Anudeep

చేతిలో మొబైల్ ఉంది.. ఫ్రీ ఇంటర్నెట్ ఉంది.. ఫోన్లో ఎన్నో యాప్స్ అందుబాటులో ఉన్నాయి కదా అని ఎలా పడితే అలా ఉపయోగిస్తే  కటకటాలపాలవ్వాల్సిందే.. ఫేక్ మెసేజెస్ ని  కాని, దుష్ఫ్రచారాని కాని వేటిని కూడా చూసి చూడనట్టు వదిలేసే ప్రసక్తే లేదు.. నువ్ ప్రపంచంలో ఏ మూల ఉన్నా అరెస్ట్ చేసి లోపల కూర్చోబెడతారు.. ఇందుకు ఉదాహరణ తాజాగా బెంగుళూరులో జరిగిన ఘటన..

“చేయి చేయి కలపండి.బయటకు వెళ్ళి బహిరంగంగా తుమ్మండి.కరోనా వ్యాప్తి చేయండి ” అని బెంగుళూరులోని ఇన్ఫోసిస్ కంపెనీలో పని చేస్తున్న ముజిబ్ మహమ్మద్ అనే యువకుడు సోషల్ మీడియాలో పోస్టు చేశాడు. ఒకవైపు ప్రపంచం అంతా కరోనా భయంతో బెంబేలెత్తుతూ ,ఇళ్ల నుండి బయటకి రాకుండా జాగ్రత్తలు పాటిస్తుంటే, మరోవైపు ఇలాంటి పోస్టులతో రెచ్చగొట్టడం కలవరపెడుతోంది.

సోషల్ మీడియాలో వైరలైన ఈ పోస్టు పెట్టిన ముజిబ్ మహమ్మద్ పై కేస్ ఫైల్ చేశారు బెంగళూర్ సిటి క్రైం పోలీసులు. మరోవైపు ఇన్ఫోసిస్ కూడా ఈ వ్యవహారంపై స్పందించింది. తమ సంస్థకు చెందిన వ్యక్తి ఇలాంటి పోస్టు పెట్టడం విచారకరం అంటూ దర్యాప్తుకి ఆదేశించింది. అతన్ని ఉద్యోగం నుండి తొలగించింది.ఇదేవిషయాన్న ఇన్ఫోసిస్ అధికారిక ట్విటర్లో పోసట్ చేసింది.ఇలాంటి చట్టవ్యతిరేక పనుల్ని తమ సంస్థ ఎంతమాత్రం సహించదని, అది అతను పొరపాటున చేసిన పని కాదని , కావాలనే అలాంటి పోస్టు పెట్టాడని పేర్కొంది. చదువుకున్న మూర్ఖులుంటారనేదానికి ఇదో పెద్ద ఉదాహరణ.

కరోనా వ్యాప్తిని అడ్డుకునే క్రమంలో కేంద్ర, రాష్ట్ర ప్రభుత్వాలు అన్ని రకాల ప్రయత్నాలు చేస్తున్నాయి. ఇన్ఫోసిస్ సంస్థకూడా తమ వంతుగా ప్రభుత్వాలకు సహకరిస్తూ ప్రజలకు అవగాహన కల్పిస్తోంది. ఇన్ఫోసిస్ ఫౌండేషన్ ఆధ్వర్యంలో కరోనావైరస్ బారిన పడిన వారి ఆరోగ్య అవసరాలను తీర్చడానికి, వైద్య సదుపాయాల విషయంలో కూడా కర్ణాటక ప్రభుత్వానికి పూర్తి సహకారాన్ని అందిస్తోంది.

source: indiatimes

సోషల్ మీడియాలో పెట్టే పోస్టుల్లో ఏది ఫేక్, ఏది నిజం అనేది అర్దం కాదు మొన్నటికి మొన్న ఇండోనేషియా డాక్టర్, కరోనా పాజిటివ్ వచ్చింది చనిపోయే ముందు పిల్లల్ని చూసుకోవాలనుకున్నాడు అని ఒక ఫోటో వైరలయింది.అది చూసి ఎంతో మంది కన్నీరు కార్చారు.. కాని తర్వాత తెలిసింది ఏంటంటే అది ఫేక్ అని, అతడు బతికేఉన్నాడని.. కాని సాక్షాత్ ఒక రాష్ట్ర ముఖ్యమంత్రే ఒక ఫోటో పోస్టు చేసారంటే అందులో నిజం ఉండకపోదు కదా..

మధ్యప్రదేశ్ ముఖ్యమంత్రి శివరాజ్ సింగ్ చౌహాన్ ఒక ఫోటో పోస్టు చేశారు. ఆ ఫోటోలోని వ్యక్తి భోపాల్ కి చెందిన సుదీర్ దేహారియా. అతడు చీఫ్ మెడికల్ హెల్త్ ఆఫీసర్. కరోనా విలయ తాండవం చేస్తున్న నేపధ్యంలో డాక్టర్లందరూ వారి వారి పనుల్లో నిమగ్నమైన సంగతి తెలిసిందే. సుధీర్ కూడా ఐదు రోజుల పాటు సుదీర్ఘంగా హాస్పిటల్లో సేవలందించి, ఒకసాయంత్రం ఇంటికి తిరిగి వచ్చారు. కాని ఇంటికి చేరుకోగానే ఇంట్లోకి వెళ్లడానికి లేదు, భార్య పిల్లలని కలవడానికి లేదు.

దాంతో గేటు దగ్గరే కూర్చుని టీ తాగారు . సుధీర్ టీ తాగుతున్నంత భార్య,ఇద్దరు పిల్లలు గేటు దగ్గర చూస్తూ నిల్చుండిపోయారు. టీ తాగడం అయిపోయాక ఇంటి బయటనుండే మళ్లీ హాస్పిటల్ కి వెళ్లిపోయారు. ఇప్పుడు ఇదే ఫోటో సోషల్ మీడియాలో వైరలవుతోంది.దీన్నే ముఖ్యమంత్రి శివరాజ్ సింగ్ చౌహాన్ కూడా శేర్ చేశారు. సోషల్ మీడియాలో వైరలవుతున్న ఈ ఫోటో చూస్తే డాక్టర్లు ఎంత కష్టపడుతున్నారో అర్దం అవుతోందంటూ నెటిజన్లు కామెంట్స్ చేస్తున్నారు.

బార్డర్లో సైనికులు దేశం కోసం చేసే యుద్దాన్ని ఇప్పుడు డాక్టర్లు ప్రపంచం మొత్తాన్ని కాపాడడానికి చేస్తున్నారు. ఏ విధంగా అయితే సైనికులు కుటుంబాలకు దూరంగా ఉంటారో ఇప్పుడు వైధ్య సిబ్బంది పరిస్థితి అదే.. వారి యుద్దానికి సహకిరిస్తున్నారు పోలీసులు,పారిశుద్య సిబ్బంది.. కాబట్టి మన స్థాయిలో మనం చేయాల్సింది కేవలం ఇంటి నుండి అడుగు బయటపెట్టకుండా ఉండడం..మన బాద్యత మనం నిర్వర్తిద్దాం.

ఒకవైపు కరోనా కాటేసినా టిక్ టాక్ చేయడం మానకపోవడాన్ని ఏమంటారు…దానికి  మీరు ఏదైనా కొత్త పేరు పెట్టండి. అప్పటి వరకు పిచ్చి పీక్స్ లో ఉందనే మాట్లాడుకుందాం. మనుషుల్లోని రకరకాల వైరాగ్యాలన్నింటిని బయట పెడుతోంది కరోనా మహమ్మారి.. వీళ్ల కథలు చూడడం కంటే కరోనా వచ్చి ఐసోలేషన్లో ఉండడం బెటర్ అనిపిస్తోంది. నిజంగా ఇలాంటి వాళ్లని ఏం చేయాలసలు ..ఇంతకీ ఏం జరిగిందో చదవండి.

తమిళనాడులోని అళియాలూర్ జిల్లాకి చెందిన యువతి షాపింగ్ మాల్ లో పని చేసేది. పనిలో కొంచెం గ్యాప్ దొరకగానే టిక్ టాక్ చేసి అప్లోడ్ చేయడం అలవాటు.. ఫాలోవర్స్ సంఖ్య కూడా బాగానే ఉంది. మరింకేం ఫాలోవర్స్ పెరుగుతున్నా కొద్ది వీడియోస్ చేయాలనే ఉత్సాహం కూడా పెరుగుతుంది. అలవాటు కాస్తా వ్యసనంగా మారిందనడానికి ఇదోక మంచి ఉదాహరణ.

ఇటీవల జ్వరం, దగ్గు లక్షణాలు కనపపడడంతో హాస్పిటల్ కి వెళ్లి టెస్ట్ చేయించుకుంది. రిజల్ట్ పాజిటివ్..ఇంకేం అమ్మాయి గారిని పద్నాలుగు రోజులు ఐసోలేషన్లో పెట్టారు . అలవాటు పడిన చేతులు ఊరుకుంటాయా?టిక్ టాక్ చేయాలని సంబర పడింది.. చేసింది . తనతో పాటు క్వారంటైన్లో ఉన్న సిబ్బందిని కూడా వీడియోలో చూపించింది.

తనకు దగ్గుగా ఉందని, గొంతు నొప్పి ఉండడం వలన ఏం తినలేకపోతున్నా అని , అభిమానులను చాలా మిస్ అవుతున్నా అని  బాధగా చెప్పేసరికి మన గొర్రెల మంద ఫ్యాన్ ఫాలోయింగ్ అయ్యో, అబ్బా అంటూ విపరీతంగా శేర్లు కొట్టారు. దాంతో వీడియో అధికారుల వద్దకు చేరింది. క్వారంటైన్ వార్డులో తీసుకోవాలసిన జాగ్రత్తలు తీస్కోలేదని టిక్ టాక్ స్టార్ కి తిట్లు..హాస్పింటల్ సిబ్బందికి సస్పెషన్ ఆర్డర్ రెడి చేశారు అధికారులు .

శానిటైజేషన్ సిబ్బంది ముగ్గురిని సస్పెండ్ చేసి, వాళ్లని కూడా క్వారంటైన్ కి తరలించారు. కరోనా సోకకుండా సోషల్ డిస్టెన్స్ పాటించండి అని నెత్తి నోరు మొత్తుకుని చెప్తుంటే, కరోనా పాజిటివ్ వచ్చిన పేషెంట్ తో టిక్ టాక్లు చేస్తే కాటేయకుండా ఉండుందా?  టిక్ టాక్ వీడియో చేసిన సిబ్బంది అందరిని క్వారంటైన్ కి తరలించి టెస్టులు చేస్తున్నారు.. అదీ సంగతి..

image source: 1

సామెతలు ఊరికే పుట్టవు.. ఎనకెటికి ఎవడో తాడిచెట్టు ఎందుకు ఎక్కావురా అంటే దూడని వెతకడానికి అని చెప్పాడట.. ఈ లాక్ డౌన్ సంధర్బంలో రోడ్లపైకి వస్తున్న కొందరు చెప్పే రీజన్స్ చూస్తుంటే ఆ సామెతలన్ని నిజమే అనిపిస్తుంది.వాటికి కొత్త వెర్షన్స్ రాయాలని కూడా అనిపిస్తుంది.  కదిలేకాళ్లు వాగే నోళ్లు ఊరికే ఉండవని పెద్దలంటుంటారు.అట్లా ఈ లాక్ డౌన్ దెబ్బకి ఒక్కసారిగా ఇంట్లోనే ఉండి బయటికి కాళ్లు కదపకుండా ఉండడమంటే ఊపిరాడక అల్లాడిపోతున్నట్టుగా చాలామంది ఫీలవుతున్నారు..

శ్రీనగర్ కాలనీ నుండి చింతల్ బస్తీకి గోధుమ పిండి కోసం వచ్చాడట ఒక మహానుభావుడు, మీ ఏరియాలో గోధుమ పిండి లేదా అంటే ఆశీర్వాద్ పిండి లేదూ అని సమాధానం.. చేతికి ప్ల కార్డు ఇచ్చి ఎండలో నిల్చొబెట్టి సన్మానం చేశారు పోలీసులు . మరొకడు పాలకూర కోసం బయటికి వచ్చాడట.. ట్విస్టు ఏంటంటే వాళ్ల పిల్లలు పాలకూరే తింటామన్నారట.. దీనికి రిపోర్టర్ అడిగిన క్వశ్చన్ హైలైట్ అసలు పిల్లలు పాలడుగుతారు కాని, పాలకూర అడుగుతారా ఆ ప్రశ్నలో కూడా అర్దముంది కదండీ..

మరో మహాతల్లి మందు దొరక్క ఇబ్బంది పడుతున్నామని అంటే, ఇంకొకడు రోడ్ల మీద జనం ఉన్నారో లేదో చెక్ చేయడానికి వచ్చాడట,ఒకరు ఎటిఎం కోసం వచ్చామని  పోలీసులకి, కూలర్ పాడైంది వైర్ కోసం వెళ్తున్నా అని పోలీసులకి రెండు వేరు వేరు కారణాలు చెప్పి దెబ్బకి బుక్కయిపోయాడు. ఇంక టిక్ టాక్ పిచ్చోళ్ల సంగతి చెప్పక్కర్లేదు, టిక్ టాక్ చేయడానికి రోడ్లెక్కి దెబ్బలు కూడా తిన్నారు.

ఇన్నిన్ని సిల్లీ రీజన్స్ చెప్తుంటే అసలు అత్యవసర పనులపై  బయటికి వచ్చేవారిని గుర్తించడం ఎలా? ముందు నుండి ప్రభుత్వం చెప్తూనే ఉంది అత్యవసరల పనులు, నిత్యావసర సరుకులకి బయటికి రావొచ్చు అది కూడా ఇంటికొకరు, ఉదయం ఏడు నుండి సాయంత్రం ఆరు గంటలవరకు అని.. కాని మనోళ్లు జేబులో ఒక ట్యాబ్లెట్ పెట్టుకుని ఊరంతా బలాదూర్ తిరగడానికి బయల్దేరతారు . ఎక్కడ పోలీసులు ఆపినా మెడికల్ షాప్ కి ఇది ఒక రీజన్ చాలా సింపుల్ గా చెప్పి తప్పించుకుంటున్నారు.

ఇప్పుడు కొత్తగా బ్యాంక్ పనులున్నాయని మరొక కొత్త సాకు రెడీగా పెట్టుకున్నారు. ఇలాంటి పిచ్చి రీజన్స్ చెప్పేవారిని లాగి పెట్టి కొట్టాలని మీకే అనిపిస్తుందా లేదా ? ఒక్కసారి ఇమాజిన్ చేయండి ఒకవైపు ఎండలు  మండిపోతున్నయి, మరోవైపు కరోనా కనికరం లేకుండా అందరిని టచ్ చేస్తుంది.. ఆ ఎండల్లో డ్యూటీలు చేస్తూ ,కుటుంబాలకు దూరంగా ఉండి పోలీసులు నానా పాట్లు పడుతుంటే , మనం ఇలాంటి పిచ్చి పిచ్చి కారణాలతో బయటికి వస్తే ఎంత మందినని వదిలేస్తారు .. కేవలం మన ఒక్కరికోసం కాదు కదా, నువ్ నీ ఆనందం చూస్కుంటే ఇబ్బంది పడేది నీ కుటుంబమే జస్ట్ ఈ ఒక్కటి మైండ్లో పెట్టుకోండి చాలూ.

watch video:

also watch: