Anudeep Page 543
Author

Anudeep

Maintaining Teluguadda website since 2017 and have 7 years of experience in managing various million fan based Facebook pages.

Health AddaNews

శరీరంలో రోగ నిరోధక శక్తిని పెంచే ఆహార పదార్థాలు ఇవే

by Anudeep
written by Anudeep

మన ఆరోగ్యం మన చేతుల్లోనే ఉంటుంది అనేది నిజం. టైంకి సరైన ఆహారం తీస్కుంటే ఎలాంటి అనారోగ్య సమస్యలు రావు , ఉరుకుల పరుగులజీవితంలో మారుతున్న జీవన శైలి, ఆహారంలో మార్పులు, భోజనం తినే సమయంలో మార్పుల, నిద్ర లేమి ఇలా అనేక కారణాల ఫలితమే అనారోగ్యం.కానీ ఇప్పుడు ఆరోగ్యాన్ని నెగ్లెక్ట్ చేయడానికి లేదు. మనం ఎంత రోగ నిరోధక శక్తి పెంచుకుంటే మనలో కరోనాని ఎదుర్కొనే లక్షణాలు అంతగా మనమే ఏర్పరచుకున్నట్టు.కరోనా లక్షణాలైన జలుబు, దగ్గు లాంటి వాటికి దూరంగా ఉండాలంటే, అదే విధంగా మన శరీర రోగ నిరోధక శక్తిని పెంచుకోవాలంటే ఏ ఆహార పదార్ధాలు తీసుకోవాలో చూడండి, వాటిని మీ రోజు వారి ఆహారంలో భాగం చేసుకోండి.

రోగ నిరోధక శక్తిని పెంచే ఆహార పదార్థాలు >> అల్లం – వెల్లుల్లి

రోగ నిరోధక శక్తిని పెంచే ఆహార పదార్థాలు ఇవే

రోగ నిరోధక శక్తిని పెంచే ఆహార పదార్థాలు ఇవే

మన వంటింట్లో లభించే ఔషదాల్లో ప్రధానమైనవి అల్లం , వెల్లుల్లి. రోజూ కొంచెం పచ్చి అల్లం తినడం వలనే రోగ నిరోధక శక్తి పెరుగుతుంది, గొంతు నొప్పి,జలుబు, దగ్గు లాంటివి ఉంటే తగ్గిపోతాయి . ఛాతిలో చేరిన కఫాన్ని కూడా తగ్గిస్తుంది.అల్లాన్ని విడిగా తీస్కోలేని వారు తేనెతో కలిపి తీస్కోవచ్చు. వెల్లుల్లిలో యాంటి ఫంగల్, యాంటి వైరల్, యాంటి బాక్టిరియల్ లక్షణాలు ఉంటాయి. రోజుకొక వెల్లుల్లి రెబ్బను తినడం ద్వారా దగ్గు ,జలుబు తగ్గడమే కాదు రోగ నిరోధక శక్తి పెరుగుతుంది.

రోగ నిరోధక శక్తిని పెంచే ఆహార పదార్థాలు >> పసుపు

రోగ నిరోధక శక్తిని పెంచే ఆహార పదార్థాలు ఇవే

రోగ నిరోధక శక్తిని పెంచే ఆహార పదార్థాలు ఇవే

మనం సర్వసాధారణంగా వాడే వంటింటి మసాలాల్లో పసుపు ఒకటి. కొద్దిగా జలుబు, దగ్గు రాగానే పాలల్లో పసుపు వేసుకుని తాగడం, లేదంటే ఏదైనా గాయం కాాగానే పసుపు పెట్టడం మనం చాలా విరివిగా చేస్తుంటాం. పసుపు యాంటి బాక్టిరియల్ ఔషదం. ఇమ్యునిటిని కూడా పెంచుతుంది.

రోగ నిరోధక శక్తిని పెంచే ఆహార పదార్థాలు >> మిరియాలు

రోగ నిరోధక శక్తిని పెంచే ఆహార పదార్థాలు ఇవే

రోగ నిరోధక శక్తిని పెంచే ఆహార పదార్థాలు ఇవే

ఘాటుగా ఉండే నల్ల మిరియాలు రోగ నిరోధక శక్తిని పెంచడంలో ప్రధాన పాత్ర పోషిస్తాయి. జలుబు చేసినా, దగ్గు వచ్చి నా వెంటనే మిరియాల పాలు తాగు అనే మాట మనం తరచుగా వింటుంటాం. మసాలాల్లో విటమిన్ సి ఎక్కువగా ఉంటుంది. ఇది మన శరీర ఇమ్యునిటిని పెంచడానికి దోహదం చేస్తుంది.

రోగ నిరోధక శక్తిని పెంచే ఆహార పదార్థాలు >> సిట్రస్ ఫలాలు

రోగ నిరోధక శక్తిని పెంచే ఆహార పదార్థాలు ఇవే

రోగ నిరోధక శక్తిని పెంచే ఆహార పదార్థాలు ఇవే

నిమ్మ జాతికి చెందిన ఫలాలు మనల్ని జలుబు బారిన పడకుండా రక్షిస్తాయి. నిజానికి జలుబు చేయగానే, లేదంటే జలుబు చేస్తుందేమో అనే భయంతో పుల్లటి పదార్దాలను దూరం పెడతారు. కాని సి విటమిన్ లోపం వలనే జలుబు చేస్తుంది. సి విటమిన్ పుష్కలంగా అందించే నిమ్మ జాతి నిమ్,కమలా పండ్లను తినడం ద్వారా శరిరానికి కావలసిన విటమిన్ సి ని పొందవచ్చు. అంతే కాదు రోగనిరోధక శక్తిని పెంచడంలో విటమిన్ సి ది ప్రధాన పాత్ర.

రోగ నిరోధక శక్తిని పెంచే ఆహార పదార్థాలు >> తేనె

రోగ నిరోధక శక్తిని పెంచే ఆహార పదార్థాలు ఇవే

రోగ నిరోధక శక్తిని పెంచే ఆహార పదార్థాలు ఇవే

రకరకాల అలెర్జీలనుండి ఉపశమనాన్ని పొందాలంటే తేనెని మీ ఆహారంలో భాగం చేసుకోండి. ఆయుర్వేదం ప్రకారం తేనె ఎన్నో ఔషద గుణాల్ని కలిగి ఉంది. వ్యాధులను తగ్గించడమే కాదు, శరీరంలోని సూక్ష్మక్రిములను నాశనం చేసే శక్తి తేనెకి ఉంది.తేనెలో ఉండే హైడ్రోజన్ పెరాక్సైడ్ మరియు పుప్పొడి క్రిమినాశకాలుగా పనిచేస్తాయి. తేనె , అల్లం కలిపి రోజు తీస్కుంటే ఆరోగ్యానికి మంచిది.

రోగ నిరోధక శక్తిని పెంచే ఆహార పదార్థాలు >> బాదం పప్పు ఇతర మెలకలు

రోగ నిరోధక శక్తిని పెంచే ఆహార పదార్థాలు ఇవే

రోగ నిరోధక శక్తిని పెంచే ఆహార పదార్థాలు ఇవే

జలుబుని నివారించడానికి  విటమిన్ సి తోడ్పడుతుందని తెలుసుకున్నాం కదా. విటమిన్ సి, విటమిన్ ఇ పుష్కలంగా ఉండే డ్రై ఫ్రూట్ బాదం . విటమిన్ ఇ రోగనిరోదక వ్యవస్త మెరుగుపర్చే విటమిన్స్లో  చాలా కీలకమైనది. ఇది కొవ్వులో కరిగే విటమిన్, ఇందులో ఆరోగ్యకరమైన కొవ్వులు ఉంటాయి. మన శరీరానికి కావలసిన విటమిన్స్ 100శాతం అందిస్తుంది బాధం పప్పు. మొలకలు ఆరోగ్యానికి ఎంత ఉపయోగకరమో అందరికి తెలిసిన విషయమే. బాదంతో పాటు మొలకల్ని కూడా రోజువారి ఆహారంలో భాగం చేసుకోవాల్సిన అవసరం ఉంది.

రోగ నిరోధక శక్తిని పెంచే ఆహార పదార్థాలు >> గుడ్లు, చికెన్

రోగ నిరోధక శక్తిని పెంచే ఆహార పదార్థాలు ఇవే

రోగ నిరోధక శక్తిని పెంచే ఆహార పదార్థాలు ఇవే

మనకి కొంచెం నలతగా ఉంటే చాలు నాన్ వెజ్ తింటే తగ్గిపోతుంది అనే నమ్మకం ఉంటుంది చాలామందిలో.  చికెన్ లో ఉండే బి-6 విటమిన్ శరీరంలో జరిగే అనేక రసాయన ప్రతి చర్యల్లో పాల్గొనే ముఖ్యమైన విటమిన్.అంతేకాదు ఆరోగ్యకరమైన  ఎర్ర రక్త కణాల ఏర్పాటు చేయడంలో కూడా తోడ్పడుతుంది. చికెన్లో జెలటిన్, కొండ్రోయిటిన్ రోగనిరోధక శక్తికి సహాయపడే ఇతర పోషకాలు ఉంటాయి.

రోగ నిరోధక శక్తిని పెంచే ఆహార పదార్థాలు >> బ్రకోలి మరియు పాలకూర

రోగ నిరోధక శక్తిని పెంచే ఆహార పదార్థాలు ఇవే

రోగ నిరోధక శక్తిని పెంచే ఆహార పదార్థాలు ఇవే

పాలకూరలో విటమిన్ సి సమృద్ధిగా ఉంటుంది. అంతేకాదుఇది అనేక యాంటీఆక్సిడెంట్లు మరియు బీటా కెరోటిన్లతో నిండి ఉండి, ఇది మన రోగనిరోధక వ్యవస్థని మెరుగుపరుస్తుంది.  బ్రకోలిని, పాలకూరను సాధ్యమైనంత తక్కువగా ఉడికించి తీసుకోవడం మంచిది. దీని వలన వాటిలోని పోషకాలను అంతేస్థాయిలో శరీరానికి అందించడానికి వీలవుతుంది. వీటి ద్వారా విటమిన్ ఎ, ఇతర యాంటి ఆక్సిడెంట్లు శరీరానికి లభ్యమవుతాయి.

రోగ నిరోధక శక్తిని పెంచే ఆహార పదార్థాలు >> గ్రీన్ టి

రోగ నిరోధక శక్తిని పెంచే ఆహార పదార్థాలు ఇవే

రోగ నిరోధక శక్తిని పెంచే ఆహార పదార్థాలు ఇవే

ఛాయ్ అభిమానులు కొద్ది రోజులు టీ,కాఫీలకు దూరంగా ఉండండి వాటి స్థానాల్లో బ్లాక్ టీ మరియు గ్రీన్ టి లకు చోటు కల్పించడం ఉత్తమం. ఎందుకంటే వీటిల్లో ఉండే యాంటి ఆక్సిడెంట్ ప్లేవనాయిడ్లు రోగనిరోధక శక్తిని పెంపొందించడంలో ప్రధాన పాత్ర పోషిస్తాయి.

వీటితో పాటుగా ఇతర ఆహారపదార్దాలని సరైన టైంకి తీసుకుంటూ, టైం కి నిద్రపోతూ గాడి తప్పిన జీవన శైలిని ఒక క్రమపద్దతిలో మార్చుకోవడంతో పాటు, ఆరోగ్యాన్ని మెరుగు పర్చుకోవడానికి ఇదే సరైన టైం. కాబట్టి ఇంకెందుకాలస్యం మొదలు పెట్టండి కరోనా పై యుద్దాన్ని..
NewsOff Beat

తెలంగాణ: 3 కిలోమీటర్లు కంటే ఎక్కవ ప్రయాణిస్తే బుక్ అయినట్టే…. పోలీసులు ఎలా తెలుసుకుంటారంటే.?

by Anudeep
written by Anudeep

ఏ పని లేకున్నా బండి తీసుకుని రయ్యి మంటూ రోడ్డెక్కుతున్నారా? కుదురుగా ఇంట్లో కూర్చోండి అంటే బండి తీసుకుని రోడ్లన్ని చక్కర్లు కొడుతున్నారా??  పోలీసులు ఆపితే ఫలానా పని మీద వచ్చాం అంటూ అబద్దాలు చెప్తున్నారా?? ఇకపై మీ పప్పులు ఉడకవు..పోలీసులు మీ ప్రాణాల కోసం ఇప్పటివరకు ఓపికగా లాక్ డౌన్ పాటించమని చెప్పారు, కొన్ని చోట్ల సహనం కోల్పోయి లాఠీలకు పనిచెప్పారు..ఇకపై అదేం ఉండదు…సరాసరి స్టేషన్ కే..

ఇన్ని రోజులు పిల్లలు పాలకూర అడిగారన్నా? పెళ్లాం ఆశీర్వాద్ ఆటా అడిగిందని అబద్దాలు చెప్పినా చెల్లింది..నవ్వి ఊరుకున్నారు, కాని ఇకపై లాక్ డౌన్ నిబందనలు ఉల్లంఘించడానికి వీల్లేకుండా పగడ్బందీ ప్లాన్ వేసింది తెలంగాణా సర్కార్. మేం తిరిగితే వారికెలా తెలుస్తుంది అనుకుంటున్నారా? అందుకోసమే ప్రత్యేకంగా ఒక యాప్ క్రియేట్ చేసారు. లాక్ డౌన్ నిబంధనలని పాటించని వాళ్లని వదిలిపెట్టకూడదని డిసైడ్ అయింది డిపార్ట్మెంట్. అందులో భాగంగానే ఒక ప్రత్యేక యాప్ ని తయారు చేయించింది. ఈ యాప్ సహాయంతో ఇకపై3 కిలోమీటర్లు కంటే ఎక్కవ ప్రయాణిస్తేకేసులు బుక్ చేయనున్నారు. ఈ యాప్ నేమ్ “ఆటేమేటిక్ పర్సన్ ఐడెంటిఫికేషన్ యాప్”.క్షేత్రస్థాయిలో పనిచేస్తున్న అందరి ఫోన్లు, ట్యాబ్ లలో సేవ్ చేశారు.

ఇకపై మీరు బండి తీసుకుని రోడ్డెక్కగానే అక్కడికి దగ్గరలో పోలీసులు మీ వివరాలు, ఫోన్ నెంబర్, తదితర సమాచారాన్ని నమోదు చేస్కుంటారు. కొంతదూరం వెళ్లాక అక్కడ తనిఖీలు చేస్తున్న పోలీసులు పేరు, వాహనం నెంబర్ వంటివి నమోదు చేస్తారు. GPS ద్వారా పనిచేసే ఈ యాప్ మీరు ఎంతదూరం ప్రయాణించాడో లెక్కకడుతుంది. దీనిని బట్టి మీరు 3 కి.మీటర్లు దూరాన్ని మించి ప్రయాణించినట్టు తెలిస్తే నిబంధనలు ఉల్లంఘించినట్టే. అదే విషయం తేలితే మీపై కేసు బుక్ చేస్తారు.మీ వెహికిల్ వాహనాన్ని సీజ్ చేస్తారు . ఆల్రెడీ అమలు చేసేశారు… సో ఇకపై బండి తీసేముందు ఆలోచించి తీయండి..

ఇన్ని రోజులు ప్రాణాలు..ఇప్పుడు బండ్లు కూడా.. తస్మాత్ జాగ్రత్త..లాక్ డౌన్ పాటిస్తున్నప్పటికి కేసులు పెరుగుతూనే ఉన్నాయి ఇప్పటికి దేశంలో ఆరువేలకు పైగా కేసులు నమొదయ్యాయి..మన రాష్ట్రంలో 471 కేసులు..ఈ లెక్క ఇలాగే పెరుగుతూ పోతే థర్డ్ స్టేజ్ లోకి వెళ్లడానికి ఎంతో సమయం పట్టదు..కాబట్టి ఆ పరిస్థితి రాకుండా ఉండడానికే ప్రభుత్వం పకడ్బందీగా ప్లాన్స్ అమలు చేస్తుంది..మన పని ప్రభుత్వం చెప్పినట్టు వినడమే..కాబట్టి చెప్పిన మాట వినండి ప్రాణాలు రక్షించుకోండి.

Human angleNews

కారునే ఇంటిగా మార్చుకుని కొన్ని రోజులుగా అందులోనే ఉంటున్న డాక్టర్…రియల్ హీరో

by Anudeep
written by Anudeep

తను ప్రాణాలు కాపాడే డాక్టర్ వృత్తిలో ఉన్నాడు.. తనని నమ్మి వచ్చిన పేషెంట్స్ ప్రాణాలు కాపాడడంతో పాటు ప్రస్తుతం ఉన్న పరిస్థితుల్లో తన కుటుంబాన్ని కూడా కాపాడుకోవడం ముఖ్యం అనుకున్నాడు. అందుకే కుటుంబానికి దూరంగా బతకడం కష్టం అయినప్పటికి ప్రాణం విలువ తెలిసినవాడు కాబట్టి ఇంటికి వెళ్లకుండా కారులోనే తన నివాసం ఏర్పరచుకున్నాడు.. సోషల్ మీడియాలో వైరలవుతున్న ఒక రియల్ హీరో స్టోరీ.

సచిన్ నాయక్ , భోపాల్ లోని జేపి హాస్పిటల్లో డాక్టర్ గా విధులు నిర్వర్తిస్తూ కరోనా బాదితులకు సేవలు అందిస్తున్నాడు. కరోనా పేషెంట్స్ కి ట్రీట్మెంట్ చేస్తున్న డాక్టర్స్ కి కా కరోనా సోకుతున్న ఘటనలు మనం చూస్తున్నాం. ఈ నేపధ్యంలో తన కుటుంబాన్ని ఇబ్బందుల పాలు చేయొద్దనుకున్నాడు సచిన్ నాయక్ . అందుకే కార్ లో తనకు కావలసిన నిత్యావసరాలను ఏర్పాటు చేసుకుని, కారునే ఆవాసంగా మార్చుకున్నాడు.

సచిన్ నాయక్ కి ముగ్గురు పిల్లలు . కరోనా బారిన పడేది ముఖ్యంగా చిన్నపిల్లలు ,ముసలివాళ్లే అనేది కూడా ఒక కారణం. తన పిల్లలకు దూరంగా ఉండడానికి ఇంతకంటే మరో మార్గం దొరకలేదు . సచిన్  కారులో పడుకుని పుస్తకం చదువుతున్న ఫోటో ఒకటి సోషల్ మీడియాలో వైరలవుతోంది. దీన్ని స్వయంగా ముఖ్యమంత్రి శివరాజ్ సింగ్ చౌహన్ ‘కోవిడ్ 19ను తరిమికొట్టేందుకు పోరాడుతున్న సైనికులు మీరు. మధ్యప్రదేశ్ ప్రజలందరి తరపున మీకివే మా ధన్యవాదాలు. ఈ యుద్ధం త్వరగా ముగియాలని, మనం విజయం సాధించాలని కోరుకుంటున్నా’ అని ట్వీట్ చేశారు.

సోషల్ మీడియాలో వైరలైన ఫోటోను చూసిన నెటిజన్లు సచిన్ నాయక్ పై ప్రశంసలు కురిపిస్తూన్నారు . అంతేకాదు డాక్టర్లు, ఇతర సిబ్బంది ఇబ్బందులను ప్రభుత్వం దృష్టిలో పెట్టుకుని వారికి వసతి సదుపాయం అవి కల్పిస్తే వారు మరింత ఉత్సాహంగా పని చేస్తారని కూడా కామెంట్ చేస్తున్నారు. తక్షణమే వారికి వసతి కల్పించాలని డిమాండ్ చేస్తున్నారు. ముంబై ఇతర ప్రాంతాల్లో కొందరు హోటల్ యజమానులు తమ హోటల్ ని వినియోగించుకోవాలని ముందుకొచ్చారు.

 

Human angleNews

సినిమాల్లోనే విలన్…రియల్ లైఫ్ లో హీరో..! సోను సూద్ చేసిన ఆ పనికి అందరు ప్రశంసిస్తున్నారు.!

by Anudeep
written by Anudeep

కరోనాకి ఎగెయినస్ట్ గా ఫైట్ చేస్తున్న డాక్టర్స్,పోలీసులు మరియు శానిటేషన్ సిబ్బంది  మా హోటల్లో విశ్రాంతి తీసుకోవచ్చు అని ప్రకటించాడు సోనూసూద్.. సినిమాల్లో విలన్ క్యారెక్టర్స్ ఎక్కువగా వేసే సోనూ ఈ నిర్ణయంతో రియల్ హీరో అనిపించుకున్నాడు.. కరోనా వ్యాప్తి చెందకుండా లాక్ డౌన్ ప్రకటించినప్పటికి దేశంలో రోజురోజుకు కేసులు పెరుగుతూనే ఉన్నాయి.. ప్రభుత్వానికి సాయంగా నటులు ఇతర రంగాల వారు వారి వారి వంతుగా సాయం చేస్తున్నారు..

ముంబైలోని జుహు బీచ్ సమీపంలో సోనూసూద్ కి ఆరు అంతస్తుల హోటల్ ఉంది..ఆ హోటల్ ని ఇపుడు తెరిపించారు సోనూసూద్ . హెల్త్ వర్కర్స్, పోలీసులు, పారిశుద్య సిబ్బంది అక్కడ విశ్రాంతి తీస్కోవచ్చని ప్రకటించారు.అంతేకాదు వారికోసం ఉచిత భోజన వసతి కల్పిస్తున్నారు. మనకోసం ఫైట్ చేస్తున్న వాళ్లు రియల్ హీరోస్,వాళ్లు ఎక్కడెక్కడి నుండో వచ్చి ప్రాణాలకు తెగించి మనకు సేవ చేస్తుంటే అలాంటి వారిని జాగ్రత్తగా చూసుకోవడం మన బాధ్యత అని అలాంటి వారికి ఇలా సేవ చేసే అవకాశం రావడం గౌరవంగా భావిస్తున్నానని పేర్కొన్నారు.

ఇప్పటివరకు వార్తల్లో చూస్తూనే ఉన్నాము. పోలీసులు, డాక్టర్లు ఇతర సిబ్బంది కుటుంబాలకు దూరంగా , దొరికింది తింటూ, ఉన్న చోటే పడుకుంటూ  కరోనా నుండి ప్రజలను కాపాడడానికి దేశానికి సేవ చేస్తున్నారు. ఎన్నో వార్తలు కంటతడి పెట్టించేవిగా ఉండేవి.. ఇప్పుడు సోనూ నిర్ణయంతో అలాంటి వారిలో కొంతమందికైనా ఫూడ్, ఉండడానికి వసతి దొరికింది . ఈ విషయం సోషల్ మీడియాలో వైరల్ అవడంతో నెటిజన్లు సోనూసూద్ ని ప్రశంసల్లో ముంచెత్తుతున్నారు. ఆపదలో ఆదుకోవడానికి ముందుకు వచ్చేవాడే రియల్ హీరో అని కామెంట్ చేస్తున్నారు… ఇప్పుడే కాదు  సమాజంలో ఎలాంటి సమస్య ఎదురైనా సోనూ తన గళం వినిపిస్తుంటాడు.. రియల్లీ హాట్సాప్ హిమ్..

అగ్రరాజ్యం అమెరికా కరోనా ఎఫెక్ట్ తో హడలెత్తి పోతుంటే ,మన దేశంలో పరిస్థితి చేయిదాటితే ఊహించుకోవడం కష్టం . అలాంటి పరిస్తితి రాకూడదనే ముందస్తు జాగ్రత్తగా ప్రభుత్వం లాక్ డౌన్ ప్రకటించింది. అయినప్పటికి ఇప్పటికే ఆరువేలకు పైగా కేసులు పెరిగిపోయాయి. వీటిల్లో మహరాష్ట్ర లోని ముంబై కేంద్రంగా కేసులు అధికంగా నమోదు అవుతున్నాయి. తమ వంతుగా సాయం చేయడానికి బాలివుడ్ కి చెందిన ప్రముకులు ముందుకు వస్తున్నరు.షారూక్ ఖాన్ దంపతులు తమ ఆఫీస్ ని క్వారంటైన్ కేంద్రంగా వాడుకోవచ్చని ప్రకటించారు. అక్షయ్ కుమార్ పిఎం సహాయనిదికి విరాళం ప్రకటించిన విషయం తెలిసిందే..

 

Human angleNews

ఎంతసేపు ఆ గొడవలేనా…ఇలాంటివి ఎవరు రాయరా? ఈ ఫోటో వెనకున్న కథ ఏంటో చదవండి!

by Anudeep
written by Anudeep

అయిపోయింది , ఏడు తారిఖుతో కరోనా మాయం అన్నాడు కెసిఆర్ , కాని రాత్రికి రాత్రే పరిస్థితి మారిపోయింది. అంతా ఢిల్లీ వెళ్లి వచ్చిన వారి మూలంగానే , వారే ఢిల్లి వెళ్లి కరోనా అంటించుకుని వచ్చి ఇక్కడ అందరకి అంటిస్తున్నారు వార్త దావనంలా వ్యాపించింది. దాంతో కరోనాకి భయపడే స్థానంలోకి పూర్తిగా మతపరమైన ఇష్యూ వచ్చి చేరింది. జరుగుతున్న పరిణామాలకు ట్రీట్మెంట్ క సహకరించని వారి ప్రవర్తన మరింత ఆజ్యం పోసింది. వారం రోజుల్లో పరిణామాలు మారిపోయాయి..

సరే అసలు ఏం జరిగిందో, దాని వలన అమాయకులు కూడా బలయ్యారో? లేదంటే మత మౌడ్యంలో కొట్టుకుపోతున్నారో? అవగాహన రాహత్యమో? భయమో? వారం రోజులుగా పేపర్ల నిండా మర్కజ్ వార్తలే , టివిలలో ఆ మతం వారే అంటూ పదే పదే వేలెత్తి చూపిస్తూ తబ్లిగి జమాత్ న్యూసే. ఇవన్ని కాసేపు పక్కన పెట్టి  ఈ వార్తని ఒకసారి చదవండి.

మధ్య ప్రదేశల్లోని ఇండోర్ కి చెందిన  ఒక హిందూ మహిళ మరణించింది.  వయసు అరవై ఐదేళ్లు , ఇద్దరు కొడుకులు కూడా ఉద్యోగరిత్యా ఇంటికి దూరంగా ఉంటారు. తల్లి చనిపోయిన విషయం తెలియగానే ఎలాగో కష్టపడి ఇంటికి చేరుకున్నారు. కాని లాక్ డౌన్ వేళ  ఇద్దరే ఏం చేయలేకపోయారు. చుట్టాలు, తెలిసిన వాళ్లు రావాలనుకున్నా రావడానికి వీల్లేని పరిస్థితి. కొందరు బంధువులు కరోనాకి భయపడి అంత్యక్రియలకు హాజరు కాలేదు. అప్పుడు మేమున్నామంటు ముందుకొచ్చారు అదే ఏరియాలో ఉండే ముస్లిం కుర్రాళ్లు.

ఇద్దన్నదమ్ములకు తోడుగా నిలబడి వారే పాడెమోసి, అంత్యక్రియలకు సహకరించి, తమలోని మానవత్వాన్ని చాటుకున్నారు. ఈ ఘటనకు సంభందించిన ఫోటోలు, వీడియో ఇప్పుడు  సోషల్ మీడియాలో వైరల్ అవుతున్నాయి. సుమారు  రెండు కిలోమీటర్ల దూరంలో ఉన్న శ్మశానానికి మృతదేహాన్ని తీసుకెళ్లేందుకు ఎటువంటి వాహన సౌకర్యం లేదు. దాంతో వారే నడుచుకుంటూ ముసలమ్మ దేహాన్ని శ్మశానానికి తీసుకుని వెళ్లారు. ఇదంతా కూడా వారు మాస్కులు ధరించి, డిస్టెన్స్ మెయింటెయిన్ చేస్తూ తగిన జాగ్రత్తలు పాటిస్తూనే చేశారు.

ఇదిలా ఉండగా, తమకు ఆమె చిన్నప్పటి  నుంచి తెలుసు, ఆమె మరణిస్తే, అంత్యక్రియలకు సహకరించడం మా విధి, మా బాద్యత అంటూ పేర్కొన్నారు. ఇలాంటి వార్తలు కదా ఇప్పుడు ప్రజలకు చేరాల్సింది. ఒక్క సారి ఆలోచించండి ఏదైనా తప్పు జరిగినప్పుడు ఆ తప్పు చేసిన వ్యక్తిని మాత్రమే ధూషిస్తారు, కాని వీరి విషయంలో మాత్రం మొత్తం కమ్యునిటిని తప్పు పడతారు.

ఇలాంటి సంఘటనలు తరచి చూస్తే ఎన్నో కనపడతాయి , అంతెందుకు మీ వరకు ఒకసారి ఆలోచించుకోండి మీ జీవితంలో ఒక్కరు కూడా వాళ్లు లేరా? వాళ్లు శత్రువుల్లానే కనపడ్డారా? మన దేశానికి ఉన్న ప్రత్యేకత ఏంటి “భిన్నత్వంలో ఏకత్వం” . చిన్నప్పటి నుండి చదువుకుంటున్నాం, మన జీవితాల్లో అనుసరిస్తున్నాం. కాని అప్పుడప్పుడు కొన్ని కొన్ని సంఘటనలు మనల్ని కుదిపేస్తాయి. అంతా ఒక్కసారిగా మారిపోతుంది..కాని ఒకటి నిజం ఉగ్రవాదులు ముస్లింలు కావొచ్చు కాని ప్రతి ముస్లిం ఉగ్రవాది కాదు..

Human angleNews

మా తుఝే సలాం..! కొడుకు కోసం స్కూటీపై 1400 కిలోమీటర్ల ప్రయాణం.!

by Anudeep
written by Anudeep

దేవుడు ప్రతి చోట తానుండ లేక  అమ్మని సృష్టించాడంటారు . ప్రపంచంలో అమ్మ ప్రేమని మించింది లేదు.. అమ్మ ప్రేమని వర్ణించడానికి మాటలు కూడా సరిపోవు . తన పిల్లలు కష్టంలో ఉన్నారంటే ఏ తల్లైనా చూస్తూ ఊరుకోలేదు. మొన్నటికి మొన్న ఎక్కడో ఉన్న నా బిడ్డ ఆకలి ఒక తల్లి తీర్చకపోదా అని తన పొలంలో పండిన బియ్యంలో కొన్నింటిని పేదవారికి పంచమని కలెక్టర్ కి అందచేసింది ఒక పేద తల్లి, తన పెద్ద మనసు చాటుకుంది . ఈ రోజు ఇంకో తల్లి ఏకంగా తన కొడుకు కోసం మైళ్ల దూరం వెళ్లింది.

బోధన్‌కు చెందిన రజియాబేగం ప్రభుత్వ పాఠశాలలో టీచర్‌ గా పనిచేస్తున్నారు. ఆమెకు ఇద్దరు కుమారులు, ఓ కుమార్తె. 12 ఏళ్ల క్రితం భర్త మరణించడంతో అప్పటినుంచి పిల్లల బాధ్యత ఒక్కర్తే చూస్తోంది..చిన్నవాడైన మహ్మద్‌ నిజాముద్దీన్‌ ఇంటర్‌ పూర్తి చేసి హైదరాబాద్‌లోని నారాయణ మెడికల్‌ అకాడమీలో కోచింగ్‌ తీసుకుంటున్నాడు. నెల్లూరుకు చెందిన నిజాముద్దీన్‌ స్నేహితుడు బోధన్‌లో ఇంటర్‌ చదివాడు. అతడి ఇంటర్‌ సప్లమెంటరీ పరీక్షల కోసం గత నెల హైదరాబాద్ కి వచ్చాడు. అక్కడి నుండి ఇద్దరు బోధన్ కి వచ్చారు.

ఈ లోపు తన స్నేహితుడి తండ్రి ఆరోగ్యం బాగా లేదని తెలియడంతో అతడికి తోడుగా నిజాముద్దీన్‌  కూడా నెల్లూరుకు వెళ్లాడు. అక్కడి  నుండి ఒక దర్గాకి వెళ్లారు .ఇదంతా జరిగింది మార్చి నెలలో, లాక్ డౌన్ కి సరిగ్గా రెండు మూడు రోజుల ముందు.కరోనా వ్యాప్తి చెందకుండా ఉండాలంటే లాక్ డౌనే మార్గమని ప్రభుత్వం లాక్ డౌన్ ప్రకటించింది. అంతే నిజాముద్దీన్ రావడానికి బస్సులు, ప్రైవేట్ వెహికిల్స్ లాంటి ఏ రవాణా సౌకర్యాలు లేవు.. కొడుకు ఏకంగా వేరే రాష్ట్రంలో చిక్కుకుపోయాడు. అక్కడ నుండి ఎలా వస్తాడు అని రజియాబేగం తల్లడిల్లిపోయింది. పరిస్థితి చూస్తే బాగలేదు.

తన కొడుకుని రప్పించుకోవడానికి అనేక మార్గాలు ఆలోచించింది, ఏ వైపునుండి కూడా సాయం రాలేదు. దాంతో తనే తన కొడుకుని ఇంటికి తెచ్చుకోవాలనుకుంది. బోధన్‌ ఏసీపీని కలిసి పరిస్థితిని వివరించి, పర్మిషన్ లెటర్ తీసుకకుంది. లెటర్‌ తీసుకుని, 700 కిలోమీటర్ల దూరంలో ఉన్న నెల్లూరుకు సోమవారం ఉదయం స్కూటీపై బయల్దేరింది. మంగళవారం మధ్యాహ్ననాకి అక్కడికి చేరుకుంది.కొడుకుని చూసి ఆ తల్లి మనసు కొంచెం తేలిక పడింది. తల్లి కొడుకులిద్దరు అదే స్కూటీపై సాయంత్రం తిరుగు ప్రయాణమయ్యారు. బుధవారం మధ్యాహ్నం వారు కామారెడ్డికి చేరుకున్నారు .

అటు ఏడువందల కి.మి, ఇటు ఏడు వందల కి.మీ మొత్తం 1400కిమి ప్రయాణించి ఎట్టకేలకు కొడుకుని క్షేమంగా ఇంటికి తెచ్చేసుకుంది. వచ్చిన తర్వాత విలేకరులు అడిగినప్పుడు ఈ విషయం అంతా చెప్పుకొచ్చింది రజియా, వెళ్తున్న దారిలో అనేక సార్లు పోలీసులు ఆపారని లెటర్ వలనే ముందుకు పోనిచ్చారని  తనకు లెటర్ ఇచ్చిన ఏసిపి కి థాంక్స్ చెప్పింది.. నిజంగా మానవత్వం ఇంకా మిగిలి ఉంది అని ఇలాంటి వార్తలే రుజువు చేస్తాయి. మన గుండెలోతుల్లో మిగిలి ఉన్న తడిని తట్టి లేపుతాయి.. రియల్లీ హాట్సాఫ్ హెర్..తనకి సహకరించిన పోలీసులకి సెల్యూట్.

Also Read >>>లాక్ డౌన్ లో పనిచేస్తున్న ఈ 10 డిపార్టుమెంట్స్ వారికి మనం థాంక్స్ చెప్పుకోవాలి.

NewsOff BeatViral

లాక్ డౌన్ లో రిపోర్టర్స్ కి సీఎం కేసీఆర్ గారి పంచులు..! ఈ 6 హైలైట్..!

by Anudeep
written by Anudeep

కల్వకుంట్ల చంద్రశేఖర్ రావు, తెలంగాణా రాష్ట్ర ముఖ్యమంత్రి .. ఎందుకు ఇప్పుడు ఇలా స్పెసిఫిక్ గా చెప్తున్నామంటే , తెలంగాణా ముఖ్యమంత్రి అయినప్పటికి ఆంధ్రా ప్రజలు కూడా మా ముఖ్యమంత్రి కెసిఆరే అనుకుంటున్నారు కాబట్టి. అలా తమ మనిషిగా ఓన్ చేసుకోవడంలో కెసిఆర్ గొప్పతనం లేకపోలేదు. శతృవు నోటోతోనే మంచోడు అనిపించుకోవడంలో ఉన్న కిక్కే వేరు. రాష్ట్రాన్ని విడదీసాడు అని తిట్టిన వారే ఇలాంటి ముఖ్యమంత్రే మాకు కావాలి అని పొగుడుతున్నారంటే దానికి నిదర్శనం కెసిఆర్ పనితీరే.

అవును కరోనా భయభ్రాంతులకి గురి చేస్తుంటే భారతదేశంలోని 29 రాష్ట్రాల్లో ఏ ముఖ్యమంత్రి చేయనివిధంగా పని చేస్తున్నది కెసిఆరే , అన్ని రకాల జాగ్రత్తలు తీస్కుంటూ, ప్రజలని అనునిత్యం అలర్ట్ చేస్తూ , ముందుగానే ప్రిపేర్ చేస్తూ  ముఖ్యమంత్రి గా కాకుండా ఒక ఇంటి పెద్దగా కెసిఆర్ వ్యవహరిస్తున్న తీరు అద్భుతం , కెసిఆర్ ప్రెస్మీట్ అనగానే కేవలం మీడియా మాత్రమే కాదు యావత్ రాష్ట్రం ఎదురు చూస్తున్నది అంటే అది కేవలం కెసిఆర్ మాటల మాయజాలం. భయంతో బెంబేలెత్తిపోతున్న ప్రజలకు కెసిఆర్ మాటలే పెద్ద ఊరట, ధైర్యం .

ఇటీవల కాలంలో కెసిఆర్ ప్రెస్మీట్లో  రిపోర్టర్స్ అడిగే క్వశ్చన్స్ కి తను వేస్తున్న పంచ్ లు మామూలుగా ఉండట్లేదు. తను ముందు నుండి అంతే అయినప్పటికి ఈ మధ్య కాలంలో తన పంచ్ లకు అందరూ ఫుల్ ఫిదా అయిపోతున్నారు. అంతేకాదు ఏకంగా ఆ వాయిస్ తో టిక్ టాక్ వీడియోలు కూడా చేస్తున్నారు. ఇన్ని రోజులు న్యూస్ ఛానెల్ చూస్తూ రిపోర్టర్స్ అడిగే సిల్లి క్వశ్చన్స్ కి తిట్టుకుని ఉంటారు కదా..అలా అడిగిన సిల్లి క్వశ్చన్స్ కి కెసిఆర్ వేసిన పంచులు ఎలా ఉన్నాయో ఒక లుక్ వేయండి.

1.యాన్యువల్ ఎగ్జామ్స్ పరిస్థితి ఏంటి సార్ అని ఒక రిపోర్టర్ అడిగిన ప్రశ్నకు మనుషులే చచ్చిపోతుంటే పరీక్షలేందివయా అంటూ సమాధానం ఇచ్చారు కెసిఆర్. అంతేకదా ఇక్కడ ఎవడు బతుకుతడో , ఎవడు చస్తాడో అని జీవితాన్నే పరీక్షగా ఎదుర్కొంటుంటే పరీక్షలకి ఇప్పుడు తప్పిపోతుందా?

2.లాక్ డౌన్ నేపధ్యంలో రోడ్లపై మనుషులు తిరగట్లేదు కదా, అదే విషయం గురించి సోషల్ మీడియలో వైరలవుతున్న ఒక జోక్ ని ప్రస్తావించారు కెసిఆర్. ఆ జోక్ ఏంటంటే జనరల్ గా వీధి కుక్కలని బల్దియా(మున్సిపాలిటి) వాళ్లు తీస్కెళ్తుంటారు కదా.. ఈ సారి కుక్కలు మాట్లాడుకుంటున్నయట “ ఏమైంది మనుషులు కనిపిస్తలేరు, మున్సిపాలిటివాళ్లు పట్టుకెళ్లారా” అని.

Also Read >>>అతను తన భార్యని 10 రకాలుగా ఎలా ఆటపట్టించాడో తెలుసా? చూస్తే నవ్వాపుకోలేరు!

3.వలస కార్మికులని కూడా పస్తు పడుకోనివ్వం అని ప్రకటించారు కెసిఆర్ ఒక ప్రెస్మీట్లో .ఇంటింటికి రైస్ ఇస్తూ, 1500రూ చొప్పున ఇవ్వాలని డిసైడ్ అయ్యారు. అవి సరిపోతాయా అంటూ ఒక రిపోర్టర్ అడిగిన క్వశ్చన్ కి  లక్షాయాభైవేలు ఇవ్వమంటావా? ఏం ప్రశ్నవయ్యా అంటూ చురకేసారు.

https://youtu.be/gL94_jbJUzs

4.ప్రస్తుత పరిస్థితుల్లో కరోనా పాజిటివ్ వ్యక్తులకి ట్రీట్మెంట్ జరుగుతున్నది గాంధిలో అని అందరికి తెలిసిందే, ఇదే విషయంపై ఒక రిపోర్టర్ క్వశ్చన్ చేస్తే “గాంధోలో పెట్టకపోతే ఆకాశంలో పెట్టాలా ?” అంటూ పంచ్ వేశారు.

Also Read >>>లాక్ డౌన్ లో పనిచేస్తున్న ఈ 10 డిపార్టుమెంట్స్ వారికి మనం థాంక్స్ చెప్పుకోవాలి

https://youtu.be/Vtn0NTq5wr8

5.ఈ నెల పద్నాలుగుతో లాక్ డౌన్ ముగిసిపోతుంది అని అందరూ అనుకుంటున్నారు, కాని జూన్ 3వరకు పెడితే బాగుంటుంది అని ప్రధాన మంత్రితో అన్నాను అని మాత్రమే కెసిఆర్ అన్నారు..ఆ ప్రెస్మీట్ కొనసాగుతుండగానే జూన్ 3వరకు లాక్ డౌన్ పొడిగింపు అంటూ వార్త రాసేశారు.అదే ప్రస్తావిస్తూ నేనేమన్నాను ఈ సన్నాసి ఏం రాసాడో చూడండి,  ఫేక్ న్యూస్ రాసింది ఎవరు?ఈ ఫేక్ న్యూస్ రాసేవాళ్లందరికి కరోనా వచ్చిపోవాలి అంటూ చురకేశారు.. ఆ ప్రెస్మీట్ జరుగుతుండగానే ఆ న్యూస్ రావడం మీడియా ఎంత ఫాస్ట్ గా న్యూస్ ఇవ్వాలి అని ఆలోచిస్తుంది తప్ప అందులో నిజం ఉందా లేదా అనేది ఆలోచించదని  అర్దమైపోతుంది.

6.విదేశాల నుండి వచ్చిన వారి గురించి రిపోర్టర్ అడిగిన క్వశ్చన్ కి ఏం చేద్దామంటావో నువ్వే చెప్పు అంటూ రివర్స్ క్వశ్చన్ చేశారు. విదేశాల నుండి వచ్చే వారి గురించి అసలు ఎందుకు యాక్సెప్ట్ చేయాల్సొచ్చిందో వివరించారు.

 

Also Read >>ప్లీజ్…నా బాయ్ ఫ్రెండ్ ని కలవాలి…అనుమతించండి అంటూ పోలీస్ స్టేషన్ లో యువతి హల్చల్.!

NewsOff Beat

అగ్రదేశమైన అమెరికా హైడ్రాక్సిక్లోరోక్విన్ కోసం ఇండియాపై ఎందుకు ఆధారపడింది? ఇందులో చైనా పాత్ర ఏంటి?

by Anudeep
written by Anudeep

“హైడ్రాక్సి క్లోరోక్విన్” ప్రస్తుతం ప్రపంచం మొత్తం దీనిగురించే చర్చించుకుంటోంది. నిన్న మొన్నటి వరకు కరోనాకి ఒక నిర్ధిష్టమైన మందు అంటూ ఏది లేదు, దేశాలన్ని అనేక రకాల మందులని వాడారు, కాని వాటన్నింటిలోకి హైడ్రాక్సి క్లోరోక్విన్ అనే మందు ఉపయోగపడుతుందని అమెరికా శాస్త్రవేత్తలు కనుగొన్నారు. అగ్రరాజ్యం అమెరికాతో సహా ప్రపంచదేశాలన్ని ఇప్పుడు ఇండియావైపు దృష్టి సారించాయి.  అంత పెద్ద దేశం ఎందుకు ఈ మందుని ప్రోడ్యూస్ చేస్కోలేకపోయింది?మన దేశానికి ఎందుకు ఇంత ప్రాధాన్యత.. చదవండి.

కరోనా ఎఫెక్ట్ తో ప్రపంచం మొత్తం స్తంబించిన విషయం తెలిసిందే,ఇప్పుడున్న అవసరాల రిత్యా ఔషదాలపై ఎగుమతిని కూడా నిశేదించారు. అమెరికాలో రోజు రోజుకి కేసులు పెరిగిపోతున్నాయి, మందు నిల్వలు సరిపడా లేవు. దాంతో ఆ నిషేదాన్ని ఎత్తివేసి తమకు మందు పంపించాల్సిందిగా ముందు ట్రంప్ ఇండియాని రిక్వెస్ట్ చేశారు. మా దేశానికి సరిపడా మందులని నిల్వ ఉంచుకున్నాక పంపిస్తామని మోడీ సమాధానం ఇవ్వడంతో, మందు పంపిచకపోతే ప్రతికారం తీర్చుుకంటామని బెదిరించారు..దీనిపై సోషల్ మీడియాలో భారి వ్యతిరేకత వచ్చింది. ఇప్పుడు అవసరం నీది రిక్వెస్ట్ చేయాలి కాని బెదిరించకూడదు అని..అంతేకదా. సరే మెడిసిన్ పంపిస్తామని మొడీ యాక్సెప్ట్ చేశారు.

ఇప్పుడు అందరికి వస్తున్న ప్రశ్న ఏంటంటే మన దేశంపై ఎందుకు ప్రపంచదేశాలు ఆధారపడుతున్నాయి. ఎందుకంటే ఇతర్ దేశాలకు మెడిసిన్ ఎక్స్పోర్ట్ చేసే దేశాలలో భారతదేశం కూడా ఒకటి. ఏటా ఇరవై కోట్లకు పైగా  హైడ్రాక్సిక్లోరోక్విన్ టాబ్లెట్లను మన దేశం ఇతర దేశాలకు ఎగుమతి చేస్తుంది. మన దేశంలో ఉన్న అధిక జనాభా దృష్ట్యా భారతదేశం ఇప్పుడు ఆ మందులని నిల్వ ఉంచింది. అయితే ఈ మెడిసిన్ కరోనాని తగ్గించే ఒక మెడిసిన్ గా గుర్తించారు తప్ప, కరోనాకి వ్యాక్సిన్ గా మాత్రం ప్రకటించలేదు..దీన్ని కేవలం కరోనా బారిన పడిన వారికి,వారి కుటుంబ సభ్యులకి మాత్రమే ఇవ్వాల్సిందిగా వైధ్యాదికారులు ప్రకటించారు.

ఇప్పుడు ప్రత్యక్షంగా మన దేశంపై ఆధారపడుతున్న అమెరికా, పరోక్షంగా చైనాపై ఆధారపడుతోంది . ఏ విధంగా అంటే మన దేశంలో ఔషదాల తయారికి కావలసిన ముడి పదార్దాలు దిగుమతి అయ్యేది చైనా నుండే. కాబట్టి ఇప్పుడు ట్రంప్ రెండు దేశాలపై ఆధారపడినట్టే. హైడ్రాక్సి క్లోరోక్విన్ కి పెరిగిని డిమాండ్ దృష్ట్యా ఈ మందుని పెద్ద మొత్తంలో తయారు చేయాలని భారత ప్రభుత్వం ఇప్పటికే ఫార్మా కంపెనిలను ఆదేశించింది. ఔషద ఎగుమతులపై నిషేదం ఎత్తివేసిన తర్వాత కేవలం అమెరికాకి మాత్రమే కాకుండా మరో ముప్పై దేశాలకి ఈ మందుని ఎగుమతి చేస్తామని ప్రకటించింది.

 

కరోనా వైరస్ వ్యాప్తి చెందకుండా ముందస్తు జాగ్రత్తగా లాక్డౌన్ ప్రకటించడంతో వైరస్ వ్యాప్తిని అడ్డుకున్న భారత ప్రభుత్వాన్ని ఇప్పటికే WHO ప్రశంసించింది. అంతేకాదు భారత ప్రజలు ఈ వైరస్ పై ఖచ్చితంగా విజయం సాధించగలరని ప్రకటించింది. ఇప్పుడు ప్రపంచ దేశాలకి ఈ మందుని మన దేశమే ఎగుమతి చేసే అవకాశం రావడం సువర్ణావకాశమనే చెప్పాలి. ప్రపంచ దేశాలతో ద్వైపాక్షిక సంబంధాలు మెరుగు పర్చుకోవడానికి ఇది దోహదపడుతుంది. కాని ఫార్మా కంపెనిలపై , కంపెని ఉద్యోగులపై ఇప్పుడు ఒత్తిడి పెరుగుతుంది..డిమాండ్ కి తగ్గట్టుగా మెడిసిన్ ఉత్పత్తి చేయడానికి పని భారాన్ని మోయాల్సి ఉంటుంది.

News

పెద్ద స్కెచ్ వేశారుగా ఈ సైబర్ నేరగాళ్లు…మద్యం డోర్ డెలివరీ అంటూ బగ్గా వైన్స్‌ పేరుతో మోసం.!

by Anudeep
written by Anudeep

ఆన్ లైన్ మోసాల గురించి పోలీసులు ఎంతగా అవగాహన కల్పించినా ఎక్కడో ఒకచోట ఎవరో ఒకరు సైబర్ నేరగాళ్ల చేతికి చిక్కుకుంటారు.వేలకి వేలు పోగొట్టుకుంటారు. మనుషుల అవసరాలని బట్టి అదును చూసి వల విసురుతుంటారు సైబర్ నేరగాళ్లు . మనోళ్లు కూడా వెనకాముందు ఆలోచించకుండా బుట్టలో పడిపోతారు.తర్వాత ఏడ్చి ఏం లాభం. తాజాగా మద్యం డోర్ డెలివరి అనగానే డబ్బులు పంపించి అటు మందు రాక, డబ్బులు పోయి అడ్డంగా బుక్కయ్యాడు ఒక హైదరాబాదీ.

లాక్ డౌన్ నేపధ్యంలో గత ఇరవై రోజులుగా మందుబాబులకి మందు లేదు. వారి కుటుంబ సభ్యుల సంతోషానికి అవధుల్లేవ్ . కాని అలవాటు పడిన నాలుక ఊరుకుంటుందా. బ్లాక్లో కొనుక్కుని తాగాలనైనా చూస్తుంది. అలా వేలకు వేలు పోసి తాగే మహానుభావులు ఉన్నారు.. అంత డబ్బు పెట్టలేని వారు పిచ్చెక్కిపోతున్నారు..వైన్ షాపులు ఎప్పుడెప్పుడు తెరుచుకుంటాయా అని వేయికళ్లతో ఎదురు చూస్తున్నారు. దొరికిందే ఛాన్స్ ఆన్లైన్లో బుక్ చేసుకుంటే ఇంటికే మందు పంపిస్తాం అని బోల్తా కొట్టిస్తున్నారు.తాజాగా బగ్గావైన్స్ పేరుతో జరిగిన ఈ -మోసం వెలుగులోకి వచ్చి కలకలం రేపింది.

హైదరాబాద్ సిటిలోని కొందరికి ఇటీవల ఒక మెసేజ్ వచ్చింది..ఆల్కహాల్ అమ్ముతున్నామని, బుక్ చేసుకుని డబ్బులు పంపిస్తే , మందు ఇంటికే పంపుతామనేది ఆ మెసేజ్ సారాంశం. చాలా మంది చూసి చూడనట్టు వదిలేసినా కొందరుంటారు కదా మహానుభావులు, మందు ప్రియులు..గౌలిపురకి చెందిన రాహుల్ ఆ మెసేజ్ చూసి టెంప్ట్ అయి ,ఎలా అియనా మందు తెప్పించుకోవాలని ,వారిని కాంటాక్ట్ట చేశాడు.  బగ్గా వైన్స్‌ పేరుతో క్యూఆర్‌ కోడ్ పంపించి దానికి నగదు ట్రాన్స్‌ఫర్‌ చేస్తే అరగంటలో మద్యం ఇంటికే పంపిస్తామంటూ అవతల నుండి సమాధానం.

ఇంకెందుకాలస్యం, అరగంట వెయిట్ చేస్తే ఎంచక్కా పండగ చేస్కోవచ్చని ఆలోచించి వెనకాముందు ఆలోచించకుండా ,అది నిజమా, ఫేకా అని కూడా పట్టించుకోకుండా ఏకంగా 51వేలు ట్రాన్స్ఫర్ చేశాడు. మందు అరగంటలో కాదు కదా రెండు రోజులైనా రాలేదు , మోసపోయానని తెలుసుకుని బోరుమన్నాడు. పోలీసులని ఆశ్రయించాడు.ఘటనపై పోలీసులు కేసు నమోదు చేసుకొని దర్యాప్తు చేస్తున్నారు.మరోవైపు బగ్గా వైన్స్ పేరుతో కొన్ని రోజులుగా ఈ ప్రచారం జరుగుతుండడంతో బగ్గా వైన్స్ యాజమాన్యం పోలీసులను ఆశ్రయించింది.

మరో ముఖ్యమైన విషయం వైన్ హోం డెలివరి చేస్తాం అంటూ ఫేస్ బుక్లో కూడా కొంత మంది పోస్టు చేస్తున్నారు.అవి చూసి మోసపోకండి. అయినా ఆన్లైన్లో ఏది వస్తే అది నమ్మేయడమేనా,పెద్ద పెద్ద హోటల్స్ కి , బడా వైన్ షాప్స్ కే మందు అమ్మడానికి అనుమతి లేదు, అలాంటిది ఒక మెసేజ్ చూసో,లేదంటే ఫేస్ బుక్లో బుక్ చేసుకుంటే మీకు మందు ఎవరు పంపుతార్రా బాబూ, కొంచెం ఆలోచించండి. అలా ఎవడైనా పంపినా తెలుసు కదా పోలీసోళ్లు బయటికి వస్తే ఎలా వాయించేస్తున్నారు . కాబట్టి కొంచెం కంట్రోల్లో ఉండండి. అయినా 50వేలు పంపాడంటే ఎంత ముఖం వాచిపోయి ఉన్నావో రాహులా..

News

ప్లీజ్…నా బాయ్ ఫ్రెండ్ ని కలవాలి…అనుమతించండి అంటూ పోలీస్ స్టేషన్ లో యువతి హల్చల్.!

by Anudeep
written by Anudeep

ఎంకి పెళ్లి సుబ్బి చావుకొచ్చినట్టు..ఈ కరోనా పోలీసులకు ఒక విషమ పరీక్ష అయిపోయింది..ఒకవైపు లాక్ డౌన్ పాటించని వారిని కంట్రోల్ చేయడానికి నానా తిప్పలు పడి, ఇక లాఠీలకు పని చెప్తున్నారు.మరోవైపు  లాక్ డౌన్ మూలంగా చిత్రవిచిత్రమైన సమస్యలతో పోలీసు స్టేషన్ కి వస్తున్న వారితో కొత్త చిక్కొచ్చి పడింది. తాజాగా బాయ్ ఫ్రెండ్ ని నన్ను కలపండంటూ ఒక యువతి పోలీసులను ఆశ్రయించింది.

ఇప్పటివరకు ఎవరిష్టం వచ్చినట్టు వాళ్లం బతికాం . ఉద్యోగం, ఊరిమీద షికార్లు అంటూ మనకి నచ్చినప్పుడు నచ్చినచోటికి వెళ్తూ, లాక్ డౌన్ తో ఒక్కసారిగా కాళ్లు చేతులు కట్టేసి ఇంట్లో కూర్చోబెట్టినట్టుగా ఫీలవుతున్నారు చాలామంది. సార్ , ఇంట్లో మా ఆవిడతో బాధ పడలేకపోతున్నా,కనీసం టివిలో అయినా మంచి సినిమాలు వేయించండి అని మంత్రి కెటిఆర్ కే మొర పెట్టుకున్నాడో నెటిజన్ . పిల్లులకి ఫూడ్ కోసం బయటికి వెళ్లాలి పర్మిషన్ ఇవ్వండంటూ ఒకరు ప్రాధేయపడితే, బాయ్ ఫ్రెండ్ ని కలపమని రిక్వెస్ట్ చేసింది ఒక యువతి.

Also Read >>>లాక్ డౌన్ లో పనిచేస్తున్న ఈ 10 డిపార్టుమెంట్స్ వారికి మనం థాంక్స్ చెప్పుకోవాలి.!

ప్రేమికుల తిప్పలను కళ్ళకు కట్టినట్టు చూపెట్టిన ఈ సంఘటన చోటుచేసుకున్నది హైదరాబాద్ లో..  బంజారాహిల్స్ పోలీస్ స్టేషన్ లో తన బాయ్ ఫ్రెండ్ ను కలవడానికి పర్మిషన్ కావాలంటూ కోరింది ఓ యువతి . ఏకంగా పోలిస్ స్టేషన్ కు వెళ్ళి మరీ అనుమతి ఇవ్వాలని అడగటంతో ఏం చేయాలో తెలియక పోలీసులు తలపట్టుకున్నారు. అంతకుముందు రోజు రాత్రే ఆ అమ్మాయిని చూడడానికి తన బాయ్ ఫ్రెండ్ వాళ్లింటికి వస్తే, అమ్మాయిని వేదిస్తున్నాడని అమ్మాయి పేరెంట్స్ కంప్లైంట్స్ చేశారు.

ఎలా తప్పించుకోవాలో అర్దం కాక మన ప్రేమికుడు, నేను అసలు ఆ అమ్మాయిని ప్రేమించట్లేదు, ఆ విషయం చెప్పడానికే వాళ్లింటికొచ్చా అని చెప్పి ఆ క్షణానికి తప్పించుకున్నాడు. దీంతో షాక్ తిన్న అమ్మాయి మరుసటి రోజు పోలీసులను ఆశ్రయించింది. నాకు న్యాయం చేయండి, నా బాయ్ ఫ్రెండ్ తో కలపండి అంటూ పోలీస్ స్టేషన్ ముందు కూర్చుంది . చివరికి ఆ అమ్మాయికి నచ్చ చెప్పి ఇంటికి పంపించారు పోలీసులు..  సోషల్ మీడియాలో వచ్చిన ఈ న్యూస్ ఒక్కసారిగా వైరలైంది ప్రేమికుల బాధ ఎలా ఉంటుందో చూడండి అంటూ నెటిజన్లు తెగ వైరల్ చేశారు.

Also Read >>>లాక్ డౌన్ లో పనిచేస్తున్న ఈ 10 డిపార్టుమెంట్స్ వారికి మనం థాంక్స్ చెప్పుకోవాలి.!

Newer Posts
Older Posts