Anudeep

అగ్రరాజ్యం చైనా  కరోనా కాటునుండి ఇప్పుడిప్పుడే కోలుకుంటుంది. మరో అగ్రదేశం అమెరికాలో కరోనా కేసులు ఆరులక్షలు దాటాయి. మృతుల సంఖ్య పాతికవేలు దాటింది .  ఇటలీ, స్పెయిన్,జర్మనీ , ప్రాన్స్, యుకె తదితర దేశాలు కరోనా థాటికి అతలాకుతలం అవుతున్నాయి. ఇతర దేశాలతో పోలిస్తే మన దేశంలో కరోనా కొంచెం కంట్రోల్లో ఉంది.అయితే మన దేశంలో కరోనాని కట్టడి చేయడం లో ముఖ్య పాత్ర పోషించింది ముగ్గురు మహిళలు. వారెవరు? ఏం చేశారు? చదవండి.

గత రెండు నెలల నుండి కుటుంబాలను కలవకుండా ఆఫీసులోనే నివాసం ఉంటూ, ప్రతి క్షణం దేశాన్ని,దేశ ప్రజలను కరోనా నుండి ఎలా కాపాడాలి అనే ప్రయత్నంలో తలమునకలై పనిచేస్తున్నారు ప్రీతి సుడాన్, నివేదిత గుప్త, రేణు స్వరూప్.

ప్రీతి సుడాన్

ఆంధ్రప్రదేశ్ క్యాడర్ కు చెందిన ఈ IAS ఆఫీసర్ లండన్ స్కూల్ ఆఫ్ ఎకనామిక్స్ నుండి పీజీ చేసి వరల్డ్ బాంక్ లో కూడా పని చేశారు. ప్రస్తుతం హెల్త్ సెక్రటరిగా పని చేస్తున్న ప్రీతి సుడాన్  కరోనాపై యుద్ధంచేస్తూ ప్రశంసలు పొందుతున్నారు. చైనా లోని వూహాన్ నుండి 645 మంది భారతీయులను స్వదేశానికి తీసుకురావడంలో కీలక భూమిక పోషించారు.

డాక్టర్ నివేదిత గుప్త

డా.నివేదిత గుప్త మాలిక్యులర్ మెడిసిన్ లో పీహెచ్‌డీ చేసి ఇండియన్ కౌన్సిల్ ఆఫ్ మెడికల్ రీసెర్చ్ (ICMR) లో కీలక బాధ్యతలు నిర్వహిస్తున్నారు. గతంలో కూడా డెంగ్యూ, చికెన్ గున్యా, సార్స్, నిఫా వైరస్ లను ఎదుర్కోవడంలో కృషి చేశారు. అప్పుడు ఆమె కృషిని గుర్తించిన ప్రపంచ దేశాలు ప్రశంసించాయి.. ఇప్పుడు కరోనా యుద్ధంలో పరీక్షా పద్ధతులు, గైడ్ లైన్స్ రూపొందించడమే కాకుండా దేశ వ్యాప్తంగా 182 లేబరేటరీలను కొద్ది రోజుల వ్యవధిలో నిర్మించారు. వీటికి అవసరమైన పరికరాలు, ముడి పదార్ధాలు, టెక్నీషియన్ల శిక్షణ మొదలైన వాటిని స్వయంగా పర్యవేక్షిస్తున్నారు.

డాక్టర్ రేణు స్వరూప్

జెనెటిక్స్, ప్లాంట్ బ్రీడింగ్ లో పీహెచ్‌డీ చేసారు రేణు స్వరూప్ .ప్రపంచ ప్రసిద్ధ శాస్త్రవేత్తల్లో ఒకరు. నరేంద్ర మోడీ గారి శాస్త్ర సలహాదారుల కమిటీలో ఉండి సేవలందిస్తున్నారు. కరోనా పై యుద్ధంలో దేశవ్యాప్త పరిశోధనా సంస్థలు, పరిశ్రమలను సమన్వయం చేస్తూ మందులను, వాక్సిన్ ను తయారుచేయడంలో తలమునకలై ఉన్నారు. ఈమె రూపొందించిన బయో టెక్నాలజీ విజన్ డాక్యుమెంట్లు  ఎన్నో ప్రశంసలు పొందాయి.

వీరే కాకుండా ఆంధ్రప్రదేశ్ కు చెందిన మరో ఇద్దరు అధికారులు అత్యంత కీలక పాత్ర పోషిస్తున్నారు. వారిలో మొదటి వ్యక్తి లవ్ అగర్వాల్. ఐఐటి ఢిల్లీలో మెకానికల్ ఇంజనీరింగ్ చదివి,తర్వాత ఐఏఎస్ సాధించిన ఈ 48 ఏళ్ల యోగా నిపుణుడు విశాఖ జిల్లా కలెక్టర్ గా,  ఆంధ్రప్రదేశ్ హెల్త్ కమీషనర్ గా పనిచేశారు. ఇప్పుడు ఢిల్లీలో జాయింట్ సెక్రటరీగా పనిచేస్తు ప్రతి రోజు ప్రెస్ బ్రీఫింగ్ చేయడమే కాదు, అనేక విభిన్న ప్రయోగాలతో ప్రపంచదేశాలకు ఆదర్శమవుతున్నారు. మొబైల్ ఫోన్ల కరోనా కాలర్ ట్యూన్, కంటైన్మెంట్ స్ట్రాటజీ, సోషల్ డిస్టెన్సింగ్ నార్మ్స్, క్లస్టర్ ఔట్ బ్రేక్ స్ట్రాటజీలు లవ్ అగర్వాల్  రూపొందించినవే.

రెండో వ్యక్తి డాక్టర్ జితేంద్ శర్మ. సత్య సాయి బాబాకు అత్యంత విశ్వాసపాత్రుడు, పుట్టపర్తి సూపర్ స్పెషాలిటీ హాస్పిటల్ డైరెక్టర్ గా పని చేసిన ఈయన , తర్వాత ఏపీ మెడ్ టెక్ ఎం.డీ గా, కలాం ఇన్స్టిట్యూట్ ఆఫ్ హెల్త్ కేర్ టెక్నాలజీ అధిపతిగా  నియమించబడ్డారు.  కేవలం యాభై నిముషాలలో కరోనాను నిర్ధారించేలా రాపిడ్ టెస్ట్ కిట్స్ ను తయారుచేయించడంలో కీలకపాత్ర పోషిస్తున్నారు..

కరోనా టెస్టింగ్ కిట్ మేడిన్ ఇండియా.. విదేశాల నుండి దిగుమతి అయిన కరోనాతో పాటు కరోనాని టెస్ట్ చేసే టెస్టింగ్ కిట్ ని కూడా విదేశాల నుండే దిగుమతి చేసుకోవాల్సి వచ్చింది. కానీ ఖర్చు అధికం, ఇక్కడ టెస్టు చేయాల్సి కేసులు సంఖ్య పెరిగిపోతోంది . ఇదే కొసాగితే పరిస్థితి మరీ విషమించేలా ఉంది . దాంతో మనమే సొంతంగా ఒక కిట్ తయారు చేస్కోవాలని నిర్ణయించారు. ఆ కిట్ తయారు చేసింది ఎవరో కాదు ఒక మహిళ… పేరు మినాల్ దాఖవే భోస్లే..

మహిళ అని ఎందుకు అంత నొక్కి చెప్తున్నానంటే మన దేశంలో మహిళల పట్ల ఎంత చిన్నచూపో అందరికి తెలిసిందే , వాళ్లకి చదువులెందుకు , ఉద్యోగాలెందుకు అని అన్నీ అడ్డంకులే . కాని ఇప్పుడు  ప్రపంచం మొత్తం వణికిపోతున్న కరోనా టెస్టింగ్ కిట్ కనుగొని గర్వకారంగా నిలవడమే కాదు అలాంటి వాళ్ల నోళ్లు మూయించేలా చేశారు పూణె కి చెందిన మినాల్ దాఖవే భోస్లే .

పూణె లోని మై ల్యాబ్ డిస్కవరి సంస్థ కరోనా కిట్ తయారు చేయడానికి అనుమతి పొందింది. ఈ కిట్ తయారి వైరాలజిస్ట్ మినాల్ దాఖవే బోస్లే ఆధ్వర్యంలో జరిగింది. మరో నెల రోజుల్లో మినాల్ డెలివరి అనగా మన దగ్గర కరోనా కలవరం స్టార్టయింది. నాకెందుకులే నా ఆరోగ్యం ముఖ్యం,  నా కడుపులో బిడ్డ ముఖ్యం అని అనుకోలేదు మినాల్ . సరిగ్గా తన ప్రసవానికి ముందు రోజు కిట్ తయారి పూర్తైంది. తర్వాత డెలివరిలో తను పండంటి బిడ్డకు జన్మనిచ్చారు మినాల్.

కరోనా కిట్ తయారు చేయడానికి మై ల్యాబ్ డిస్కవర సంస్థ అనుమతి పొందగానే పనిలోకి దిగిపోయింది. ఆరు వారాలు శ్రమించి కరోనా కిట్ తయారు చేసి దేశానికి అందించింది. ఇది చవకైనదే కాదు మనకు చాలాతొందరగా రిజల్ట్ ను కూడా అందిస్తుంది.ఇప్పటివరకు మనం దిగుమతి చేసుకుంటున్న కిట్ ధర 4500రూ. అయితే మినాల్ టీం తయారు చేసిన కిట్ రేటు 1200రూ మాత్రమే .సగానికి సగం తక్కువ. రిపోర్ట్ రిజల్ట్ టైం ఇంపోర్టెడ్ కిట్ కి ఏడు గంటలు పడితే, మేడిన్ ఇండియా కిట్ రెండున్నర గంటల్లో రిజల్ట్ వచ్చేస్తుంది.

ఇప్పటివరకు 19 కిట్లను అందించింది ఈ సంస్థ. మరో రెండు మూడు రోజుల్లోనే 150కిట్ల వరకు వివివధ రాష్ట్రాలకు పంపిస్తామని , తర్వాత వెంటనే సెకండ్ బ్యాచ్ కిట్ల తయారి స్టార్ట్ చేస్తామని చెప్పుకొచ్చింది.దీని వలన చాలా తక్కువ టైంలోనే ఎక్కువ మందికి టెస్టులు చేయడానికి వీలవుతుంది .  కరోనా టెస్టులు చేయడం కష్టంగా మారేది .ఇకపై ఈ కిట్ల సాయంతో చాలా తక్కువ సమయంలోనే కరోనా వైరస్ సోకిన వారిని గుర్తించడం సులువవుతుంది. థాంక్యూ మినాల్ దాఖవే .. కంగ్రాట్స్ టు బ్లెస్డ్ విత్ బేబీ గర్ల్ లైక్ యూ…

దేశానికి సేవ చేసే అవకాశం నాకు ఈ విధంగా దక్కింది, అందుకే నా వంతుగా కృషి చేసా. మొత్తం పదిమందిమి ఈ ప్రాజెక్ట్ ని ఆరువారాల్లో పూర్తి చేసాం. మీ వంతుగా మీరు దేశానికి సేవ చేయాలనుంటే జాగ్రత్తలు పాటించండి, వైరస్ వ్యాప్తి చేయకుండా చూడండి అని అన్నారు మినాల్.

ప్రేమ ఒకే కులం, ఒకే ప్రాంతం, ఒకే దేశం చూసుకుని పుట్టదు . ఎప్పుడు ఎవరి మధ్య పుడుతుందో చెప్పలేం. హర్యానా  అబ్బాయి, మెక్సికన్ అమ్మాయిల మధ్య ప్రేమ పుట్టింది .ఆ ప్రేమ జంటని కరోనా కూడా వేరు చేయలేకపోయింది. అందుకే దేశాలు వేరైనా , ప్రపంచం మొత్తం అల్లకల్లోలంగా ఉన్నా వారి పెళ్లి మాత్రం ఏ ఆటంకం లేకుండా జరిగిపోయింది. ప్రేమ ఎలా మొదలైంది?పెళ్లి వరకు ఎలా వచ్చింది?ప్రస్తుత లాక్ డౌన్  పరిస్థితుల్లో వారి పెళ్లి ఎలా సాధ్యం అయింది..చదవండి.

హర్యానాలోని రోహతక్ కి చెందిన నిరంజన్ కశ్యప్ అనే అబ్బాయి, మెక్సికోకి చెందిన డానా ఇద్దరూ ఒక లాంగ్వేజ్ లెర్నింగ్ యాప్లో పరిచయం అయ్యారు. పరిచయం ప్రేమగా మారింది. దాంతో ఇద్దరు పెళ్లి చేసుకోవాలని డిసైడ్ అయ్యారు. నిరంజన్ ని పెళ్లి చేస్కోవడం కోసం డానా మెక్సికో నుండి ఫిబ్రవరి11 న ఇండియాకు వచ్చింది. డానా తో పాటు తన తల్లి కూడా వచ్చారు.

కోవిడ్ -19 వ్యాపిస్తున్న నేపధ్యంలో ఎవరికి ఏ ఆటంకం కలగకుండా పెళ్లి చేసుకోవాలని అనుకుని, రిజిస్ట్రేషన్ మ్యారేజ్ కోసం అప్లై చేశారు.రిజిస్ట్రార్ ఆఫిసర్ తో పాటు  అతికొద్ది మంది సమక్షంలో స్పెషల్ మారేజ్ యాక్ట్ చట్టం ప్రకారం ఇద్దరూ ఏప్రిల్ 13న ఒక్కటయ్యారు. హిందూ మారెజ్ యాక్ట్, ముస్లిం మారేజ్ యాక్ట్ మాదిరిగానే స్పెషల్ మారేజ్ యాక్ట్ ఇంటర్ క్యాస్ట్ , ఇంటర్ రిలేజియన్ మ్యారేజెస్ కి వర్తిస్తుంది. ప్రస్తుతం నిరంజన్, డనా కూడా ఈ చట్టం ప్రకారమే ఒక్కటయ్యారు.

ఇదిలా ఉండగా హర్యానాలో గ్రీన్ జోన్, రెడ్ జోన్, ఆరెంజ్ జోన్ అని  మూడు జోన్లుగా ఏర్పరచి దానికి తగ్గట్టుగా చర్యలు తీసుకుంటుంది ప్రభుత్వం ,ఇప్పటివరకు ఒక్క కేసు కూడా నమోదు కాని ప్రాంతాన్న గ్రీన్ జోన్ గా, తక్కువ సంఖ్యలో కేసెస్ ఉన్న దాన్ని ఆరెంజ్ జోన్ గా, ఎక్కువ కేసులు నమోదైన ప్రాంతాన్ని ఆరెంజ్ జోన్ గా కేటాయించింది. ప్రస్తుతం కరోనా కేసులు 198 ఉండగా , ఇంతవరకు ముగ్గురు మరణించారు . 29మంది రికవర్ అయ్యారు. మరికొద్ది రోజుల్లో అన్నింటిని గ్రోన్ జోన్స్ గా మార్చుకుంటామని ఆశాభావం వ్యక్తం చేశారు హర్యానా సిఎం దుష్యంత్ చౌతాలా.

Haryana: Niranjan Kashyap from Rohtak married Dana, a Mexican national on April 13 under the Special Marriage Act amid #CoronavirusLockdown. Niranjan says, “We met through a language learning app. Dana&her mother came to India on 11th February for the wedding.” pic.twitter.com/Q9QKjMsDTH

— ANI (@ANI) April 15, 2020