Anudeep

కాలం ఎంత వేగం గా మారుతున్నా.. ఆడవారి పట్ల దారుణాలు మాత్రం ఆగడం లేదు. విస్మయ ఆత్మహత్య ఘటన కేరళను కుదిపేస్తోంది. అసలు ఆమె ఎందుకు ఆత్మహత్య చేసుకుంది అన్న దిశగా చేపట్టిన విచారణ లో.. ఆమె ది హత్య అన్న అనుమానాలకు తావిస్తోంది. ఇటీవల వెలుగు లోకి వచ్చిన మెసేజ్ లు, ఫోటోలు ఈ కేసులో కీలకం గా మారాయి. ఈ కేసు వివరాల్లోకి వెళ్తే..

సమయం కధనం ప్రకారం.., కేరళ, కొల్లం జిల్లా సస్తంకొట్ట కు చెందిన కిరణ్ కు విస్మయ ని ఇచ్చి వివాహం చేయాలనీ పెద్దలే నిర్ణయించారు. 2020 లో వీరి వివాహం జరిగింది. కిరణ్ కుమార్ ఆర్డీఏ లో ఇన్స్పెక్టర్ కావడం తో మంచి సంబంధం వచ్చిందని విస్మయ తల్లితండ్రులు మురిసిపోయారు. భారీ గా కట్నకానుకలు కూడా సమర్పించారు. అయితే.. వివాహం అయినా కొద్దిరోజులకే.. కట్నం కింద తనకు ఇచ్చిన కారుకి బదులు నగదు ఇవ్వాలని, అది కాకుండా అదనపు కట్నం తీసుకురావాలని కిరణ్ విస్మయ ను వేధించే వాడు.

ఓ సారి పార్టీ సందర్భం గా విస్మయ భర్త కిరణ్ తో కలిసి పుట్టింటికి వెళ్ళింది. అతిగా మద్యం సేవించిన కిరణ్ మద్యం మత్తులో తల్లితండ్రుల ముందే విస్మయ పై చేయి చేసుకున్నాడు. దీనితో అడ్డుపడిన విస్మయ అన్న పై కూడా దాడి చేసాడు. అప్పటినుంచి విస్మయ తల్లితండ్రుల వద్దే ఉండిపోయింది. ఆ తరువాత రెండు నెలల కిందటే బిఎంఎస్ పరీక్ష రాయడం కోసం విస్మయ కాలేజీ కి వెళ్ళింది. ఆ సమయం లోనే కిరణ్ ఆమెను బలవంతం గా ఇంటికి తీసుకెళ్లాడు.

అప్పటి నుంచి ఆమె పుట్టింటికి రాలేదు. ఆ తరువాత తండ్రికి గాని, అన్నకి గాని ఆమె ఫోన్ చేయలేదు. కేవలం తన అమ్మ కు మాత్రం ఫోన్ చేసి భర్త ఎలా చిత్రహింసలు పెడుతున్నాడో చెప్పుకుని బాధపడేది. జూన్ 19 వ తేదీన ఆమె ఉండబట్టలేక తన భర్త కొట్టిన దెబ్బల ను తన కజిన్ కు మెసేజ్ లలో చూపించింది. ఎవరికీ చెప్పొద్దని అడిగింది. తాను ఎవరికీ చెప్పలేదని తెలిపింది. ఆ తరువాత ఓ రోజు కిరణ్ కుటుంబ సభ్యులు విస్మయ ఆత్మహత్య కు పాల్పడిందని ఆసుపత్రికి తీసుకొచ్చామని చెప్పడం తో.. విస్మయ తల్లితండ్రులు ఆసుపత్రికి చేరుకున్నారు. అయితే.. విస్మయ అప్పటికే మరణించింది.

అయితే.. విస్మయ ను అత్తమామలు వేధించి హత్య చేశారని ఆమె తల్లితండ్రులు ఆరోపించి, కిరణ్ కుటుంబ సభ్యులపై కేసు నమోదు చేసారు. ఈ ఘటన పై కేరళ ప్రజలు తీవ్ర ఆగ్రహం వ్యక్తం చేస్తున్నారు. అలాగే ఈ ఘటనపై కేరళ మహిళా కమిషన్ తమకు నివేదిక సమర్పించాలంటూ కొల్లం రూరల్ ఎస్పీ కి ఆదేశాలను కూడా జారీ చేసింది.

కరోనా మహమ్మారి మన జీవితాల్లోకి వచ్చిన తరువాత మనం ఇంటికే పరిమితం అయిపోయాం. మరీ అత్యవసరాలకు తప్పిస్తే.. బయటకు వెళ్ళడానికి ఎవరు పెద్ద గా ఆసక్తి కనబరచడం లేదు. మరో వైపు పిల్లలను పాఠశాలలకు కూడా పంపించకుండా ఇంటికే పరిమితం చేస్తున్నాం. ఈ పరిస్థితుల్లో వారి భవిష్యత్ ను దృష్టిలో ఉంచుకుని ఆన్ లైన్ స్కూలింగ్ మొదలైన సంగతి తెలిసిందే.

ఉపాధ్యాయులు జూమ్ మీటింగ్ ద్వారానే పిల్లలకు పాఠాలు చెబుతున్నారు. ఈ క్రమం లో వారికి అనేక ఇబ్బందులు ఎదురవుతున్నాయి. ఇవన్నీ ఒకెత్తయితే చిన్న పిల్లలను త్వరగా అట్ట్రాక్ట్ చేసే అడ్వేర్టైజ్మెంట్ లు మరో వైపు. ఇటీవల ఓ పిల్లాడు ఆన్ లైన్ క్లాస్ టైం లో పాఠం వింటూ ఉండగా వచ్చిన నోటిఫికేషన్ ను చూసాడు. “వంద రూపాయలతో ఆడి రెండు వందల రూపాయలు గెలవండి..” అంటూ వచ్చిన నోటిఫికేషన్ ను చూసి ఆత్రుత కొద్దీ క్లిక్ చేసాడు.

అంతే వెంటనే.. ఆ ఫోన్ కు లింక్ అప్ అయ్యి ఉన్న బ్యాంకు ఖాతా నుంచి లక్ష యాభై వేల రూపాయలు కట్ అయ్యాయి. దీనితో.. ఆ పిల్లవాడి తల్లి తండ్రులు లబోదిబోమంటున్నారు. వివరాల్లోకి వెళితే, మహబూబాబాద్ లో ఓ గిరిజన తండా కు చెందిన వెంకన్న ఖాతా లో ఇటీవలే ధాన్యం విక్రయం కింద 86 వేల రూపాయలు, రైతు బంధు పధకానికి సంబంధించి పదకొండు వేల రూపాయలు జమ అయ్యాయి. మొత్తం గా అతని అకౌంట్ లో లక్షన్నర నగదు ఉంది.

ఇటీవల విత్తనాలు కొనుక్కోవడానికి డబ్బులు విత్ డ్రా చేసుకోవడం కోసం బ్యాంకు కు వెళ్లగా.. అందులో కేవలం 613 రూపాయలు మాత్రమే ఉన్నట్లు చూపించింది. దీనితో వెంకన్న హతాశుడయ్యాడు. బ్యాంకు స్టేట్ మెంట్ ను చెక్ చేసుకుని చూడగా జూన్ 15 వ తేదీ నుంచి 17 వ తేదీ లోపు లక్షన్నర రూపాయలు బదిలీ అయినట్లు కనిపించింది. 9 వ తరగతి చదువుతున్న తన కొడుకు ఆన్ లైన్ క్లాస్ ల కోసం ఫోన్ ను కొనిచ్చాడు. ఆ ఫోన్ కె బ్యాంకు ను లింక్ అప్ చేసాడు. దీనివల్లనే ఎక్కడో ఎదో జరిగిందని వెంకన్న అర్ధం చేసుకుని.. తనకు న్యాయం చేయాలంటూ పోలీసులను సంప్రదించాడు.