యక్తి తన నిజమైన పేరు నికోయ్ పెరుస్కో అని తెలిపాడు. తన అసలైన గుర్తింపు ఫ్రెడ్ జిప్ అని వెల్లడించాడు. గియోవన్నీ 1949 నుండి 1981 మధ్య కాలంలో 105 మంది మహిళలను పెళ్లి చేసుకున్నాడు. అయితే ఆ వ్యక్తి తన భార్యలకు ఒకరి గురించి ఇంకొకరికి తెలియకుండా చూసుకున్నాడు. ఈ క్రమంలో అమెరికాలోని రాష్ట్రాలలో మాత్రమే కాకుండా పద్నాలుగు వేరే దేశాలలోని మహిళలను కూడా వివాహం చేసుకున్నాడు. పెళ్లి చేసుకున్న ప్రతిసారీ నకిలీ పత్రాలతో, పేర్లు మార్చుకుని సదరు మహిళలతో పరిచయం చేసుకునేవాడు. కొంతకాలం తరువాత ప్రపోజ్ చేయడం, వివాహం చేసుకునేవాడు. పెళ్లి చేసుకున్న కొన్ని రోజుల తరువాత దూర ప్రదేశంలో ఉద్యోగం చేస్తున్నానని, అక్కడికి వెళ్లాలని చెప్పేవాడు.
ఆ తరువాత ఆమెకు సంబంధించిన డబ్బు, నగలను, ఖరీదైన వస్తువులను తీసుకుని పారిపోయేవాడు. పోలీసులకు దొరికే దాకా ఇదే పద్ధతిని కొన్నేళ్ళ పాటు కొనసాగించాడు. ఆఖరికి 1981లో డిసెంబర్ 28న గియోవన్నీ విగ్లియోటో పోలీసులకి దొరికాడు. కోర్టు అతడు చేసిన నేరానికి ముప్పై నాలుగు సంవత్సరాల జైలు శిక్ష విధించడంతో పాటుగా, 336,000 డాలర్ల జరిమానా విధించింది. 105 పెళ్లిళ్లు చేసుకుని, అంత మంది యువతులను మోసం చేసిన గియోవన్నీ విగ్లియోటో 61 ఏళ్ల వయస్సులో 1991లో మెదడులో రక్తస్రావం జరిగి, కన్నుమూశాడు.Also Read: తన చావుకి తానే ఏర్పాట్లు చేసుకున్నాడు..! ఇతని కథ వింటే కన్నీళ్లు ఆగవు..!

April 25, 2023

భర్తలు భార్యలకంటే పెద్ద వారు అయ్యి ఉండాలి అంటారు… కానీ చిన్నవారిని చేసుకుంటే ఇన్ని లాభాలు ఉన్నాయా..?

by Anudeep April 24, 2023

written by Anudeep

ప్రతి ఒక్కరి జీవితం లోను కళ్యాణం అనేది ఓ మధుర ఘట్టం. పెళ్లితో చాలా మార్పులు వస్తాయి. పెళ్లి అనేది ప్రతి ఒక్కరి జీవితంలో చాలా ముఖ్యమైనది పెళ్లితో రెండు మనసులు దగ్గరవుతాయి. రెండు కుటుంబాలు ఒకటి అవుతాయి. అయితే చాలా మంది కలలు కన్నట్లు.. వాస్తవ జీవితం మాత్రం అలా ఎప్పటికీ ఉండదు.

ఈ బంధం ఇద్దరు మనుషుల మధ్య నిబద్ధత, ఇది వారిని జీవితాంతం ఒకరికొకరు అనుబంధంగా ఉంచుతుంది. ప్రతి సుఖం, దుఃఖంలో కలిసి నిలబడటానికి హామీ ఇస్తుంది. అయితే ప్రతి బంధం లోను ఎన్నో ఇబ్బందులు వస్తూ ఉంటాయి. ఒక బంధం స్ట్రాంగ్ గా ఉండాలంటే దానికి ఎన్నో అంశాలు దోహదం చేస్తాయి. ఇప్పుడు అటువంటి విషయాల గురించి చర్చించుకుందాం..

మన సమాజం లో పెళ్ళికి ఎన్నో కట్టుబాట్లు విధించారు. అమ్మాయి అబ్బాయి కంటే వయసులో చిన్నదై ఉండాలి అనేది ఇందులో ఒకటి. కానీ ఒక బంధం లో ఒకరిపై ఒకరికి నమ్మకం, ప్రేమ ఉన్నప్పుడు వయసు అనేది పట్టించుకోవాల్సిన అంశం కాదు. ఈ నేపథ్యం లోనే ప్రస్తుత కాలం లో కొందరు మహిళలు తమకంటే చిన్నవారిని పెళ్లి చేసుకోవడానికి మొగ్గు చూపిస్తున్నారు. ఇప్పుడు దానికి కారణాలేంటో చూద్దాం..

తమకంటే తక్కువ వయసు ఉన్నవారిని పెళ్లి చేసుకోవడం వల్ల.. అమ్మాయిలు కూడా తమ భాగస్వామి వయసుతో కలిసి చలాకీగా ఉండగలుగుతారు.

భాగస్వామి తనకంటే చిన్నవాడు అయినప్పుడు.. ఇంట్లో నిర్ణయాలు తీసుకొనే అనుభవం, అధికారం ఆడవారికి ఎక్కువగా ఉంటాయి. అంతేకాకుండా ఒక మహిళ వివాహబంధంలో తలెత్తే సమస్యలను చాకచక్యంగా పరిష్కరించగలుగుతారు. అందువలన, వీరిద్దరి మధ్య అవగాహన మరింత పెరుగుతుంది. వివాహబంధం పదిలంగా ముందుకు సాగుతుంది.

ఒక మహిళ తన రంగం ఒక మంచి పోసిషన్ కి చేరినపుడు తనకన్నా పెద్దవారిని చేసుకొనే అవకాశాలు చాలా తక్కువగా ఉంటాయి. వారికి అప్పటికే పెళ్లి అయ్యి ఉండవచ్చు. అందుకే తమని, తమ వృత్తిని స్వీకరించగలిగే వ్యక్తిని వయసుతో సంబంధం లేకుండా పెళ్లి చేసుకొనేందుకు ఇష్టపడతారు.

తమకన్నా పెద్దదైన ఒక మహిళను వివాహం చేసుకున్న పురుషుడు ఆ బంధాన్ని గౌరవించడం మొదలుపెడతాడు. తమ బంధానికి విలువనిస్తాడు. అహంకారపూరిత నిర్ణయాలు తీసుకొనేందుకు ఆస్కారం ఉండదు.

మరో ముఖ్య కారణం ఏంటంటే..యవ్వనంలో ఉన్న పురుషుడు ఆశావాద దృక్పథంతో ఉంటాడు. అందువలన, వారితో వివాహబంధంలోకి అడుగుపెట్టినప్పుడు సాధారణంగా వివాహ జీవితంలో ఎదురయ్యే కాంప్లికేషన్స్ అనేవి ఎదురవవు. వారు తమ భార్యను అర్థం చేసుకుంటారు.

తమ జీవిత భాగస్వామి తనకంటే పెద్దది అయినపుడు పరిణితి లేకుండా నిర్ణయాలు తీసుకోవడం అనేది తక్కువ సందర్భాల్లో జరుగుతుంది. ఆమె నిర్ణయాలపై ఆ పురుషుడికి నమ్మకం ఉంటుంది.

April 24, 2023

Information Off Beat

ప్రపంచంలోనే విలువైన నెక్లెస్ ని ధరించిన అంబానీ కోడలు..!! దాని విలువ ఎంతో తెలుసా..??

by Anudeep April 24, 2023

written by Anudeep

ప్రపంచ కుబేరుల స్థానం లో చోటు దక్కించుకున్న ముఖేష్ అంబానీ గురించి తెలియని వారు ఉండరు. లక్షల కోట్ల రిలయన్స్‌ ఇండస్ట్రీస్‌ సామ్రాజ్యానికి అధిపతి.. ఆయన వ్యాపారాలు దేశంలోని ప్రతి మూల నుంచి విదేశాలకు విస్తరించాయి. అత్యంత ధనవంతుల కుటుంబం అయిన అంబానీ కుటుంబం చాలా విలాసవంతంగా జీవిస్తారు.

ప్రపంచంలోనే అత్యంత ఖరీదైన వస్తువులను వీరు రోజువారీగా ఉపయోగిస్తుంటారు. ముకేశ్ అంబానీ భార్య నీతా అంబానీ, కొడుకు ఆకాష్ అంబానీ, శ్లోకా మెహతాల కార్లు, బ్యాగులు.. ధరించే దుస్తులు, తాగే టీ కప్పుల నుండి ప్రతి వస్తువు అత్యంత ఖరీదైనవై, అరుదైనవి. అయితే ఇప్పుడు అంబానీ కోడలు శ్లోకా మెహతా నెక్లేస్ సంబంధించిన వివరాలు తెలుసుకుందాం.

శ్లోకా మెహతా దేశంలోనే పేరుగాంచిన వజ్రాల వ్యాపారి రాసెల్ మెహతా కూతురు. అంబానీ, రాసెల్ మెహతా కుటుంబానికి గతంలో వ్యాపార సంబంధాలు ఉండేవి. ఆకాష్ అంబానీ, శ్లోకా మెహతా తమ విద్యను ధీరుబాయ్ అంబానీ ఇంటర్నేషనల్ స్కూలో పూర్తి చేశారు. ఆ తర్వాత వీరి పరిచయం పెళ్లివరకు వెళ్లింది. పెద్దల సమ్మతితో ఇద్దరూ ఒక్కటయ్యారు.

అయితే పెళ్లి రోజున నీతా అంబానీ తన కోడలికి 450 కోట్ల విలువైన నెక్లేస్ ని బహుమతిగా ఇచ్చారు. లెబనీస్ నగల వ్యాపారి మౌవాద్ ఈ నెక్లస్ ని రూపొందించారు. ఇందులో ప్రపంచం లోనే పెద్దదైన 407 కేరట్ల పసుపు రంగు వజ్రంతో పాటు, 91 తెలుపు డైమండ్స్ (200 కేరట్లు) రోజ్ గోల్డ్ చైన్ తో కలిపి ఉన్నాయి. ఇది సింగిల్ పీస్. దీన్ని డిజైన్ చెయ్యడం కూడా సాధ్యం కాదు అని తెలుస్తోంది. అయితే ఈ నెక్లెస్ కి గిన్నిస్ రికార్డు కూడా ఉంది.

ఈ నెక్లెస్ లో ఉపయోగించిన పసుపు రంగు వజ్రాన్ని 1980లలో ఆఫ్రికన్ కాంగోలో మైనింగ్ శిథిలాల నుంచి కనుగొన్నారు. ఈ వజ్రం మ్యూజియంలలో ప్రదర్శించబడటానికి ముందు, మౌవాద్ దాని నుండి అద్భుతమైన ఆభరణాలను చెక్కాడు. నెక్లెస్ డిజైన్ చేసిన తర్వాత, 2013లో దోహా జ్యువెలరీ అండ్ వాచ్ ఎగ్జిబిషన్‌లో దీన్ని తొలిసారిగా ఆవిష్కరించారు.

Behold the most expensive necklace ever created ― The L'Incomparable Diamond Necklace, only made possible by Mouawad. #Mouawad #MouawadDiamondHouse #RareJewels #Diamond #GuinnessWorldRecord https://t.co/0dlypdX1MH pic.twitter.com/Zf28a5CWa1

— Mouawad (@mouawad) August 2, 2018

April 24, 2023

Off Beat

ఫ్యాన్ వేగం తగ్గిపోయిందా..? కేవలం 70 రూపాయల ఖర్చుతో స్పీడ్ ను పెంచే సింపుల్ టిప్..!

by kavitha April 23, 2023

written by kavitha

సాధారణంగా ప్రతి ఇంటిలోను ఫ్యాన్ ఉంటుంది. ఇక ఎండకాలంలో కూలర్, ఏసీ లాంటివి కొనుగోలు చేయలేనివారు ఫ్యాన్‌తోనే సరిపెట్టుకుంటారు. ఆ క్రమంలో ఫ్యాన్‌ ఎక్కువ రోజులు ఆన్‌లో ఉండటంతో ఫ్యాన్ వేగం తగ్గడం జరుగుతుంది. ఇది కూడా సాధారణంగా ఎదురయ్యే సమస్యే. ఇక సమ్మర్ లో ఫ్యాన్ వేగంగా తిరగకపోతే అదొక పెద్ద సమస్య అని చెప్పవచ్చు.

ఫ్యాన్ స్పీడ్ ను 5 నంబర్ లో పెట్టినప్పటికి 1 నంబర్ లో ఉన్నట్లే తిరుగుతుంది. ఈ సమస్య వల్ల వేసవి కాలంలో సరిపడా గాలి రాదు. ఇలా కావడానికి ఎన్నో కారణాలు ఉండవచ్చు. ఫ్యాన్ బ్లేడ్‌లకు బాగా దుమ్ము పట్టి ఉండటం కూడా స్పీడ్ తగ్గడానికి కారణం కావచ్చు. దుమ్ము కూడా ఫ్యాన్ నుండి వచ్చే గాలి ప్రసరణను ప్రభావితం చేస్తుంది.
ఫ్యాన్ బ్లేడ్లను శుభ్రం చేసేముందు స్విచ్ ఆఫ్ చేయడం అస్సలు మర్చిపోవద్దు. ఫ్యాన్‌ ఆఫ్ అయిన తర్వాత, ముందుగా పొడి గుడ్డతో ఫ్యాన్ బ్లేడ్‌లను శుభ్రం చేసి, ఆ తరువాత తడి గుడ్డతో శుభ్రపరచాలి.
ఇలా చేసిన తరువాత పని చేయనట్లైతే, ఫ్యాన్ వేగాన్ని పెంచడం కోసం కెపాసిటర్‌ను మార్చవచ్చు. కెపాసిటర్ సాధారణంగా 70 నుండి 80 రూపాయల మధ్య ఉంటుంది. కెపాసిటర్ ను ఈ-కామర్స్ వెబ్ సైట్లలో కొనుగోలు చేయవచ్చు. అలాగే ఎలక్ట్రిక్ షాప్ లో కూడా లభిస్తుంది.
ఇక కెపాసిటర్‌ని మార్చడం అనేది కష్టమైన విషయం కాదు. మీరే మార్చవచ్చు. కెపాసిటర్‌ ఫ్యాన్ మోటర్ మీద ఉంటుంది. ఇక పాత కెపాసిటర్‌ను తొలగించేముందు దానికి ఉన్న వైర్లు ఎలా ఉన్నాయో గమనించాలి. ఆ తరువాత సరిగ్గా అలాగే కొత్త కెపాసిటర్‌ను సెట్ చేయాలి. ఆ తరువాత ఫ్యాన్ ఆన్ చేసి, వేగంగా తిరగడాన్ని గమనించవచ్చు.
Also Read: “లావుగా ఉన్న అమ్మాయిని పెళ్లి చేసుకోవడానికి అబ్బాయిలు ఎందుకు ఇష్టపడరు..?” అని ఒక అమ్మాయి అడిగిన ప్రశ్నకి… ఆ అబ్బాయి చెప్పిన సమాధానం వింటే షాక్ అవ్వాల్సిందే..!

April 23, 2023

Information Off Beat

మీ ఫ్రిడ్జ్ కి.. గోడకి దూరం ఎంత ఉందో చూసారా..?? కరెంటు బిల్ తగ్గాలంటే ఇలా చెయ్యండి..!!

by Anudeep April 22, 2023

written by Anudeep

ఈ రోజుల్లో ఫ్రిడ్జ్ లేని ఇల్లు ఉండడం ఆశ్చర్యమే. దాదాపుగా అందరు ఫ్రిడ్జ్ వాడుతున్నారు. ఫ్రిడ్జ్ లలో కూడా రకరకాల మోడల్స్ వస్తున్నాయి. ఇదివరకు కాలం లో ప్రతి ఒక్కరూ ఆహారాన్ని ఒక క్రమ పద్ధతిలో సమయానికి చేసుకొని తినేవారు.కానీ ఇప్పుడు పరిస్థితి అందుకు భిన్నంగా ఉంది. ఈ ఆధునిక కాలం లో అప్పటికప్పుడు వంట చేసుకొని తినడం కుదరట్లేదు. సో అందరూ ఫ్రిడ్జ్ ని తప్పనిసరిగా కొంటున్నారు.

ఫ్రిజ్ కొనాలి అనే నిర్ణయానికి రాగానే ముందుగా ఎవరైనా ఆలోచించేది ఇంట్లో దాన్ని ఎక్కడ ఉండాలి అనే. ఫ్రిజ్ చాలా ప్లేస్ ఆక్రమిస్తుంది. ఎక్కడ బడితే అక్కడ దాన్ని ఉంచలేం. చాలా మంది వంటగదికీ, హాల్‌కీ అందుబాటులో ఉండేలా దాన్ని ఉంచుతారు. అయితే ఫ్రిడ్జ్ ని ఎక్కడ పడితే అక్కడ పెట్టకూడదని నిపుణులు చెబుతున్నారు. దాని వల్ల చాలా కరెంటు వృధా అవుతుంది.

చాలా మంది ఫ్రిడ్జ్ ని గోడకు అనుకున్నట్లుగా, అతుక్కొని ఉన్నట్లుగా ఉంచుతారు. అలా ఉంచకూడదని నిపుణులు చెబుతున్నారు. గోడకూ, ఫ్రిజ్‌కీ కనీసం 10 అంగుళాల దూరం ఉండాలని సూచిస్తున్నారు. సాధారణం గా ఫ్రిడ్జ్ చల్లబడటానికి టైం పడుతుంది. ఈ శీతలీకరణ ప్రక్రియలో, గ్రిల్ ద్వారా లోపల నుండి వేడి విడుదల అవుతుంది. ఫ్రిజ్‌ను నేరుగా గోడకు కనెక్ట్ చేయకపోవడానికి ఇదే కారణం. రిఫ్రిజిరేటర్‌ను పూర్తిగా గోడకు ఆనుకుని ఉంచినట్లయితే, వేడి గాలి సరిగా బయటకు రాదు. ఎప్పుడైతే వేడి పోయేందుకు అవకాశం ఉండదో.. లోపలి వేడి సరిగా పోదు. దాంతో క్రమంగా కూలింగ్ తగ్గిపోతుంది.

కొన్ని ఫ్రిజ్‌లు ఆటోమేటిక్‌గా సర్దుబాటు చేసుకుంటాయి. అంటే.. వేడి బయటకు పోకపోతే.. దాన్ని చల్లార్చేందుకు మరింత ఎక్కువగా కరెంటును వాడుకుంటాయి. గోడకు దూరంగా ఉంచితే.. వేడి గాలి తేలికగా బయటకు పోతుందని నిపుణులు చెబుతున్నారు. ఫ్రిజ్‌ను లోపలి నుండి చల్లబరచడానికి ఎక్కువ సమయం పడుతుంది. దీనివల్ల ఎక్కువ కరెంట్‌ ఖర్చు అవుతుంది. అంతే కాకుండా ఫ్రిజ్‌ను నేరుగా హీటర్ లేదా ఇతర వేడిని ఉత్పత్తి చేసే వస్తువలకు దగ్గర ఉంచకూడదు. దీనివల్ల ఫ్రిజ్ లోపలి నుండి తడిగా ఉండటం ఐస్ తయారవుతుంది. అలా జరిగితే మీ ఫ్రిజ్‌లో పదార్థాలు కూడా పాడయ్యే ప్రమాదం ఉంది.

April 22, 2023

Off Beat

రైలు పట్టాల పక్కన ఈ అల్యూమినియం బాక్స్ ని గమనించారా? అది మనల్ని ఎలా కాపాడుతుందో తెలుసా.?

by Megha Varna April 22, 2023

written by Megha Varna

రైలు ప్రయాణాలు మనకి కొత్తేమి కాదు. ఎంతో హుషారు గా కిటికీ పక్కన కూర్చుని రైల్లో వెళ్ళడానికి మనందరం ఇష్టపడతాం. అదే సమయం లో రైలు పట్టాలకు పక్కాగా ఓ అల్యూమినియం బాక్స్ ఉంటుంది. దీనిని ఎప్పుడైనా గమనించారా..? ఈ బాక్స్ లు ఏమిటి..? వాటిని ఎందుకు ఉపయోగిస్తారు అన్న విషయాలు మనం ఇప్పుడు తెలుసుకుందాం.

మనం రోబో సినిమా చూసాం కదా. అందులో రోబోట్ ట్రైన్ లో ఫైట్ చేస్తున్న సమయం లో ఛార్జ్ అయిపోతుంది. అదే టైం లో రైలు పట్టాల పక్కన పడిపోయిన రోబో అల్యూమినియం బాక్స్ లో నుంచి ఓ వైర్ ను తీసుకుని ఛార్జింగ్ పెట్టుకున్నట్లు చూపిస్తారు. సినిమా కోసం ఈ బాక్స్ ని అలా వాడినప్పటికీ.. అసలు ఈ బాక్స్ లను వేరే అవసరం కోసం పెట్టారు. ఈ అల్యూమినియం బాక్స్ లను ఆక్సిల్ కౌంటర్లు అంటారు. ఇందులో కమ్యూనికేషన్ కేబుల్స్ ఉంటాయి. ఇవి వచ్చి పోయే రైళ్ల సమాచారాన్ని రైల్వే డిపార్ట్మెంట్ కు అందిస్తాయి. రైలు పట్టాలకు పక్కాగా.. ప్రతి ఐదు, ఆరు కిలోమీటర్లకు ఒక చోట ఈ బాక్స్ లను ఏర్పాటు చేస్తారు. వీటిని లొకేషన్ బాక్స్ లు అని కూడా పిలుస్తారు.

ఈ బాక్స్ లు వచ్చి పోయే రైళ్ల సమాచారాన్ని గుర్తించగలుగుతాయి. ఇవి ఎలా పని చేస్తాయో ఓ సారి చూద్దాం. ఈ అల్యూమినియం బాక్స్ లను తెరిచి చూస్తే, అందులో ఒక డివైస్ ఉంటుంది. ఈ డివైస్ కు రైలు పట్టాల మధ్య ఉండే మరో డివైస్ తో వై-ఫై కనెక్షన్ ను కలిగి ఉంటుంది. రైలు పట్టాల మధ్య ఉండే డివైస్ పట్టాల మీదనుంచి రైళ్లు వెళ్ళినపుడు ఆ రైలు కు ఎన్ని బోగీలు ఉన్నాయో గుర్తిస్తుంది. సాధారణం గా రైలు చక్రాలకు మధ్య ఆక్సిల్స్ ఉంటాయి. ఇలా ఒక్కొక్క బోగీకి నాలుగు ఆక్సిల్స్ ఉంటాయి. ఈ లెక్కన ఒక రైలు కు పది బోగీలు ఉన్నాయనుకుంటే.. ఆ రైలు కు నలభై ఆక్సిల్స్ ఉన్నాయని అర్ధం.

రైలు పట్టాలకు అమర్చబడిన డివైస్ లు ఈ ఆక్సిల్స్ ను కౌంట్ చేసి, ఆ సమాచారాన్ని లొకేషన్ బాక్స్ కు పంపిస్తుంది. ఈ ఆక్సిల్స్ ను బట్టి ఎన్ని బోగీల రైలు పట్టాల మీద నుంచి వెళ్ళింది అనే సమాచారాన్ని ఈ అల్యూమినియం బాక్స్ సేకరిస్తుంది. ఈ సమాచారాన్ని.. మరో ఐదు, ఆరు కిలోమీటర్ల దూరం లో ఉన్న అల్యూమినియం బాక్స్ కి పంపిస్తుంది.

ఆ అల్యూమినియం బాక్స్ కూడా ఇదే విధం గా ఎన్ని బోగీలు వెళ్ళాయో సమాచారం సేకరిస్తుంది. ఒకవేళ రావాల్సిన బోగీల కంటే తక్కువ బోగీలు వస్తే.. వెంటనే ఈ సమాచారం రైల్వే అధికారులకు వెళ్ళిపోతుంది. వెంటనే వారు, ఏ రైలు కు బోగి మిస్ అయిందో గుర్తించి ఆ రైలుని తరువాత స్టేషన్ లో ఆపివేస్తారు. క్షేత్ర పర్యటన చేసి సమస్య ఎక్కడ ఉందొ తెలుసుకుని పరిష్కరిస్తారు.

అన్ని రైళ్లను భద్రం గా నడపడం కోసమే.. ఈ వ్యవస్థను ఏర్పాటు చేసారు. ఈ లొకేషన్ బాక్స్ ల వ్యవస్థ రైలు ప్రమాదాలను గుర్తించడం లో రైల్వే అధికారులకు ఎంతగానో సాయం చేస్తుంది.

April 22, 2023

Filmy Adda Off Beat

సినిమాల్లో హీరో హీరోయిన్లు వేసుకున్న “కాస్ట్యూమ్స్” ని..సినిమా తర్వాత ఏం చేస్తారో తెలుసా?

by Mohana Priya April 22, 2023

written by Mohana Priya

సినిమాలో హీరో హీరోయిన్లు ఎన్నో రకాల డ్రస్సులు వాడతారు. అవి ఒకవేళ కొత్తగా ఉండి జనాలకి నచ్చితే కొన్నాళ్ళ వరకూ ఆ కాస్ట్యూమ్స్ ట్రెండ్ అవుతాయి. అలాంటి మోడల్ లో ఎన్నో చోట్ల డ్రెస్సులు వస్తాయి. ఈమధ్య ఆన్లైన్లో ఆర్డర్ చేసి అచ్చం మనకి నచ్చిన యాక్టర్ వాడిన కాస్ట్యూమ్ లాంటి డ్రెస్సులే డిజైన్ చేయించుకోవచ్చు. కానీ మన హీరో హీరోయిన్లు ఆ కాస్ట్యూమ్స్ వాడేసిన తర్వాత ఏం చేస్తారో తెలుసా.

అంతకుముందు హీరో హీరోయిన్ ల కోసం ఎంత ఖరీదు పెట్టి కాస్ట్యూమ్స్ ప్రత్యేకంగా డిజైన్ చేసే వాళ్ళు. కొంతమంది యాక్టర్లకి వాళ్లకు ఏమైనా డ్రస్సులు నచ్చితే వాళ్ళతో పాటే తీసుకెళ్ళిపోతారు. ఇంకొంతమంది చారిటీ లో ఈ డ్రెస్సులను వేలం వేస్తారు.

దూకుడు సినిమా కోసం మహేష్ బాబు కి, సమంతకి ప్రత్యేకంగా కొన్ని కాస్ట్యూమ్స్ డిజైన్ చేశారు. సినిమా అయిపోయిన తర్వాత సమంత ఆ సినిమాలో మహేష్ బాబు వాడిన కాస్ట్యూమ్స్ ని వేలం వేసి వచ్చిన డబ్బులను చారిటీకి ఉపయోగించింది. అంతేకాకుండా గబ్బర్ సింగ్ సినిమాలో పవన్ కళ్యాణ్ వాడిన పోలీస్ కాస్ట్యూమ్ కూడా ఒక స్వచ్ఛంద సంస్థ కు సహాయం చేయడం కోసం వేలం వేసింది.

కానీ ఇప్పుడు అలా హీరో హీరోయిన్ల కోసం ప్రత్యేకంగా కాస్ట్యూమ్స్ డిజైన్ చేయడం అనేది తగ్గింది. యాక్టర్ ల కి ప్రత్యేకంగా పర్సనల్ స్టైలిస్ట్ ఉంటారు. ఆ హీరో లేదా హీరోయిన్ ఎలాంటి దుస్తులలో సౌకర్యంగా ఉంటారో ఎలాంటి వైతే వాళ్లకి సూట్ అవుతాయో పర్సనల్ స్టైలిస్ట్ల కి బాగా తెలుస్తుంది. అందుకే చాలా వరకు వాళ్లే సినిమాలో ఆ యాక్టర్ యొక్క పాత్రకి కూడా కాస్ట్యూమ్ లను నిర్ణయిస్తారు.

ఒకవేళ సినిమాలో ఏదైనా ప్రత్యేక సందర్భం ఉండి స్పెషల్ గా ఉండే దుస్తులు కావాలి అనుకుంటే ప్రముఖ డిజైనర్ ల నుండి అద్దెకి తెచ్చుకుంటారు. మళ్లీ షూటింగ్ అయిపోగానే దుస్తులు డిజైనర్ కి తిరిగి ఇచ్చేస్తారు. అలా అయితే ఎక్కువ ఖర్చు కూడా అవ్వదు, తర్వాత ఆ దుస్తులను వేరే వాళ్లు మళ్లీ వాడుకోవచ్చు.

ఉదాహరణకి అల వైకుంఠ పురం లో సినిమా లో రాములో రాముల పాట లో పూజా హెగ్డే వేసుకున్న డ్రస్సు అలా అద్దెకి తీసుకున్నదే. ప్రముఖ డిజైనర్ మనీష్ మల్హోత్రా ఆ డ్రెస్ ను డిజైన్ చేస్తే, ఆ సినిమా కి పూజా హెగ్డే కి స్టైలిస్ట్ గా చేసిన అశ్విన్ మావ్లే ఆ డ్రెస్సు ను సెలెక్ట్ చేసి రెంట్ కి తీసుకువచ్చి మళ్లీ డ్రెస్సు కి ఏమీ కాకుండా తిరిచ్చేసే బాధ్యతను మొత్తం చూసుకున్నారు.

ఒకవేళ చారిత్రక నేపథ్యం ఉన్న సినిమా అంటే కచ్చితంగా దుస్తులు డిజైన్ చేయాల్సిందే. అలా డిజైన్ చేసిన దుస్తులను కొంతమంది సినిమా అయిపోయిన తర్వాత పక్కన పెట్టేస్తారు. కొంతమంది ఆ సినిమా పేరు మీద స్పెషల్ కలెక్షన్ అని చెప్పి ఆ దుస్తులను మార్కెట్లో విడుదల చేస్తారు. కొన్ని ప్రొడక్షన్ హౌసెస్ కాస్ట్యూమ్ లను తదుపరి సినిమాలు హీరోయిన్లకు వాడడం లేదా బ్యాక్ గ్రౌండ్ డ్యాన్సర్ లకు వాడడం చేస్తారు.

దానికి ఒక ఉదాహరణ ఏంటి అంటే బృందావనం సినిమా లో కాజల్ వేసుకున్న ఒక డ్రెస్సు మిస్టర్ పర్ఫెక్ట్ సినిమాలో ఒక పాటలో బ్యాక్ గ్రౌండ్ డ్యాన్సర్ కి ఉంటుంది. ఈ రెండు సినిమాలకి ప్రొడ్యూసర్ దిల్ రాజు. అదే కాకుండా రారండోయ్ వేడుక చూద్దాం లో రకుల్ వేసుకున్న డ్రస్సు ఒకటి రంగులరాట్నం సినిమా లో హీరోయిన్ ఒక పాట లో వేసుకుంటుంది. ఈ రెండు సినిమాలకి ప్రొడ్యూసర్ అన్నపూర్ణ స్టూడియోస్.

ఇవే కాకుండా మనకి తెలియకుండా చాలా సినిమాల్లో వేరే వాళ్లు వేసుకున్న తర్వాత రిపీట్ అయ్యే డ్రెస్సులు ఉంటూనే ఉంటాయి. హీరోల విషయానికి వస్తే వాళ్లు వేసుకునేవి దాదాపు బ్రాండెడ్ దుస్తులే. అవి ఆన్లైన్ లో అందుబాటులో ఉంటాయి. సరిలేరు నీకెవ్వరు లో మహేష్ బాబు వేసుకున్న దుస్తులన్నీ తన సొంత బ్రాండ్ అయిన హంబుల్ అండ్ కో లోవి.

అల్లు అర్జున్ జూనియర్ ఎన్టీఆర్ కూడా క్యాజువల్ వేర్ దుస్తులను తమ కోసం ప్రత్యేకంగా డిజైన్ చేయించుకోకుండా ఆల్రెడీ ఉన్న బ్రాండెడ్ దుస్తులనే వేసుకుంటారు. హీరోయిన్లకే కాదు హీరోలకి కూడా స్టైలిస్ట్ లు ఉంటారు.

మహేష్ బాబు కి అక్షయ్ త్యాగి, జూనియర్ ఎన్టీఆర్ కి అశ్విన్ మావ్లే, అల్లు అర్జున్ కి హర్మన్ కౌర్ వీళ్లు హీరోలకి వ్యక్తిగతంగానే కాకుండా సినిమాల్లో కూడా స్టైలింగ్ చేస్తారు.అలా సినిమాల్లో హీరో హీరోయిన్లు తమ కాస్ట్యూమ్ లను ఏర్పాటు చేయించుకుంటారు.

April 22, 2023

Off Beat

ఎంతో పాపులర్ అయిన “అంబాసిడర్” కార్ ఇండియాలో ఎందుకు ఫెయిల్ అయ్యింది..? కారణాలు ఇవేనా..?

by Anudeep April 19, 2023

written by Anudeep

అంబాసిడర్ కార్ అందరికీ గుర్తుండే ఉంటుంది. ఈ కార్ భారత ఆటోమొబైల్ మార్కెట్లో కారులకు కింగ్ అని చెప్పవచ్చు. ఒకప్పటి కాలంలో అంబాసిడర్ కారు ఎవరి దగ్గర ఉంటే వారిని గొప్ప ధనవంతులు గా పేర్కొనేవారు. రాజకీయ నాయకుల నుండి పరిపాలనలో ఉన్న వ్యక్తుల వరకు అప్పట్లో విస్తృతంగా ఉపయోగించారు. ఇప్పటికీ చాలా మంది ఈ కారును ఉపయోగిస్తున్నారు.

హిందూస్థాన్ మోటార్స్ 1957లో అంబాసిడర్ కారును విడుదల చేసింది. ఇది బ్రిటిష్ కారు ఆధారంగా రూపొందించబడింది. ఈ కారు 80ల వరకు ప్రజల హృదయాలను ఏలింది. అయితే మారుతీ సుజుకీ వచ్చిన తర్వాత దాని ఆదరణ తగ్గింది. దీంతో 2014లో ఈ కారు ఉత్పత్తిని హిందుస్థాన్ మోటార్స్ నిలిపివేసింది. అయితే ఈ కార్ల ఉత్పత్తి నిలిపేయడానికి గల కారణాలేంటో ఇప్పుడు చూద్దాం..

హిందూస్తాన్ మోటార్స్ తయారు చేసిన ‘అంబాసిడర్’ భారతీయ ఆటోమేటివ్ చరిత్రలోనే అత్యంత ఎక్కువగా అమ్ముడైన ఉత్పత్తి అయిన కారుగా నిలిచింది. రోడ్ల రారాజుగా పిలువబడే అంబాసిడర్ భారతదేశపు మొట్టమొదటి డీజిల్ కారు. అయితే ఇన్ని ప్రత్యేకతలు ఉన్న అంబాసిడర్ కార్ మారుతున్న కాలం తో పోటీ పడలేకపోయింది. దాని ఇంజిన్ ని కూడా పాతదే వాడేవారు.

అయితే ఆ తర్వాత మార్కెట్ లోకి మారుతీ 800 వంటి కార్లు రావడం తో.. అంబాసిడర్ ని పక్కకి పెట్టేసారు ప్రజలు. రాను రాను అంబాసిడర్ కి మెయింటెనెన్స్ ఎక్కువ కావడం, ఇంజిన్ సౌండ్ పెరగటం వాటి సమస్యలు రావడం మొదలైంది. డిమాండ్ తగ్గటం తో హిందుస్థాన్ మోటార్స్ వీటి ఉత్పత్తిని నిలిపేసింది. కానీ దానికి గల కారణాలను వెతికే ప్రయత్నం చెయ్యలేదు. అలాగే మార్కెటింగ్ విషయం లో కూడా ఈ సంస్థ వెనుక బడటం తో అంబాసిడర్ పతనం ప్రారంభమైంది.

అప్పట్లో ఈ కార్లను ఎక్కువగా ప్రభుత్వమే కొనుగోలు చేసింది. ఆ కాలం లో ప్రభుత్వ అధికారులు, నాయకులూ ఈ కార్లలోనే తిరిగే వారు. ప్రస్తుతం ఈ కార్లు కోల్కతా లో క్యాబ్ లుగా నడుస్తున్నాయి. అయితే లాభాలు వచ్చిన ప్రతిసారి హిందూస్తాన్ సంస్థ ప్రొడక్షన్ పెంచేది కానీ.. అంబాసిడర్లను మోడర్నైజ్ చెయ్యాలి అనుకోలేదు. దీంతో మార్కెట్లోని ఇతర కార్ల వైపు వినియోగదారులు మొగ్గు చూపారు.

ఇక ప్రస్తుతం అంబాసిడర్ ఎలక్ట్రానిక్ కార్లు రానున్నట్టు వార్తలు వస్తున్నాయి. హింద్ మోటార్ ఫైనాన్షియల్ కార్పొరేషన్ ఆఫ్ ఇండియా, ప్యుగోట్ సంస్థలు ఈ సరికొత్త అంబాసిడర్‌కు సంయుక్తంగా రూపకల్పన చేస్తున్నాయి. మరి దీంతో అయినా అంబాసిడర్ కి పూర్వ వైభవం వస్తుందేమో చూడాలి..

April 19, 2023

Off Beat

మనిషి మరణించే 30 సెకండ్ల ముందు ఏమి జరుగుతుందో తెలుసా..?

by Mohana Priya April 19, 2023

written by Mohana Priya

జీవితంలో మనిషికి ముఖ్యమైనవి రెండే రెండు రోజులు. ఒకటి తను ప్రపంచంలోకి అడుగుపెట్టిన రోజు. ఇంకొకటి తను ప్రపంచాన్ని వదిలి వెళ్ళిపోయిన రోజు. అంటే జననం ఇంకా మరణం. పుట్టిన తర్వాత బారసాల అన్నప్రాసన, చనిపోయిన తర్వాత అంత్యక్రియలు మనిషి ప్రమేయం లేకుండానే జరిగిపోతాయి.

మరణం ఆసన్నమైన సమయం లో ఎవరు మాట్లాడలేకపోతు ఉంటారు. వారేమైనా చెప్పాలనుకున్నా కొన్ని సార్లు చెప్పలేకపోతారు. నిశ్శబ్దం గా లోకాన్ని వీడి వెళ్లిపోతుంటారు. ఐతే మరణం దగ్గరకు వచ్చే వరకు.. ఈ సమయం లో ఎలా ఆలోచిస్తూ ఉంటాం అన్న విషయం ఎవరికీ తెలియదు. అసలు చనిపోయేముందు ఏమి జరుగుతుందో ఇప్పుడు తెలుసుకుందాం.

న్యూరో సైంటిస్ట్ లు చేసిన రీసెర్చ్ ప్రకారం మనిషి చనిపోవడానికి ఇంకా ఒక 30 సెకండ్ల సమయం ఉందనగా.. ప్రతి వ్యక్తికీ అప్పటివరకు అతనికి గడిచిన జీవితమంతా కళ్ళముందు తిరుగుతూ ఉంటుందట. పుట్టినప్పటి నుంచి.. చివరిదాకా కలిసి తిరిగిన మనుషులు, జ్ఞాపకాలు అన్ని గుర్తుకొస్తుంటాయట. 87 సంవత్సరాల మూర్ఛ వ్యాధి ఉన్న వృద్ధుడిని సైంటిస్ట్ లు పరిశీలించారట.

అతనికి సడన్ గా హార్ట్ ఎటాక్ రావడంతో పాటు బ్రెయిన్ లో ఉన్నట్లుండి ఊహించని యాక్టివిటీ చోటు చేసుకోవడాన్ని ఆ సైంటిస్ట్ లు గమనించారు. అంతేకాదు బ్రెయిన్ వేవ్స్ లో కూడా చాలా మార్పులు వచ్చాయట. చనిపోవడానికి 30 సెకన్ల ముందు మెదడు రక్తాన్ని తీసుకోదు. ఆ సమయంలో అతని జీవితంలోని ముఖ్య సంఘటనలు అన్నీ ఒక్కసారిగా కళ్ళముందు కనిపిస్తూ ఉంటాయి. గుండె కొట్టుకోవడం ఆగిపోయిన 30 సెకండ్ల తరువాత కూడా ఈ ప్రాసెస్ కొనసాగుతూనే ఉంటుంది. ఆ తరువాత మనిషి ఉండడు.. అతని జ్ఞాపకాలు ఉండవు.

April 19, 2023

Mythology Off Beat

“ఆర్టిఫిషియ‌ల్ ఇంటిలిజెన్స్‌ (AI)” ద్వారా సృష్టించిన… 15 దేవుళ్ళ ఫోటోలు..!

by kavitha April 19, 2023

written by kavitha

ప్రస్తుతం ఎక్కువ వినిపిస్తున్న మాట చాట్ జీపీటీ. ఆర్టిఫిషియ‌ల్ ఇంటిలిజెన్స్‌. ఇది అన్ని రంగాల్లోకి క్ర‌మంగా ప్ర‌వేశిస్తోంది. AI గురుంచి చెప్పాలంటే మనిషిలానే ఆలోచిస్తుంది, ప్రవర్తిస్తోంది. దానిలో భాగంగానే ఇటీవల శ్రీరాముడి ఫొటోను క్రియేట్‌ చేసిన విషయం తెలిసిందే.

ప్రస్తుతం AI రూపొందించిన ఫోటోలపై పెద్ద ఎత్తున చర్చలు జరుగుతున్నాయి. ఇవి సోషల్ మీడియాలో వైరల్ గా మారుతున్నాయి. ఈ క్రమంలో మాధవ్ కోహ్లీ అనే ట్విటర్ యూజర్ ఆర్టిఫిషియ‌ల్ ఇంటిలిజెన్స్‌ ని ఉపయోగించి హిందూ దేవుళ్ల అవతారాలను రూపొందించారు. మరి అవి ఏమిటో, ఎలా ఉన్నాయో ఇప్పుడు చూద్దాం..
1.శ్రీ రాముడు:
రీసెంట్ గా శ్రీరాముడు 21 సంవత్సరాల వయసులో ఎలా ఉంటాడు అనేది ఊహించి ఆర్టిఫిషియ‌ల్ ఇంటిలిజెన్స్‌ ద్వారా రూపొందించారు. ఆ ఫోటో క్షణాల్లో వైరల్ గా మారింది.
2.సీత:
ఆర్టిఫిషియ‌ల్ ఇంటిలిజెన్స్‌ సీత దేవి చిత్రాన్ని కూడా రూపొందించింది.
3.హనుమంతుడు:
రామ భక్తుడు, మహా శక్తిశాలి అయిన హనుమంతుడి చిత్రాన్ని కూడా AI ద్వారా రూపొందించారు.
4.కృష్ణుడు:
మహా విష్ణువు అవతారాలలో ఒకటైన శ్రీకృష్ణుడి చిత్రాన్ని సహజంగా రూపొందించింది. 5.శివుడు:
మహాశివుడు రూపాన్ని కూడా AI ద్వారా రూపొందించారు. ఇందులో శివుడు కోపంగా ఉన్నట్టుగా కనిపిస్తోంది.
6.కాళీమాత:
ఆదిపరాశక్తి అవతారాలలో ఒకటైన కాళీమాత చిత్రాన్ని ఆర్టిఫిషియ‌ల్ ఇంటిలిజెన్స్‌ ద్వారా రూపొందించారు.

7.దుర్గా దేవి:
మహిషాసుర మర్ధిని అయిన దుర్గా దేవి చిత్రాన్ని AI ద్వారా రూపొందించారు. ఈ చిత్రంలో దుర్గాదేవి విశ్వరూపం ప్రదర్శించినట్టుగా కనిపిస్తోంది.
8.పార్వతి దేవి:
AI రూపొందించిన పార్వతి దేవి చిత్రం ఎంతో ప్రసన్నంగా ఉంది.
9.శ్రీ మహావిష్ణువు:
AI రూపొందించిన శ్రీ మహావిష్ణువు చిత్రం చాలా సహజంగా, ప్రశాంతంగా కనిపిస్తోంది.
10.బ్రహ్మ:
త్రిమూర్తులలో సృష్టి కారకుడైన బ్రహ్మ దేవుడి చిత్రాన్ని ఆర్టిఫిషియ‌ల్ ఇంటిలిజెన్స్‌ ద్వారా రూపొందించారు.
11.వామన:
మహా విష్ణువు దశావతారాలలో ఒకటైన వామన అవతరాన్ని కూడా ఆ యూజర్ AI ద్వారా రూపొందించారు. వామన అవతరం అంటే సాధారణంగా బాలుడి రూపాన్ని ఎక్కువగా చూసి ఉంటాము. కానీ AI రూపొందించిన చిత్రంలో అలా లేదు.
12.గౌతమ బుద్దా:
దశావతారాలలో ఒకటిగా చెప్పే గౌతమ బుద్దుడి చిత్రాన్ని AI చాలా సహజంగా రూపొందించింది.
13.నరసింహ:
విష్ణువు దశావతారాలలో ఒకటైన నరసింహ అవతరాన్ని కూడా AI రూపొందించింది.
14.వరహ:
దశావతారాలలోని వరహ అవతారాన్ని కూడా ఆ యూజర్ AI ద్వారా రూపొందించారు.
15.కల్కి:
శ్రీమద్భాగవతంలో చెప్పిన ప్రకారం కల్కి అవతారం కలియుగం అంతంలో వస్తుందని చెబుతారు. అయితే తాజాగా AI ద్వారా కల్కి రూపాన్ని రూపొందించారు.
Also Read: “శ్రీరాముడు” 21 ఏళ్ళు ఉన్నప్పుడు ఎంత అందంగా ఉండేవారో తెలుసా?

April 19, 2023

Newer Posts

Older Posts