Anudeep

రాజమౌళి దర్శకత్వం లో జూనియర్ ఎన్టీఆర్ రామ్ చరణ్ ల మల్టీ స్టారర్ పాన్ ఇండియా సినిమా ఆర్ ఆర్ ఆర్ టాలీవుడ్ తో పాటుగా యావత్ సినీ లోకం మొత్తం కళ్ళు ఈ సినిమా మీదనే ఉన్నాయి.ఖరోనా మహమ్మారి కారణంగా ఇప్పటికే పలు మార్లు వాయిదా పడుతూ వస్తున్న సినిమా.

దీనితో సాధారణంగానే ఈ సినిమాపై అంచనాలు తారాస్థాయిలో ఉన్నాయి. మరోవైపు ప్రమోషన్స్ ని కూడా గట్టిగానే చేయాలనీ చిత్ర యూనిట్ భావించింది. జనవరి ఏడవ తేదీన విడుదల అయ్యే ఈ సినిమా ప్రమోషన్స్ కోసం పివిఆర్ సంస్థతో కలుస్తున్నట్లు అప్పట్లో వార్తలు వచ్చాయి. ఈ సంస్థ కూడా చివరిలో ఆర్ కు మరో రెండు ఆర్ లను జత చేసి పివిఆర్ ఆర్ ఆర్ గా పేరు మార్చారు. ఉదయాన్నే ప్రమోషన్స్ ప్రారంభించి.. సాయంత్రానికి ఆపేసారు. పునీత్ మరణ వార్త రావడంతో దేశమంతా విషాదంలో ఉంది. ఈ సమయంలో ప్రమోషన్స్ చేయలేమని.. వాయిదా వేస్తున్నామని ప్రకటించారు.

థియేటర్లు మూత పడడం వలన కరోనా లాక్ డౌన్ కాలంలో ఓటిటీల వాడకం మరింత ఎక్కువగా పెరిగింది. మరోవైపు ఓటిటీలు కూడా రకరాల సిరీస్ లు, ప్రోగ్రాంలు, సినిమాలు, టాక్ షోలతో ప్రేక్షకులని ఎంటర్టైన్ చేయడానికి సిద్ధం అవుతున్నాయి. తెలుగు ఓటిటి ఆహ కూడా భిన్నమైన కంటెంట్ తో దూసుకెళ్తున్న సంగతి తెలిసిందే. నందమూరి బాలకృష్ణ హోస్ట్ గా అన్ స్టాపబుల్ అనే టాక్ షోను ఆహ తీసుకొస్తోంది. ఈ షోలో పలువురు సెలెబ్రిటీలను బాలయ్య బాబు మాట్లాడించనున్నారు.

ఈ షో లో మొదటి ఎపిసోడ్ కు మెగాస్టార్ చిరంజీవి రాబోతున్నారు అంటూ అప్పట్లో వార్తలు బాగానే వచ్చాయి. అయితే మొదటి ఎపిసోడ్ లో మంచు కుటుంబం హాజరై ఫ్యాన్స్ ను ఎంటర్టైన్ చేసారు. అయితే.. చిరు ఎందుకు రాలేదు? అంటూ పలువురు నెటిజన్లు చర్చించుకుంటున్నారు. మెగాస్టార్ చిరంజీవి వరుసగా సినిమాలను ఒప్పుకోవడంతో బిజీ షెడ్యూల్ లో ఉండి ఉంటారని.. అందుకే ఈ షో కి హాజరు కాలేకపోయి ఉంటారని భావిస్తున్నారు.

టాలీవుడ్ మెగాస్టార్ చిరంజీవి సోషల్ మీడియా లో అభిమానులతో టచ్ లో ఉంటారన్న సంగతి తెలిసిందే. ఆయన అప్పుడప్పుడు సరదా వీడియోలను పంచుకుంటూ ఫ్యాన్స్ తో టచ్ లో ఉంటారు. తాజాగా.. ఆయన ఓ వీడియో తో తన అభిమానులను బాగా థ్రిల్ చేసారు.

హాలోవీన్ సందర్భంగా తన అభిమానులకు విషెస్ చెబుతూ.. దెయ్యం లుక్ లో ఉన్న ఓ వీడియో ను పోస్ట్ చేసారు. పోస్ట్ చేసిన కొద్దీ సేపటికే ఈ వీడియో సోషల్ మీడియా లో వైరల్ అవుతోంది. ఎంతైనా మెగాస్టార్ మెగాస్టారే. అయితే ఈ వీడియో ఆటోమేటిక్ గా ఎడిట్ అయ్యిన వీడియో. దీనికోసం ఆయన ప్రత్యేకంగా మేక్ అప్ ఏమి వేసుకోలేదు. ఓ యాప్ ని ఉపయోగించడం ద్వారా ఆయన ఈ వీడియో ను రూపొందించారు. “హ్యాపీ హాలోవీన్” అంటూ తన అభిమానులకు మెగాస్టార్ విషెస్ తెలిపారు. ఈ వీడియో పై మీరు కూడా ఓ లుక్ వేయండి.

మెహరీన్ పిర్జాదా.. తెలుగు వారికి పరిచయం అవసరం లేని పేరు. “కృష్ణ గాడి వీర ప్రేమ గాధ” సినిమాతో టాలీవుడ్ కి పరిచయమైన ఈ చిన్నది “ఎఫ్ 2” సినిమాతో మరింత పాపులర్ అయ్యింది. వరుస ప్రాజెక్ట్స్ తో బిజీ గా ఉన్న సమయంలో కరోనా రావడంతో ఈ అమ్మడి సినిమాలకు బ్రేక్ వచ్చింది.

కరోనా లాక్ డౌన్ లో ఉన్న సమయం లో చాలా భయంగా రోజులు గడిచాయని.. దాదాపు రెండు నెలల పాటు వీక్ నెస్ తోనే గడిచిందని చెప్పుకొచ్చింది. ప్రస్తుతం మారుతీ దర్శకత్వం లో మెహ్రీన్ ఓ సినిమా చేస్తోంది. మారుతీ పై నమ్మకంతోనే ఈ సినిమాలో నటిస్తోందట. చేతిలో ఎన్ని ప్రాజెక్ట్స్ ఉన్నా.. ఎఫ్ 3 సినిమాకే ఎక్కువ ప్రాధాన్యత ఇస్తానని చెప్పుకొచ్చింది. ఇక, హను రాఘవపూడి డైరెక్షన్ లో నటించే ఛాన్స్ వస్తే.. కచ్చితంగా కథ కూడా వినకుండా నటిస్తానని చెప్పుకొచ్చింది. ఆయనవల్లే ఈరోజు నేను మీ ముందు ఉన్నానని చెప్పుకొచ్చింది.

కన్నడ స్టార్ నటుడు పునీత్ రాజ్‌కుమార్ గుండెపోటు కారణంగా మరణించారు. పునీత్ కి కేవలం కన్నడలో ఇండస్ట్రీలో మాత్రమే కాకుండా, ఇతర భాషల ఇండస్ట్రీలలో కూడా చాలా ఫాలోయింగ్ ఉంది. శుక్రవారం ఉదయం జిమ్ లో వ్యాయామం చేస్తున్నప్పుడు పునీత్ ఒక్కసారిగా కిందపడిపోయారు. ఆస్పత్రికి వెళ్లే సరికి పునీత్ పరిస్థితి చాలా విషమంగా ఉంది అని డాక్టర్లు చెప్పారు. చికిత్స అందించిన కొంతసేపటి తర్వాత పునీత్ తుది శ్వాస విడిచారు.

పునీత్ కు టాలీవుడ్ తో కూడా సత్సంబంధాలు ఉన్నాయి. పునీత్ ను కన్నడ ఇండస్ట్రీ కి పరిచయం చేసింది టాలీవుడ్ డైరెక్టర్ పూరి జగన్నాధ్. అంతే కాదు.. పునీత్ పలు తెలుగు సినిమాలను కన్నడలో రీమేక్ చేసి సక్సెస్ అయ్యారు. ఆయనకు కన్నడ పవర్ స్టార్ గా పేరు కూడా ఉంది. పలువురు టాలీవుడ్ నటులతో ఆయనకు మంచి రిలేషన్ ఉంది.

పునీత్ కు ఓ చిరకాల కోరిక ఉందట. అది తీరకుండానే ఆయన కన్నుమూశారు. ఈ విషయం గురించి దర్శకుడు మెహెర్ రమేష్ ఇటీవల ఓ ఇంటర్వ్యూ లో మాట్లాడారు. పునీత్ వల్లే తన కెరీర్ మొదలైందంటూ ఆయన గుర్తు చేసుకున్నారు. ఆయన పునీత్ ని హీరో గా పెట్టి “వీర కన్నడిగ” అనే సినిమాను తెరకెక్కించారు. ఈ సినిమాతోనే తన కెరీర్ మొదలైంది అని గుర్తుచేసుకున్నారు.

తాజాగా.. చిరు తో “భోళాశంకర్” ను రూపొందిస్తున్న సంగతి తెలిసిందే. ఈ చిత్రం లో చిరు పక్కన తనకి కూడా ఒక రోల్ ఇవ్వాలి అంటూ పునీత్ మెహెర్ ని కోరారట. అవకాశం ఉంటే ఒక అతిధి పాత్రలో అయినా కనిపించాలి అని అనుకుంటున్నట్లు మెహెర్ రమేష్ తో పునీత్ చెప్పారట. చిరు తో కలిసి నటించాలి, చిరు తో స్క్రీన్ షేర్ చేసుకోవాలి అని అనుకున్నట్లు చెప్పారట. కానీ, అంతలోనే ఘోరం జరిగిపోయింది. తన చివరి కోరికను తీర్చుకోకుండానే పునీత్ ఈ లోకాన్ని వీడి వెళ్లిపోయారు. ఈ విషయాన్నీ మెహెర్ రమేష్ ఓ ఇంటర్వ్యూలో పంచుకున్నారు.