Off Beat

సాధారణంగా మనం చాలా ప్రదేశాల్లో నీటి మధ్యలో బ్రిడ్జ్ ని చూసే ఉంటాం. అందరికీ “అవి ఎలా కడతారు?” అని అనుమానం కూడా వచ్చే ఉంటుంది. అలా నీటి మధ్యలో బ్రిడ్జ్ ఎలా నిర్మిస్తారో ఇప్పుడు తెలుసుకుందాం. ఇలా నీటిలో బ్రిడ్జ్ కట్టడానికి డిఫరెంట్ టెక్నిక్స్ వాడుతారు. నీళ్లు లోతు, ఇంకా సాయిల్ క్వాలిటీ ని బట్టి ఏ టెక్నిక్ వాడాలో నిర్ణయించుకుంటారు.

#1 మొదటి టెక్నిక్ నీటి లోతు తక్కువగా ఉన్న చోట బ్రిడ్జ్ కట్టడం. ముందు టెంపరరీ పీరియడ్ వరకూ ఒక ఫౌండేషన్ వేస్తారు. తర్వాత దాని మీద పైర్స్ అనే ఒక రకమైన స్తంభాలను నిర్మిస్తారు. ఒకవేళ బ్రిడ్జి యొక్క టాప్ లేయర్ కన్స్ట్రక్ట్ చేయడానికి సాయిల్ అనుకూలంగా లేకపోతే, తాత్కాలికంగా రిగ్ ‌లు ఏర్పాటు చేసి, రివర్ బెడ్ మీద పైర్స్ నిర్మిస్తారు. ఇలా ముందే నిర్మించిన పైర్స్ సహాయంతో కానీ, టెంపరరీ ఫ్లాట్ ఫామ్ సహాయం తో కానీ, నీటిలో ఉండే మడ్ ఐలాండ్ ద్వారా కానీ, చాలా రేర్ కేసెస్ లో బార్జ్‌ ల ద్వారా గాని బ్రిడ్జ్ నిర్మిస్తారు.

#2 ఇంకొక టెక్నిక్ లోతుగా ఉన్న నీరు అంటే నది లేదా సముద్రంలో బ్రిడ్జ్ నిర్మించడం. ఇందులో కాఫర్‌ డామ్ టెక్నిక్ వాడతారు. ఈ టెక్నిక్ లో ఒక ఏరియా క్లోజ్ అయ్యేలాగా ఒక వాల్ కడతారు. ఆ ఏరియా నుండి నీటిని బయటికి తీస్తారు. దీన్ని కాఫర్‌ డామ్ అంటారు.

ఈ కాఫర్‌ డామ్ లోపల బ్రిడ్జ్ యొక్క పిల్లర్స్ నిర్మిస్తారు. బ్రిడ్జ్ కట్టే చోటు నది లేదా సముద్రం కాబట్టి 24 గంటలు కాఫర్‌ డామ్ బయట ఎత్తైన అలలు వస్తాయేమోనని పర్యవేక్షిస్తూ ఉంటారు. ఈ టెక్నిక్ ద్వారా నిర్మించిన బ్రిడ్జ్ లు బలంగా, ఎక్కువ లోడ్ మోసేలా ఉంటాయి.

#3  ఇంకొక టెక్నిక్ కేస్ డ్రిల్లింగ్. ఇది చాలా అడ్వాన్స్డ్ టెక్నిక్. ఇందులో ఎయిర్ ప్రెజర్ సహాయంతో ఒక వాటర్ టైట్ ఛాంబర్ కడతారు. తర్వాత ఈ ఛాంబర్ లో సీల్ చేసి ఉన్న ఒక ట్యూబ్ ఛాంబర్ ఏర్పాటు చేస్తారు. తర్వాత ట్యూబ్ లోపలికి ఒక లాంగ్ డ్రిల్ పెట్టి డ్రిల్లింగ్ చేస్తారు.

ఈ ప్రాసెస్ లో, నిండిన నీరు మొత్తం బయటకు వచ్చేస్తుంది. తర్వాత ఎక్స్ట్రా సపోర్ట్ కోసం అలా డ్రిల్ చేసిన చోట ఒక కేస్ అమర్చుతారు. అలా ఒక ఫ్రేమ్ తయారవుతుంది. ఆ ఫ్రేమ్ లో కాంక్రీట్ నింపుతారు. తర్వాత పిల్లర్స్ కట్టి, బ్రిడ్జ్ నిర్మిస్తారు.

ప్రస్తుతం స్మార్ట్ ఫోన్ లేని మనిషి అంటూ ఎవరూ కనిపించడం లేదు. పెరిగిన అవసరాలే కావచ్చు.. సాంకేతికత కావచ్చు మనిషికి స్మార్ట్ ఫోన్ అనే పరికరాన్ని నిత్యావసర వస్తువుగా మార్చేశాయి. స్మార్ట్ ఫోన్ లేకుండా పనులు జరగవు అనే పరిస్థితికి తీసుకొచ్చాయి. అయితే.. ఈ స్మార్ట్ ఫోన్ ఎక్కడెక్కడ భద్రపరుచుకుంటున్నాం అన్న విషయమై కూడా జాగ్రత్తలు తీసుకోవాల్సి ఉంది.

ఆడవారైతే తమ స్మార్ట్ ఫోన్లను హ్యాండ్ బాగ్స్ లో పెట్టుకుంటూ ఉంటారు. కానీ ,మగవారు మాత్రం ఎక్కువగా స్మార్ట్ ఫోన్లను జేబులోనే పెట్టుకుంటూ ఉంటారు. స్మార్ట్ ఫోన్లను ఎక్కువగా వాడడం వల్లే కాదు ఎక్కువ సేపు జేబుల్లో ఉంచుకోవడం వల్ల కూడా ఇబ్బందులు ఎదురవుతాయట.

అతిగా స్మార్ట్ ఫోన్ ను వినియోగించడం వలన కళ్ళు దెబ్బతింటాయి. నిద్ర కూడా సరిగా పట్టక ఇబ్బంది పడుతుంటారు. ఈ స్మార్ట్ ఫోన్ల నుంచి వెలువడే రేడియేషన్ వలన అనేక ఆరోగ్య సమస్యలు వస్తుంటాయి. కొంతమంది పడుకునే ముందు ఫోన్ ను దూరంగా పెట్టకుండా దిండుకింద పెట్టుకుని పడుకుంటారు. దీనివలన కూడా ఆ రేడియేషన్ ప్రభావము మన శరీరంపై పడే అవకాశం ఉంటుంది. మొబైల్స్ నుంచి విడుదల అయ్యే రేడియో తరంగాలు మెదడుని ప్రభావితం చేసే అవకాశం ఉంది.

ఇంకా మరి కొంతమంది స్మార్ట్ ఫోన్ లో ముందు జేబులో కానీ, వెనుక ప్యాంటు లో కానీ పెట్టుకుంటూ ఉంటారు. ఇలా బ్యాక్ ప్యాకెట్ లో ఫోన్ పెట్టుకునే వారికి కాళ్ళ నొప్పులు వచ్చే అవకాశం ఎక్కువగా ఉంటుంది. ఇంకా బ్యాక్ ప్యాక్ లో పెట్టుకోవడం వలన చోరీకి గురి అయ్యే అవకాశం కూడా ఉంటుంది. ఇంకా ముందు జేబులో పెట్టుకోవడం వలన గుండె జబ్బులు వచ్చే అవకాశం ఎక్కువగా ఉంటుంది. ఫోన్ నుంచి వచ్చే రేడియేషన్ వలన గుండె బలహీనపడే అవకాశం ఉంటుంది. అందుకే ఎక్కువగా చొక్కా జేబులో ఫోన్ పెట్టుకుని తిరిగేవారు జాగ్రత్తగా నడుచుకోవాల్సిన అవసరం ఎంతైనా ఉంది.

ఇటీవల చాలా స్మార్ట్ ఫోన్లు ఫింగర్ ప్రింట్ అన్ లాక్ ఫీచర్ తో వస్తున్నాయి. చాలా మంది లాక్ పెట్టుకోవడం కంటే ఫింగర్ ప్రింట్ తోనే ఫోన్ ను అన్ లాక్ చేయడానికి ఇష్టపడుతున్నారు. అయితే.. ఓ వ్యక్తి చనిపోయిన తరువాత మాత్రం అతని ఫింగర్ ప్రింట్ తో మనం అతని ఫోన్ ను అన్ లాక్ చేయలేము. ఇలా ఎందుకు చేయలేము? అన్న సందేహం మీకు ఎప్పుడైనా వచ్చిందా? అయితే ఈ ఆర్టికల్ చదివేయండి.

ఎందుకంటే, చాలా స్మార్ట్‌ఫోన్‌లలో ఫింగర్ ప్రింట్ అన్ లాక్ అనేది విద్యుత్ వాహకత ద్వారా పని చేస్తూ ఉంటుంది. దీని గురించి మరింత వివరంగా ఈ ఆర్టికల్ లో తెలుసుకుందాం.

మనందరి శరీరాల్లోనూ కొద్దిపాటి విద్యుత్ ప్రవహిస్తుంది. ఫింగర్‌ప్రింట్ స్కానర్‌పై మన వేలిముద్రలను ఉంచినప్పుడు, మన వేలిముద్ర యొక్క గుర్తులు మొబైల్ ఫోన్ పై ఉన్న ఫింగర్ ప్రింట్ సెన్సార్లను తాకుతాయి. మన ఫింగర్ ప్రింట్ లో ఎత్తుగా ఉండే భాగం సెన్సార్ ను తాకుతుంది. మరియు కొంచం గీతల మధ్య లోతుగా ఉండే ప్రాంతం సెన్సార్ ను తాకదు. ఈ నమూనాని బట్టి సెన్సార్ మొబైల్ ను అన్ లాక్ చేస్తూ ఉంటుంది.

వేలి నుండి వచ్చే విద్యుత్ ద్వారానే ఈ సెన్సార్ ఈ ఫింగర్ ప్రింట్ ను గుర్తించగలుగుతుంది. కానీ ఒక వ్యక్తి చనిపోయినప్పుడు, ఆ విద్యుత్ ప్రవాహం ఆగిపోతుంది. దానివలన స్కానర్ పై ఫింగర్ పెట్టినప్పుడు ఎటువంటి చర్య జరగదు. ఒక వ్యక్తి మరణించిన తర్వాత శరీరం ఈ విద్యుత్ వాహకతను ఎంతకాలానికి కోల్పోతోంది అన్న సంగతి సైంటిస్టులకు కూడా అంతుబట్టడం లేదు. దాన్ని గుర్తించడానికి, మీకు “చాలా మృతదేహాలు కావాలి, మరియు మీరు ప్రతి గంట లేదా అంతకంటే ఎక్కువ ఫోన్‌ను అన్‌లాక్ చేయడానికి వారి వేలిముద్రలను తీసుకోవాల్సి ఉంటుంది ఇది కష్టమైన ప్రయోగమని సైంటిస్ట్ లు చెబుతున్నారు.

మరోవైపు సాంకేతికత ఎప్పటికప్పుడు మారుతూ ఉంటుంది: ఉదాహరణకు, iPhone Xని తీసుకుంటే, ఇది వేలిముద్రలను చదవడానికి ప్రత్యేక బటన్‌ను కలిగి ఉండదు, కానీ అది మీ ముఖాన్ని గుర్తించినప్పుడు అన్‌లాక్ చేస్తుంది. భవిష్యత్ లో వచ్చే ఫోన్‌లు వాటి స్క్రీన్‌ల క్రింద ఆప్టికల్ సెన్సార్‌లను కలిగి ఉంటాయి. అయితే ఇవి మరణించిన వారి ఫింగర్ ప్రింట్స్ ద్వారా అన్ లాక్ అవుతాయో లేదో అన్న విషయమై స్పష్టత లేదు.

భార్య భర్తల మధ్య దాపరికాలు ఏమీ ఉండకూడదు అని చెబుతుంటారు. కానీ, చాల విషయాల్లో భర్త భార్య దగ్గర దాపరికాన్ని మైంటైన్ చేస్తారు. భార్యని బాధ పెట్టకూడదనో.. లేక భార్య గాబరా చెందుతుందనో భావించి కొన్ని విషయాలను దాచేస్తూ ఉంటాడు. మరో వైపు కొందరు భార్యలు కూడా అంతే. సంసారంలో మోసపూరితంగా వ్యవహరించే భార్య భర్తల సంగతి పక్కన పెడితే.. కొందరు మంచి భార్యలు కూడా కొన్ని విషయాలను తమ భర్తల వద్ద దాచిపెడతారు.

భారతీయ సనాతన వ్యవస్థలో భర్త మాటని గౌరవించి నడుచుకునే స్త్రీలు చాలా మందే ఉన్నారు. అలాగే.. భార్యని గౌరవించి.. ఆమె అభిప్రాయాలకు విలువిచ్చే భర్తలు కూడా తక్కువేమి కాదు. అయినప్పటికి.. ఆ భర్తని బాధపెట్టే విషయాలని కానీ, అతని మనశ్శాంతిని దూరం చేసే విషయాలను కానీ చెప్పడానికి ఏ భార్యా ఇష్టపడదు. అవేంటో ఇప్పుడు చూద్దాం.

# 1. విషాదం:
భార్యలు ఏ విషయం గురించైనా ఆందోళన చెందుతున్నా.. బాధ పడుతున్నా ఆ విషయం గురించి భర్తకి చెప్పడానికి ఇష్టపడరు. వారిలో వారే ఆ బాధని అణచుకుంటారు తప్ప భర్తకి చెప్పి ఇబ్బంది పెట్టాలని అనుకోరు.

# 2. అనారోగ్యం:
భార్యల విషయంలో ఎక్కువగా బాధ పెట్టేది అనారోగ్యం. చాలా వరకు ఏ భార్యా తనకు ఉన్న అనారోగ్య ఇబ్బంది గురించి చెప్పాలని అనుకోదు. ఓపిక తెచ్చుకుని తమ పనులు తాము చేసుకోవాలనే అనుకుంటారు. పరిస్థితి చేయి దాటిపోతోందని అనిపిస్తే ఇంట్లో ఇతర కుటుంబ సభ్యులకు తెలియ చేస్తారు.

# 3. ప్రేమ:
భార్యలకు కూడా తమ భర్తపై అమితమైన ప్రేమ ఉంటుంది. అయితే.. ఈ విషయాన్నీ రుజువు చేసుకోవడానికి.. భర్తపై తమ ప్రేమని పదే పదే ప్రకటిస్తూ ఉండే స్త్రీలు తక్కువే. భార్య అంతరంగాన్ని గ్రహించి పురుషుడు నడుచుకోవాల్సి ఉంటుంది.

# 4. ధనం:
కొందరు స్త్రీలు భర్తకి తెలియకుండా రహస్యంగా ధనం దాస్తూ ఉంటారు. ఎక్కువ మొత్తంలో కాకపోయినా.. అవసరానికి ఆదుకునేలా ఉండే విధంగా ఎంతో కొంత దాచుకుంటూ ఉంటారు. వీటి గురించి కూడా భర్తకి చెప్పరు. వాటిని ఖర్చు చేయకుండా దాచి ఉంచి.. అవసరం వచ్చిన సమయంలో కుటుంబాన్ని ఆదుకుంటారు.

జంతువులలో మనుషులకు తొందరగా మచ్చిక అయ్యేవి కుక్కలు. ఇవి ఫ్రెండ్లీ గా ఉండడమే కాదు విశ్వాసపాత్రులుగా కూడా ఉంటాయి. తమ యజమానులు కనబడకపోతే రెండు రోజులు మూడీగా అయిపోయి తినడం కూడా మానేస్తాయి.

అంత ప్రేమ ఉన్న కుక్కలు మూత్రం పొసే విషయంలో నిక్కచ్చిగా ఉంటాయి. అంటే.. అన్ని కుక్కలు కాకపోయినా చాలా వరకు పెట్ డాగ్స్ పర్టిక్యులర్ గా తమకు అలవాటు అయిన చోటే మూత్ర విసర్జన చేస్తాయి.

మీరు గమనించారా..? చాలా వరకు కుక్కలు ఎక్కువగా వాహనాల టైర్ల వద్దే కాలు ఎత్తి మూత్రం పోస్తూ ఉంటాయి.. చుట్టూ అంత ప్లేస్ ఉన్నా.. అవి టైర్ల వద్దకే వచ్చి ఎందుకు మూత్రం పోస్తాయో తెలుసా..? అదేంటో ఇప్పుడు తెలుసుకుందాం. జనరల్ గా వాహనాలు ఏవైనా రోడ్డుపై రకరకాల ప్రదేశాల్లో తిరుగుతూ ఉంటాయి. తారు రోడ్లు అయితే కొంతవరకు శుభ్రంగానే ఉన్నప్పటికీ.. మట్టిరోడ్లపై తిరిగినప్పుడు.. బురదలో తిరిగినప్పుడు వాహనాల టైర్లకు ఎక్కడలేని చెత్త అంటుకుంటుంది.

ఇది కంటికి కనిపించకపోయినా.. చాలావరకు చెత్త కంపు కొడుతూ ఉంటాయి. కుక్కలు అటు ఇటు తిరుగుతూ.. వాహనాల టైర్ల వాసన చూసినప్పుడు.. అది చెత్త వాసన వస్తుండడం వలన వాటిని అవి చెత్త ప్రదేశంగా భావించి మూత్ర విసర్జన చేస్తాయి. కేవలం వాసన పసిగట్టడం వల్లే అవి అలా మూత్ర విసర్జన చేస్తాయి. టైర్లు మాత్రమే కాదు.. శుభ్రం చేయకుండా పడేసిన వస్తువులు కూడా అపరిశుభ్ర వాసన వేస్తూ ఉంటె.. కుక్కలు మూత్ర విసర్జన చేయడానికి అవకాశం ఉంటుంది.

కొన్నిసార్లు మనకంటే మన పని ఎక్కువ ప్రాచుర్యం పొందుతుంది. మనం ఎవరో తెలియక పోయినా మనం ప్రజల్లో నిలిచి పోయే అంత గుర్తింపు వస్తుంది. అర్థం కావట్లేదా? దీనికి ఒక ఉదాహరణ చూద్దామా? సరళ చౌదరి.

ఎంత మందికి తెలుసు ? దాదాపు మెజారిటీ జనాలకి తెలియదు. అదే ” ప్రయాణికులకు విజ్ఞప్తి. ట్రైన్ నెంబర్ హైదరాబాద్ నుండి చెన్నై వెళ్లే రైలు 2 ప్లాట్ ఫారం మీదికి వస్తుంది” . ఇది ఎంతమందికి గుర్తుంది.

చాలామందికి ఇది చదివేటప్పుడు ఆ ఆనౌన్సర్  గొంతు కూడా గుర్తు వచ్చింది కదా. గుర్తు రావడం ఏంటి? ఇది చదువుతున్నంతసేపు ఆమె వాయిస్ వినపడుతూ ఉంటుంది. అంతలా ప్రాచుర్యం పొందింది ఈ ప్రకటన. సరళ చౌదరి ఎవరో ఈపాటికే మీకు అర్థం అయిపోయి ఉంటుంది. ఆవిడ ఈ రైల్వే ప్రకటన వాయిస్ ఆర్టిస్ట్.1982వ సంవత్సరంలో సెంట్రల్ రైల్వే లో ఆనౌన్సర్ ఉద్యోగానికి ఇంటర్వ్యూ జరిగింది. చాలామంది వచ్చారు. అలా వెళ్లిన వాళ్లలో సరళ కూడా ఒకరు. అప్పటి జిఎం అయిన అశుతోష్ బెనర్జీ కి సరళ గొంతు నచ్చడంతో ఉద్యోగానికి రికమెండ్ చేశారు.

మొదట నాలుగు సంవత్సరాలు సరళ ఉద్యోగం టెంపరరీ బేసిస్ మీద నడిచింది. 1986 లో ఉద్యోగాన్ని పర్మినెంట్ చేశారు.ఒకప్పుడు ఇలా రికార్డర్లు లేకపోవడంతో సరళ ప్రతి అనౌన్స్మెంట్ కి మాట్లాడవలసి వచ్చేది. అలా ఒక రోజులో ఎన్నో సార్లు ఇలాంటి ఎనౌన్స్మెంట్ లు చదివేది సరళ. తర్వాత ట్రైన్ మేనేజ్మెంట్ సిస్టమ్ ను ఏర్పాటు చేశారు రైల్వే శాఖ. దాంతో సరళకు ఎన్ని సార్లు చదివే పని తగ్గింది.

మీకు ఒకటి తెలుసా? సరళ రిటైర్ అయ్యి పన్నెండు సంవత్సరాలయింది. అయినా సరే ఇప్పటికీ రైల్వేలో ఆమె గొంతే వినిపిస్తుంది. అన్ని అనౌన్స్మెంట్లు ఒకటే సారి రికార్డ్ చేసింది సరళ. ఒకసారి ఎన్నో సంవత్సరాల నుండి ఒకటే గొంతు అలవాటయ్యాక మళ్ళీ మారిస్తే జనాలకు అలవాటు పడడానికి కష్టం అని భావించిన రైల్వే అధికారులు సరళ గొంతే ఇప్పటికి ఉపయోగిస్తున్నారు.ఆవిడ గొంతు కి ప్రత్యేకత ఉండడంతోపాటు జనాలకి కూడా తెలియని బంధం ఏర్పడింది. ఇప్పుడు అర్థమైందా మనిషి కంటే తను చేసే పనికి ఎక్కువ గుర్తింపు ఉంటుంది అనే విషయం.

watch video: