Politics Page 19
Category:

Politics

NewsPolitics

CM REVANTH REDDY FIRST SIGN: మాట నిలబెట్టుకున్న రేవంత్ రెడ్డి…సీఎం గా తొలి సంతకం ఆ ఫైల్ పైనే.!

by Sainath Gopi
written by Sainath Gopi

ప్రస్తుతం తెలంగాణ రాజకీయాలలో ఎక్కువగా వినిపిస్తున్న పేరు రేవంత్ రెడ్డి. ఈ పేరు ఏపీ రాజకీయాలలో కూడా ఎక్కువగా వినిపిస్తున్న విషయం తెలిసిందే. ఇటీవల తెలంగాణలో జరిగిన ఎన్నికలలో భారీ మెజారిటీతో గెలుపొందారు రేవంత్ రెడ్డి. దీంతో అప్పటినుంచి కాంగ్రెస్ పార్టీలో అంబరాలు సంబరాలు అంటుతున్నాయి. ఇది ఇలా ఉంటే తాజాగా తెలంగాణ ముఖ్యమంత్రిగా రేవంత్ రెడ్డి ప్రమాణస్వీకారం చేశారు. అనంతరం ఎల్బీ స్టేడియంలో నిర్వహించిన బహిరంగ సభలో చాలా సేపు ప్రసంగించారు. ఈ సందర్భంగా రేవంత్ రెడ్డి మాట్లాడుతూ.. తెలంగాణ ప్రభుత్వంలో ప్రజలే భాగస్వామ్యులు.

మేము పాలకులం కాదు. ప్రజా సేవకులం. ప్రజలు ప్రగతి భవన్ కు రావచ్చుఅని తెలిపారు రేవంత్ రెడ్డి. ప్రజాభవన్ లో ప్రజా పరిపాలన అందిస్తాము. ప్రజాభవన్ కు ప్రజలు ఎప్పుడైనా రావచ్చు. కాంగ్రెస్ సమిధిగా మారి తెలంగాణ ఇచ్చింది. అమరవీరుల ఆకాంక్షలను నెరవేరుస్తాం అని సీఎం రేవంత్ రెడ్డి తెలిపారు. ప్రసంగం ముగిసిన తర్వాత రేవంత్ రెడ్డి ముందుగా మాట ఇచ్చిన ప్రకారం ఆరు గ్యారెంటీల అభయ హస్తం అమలు ఫైలుపై తొలి సంతకం చేశారు. అనంతరం రజిని అనే దివ్యాంగురాలికి ఉద్యోగాన్ని కల్పిస్తూ సంతకం చేశారు.

రేవంత్ రెడ్డి మాట ఇచ్చిన ప్రకారం,తొలి సంతకం అభయహస్తం ఫైలుపై చేయడంతో పాటు రజిని అనే దివ్యాంగురాలికి ఉద్యోగం కల్పిస్తూ సంతకం చేసి ఇచ్చిన మాట నిలబెట్టుకున్నారు. కాంగ్రెస్ పార్టీ ఎన్నికలకు ముందు మేనిఫెస్టోలో ఆరు గ్యారెంటీలను ప్రకటించింది. కాగా ఉద్యోగం కల్పించాలని రజిని అనే దివ్యాంగురాలు కొంతకాలం క్రితం గాంధీభవన్ లో కలిసి రేవంత్ ను కోరగా కాంగ్రెస్ ప్రభుత్వం అధికారంలోకి రాగానే ఉద్యోగం ఇస్తానని హామీనిచ్చారు. ఇచ్చిన మాట ప్రకారమే రజిని అనే దివ్యంగురాలికి ఉద్యోగం కల్పిస్తూ ఫైలుపై సంతకం చేశారు.

Politics

అందరు దైవ సాక్షిగా అని ప్రమాణం చేస్తే…సీతక్క మాత్రం ఏమని ప్రమాణం చేసారంటే.?

by Sainath Gopi
written by Sainath Gopi

ఇవాళ తెలంగాణ ముఖ్యమంత్రి రేవంత్ రెడ్డి ప్రమాణ స్వీకారం జరిగింది. రేవంత్ రెడ్డితో పాటు సహ మంత్రులు అంతా కూడా ఇవాళ ప్రమాణ స్వీకారం చేశారు. అయితే అందరూ కూడా దైవ సాక్షిగా తమ ప్రమాణ స్వీకారాన్ని చేస్తున్నట్టు చెప్పి ప్రమాణస్వీకారాన్ని చదివారు.

కానీ పొంగులేటి శ్రీనివాసరెడ్డి మాత్రం దైవసాక్షి అని కాకుండా, పవిత్ర హృదయంతో అని చెబుతూ ప్రమాణం చేశారు. మంత్రిగా ప్రమాణ స్వీకారం చేసిన దనసరి అనసూయ అలియాస్ సీతక్క కూడా పవిత్ర హృదయంతో అని ప్రమాణస్వీకారం చేశారు.

public response for seethakka oath

అయితే వీరందరూ తెలుగులోనే ప్రమాణ స్వీకారం చేశారు. కానీ దామోదర రాజనర్సింహ మాత్రం ఇంగ్లీష్ లో ప్రమాణ స్వీకారం చేశారు. రేవంత్ రెడ్డి ప్రమాణ స్వీకారం చేస్తున్నప్పుడు, “రేవంత్ రెడ్డి అనే నేను” అని అనడంతో ఎల్పీ స్టేడియం మొత్తం మోత మోగిపోయింది. తర్వాత కొంత మంది మంత్రులు ప్రమాణ స్వీకారం చేశారు. ఆ తర్వాత ఎనిమిదవ మంత్రిగా సీతక్క వచ్చారు. సీతక్కని చూసిన ప్రజలు, కాంగ్రెస్ నాయకులు చప్పట్లు కొట్టారు. సీతక్క అందరికీ అభివాదం చేశారు.

public response for seethakka oath

ఆ తరువాత గవర్నర్ తమిళిసై వచ్చి, “తమిళిసై అనే నేను” అని అన్నా కూడా అక్కడ ప్రజల అరుపులు ఏమాత్రం తగ్గలేదు. దాంతో సీతక్క మళ్ళీ వచ్చి అభివాదం చేశారు. అప్పటికే ఆలస్యం అవుతుండడంతో గవర్నర్ జోక్యం చేసుకొని ప్రమాణ స్వీకారం చేయాలి అన్నట్టుగా సైగ చేశారు. దాంతో సీతక్క వచ్చి, “దనసరి అనసూయ సీతక్క అనే నేను” అన్నారు.

public response for seethakka oath

ఇలా చెప్పిన తర్వాత అంతా అరుపులతో హోరెత్తిపోయింది. ఒక రకంగా చెప్పాలి అంటే రేవంత్ రెడ్డి ప్రమాణ స్వీకారం చేస్తున్నప్పటి కంటే, సీతక్క ప్రమాణ స్వీకారం చేస్తున్నప్పుడే ప్రజల అరుపులు ఇంకా ఎక్కువగా ఉన్నాయి. ఇది చూసిన వారు అందరూ కూడా, “బాహుబలి రేంజ్ లో సీతక్కకి అభిమానులు ఉన్నారు. సీతక్క ప్రమాణస్వీకారం చూస్తూ ఉంటే బాహుబలి సినిమాలో అమరేంద్ర “బాహుబలి అనే నేను” అంటూ ప్రభాస్ చేసే సీన్ గుర్తొచ్చింది” అంటూ కామెంట్స్ చేస్తున్నారు.

watch video :

ALSO READ : ఏడుసార్లు ఎమ్మెల్యేగా గెలిచిన అభ్యర్థిపై గెలిచిన ఓ రోజు కూలి…ఇది కదా గెలుపంటే.?

NewsPolitics

ఏడుసార్లు ఎమ్మెల్యేగా గెలిచిన అభ్యర్థిపై గెలిచిన ఓ రోజు కూలి…ఇది కదా గెలుపంటే.?

by Sainath Gopi
written by Sainath Gopi

తాజాగా ఛత్తీస్‌గఢ్ లో జరిగిన శాసనసభ ఎన్నికల్లో బీజేపీ విజయం సాధించిన విషయం తెలిసిందే. దాదాపు ఐదేళ్ల తర్వాత తిరిగి అధికారాన్ని హస్తగతం చేసుకుంది. కానీ ఛత్తీస్‌గఢ్ విజయం సాధిస్తామని ఆత్మవిశ్వాసంతో ఉన్న కాంగ్రెస్ కు ఊహించని షాక్ ఎదురైంది. దాదాపు అన్ని ఎగ్జిట్‌ పోల్స్ కాంగ్రెస్‌కు అధికారం దక్కుతుందని అంచనా వేశాయి. కానీ ఫలితాలు మాత్రం తారుమారయ్యాయి. హస్తం పార్టీ నుంచి బరిలో నిలిచిన డిప్యూటీ సీఎం సహా పలువురు ప్రముఖులు పరాజయం చవిచూశారు. అంతే కాకుండా ఒక అనామకుడి చేతిలో ఏడుసార్లు ఎమ్మెల్యే, మంత్రి ఓడిపోవడం ఆశ్చర్య పోవాల్సిన విషయం.

ఆ సామాన్యుడి విజయం రాజకీయ వర్గాల్లో మరో సంచలనం సృష్టించింది. అయితే కొడుకును అలర్లి మూకలు పొట్టనబెట్టుకోవడంతో న్యాయం కోసం రోజు కూలీ అయిన ఈశ్వర్ సాహు పోరాటం చేశారు. తనకు న్యాయం దొరక్కపోవడంతో కడుపు మండి ఎన్నికల బరిలో దిగారు. అతడికి బీజేపీ టిక్కెట్ ఇవ్వడంతో ఏడుసార్లు ఎమ్మెల్యేగా గెలిచిన మంత్రి రవీంద్ర చౌబే పై విజయం సాధించి అందర్నీ ఆశ్చర్యానికి గురి చేశారు. అలాగే ఎమ్మెల్యే గా ఛత్తీస్‌గఢ్‌ అసెంబ్లీ లో అడుగుపెట్టి పెను సంచలనం సృష్టించారు. సాజా నియోజకవర్గం నుంచి ఈశ్వర్ సాహు 5,196 ఓట్ల మెజార్టీతో గెలుపొంది జెయింట్ కిల్లర్‌గా నిలిచారు. ఈ ఎన్నికల్లో సాహుకు 1,01,789 ఓట్లు, కాంగ్రెస్ మంత్రి రవీంద్ర చౌబేకు 96,593 ఓట్లు వచ్చాయి.

అయితే 2013 అసెంబ్లీ ఎన్నికల తప్ప 1985 నుంచి సాజా నియోజకవర్గం నుంచి చౌబే గెలుపొందుతూ వచ్చారు. భూపేశ్ బఘేల్ క్యాబినెట్‌లో శాసనసభ వ్యవహారల శాఖ మంత్రిగా పనిచేసిన రవీంద్ర చౌబే 2009 నుంచి 2013 వరకూ అసెంబ్లీలో ప్రతిపక్ష నేతగా ఉన్నారు. ఇక, ఎన్నికల ప్రచారంలో మంత్రి చౌబేపై పదే పదే ఎదురుదాడి చేసిన ఈశ్వర్ సాహు ప్రజాప్రతినిధిగా ఆయన తన కర్తవ్యాన్ని పూర్తిగా నిర్వర్తించలేకపోయారని దుయ్యబట్టారు. అలాగే తన కొడుకును చంపిన హం-తకులకు కొమ్ము కాశారని ఆరోపించారు.

కాగా, ఈశ్వర్ సాహు కుమారుడు భువనేశ్వర్ సాహు ఈ ఏడాది ఏప్రిల్‌లో బెమెతార జిల్లా బిరాన్‌ పూర్ గ్రామంలో జరిగిన మతఘర్షణల్లో ప్రాణాలు కోల్పోయాడు. వేర్వేరు కమ్యూనిటీలకు చెందిన ఇద్దరు విద్యార్థుల మధ్య సైకిల్ ఢీకొట్టిన విషయంలో జరిగిన గొడవ రెండు వర్గాల మధ్య ఘర్షణగా మారిపోయింది. ఇది క్రమంగా ఆ ప్రాంతంలో మత ఘర్షణకు దారితీసింది. ముస్లిం సామాజిక వర్గానికి చెందిన వ్యక్తుల చేతుల్లో సాహు హ-త్యకు గురయ్యాడు. అతడ్ని ఇంటి నుంచి లాక్కెళ్లి అతి దారుణంగా క-త్తులతో పొ-డిచి చంపారు.

Politics

19 ఏళ్ల నుండి ఆ రెండు కుటుంబాల మద్య రాజకీయ వైరం… ఈసారి వారసుడు గెలిచాడు.!

by Sainath Gopi
written by Sainath Gopi

ఎన్నికలలో కుటుంబాలు కూడా పాల్గొంటూ ఉంటాయి. ఒకే కుటుంబానికి చెందిన ఎంతో మంది ఎన్నికల్లో పాల్గొంటారు. కానీ ఒకే ఒక ప్రత్యర్థిపై ఒక కుటుంబానికి చెందిన వారు వరుసగా పోటీ చేస్తున్నారు.

వివరాల్లోకి వెళితే, మెదక్ నియోజకవర్గంలో ఎమ్మెల్యే పద్మాదేవేందర్ రెడ్డిపై మైనంపల్లి కుటుంబ సభ్యులు చాలా సంవత్సరాల నుండి పోటీ చేస్తూ ఉన్నారు.

mynampalli rohit rao wins over padma devender reddy

మెదక్ సిట్టింగ్ ఎమ్మెల్యే పద్మాదేవేందర్ రెడ్డి ఉమ్మడి ఆంధ్రప్రదేశ్ లో 2004 లో అసెంబ్లీ ఎన్నికల్లో మెదక్ జిల్లా రామాయంపేట అసెంబ్లీ నియోజకవర్గం టిఆర్ఎస్ అభ్యర్థిగా పోటీ చేశారు. ఆమెపై ప్రత్యర్థిగా తెలుగుదేశం పార్టీ నుండి మల్కాజ్ గిరి సిట్టింగ్ ఎమ్మెల్యే అయిన మైనంపల్లి హనుమంతరావు సతీమణి మైనంపల్లి వాణి పోటీ చేసి ఓటమిపాలయ్యారు.

mynampalli rohit rao wins over padma devender reddy

ఆ తర్వాత తెలంగాణ ఉద్యమ సమయంలో టిఆర్ఎస్ అధినేత కేసిఆర్ పిలుపుతో రామాయంపేట ఎమ్మెల్యేగా ఉన్న పద్మాదేవేందర్ రెడ్డి తన పదవికి రాజీనామా చేసి 2008 లో రామాయంపేట ఉపఎన్నికల్లో టిఆర్ఎస్ అభ్యర్థిగా పోటీ చేశారు. అప్పుడు ఆమె మీద ప్రత్యర్థిగా తెలుగుదేశం పార్టీ నుండి మైనంపల్లి హనుమంతరావు బరిలో నిలిచి గెలిచారు.

mynampalli rohit rao wins over padma devender reddy

2009 లో జరిగిన సాధారణ ఎన్నికల్లో తెలుగుదేశం పార్టీ, తెలంగాణ రాష్ట్ర సమితి పొత్తులో భాగంగా మెదక్ టికెట్ ని మైనంపల్లి హనుమంతరావుకి కేటాయించారు. దాంతో పద్మాదేవేందర్ రెడ్డి స్వతంత్ర అభ్యర్థిగా బరిలో నిలిచి హనుమంతరావు చేతిలో ఓటమిపాలయ్యారు. 2014, 2018 లో పద్మాదేవేందర్ రెడ్డి తెలంగాణ రాష్ట్ర సమితి పార్టీ వ్యక్తిగా పోటీ చేసి ఎమ్మెల్యేగా ఎన్నికయ్యారు.

mynampalli rohit rao wins over padma devender reddy

అయితే ఇప్పుడు మూడోసారి కూడా బీఆర్ఎస్ హై కమాండ్ పద్మాదేవేందర్ రెడ్డికి ఎమ్మెల్యే టికెట్ ఇచ్చారు. అయితే ఈసారి పద్మాదేవేందర్ రెడ్డి పై మైనంపల్లి వారి కుమారుడు రోహిత్ రావు కాంగ్రెస్ అభ్యర్థిగా బరిలోకి దిగారు. ఈసారి రోహిత్ రావు పద్మాదేవేందర్ రెడ్డి మీద గెలిచారు. దాంతో 19 ఏళ్లుగా జరుగుతున్న వైరంలో ఈసారి వారసుడు గెలిచారు అని అన్నారు.

ALSO READ : “రేవంత్ రెడ్డి” 15 రేర్ ఫొటోస్ ఓ లుక్ వేయండి…సినీ ప్రముఖులతో, జర్నలిస్ట్ గా ఉన్నప్పుడు.!

Politics

“రేవంత్ రెడ్డి” 15 రేర్ ఫొటోస్ ఓ లుక్ వేయండి…సినీ ప్రముఖులతో, జర్నలిస్ట్ గా ఉన్నప్పుడు.!

by Sainath Gopi
written by Sainath Gopi

తెలంగాణ రాష్ట్రంలో కాంగ్రెస్ పార్టీని అధికారంలోకి తీసుకురావడంతో ముఖ్యపాత్ర పోషించారు కాంగ్రెస్ పీసీసీ అధ్యక్షుడు రేవంత్ రెడ్డి దాదాపు 65 సీట్ల మెజారిటీని సాధించారు. ఇది ఇలా ఉండగా కాంగ్రెస్ పార్టీ అధికారంలోకి వస్తుందని ఎగ్జిట్ పోల్ ద్వారా తెలిసిన వెంటనే టాలీవుడ్ చిత్ర పరిశ్రమ అప్రమత్తమైంది.

ఒక్కొక్కరుగా సినీ ప్రముఖులు రేవంత్ రెడ్డిని కలవడం ప్రారంభించారు. అయితే రేవంత్ రెడ్డి సినిమా పరిశ్రమ కి చాలా దూరం అనే విషయం అందరికీ తెలిసిందే. ఇవాళ రేవంత్ రెడ్డి ముఖ్యమంత్రిగా ప్రమాణ స్వీకారం చేయబోతున్నారు. తెలంగాణకి రెండవ ముఖ్యమంత్రిగా రేవంత్ రెడ్డి ఎంపిక అయ్యారు. ఇవాళ ప్రమాణ స్వీకారం చేసి బాధ్యతలు చేపట్టబోతున్నారు.

అయితే పలు సందర్భాలలో ఆయన సినీ ప్రముఖులతో తీయించుకున్న ఫోటోలు ఇప్పుడు ట్రెండ్ అవుతున్నాయి.  అలాగే ఎన్టీఆర్ కి సంబంధించిన ఒక సినిమా ఓపెనింగ్ ఫంక్షన్ కి వెళ్ళినప్పుడు అక్కడ దర్శకుడు కొరటాల శివ,మైత్రి మూవీ మేకర్స్ నిర్మాతలతో తీయించుకున్న ఫోటో, సంగీత దర్శకుడు చరణ్ అర్జున్ తో రేవంత్ రెడ్డి తీయించుకున్న ఫోటోలు ఇప్పుడు తెగ వైరల్ గా మారుతున్నాయి.

#1 యుక్త వయసులో రేవంత్ రెడ్డి. రేవంత్ రెడ్డి జర్నలిస్ట్ గా ఉన్నప్పుడు దిగిన ఫోటో ఇది.

#2 రేవంత్ రెడ్డి భార్యతో దిగిన ఫోటో.#3 రేవంత్ రెడ్డి కుటుంబంతో దిగిన ఫోటో.#4 మంత్రి కేటీఆర్ తో రేవంత్ రెడ్డి.

#5 తెలంగాణ రాష్ట్ర సమితి కార్యకర్తలతో.

#6 భార్య పిల్లలతో రేవంత్ రెడ్డి.#7 నందమూరి బాలకృష్ణ తో రేవంత్ రెడ్డి దిగిన ఫోటో.

#8 రేవంత్ రెడ్డి కూతురి పెళ్లికి మెగాస్టార్ చిరంజీవిని ఆహ్వానించాడు. ఆ పెళ్ళికి చిరంజీవి వచ్చి ఆశీర్వదించినప్పుడు రేవంత్ రెడ్డి తో కలిపి తీయించుకున్న ఫోటో ఇప్పుడు వైరల్ అవుతుంది.

#9 ఒక రాజకీయ వేదికపై జనసేన అధినేత పవన్ కళ్యాణ్ తో సంభాషిస్తున్న రేవంత్ రెడ్డి ఫోటో ఒకటి ఇప్పుడు తెగ వైరల్ అవుతుంది.

#10 ఒక అవార్డు ఫంక్షన్లో ప్రముఖ టాలీవుడ్ నిర్మాత దిల్ రాజు రేవంత్ రెడ్డితో దిగిన ఫోటో ఇప్పుడు సోషల్ మీడియాలో తెగ వైరల్ అవుతుంది. అయితే త్వరలోనే రేవంత్ రెడ్డి సీఎం అవుతాడు అని తెలిసిన వెంటనే దిల్ రాజు రేవంత్ రెడ్డిని కలిసినట్లు సమాచారం.

#11 రేవంత్ రెడ్డి తెలుగుదేశం పార్టీలో ఉన్న సమయంలో బాలకృష్ణతోను, జూనియర్ ఎన్టీఆర్ తోను మంచి అనుబంధాన్ని మెయింటైన్ చేశారు రేవంత్ రెడ్డి. 2009లో టీడీపీ కోసం ఎన్టీఆర్ ప్రచారంలో పాల్గొన్నప్పుడు వారిద్దరూ చాలా క్లోజ్ గా మూవ్ అయ్యారు. ఆ ఫోటోలు ఇప్పుడు తెగ వైరల్ అవుతున్నాయి.

#12 నటుడు నందమూరి బాలకృష్ణతో రేవంత్ రెడ్డి.

#13 నిర్మాత బండ్ల గణేష్ తనని కలిసినప్పుడు తీయించుకున్న ఫోటో.

#14 నటి సురేఖ వాణి, సురేఖ వాణి కూతురు సుప్రీతతో రేవంత్ రెడ్డి.

NewsPolitics

తెలంగాణలో కాంగ్రెస్ పాలనలో జరిగేది ఇదే అంటూ “మాధవి లత” పోస్ట్…ఆ 5 పాయింట్స్ ఏంటంటే.?

by Sainath Gopi
written by Sainath Gopi

నచ్చావులే సినిమాతో హీరోయిన్ గా కెరీర్ మొదలు పెట్టి, తర్వాత ఎన్నో సినిమాలు చేసి గుర్తింపు తెచ్చుకున్న నటి మాధవి లత. గత కొన్ని సంవత్సరాల నుండి మాధవి లత సోషల్ మీడియాలో కూడా చాలా యాక్టివ్ గా ఉంటున్నారు. ఎన్నో విషయాలు పై స్పందిస్తూ తన అభిప్రాయాలని వ్యక్తం చేస్తున్నారు. తాజాగా తెలంగాణ ఎన్నికల్లో కాంగ్రెస్ గెలవడంపై కూడా ఆమె కామెంట్ చేసారు.

5 ఏళ్ల తర్వాత తెలంగాణ ఇలా ఉంటుంది అంటూ 5 పాయింట్స్ లిస్ట్ చేసారు.
1.. తిండి ఉండదు
2. జాబ్స్ ఉండవు
3. మహిళలకు భద్రత ఉండదు.
4. హిందూ పడగలు ఉండవు.
5. శాంతి ఉండదు

కాంగ్రెస్ పాలనను రావణ సామ్రాజ్యం అంటూ కూడా పోల్చారు మాధవి లత. కాంగ్రెస్ తో పోలిస్తే బీఆర్ఎస్ కి 99 మార్కులు ఇస్తాను అంటూ పోస్ట్ లో వ్యక్తం చేసారు.

https://www.instagram.com/p/C0YlpugJy4o/

మాధవి లత చేసిన ఈ పోస్ట్ పై విభిన్న కామెంట్స్ వస్తున్నాయి. కొందరు సమర్దిస్తుంటే. కొందరు వ్యతిరేకిస్తున్నారు.ఆ పోస్ట్ ఇప్పుడు వైరల్ గా మారింది.

ఇది ఇలా ఉంటె…తెలంగాణ ఎన్నికల పరిణామం ఎన్నడు ఎవరు ఊహించని విధంగా వచ్చింది. మార్పు కావాలి అంటూ ఒకపక్క అంటూ 6 గ్యారంటీల ఆశ చూపించి అధికారం చేజిక్కించుకుంది కాంగ్రెస్ పార్టీ. అయితే గ్రేటర్ హైదరాబాద్ లో మాత్రం గులాబీ వికాసం పై ఇవి ఏవి ప్రభావం చూప లేకపోయాయి. మొత్తం 119 నియోజకవర్గాలలో 64 స్థానాలు కాంగ్రెస్ హస్తగతమయ్యాయి. మరోపక్క గ్రేటర్ పరిధిలో ఉన్న 15 నియోజకవర్గాలలోని ఏడు స్థానాలలో కారు స్పీడ్ కొనసాగింది. కాంగ్రెస్ హై కమాండ్ రేవంత్ రెడ్డిని సీఎం గా ప్రకటించింది. డిసెంబర్ 7 న ప్రమాణ స్వీకారం చేయనున్నారు.

Filmy AddaPolitics

ఇంస్టాగ్రామ్ లో 1.2 మిలియన్ ఫాలోవర్స్…కానీ ఎన్నికల్లో 2292 ఓట్లు మాత్రమే వచ్చాయి.! ఆమె ఎవరంటే.?

by Sainath Gopi
written by Sainath Gopi

సినిమా వాళ్ళు రాజకీయాల్లోకి వెళ్లడం అనేది చాలా సంవత్సరాల నుండి వస్తున్న ఆనవాయితీ. ఎన్నో రాష్ట్రాల్లో, ఎన్నో భాషలకు చెందిన సినిమా వాళ్లు రాజకీయాల్లోకి వెళ్లారు. ప్రజలకి తమ వంతు సేవ చేశారు. అందులో కొంత మంది రాజకీయాల్లో సక్సెస్ కూడా అయ్యారు.

ఇప్పుడు కూడా చాలా మంది సినీ నటులు రాజకీయాల్లో ఉన్నారు. కేవలం తెలుగులో మాత్రమే కాకుండా హిందీ సినిమా ఇండస్ట్రీలో కూడా ఎంతో మంది సినీ ప్రముఖులు రాజకీయాల్లోకి వెళ్లారు.

chahat pandey aam aadmi party

అలాగే సీరియల్స్ లో నటించే వారు కూడా రాజకీయాల్లో ఉన్నారు. అలా ఇటీవల ఒక యువ నటి రాజకీయాల్లోకి వెళ్లారు. ఆమె పేరు చాహత్ పాండే. 2016 లో పవిత్ర బంధన్ అనే ఒక సీరియల్ తో తన కెరీర్ ని మొదలు పెట్టారు చాహత్ పాండే. ఆ తర్వాత ఎన్నో హిందీ సీరియల్స్ లో నటించారు. హమారీ బహు సిల్క్ అనే ఒక సీరియల్ చాహత్ పాండేకి గుర్తింపు తీసుకొచ్చింది.

chahat pandey aam aadmi party

దాదాపు 15 కి పైగా సీరియల్స్ లో నటించారు. చాహత్ పాండేకి ఇప్పుడు 24 సంవత్సరాలు. 17 సంవత్సరాలు ఉన్నప్పుడు తాను సీరియల్ ఇండస్ట్రీ లోకి వచ్చారు. అప్పటి నుండి ఇప్పటి వరకు సీరియల్స్ లో నటిస్తూ ఎంతో గుర్తింపు సంపాదించుకున్నారు. ఇప్పుడు ఆమ్ ఆర్మీ పార్టీలో చేరారు. మధ్యప్రదేశ్ నుండి ఎన్నికల్లో పాల్గొన్నారు. మధ్యప్రదేశ్ అసెంబ్లీ ఎన్నికలకి ముందు చాహత్ పాండే పార్టీలో చేరారు. పార్టీ అభివృద్ధి కోసం తన బాధ్యతలను నిర్వర్తిస్తాను అని ఆమె పేర్కొన్నారు.

కానీ ఎలక్షన్స్ లో కేవలం 2275 ఓట్లు మాత్రమే గెలుచుకున్నారు. చాహత్ పాండే సోషల్ మీడియాలో కూడా చాలా యాక్టివ్ గా ఉంటారు. దాదాపు 1.2 మిలియన్ ఫాలోవర్స్ ఉన్నారు. కానీ సోషల్ మీడియాలో అంత ఫాలోయింగ్ ఉన్న చాహత్ పాండేకి బయట మాత్రం కేవలం 2275 రావడంతో అభిమానులు నిరాశ చెందారు.

అయితే మరి కొంత మంది మాత్రం, ఇంత చిన్న వయసులో రాజకీయాల్లోకి అడుగు పెట్టడం, ప్రజలకు సేవ చేయాలి అనుకోవడం కూడా గొప్ప విషయం అని అభినందిస్తున్నారు.

https://www.instagram.com/p/Cz_hzHgI_id/

ALSO READ : ఇదెక్కడి ట్విస్ట్..ముకుంద పై సీరియస్ అయిన భవానీ..మురారి పెళ్లి ఫస్ట్ కార్డ్ ఎవరికో తెలుసా?

 

NewsPolitics

TS ELECTIONS: తండ్రి చేసిన త్యాగం…కొడుకు గెలిచాడు…కానీ తండ్రి ఓడిపోయారు.! అసలేమైంది.?

by Sainath Gopi
written by Sainath Gopi

తెలంగాణ ఎన్నికల్లో కొన్నిచోట్ల తప్ప మిగిలిన చాలా వరకు నియోజకవర్గాలలో కాంగ్రెస్ హవా బాగా కనిపించింది. ఎన్నికలకు ముందు జరిపిన సర్వే కాంగ్రెస్ కు విజయ అవకాశాలు ఎక్కువగా ఉన్నాయి అన్న విషయాన్ని స్పష్టంగా తెలియజేసింది. కానీ అప్పట్లో ఎవరు ఆ విషయాన్ని పెద్దగా పట్టించుకోలేదు .ముఖ్యంగా కేసీఆర్ ఈ విషయాన్ని పరిగణలోకి తీసుకోలేదు .అందుకే ఎన్నికల తర్వాత రిజల్ట్స్ రూపంలో పెద్ద మూల్యాన్ని చెల్లించుకున్నాడు.

కాంగ్రెస్ హవా ఎంత ఉన్నా కచ్చితంగా గెలుస్తారు అని భావించిన కొందరు అభ్యర్థుల ఫలితాలు తారుమారు అవడం అందరిని ఆశ్చర్యానికి గురి చేస్తున్నాయి. సిట్టింగ్ ఎమ్మెల్యేలుగా ఉంటున్న వాళ్లు కూడా ఈసారి ఓటమి చవిచూశారు.
మైనంపల్లి హన్మంతరావు..  2018 ఎన్నికల్లో మల్కాజిగిరి నియోజకవర్గం నుంచి గెలిచి పింక్ జెండాను ఎగరవేశారు. సిట్టింగ్ ఎమ్మెల్యేలకు దాదాపు టికెట్లు ప్రకటించిన కేసీఆర్ ఈసారి మైనంపల్లి కి కూడా టికెట్ ఇచ్చారు.

అయితే ఈసారి కొడుకుని ప్రోత్సహించాలి అని భావించి మైనంపల్లి.. కేసీఆర్ ను తన కొడుకుకి మెదక్ టికెట్ ఇవ్వాలని కోరారు.అయితే అతని కోరిక నిరాకరించడంతో.. మంత్రి హరీష్ రావు పై తీవ్ర విమర్శలు కురిపించి కొడుకుతో సహా కాంగ్రెస్ తీర్థం పుచ్చుకున్నారు మైనంపల్లి హనుమంత్ రావు.

మల్కాజ్గిరి నుండి బీఆర్‌ఎస్‌ సిట్టింగ్ ఎమ్మెల్యేగా ఉన్న మైనంపల్లి హన్మంతరావు సడన్ గా ఆ పార్టీ నుండి తప్పుకొని కాంగ్రెస్ కి వెళ్లిపోవడంతో… చివరి క్షణంలో మల్కాజ్గిరి టికెట్ ని మంత్రి మల్లారెడ్డి అల్లుడు అయిన రాజశేఖర్ రెడ్డికి ఆ టికెట్ ఇచ్చింది బీఆర్‌ఎస్‌ పార్టీ. అనూహ్యంగా రాజశేఖర్ రెడ్డి (బీఆర్‌ఎస్‌) అక్కడ విజయం సాధించారు. దీంతో మైనంపల్లి హన్మంతరావు ఓడిపోయారు.  అతని కొడుకు మెదక్ నుంచి కాంగ్రెస్ తరఫున పోటీ చేశాడు. కొడుకైతే గెలిచాడు కానీ ఇంత పట్టు పట్టిన తండ్రి మాత్రం ఓడిపోవడం ప్రస్తుతం పెద్ద చర్చనీయాంశంగా మారింది.

 

Politics

TS ELECTIONS HIGHEST MAJORITY: తెలంగాణ ఎన్నికల్లో అత్యధిక మెజారిటీతో ఘనవిజయం సాధించిన 5 మంది అభ్యర్థులు వీరే.!

by Sainath Gopi
written by Sainath Gopi

తెలంగాణ ఎన్నికల పరిణామం ఎన్నడు ఎవరు ఊహించని విధంగా వచ్చింది. మార్పు కావాలి అంటూ ఒకపక్క అంటూ 6 గ్యారంటీల ఆశ చూపించి అధికారం చేజిక్కించుకుంది కాంగ్రెస్ పార్టీ. అయితే గ్రేటర్ హైదరాబాద్ లో మాత్రం గులాబీ వికాసం పై ఇవి ఏవి ప్రభావం చూప లేకపోయాయి. మొత్తం 119 నియోజకవర్గాలలో 64 స్థానాలు కాంగ్రెస్ హస్తగతమయ్యాయి. మరోపక్క గ్రేటర్ పరిధిలో ఉన్న 15 నియోజకవర్గాలలోని ఏడు స్థానాలలో కారు స్పీడ్ కొనసాగింది. ఎప్పటిలాగా గోషామహల్ లో రాజాసింగ్ హ్యాట్రిక్ విక్టరీ తో వచ్చిన ఒకే ఒక సీటు బిజెపి ఖాతాలో సురక్షితంగా చేరింది.

కుత్బుల్లాపూర్‌లో బీఆర్‌ఎస్‌ అభ్యర్థి వివేకానంద గౌడ్‌.. 85వేల 576 ఓట్ల మెజారిటీ సాధించి రికార్డు సృష్టించాడు.
కూన శ్రీశైలం గౌడ్‌పై వివేకానంద వార్ వన్ సైడ్.. కాదు .. కాదు.. కారు వన్ సైడ్..అనేది రేంజ్ లో గెలుపు సాధించాడు. తమ పార్టీ అందించిన సంక్షేమ పథకాల గురించి విస్తృతంగా ప్రచారం చేయడమే కాకుండా.. సీమాంధ్ర ఓటు బ్యాంకును తన వైపు తిప్పుకోవడంలో వివేకా సక్సెస్ అయ్యాడు. తెలంగాణలో మూడవసారి జరిగిన ఎన్నికల్లో వివేకానంద టాప్ స్కోరర్గా నిలబడడమే దీనికి నిదర్శనం.

మరోపక్క హరీష్ రావు 82వేల 308 ఓట్ల మెజార్టీ సాధించి టాప్ స్కోరర్ లిస్టులో రెండవ స్థానంలో ఉన్నాడు. గత ఎన్నికల్లో ఆయనకు లక్షకు పైగా మెజారిటీ వచ్చింది. ఇక కూకట్పల్లిలో బీఆర్‌ఎస్‌ అభ్యర్థి మాధవరం కృష్ణారావు 70వేల 387 ఓట్ల మెజారిటీ తో గెలిచాడు. కాంగ్రెస్ నుంచి వేముల వీరేశం అత్యధిక మెజార్టీ రికార్డును సొంతం చేసుకున్నాడు.బీఆర్‌ఎస్‌ అభ్యర్థి చిరుమర్తి లింగయ్యపై వేముల వీరేశం 68వేల 839 ఓట్లతో గెలిచాడు. మంచిర్యాలలో కాంగ్రెస్‌ అభ్యర్థి ప్రేమ్‌ సాగర్‌ రావు 66 వేల 116 ఓట్ల మెజార్టీతో గెలిచారు. కాంగ్రెస్‌ అభ్యర్థి రాజ్‌ ఠాకూర్‌ రామగుండంలో బీఆర్‌ఎస్‌ అభ్యర్థి కోరుకంటి చందర్‌ 56 వేల 352 భారీ మెజార్టీతో పై గెలిచారు.

NewsPolitics

ఆ నాలుగు నియోజకవర్గాల్లో… “బీఆర్‌ఎస్‌” అతి తక్కువ మార్జిన్ తోనే ఓడిపోయిందని తెలుసా.?

by Sainath Gopi
written by Sainath Gopi

కేసీఆర్ నాయకత్వంలో ఏర్పడిన పార్టీ తెలంగాణ రాష్ట్ర సమితి. ఆ తర్వాత భారత రాష్ట్ర సమితిగా మారింది.తెలంగాణ ఏర్పడిన తర్వాత ఈ పార్టీ పది సంవత్సరాలు పాటు నిర్విరామంగా పాలన సాగించింది. 2023 ఎన్నికల లో కూడా చాలామంది బీఆర్ఎస్ పార్టీ గెలుస్తుందని భావించారు కానీ అనుకోని పరిణామాల మధ్య ఓటమిపాలైంది ఈ పార్టీ. ఎక్కడో మూడో స్థానంలో ఉన్న కాంగ్రెస్ పార్టీ ఊహించని విధంగా అధికారాన్ని చేజిక్కించుకుంది. తెలంగాణ లో బీఆర్ఎస్ పై ప్రజలలో వ్యతిరేకతని తీసుకురావడంలో కాంగ్రెస్ పార్టీ బాగా సక్సెస్ అయింది.

ఈ ఎన్నికలలో కేసీఆర్ 40 సంవత్సరాల తర్వాత ఓటమి చవి చూడటం అనేది గమనించాల్సిన విషయం. ఈయన రాజకీయ ప్రస్థానంలో 14 సార్లు వరుస విజయాన్ని చవిచూసిన ఘనత దక్కించుకున్నారు కేసీఆర్. నిజానికి ఈ ఎన్నికలలో గెలిచి దక్షిణాదిలో హ్యాట్రిక్ సాధించిన తొలి సీఎం గా నిలవాలి అనుకున్న కేసీఆర్ కు నిరాశ మిగిలింది. అయితే ఇక్కడ బాధపడవలసిన మరొక విషయం ఏమిటంటే చాలా స్వల్ప ఓట్ల తేడాతో నలుగురు అభ్యర్థులు ఓటమిపాలయ్యారు. దీంతో బీఆర్ఎస్ నాలుగు సీట్లని కోల్పోయింది.

5000 వోట్ల లోపు మెజారిటీతో నాలుగు సీట్లను బీఆర్ఎస్ కోల్పోయింది పార్టీ 39 స్థానాల్లో గెలవగా నాలుగు స్థానాల్లో స్వల్ప ఓట్ల తేడాతో ఓటమిపాల అవటంతో గులాబీ పార్టీలో విషాదఛాయలు అలముకున్నాయి. నిజానికి దేవరకద్ర నియోజకవర్గంలో అయితే దాదాపు విజయం ఖాయం అనుకునే సమయానికి స్వల్ప తేడాతో పరాజ్యం పాలయ్యింది.

ఇక జుక్కల్, బోధన్, ఖానాపూర్ నియోజకవర్గాలలో కూడా అదే స్వల్ప తేడాతో సీట్లని కోల్పోయింది బీఆర్ఎస్.

#1. జుక్కల్ నియోజకవర్గంలో బీఆర్‌ఎస్‌ అభ్యర్థి హన్మంతు షిండే కి 63337 ఓట్లు వచ్చాయి. కాంగ్రెస్ అభ్యర్థి టీ.లక్ష్మీకాంత రావుకు 64489 ఓట్లు వచ్చాయి. కేవలం 1152 ఓట్ల మెజారిటీతో కాంగ్రెస్ గెలిచింది.

#2. దేవరకద్ర నియోజకవర్గంలో బీఆర్‌ఎస్‌ అభ్యర్థి ఆల వేంకటేశ్వర రెడ్డికి 87159 ఓట్లు వచ్చాయి. కాంగ్రెస్ అభ్యర్థి జీ.మధుసూదన్ రెడ్డికి 88551 ఓట్లు వచ్చాయి. కేవలం 1392 ఓట్ల మెజారిటీతో కాంగ్రెస్ గెలిచింది.

#3. బోధన్ నియోజకవర్గంలో బీఆర్‌ఎస్‌ అభ్యర్థి షకీల్ అహ్మద్ కి 63901 ఓట్లు వచ్చాయి. కాంగ్రెస్ అభ్యర్థి పి.సుదర్శన్ రెడ్డికి 66963 ఓట్లు వచ్చాయి. 3062 ఓట్ల మెజారిటీతో కాంగ్రెస్ గెలిచింది.

#4. ఖానాపూర్ నియోజకవర్గంలో బీఆర్‌ఎస్‌ అభ్యర్థి జాన్సన్ నాయక్ కి 54168 ఓట్లు వచ్చాయి. కాంగ్రెస్ అభ్యర్థి ఎడ్మ బొజ్జుకి 58870 ఓట్లు వచ్చాయి. 4702 ఓట్ల మెజారిటీతో కాంగ్రెస్ గెలిచింది.

ఓటమికి కారణాలను సమీక్షించటానికి కేసీఆర్ అప్పుడే మీటింగ్ ఏర్పాటు చేసిన సంగతి తెలిసిందే. తాజాగా తెలంగాణలో విజయ పతాకం ఎగురవేసిన కాంగ్రెస్ డిసెంబర్ 9వ తారీఖున ప్రమాణ స్వీకారం చేయబోతుంది. కొసమెరుపు ఏమిటంటే ఎన్నికలలో ఓడిపోవడంతో ఏమాత్రం ఆలోచించకుండా బీర్ఎస్ పార్టీలోంచి బయటికి వచ్చేస్తున్నారు జంపింగ్ జపాంగులు.

Newer Posts
Older Posts