Anudeep

శబ్బాష్ .. రాజస్థాన్ పోలీస్.. భలే మంచి పని చేశారు. నేను ముందు నుండి చెప్తునే ఉన్నా ? సర్ ఎందుకు మీకు చెడ్డపేరు, పనీ పాట లేకుండా రోడ్లపైకి వచ్చేవాళ్లని తీసుకెళ్లి ఆ క్వారంటైన్ వార్డుల్లో పడేయండి. అక్కడ కరోనా పేషెంట్ కి ట్రీట్మెంట్ ఇచ్చే డాక్టర్లకి సేవ చేయించండి అని.. రాజస్థాన్ పోలీసులు ఇప్పుడు అదే ఫాలో అవుతున్నారు. మన దగ్గర కూడా ఇదే అమలు చేస్తే బాగుంటుంది అని జనాలు  కోరుకుంటున్నారు.

బయటికి వస్తే పోలీసులు వాతలు తేలేటట్టు కొడుతున్నారని వాపోతున్నారు చాలామంది. మరి బయటికి ఎందుకొస్తున్నట్టు అంటే సమాధానం ఉండదు. బిస్కట్లు కొనుక్కోవడానికి ఒకడు, పిల్లలు పాలకూర అడిగాడని ఒకడు, జనాలు లాక్ డౌన్ ఫాలో అవుతున్నారా లేదా చూడ్డానికి వచ్చానని మరొకడు. అసలు మనోళ్లు ఎంత బుద్ది లేనోళ్లో ఈ సిల్లీ రీజన్స్ చూస్తే అర్దం అయిపోతుంది.

ఇప్పటికి దేశంలో కరోనా కేసుల సంఖ్య 900 దాటింది. మొన్నొక రోజే మన రాష్ట్రంలో పదిహేను కేసులు నమోదయ్యాయి. ప్రభుత్వాలు ఎక్కడిక్కడ కట్టుదిట్టమైన చర్యలు తీసుకుంటున్నాయి. అత్యవసరం అయితే తప్ప బయటికి రాకండి అని సాక్షాత్తూ ముఖ్యమంత్రే మన బాగు కోరి చేతులెత్తి మొక్కి మరీ చెప్తున్నడు. అలాంటప్పుడు మనమెంత జాగ్రత్తగా ఉండాలి .

నీ కోసం, నీ వాళ్ల కోసం, నీ దేశం కోసం ఒక పాతిక రోజులు బయటికి రాకుండా ఉండండి అంటే ఉండలేకపోతున్నారు . ఆదివారం వస్తే మటన్ షాపుల ముందు జనం గుమిగూడడం, ఇళ్లల్లోనే ఉండడంటే రోడ్ల మీదే పిల్లల ఆటలు , పెద్దల బాతకానిలు . సోషల్ డిస్టెన్సింగ్ పాటించండి అంటే ఆ మనకేమైతదిలే అని నిర్లక్ష్యం . వెరసి వీళ్ల బాద్యతారాహిత్యంతో మిగతావారందరిని కూడా ప్రమాదంలో పడేసేలా ఉన్నారు.

ఇప్పుడు కొంతమందిని కంట్రోల్ చేయకపోతే భవిష్యత్ లో కరోనా బారిన పడే లక్షలాదిమందిని కాపాడడం కష్టం, అందుకే పోలీసులు కఠినంగా వ్యవహరిస్తున్నారు. దాంతో పోలీసుల పట్ల వ్యతిరేకత వస్తుంది. ఇలా కాదని రాజస్థాన్ పోలీసులు ఒక నిర్ణయానికి వచ్చారు. జున్‌జున్‌ ప్రాంతంలో ‘ఏ పనీలేకుండా రోడ్లపైకి వచ్చేవారిని అరెస్టు చేయడం, లాఠీలతో కొట్టకూడదని డిసైడ్ అయ్యారు .మాకెందుకు ఆ బ్యాడ్ నేమ్ అని జేజేటీ వర్సిటీ, సింఘానియా వర్సిటీల్లో ఏర్పాటు చేసిన క్వారంటైన్‌ కేంద్రాల్లో రోగులకు సేవలు చేసేందుకు పంపిస్తున్నారు.

ఎలాగూ హాస్పిటల్స్, క్వారంటైన్ కేంద్రాల్లో సిబ్బంది కొరత ఉందని తెలిసిన విషమే . కాబట్టి లాక్ డౌన్ ఉల్లంఘిస్తే అక్కడకు పంపించి సేవ చేయిస్తున్నారు. రోడ్లపై చిల్లరగా తిరిగే వారిని గుర్తించి మాకు ఫొటోలు పంపితే, అధికారులు వారిని గుర్తించి క్వారంటైన్‌లలో సేవలకు పంపిస్తామని అధికారులు చెబుతున్నారు. దీంతో మన దగ్గర కూడా ఇదే అమలు చేస్తే బాగుంటుందని లాక్ డౌన్ ని స్ట్రిక్ట్ గా ఫాలో అయ్యేవారు అభిప్రాయపడ్తున్నారు.. తెలుగు రాష్ట్రాల పోలీసులు కొంచెం ఆలోచించండి..  ఇదేదో బాగున్నట్టుంది.

సింగర్ కనికా కపూర్ ఆరోగ్య పరిస్థితి విషమంగా మారిందే వార్తలు వస్తున్నాయి . ఇప్పటికే గత పదిహేను రోజులుగా డాక్టర్ల పర్యవేక్షణలో ఉన్న కనికకి వరుసగా నాలుగోసారి చేసిన పరీక్షల్లో కూడా పాజిటివ్ వచ్చింది. దాంతో కనికా ట్రీట్మెంట్ కి రెస్పాండ్ కాలేకపోతోందా లేదంటే ట్రీట్మెంట్ మరింత మెరుగు పర్చాల్సి అవసరం ఉందా అనేది తెలియాల్సి ఉంది. కనికా ఆరోగ్యం పట్ల కుటుంబ సభ్యులు ఆందోళన చెందుతున్న ఈ నేపద్యంలో ఇన్స్టాలో కనిక పెట్టిన ఒక పోస్టు ఆసక్తికరంగా మారింది .

విదేశాల నుండి వచ్చి విదిగా వైధ్యపరీక్షలకు హాజరు కావాలని చెప్తున్నప్పటికి , ఆ మాటలను పెడచెవిన పెట్టి బర్త్ డే ఫంక్షన్ కి హాజరు కావడంతో పెద్ద ఎత్తున విమర్శలు ఎదుర్కొన్న విషయం తెలిసిందే . లండన్ నుండి నేరుగా లక్నో కి చేరుకుని అక్కడ మాజీ సిఎం వసుందర రాజే కొడుకు ఇంట్లో బర్త్ డే ఫంక్షన్ కి హాజరయింది. ఆ ఫంక్షన్ కి సుమారు 400 మంది హాజరయ్యారు . తనతో పాటు ఇప్పుడు ఆ 400మందిని, వారు నేరుగా కాంటాక్ట్ అయిన మరెంతో మందిని ప్రమాదంలో నెట్టేసింది.  ఈ విషయంపై లక్నో పోలీసులు కనికాపై కేసు నమోదు చేశారు.

ఆ తర్వాత కనికని నిర్బందించి సంజయ్ గాంది పోస్టు గ్రాడ్యుయేట్ ఇన్స్ట్టిట్యూట్ ఆఫ్ మెడికల్ సైన్సెస్ హాస్పిటల్లో చికిత్స అందిస్తున్నారు. ఇప్పటికే ఐసోలేషన్ లో ఉంచి వైధ్యసేవలందిస్తున్న కొంతమందిలో నెగటివ్ వచ్చిన విషయం తెలిసిందే , కాని కనిక కపూర్ విషయంలో నాలుగోసారి కూడా పాజిటివ్ వచ్చింది. దీంతో కుటుంబ సభ్యలు ఆందోళన చెందుతున్నారు. లాక్ డౌన్ సమయంలో తనని విదేశాలకి తీస్కెళ్లి వైధ్యసదుపాయం అందించే అవకాశం కూడా లేదని వాపోతున్నారు.

ఇదిలా ఉండగా కనిక కపూర్ తన ఇన్స్టా అకౌంట్లో ఒక కోట్ పోస్టు చేస్తూ,దానికి తన వ్యాఖ్యలను జోడించింది.అవేంటంటే “లైఫ్ టీచెస్ టు మేక్ గుడ్ యూజ్ ఆఫ్ టైమ్, వైల్ టైమ్ టీచెస్ అజ్ ది వాల్యూ ఆఫ్ లైఫ్” జీవితము కాలం విలువను తెలియచెప్తుంటే,  కాలం మన జీవితం విలువని తెలియచేస్తుంది అంటూ ఎమోషనల్ పోస్టు పెట్టింది. అందరూ జాగ్రత్తగా ఉండండి,నేను బాగున్నాను, నా పిల్లల్ని , ఫ్యామిలిని మిస్ అవుతున్నాను, వాళ్లని త్వరలోనే చూడాలని కోరుకుంటున్నాను అంటూ , నేను ఐసియు లో లేను అంటూ వ్యాఖ్యానించింది.

కనికా కపూర్ చేసిన ఈ ఎమోషనల్ పోస్టుని కొద్దిసేపటి తర్వాత డిలీట్ చేసింది. అయితే తనకి జీవితం విలువ తెలిసింది, ఐసియూలో లేను అంటూ ధైర్యంగా పోస్టు చేసిన కనికా, ఫోర్త్ టైం కూడా నెగటివ్ రావడంతో ఏమైనా కృంగిపోయుంటుందా? అందుకే ఆ పోస్టు డిలీట్ చేసిందా? ఏదేమైనా  నిబంధనలు పాటించకుండా కనిక చేసిన పనికి యావత్ దేశం అంతా కోపోద్రిక్తులైనప్పటికి, తన ఫ్యామిలిని, పిల్లల్ని చూడాలనుకుంటున్నా అని కనిక చేసిన పోస్టు కి ఎమోషనల్ అయ్యారు . తన ఆరోగ్యం మెరుగు పడుతుందో లేదో అనేది ఇంకా తెలియాల్సి ఉంది.

రోమ్ నగరం తగలడుతుంటే ఫిడేల్ వాయించాడట నీరో చక్రవర్తి . ఆ విషయాన్ని పేపర్లలో చదవడం తప్ప ప్రత్యక్షంగా చూడని వారికి ఆ లోటు తీర్చేస్తున్నారు టిక్ టాక్ ప్రేమికులు . ప్రపంచం మొత్తం కరోనా కలవరంతో కొట్టుమిట్టాడుతుంటే ఈ టిక్ టాక్ చేసుకునే వాళ్లకి మాత్రం అవేం పట్టట్లేదు. నేరుగా రోడ్ల మీదకి వచ్చి టిక్ టాక్లు చేస్తున్నారు.

లాక్ డౌన్ అనేది అసలు ఎందుకు పెట్టారు  , మన కోసం ఎవరు, ఎలా శ్రమిస్తున్నరు ఇవేవీ వీళ్లకి తెలియదా, తెలిసినా పట్టించుకోవాల్సిన అవసరం లేదనుకుంటారా? అసలు టిక్ టాక్ పైన వచ్చినన్ని విమర్శలు ఏ సోషల్ యాప్ మీద వచ్చి ఉండవు . అయినా కూడా మమ్మల్ని కాదులే అని దులిపేసుకుని పోయే రకంలా ఉంటారు కొందరు. అచ్చం అలాగే ఇద్దరమ్మాయిలు టిక్ టాక్ చేయడానికి రోడ్డెక్కారు , మన పోలీస్ అంకుల్స్ ఊరుకుంటారా? పాపం అమ్మాయిలు అని కూడా చూడకుండా తిట్టి పంపించారు .

మరో చోట రోడ్డంతా ఖాళీగా ఉందని ఒకడు డ్యాన్స్ వేసి మరీ టిక్ టాక్ చేశాడు . పర్లేదు పోలీసులకి వీడియో చేసేప్పుడు దొరక్కపోయుండొచ్చు. సోషల్ మీడియాలో వైరలైంది కదా , ఖచ్చితంగా బడితపూజ చేసే పంపించి ఉంటారు. ఎందుకంటే లాక్ డౌన్ పాటించని వారిని, కరోనా గురించి ఫేక్ మెసేజెస్ ఫార్వర్డ్ చేసే వారిని అస్సలు ఎవరిని వదలట్లేదు పోలీసులు. అందరి లెక్క సెటిల్ చేస్తున్నారు.

కొందరి టిక్ టాక్లు చూస్తే అబ్బా వీళ్ల టాలెంట్ చూపించుకోవడానికి ఇదొక మంచి ప్లాట్ఫాం లా ఉపయోగపడుతోంది అనిపిస్తుంది, మరికొందరివి చూస్తే అసలేంట్రా వీళ్ల బాధ అనిపిస్తుంది. ఏది ఏమైనా దేనికైనా సమయం సంధర్బం అనేది ఒకటి ఏడుస్తుంది. టిక్ టాక్ అయనా, వాట్సప్ అయినా, ఫేస్ బుక్ అయినా ఏ యాప్ అయినా ఏదో కాలక్షేపానికే  .కాని ఏ విషయం అయినా హద్దు మీరితే తిప్పలు తప్పవు .

టిక్ టాక్లు చేస్తూ ప్రాణాలు కోల్పోయిన ఘటనలు కూడా ఉన్నాయి.అలాంటిది  ఇప్పుడు కరోనా  ఇంత మంది ప్రాణాలకే గండంగా ఉన్న పరిస్థితిలో కూడా అవేవి పట్టనట్టు వాళ్ల గొడవ వాళ్లదే, మీకు అంతగా టిక్ టాక్ చేయాలనిపిస్తే, టిక్ టాక్ చేయకుండా ఉండలేకపోతే కరోనా పై అవేర్నెస్ చేసే విధంగా వీడియోస్ పెట్టండి , జనాల్ని ఎడ్యుకేట్ చేయండి, సోషల్ డిస్టెన్స్ పాటించమని చెప్పండి, హ్యాండ్ వాష్ ప్రాధాన్యత వివరించండి. అంతేకాని పిచ్చి పిచ్చి టిక్ టాక్లు చేయడానికి రోడ్లెక్కకండి.

watch video:

కరోనా వైరస్ ప్రభావం ఆర్థిక వ్యవస్థపై తీవ్ర ప్రభావం చూపుతుందనే ఆందోళనతో జర్మనీలోని హెస్సే రాష్ట్ర ఆర్దికమంత్రి థామస్ షపెర్ ఆత్మహత్య చేసుకున్నారు. తీవ్ర ఒత్తిడికి లోనైన షపెర్ రైలు కింద పడి బలవన్మరణానికి పాల్పడ్డారు.  రెండు దశాబ్దాలకు పైగా రాజకీయాల్లో ఉన్న ఆయన, దాదాపు పదేళ్లు ఆర్దిక మంత్రిగా పనిచేసిన థామస్ మరణ వార్త అందరిని కలచివేస్తుంది.

పారామెడికల్ సిబ్బంది  హొచీమ్ పట్టణంలో హై స్పీడ్ రైల్వే లైన్‌ పై ఒక డెడ్ బాడీని  గుర్తించారు .వెంటనే రైల్వే ట్రాక్‌ పై  పడి ఉన్న డెడ్ బాడీ గురించి  పోలీసులకు సమాచారం అందించారు.  మృతదేహాన్ని పరిశీలించిన తర్వాత చనిపోయింది థామస్ అని గుర్తించారు.బలవనర్మరణానికి పాల్పడే ముందు థామస్ సూసైడ్ నోట్ రాసినట్లు  సమాచారం . థామస్ షపెర్ జర్మనీ ఛాన్సలర్ ఏంజెలా మెర్కెల్‌కు చెందిన క్రిస్టియన్ డెమొక్రాట్స్ (సీడీయూ) పార్టీకి చెందిన నాయకుడు.

ప్రస్తుత స్టేట్ ప్రీమియర్ వోకర్ బౌఫీయర్ కి షపెర్ వారసుడిగా భావించేవారు. ప్రీమియర్ అంటే మన దగ్గర సిఎం పదవి లాంటిది. వచ్చే ఎన్నికల్లో థామస్ ప్రీమియర్ గా ఎన్నికవుతారనే అనుకున్నారందరూ కాని ఇంతలో థామస్ ఆత్మహత్య చేసుకోవడంతో అందరూ షాక్ కి గురయ్యారు. జర్మనీ ఆర్థిక రాజధాని ఫ్రాంక్‌ ఫర్ట్ నగరం కూడా హెస్సే రాష్ట్ర పరిధిలోనే ఉంది. కోవిడ్ మహమ్మారి కారణంగా షఫెర్ తీవ్ర ఒత్తిడికి లోనయ్యారని బౌఫీయర్ తెలిపారు.

కరోనా వైరస్ వ్యాప్తి నేపధ్యంలో తరచుగా ప్రజల మద్య కనిపించిన షపెర్ సంక్షోభసమయంలో ఆర్ధిక సాయం ఎలా ఉండబోతుంది అనే సమాచారం కూడాప్రజలకు ఇచ్చారు. ఆర్థిక సాయం పట్ల ప్రజలకు ఉన్న అంచనాలను  అందుకోవడం ఎలా అనే ఆందోళనతో, తీవ్ర మనస్తాపానికి గురైన థామస్ ఆత్మహత్యకు పాల్పడ్డాడని  సమాచారం.

ఇప్పటివరకు జర్మనీలో 58 వేల మందికిపైగా కోవిడ్ బారిన పడగా 455 మంది ప్రాణాలు కోల్పోయారు . కరోనా  వైరస్ వ్యాప్తి నేపద్యంలో ప్రపంచదేశాలన్ని తీవ్రంగా భయపడుతున్నాయి. అన్ని దేశాలు లాక్ డౌన్ ఏర్పరచుకున్నాయి. ప్రపంచదేశాలన్ని ఆర్దికంగా తీవ్ర నష్టాన్ని చవిచూడనున్నాయి. ఈ సంధర్బంలో షపెర్ మరణం అందరిని భయాందోళనలకు గురిచేస్తోంది.

అనుకున్నంతా జరుగుతోంది.. కరోనా కేసులు ముదురుతుండడంతో ప్రజలు భయాందోళనలతో ఏం చేస్తారో అని భయపడినంతా జరుగుతోంది.. లాక్ డౌన్ నేపధ్యంలో ఏం చేయాలో పాలుపోక ఏం చేస్తారో అని టెన్షన్ పడినదంతా జరిగేలా ఉంది. మనుషులు ఉన్మాదుల్లా మారతారేమో అని అనుకున్నదంతా జరిగేలా ఉంది..ఈ వార్త చదివితే కరోనా కంట్రోల్ కాకపోతే మనుషుల పరిస్థితి ఏంటా అని మనకు వెన్నులో వణుకొచ్చేలా ఉంటుంది.

ప్రపంచం మొత్తం ఇప్పుడు కరోనా ఆధినంలో ఉంది.దాంతో దేశాలన్ని లాక్ డౌన్ ప్రకటించుకుని ఎటూ కదలకుండా ఉన్నాయి. అమెరికా, ఇటలీ,  ఆస్ట్రేలియా అయితే ఏకంగా ఆరునెలలు లాక్ డౌన్ ప్రకటించింది. మన దేశం కన్నా ముందే శ్రీలంక లాక్ డౌన్ ప్రకటించేసింది. శ్రీలంకలో ఎక్కువగా నివసించేది మన తమిళ్ వాళ్లే..లాక్ డౌన్ ప్రకటించడంతో అందరూ సొంత ప్రాంతానికి వచ్చేశారు. శ్రీలంక నుండి వచ్చిన వారికి కూడా పరీక్షలు నిర్వహించి సీరియస్ గా ఉన్నవాళ్లకి ఐసోలేషన్ కి, మరికొంతమందిని హోం క్వారంటైన్ కి పంపించారు అధికారులు.

గతవారం శ్రీలంక నుండి తమిళనాడులోని థేని జిల్లకు వచ్చిన ముఫ్పై నాలుగేళ్ల వ్యక్తికి కరోనా పాజిటివ్ నిర్దారణ అయింది. లక్షణాలు మైల్డ్ గా ఉండడంతో సమస్య ఏం లేదని హోం క్వారంటైన్లో ఉండమని ఆదేశించారు.మనోడు ఒకట్రెండు రోజులు బాగానే ఉన్నాడు. తర్వాత వింతవింతగా ప్రవర్తించడం స్టార్ట్ చేశాడు. ఒకరోజు అర్దరాత్రి ఒంటిపై బట్టల్లేకుండా వీధుల్లో తిరుగుతూ, ఒక ముసలమ్మ మెడ కొరకేశాడు.

వృద్దురాలి కేకలు వినపడడంతో చుట్టపక్కల వాళ్లు వచ్చి విడిపించి వాన్ని పోలీసులకి పట్టించారు. తొంభై ఏళ్ల ముసలమ్మ రక్తస్రావం ఎక్కువ జరగడంతో హాస్పిటల్ కి తీస్కెళ్లేలోపు చనిపోయింది.ఉన్మాదిలా ప్రవర్తించిన వాడికి ముందు నుండి మానసిక సమస్యలు ఉన్నాయిని చుట్టుపక్కలవారి సమాచారం. ఈ ఘటన అంతా చూస్తే ఐ యామ్ లెజెండ్ మూవీలో జాంబిస్ గుర్తొస్తున్నాయా?

ఐసోలేషన్లో ఉండడం అంటే మామూలు విషయం కాదు.. ఒక్కరే ఒంటరిగా గడపాలి..అది నరకంలా ఉంటుంది. ఇక కరోనా లక్షణాలు ముదిరితే ఆ ఇబ్బంది మామూలుగా ఉండదు. సోషల్ డిస్టెన్సింగ్ ద్వారానే మనం కరోనాని జయించగలం. నిజానికి రోజు ఉరుకుల పరుగుల జీవితం గడిపిన మనిషి ఇప్పుడు ఒక్క దగ్గరే కట్టిపడేసినట్టు ఉండాలంటే ఇష్టపడడు. కాబట్టి వీలైనంతవరకు ఆరోగ్యాన్ని మెరుగుపరుచుకోవడానికి, అన్నింటికంటే ముఖ్యంగా ఈ ఒత్తిడి కాలంలో మానసికంగా ప్రశాంతంగా ఉండడానికి ప్రయత్నించండి.

కొందరికి బుద్ది ఉందో లేదో అర్దం కాదు . ముఖ్యంగా ప్రాంక్ వీడియో చేసేవాళ్లకి . చూడండి బాస్ ప్రాంక్ వీడియోస్ చేసే వాళ్లుంటే తిట్టుకోకుండా ఒక్కసారి ఆలోచించండి . మీరు చేసే ప్రాంక్ వల్ల ఎదుటోడు బాధపడ్తున్నాడా? సంతోష పడ్తున్నాడా? నిజాయితిగా చెప్పండి బ్రో . సరే మాకు చెప్పకపోయినా మీకు మీరే ఆలోచించుకోండి. ఈ చెత్త ప్రాంక్ వల్ల ఇప్పుడు ఏకంగా 26లక్షల ఫూడ్ వేస్ట్ చేయాల్సిన పరిస్తితి వచ్చింది .

నిజంగా చెప్తున్న కరోనా వచ్చి అసలు మనుషుల బుద్దేంటో తెలియచేస్తోంది అందరికి . ఒక్కక్కరిని లాగి పెట్టి కొట్టాలనిపిస్తుంది . నోర్మూసుకుని ఇంట్లో కూర్చొండి రా అంటే బోర్ కొడుతుందని గుంపులు గుంపులుగా క్రికెట్ ఆడతారు . రేపు ఉంటమో పోతమో అన్నట్టు రోడ్డెక్కి జీవితం అంతా ఈ రోజే చూసేయాలనుకుంటున్నారు కొందరు. ఒక మహాతల్లి అయితే ఏకంగా ఒక షాపింగ్ మాల్లో చేసిన నిర్వాకానికి అందరూ కరోనా భయంతో హడలి చస్తుంటే ప్రాంక్ చేసా అని సావు కబురు చల్లగా చెప్పింది .

అక్కడా ఇక్కడా ఆ దేశం.. ఈ దేశం అని తేడా లేకుండా కరోనా తన ప్రభావాన్ని ప్రతి చోట చూపిస్తుంటే, అన్ని దేశాలు లాక్ డౌన్ ప్రకటించుకున్నాయి . మనిషి బతకడానికి ఆహారం చాలా ముఖ్యం కాబట్టి నిత్యావసర వస్తువుల మార్కెట్లను మాత్రమే తెరిచి ఉంచుతున్నారు. పెన్సిల్వేనియాలో హాన్వావర్ టౌన్ షిప్లో గెర్రీటి సూపర్ మార్కెట్లో సరుకుల కోసం వచ్చిన ఒక మహిళ దగ్గింది .కరోనా భయంతో దగ్గినా,తుమ్మినా జనం భయపడుతున్నారు కదా ఆ అమ్మాయి దగ్గగానే అక్కడ  ఉన్నవాళ్లంతా భయంతో హడలి చచ్చారు . షాప్ మేనేజ్మెంట్ కూడా అలర్ట్ అయింది.

కాని ప్రాంక్ చేయడం కోసం అలా దగ్గానని చెప్పింది . అక్కడ ఉన్నవాళ్లతో పాటు సిబ్బందికి కోపం వచ్చింది. ఆమెను వెంటనే సూపర్ మార్కెట్ నుంచి బయటకు పంపేశారు. అయితే ఏ దగ్గు వెనుక ఏ వైరసుందో అని భయపడిన షాపు యాజమాన్యం తమ కొచ్చే లాభాలకంటే జనాల ఆరోగ్యాలు ముఖ్యం అనుకుంది . ఆ అమ్మాయి ముట్టుకున్న ఫూడ్ ని, ఆమె దగ్గిన చోట ఉన్న ఫూడ్ ని అన్నింటిని పారేయాలని నిర్ణయం తీసుకుంది.

మొత్తంగా 26లక్షలు విలువ చేసే ఆహారాన్ని పారేసింది. లాభాల కోసం ఆలోచించకుండా ప్రజల ఆరోగ్యం కోసం షాపు యాజమాన్యం  తీసుకున్న నిర్ణయం అద్భుతమని కొనియాడుతున్నారు నెటిజన్లు. ఇప్పడు చెప్పండి ఇలాంటి వాళ్లని ఏం చేయాలి నేనైతే కరోనా పేషెంట్స్ ఉన్న క్వారంటైన్ వార్డ్  కి పంపించి అక్కడ వారికి సేవలు చేయాలి అంటాను . అదే సరైన పనిష్మెంట్.

ఫ్రాంక్స్ వల్ల ఎంత పెద్ద నష్టాలు జరుగుతాయి అనేదానికి ఇది ప్రత్యక్ష ఉదాహరణ . అసలు వ్యక్తిగతంగా ఎంత నష్టపోతారనేది తెలియాలంటే ఒకసారి అమలాపాల్ నటించిన “ఆమె” సినిమా చూడండి.