Anudeep

బాబీ దర్శకత్వంలో చిరంజీవి నటించిన వాల్తేరు వీరయ్య చిత్రం సంక్రాంతి కానుకగా ప్రేక్షకుల ముందుకి రానుంది. ఈ సినిమాలో రవితేజ ముఖ్య పాత్రలో కనిపించనున్నారు. ఈ సినిమాలో శృతి హాసన్ హీరోయిన్ గా నటిస్తోంది. కేథరిన్ మరో కీలక పాత్రలో నటిస్తోంది. ఈ సినిమా విడుదల దగ్గరపడుతుండటంతో ఈ మూవీ ప్రీరిలీజ్ ఈవెంట్ ను గ్రాండ్ గా నిర్వహించారు. వైజాగ్ లోని ఏయూ గ్రౌండ్స్ లో వాల్తేరు వీరయ్య ప్రీరిలీజ్ ఈవెంట్ జరిగింది.

అయితే మరో వైపు శనివారం విడుదలైన ట్రైలర్ అభిమానులకు పూనకాలు తెప్పించేలా ట్రెండింగ్ లో దూసుకుపోతోంది. చిరంజీవిని పక్కా మాస్ లుక్ తో చూడాలని కొంతకాలం నుంచి ఆయన అభిమానులు కోరుకుంటున్నారు. అలాగే ఈ చిత్రం లో చిరు ని అలాగే చూపించబోతున్నాడు అని ట్రైలర్ తో నిరూపించేసాడు దర్శకుడు బాబీ. అయితే ఫుల్ యాక్షన్ తో ఈ ట్రైలర్ ఆద్యంతం సాగింది.

అయితే ఈ ట్రైలర్ లో చిరు చెప్పిన డైలాగ్ ఒకటి ఇప్పుడు వైరల్ గా మారింది. ఈ ట్రైల‌ర్ లో చిరంజీవి… రికార్డుల్లో నా పేరు ఉండ‌టం కాదు…..నా పేరు మీద‌నే రికార్డ్స్ ఉంటాయి అంటూ డైలాగ్ చెప్పారు. అయితే ఇదే డైలాగును క‌మెడియ‌న్ పృధ్వీ….సాయి ధరమ్ తేజ హీరోగా వచ్చిన విన్న‌ర్ సినిమాలో చెప్పాడు. ఆ సినిమాకు గోపిచంద్ మలినేని డైరక్టర్. ప్రస్తుతం సంక్రాంతికి గోపీచంద్ మలినేని, బాబి సినిమాల మధ్యనే పోటీ నడుస్తోంది. ఈ నేపథ్యం లో ఈ డైలాగు మరింత ప్రాధాన్యత సంతరించుకుంది. దాంతో బాబీ అన్నా ఈ పంచ్ డైలాగ్ ను అక్క‌డ లేపావా అంటూ ట్రోల్ చేస్తున్నారు. ఆ వీడియోని కట్ చేసి వైరల్ చేస్తున్నారు.

‘వాల్తేరు వీరయ్య’.. సముద్రం నేపథ్యంలో .. జాలరి గూడెం బతుకుల చుట్టూ తిరిగే కథ. ఈ చిత్రం ఇప్పటికే సెన్సార్ ఫార్మాలిటీస్ పూర్తి చేసుకుంది. సెన్సార్ వాళ్ల టాక్ బట్టి ఈ సినిమా ఔట్ అండ్ ఔట్ మాస్ ఓరియంటెడ్‌గా చిరు అభిమానులు పండగ చేసుకునేలా ఉందనే టాక్ వినిపిస్తోంది. మైత్రి మూవీ మేకర్స్‌ నిర్మించిన ఈ చిత్రం సంక్రాంతికి జనవరి 13 న ప్రేక్షకుల ముందుకి రానుంది. విడుదల తేదీ దగ్గర పడుతుండటం తో వాల్తేరు వీరయ్య చిత్ర ప్రమోషన్స్ ని వేగవంతం చేసింది టీం. ఇప్పటికే విడుదలైన పాటలు.. వీడియోలకు మంచి రెస్పాన్స్ వచ్చింది.

https://www.instagram.com/reel/CnJ4gftoby5/?igshid=YmMyMTA2M2Y%3D

తెలుగు చిత్రసీమలో ఎందరో నటీమణులు తమ అద్భుతమైన నటనతో ప్రేక్షకుల హృదయాలను గెలుకుకున్నారు. ఆ కోవలోకే వస్తారు సీనియర్ యాక్టర్ సుధ. దాదాపుగా వెయ్యికి పైగా సినిమాల్లో నటించిన ఆమె.. బాలనటిగా, కథానాయికగా, అత్తగా, అమ్మగా, అమ్మమ్మగా, వదినగా ఇలా ఎన్నో పాత్రల్లో నటించి మెప్పించారు. ఎమోషనల్ సీన్లతోపాటు పాత్ర ఔచిత్యాన్ని బట్టి కామెడీని పలికించడంలోనూ సుధ దిట్ట. సీనియర్ నటుల నుంచి.. కొత్తగా వచ్చిన నటుల వరకు అందరితోనూ నటించారు సుధ.

అయితే ఆమె వ్యక్తిగత జీవితంలో ఎన్నో కష్టనష్టాలు, ఒడిదొడుకులను ఎదుర్కొన్నారని చాలా మందికి తెలీదు. ఈ విషయాల గురించి ఆమె ఒక ఇంటర్వ్యూ లో చెప్పుకొచ్చారు. ” మా నాన్నకు నలుగురు కొడుకుల తర్వాత నేను పుట్టా. అందుకే అమృతం అనే అర్థం వచ్చేలా నాకు సుధ అనే పేరు పెట్టారు. ఇంట్లో 20 తులాల బంగారు నగలు వేసుకుని తిరిగేదాన్ని. తమ్ముడు పుట్టిన కొన్నాళ్లకు నాన్నకు క్యాన్సర్ అని తెలిసింది. అప్పటినుంచి ఆస్తి అంతా కరిగిపోవడం ప్రారంభమైంది. తర్వాత అమ్మ తన మంగళసూత్రం అమ్మి మాకు భోజనం పెట్టింది. అలా అన్నీ ఉన్న స్థాయి నుంచి ఏమీ లేని దీనస్థితికి చేరుకున్నాం’ అని ఆమె చెప్పారు.

పెద్ద బంగ్లా, ఇంటినిండా పనివాళ్లు, ముగ్గురు డ్రైవర్లు.. ఇలా ఎంతో రాజసంగా బతికామని తెలిపారు సుధ. సినిమాల్లో చాలా డబ్బులే సంపాదించినా.. తర్వాత ఆమె చేసిన వ్యాపారాల వల్ల ఆర్థికంగా చితికి పోయామని వెల్లడించారు. భర్త కూడా ఆమెను వదిలేసి.. ఫారెన్ వెళ్లిపోయారట. మరోవైపు కుమారుడు విదేశీ అమ్మాయిని పెళ్లి చేసుకోవడంతో.. అతనితో కూడా సంబంధాలు దెబ్బతిన్నాయి. తనయుడు ఉన్నాడనే కానీ.. కనీసం ఫోన్‌లో కూడా మాట్లాడడని చెబుతూ ఎమోషనల్ అయ్యారు సుధ.

జీవితంలో ఎన్నో ఎదురు దెబ్బలు తిన్నానని.. అందరూ ఉన్నా ఎవ్వరు లేని ఒంటరిని అయ్యానని.. జీవితం నుంచి ఎన్నో పాఠాలు నేర్చుకున్నట్టు చెప్పారు సుధ. దేవుడు మనం ఏం చేయాలో ముందే నిర్ణయిస్తాడని చెప్పుకొచ్చారు. భవిష్యత్ గురించి కలత చెందడం మానేశానని వివరించారు. నచ్చిన పని చేసుకుంటూ వెళ్లడమే అన్నింటికన్నా ఉత్తమమని ఆమె చెబుతున్నారు.

రాయలసీమ ఫ్యాక్షన్ బ్యాక్‌డ్రాప్‌తో ఇప్పటివరకు బాలయ్య నటించిన సినిమాలు అన్ని సూపర్ హిట్స్ అన్న విషయం తెల్సిందే. ఇప్పుడు తనకు కలిసొచ్చిన అదే జోనర్ లో సంక్రాంతి బరిలో నిలిచారు బాలకృష్ణ. నందమూరి బాలకృష్ణ లీడ్ రోల్ పోషించిన ‘వీరసింహా రెడ్డి’ మూవీ రిలీజ్‌కి సిద్ధమవుతోంది. గోపీచంద్ మలినేని దర్శకత్వంలో తెరకెక్కిన ఈ సినిమాలో బాలకృష్ణకి జోడీగా శృతి హాసన్ నటించింది. అలానే విలన్‌గా కన్నడ నటుడు దునియా విజయ్ నటించాడు. వరలక్ష్మి శరత్ కుమార్ మరో కీలక పాత్రలో కనిపిస్తున్నారు.

ఈ సినిమాకి తమన్ సంగీతం అందించగా.. రామజోగయ్య శాస్త్రి అన్ని పాటలను రాసారు. లెజెండ్ సినిమాలో కూడా అన్ని పాటలను రామజోగయ్య శాస్త్రి రాసారు. సిరివెన్నెల సీతారామ శాస్త్రి శిష్యుడిగా చిత్ర పరిశ్రమలోకి ప్రవేశించి.. తక్కువ సమయంలోనే తనకంటూ ఓ ప్రత్యేకమైన గుర్తింపు తెచ్చుకున్నారు ప్రముఖ గీత రచయిత రామజోగయ్య శాస్త్రి. అయితే ఆయన ట్విట్టర్ లో చాలా యాక్టీవ్ గా ఉంటారు. తన పర్సనల్, ప్రొఫెషన్‌కి సంబంధించిన అప్‌డేట్స్ అన్నిటినీ షేర్ చేస్తుంటారాయన.

అయితే తాజాగా ఆయన షేర్ చేసిన ఒక పిక్ వైరల్ గా మారింది. ఆయన తన ట్విట్టర్ ఖాతాలో ‘వీర సింహా రెడ్డి’ లో నా క్యామియో అంటూ తలపాగా చుట్టుకుని ఉన్న సూపర్బ్ పిక్ షేర్ చేశారు. అయితే ఆయన ఏ పాటలో కనిపిస్తున్నారో చెప్పలేదు కానీ.. ఆ ఫోటో చూస్తుంటే వీర సింహా రెడ్డి’ లో ‘మాస్ మొగుడు’ పాటలో కనిపించనున్నారని బాలయ్య ఫ్యాన్స్, నెటిజన్లు కామెంట్స్ చేస్తున్నారు.

అయితే ఇంతకు ముందు కింగ్’, ‘శ్రీమంతుడు’ వంటి పలు చిత్రాల్లో పాటల్లో కాసేపు కనిపించిన ఆయన క్యామియోలు సూపర్ హిట్ అయ్యాయి. ఇప్పుడు ఈ సినిమాలో క్యామియో ఎంత ట్రెండ్ అవుతుందో చూడాలి. ఇప్పటికే విడుదలైన వీరసింహారెడ్డి సినిమాలోని నాలుగు పాటలు బ్లాక్ బస్టర్స్ గా నిలిచాయి. అన్ని పాటలు మాస్ ఆడియన్స్ కి కనెక్ట్ అయ్యేలా ఉన్న ఈ పాటలు అన్నీ యూట్యూబ్ లో దూసుకుపోతున్నాయి.

‘ఏమాయ చేశావే’ సినిమాతో తెలుగు ప్రేక్షకులకు పరిచయమైన సమంత తన కృషి, పట్టుదలతో క్రమంగా టాలీవుడ్ స్టార్ హీరోయిన్‌గా ఎదిగింది. సాధారణంగా పెళ్లి తర్వాత హీరోయిన్స్ సినిమాలకు దూరమవుతుంటారు. కానీ సమంత పెళ్లి తర్వాత కూడా ప్రాధాన్యమున్న చిత్రాలు చేసింది. కొన్ని కారణాల వల్ల విడాకులు తీసుకున్న సామ్.. ఆ తర్వాత తనకు మయోసైటిస్ అనే ఆటో ఇమ్యూన్ వ్యాధి ఉందంటూ ప్రకటించి ఫాన్స్ ని షాక్ కి గురి చేసింది.

తాజాగా యశోద చిత్రం తో ప్రేక్షకుల ముందుకి వచ్చిన సామ్. త్వరలో ఖుషి, శాకుంతలం చిత్రాలతో ప్రేక్షకులని పలకరించనుంది. తాజాగా విడుదలైన శాకుంతలం ట్రైలర్ తో సామ్ అందరి మనసులు గెలుచుకుంది. అయితే ట్రైలర్ రిలీజ్ ఈవెంట్ లో సమంత మంచు వంటి తెల్లటి చీర ధరించి వచ్చారు. చాలా కాలం తర్వాత సామ్ బయటకు రావడం తో ఫాన్స్ హ్యాపీ గా ఫీల్ అయ్యారు. అయితే ఈ ఈవెంట్ లో సమంత చేతిలో ఉన్న తులసి జపమాల అందరి దృష్టిని ఆకర్షించింది.

అయితే సామ్ మయోసైటిస్ ట్రీట్మెంట్‌తో పాటు మానసిక ప్రశాంత కోసం ఆధ్యాత్మిక గురువులు, స్వామీజీలు చెప్పిన విషయాలు పాటిస్తున్నట్లు తెలుస్తోంది. ప్రతీ రోజు 10 ,008 శ్లోకాలు జపిస్తూ సమంత ప్రత్యేక జపం చేస్తోందట. అందుకే ఎక్కడికి వెళ్లిన వెంట జపమాల కంపల్సరిగా మారిందని తెలుస్తోంది. అలాగే మనశాంతి కోసం తెల్లటి దుస్తులే ధరిస్తున్నట్లు తెలుస్తోంది. ఈ ఆహార్యంలోనే సమంత ఎయిర్పోర్ట్ లోను, ట్రైలర్ ఈవెంట్ లో కూడా కనిపించారు.

చైతో విడిపోయిన తరువాత తన స్నేహితులతో కలిసి ఆధ్మాత్మక యాత్రకు వెళ్లిన సమంత అప్పటి నుంచి హిందూ శ్లోకాలని పఠిస్తూ మనశ్శాంతిని ఆయురారోగ్యాలని ప్రసాదించమని జపం చేస్తున్నదని ఇన్ సైడ్ టాక్. ఆ కారణంగానే నిత్యం తన వెంట జపమాలని పెట్టుకుంటోందట. సాధారణంగా తులసిమాల వేసుకుంటే ఆరోగ్యానికి మంచిది, మనసు కూడా ప్రశాంతంగా అంటుందని చాలామంది నమ్ముతారు. దీంతో సమంత కూడా ఆ తులసి జపమాల ఆరోగ్యం కోసం, చుట్టూ పాజిటివ్ వైబ్స్ ఉండటానికి, మనసు ప్రశాంతంగా ఉండటానికి, నెగిటివ్ థాట్స్ రాకుండా ఉండటానికి చుట్టుకున్నట్టు తెలుస్తుంది.

పవన్ కళ్యాణ్ – త్రివిక్రమ్ కాంబినేషన్ అంటేనే ప్రేక్షకుల్లో అంచనాలు భారీగా ఉంటాయి. వీరిద్దరి కాంబినేషన్ లో జల్సా, అత్తారింటికి దారేది వంటి చిత్రాలు వచ్చి.. బ్లాక్ బస్టర్లుగా నిలిచాయి. ఆ తర్వాత వీరిద్దరూ తీసిన చిత్రం అజ్ఞాతవాసి. ఈ చిత్రం పై తెలుగు ఇండస్ట్రీలో అప్పటి వరకు మరే సినిమాకు రానంత హైప్ ఉంది. రికార్డు స్థాయి బిజినెస్. . పైగా పండగ సీజన్. దీంతో ఈ చిత్రం పై ఎన్నో అంచనాలు ఉన్నాయి. కానీ చివరికి ఈ చిత్రం ప్లాప్ గా నిలిచింది.

ఎవరూ ఊహించని రేంజ్‌లో అజ్ఞాతవాసి డిజాస్టర్ అయింది. పైగా ఫ్లాపుల్లో ఆల్‌టైమ్ రికార్డులు సెట్ చేసింది. ఈ సినిమా వచ్చి అప్పుడే నాలుగేళ్లు అయిపోయింది. పవన్ కెరీర్‌లోనే కాదు.. త్రివిక్రమ్ కెరీర్‌లో కూడా ఎప్పటికీ మాయని మచ్చ అజ్ఞాతవాసి. కలలో కూడా ఊహించని ఫ్లాప్ ఇది. అంత దారుణంగా సినిమా డిజాస్టర్ అవుతుందని వాళ్లు కూడా ఊహించి ఉండరు. విడుదలకు ముందు ఈ చిత్రంపై ఉన్న అంచనాలు తారాస్థాయిలో ఉంటే.. విడుదల తర్వాత అవి పాతాళానికి పడిపోయాయి.

అజ్ఞాతవాసి 58 కోట్ల వరకు నష్టాలు తీసుకొచ్చింది. అయినా కూడా డిజాస్ట‌ర్ టాక్‌తోనే 57 కోట్ల షేర్ వ‌సూలు చేసింది. ప్ర‌పంచ వ్యాప్తంగా 98 కోట్ల గ్రాస్ వ‌సూలు చేసింది. అయితే సినిమా రేంజ్‌కు ఇది స‌రిపోదు. నాన్ బాహుబ‌లి కేట‌గిరీలో అప్పటి వరకు ఏ తెలుగు సినిమా చేయ‌ని బిజినెస్ చేసింది ఈ చిత్రం. ప‌వ‌న్ 25వ సినిమా క‌దా అని కోట్లాది ఆశ‌ల‌తో వ‌చ్చిన అభిమానుల ఆశ‌ల‌పై నిండా నీళ్లు పోసాడు త్రివిక్ర‌మ్. ఏం చేసినా చూస్తారులే అనే అతి విశ్వాస‌మే అజ్ఞాత‌వాసి కొంప ముంచేసిందని అప్పట్లో గగ్గోలు పెట్టారు విశ్లేషకులు.

అయితే తాజాగా అజ్ఞాతవాసి చిత్రం ఐదేళ్లు అయిన సందర్భంగా నెట్టింట పలు మీమ్స్ వైరల్ అవుతున్నాయి..వాటిపై ఓ లుక్కేయండి..

#1

#2

#3

#4

#5

#6

#7

#8

#9

#10

#11

#12

#13

#14

#15

#16

#17

#18

దర్శకుడు గుణశేఖర్ ది ఓ విభిన్న ఆలోచనా విధానం. కళ్ళ ముందు విజువల్ వండర్ ను ఆవిష్కరించాలనుకుంటారు. చివరిగా ఆయన చారిత్రక నేపథ్యం లో వచ్చిన రుద్రమదేవి చిత్రం చేసారు. అయితే ఆ చిత్రం తర్వాత మరో చిత్రం చెయ్యలేదు గుణశేఖర్. అయితే చాలా కాలం తర్వాత స్టార్ హీరోయిన్ సమంత తో ‘శాకుంతలం’ సినిమాని ప్రకటించారు. ఈ చిత్రం ఫిబ్రవరి 17 న ప్రేక్షకుల ముందుకు రానుంది.

ఈ చిత్రం పురాణాల ఆధారం గా రానుంది. పాన్‌ ఇండియా మూవీగా రూపొందుతోన్న ఈ చిత్రాన్ని దిల్‌రాజు సమర్పణలో డిఆర్‌పి-గుణా టీమ్‌ వర్క్స్‌ పతాకంపై గుణశేఖర్‌ కుమార్తె నీలిమ గుణ నిర్మిస్తున్నారు. ఈ చిత్రంలో మలయాళ హీరో దేవ్‌ మోహన్‌ దుష్యంతుడుగా నటిస్తున్నారు. ఈ చిత్రం లో అల్లు అర్జున్ కుమార్తె అల్లు అర్హ కూడా నటిస్తోంది. తాజాగా ఈ చిత్ర ట్రైలర్ విడులయ్యి అందర్నీ ఆకట్టుకుంటోంది.

అయితే సమంతకు సోషల్ మీడియాలో ఉన్న ఫాలోయింగ్ కూడా అంతా ఇంతా కాదు. అలాగే సామ్ కూడా సోషల్ మీడియా లో చాలా యాక్టీవ్ గా ఉంటుంది.. ఆమె ఎలాంటి పోస్ట్ చేసినా అది విపరీతమైన రీచ్ తో వైరల్ అవుతాయి. అలా తాను మయోసైటిస్ బారిన పడినట్టు, చికిత్సా విధానం, తాను కోలుకుంటున్న తీరు అన్నీ సోషల్ మీడియాలో పంచుకుంది. అయితే తాజాగా శాకుంతలం సినిమా గురించి సమంత చేసిన కామెంట్స్ వైరల్ అవుతున్నాయి.

శాకుంతలం సినిమా షూటింగ్ సంగతులపై ఓ పోస్ట్ పెట్టింది సమంత. ఈ మూవీలో నటించేటప్పుడు ఎక్స్‌ప్రెషన్స్ చాలా కష్టంగా అనిపించాయని సామ్ పేర్కొంది. నడుస్తున్నపుడు, మాట్లాడుతున్నప్పుడు, పరుగెత్తేటప్పుడు చివరకు ఏడ్చేటప్పుడు కూడా ఫేస్ ఎక్స్‌ప్రెషన్స్ ఒకేలా పెట్టాల్సి వచ్చిందని తెలిపింది. ఇది తన వల్ల కాలేదని పేర్కొన్న సామ్.. అలా కాకుండా ఈ సాషా (పెంపుడు కుక్క)ను తీసుకెళ్లాల్సింది అంటూ ఆ పోస్టులో రాసుకొచ్చింది. ఈ పోస్టులో పాటు శాకుంతలం భంగిమలో దిగిన ఓ ఫోటో షేర్ చేసింది సమంత. దీంతో ఈ పోస్ట్ నెట్టింట వైరల్ గా మారింది.