Anudeep

అమ్మా..! ఎలా ఉన్నావ్.. నువ్వు పక్కన ఉన్నంత వరకు నేను బాగానే ఉన్నాను అమ్మా.. నిన్ను వదిలి ఇక్కడకి వచ్చిన తరువాతే నువ్వు నాకోసం ఎన్ని త్యాగాలు చేసేదానివో తెలిసొచ్చింది అమ్మా.. నీ దగ్గర ఉన్నంత వరకు తెలియరాలేదు.

నా అందమైన కలల ప్రపంచం లో బతికేసాను.. నాకోసం రెక్కల గుర్రం పై వచ్చే రాకుమారుడి కోసం ఎదురుచూస్తూ ఉన్నాను.. నా జీవితమంతా అతనితో గడపాలని, నవ్విస్తే నవ్వాలని తాపత్రయపడ్డాను..

కానీ వాస్తవాలు కఠినం గా ఉంటాయని తెలుసుకోలేకపోయాను. పెళ్లి చేసుకుని వచ్చిన తరువాత, ఓ కుటుంబాన్ని నిర్వహించడం వెనక ఇంత కష్టం ఉంటుందని తెలుసుకున్నాను. ఒక్కసారిగా మారిపోయిన పరిస్థితులు నన్ను గందరగోళానికి గురి చేస్తున్నా, నేను స్థిరంగా ఎలా ఉంటున్నానో తెలుసా అమ్మా? నిన్ను చూసే నేను ఇలా ఉండగలుగుతున్నాను. నీకు గుర్తుందా అమ్మా, నేను రోజు పొద్దున్నే ఎన్నింటికి నిద్ర లేస్తానో. అది కూడా నువ్వు నన్ను బుజ్జగించి లేపేదానివి. లేవగానే నా చేతిలో కాఫీ ప్రత్యక్షం అయ్యేది. నేను స్నానం చేసేసరికి ప్లేట్ లో టిఫిన్ పెట్టేదానివి.. ఆడుతూ పాడుతూ గడిపేసే నేను పెళ్లి అయ్యాక కొత్త పాఠాలు నేర్చుకుంటున్నా అమ్మా. నువ్వు ఎన్ని సార్లు నాకు చెప్పినా అర్ధం కాలేదు.. అత్తారిల్లు అయితే మాత్రం ఏంటి లే అనుకునేదాన్ని.

కానీ ఇక్కడ, అందరికంటే నేనే ముందు లేవాలి. అందరిని నేనే బుజ్జగించాలి. అందరికి కావాల్సినవి నేనే చూడాలి. అందరు నా పైనే ఆధారపడి ఉంటారు. ఎవరికి ఏమి తినాలని ఉన్నా అది నేనే వండిపెట్టాలి.. నాకోసం కూడా నేనే చూసుకోవాలి. అందరిని నేనే పట్టించుకుంటూ ఉంటె, చిన్నపుడు నన్ను కూడా ఇలానే లాలించిన నువ్వు గుర్తుకొస్తున్నావు అమ్మా.. అత్తారింట్లో అన్ని ఉంటాయి కదా అనుకున్నాను. కానీ అమ్మ ఉండదు అన్న సంగతి ఇప్పుడే తెలిసొస్తోంది అమ్మా.

నీకో విషయం తెలుసా.. నాకు చాలా సార్లు ఇక్కడ ఉండాలనిపించదు. నీ దగ్గరకి వచ్చేసి నీ వొళ్ళో తల పెట్టుకుని పడుకోవాలనిపిస్తుంది. నీ చేత నాకు నచ్చినవి వండించుకుని తినాలనిపిస్తుంది. కానీ, ఆలోచిస్తే, ఒకప్పుడు నువ్వు కూడా నాలాగే అత్తారింటికి వచ్చి ఉంటావ్ కదా. నువ్వు ఎన్ని త్యాగాలు చేస్తే, మమ్మల్ని పెంచగలిగావు. ఎన్ని బాధ్యతలు మోస్తే మేము ఇంతవాళ్ళం అవ్వగలిగాం. నేను నిన్నే స్ఫూర్తి గా తీసుకుంటాను. నీలా బాధ్యతలు పంచుకుంటాను.

ఆమె పేరు అనూ సెహగల్. గత 26 ఏళ్లుగా అమెరికాలోనే నివాసం ఉంటున్నారు. మంచి కార్పొరేట్ ఉద్యోగంలో స్థిరపడ్డారు. భారత్ కి దూరంగా ఉంటున్న ఆమె అనూహ్యంగా ఓ నిర్ణయం తీసుకుంది. దానికి కారణం ఆమె పిల్లలు. పదేళ్ల క్రితమే ఆమె తల్లి అయ్యింది.

అప్పుడే ఆ అనూహ్య నిర్ణయానికి నాందిపడింది. ఆమె తల్లి అయిన తొలి రోజుల్లో తన పిల్లలకు భారత సంస్కృతితో పాటు, దక్షిణాసియా సంస్కృతిని నేర్పించాలని భావించింది.

ఆ ఆలోచనతో రూపొదిద్దుకున్నదే ‘ది కల్చర్ ట్రీ’ సంస్థ..! కార్పొరేట్ సంస్థలో భారీ జీతం వచ్చే ఉద్యోగాన్ని వదులుకుని సంస్కృతి సంప్రదాయాలను పిల్లలకు నేర్పించాలని కంకణం కట్టుకుంది. పిల్లలకు సంస్కృతి సంప్రదాయాలను నేర్పిస్తే సరిపోదని.. వాటిపై వారికి పూర్తి అవగాహనా కల్పించాల్సిన అవసరం ఉందన్న సంగతి తనకి తల్లి అయ్యిన తరువాతే అర్థమైందని అను సెహగల్ చెబుతారు.

పిల్లలకు వారి సాంస్కృతిక వైభవం గురించి తెలిస్తే.. వారిలో ఆత్మవిశ్వాసం పాళ్ళు పెరిగి పరిపూర్ణ వ్యక్తులుగా ఎదుగుతారని అను విశ్వసిస్తారు. ఆమె తల్లి ముస్లిం, తండ్రి హిందూ. ఇలా ఆమె బాల్యం మీరట్ నగరంలో భిన్న సంస్కృతుల మధ్య నడిచింది. ప్రస్తుతం కల్చర్ ట్రీ సంస్థ ప్రారంభం అయ్యాక ఆమె భిన్న సంస్కృతులను, ముఖ్యంగా దక్షిణాసియా కల్చర్ ను మరింతగా స్టడీ చేస్తున్నారు. భిన్న సంస్కృతుల నుంచి వచ్చే పిల్లలకు అన్ని భాషలు, సంప్రదాయాల గురించి అవగాహనా కల్పించడం ప్రారంభించారు.

ఆసియా ప్రజల పట్ల ఉన్న అనుమానాలను, అపోహలను దూరం చేయడమే తమ సంస్థ లక్ష్యమని చెప్పుకొచ్చారు. ఇందులో భాగంగా పిల్లల కోసం అనేక సాంస్కృతిక, భాషా, విద్య కార్యక్రమాలను నిర్వహిస్తున్నారు. మొదటగా తన ఇద్దరు పిల్లల కోసమే అను ఈ పని ప్రారంభించారు. కానీ చాలా మంది పిల్లల తల్లితండ్రులు కూడా ఆసక్తి కనబరచడంతో కల్చర్ ట్రీ సంస్థ పరిధి పెరుగుతూ వచ్చింది. . 4 నుంచి 12 ఏళ్ల పిల్లల కోసం అనేక కార్యక్రమాలు నిర్వహించబడుతున్నాయి. కృష్ణ లీలల ఆధారంగా రూపొందించిన తోలు బొమ్మలాట ప్రోగ్రాం కూడా అమెరికాలో చాలా పాపులర్ అయింది.

పిల్లల కోసం ఇండియా లో టూర్ కూడా వెయ్యాలని అను సిహగల్ అనుకున్నారు. కానీ కరోనా కారణంగా అది కాస్త వాయిదా పడింది. మరోవైపు.. ఈ కార్యక్రమాలన్నిటిని అను సెహగల్ ఆన్ లైన్ వేదికగానే నిర్వహిస్తున్నారు. ఈ సంస్థలో పని చేసే టీచర్లకు కూడా ఆన్ లైన్ లోనే బోధన చేసేవిధంగా ట్రైనింగ్ కూడా ఇచ్చారు. ఇటీవలే మెట్రోపాలిటన్ మ్యూజియం అఫ్ ఆర్ట్స్ వారు నిర్వహించే వరల్డ్ కల్చర్ ఫెస్టివల్ కోసం “కల్చర్ ట్రీ” రూపొందించిన తోలు బొమ్మలాట ను ప్రదర్శించాలంటూ ఆహ్వానం అందడం విశేషం.