Anudeep

దీపావళి సందర్భంగా మాస్ మహారాజ్ రవితేజ తన 71వ సినిమాను అనౌన్స్ చేసాడు. ఈ సినిమా పేరు ” టైగర్ నాగేశ్వర్రావు”. టైగర్ నాగేశ్వర్రావు బయో పిక్ నే సినిమాగా మలుస్తున్నారు. మాస్ సినిమాల్లో నటనను ఇరగదీసే రవితేజ ఈ సినిమాలో హీరోగా నటిస్తుండడంతో ఈ సినిమాపై భారీగానే అంచనాలు పెరిగాయి. ప్రస్తుతం రవితేజ చేతిలో నాలుగు సినిమాలు ఉన్నాయి. ఖిలాడీ షూటింగ్ ఇప్పటికే పూర్తికాగా, రామారావు ఆన్ డ్యూటీ షూటింగ్ నడుస్తోంది.

ఇది ఇలా ఉండగా, త్రినాథ రావు దర్శకత్వంలో “ధమాకా” అనే సినిమాను కూడా చేయనున్నాడు. ఇవి సెట్స్ దశల్లో ఉండగానే.. “టైగర్ నాగేశ్వర్రావు” సినిమాను అనౌన్స్ చేసాడు. వంశీకృష్ణ ఈ సినిమాకు దర్శకత్వం వహిస్తున్నారు. ఇటీవల విడుదల అయిన ఈ సినిమా పోస్టర్ కు బాగానే రెస్పాన్స్ వస్తోంది. ఈ పోస్టర్ లో కేవలం రవితేజ కాళ్ళు మాత్రమే కనబడుతున్నాయి.

ఇదే బయోపిక్ కాన్సెప్ట్ తో బెల్లం కొండ శ్రీనివాస్ కూడా “స్టూవర్టుపురం దొంగ” అనే టైటిల్ తో సినిమాను అనౌన్స్ చేసాడు. ఒకే వ్యక్తి బయోపిక్ తో ఇద్దరు హీరోలు సినిమా చేస్తుండడంతో సోషల్ మీడియా లో దీని గురించిన చర్చ మొదలైంది. “టైగర్ నాగేశ్వర్రావు” ఎవరు? అంటూ సోషల్ మీడియాలో చర్చ నడుస్తోంది.

టైగర్ నాగేశ్వర్రావు స్టూవర్టుపురం లో పేరు మోసిన దొంగ. అతను ప్లాన్ చేసి దొంగతనం చేస్తే ఎవ్వరికి దొరికేవాడు కాదు. లెక్కలేనన్ని దొంగతనాలు చేసి ప్రజలను భయపెట్టడమే కాదు పోలీసులను కూడా ముప్పతిప్పలు పెట్టి మూడు చెరువుల నీళ్లు తాగించాడు. అతని లైఫ్ స్టోరీ లో లెక్కలేనన్ని కీలక మలుపులు ఉన్నాయి. వాటి ఆధారంగానే ఈ రెండు సినిమాలు తెరకెక్కుతున్నాయి. ప్రస్తుతం ఈ సినిమాలపై తెలుగు ప్రేక్షకులు భారీగానే అంచనాలు పెట్టుకున్నారు.

శ్రీహరి గారు భౌతికంగా దూరమై ఎన్నేళ్ళైనా.. ఆయన ఇంకా మన మధ్యే ఉన్నట్లు అనిపిస్తుంది. ఆయన సినిమాలు చూస్తున్నంత సేపు ఆయన ఇంక లేరు అంటే నమ్మబుద్ధి కాదు. 2013 అక్టోబర్ 9 న శ్రీహరి గారు కన్నుమూశారు. నేటికి ఆయన మరణించి ఎనిమిదేళ్లు కావొస్తోంది. కేవలం నటుడిగానే కాదు, మంచి మనిషి గా కూడా శ్రీహరి అందరికి గుర్తుండిపోయారు.

ఆయన వద్దకు ఎవరైనా సాయం కోరి వస్తే.. కాదనకుండా చేసి పెట్టేవారు. కెరీర్ పీక్ స్టేజిలో ఉన్న సమయం లో ఆయన తీవ్ర అనారోగ్యం పాలయ్యారు. ఆయన అకస్మాత్తుగా కన్నుమూయడంతో ఇటు టాలీవుడ్, అటు శ్రీహరి కుటుంబం శోక సంద్రంలో మునిగిపోయింది. శ్రీహరికి శారీరక ధారుడ్యం పై అమితాసక్తి ఉండేదట. చిన్నప్పటినుంచే శరీరం ఫిట్ నెస్ పై దృష్టిపెట్టేవారట. అలాంటి పోటిల్లోకి కూడా వెళ్లేవారట.

చిన్నతనంలోనే ఏడుసార్లు ‘మిస్టర్ హైదరాబాద్” గా గెలుపొందారట. రెండుసార్లు జాతీయ స్థాయిలో కూడా బహుమతులు గెలుపొందారు. జిమ్నాస్టిక్స్ లో రాష్ట్ర ఛాంపియన్ అయ్యారు. ఆయన మంచి అథ్లెట్ అవ్వాలని కలలుగనేవారట. అయితే నటనపై మక్కువతో.. ఆయన సినిమాలవైపుకు వచ్చారట. సినిమాల్లో బిజీ అయిపోవడం తో ఏషియన్ గేమ్స్ లో భారత్ తరపున ఆడాలన్న ఆయన కోరిక నెరవేరలేదు. ఆయన కోరిక తీరకుండానే ఈ లోకాన్ని వీడి వెళ్లిపోయారు. భౌతికంగా శ్రీహరి మన మధ్య లేకున్నా.. ఆయనను మనం మరచిపోలేము.

దాదాపు రెండు సంవత్సరాల తర్వాత అఖిల్ అక్కినేని మళ్లీ తెరపై కనిపించారు. ఈ సినిమా ట్రైలర్ లో చూపించిన విధంగానే ఒక ఫ్యామిలీ ఎంటర్టైనర్. అఖిల్ కి ఈ రోల్ బాగా సూట్ అయింది. తన ముందు సినిమాల కంటే ఈ సినిమాలో నటనలో కూడా మెరుగయ్యారు. పూజా హెగ్డే ఇప్పటివరకు తన కెరియర్ లో పోషించని పాత్ర ఈ సినిమాలో చేశారు.

ఈ సినిమా థియేటర్ లో రిలీజ్ అయ్యి మంచి టాక్ నే తెచ్చుకుంది. అంతేకాదు.. ఈ సినిమా రీసెంట్ గా యాభై కోట్ల క్లబ్ లోకి కూడా చేరింది. ఇప్పటివరకు అఖిల్ హిట్టు కొట్టలేదు అంటూ ఫ్యాన్స్ తెగ ఫీల్ అయిపోయేవారు. ఇప్పుడు హిట్ కొట్టడంతో పాటు మంచి కలెక్షన్ ని కూడా తన ఖాతాలో వేసుకున్నాడు. మొత్తానికి అఖిల్ కల నెరవేరిందన్నమాట.

జైభీమ్ సినిమాపై విడుదలకు ముందు నుంచే భారీగా అంచనాలు ఉన్నాయి. లాయర్ చంద్రు రియల్ స్టోరీ ఆధారంగా ఈ సినిమాను తెరకెక్కించారు అంటూ చాలానే వారలు వచ్చాయి. లాయర్ గా సూర్య పోస్టర్ రిలీజ్ అయ్యాక ఈ సినిమాపై మరింత ఎక్కువగా అంచనాలు పెరిగాయి.

సినిమాకి ఎంతో ముఖ్యమైన చంద్రు పాత్ర పోషించిన సూర్యకి కూడా మళ్లీ ఒక మంచి పవర్ ఫుల్ రోల్ పడింది. అడ్వకేట్ పాత్రలో పర్ఫెక్ట్ గా సరిపోయారు సూర్య. అలాగే మరికొన్ని ముఖ్య పాత్రల్లో నటించిన ప్రకాష్ రాజ్, రావు రమేష్, మరొక హీరోయిన్ రజిషా విజయన్ కూడా బాగా నటించారు. అక్కడ అక్కడ కొంచెం డల్ గా అనిపించినా కూడా, స్టోరీ చాలా బలంగా ఉండడంతో అలాంటి పొరపాట్లు ఏవి పెద్దగా కనిపించవు. చివరికి ఏమవుతుంది అనే ఉత్కంఠతో సినిమా సాగుతుంది.

సూర్యతో పాటు ఈ సినిమాలో మరో ముఖ్యమైన పాత్ర కూడా ఉంది. చిన్నతల్లి పాత్ర. లిజోమోల్ జోస్ ఈ పాత్రలో నటించారు అని చెప్పడం కంటే జీవించారు అని చెప్పడం బెటర్. ఆమె భర్త గా నటించిన రాజన్న అనుకోని పరిస్థితుల కారణంగా జైలుకి వెళ్ళాల్సి రావడంతో ఏమి చెయ్యాలో తెలియక అడ్వొకేట్ చంద్రు సాయం కోరుతుంది. ఈ పాత్ర లో నటించిన లిజోమోల్ కు చాలా మంచి పేరు వస్తోంది.

నిజానికి ఈ అమ్మాయి ఎవరో కాదు సిద్ధార్థ్ హీరోగా వచ్చిన “ఒరేయ్ బామ్మర్ది” సినిమాలో హీరోయిన్. ఈ సినిమా కూడా ఓటిటిలోనే రిలీజ్ అయ్యింది. ఈ సినిమాకి యావరేజ్ టాక్ వచ్చినప్పటికీ.. లిజోమోల్ నటనకి మాత్రం మంచి మార్కులే పడ్డాయి. ప్రస్తుతం జైభీమ్ సినిమాతో ఆమెకు మరిన్ని అవకాశాలు వస్తాయని చెప్పొచ్చు. లిజోమోల్ సోషల్ మీడియాలో కూడా ఆక్టివ్ గానే ఉన్నారు. ఆమెకు ఇంస్టాగ్రామ్ లో 41.9k ఫాలోవర్స్ ఉన్నారు. మంచి పాత్రలను ఎంచుకుంటూ, టాలెంట్ ఉన్న నటిగా ఆమె కొనసాగుతున్నారు. ఆమె మరిన్ని అవకాశాలతో ముందుకు వెళ్లాలని కోరుకుందాం.