Anudeep

మీరెపుడైన గమనించారా..? మనం కొత్త చెప్పులు లేదా షూస్ కొన్నప్పుడు వాటితో పాటు లోపల ఒక చిన్న వైట్ ప్యాకెట్ ని పెట్టి ఇస్తారు. సాధారణం గా మనం అవి ఎదో కెమికల్స్ అయి ఉంటాయి అని అనుకుని వాటిని పడేస్తుంటాం. కానీ దాని వలన వచ్చే ఉపయోగాలు తెలుసుకుంటే మీరు వాటిని ఎప్పటికి పడేయరు. ఆ వైట్ ప్యాకెట్ ఎందుకు ఇస్తారో.. దానిని మనం ఎలా ఉపయోగించవచ్చో మనం ఇప్పుడు తెలుసుకుందాం.

అసలు ఈ వైట్ ప్యాకెట్ లను ఏమని పిలుస్తారో తెలుసా? వీటిని సిలికా జెల్ బాగ్స్ అంటారు. సిలికాన్ డయాక్సైడ్ అనే రసాయనం తో ఈ సిలికా జెల్ బాగ్స్ ని తయారు చేస్తారు. ఇది ఏమి విషపదార్ధం కాదు. తేమను పీల్చుకోవడం లో సిలికా జెల్ అద్భుతం గా పని చేస్తుంది.

అందుకే ఈ రసాయనం తో కూడిన సిలికా జెల్ బాగ్స్ ను చెప్పుల్లోనూ, షూస్ లోను ఉంచుతారు. తద్వారా, చెప్పుల్లో లేదా షూస్ లో ఎప్పటికప్పుడు ఏర్పడే తేమని ఈ బాగ్స్ పీల్చుకుంటాయి. చెప్పులు ఎక్కువ కాలం మన్నిక గా ఉంటాయి. ఈ సిలికా జెల్ బ్యాగ్స్ ను మీరు పడేయక్కర్లేదు. వీటిని మనం రోజువారీ అవసరాల్లో కూడా ఉపయోగించుకోవచ్చు.

ఎప్పుడైనా పొరపాటున మీ మొబైల్ ఫోన్ నీళ్లలో పడి పోయింది అనుకోండి. అప్పుడు మనం ఏమి చేస్తాం. అన్ని పార్ట్శ్ ఊడతీసి గాలి ఆడేలా చేస్తాం.. పొడిగా అయ్యాక బియ్యం లో ఉంచుతుంటాం. ఫోన్ లో ఉండే తేమను పోగొట్టడానికి ప్రయత్నం చేస్తాం. అలాంటి సమయం లో, ఈ సిలికా జెల్స్ బ్యాగ్స్ ను ఫోన్ పై ఉంచడం ద్వారా తేమను త్వరగా పోగొట్టోచ్చు.

తేమను పీల్చుకోవడం లో సిలికా జెల్ బ్యాగ్స్ కీలక పాత్ర పోషిస్తాయి. మేకప్ సామాగ్రి స్టోర్ చేసుకోవడం లో కూడా సిలికా జెల్ బ్యాగ్స్ ఉపయోగపడతాయి. సో, ఇక నుంచి కొత్త చెప్పులు కొన్నప్పుడు ఈ ప్యాకెట్స్ ను పడేయకండి. వాటిని కలెక్ట్ చేసి అవసరం అయినపుడు ఉపయోగించుకోండి.

అలాగే జిమ్ బ్యాగ్స్ లో కూడా ఈ సిలికా జెల్ బ్యాగ్స్ పెట్టొచ్చు. అందులో క్రిములు పెరగకుండా ఈ సిలికా జెల్ బ్యాగ్స్ తోడ్పడతాయి. తద్వారా బ్యాగ్స్ క్లీన్ గా ఉంటాయి.

పౌరసత్వం అంటే.. మనం ఏ దేశంలో నివసించాలి అనే విషయాన్నీ తెలియచెబుతుంది. సాధారణంగా మనం ఏ దేశంలో పుడతామో.. మనకు ఆ దేశ పౌరసత్వమే లభిస్తుంది. ఇది ఒక ప్రాధమిక హక్కు. మనం ఏ దేశంలో పుడతామో.. ఆ దేశంలో శాశ్వతంగా నివసించే హక్కు లభిస్తుంది.

మనకి భారత పౌరసత్వం ఉంటె భారతీయులమని, అమెరికా పౌరసత్వం ఉంటె అమెరికన్స్ అని అంటుంటారు. ఇందుకు సంబంధించి కొన్ని విధి విధానాలు.. నియమ నిబంధనలు ఉన్నాయి.

స్పష్టంగా చెప్పాలంటే.. ఏ దేశ గడ్డపై జన్మిస్తామో అదే దేశ పౌరసత్వం మనకి లభిస్తుంది. ఒకవేళ భూమిపై కాకుండా.. ఆకాశంలో జన్మిస్తే అంటే.. విమానాల్లో డెలివరీ అయితే.. అప్పుడు పుట్టిన బిడ్డకి ఏ దేశ పౌరసత్వం లభిస్తుంది..? మీకెప్పుడైనా ఈ సందేహం వచ్చిందా..? అయితే ఈ ఆర్టికల్ చదివి మీ సందేహం తీర్చుకోండి. ఇలా విమానంలో వెళ్తున్నపుడు ఏ దేశ గగనతలంలో డెలివరీ అవుతుందో.. ఆ దేశ పౌరసత్వమే పుట్టిన బిడ్డకి లభిస్తుందట.

పౌరసత్వం కోసం ఆ బిడ్డ తల్లితండ్రులు సదరు దేశానికి అప్లికేషన్ కూడా పెట్టుకోవచ్చట. అయితే..ఆ దేశ ప్రభుత్వం కూడా రూల్స్ ప్రకారం పౌరసత్వాన్ని ఇవ్వాల్సి ఉంటుందట. అయితే ఆ తల్లి తండ్రులు ఏ దేశానికి చెందిన వారు అనే సంగతి అవసరం లేదు. ఈ విషయమై చాలా దేశాలు విదేశీ పాలసీలను ఇచ్చిపుచ్చుకున్నాయట. ఏ దేశం అయినా సరే.. తమ గగనతలం లో ఎవరైనా జన్మిస్తే.. ఆ బిడ్డ తల్లి తండ్రులు పౌరసత్వం కోసం అప్లై చేసుకుంటే.. నిబంధనలను అనుసరించి ఆ దేశ ప్రభుత్వం కచ్చితంగా పౌరసత్వాన్ని ఇవ్వాల్సిందేనట.

కొన్నేళ్ల క్రితం అమెరికాలో ఇలాంటి కేసు ఒకటి వచ్చింది. ఆమ్‌స్టర్‌డామ్‌ నుంచి ఓ విమానం అమెరికాకు వెళ్లింది. విమానం అట్లాంటిక్ సముద్రానికి చేరుకోగానే ఓ మహిళకు ప్రసవ నొప్పులు రావడంతో ఆరోగ్యవంతమైన ఆడబిడ్డకు జన్మనిచ్చింది. అయితే, తల్లి మరియు బిడ్డను యుఎస్‌లోని మసాచుసెట్స్ జనరల్ ఆసుపత్రికి తరలించారు. అమ్మాయి US సరిహద్దులో జన్మించింది, కాబట్టి ఆమె US మరియు నెదర్లాండ్ రెండింటి పౌరసత్వాన్ని పొందింది.