Anudeep

నాని కామెడీ పాత్ర చేసి చాలా సంవత్సరాలు అయ్యింది. “అంటే సుందరానికి..” సినిమాలో నాని మళ్లీ కామెడీ ఎక్కువగా ఉన్న పాత్ర చేస్తున్నారు అని మనకు ముందే అర్థమయ్యింది. నానిని ఇలా చూడాలి అని ప్రేక్షకులు చాలా రోజుల నుండి ఎదురు చూస్తున్నారు. సినిమా టీజర్, ట్రైలర్ లో చూపించినట్టుగానే ఒక సింపుల్ స్టోరీ లైన్ మీద నడుస్తుంది.

కానీ దర్శకుడు వివేక్ ఆత్రేయ ఆ సింపుల్ స్టోరీని కూడా ప్రేక్షకులకు కనెక్ట్ అయ్యే విధంగా చూపించారు. ఫస్ట్ హాఫ్ మొత్తం కూడా పాత్రలని ప్రేక్షకులకి పరిచయం చేయడంలోనే అయిపోతుంది. అసలు కథ ఉండేది మాత్రం సెకండ్ హాఫ్ లోనే. సినిమాకి పెద్ద హైలైట్ మాత్రం నాని.

నాని, నజ్రియా కాకుండా.. ఈ సినిమాకు మరో హైలైట్ గా నిలిచింది విలన్ పాత్ర. ఈ సినిమాలో నజ్రియా, నానిని ప్రేమిస్తోంది అన్న విషయం తెలుసుకున్న తల్లితండ్రులు ఆమెను మరో వ్యక్తికి ఇచ్చి పెళ్లి చేయాలనీ అనుకుంటారు. ఈ సినిమాలో నజ్రియా ఫామిలీ క్రిస్టియన్స్. అందుకే ఆమెకు ఓ క్రిస్టియన్ వ్యక్తి తోనే పెళ్లి నిశ్చయిస్తారు. అయితే.. నజ్రియాకు ఈ పెళ్లి ఇష్టం ఉండదు. ఈ విషయాన్నీ నాని ఆ పెళ్లి కొడుకుని కలిసి చెప్తాడు.

కానీ.. అతను చాలా కూల్ గా తనకి ఏమి ఇబ్బంది లేదని.. కావాలంటే పెళ్లి అయ్యాక మీరు కూడా సన్ డేస్ వచ్చి పిల్లలతో ఆడుకోవచ్చని చెప్పి, పెళ్లి మాత్రం కాన్సల్ అయ్యేది లేదని చెప్పేస్తాడు. స్మూత్ గా సాగిపోతున్న సినిమాలో ప్రాక్టికల్ విలన్ గా నటించిన ఈ వ్యక్తి ఎవరో కాదు. డైరెక్టర్ వెంకటేష్ మహా. విజయవాడకు చెందిన వెంకటేష్ మహా c/o కంచరపాలెం, ఉమా మహేశ్వర ఉగ్ర రూపస్య సినిమాలను డైరెక్ట్ చేసి పాపులర్ అయ్యారు. అంటే సుందరానికి సినిమాలో నటించి ఒక్క స్మైల్ లో శాడిజాన్ని చూపించి అందరిని ఆకట్టేసుకున్నారు. డైరెక్షన్ లోనే కాదు.. నటనలో కూడా తనకి టాలెంట్ ఉంది అని ప్రూవ్ చేసుకున్నారు.

గంగోత్రి సినిమాలో అల్లు అర్జున్ ని చూసి ఇతను హీరో ఎలా అవుతాడు? అని అందరు అనుకున్నారు. కానీ.. ఆ కుర్రాడు ఇప్పుడు పాన్ ఇండియా లెవెల్ లో హీరో అయిపోయాడు. ఇప్పటికే విడుదల అయిన పుష్ప పార్ట్ వన్ సినిమాతో అల్లు అర్జున్ కు ఫ్యాన్ ఫాలోయింగ్ ఓ రేంజ్ లో పెరిగిపోయింది. తెలుగు నాట మాత్రమే కాకుండా అల్లు అర్జున్ కు కేరళలో కూడా బాగా ఫ్యాన్స్ ఉన్నారన్న సంగతి తెలిసిందే.

ఇక పుష్ప పార్ట్ 2 కోసం అభిమానులందరూ వెయిట్ చేస్తున్నారు. తొందరలోనే ఆ సినిమాతో కూడా అల్లు అర్జున్ కొత్త రికార్డ్స్ క్రియేట్ చెయ్యాలని ఫ్యాన్స్ ఎదురు చూస్తున్నారు. అయితే హీరో గా పరిచయం కాకముందే అల్లు అర్జున్ చైల్డ్ ఆర్టిస్ట్ గా కొన్ని సినిమాల్లో చేసాడు.

మెగాస్టార్ నటించిన సినిమాల్లో అల్లు అర్జున్ చైల్డ్ ఆర్టిస్ట్ గా చేసాడు అన్న సంగతి చాలా మందికి తెలిసిందే. అయితే.. అల్లు అర్జున్ చిన్న వయసులో ఉన్నప్పుడే కమల్ హాసన్ సినిమాలో నటించారని తెలుసా..? చాలా మందికి ఈ విషయం తెలియదు. ఇండియన్ సినిమా ఇండస్ట్రీలో కమల్ హాసన్ ఎంత విభిన్నమైన నటుడో ప్రత్యేకించి చెప్పాల్సిన అవసరం లేదు. ఆయనతో నటించాలని అందరూ కోరుకుంటూ ఉంటారు. అయితే.. అల్లు అర్జున్ చిన్న వయసులోనే ఆ ఛాన్స్ కొట్టేసాడన్నమాట.

కె.విశ్వనాథ్ దర్శకత్వంలో స్వాతి ముత్యం సినిమాలో కమల్ హాసన్ నటించిన సంగతి తెలిసిందే. ఈ సినిమాలో కమల్ హాసన్ ని అమాయకుడిగా చూపిస్తారు. ఓ అమాయకుడిగా కమల్ హాసన్ నటనని మనం మెచ్చుకోకుండా ఉండలేం. ఈ సినిమా స్టార్టింగ్ లో కమల్ హాసన్ ఓ తాతలా కనిపిస్తారు. కమల్ హాసన్ మనవడిగా అల్లు అర్జున్ కనిపిస్తారు. ఈ సినిమాలో చైల్డ్ ఆర్టిస్ట్ కోసం వెతుకుతున్న టైములో షూటింగ్ స్పాట్ కి అల్లు అర్జున్ కూడా వచ్చాడు. అయితే చిన్నపిల్లాడిగా ఉన్న అల్లు అర్జున్ ని చూసి ఓ పాత్ర కోసం అల్లు అరవింద్ ని విశ్వనాధ్ గారు అడిగారు. ఒక 2 రోజులు షూటింగ్ ఉంటుందని చెప్పగా.. అందుకు అల్లు అరవింద్ కూడా ఒప్పుకున్నారు. అలా.. అల్లు అర్జున్ కమల్ హాసన్ తో నటించే ఛాన్స్ కొట్టేసారు.

ఈ ఫొటోలో ఉన్న నటుడిని గుర్తుపట్టారా..? పాత తరం సినిమాల్లో ఈయన ఎక్కువగా విలన్ గా కనిపించేవారు. ఈయనని అందరు రాజనాల అని పిలుచుకుంటూ ఉంటారు. ఈయన పూర్తి పేరు రాజనాల కాళేశ్వరరావు నాయుడు. పాత తరం సినిమాల్లో విలన్ అంటే ఈయన పేరే అందరికి గుర్తొస్తుంది. అంతగా తెరపై క్రూరత్వాన్ని పండించేసారు ఈయన.

అయితే.. చాలా మందికి తెలియని విషయం ఏంటంటే అప్పట్లోనే ఈయన హాలీవుడ్ సినిమాల్లో కూడా నటించడానికి సిద్ధం అయిపోయారు. నాలుగొందల చిత్రాలకు పైగా నటించిన రాజనాల చాలా వైవిధ్యమైన విలన్ పాత్రలను పోషించారు.

దొంగల ముఠా నాయకుడిగా, భూకామందుగా, జరాసంధుడు, మాయల ఫకీరు వంటి పాత్రలలో నటించడంలో రాజనాల సిద్దహస్తుడు. ఒక్క తెలుగులోనే కాకుండా.. తమిళ, హిందీ, కన్నడ చిత్రాలలో కూడా నటించి లెక్కలేనంత అభిమానగణాన్ని ఆయన సొంతం చేసుకున్నారు. 1951 లో రాజనాల మిత్రుడైన లక్ష్మి కుమార్ రెడ్డి సాయంతో “ప్రతిజ్ఞ” సినిమా ద్వారా రాజనాల తెలుగు ప్రేక్షకులకు పరిచయమయ్యారు. ఈ సినిమా అప్పట్లోనే బ్లాక్ బస్టర్ గా నిలిచింది. ఆ సినిమా తెచ్చిన గుర్తింపుతోనే ఆయనకు ఎన్టీఆర్ “వద్దంటే డబ్బు” సినిమాలో అవకాశం వచ్చింది. ఈ సినిమాలో ఎన్టీఆర్ కు మామగా ముసలి పాత్రలో నటించారు.

ఇది కూడా మంచి పేరు తెచ్చిపెట్టడంతో రాజనాల వెనక్కి తిరిగి చూడాల్సిన అవసరం రాలేదు. 1966 లో రాజనాలకు హాలీవుడ్ మూవీ లో నటించే అవకాశం వచ్చింది. “మాయ ది మెగ్నిషియంట్” అనే సినిమాలో నటించిన రాజనాల హాలీవుడ్ లో నటించిన తొలి తెలుగు నటుడిగా పేరు తెచ్చుకున్నారు. పాతికేళ్ల పాటు ఆయన విలన్ గా, హాసినటుడిగా నటించి, మెప్పించి ఎనలేని ఖ్యాతి తెచ్చుకున్నారు.

ఎంతో మంది కొత్త కొత్త  హీరోయిన్లు వస్తున్న ఇప్పటికీ సౌత్ సిని ఇండస్ట్రీలో క్రేజ్ తగ్గని హీరోయిన్ నయనతార. తెలుగు తమిళ్ మలయాళం ఇలా అనేక భాషల్లో హీరోలతో నటించి లేడీ సూపర్ స్టార్ గా గుర్తింపు తెచ్చుకుంది.

ఈ ముద్దుగుమ్మ కి తెలుగు, తమిళ్, మలయాళం లోని అభిమానులకు కొదవలేదు. పెద్ద పెద్ద హీరోలతో జోడీ కట్టిన నయనతార  రెమ్యునేషన్ దాదాపు మూడు కోట్ల వరకూ తీసుకుంటుంది. అందరి హీరోయిన్స్ తో పోలిస్తే యువర్ ఇన్ఫర్మేషన్ ఎక్కువనే చెప్పవచ్చు.

ఈ భామకు ప్రేమికుల లిస్ట్ కూడా ఎక్కువ అని చెప్పవచ్చు. సినీ ఇండస్ట్రీకి పరిచయమైన మొదటి లో శింబుతో ప్రేమలో ఉన్నట్లు తమిళ మీడియాలో అప్పట్లో జోరుగా ప్రచారం జరిగింది.

అంతేకాకుండా వీళ్ళిద్దరూ కలిసి దిగిన ఫొటోస్ కూడా అప్పటిలో తెగ వైరల్ గా మారాయి. వాళ్ళిద్దరూ కలిసి దిగిన పర్సనల్ ఫొటోస్ బయటకు రావడం వలన శింబు నయనతార విడిపోయారు.

ఆ తర్వాత కొన్ని సంవత్సరాలకు మళ్లీ దర్శకుడు మరియు కొరియోగ్రాఫర్ అయిన ప్రభుదేవా ప్రేమలో పడింది నయనతార. వీళ్లిద్దరు ప్రేమాయణం పెళ్లి వరకు వెళ్ళింది.

పెళ్లి తర్వాత సినిమాలకు గుడ్ బై  చెబుతానని అప్పటి లో రిలీజ్ అయిన శ్రీ రామరాజ్యం చిత్రం ఓ ఫంక్షన్ సందర్భంగా ప్రెస్ మీట్ లో వెల్లడించింది   ప్రభుదేవా నయనతారని పెళ్లి చేసుకోవడం కోసం అతని భార్యకు విడాకులు ఇచ్చేశాడు. కొన్ని వ్యక్తిగత కారణాల వల్ల ప్రభుదేవా నయనతార జంట విడిపోయింది.

ప్రభుదేవాతో బ్రేకప్ తర్వాత విగ్నేష్ శివన్ తో ఏడు సంవత్సరాల పాటు  రిలేషన్షిప్ మెయింటైన్ చేసి ఈ సంవత్సరం జూన్ 9వ తేదీన వివాహం చేసుకుంది. ఈ వివాహానికి గానూ విగ్నేష్ తల్లి మీనా కుమారి నయనతారకు ఓ షరతు పెట్టినట్లు తమిళ మీడియా లో టాక్ వినిపిస్తోంది.

వివాహం తర్వాత నయనతార  సినీ కెరియర్ కు పూర్తిగా స్వస్తి చెప్పాలి అని అత్తగారు కండీషన్ పెట్టినట్లు గుసగుసలు వినిపిస్తున్నాయి.పెళ్లికి ముందే చాలా ఆఫర్లు తన చేతిలో ఉంచుకున్న నయనతార ఇప్పుడు సినిమాలకు గుడ్ బై చెబుతుందా  లేక నటిస్తుందా అనే విషయం వేచి చూడాలి.