Anudeep

సినిమాల్లో ప్రేమ కథలు నిజ జీవితానికి చాలా దూరంగా ఉంటాయి అని అనుకుంటాం. ఇద్దరు ప్రేమించుకోవడం తర్వాత వాళ్ళ ఇంట్లో వాళ్ళు ఒప్పుకోకపోవడం. అప్పుడు ఇద్దరూ కలిసి ఎక్కడికైనా పారిపోయి పెళ్లి చేసుకోవడం. కొద్ది రోజులకి పెద్దలు వాళ్ళని అంగీకరించడం. ఇదంతా సినిమా కథ లాగా ఉంది కదా? కానీ ఒక ప్రముఖ వ్యక్తి ప్రేమకథ మాత్రం పైన చెప్పిన విధంగానే జరిగింది. ఆయన ఎవరో కాదు గాన గంధర్వుడు లెజెండరీ శ్రీ ఎస్.పి.బాలసుబ్రమణ్యం గారు.

ఎన్నో సంవత్సరాల నుండి ఆయన గాత్రంతో, హోస్టింగ్ తో, నటనతో ఇలా ఎన్నో విధాలుగా మనల్ని అలరించిన బాలుగారు, రెండు తెలుగు రాష్ట్రాల్లో మాత్రమే కాకుండా దేశవ్యాప్తంగా ఎన్నో కుటుంబాల్లో ఒక వ్యక్తిగా కలిసిపోయారు. ప్రతివారికి బాలు గారిని చూస్తే మన బాలు గారు అనిపిస్తుంది. అలా ఎన్నో జనరేషన్స్ కి చేరువయ్యారు.

అందుకే ఆయన ఇంక లేరు అనే విషయాన్ని ఇప్పటికి కూడా  జీర్ణించుకోలేకపోతున్నాము. ఇప్పటికి కూడా చాలామంది రోజు బాలు గారి పాటతోనే నడుస్తుంది. ఆయన పాటలన్నీ ఇప్పుడు జ్ఞాపకాలు అయ్యాయి అని అనుకోవడానికే కష్టంగా అనిపిస్తుంది. అలా మనందరికీ చేరువైన బాలు గారు తన వ్యక్తిగత విషయాల గురించి చాలా తక్కువగా మాట్లాడారు. ఆయన వ్యక్తిగత జీవితంలో ఒక భాగమైన బాలుగారి ప్రేమ కథ ఇప్పుడు తెలుసుకుందాం.

బాలు గారిది ప్రేమ వివాహం అనే విషయం చాలా మందికి తెలియదు. బాలు గారు తన బంధువైన సావిత్రి గారిని ప్రేమించి పెళ్లి చేసుకున్నారు. బంధువు అయినంత మాత్రాన వాళ్ళ ఇద్దరి ఇళ్ళల్లో కచ్చితంగా అంగీకారం తెలిపే ఉంటారు అని అనుకుంటాం. నిజానికి బాలు గారి ఇంట్లో, సావిత్రి గారి ఇంట్లో వాళ్ళ ఇద్దరి పెళ్ళికి అస్సలు ఒప్పుకోలేదు. అందుకు కారణం ఇద్దరి గోత్రాలు ఒకటే అవ్వడం. దాంతో వాళ్లు ఎంతో ఒప్పించడానికి ప్రయత్నించినా ఫలితం లేకపోయింది.

సావిత్రి గారి తల్లిదండ్రులు ఆవిడని మద్రాసు నుండి బెంగళూరుకి తీసుకెళ్లిపోయారు. కానీ బాలు గారు మాత్రం ఎలాగైనా సావిత్రి గారిని పెళ్లి చేసుకొని తీరాలి అని నిర్ణయించుకున్నారు. ఒకరోజు స్నేహితుడి కారు తీసుకుని బెంగళూరు లో ఉన్న సావిత్రి గారి ఇంటికి వెళ్లారు. బాలు గారు సావిత్రి గారి తో ముందే అన్ని చెప్పడం వల్ల అప్పటికే గేటు దగ్గర సిద్ధంగా ఉన్నారు సావిత్రి గారు.

అక్కడి నుండి సావిత్రి గారు, బాలు గారు కలిసి మద్రాస్ వెళ్లిపోయారు. మద్రాసు నుండి మెయిల్ లో విశాఖపట్నానికి అక్కడి నుండి సింహాచలం కి చేరుకున్నారు. సింహాచలం నరసింహ స్వామి సమక్షంలో బాలు గారు సావిత్రి గారు పెళ్లి చేసుకున్నారు.

మూడు రోజుల తర్వాత తిరిగి మద్రాస్ కి వచ్చి ఒక హోటల్లో ఉండసాగారు. అక్కడి నుండే బాలుగారు పాటల రికార్డింగ్ లకి వెళ్లి వచ్చే వారు. కొంతకాలం తర్వాత వాళ్ళు ఉన్న హోటల్ కి ఇద్దరి తల్లిదండ్రులు వచ్చి బాలు గారిని, సావిత్రి గారిని ఆశీర్వదించారు. మొదటి సంతానం పల్లవి పుట్టేవరకూ బాలు గారి పరిస్థితి అంతంత మాత్రంగానే ఉండేదట.

తర్వాత రెండోసారి గర్భవతిగా ఉన్నప్పుడు సావిత్రి గారు బెంగళూరు వెళ్తున్నప్పుడు మధ్యలోనే నొప్పులు రావడంతో అరక్కోణం రైల్వే ఆసుపత్రిలో డెలివరీ అయింది. రెండో సంతానం చరణ్.

పల్లవి, చరణ్ ఇద్దరూ గాయకులే. ప్రేమికుడు సినిమా లోని అందమైన ప్రేమ రాణి పాట పాడింది పల్లవి నే. చరణ్ కూడా ఎన్నో పాటలు పాడారు, చాలా తమిళ సినిమాల్లో నటించారు, అంతే కాకుండా జాతీయ స్థాయిలో గుర్తింపు పొందిన అరణ్య కాండం సినిమాని నిర్మించారు చరణ్. ఇది ఎస్పీ బాలు, సావిత్రి గారి లవ్ స్టోరీ. వాళ్ల ప్రేమ కథ చదివితే అచ్చం సినిమాల్లో చూసే ప్రేమకథ లానే అనిపిస్తోంది కదా?

టాలీవుడ్ లో చాలా సినిమాలతో కొత్త హీరోయిన్లు ఎంట్రీ ఇస్తూ ఉంటారు. ఎక్కువగా బాలీవుడ్ లేదా కోలీవుడ్ నుంచి కొత్త హీరోయిన్లు వస్తారు. వీరిలో సింహ భాగం కోలీవుడ్ హీరోయిన్లదే.

కానీ నాగ శౌర్య తన కొత్త సినిమా కోసం ఏకంగా విదేశీ భామను హీరోయిన్ గా పరిచయం చేసారు. న్యూజీలాండ్ కు చెందిన ఫేమస్ సింగర్ షెర్లీ సెటియా ను నాగ శౌర్య తాజా చిత్రం ‘కృష్ణ వ్రింద విహారి’ తో టాలీవుడ్ లోకి ఎంటర్ అయ్యింది.

ఈ చిత్ర ట్రైలర్, ఫస్ట్ లుక్ ప్రేక్షకులను ఆకట్టుకున్నాయి. దీంతో అందరి ద్రుష్టి ఈ బ్యూటీ పై పడింది. చాలా మంది స్టార్ హీరోయిన్లు కూడా తెలుగు మాట్లాడటానికి ఇబ్బంది పడుతున్న తరుణం లో ఈ కివీస్ బ్యూటీ తన తొలి చిత్రంలోనే తన పాత్ర కు డబ్బింగ్ చెప్పుకుంది. దీని కోసం ఈమె తెలుగు కూడా నేర్చుకుందట.

ఇటీవల జరిగిన ప్రీ రిలీజ్ ఈవెంట్ లో తెలుగులో ఒక పాట పాడి అందర్నీ ఆశ్చర్య పరచింది షెర్లీ. స్వతహాగా సింగర్ అయిన ఈ భామ ఫోర్బ్స్ మ్యాగజైన్ పై కూడా మెరిసింది. టాలీవుడ్ కి ఎంటర్ కాకా ముందు ఈమె బాలీవుడ్ లో రెండు చిత్రాలు చేసింది. ఒక వెబ్ సిరీస్ కూడా చేసింది షెర్లీ. అంతే కాకుండా పలు ఆల్బమ్స్ పాడి రిలీజ్ చేసింది. ఈమె యూట్యూబ్ ఛానల్ కు 3.71 మిలియన్ల ఫాలోయర్స్ ఉన్నారు.

నాగ శౌర్య హీరోగా, అనీష్ కృష్ణ దర్శకత్వం లో వచ్చిన ‘కృష్ణ వ్రిందా విహారి” చిత్రంలో వ్రిందా పాత్రలో , క్యూట్ గా నటించింది ఈ కివీస్ భామ. ఐరా క్రియేషన్స్ బ్యానర్ పై ఉష మూల్పూరి ఈ చిత్రాన్ని నిర్మించారు.

మహతి స్వర సాగర్ స్వరాలను అందించారు. కాగా ఈ చిత్రం బాక్స్ ఆఫీస్ వద్ద యావరేజ్ టాక్ తెచ్చుకుంది. ఈ క్యూట్, టాలెంటెడ్ యాక్ట్రెస్ కి తెలుగులో అవకాశాలు వస్తాయో రావో చూడాలి.

‘సీతా రామం’ చిత్రంతో తెలుగు ప్రేక్షకులను పలకరించింది మృణాల్ ఠాకూర్. ఈ చిత్రం లో సీతగా ఈమె అభినయానికి ప్రేక్షకులు మంత్రముగ్ధులయ్యారు. తాజాగా ఈమెకు సంబంధించిన ఒక అప్డేట్ నెట్టింట వైరల్ అవుతోంది.

ప్రభాస్ హీరోగా నాగ్ అశ్విన్ దర్శకత్వం లో వస్తున్న సినిమా ‘ప్రాజెక్ట్ కె’. భారీ బడ్జెట్ తో సైన్స్ ఫిక్షన్ నేపథ్యం లో వస్తున్న సినిమా ఇది. ఈ చిత్రం లో ప్రభాస్ సరసన బాలీవుడ్ భామ దీపికా పదుకొనె హీరోయిన్ గా నటిస్తోంది.

అయితే ఈ సినిమాలో ముందుగా హీరోయిన్ పాత్రకు దీపికను అనుకోలేదట. వేరే బాలీవుడ్ భామను ఎంపిక చేశారట. మూడో ప్రపంచ యుద్ధ నేపథ్యం లో వస్తున్న ఈ చిత్రం లో ప్రభాస్ సరసన ఒక కొత్త హీరోయిన్ ఉంటే బావుంటుందని దర్శకుడు నాగ్ అశ్విన్ అనుకున్నారట. దీంతో ఆ పాత్రకు మృణాల్ ఠాకూర్ ను ఎంచుకున్నారట.

తర్వాత హను రాఘవపూడి చెప్పిన సీతా రామం కథ విన్న నాగ్ అశ్విన్.. ఆ పాత్రకు మృణాల్ అయితే చక్కగా ఉంటుందని సూచించారట. ‘ప్రాజెక్ట్ కె’ కోసం వేరే హీరోయిన్ ను తీసుకుంటానని నిర్మాత అశ్వినీ దత్ కు తెలిపారట నాగ్ అశ్విన్. తాజాగా ఈ విషయాన్నీ నిర్మాత అశ్వని దత్ ఒక ఇంటర్వ్యూ లో వెల్లడించారు.

అలా ప్రభాస్ పక్కన ఛాన్స్ మిస్ అయినా మృణాల్ ‘సీతా రామం’ చిత్రం తో తెలుగు ప్రేక్షకులను పలకరించింది అలా ప్రభాస్ తో నటించే ఛాన్స్ మిస్ చేసుకొని, సీతా రామం లో సీత గా జీవించి మనల్ని అలరించింది. ప్రాజెక్ట్ కె లో నటిస్తే ఆమెకు ఎంత గుర్తింపు వచ్చేదో తెలీదు కానీ సీతారామం తో అందరికి చేరువైపోయారు మృణాల్.

ఈ సినిమా హిట్‌తో ఈమెకు వరుసగా అవకాశాలొస్తున్నాయి. బడా స్టార్ హీరోలు కూడా ఈమెతో సినిమాలు నిర్మించడానికీ రెడీ అవుతున్నట్టు వార్తలు వస్తున్నాయి. కాగా మృణాల్ మాత్రం ఆచి తూచి కథలను ఎంచుకుంటుందని సమాచారం.

మెగా మేనల్లుడు సాయి ధరమ్ తేజ్ హీరోగా ఎంట్రీ ఇచ్చిన దగ్గర నుంచి విభిన్నమైన కథలు ఎంచుకుంటూ ప్రేక్షకులను ఆకట్టుకుంటున్నాడు. హిట్లు, ఫ్లాప్ లతో సంబంధం లేకుండా బ్యాక్ టు బ్యాక్ సినిమాలు చేస్తూ దూసుకుపోతున్నాడు.

గతేడాది సెప్టెంబర్ లో బైక్ పై వెళ్తూ తేజ్ ..ప్రమాదవశాత్తూ కింద పడిన విషయం తెలిసిందే.. దాంతో సినిమాలకు చిన్న బ్రేక్ ఇచ్చాడు. మొదట్లో అది చిన్న ప్రమాదమే అనుకున్నా.. తర్వాత కాదని తెల్సింది. 35 రోజులు హాస్పిటల్లో చికిత్స పొంది ఇంటికి చేరుకున్నాడు సాయి ధరమ్ తేజ్.

పూర్తిగా కోలుకున్న తర్వాత ఇటీవలే తిరిగి సినిమా షూటింగ్స్‌లో జాయిన్ అవుతున్నాడు. కార్తిక్ దండు అనే కొత్త దర్శకుడితో సినిమా చేస్తున్నాడు సాయి. ఆ సినిమా షూటింగ్ మొదలైంది. తేజ్ కెరీర్ లో ఇది 15వ సినిమా. తాజాగా ఈ సినిమా షూటింగ్ ఇటీవలే కుత్బుల్లాపూర్లో హెచ్ ఎంటీ అర్బన్ ఫారెస్ట్రీలో జరిగింది. ఓ క్లిష్టమైన షెడ్యూల్ని ఇక్కడ షూట్ చేసి పూర్తి చేశారు. అయితే షూటింగ్ నేపథ్యంలో ఆ ప్రాంతమంతా చెత్తతో నింపేశారట.

సినిమా షూటింగ్ అంటే వందలమంది పని చేస్తారు. కాబట్టి కాస్త చెత్త అవ్వడం జరుగుతుంది. అయితే ఆ ప్రాంతాన్ని చిత్రయూనిట్ శుభ్రం చేయించలేదట. చిత్రీకరణలో భాగంగా ఆ ప్రాంతమంతా చిందర వందరగా తయారైంది. షూటింగ్ స్పాట్ లో చెత్తా చెదారం వ్యర్ధాలతో అశుభ్రంగా మారిపోయింది.

దాంతో ఓ నెటిజన్ ట్విట్టర్ వేదికగా దీనిపై చిత్రయూనిట్ కు సమాచారం అందించాడు. ఆ ట్వీట్ కు జీహెచ్ఎంసీ అధికారులతోపాటు, తేజ్ ను కూడా ట్యాగ్ చేశాడు. ఈ ట్వీట్ పై తేజ్ స్పందిస్తూ.. ఈ విషయాన్ని నా దృష్టికి తెచ్చినందుకు చాలా థ్యాంక్స్. నా టీమ్ దీన్ని చూసుకుంటుంది. భవిష్యత్తులో ఇటువంటి సంఘటనలు పునరావృతం కాకుండా జాగ్రత్తలు తీసుకుంటాం అన్నారు. చెప్పినట్టే వెంటనే అక్కడి చెత్తను తొలగించారు. దాంతో తేజ్ పై నెటిజన్లు ప్రశంసలు కురిపిస్తున్నారు.

సాయి తేజ్ మంచి మనసు గురించి ప్రత్యేకంగా చెప్పాల్సిన అవసరం లేదు. ఇప్పటికే చాలా గుప్త దానాలు చేశాడు తేజ్. తాజాగా జరిగిన ఈ ఘటనతో నెటిజన్లు సాయి ధరమ్ తేజ్ మంచితనం గురించి చర్చించుకుంటున్నారు. సుకుమార్ రైటింగ్స్, శ్రీ వెంకటేశ్వర సినీ చిత్ర సంయుక్తంగా తేజ్ 15 సినిమాను నిర్మిస్తున్నాయి. కార్తీక్ దండు సినిమాతో పాటు మరో రెండు సినిమాలకు కూడా కమిటయ్యాడు సాయి. అందులో ఒకటి మేనమామ పవన్ కళ్యాణ్‌తో కూడా చెయ్యాల్సి ఉంది.

గత కొంత కాలంగా పరిస్థితులు చూస్తుంటే తెలుగు సినీ ప్రేక్షకుల టేస్ట్ మారిందని తెలుస్తోంది. ఇదివరకటిలాగా మూస సినిమాలను, రొటీన్ సినిమాలను వారు ఎంకరేజ్ చేయడం లేదు. వారి అభిమాన హీరో అయినా ఆ చిత్రాలను పక్కన పెట్టేస్తున్నారు.
ఈ నేపథ్యం లో టాలీవుడ్ బడా డైరెక్టర్ వివి వినాయక గత కొంత కాలం గా సైలెంట్ గా ఉంటున్నారు. నిజానికి వీవీ వినాయక్ అఖిల్ సినిమాతో భారీ డిజాస్టర్ అందుకున్నారు. తర్వాత ఖైదీ నెంబర్ 150 సినిమాతో ఒక మాదిరి హిట్ అందుకున్నా ఇంటిలిజెంట్ అనే సినిమాతో మరో డిజాస్టర్ అందుకుని ఇండస్ట్రీకి దూరం అయిపోయారు.

ప్రస్తుతం ఆయన బెల్లంకొండ సాయి శ్రీనివాస్ హీరోగా చత్రపతి సినిమాని హిందీలో రీమేక్ చేస్తున్నారు అని ప్రకటించారు. కానీ దానిపై ఇప్పటివరకు దానిపై అప్డేట్ లేదు.
తాజాగా ‘చెన్న కేశవ రెడ్డి ‘ చిత్ర రీ రిలీజ్ సందర్భంగా నిర్మాత బెల్లం కొండ సురేష్ ఆసక్తి కర విషయాలను పంచుకున్నారు.

”ఛ‌త్ర‌ప‌తి డ‌బుల్ పాజిటీవ్ చూసిన‌… పెన్ స్టూడియోస్ నిర్మాత‌లు చాలా ఇంప్రెస్ అయ్యారు. వినాయ‌క్ తో మ‌రో సినిమా చేయ‌డానికి ముందుకొచ్చారు. ఏకంగా రూ.500 కోట్ల బ‌డ్జెట్ తో సినిమా తీస్తామ‌న్నారు. వాళ్ల‌తో క‌థా చ‌ర్చ‌లు కూడా జ‌రిగాయి” అని క్లారిటీ ఇచ్చారు.

హిందీ ఛ‌త్ర‌ప‌తికి సంబంధించిన అప్ డేట్ కూడా ఆయన వెల్లడించారు. ”ఛ‌త్ర‌ప‌తి షూటింగ్ పూర్త‌య్యింది. హీరోయిన్ డేట్ల విష‌యంలో ఇబ్బందులు రావ‌డం వ‌ల్ల సినిమా ఆల‌స్య‌మైంది. లేక‌పోతే ముందే పూర్త‌యిపోయేది. ప్ర‌స్తుతం డ‌బ్బింగ్ ప‌నులు ముంబైలో జ‌రుగుతున్నాయి. సీజీ కోసం మూడు నెల‌లు కేటాయించాలి. ఛ‌త్ర‌ప‌తితో పోలిస్తే.. హిందీలో యాక్ష‌న్ డోసు ఎక్కువ‌గా ఉంటుంది. అయినా స‌రే.. వినాయ‌క్ 80 రోజుల్లో ఈ సినిమాని పూర్తి చేసారు” అని బెల్లం కొండ సురేష్ తెలిపారు.

అయితే తెలుగు లో చాలా కాలంగా సరైన హిట్ లేని వివి వినాయక్ తో 500 కోట్ల సినిమానా.. అంటూ నెటిజన్లు చర్చించుకుంటున్నారు. మరో వైపు వినాయక్ తానే హీరోగా మరో సినిమా పట్టాలెక్కించనున్నట్లు సమాచారం. గతం లో కూడా ‘శీనయ్య’ మూవీ ని ప్రకటించారు వినాయక్. కానీ అది ఇప్పటి వరకు బయటకు రాలేదు.