Ads
చెన్నై లోని చెపాక్ స్టేడియం వేదికగా మంగళవారం రాత్రి ముంబై ఇండియన్స్ జట్టుకి, ఢిల్లీ క్యాపిటల్స్ జట్టుకి మధ్య జరిగిన మ్యాచ్ లో 6 వికెట్ల తేడాతో ఢిల్లీ క్యాపిటల్స్ జట్టు విజయం సాధించింది. టాస్ గెలిచిన ముంబై ఇండియన్స్ జట్టు కెప్టెన్ రోహిత్ శర్మ బ్యాటింగ్ ఎంచుకున్నారు. ఓపెనర్ డికాక్ (1) స్కోర్ చేయగా, తర్వాత వచ్చిన సూర్యకుమార్ యాదవ్ (24: 15 బంతుల్లో 4×4)తో కలిసి రెండో వికెట్ కి రోహిత్ శర్మ (44: 30 బంతుల్లో 3×4, 3×6) 58 పరుగుల భాగస్వామ్యం నెలకొల్పారు.
Video Advertisement
ఇన్నింగ్స్ 9 వ ఓవర్‌ లో బౌలింగ్‌ కి వచ్చిన అమిత్ మిశ్రా ఒక బంతి వ్యవధిలో రోహిత్ శర్మతో పాటు హార్దిక్ పాండ్యా (0) ను అవుట్ చేశారు. ఆ తర్వాత వచ్చిన కీరన్ పొలార్డ్ (2: 5 బంతుల్లో) కూడా అమిత్ మిశ్రా బౌలింగ్‌ లో ఎల్బీడబ్ల్యు గా అవుటయ్యారు. ఓపికగా క్రీజ్ లో నిలిచిన ఇషాన్ కిషన్ (26: 28 బంతుల్లో 1×4, 1×6) కి చివరిలో జయంత్ యాదవ్ (23: 22 బంతుల్లో 1×4) సహకారం అందించారు. కానీ జట్టు స్కోర్ 123 ఉన్నప్పుడు వద్ద ఇషాన్ కిషన్ ని అమిత్ మిశ్రా అవుట్ చేశారు. ముంబై ఇండియన్స్ జట్టు 9 వికెట్ల నష్టానికి 137 పరుగుల స్కోర్ చేసింది.
138 పరుగుల లక్ష్యఛేదనలో బరిలోకి దిగిన ఢిల్లీ క్యాపిటల్స్ జట్టు ఓపెనర్ పృథ్వీ షా (7: 5 బంతుల్లో 1×4) మ్యాచ్ మొదట్లోనే వికెట్ చేజార్చుకోగా తర్వాత వచ్చిన మరొక ఓపెనర్ శిఖర్ ధావన్ (45: 42 బంతుల్లో 5×4, 1×6) నెం.3లో వచ్చిన స్టీవ్ స్మిత్ (33: 29 బంతుల్లో 4×4)తో కలిసి బాధ్యతాయుత ఇన్నింగ్స్ ఆడారు. అయితే జట్టు స్కోర్ 64 వద్ద స్మిత్ అవుట్ అయ్యారు. ఢిల్లీ క్యాపిటల్స్ జట్టు కెప్టెన్ రిషబ్ పంత్ (7: 8 బంతుల్లో 1×4) స్కోర్ చేయగా కొత్త క్రికెటర్ లలిత్ యాదవ్ (22 నాటౌట్: 25 బంతుల్లో) స్కోర్ చేశారు. కానీ చివరిలో వచ్చిన షిమ్రోన్ హెట్మెయర్ (14 నాటౌట్: 9 బంతుల్లో 2×4) రెండు బౌండరీలు కొట్టడంతో ఢిల్లీ క్యాపిటల్స్ జట్టుకి గెలుపు సులువైంది. ఢిల్లీ కాపిటల్స్ జట్టు 19.1 ఓవర్లలోనే 4 వికెట్ల నష్టానికి 138 పరుగులు స్కోర్ చేసింది. ఈ మ్యాచ్ పై సోషల్ మీడియాలో ట్రెండ్ అవుతున్న కొన్ని మీమ్స్ ఇవే.
#1
#2
#3
#4
#5
#6
#7
#8
#9
#10
#11
#12
#13
#14
#15
#16
#17
End of Article
