Anudeep

ఎవరైతే ఫేక్ న్యూస్ ఫార్వర్డ్ చేస్తారో వారికి కరోనా సోకాలి అని ఒక రాష్ట్ర ముఖ్యమంత్రే అన్నారంటే, ఫేక్ మెసెజెస్ తో ఎంతగా విసిగిపోయుంటాం. పొద్దున లేచింది మొదలు రాత్రి పడుకునేవరకు మన తోడుంటే స్మార్ట్ ఫోన్లో రోజుకు కొన్ని వందల ఫేక్ మెసేజ్లు. సామాన్య జనాల్ని తప్పు దోవ పట్టిస్తుంటాయి. ఫేక్ మెసేజెస్ ని అరికట్టే యుద్దంలో భాగంగా వాట్సప్ తనవంతు సహాయాన్ని చేయబోతుంది. ఇకపై ఫార్వర్డ్ మెసేజెస్ ని కేవలం ఒకరికి మాత్రమే పంపించేలాగా కుదించబోతోంది.

వాట్సప్ లో ఇలాంటి మార్పు రావడం ఇది రెండోసారి , గతేడాదికి ముందు అన్లిమిటెడ్గా ఎంతమంది కాంటాక్ట్స్ ఉంటే అందరికి ఒకేసారి మెసేజ్ని ఫార్వర్డ్ చేసే అవకాశం ఉండేది..దాన్ని ఐదుగురికి మాత్రమే పంపేలా కుదించింది. ఇప్పటివరకు ఏదైనా మెసేజ్, ఫోటో మరియు వీడియోని ఐదు కాంటాక్ట్స్ కి పంపే విధంగా ఉండేది. కానీ  ఇప్పుడు కోవిడ్ -19 నేపధ్యంలో ఫార్వర్డ్ అవుతున్న ఫేక్ మెసేజెస్ ని నిర్మూలించడానికి ఆ ఐదు కాంటాక్ట్స్ ని కాస్తా ఒక్క కాంటాక్ట్ కి కుదించింది.. ఇది వెంటనే అమలు కాకపోయినప్పటికి, మరికొన్ని గంటల్లో అమల్లోకి రావచ్చు.

వాట్సప్ మొదలైన నాటి నుండి ఇప్పటివరకు ఎన్నో మార్పులు సంతరించుకుంది. గతేడాది ఫార్వర్డ్ లేబుల్ కూడా యాడ్ అయ్యేలా మార్పు చేసింది. ఫార్వర్డ్ చేయబడిన మెసేజ్ కి ఆటోమేటిక్ గా పైన ఫార్వర్డెడ్ అని కనపడేలా ఆ లేబుల్ ఉంటుంది. అదే విధంగా స్టాటస్లో వీడియోస్ విడిది కూడా ముప్పై సెకన్ల నుండి పదిహేను సెకన్లకు కుదించింది. ఫేక్ న్యూస్‌ను అడ్డుకోవడానికి ఇలాంటి అనేక ఫీచర్స్‌ని రిలీజ్ చేస్తోంది వాట్సప్. అందులో భాగంగానే ఇప్పుడు ఈ మార్పు చేస్తోంది.

వాట్సప్లో ఫార్వర్డ్ మెసేజెస్ ద్వారా వీడియోస్, ఫన్నీ మీమ్స్, ఎడ్యుకేటెడ్ రిలేటెడ్, జాబ్ రిలేటెడ్ మెసేజెస్ ఫార్వర్డ్ చేసుకోవడానికి ఉపయోగపడినప్పటికి , వాటికంటే ఎక్కువగా ఫేక్ న్యూస్ ఫార్వర్డ్సే  జరుగుతున్నాయని, వాటిని నిరోధించాలంటే ఈ నిర్ణయం తీస్కోక తప్పట్లేదని వాట్సప్ యాజమాన్యం ప్రకటించింది. ఫేక్ గాళ్లకి ఈ విధంగా చెక్ పెట్టిన వాట్సప్, ఫేక్ మెసెజెస్ ద్వారా విసిగిపోయిన వారికి చాలా రిలీఫ్ ఇచ్చినట్టవుతుంది.

సెలబ్రిటీస్ పై మండి పడుతూ ట్వీట్ చేసింది సానియా మీర్జా.. హఠాత్తుగా ఈమెకి సినిమా వాళ్లపైన ఎందుకు కోపం వచ్చింది చెప్మా? అనుకుంటున్నారా కాని, సానియా కోపంలో కూడా అర్దం లేకపోలేదు . ఎప్పుడూ బిజిగా వుండే మన సెలబ్స్ ఇప్పుడు తము చేసిన పనులు,   వండిన వంటకాలని సోషల్ మీడియాలో పోస్టు చేస్తున్నరు..ఇదే విషయాన్ని ప్రస్తావిస్తూ ట్విటర్ వేదిక గా మండి పడింది సానియా.

లాక్ డౌన్ నేపధ్యంలో అందరూ ఎవరిళ్లకు వాళ్లు పరిమితమయ్యారనే విషయం తెలిసిందే కదా..  సామాన్యుడి నుండి సెలబ్రిటి వరకు గడప దాటి బయటికి రాని పరిస్థితి.. దీంతో ఎఫ్పుడూ బిజి షెడ్యూల్లో ఉండే మన సెలబ్రిటీలకు ఫ్యామిలీస్తో  గడిపే సమయం దొరికింది. దాంతో కుటుంబంతో ఎంజాయ్ చేస్తున్నారు.  చాలా వరకు పని వాళ్లని, వంట వాళ్లని మానిపించేసి ఎవరిపని వారే చేసుకుంటున్నారు. ఆ వంటలని చాలా గొప్పగా సోషల్ మీడియల్లో అప్లోడ్ చేస్తున్నారు.

కాని నాణెనికి మరోవైపు చూస్కుంటే , లాక్ డౌన్ అందరి జీవితాల్లోనూ వెలుగులు నింపదు..పూట గడవని వారికి,రోజు కూలికి పని చేసేవారికి , చిన్నచిన్న వ్యాపారాలు చేస్కునే వారికి ఇది చాలా గడ్డుకాలమనే చెప్పాలి.. దాంతోపాటు పరిస్థితి ఎలా ఉంటుందో తెలియక మార్కెట్లో ఉన్న సరుకులు చాలా వరకు ఇప్పటికే కొద్దొ గొప్పో స్థోమత ఉన్నవాళ్ల ఇళ్లకి చేరిపోయి సరుకుల కొరత కూడ ఏర్పడింది. వలసకూలిల పరిస్థితి అయితే ఇంకా ఘోరం సొంత ఊళ్లకు వెళ్లలేక , ఉన్న ఊళ్లో పనులు లేక నానారకాల తిప్పలు పడుతున్నారు.

ఇదే విషయాన్ని ప్రస్తావిస్తూ ఫూడ్ వీడియోస్, ఫోటోస్ అప్లోడ్ చేయడం ఇంకా పూర్తి కాలేదా? మన చుట్టూ వేలాది మంది కరోనా మహమ్మారితో బాధపడుతూ మృత్యువాత పడుతుంటే, లక్షలాది మంది ఒక్క పూట భోజనం లేకుండా అల్లాడిపోతున్నారు.ఒక్క పూట భోజనం దొరకడం అదృష్టంగా భావిస్తున్నారు. అలాంటప్పుడు ఇలాంటి వీడియోలు అప్లోడ్ చేయకుండా ఉండలేమా అంటూ ట్వీట్ చేశారు.

ఆపద సమయంలో ఎగ్జిబిషన్ ఆఫ్ ఫూడ్ అనేది నేరం..అంతేకాదు ఒకటి కంటే ఎక్కువ పదార్దాలు వండుకుని తినడం తప్పు. కాబట్టి వీలైనంత తక్కువగా ఫూడ్ ప్రిపేర్ చేయండి,వాటిని ఎగ్జిబిషన్ పెట్టకండి సోషల్ మీడియాలో..వీలైనంత ఎక్కువమందికి సాయం చేయడానికి చూడండి..ఇలాంటప్పుడే మనిషిలోని మనిషితనం బయటపడేది.

లాక్ డౌన్ ప్రకటించింది బుద్దిగా ఇంట్లోకూర్చోమని.. మరీ అత్యవసరం అయితే బయటికి రావొచ్చని ప్రభుత్వమే అనుమతి ఇచ్చింది. అందులో భాగంగా నిత్యావసర సరుకులు, మెడిసిన్స్ ఇతరత్రా విభాగాల్ని ప్రజలకు అందుబాటులో ఉంచింది. మరి అర్దరాత్రి వేళ ఏం కొంపలు మునిగిపోతున్నాయని బయటికి వచ్చిందో మన హీరోయిన్ . యాక్సిడెంట్ కి గురై ఆసుపత్రి పాలైంది.

షర్మిలా మాండ్రే తెలుగులో అల్లరి నరేశ్ సరసన కెవ్వుకేక సినిమాలో నటించింది. మనోడి సినిమాలు సూపర్ హిట్లు కాకపోయినా జనాల్ని నవ్విస్తూ యావరేజ్ టాక్ తెచ్చుకుంటాయి. ఈ సినిమా కూడా అంతే, ఈ సినిమా తర్వాత మన అమ్మడికి అసలు ఒక్క అవకాశం కూడా రాలేదు. దాంతో మళ్లీ సొంత భాష అయిన కన్నడవైపెళ్లిపోయి ,బుద్దిగా సినిమాలు చేసుకుంటోంది..ప్రస్తుతం మూడు ప్రాజెక్టులు కూడా చేతిలో ఉన్నాయి.

లాక్ డౌన్ ప్రకటించేసరికి ఇంట్లోనే ఉండి ఉండి బుర్ర తిరిగినట్టుంది. సరదాగా షికారు చేద్దామని బయటికి వచ్చింది. కొంచెం మందు కూడా తాగినట్టుంది. ఇంకేం మధ్యం మత్తులో కారుని తీస్కెళ్లి స్తంబానికి గుద్దేసింది. బెంగళూరులోని వసంతనగర్ రైల్వే బ్రిడ్జి దగ్గర తెల్లవారుజామున మూడింటికి ఈ ఘటన జరిగింది. జాగ్వార్ కారు స్తంబానికి బలంగా గుద్దుకోవడంతోముందుభాగం నుజ్జునుజ్జయింది.  షర్మిలాకి బలమైన గాయాలయ్యాయి. తనతో పాటు ఉన్న స్నేహితుడు లోకేష్ కూడా గాయాలపాలయ్యాడు.

అంత అర్దరాత్రి వేళ ఎందుకు బయటికి వచ్చారు, ఎక్కడికి వెళ్లొస్తున్నారు అనే విషయాలపై పోలీసులు దర్యాప్తు చేస్తున్నారు. . మరోవైపు తీవ్ర గాయాలపాలైన హీరోయిన్ పై అసలు జాలిచూపకపోగా, బుద్దిలేక ప్రభుత్వం లాక్ డౌన్ ప్రకటించలేదు, మీరిలా బుద్దితక్కువ పనులు చేస్తే తిప్పలు  తప్పవు అంటూ నెటిజన్లు ఆగ్రహం వ్యక్తం చేస్తున్నారు.

మనిషి ఆరోగ్యంగా ఫిట్ గా ఉంటే ఏ వైరస్ ఏం చేయలేదు. కరోనా వైరస్ కూడా అంతే రోగనిరోధక శక్తి ఎక్కువగా ఉన్నవారు ఈ వైరస్ బారిన పడినప్పటికి బయటపడుతున్నారు. ఆరోగ్యపరంగా సమస్యలున్నవాళ్లు మరింత వీక్ గా మారుతూ మరణం అంచుల వరకు వెళ్తున్నరు. ఈ దిశలోనే అమెరికా ప్రయోగాలు చేసి వాక్సిన్ తయారు చేసినట్టు అమెరికా పరిశోధన సంస్ఘ  ఈబయో మెడిసిన్ జర్నల్ కథనాన్ని ప్రచురించింది. వైరస్ పై పోరాటం కన్నా ముందుగా మనిషి రోగ నిరోధక శక్తిని పెంచే విధంగా వాక్సిన్ తయారు చేశారు. దాంతో మనిషికి వైరస్ ని ఎదుర్కొనే శక్తి లబించినట్టే.

ముందుగా వీళ్లు  ఎలుకల్లోకి వైరస్ ని పంపి, ఇంజక్షన్ ద్వారా యాంటీబాడీస్ ను కూడా పంపించారు. రెండు వారాలపాటు పోరాడిన ఎలుకలు , చివరికి రోగ నిరోధక శక్తి పెరగడంతో ప్రాణాలతో బయటపడ్డాయి. ఎలుకపై చేసిన ప్రయోగం సక్సెస్ కావడంతో ఇక మనుషులపై చేసేందుకు సిద్ధమవుతున్నారు. మనుషులపై ప్రయోగించడానికి ఎక్కువ సమయమే పట్టొచ్చు. కానీ ఇప్పటివరకూ వాడుతున్న మెడిసిన్ల కంటే ఇది వైరస్ ను తగ్గించడంలో వేగవంతంగా పనిచేయగలదని సైంటిస్టులు ధీమా వ్యక్తం చేస్తున్నారు.

స్పైక్ అనే ప్రోటీన్ ఈ వైరస్ కి  వ్యతిరేఖంగా పనిచేస్తుందనే విషయాన్ని కనుగొన్నామని,దీంతో వైరస్ ని ఎలా ఎదుర్కోవాలో తెలిసిందని పిట్స్బర్గ్ యూనివర్శిటికి చెందిన ఆండ్రూ గాంబొట్టే  ఈబయో జర్నల్ కి ఇచ్చిన ప్రకటణలో జ పేర్కొన్నరు. వీరు కనిపెట్టిన  వైరల్ ప్రొటీన్ శరీరంలో ఇమ్యూనిటీని పెంచుతుంది. చర్మం ద్వారా  స్పైక్ అనే ప్రొటీన్ ను శరీరానికి అందజేస్తారు. ఫలితంగా ఇమ్యూన్ రియాక్షన్ దృఢంగా మారుతుంది. ఇంతకీ ఈ స్పైక్ అనే ప్రోటీన్ ని ఏ విధంగా అందచేస్తారంటే..

బ్యాండ్ ఎయిడ్ అంత పరిమాణంలో ఉండే ప్యాచ్ లో అందులో ఉండే 400సన్నని సూదులు స్పైక్ అనే ప్రోటీన్ ను విడుదల చేస్తాయి. ఇది పూర్తిగా పంచదార, ప్రొటీన్ ల నుంచి తయారచేసిందే. చర్మంలో సింపుల్ గా కలిసిపోతుంది కూడా. శరీరంలోకి ప్రవేశించేటప్పు నొప్పికూడా అనిపించదు అని చెప్పారు గాంబొట్టే.ముందుగా స్మాల్ పాక్స్ వ్యాక్సిన్ ప్రయోగించి, ఆ తర్వాత వైరస్ తీవ్రతను బట్టి ఈ వ్యాక్సిన్ ను కనుగొన్నాం అని పేర్కొన్నారు..

ఇదే సంస్థ గతంలో సార్స్, మెర్స్ అనే కోవిడ్ లపై కూడా పనిచేసింది. దాంతో ఈ వాక్సిన్ వైరస్ నిర్మూలనకు తోడ్పడుతుందనే అందరు ఆశతో ఎదురు చూస్తున్నారు..ఈ ఫలితం సక్సెస్ అయతే కరోనా వైరస్ ప్రమాదం నుండి కొంత మేర గట్టెక్కినట్టే.. కాని మనుషులపై ప్రయోగించడానికి ఎక్కువ టైం పడుతుందని ముందే చెప్పారు కదా..దాంతో మనం మరికొద్ది రోజులు ఎదురు చూడక తప్పదు.

అమలాపాల్ ది ఆమె సినిమా గుర్తుందా.. ఆ సినిమాలో ప్రాంక్ వీడియోస్ చేస్తుంటుంది అమలా.. ఒకసారి తను చేసిన ప్రాంక్ వల్ల ఒకమ్మాయి ఇబ్బందులకు గురౌతుంది..దాంతో అమలాపాల్ కి బుద్ది చెప్పాలనుకుంటుంది..ఒంటిపై నూలు పోగు లేకుండా ఒక దగ్గర బంధిస్తుంది..ఇలా సాగుతుంది ఆ కథ.. దేనికైనా ఒక లిమిట్ ఉంటుంది..లిమిట్ దాటితే పర్యవసనాలు వేరేగా ఉంటాయి అనడానికి ఈ సినిమా ఒక ఉదాహరణ.

ఒకప్పుడు మన దగ్గర ప్రాంక్ అంటే ఏంటో తెలీదు..కొత్తలో వింతగా బానే ఉండేది. కొన్ని ప్రాంక్స్ నవ్వుతెప్పించేవి కూడానూ . కాని రాను రాను దాన్ని మరీ చిల్లరగా వాడుతుంటే ఏహ్యభావం కలుగుతోంది . అలా పిచ్చి ప్రాంక్ చేసిన ఒకడికి ఇద్దరమ్మాయిలు బుద్ది చెప్పారు. ఒక హగ్ ఇస్తారా ప్లీజ్ అంటూ అమ్మాయిల్ని ఏడిపించి, చివరికి ప్రాంక్ అంటూ కెమెరా వైపు చూపించేవాడు.. కొందరమ్మాయిలు లైట్ తీసుకున్నప్పటికి ఇద్దరమ్మాయిలు పోలీసు కంప్లైంట్ ఇచ్చి మనోన్ని ఊచలు లెక్కపెట్టేలా చేశారు.

రమావత్ సురేశ్ అనే వ్యక్తి డ్రీమ్ బాయ్ జయసూర్య పేరుతో ఒక యూట్యూబ్ ఛానెల్ నిర్వహిస్తున్నాడు. ఆ యూట్యూబ్ ఛానెల్ లో ఆన్‌లైన్‌ గేమ్స్‌కు సంబంధించిన లింక్స్, బెట్టింగ్స్‌కు అవసనరమైన లింక్స్ పెట్టి వాటిని యూజ్ చేసుకోవాలంటే సబ్స్క్రైబర్స్ నుండి అమౌంట్ కలెక్ట్ చేసేవాడు. ఇలాంటి చట్టవ్యతిరేకమైన పనులతో పాటు ప్రాంక్లు వెలగబెట్టేవాడు. ఏడాది క్రితం ఒంటిపై టవల్ చుట్టుకుని పబ్లిక్ ప్లేసులో అమ్మాయిల ముందుకి వెళ్లి సినిమా చూస్తారా అంటూ టవల్ తీసి భయపెట్టేలా ఒక ప్రాంక్ చేశాడు.. లోపల షార్ట్ ఉండేది.. భయపడ్డ అమ్మాయిలకి ప్రాంక్ అంటూ కెమెరా చూపించేవాడు.

ఆ వీడియోపై ఎవరూ కంప్లైంట్ ఇవ్వకపోయినప్పటికి సైబర్ స్పేస్ పోలీసింగ్ ద్వారా ఈ వీడియోని గుర్తించిన పోలీసులు ఆ వీడియోను యూట్యూబ్ నుండి తొలగించారు. రమావత్ సురేష్ ని పిలిపంచి కౌన్సిలింగ్ ఇచ్చి పంపించారు.  ఆ తర్వాత నేను సింగిల్ నాకొక హగ్ ఇవ్వండంటూ ఒక ప్రాంక్ చేసి యూట్యూబ్లో పెట్టాడు. ఆ ఫ్రాంక్ చేసింది. యూట్యూబ్లో అప్లోడ్ చేసింది గతేడాది సెప్టెంబర్లో..ఇప్పుడు ఆ వీడియో మీద ఇద్దరమ్మాయిలు కంప్లైంట్ చేశారు.

ఆ వీడియోని ఇప్పటివరకు పన్నెండు లక్షలమంది చూసారు. అందులో ప్రతి సీన్‌ తర్వాత ఇది ప్రాంక్‌ వీడియో అంటూ వారికి చెబుతూ..అదిగో అక్కడ కెమెరా ఉంది, హాయ్‌ చెప్పండి అంటూ చెప్పేవాడు.కాని ఇద్దరమ్మాయిల విషయంలో వారికి అలా చెప్పలేదు, ఆ వీడియోని యూట్యూబ్లో పెట్టేశాడు. తమ అనుమతి లేకుండా వీడియోని యూట్యూబ్లో పెట్టడం పట్ల యువతులు ఆగ్రహం వ్యక్తం చేస్తూ  సైబర్ క్రైంకి కంప్లైంట్ చేశారు.కేసు ఫైల్ చేసిన పోలీసులు దర్యాప్తు చేపట్టారు. అతడే కాదు ఎవరైనా సరే హద్దు మీరితే కటకటాలు తప్పవు, కాబట్టి జాగ్రత్త..

source: sakshi news