Anudeep

లాక్ డౌన్ వలన రవాణా వ్యవస్థ పూర్తిగా స్తంబించిపోయింది.. కేవలం ఆహారం, ఇతర నిత్యావసరాలను సరఫరా చేసేందుకే రవాణా వ్యవస్థని వినియోగిస్తున్నారు. ఈ నేపధ్యంలో తన బిడ్డకి ఒంటె పాలు కావాలని ఒక మహిళ ప్రధానిని అభ్యర్దించగానే రైల్వేవ్యవస్థ ముందుకొచ్చి సాయం చేసింది..రాజస్థాన్ నుండి ముంబైకి ఇరవై లీటర్ల పాలను తెప్పించింది..ఆ స్టోరీ వివరాలు..

ఆటిజంతో బాధపడుతున్న తన మూడున్నరేళ్ల కుమారుడికి ఒంటె పాలు కావాలంటూ ప్రధానిని అభ్యర్దిస్తూ ఒక మహిళ చేసిన ట్వీట్ పై రెస్పాండ్ అయింది రైల్వే డిపార్ట్ మెంట్ . ముంబైలోని బాంద్రాలో నివసించే నేహాకుమారి కుమారుడి వయసు మూడున్నరేళ్లు. ఆటిజంతో బాధపడుతున్న ఆ బాబుకి ఆరోగ్యరిత్యా ఒంటె పాలు తప్ప మరే పాలు శ్రేయస్కరం కాదు. 21 రోజుల లాక్‌డౌన్ కారణంగా  నేహాకుమారి కుమారుడికి ఒంటె పాలు అందడం లేదు. దాంతో ఏం చేయాలో పాలుపోక  ప్రధానమంత్రికి ట్వీట్ చేసింది. తన కుమారుడు కేవలం ఒంటె పాలపైనే ఆధారపడి ఉన్నాడని, కాబట్టి ఒంటె పాలను కానీ లేక రాజస్థాన్‌లోని సాద్రీలో లభ్యమయ్యే పాల పౌడర్‌ను కానీ అందించాలని కోరింది .

మహిళ ట్వీట్ చేసిన వెంటనే రైల్వే టీం రంగంలోకి దిగింది. రాజస్థాన్ నుండి ముంబైకి పాలు తీసుకొచ్చే మార్గం ఆలోచించింది. లూథియానా నుండి ముంబై కి ఒక పార్శిల్ రైల్ రవాణా జరుగుతుంది..ఆ రైల్లో పాలు తీసుకొచ్చేలా ఏర్పాట్లు చేసింది. పాలు తీసుకోవాలసిన చోట హాల్ట్ లేనప్పటికి అక్కడ 20లీటర్ల పాలు సేకరించి, బాంద్రాలో నేహా కుమారికి అందించారు. వాటిని తనతో పాటు అవసరం ఉన్నవారికి అందించాల్సిందిగా కోరారు. ఇమ్మిడియట్ గా రెస్పాండ్ అయి, తన కష్టం తీర్చిన వారికి థాంక్స్ చెప్తూ నేహాకుమారి మరో ట్వీట్ చేశారు.

లాక్ డౌన్ వేళ ఒక్కొక్కరిది ఒక్కో దీనగాధ . కొడుకు కోసం 1400కిమీ ప్రయాణించిన తల్లి,  ఎక్కడో దూరంగా ఉన్న నా కొడుక్కి ఏ తల్లైనా అన్నం పెట్టకపోదా అని తను పండించుకున్నది ప్రభుత్వానికి ఇచ్చిన మరోతల్లి. ఊరికొచ్చి మధ్యలో చిక్కుకుపోయి పిల్లల కడుపు నింపడానికి బిక్షాటన చేసిన కన్నతల్లి . ఇలా ఎందరో తల్లులు తమ పిల్లల ఆకలి,కష్టం తీర్చడం కోసం తాపత్రయపడుతున్నరు..వారి కష్టాన్ని అర్దం చేసుకుని ప్రభుత్వాలు, పోలీసు వ్యవస్థ అండగా నిలుస్తున్నారు..

లాక్ డౌన్ పెట్టింది ఎవరికోసం? లాక్ డౌన్ పాటించకపోతే ఎవరికి నష్టం? లాక్ డౌన్ పాటించకుండా రోడ్లపైకి వస్తే పోలీసులు కొట్టేది ఎవరి గురించి? మీకోసం..మీ ప్రాణాల కోసం..మీ కుటుంబాల కోసం.. ఈ సోయి ఉన్నోడు ఎవరైనా సరే రోడ్ మీదకి రాడు.. అత్యవసర పని మీద వచ్చేవాళ్ల గురించి మేం అనట్లేదు..అయినా నువ్ తొంబైతొమ్మిది మంచి పనులు చేసి, ఒక్క చెడ్డ పని చేయ్ 99మంచి పనుల్ని ఎవరూ గుర్తించరు,1చెడుని మాత్రం అందరూ వేలెత్తి చూపిస్తారు..ప్రస్తుతం పోలీసుల పనికి కూడా ఇదే పూర్తిగా వర్తిస్తుంది.పోలీసులు కొడుతున్నారు అని ఇదే లొల్లి తప్ప వాళ్లు చేసే మంచి పనులు కనపడవు చాలా మందికి.

నెలలు మీద పడుతున్నాయి, మంత్లీ చెకప్ కి వెళ్లాలి , మొన్నటివరకు ఉదయం నుండి సాయంత్రం వరకు అత్యవసరం అయితే బయటకి రానిచ్చేవారు.కాని ఇప్పుడు మూడు కిలో మీటర్లు దాటితే శిక్ష, ఉదయం పది తర్వాత బయట కనపడకూడదని నిబంధన, ఇలాంటి పరిస్థితుల్లో ఏం చేయాలో పాలుపోక పోలీస్ స్టేషన్ కి కాల్  చేసింది ఆ మహిళ.  బాచుపల్లి దగ్గర ఆ జంటని పికప్ చేసుకుని ,మదీనాగూడలోని హాస్పిటల్లో చెకప్ చేయించి, మళ్లీ వారిని క్షేమంగా ఇంటి దగ్గర డ్రాప్ చేశారు రాచకొండ కమిషనరేట్ పోలీసులు.. దేశవ్యాప్త లాక్ డౌన్ కొనసాగుతున్న నేపధ్యంలో మెడికల్ ఎమర్జెన్సి అవసరం అయితే చాలా కష్టం. ప్రజలు కష్టపడకుండా ఉండేందుకు రాచకొండ కమిషనరేట్ వినూత్న ప్రయత్నం చేసింది.

ఐలైట్ పేరిట ఒక వాహన సర్వీస్ ని ఏర్పాటు చేసి, రాచకొండ కమిషనరేట్ పరిధిలోకి వచ్చే ఏరియా మొత్తం నుండి ఎవరైనా ఆరోగ్యరిత్యా సమస్య ఉందని కాల్ చేయగానే వారిని వెంటనే హాస్పిటల్ కి తరలించేందుకు వెహికిల్స్ ని పంపి సాయపడుతోంది. ఆ విధంగా రోజుకు వందల సంఖ్యలో కాల్స్ వస్తున్నాయి.దాంతో ఈ సర్వీస్ ను మరింత మెరుగుపర్చాలని నిర్ణయించుకుంది .  రాచకొండ పోలీసులు చేస్తున్న ఈ పనికి ప్రజల నుండి ప్రశంసలు వస్తున్నాయి. ఇతర కమిషనరేట్లు కూడా ఇదే విధంగా చేస్తే బాగుంటుందని ఆశాభాశం వ్యక్తం చేస్తున్నారు.

నిజానికి కరోనా వైరస్ సోకిన వారికి ట్రీట్మెంట్ చేస్తూ డాక్టర్లు ఎంత కష్టపడుతున్నారో, కరోనా వైరస్ వ్యాప్తి చెందకుండా కట్టడి చేయడంలో పోలీసులు అంతే కష్టపడుతున్నారు . కాని ఆ కష్టాన్ని గుర్తించిన వారు తక్కువ ఎవరో ఒకరిద్దరు చేసిన తప్పుకి మొత్తం డిపార్ట్మెంట్ నే దుయ్యబడతారు. గత కొన్ని రోజులుగా మీరే చూస్తున్నారు కదా బయటికి వచ్చి ఎందుకొచ్చారంటే ఎంత సిల్లి రీజన్స్ చెప్తున్నారో..ఇలాంటి వారిని కొట్టకపోతే ఏం చేయాలి. అయినా నచ్చచెప్పడానికి వాళ్లేమైనా చిన్నపిల్లలా..ఒకసారి ఆలోచించండి.

ఎక్కడ నెగ్గాలో కాదు..ఎక్కడ తగ్గాలో తెలిసిన వారే గొప్పవారు. మన అవసరం ఉందనుకున్నప్పుడు, మన సాయం కొంతమందికి అవసరం అనుకున్నప్పుడు, వారు స్వయంగా అడగకపోయినా మనం ఎంత గొప్ప స్థానంలో ఉన్న ఆ స్థానాన్ని విడిచి వారికి సాయపడినప్పడే అసలైన గొప్పతనం. అదే నిరూపించుకుంది మిస్ ఇంగ్లాండ్ కిరీటం దక్కించుకున్న వైద్యురాలు. కరోనాతో అల్లాడిపోతున్న తన దేశానికి వైద్యం అందించడానికి తన కిరిటాన్ని పక్కన పెట్టి ముందుకు వచ్చింది.

మిస్ ఇంగ్లాండ్  భాషా ముఖర్జి  వృత్తిరిత్యా డాక్టర్ .భాషా ముఖర్జి భారత సంతతికి చెందిన వారే కావడం విశేషం. భాషా ఎనిమిదేళ్ల వయసులోనే కోల్ కతా నుండి యుకె వెళ్లి అక్కడే సెటిల్ అయ్యారు. యుకెలోని తన వైద్య విధ్యను కంప్లీట్ చేసి శ్వాసకోస వైధ్యంలో స్పెషలిస్ట్ గా పట్టాపొందారు. తర్వాత మోడలింగ్ పై ఆసక్తితో అటుగా ప్రయాణించారు. అందులో భాగంగానే 2019లో మిస్ ఇంగ్లాండ్ గా కిరిటాన్ని దక్కించుకుంది. మిస్ ఇంగ్లాండ్ గా ఎన్నికైన తర్వాత వైద్యవృత్తికి విరామం ఇచ్చి ఒక ఛారిటిపై ఫోకస్ పెట్టారు. ఆ ఛారిటిపనుల్లోనే నిమగ్నమయ్యారు.

అయితే ఇప్పుడు ప్రపంచదేశాలన్ని కరోనాని ఎదుర్కొంటున్న విషయం తెలిసిందే. అందులో యుకె కూడా ఒకటి.యుకెలో కరోనా తీవ్రంగానే ఉంది.  తన డాక్టర్ ఫ్రెండ్స్ ఎప్పటికప్పుడు అక్కడి పరిస్థితులను మెసేజెస్ చేస్తున్నారని, అందుకే తను తిరిగి యుకె రావాలనుకున్నానని, వైద్యురాలిగా తన సేవలు  అందించాలని అనుకుంటున్నాని చెప్పారు భాషా , ఇప్పుడు తను రెండు  వారాలపాటు ఐసోలేషన్లో ఉండాల్సి ఉంది. ఐసోలేషన్ పీరియడ్ ముగిసిన తర్వాత భాషా ముఖర్జీ ఫిలిగ్రిమ్ ఆస్పత్రిలో డాక్టర్ గా పనిచేయనున్నారు.

ప్రపంచవ్యాప్తంగా కరోనా మహమ్మారి సోకి ప్రాణాలు కోల్పోతుంటే తన తోటి వైద్య సిబ్బంది కరోనా బాధితుల కోసం తీవ్రంగా శ్రమిస్తున్నారని,ఇలాంటి పరిస్థితుల్లో మానవతా దృక్పథంతో మెలగాల్సిన అవసరం ఉందని, మిస్ ఇంగ్లాండ్ కిరీటం ధరించడంలో అర్థం లేదని యుకె మీడియాకు చెప్పుకొచ్చింది. ఇప్పుడు నేను కిరీటం ధరించిన మిస్ ఇంగ్లాండ్ కన్నా, స్టెతస్కోప్ పట్టి డాక్టర్ గా సేవచేయడంలోనే అర్దం ఉందని తన మానవత్వాన్ని చాటుకుంది. భాషా ముఖర్జి నిర్ణయం పట్ల నెటిజన్లందరు తనని ప్రశంసల్లో ముంచెత్తుతున్నారు.

చుట్టూ ఎందరున్నా పిల్లలకు తల్లితోనే ఎక్కువ అనుబంధం..అలాంటిది తల్లి కొన్ని రోజులుగా దూరంగా ఉంటే ఆ  పిల్లల పరిస్థితి ఎలా ఉంటుంది.. చంటి పిల్లలైతే ఆ బాధ మరీ ఎక్కువగా ఉంటుంది. అమ్మ ఎందుకు దూరంగా ఉంటుంది అని వారికి పరిస్థితి చెప్పలేము, చెప్పినా అర్దం చేసుకోలేరు. తాజాగా కర్ణాటకలో జరిగిన ఒక సంఘటన ప్రతి ఒక్కరిని కంటతడి పెట్టిస్తుంది..

ముట్టుకుంటే అంటుకునే జబ్బు, ఒకరి నుండి ఒకరికి అంటుకోవడానికి పెద్దగా టైం తీసుకోదు, చాలా ఈజీగా స్ప్రెడ్ అవుతుండడంతో ఎంత జాగ్రత్తగా ఉంటే అంత మంచిది . దాంతో కరోనా పేషేంట్స్ కి అతి దగ్గరగా ఉంటూ వారికి ట్రెట్మెంట్ ఇస్తుండడంతో  మెడికల్ సిబ్బంది ఎవరూ తమ కుటుంబ సభ్యులను కలవట్లేదు.. కలిసినా కూడా దూరం నుండే చూసి మళ్లీ విధులకు హాజరు కావలసిన పరిస్థితి…లాక్ డౌన్ సమాయాన ఒక్కొక్కరిది ఒక్కో కథ..

బెళగావి ఇన్స్టిట్యూట్ ఆఫ్ మెడికల్ సైన్సెస్ కాలేజ్ హాస్పిటల్లో నర్సుగా పనిచేస్తున్నారు సుగంధ. ఆ హాస్పిటల్లో కరోనా పేషెంట్స్ కోసం ఐసోలేషన్ వార్డులను ఏర్పాటు చేసారు. సుగంధ డ్యూటీ ఆ వార్డుల్లోనే, దాంతో పదిహేను రోజులుగా ఇంటికి వెళ్లకుండా హాస్పిటల్లోనే ఉంటూ రోగులకు సేవ చేస్తున్నారు..ఇంటికి వెళ్తే ,ఇంట్లో తన కోసం ఎదురుచూసే మూడేళ్ల  చిట్టితల్లి..అందుకని ఇంటికి వెళ్లి తన బిడ్డని బాధపెట్టలేక , బిడ్డని చూస్కోలేకపోతున్నాన్న బాధని దిగమింగుతూనే డ్యూటీ చేస్తున్నారు.

అక్కడ ఆ చిన్నారి పరిస్తితి ఇంతే, రోజు తనను చూసుకునే అమ్మ ఇన్ని రోజులైనా ఇంటికి రాలేదెందుకో ఆ చిన్నారికి అర్దం కాలేదు, చెప్పినా అర్దం చేసుకునే వయసు కాదు..ఒకటి రెండు రోజులు తండ్రి కూతురిని సముదాయించాడు . ఆ తర్వాత ఆ తండ్రి వలన కూడా కాలేదు..ఏకంగా పదిహేను రోజలు అయిపోవడంతో ఆ చిన్నారి అమ్మను బాగా మిస్ అవుతుండడంతో అమ్మని చూడాలి, కలవాలి అని పేచీ పెట్టింది.దాంతో చేసేదేం లేక  బైక్ పై బిడ్డను కూర్చొపెట్టుకుని హాస్పిటల్ కి తీస్కెళ్లిడు, దూరం నుండే తల్లిని చూపించాడు.

తల్లిని చూడగానే ఒక్కసారిగా ఆ చిన్నారి గుండె బాధ, ప్రేమ మిలితమై బోరున విలపించింది. అమ్మా రా, మమ్మీ , మమ్మీ   అంటూ గుక్కపెట్టి ఏడవసాగింది. బిడ్డ ఏడుపు చూసిన తల్లికూడా తన బాధని బిడ్డకి కనపడనీయకుండా వస్తున్న ఏడుపుని ఆపుకోవడానికి ప్రయత్నించింది. ఒకరికొకరు దూరంగానే ఉండి ఏడుస్తున్నారు. కానీ బిడ్డను ఓదార్చేందుకు తల్లి ఒక్క అడుగు కూడా ముందుకు వేయలేని పరిస్థితి . దూరం నుంచే ఏడుస్తూ, బిడ్డకి బై చెప్తూ ఇక తీస్కెళ్లిపొండి అని భర్తకి చెప్పింది.

ఒకట్రెండు రోజులు బిడ్డ ఊరెళ్తేనే తిరిగి రాగానే గుండెలకు హత్తుకుని , బిడ్డల్ని మిస్ అయిన బాధని మర్చిపోతారే , అలాంటిది కళ్లముందే ఆ బిడ్డ అమ్మా ,అమ్మా అంటూ ఏడుస్తున్నా దగ్గరకుతీసుకోలేని నిస్సహాయత ఆ తల్లిది.. అమ్మా, రా అంటూ ఆ చిన్నారి గుక్క పెట్టి ఏడవడం అక్కడున్న వారందరిని కంటతడి పెట్టించింది . సోషల్ మీడియాలో వైరలైన ఈ వీడియో కర్ణాటక సిఎం యడ్యూరప్ప తన ట్విటర్ అకౌంట్లో వీడియో శేర్ చేసారు . అంతేకాదు సుగంధికి కాల్ చేసి మాట్లాడి ధైర్యం చెప్పారు, తన అకింతభావాన్ని ప్రశంసించారు.

ಬೆಳಗಾವಿಯಲ್ಲಿ ನರ್ಸ್ ಅಮ್ಮನಿಂದ ದೂರವಾದ ಮಗು ಅಮ್ಮ ಬೇಕು ಅಮ್ಮ ಎಂದು ಅಳುವ ದೃಶ್ಯ ಎಲ್ಲರ ಮನ ಕಲಕಿದೆ. ಮೂರು ತಿಂಗಳ ಮಗುವನ್ನು ಬಿಟ್ಟು, ಪ್ರಾಣ ರಕ್ಷಣೆಗಾಗಿ ಹಗಲಿರುಳು ದುಡಿಯುತ್ತಿರುವ ತಾಯಿಗೊಂದು ಅಭಿನಂದನೆ ಸಲ್ಲಿಸೋಣ#TrustNews18Kannada #Covid19 #CoronavirusOutbreak #CoronavirusInBelgaum #Healthcareworkers pic.twitter.com/aQwwRhat2U

— News18 Kannada (@News18Kannada) April 8, 2020

లాక్ డౌన్ అని ప్రభుత్వం ప్రకటించగానే దేశం మొత్తం స్తంబించిపోయింది..రవాణా సదుపాయం లేకపోవడంతో ఎక్కడి వాళ్లక్కడే ఆగిపోవాల్సిన పరిస్థితి..ప్రజల ప్రాణాలు రక్షించడానికి , కరోనా వ్యాప్తి చెందకుండా కట్టడి చేయడానికి ప్రభుత్వానికి లాక్ డౌన్ ని మించిన పరిష్కారం కనపడలేదు .కానీ లాక్ డౌన్ మూలంగా ఒక మహిళ ఇద్దరు పిల్లలతో బిక్షాటన చేయాల్సిన పరిస్థితి వచ్చింది. అసలు ఆమె బిక్షాటనకి , లాక్ డౌన్ కి సంబంధం ఏంటో తెలియాలంటే ఈ వార్త చదవండి.

నిజానికి లాక్ డౌన్ ప్రకటించగానే ఇంట్లో కూర్చోవడమే కదా అనుకున్నారు, అది కూడా కొందరు ఇబ్బంది పడ్డారు.దాంతో   పని లేకపోయినా ఏదో ఒక వంకతో బయటికి వచ్చే వారే ఎక్కువయ్యారు . వారి మూలంగా నిజంగా అత్యవసరం వలనో, ఆపద వచ్చో రోడ్లపైకి వచ్చేవారెవరనేది అర్దం కావడంలేదు.. మీడియా కూడా కరోనా అప్డేట్స్లో మునిగిపోవడం వలన ఇలా ఇబ్బందులు పడుతున్న వారి గురించి వార్తలు రాయడమే తగ్గిపోయింది . నిజానికి మనం కదిపితే మన చుట్టే కన్నీరు తెప్పించే గాధలెన్నో.

పెద్ద పల్లి జిల్లా రామగుండం ప్రాంతానికి చెందిన ఓ మహిళ తన ఇద్దరు పిల్లలతో కలిసి ఖమ్మం జిల్లా కూసుమంచి మండలం సుబ్లేడ్ గ్రామంలో ఓ శుభకార్యానికి హాజరైంది.మార్చి 23న తిరుగు ప్రయాణంలో భాగంగా ఆటోలో మహబూబాబాద్ కు వచ్చింది. ఇక్కడి నుంచి రైలులో పెద్దపల్లికి వెళ్దాలనుకుంది.కాని సరిగ్గా అదే రోజు లాక్ డౌన్ స్టార్ట్ కావడంతో ప్రజా రవాణా వ్యవస్థ పూర్తిగా నిలిచిపోయింది . దాంతో అక్కడే చిక్కుకుపోయింది.

ఆ ఊరిలో తెలిసిన వాళ్లెవరూ లేరు, కనీసం ఇంటి వాళ్లు వీళ్ల సమాచారం తెలుసుకోవడానికైనా ఆమె దగ్గర ఫోన్ లేదు ,బయట మనుషులే కరువయ్యారు.. కనపడిన వారిని సాయం చేయమందామంటే కరోనా భయంతో అందరూ ఆమడదూరం పోయే , చేసేదేం లేక రైల్వే స్టేషన్ పరిసర ప్రాంతాల్లోనే భిక్షాటన చేస్తూ , దాతలెవరైనా ఫూడ్ సప్లై చేస్తే అక్కడకి వెళ్లి ఫూడ్ తెచ్చి తనింత తింటూ, పిల్లలిద్దరికి పెడుతూ 17 రోజులుగా జీవనం సాగించారు. ఈ విషయం అక్కడి పోలీసులకి తెలియడంతో ఆమె దగ్గర వివరాలు తీసుకుని, ఒక ఆటో మాట్లాడి మహిళని తిరిగి వారి చుట్టాలింటికి ఖమ్మం పంపించారు.