Anudeep

తెలుగు సినీ ప్రేక్షకులకు నటుడు రాజ్ కుమార్ గురించి ప్రత్యేకంగా పరిచయం అక్కర్లేదు. దాదాపు 30 ఏళ్లుగా ఇండస్ట్రీలో అన్నారాయన. ఎన్నో సినిమాలలో సీరియల్స్ లో నటించి నటుడుగా తనకంటూ ప్రత్యేకమైన గుర్తింపుని ఏర్పరచుకున్నారు రాజ్ కుమార్. అయితే ఆయనకు మరో పేరు కూడా అదే ‘జూనియర్ చిరంజీవి’.

అప్పట్లో ఆయన చూసేందుకు మెగాస్టార్ చిరంజీవి లా ఉండటం తో ఆయనకు ఆ పేరు స్థిరపడిపోయింది. కెరియర్ మొదట్లో వరుసగా వెండితెరపై అవకాశాలను అందుకున్నారు రాజ్ కుమార్. ‘అమ్మ రాజీనామా’ సినిమాతో రాజ్ కుమార్‌ని హీరోగా పరిచయం చేశారు దాసరి. ‘నాగబాల, సంసారాల మెకానిక్’, కాలేజీ బుల్లోడు’ ఇలా.. వరుసగా పది సినిమాలు చేసి బిజీ యాక్టర్ అయ్యారు.

కెరీర్ పీక్స్ లో ఉన్న సమయం లో క్రమంగా అక్కడ అవకాశాలు తగ్గడం తో బుల్లితెరపై మెరిశారు. ఇక తాజాగా ఒక ఇంటర్వ్యూ లో పాల్గొన్న ఆయన పలు ఆసక్తికర విషయాలను వెల్లడించారు. ” నా కెరీర్ మంచి స్వింగ్ లో ఉన్న సమయం లో నేను చిరంజీవిలా ఉన్నానంటూ కామెంట్స్ రావడం మొదలైంది. ఇక నేను ఏం చేసినా చిరంజీవిలాగే కనిపిస్తుంది. మాట్లాడటానికి బాగుంటుంది కానీ.. కెరియర్ పరంగా కలిసిరాలేదు.

నేను శ్రీకాంత్, విక్రమ్, అజిత్, ఆనంద్ ఇలా ఏడెనిమిది మంది హీరోలంతా ఒకటే టైంలో వచ్చాం. అందరి కంటే నేను ముందు నా కెరియర్ స్టార్ట్ అయ్యింది. హిట్స్ కూడా వచ్చాయి. కానీ నాకు బ్రేక్ పడిపోయింది. వాళ్లు నన్ను దాటి వెళ్లిపోయారు. చిరంజీవి గారిలా కనిపించకూడదు అని ఎన్నో ప్రయత్నాలు చేశా కానీ ఫలించలేదు. అందుకే తెలుగు ఇండస్ట్రీ వదిలి కర్ణాటక వెళ్లిపోయా. కానీ అక్కడా అదృష్టం కలిసి రాలేదు. కానీ చిరంజీవి గారు వ్యక్తిగతం గా నన్ను ప్రోత్సహించేవారు. ఇక ప్రస్తుతం సీరియల్స్ తో బిజీ గా ఉన్నా..”. అని రాజ్ కుమార్ వెల్లడించారు.

తెలుగు, తమిళ, కన్నడ భాషల్లో మొత్తం గా 74 సినిమాలు చేసారు రాజ్ కుమార్. అందులో చాలా వరకు హీరోగానే చేసారు. ఇక ముప్పై ఏళ్లుగా ఇండస్ట్రీ లో ఉన్నా.. తొలిసారి ఆయన ఒక ఇంటర్వ్యూ లో పాల్గొన్నారు. ఇందులో తన జీవితానికి సంబంధించిన ఎన్నో విషయాల గురించి చెప్తూ ఎమోషనల్ అయ్యారు రాజ్ కుమార్.

అభిమానులను అలరించడానికి మన హీరోలు ఎప్పుడూ కొత్తదనం కోసం ప్రయత్నిస్తుంటారు. విభిన్న తరహా పాత్రల ద్వారా మెప్పించడానికి చూస్తారు. అలాంటి పాత్రల్లో లేడీ గెటప్ ఒకటి. దీన్ని చేయడానికి చాలా ధైర్యం కావాలని చెబుతారు. గెటప్ వేయడంతోనే సరిపోదు. అమ్మాయిల్లా హావభావాలు, హొయలొలికించడం కష్టతరమైన పని.

ఇప్పుడు ఇలా లేడీ గెటప్స్ వేసి ప్రేక్షకులని అలరించిన హీరోలెవరో ఇప్పుడు చూద్దాం..

#1 సీనియర్ నరేష్

జంధ్యాల దర్శకత్వంలో వచ్చిన ‘చిత్రం బళారే విచిత్రం’ సినిమాలో నరేష్‌ లేడీ గెటప్‌లో నిజంగా అమ్మాయి అనే ఫీలింగ్‌ కల్గించాడు. ఈ మూవీ లో నరేష్‌, సుధాకర్ భార్యాభర్తల అవతారమెత్తుతారు.

#2 రాజేంద్రప్రసాద్‌

రాజేంద్రప్రసాద్‌ లేడీ గెటప్‌‌తో అలరించిన సూపర్‌హిట్‌ సినిమా ‘మేడమ్‌’. దీని దర్శకుడు సింగీతం శ్రీనివాసరావు. ఈ చిత్రంలో మేడమ్‌ క్యారెక్టర్‌లో రాజేంద్రప్రసాద్‌ జీవించాడు.

#3 హరీష్‌

జంధ్యాల దర్శకత్వంలో తెరకెక్కిన మరో చిత్రం ‘ఓహో నా పెళ్ళంట’. ఈ మూవీ లో హరీష్ లేడీ గెటప్ వేసి అలరించారు.

#4 చిరంజీవి

‘చంటబ్బాయ్‌’ మూవీ లో చిరంజీవి అట్లాంటి ఇట్లాంటి హీరోను కాను నేను..’ అనే పాటలో లేడీ గెటప్‌లో కనిపించి అలరించాడు. అలాగే ‘పట్నం వచ్చిన పతివ్రతలు’ చిత్రంలోనూ మన మెగాస్టార్ లేడీ గెటప్‌తో కాసేపు కనిపిస్తాడు.

#5 కమల్‌హాసన్

కమల్‌హాసన్ కూడా పూర్తి స్థాయి లేడీ పాత్రతో మెప్పించాడు. ఆయన భామగా నటించిన ‘భామనే సత్యభామనే’ సినిమా ఘన విజయం సాధించింది. ‘దశావతారం’ సినిమాలోనూ కమల్ పండు ముసలి వేషం వేసి మెప్పించాడు.

#6 అల్లు అర్జున్‌

రాఘవేంద్రరావు దర్శకత్వం వహించిన ‘గంగోత్రి’ మూవీ లో ‘మామయ్యది మొగల్తూరు..’ అనే పాటలో అల్లు అర్జున్‌ పరికిణి వేసుకుని డాన్స్‌ చేశాడు.

#7 సుమంత్‌

‘ఏమో గుర్రం ఎగరావచ్చు’ సినిమాలో సుమంత్‌ లేడీ గెటప్‌తో అలరించాడు.

#8 మంచు మనోజ్‌

‘పాండవులు పాండవులు తుమ్మెద’ సినిమాలో లేడీ గెటప్‌తో అదరగొట్టాడు మనోజ్.

#9 బాలకృష్ణ

కె. రాఘవేంద్రరావు దర్శకత్వం వహించిన ‘పాండు రంగడు’ చిత్రంలో బాలకృష్ణ సత్యభామ గెటప్‌ వేసి అలరించాడు.

#10 అలీ

‘టాటా బిర్లా మధ్యలో లైలా’ సినిమాలో లేడీ గెటప్‌తో నవ్వులు పూయించాడు అలీ.

#11 విక్రమ్

‘మల్లన్న’ సినిమాలో హీరో విక్రమ్ కూడా లేడీ గెటప్ వేసి అలరించాడు. అలాగే ఇంకొక్కడు మూవీ లో లేడీ గెటప్ వేసాడు విక్రమ్.

#12 వాడు వీడు

బాల దర్శకత్వం లో వచ్చిన ‘వాడు వీడు’ మూవీ లో ఒక పాటలో విశాల్ లేడీ గెటప్ వేశాడు.

#13 శివకార్తీకేయ

‘రెమో’ సినిమాలో హీరో శివకార్తీకేయ లేడీ నర్సు గెటప్‌తో అలరించాడు.

#14 అల్లరి నరేష్

‘కితకితలు’ మూవీ లో ఒక సీన్ లో అల్లరి నరేష్ లేడీ గెటప్ వేశారు.

#15 రజనీకాంత్

‘రోబో’ సినిమాలో ఓ సాంగ్ లో అమ్మాయి గెటప్‌లో కనిపించాడు సూపర్ స్టార్ రజినీకాంత్.

#16 విజయ్ సేతుపతి

‘సూపర్ డీలక్స్’ సినిమాలో విజయ్ సేతుపతి లేడీ గెటప్ లో కనిపించాడు. ఈ మూవీ లో ఆయన గే రోల్ ప్లే చేసారు.

#17 ఉదయ్ కిరణ్

‘జోడి నెం.1 ‘ అనే చిత్రం కోసం ఉదయ్‌కిరణ్‌ లేడీ గెటప్‌ వేశాడు. కానీ ఇది అనివార్య కారణాల వల్ల ఈ చిత్రం ఆగిపోయింది.

#18 వెంకటేష్

‘బాడీగాడ్‌’ చిత్రంలో హాస్టల్‌కు వెళ్లే సన్నివేశంలో లేడీ గెటప్‌లో కనిపిస్తాడు. అలాగే ‘వాసు’ చిత్రంలోని ఒక పాటలోనూ ఆడపిల్లలా తయారై కనిపిస్తాడు.

మెగా ఫ్యామిలీ నుంచి హీరోగా అరంగేట్రం చేసి తన నటనతో ప్రత్యేక గుర్తింపు తెచ్చుకున్నారు సాయి ధరమ్ తేజ్. అతి తక్కువ సమయంలోనే ఎన్నో హిట్ చిత్రాల్లో నటించి మెప్పించారు.. గతేడాది బైక్ యాక్సిడెంట్ జరిగి సినిమాలకు దూరంగా ఉంటున్న సంగతి తెలిసిందే. కొన్నాళ్లపాటు విశ్రాంతి తీసుకున్న మేగా మేనల్లుడు ఇప్పుడు పూర్తిగా కోలుకుని కెమెరా ముందుకు వస్తున్నాడు.

ఇక ప్రస్తుతం తాజా చిత్రం విరూపాక్ష తో మన ముందుకు రాబోతున్నాడు. . ఈ సినిమా ప్రమోషన్స్‌లో పాల్గొన్న తేజ్ తన ఆక్సిడెంట్ కి సంబంధించిన వివరాలు, తనని కాపాడిన వ్యక్తి గురించి పలు విషయాలను వెల్లడించారు. గతేడాది సెప్టెంబరు 10న దుర్గంచెరువు వద్ద బైకు మీద ప్రయాణిస్తూ.. రోడ్డు ప్రమాదానికి గురయ్యాడు సాయి ధరమ్ తేజ్. చాలా రోజులు ఆస్పత్రిలో అపస్మారక స్థితిలోనే ఉన్నాడు తేజ్. చాలా రోజుల తర్వాత క్షేమంగా ఇంటికి వచ్చాడు తేజ్.

ఒక రకం గా చెప్పాలంటే హెల్మెట్ ఒకటే అతడి ప్రాణాలను నిలిపింది. అయితే ప్రమాదం ఎఫెక్ట్ మాత్రం తేజ్‌పై చాలా రోజుల పాటు ఉంది. మాటలు మాట్లేందుకు కొన్ని రోజుల పాటు ఇబ్బంది పడ్డాడు. కానీ ఇప్పుడు ఆల్ సెట్. మళ్లీ సినిమాలు మొదలెట్టేశాడు. వరుస ప్రాజెక్టులతో బిజీ గా మారాడు సాయి ధరమ్ తేజ్.

ఇక తాజాగా యాక్సిడెంట్ జరిగిన రోజు తనను కాపాడిన వ్యక్తి గురించి కొన్ని వివరాలు చెప్పాడు సాయి ధరమ్ తేజ్. యాక్సిడెంట్ జరిగిన రోజు సాయి ధరమ్ తేజ్‌ ని గోల్డెన్ అవర్‌లో ఆస్పత్రికి తీసుకెళ్లేలా చేసిన వ్యక్తి పేరు సయ్యద్ అబ్ధుల్. కోలుకున్నాక అతడిని కలిసినట్లు సాయి తేజ్ చెప్పాడు. సాయిధరమ్ తేజ్ మాట్లాడుతూ..”డబ్బు ఇచ్చి.. ప్రాణం నిలిపిన అతడికి థ్యాంక్స్ చెప్పి పంపలేను. అందుకే నా నంబర్ ఇచ్చి.. ఎప్పుడు ఏ సాయం కావాలన్నా సంకోచించకుండా ఫోన్ చేయమని చెప్పాను. మానవత్వానికి డబ్బుతో ముడి కట్టలేను. అతడికి సాయం కావాలంటే మాత్రం ఎక్కడివరకు అయినా వెళ్తాను.” అని తేజ్ వెల్లడించారు.

ఇక ఈ ఇంటర్వ్యూ లో సాయి తేజ్ మాట్లాడుతూ.. ఆక్సిడెంట్ జరిగిన రోజు తాను మద్యం సేవించలేదని, తనకు ఆ అలవాటు లేదని సాయిధరమ్ తేజ్ వెల్లడించారు. ఆ రోజు జరిగిన ఘటన పై ఎన్నో అవాస్తవాలు ప్రచారం అయ్యాయని ఆయన తెలిపారు.

టాలీవుడ్ స్టార్ హీరోయిన్ సమంత తాజాగా నటించిన చిత్రం శాకుంతలం. భారీ అంచనాల నడుమ విడుదలైన ఈ సినిమా ఊహించని విధంగా డిజాస్టర్ గా నిలిచిన విషయం తెలిసిందే. అభిమానుల అంచనాలను సినిమా అందుకోలేకపోయింది. ఇక సమంత ప్రస్తుతం తన నెక్ట్స్ ప్రాజెక్ట్‌పై ఫోకస్ చేసింది.

రాజ్ అండ్ డీకే నిర్మిస్తున్న ‘సిటాడెల్’ వెబ్ సిరీస్‌లో ఆమె వరుణ్ ధావన్‌తో కలిసి నటిస్తున్న విషయం తెలిసిందే. అలాగే ప్రియాంక చోప్రా నటించిన ఇంగ్లీష్ వెబ్ సిరీస్ సిటాడెల్ ప్రీమియర్ కి కూడా సామ్ హాజరయ్యింది. ప్రస్తుతం ఈ వెబ్ సిరీస్ కు సంబంధించిన ప్రమోషన్ కార్యక్రమాలు జోరుగా కొనసాగుతున్నాయి.

ఈ షోకు ఇండియన్ వెర్షన్ నటీటనలు, దర్శకులు సమంత, వరుణ్ ధావన్, రాజ్, డీకే హాజరయ్యారు. ప్రియాంక చోప్రాతో కలిసి సమంతా ఈ షో తిలకించారు. లండన్ లో జరిగిన ఈ ప్రీమియర్ లో సామ్ లుక్ చూసి అందరూ ఆశ్చర్య పోయారు. సమంత స్టేట్‌మెంట్ నెక్‌పీస్, బ్రాస్‌ లెట్‌ తో కూడిన బ్లాక్ కో-ఆర్డ్ సెట్‌ తో మెరిసిపోయింది.

డైమండ్ నగలు ధరించిన సమంత.. ఆ ఫోటోలను ఇంస్టాగ్రామ్ లో షేర్ చేయగా సామ్ లుక్ పై ప్రశంసలు వెల్లువెత్తుతున్నాయి. సిటాడెల్ ప్రీమియర్ షో కోసం విక్టోరియా బెక్ హమ్ బ్రాండ్ డ్రస్ ధరించారు సమంత. అయితే సమంత ధరించిన నగల గురించి, వాటి విలువ తెలుసుకున్న నెటిజన్లు షాక్ అవుతున్నారు.

ఈ ఈవెంట్ లో సమంత డైమండ్స్ తో చేసిన బల్గరి స్నేక్‌ నెక్లెస్‌, బ్రేస్‌లెట్‌ ధరించారు. సామ్ ధరించిన నెక్ పీస్ ధర రెండు కోట్ల తొంబై ఏడు వేల రూపాయలు (2 ,97 13 ,975 ) . అలాగే బ్రాస్లెట్ ధర రెండు కోట్ల అరవైఏడు వేల రూపాయలు (2 ,67 , 24 , 750 ) గా ఉంది. సింపుల్ గా ఉన్న ఈ నగల ధర 4 కోట్ల రూపాయలా అంటూ నెటిజన్లు ఆశ్చర్యం వ్యక్తం చేస్తున్నారు.

ఇక ‘సిటాడెల్’ సిరీస్ బాలీవుడ్ లోనూ తెరకెక్కుతోంది. దర్శకులు రాజ్, డీకే తెరకెక్కిస్తున్నారు. ‘ఫ్యామిలీ మ్యాన్’ సిరీస్ తో బాలీవుడ్ ప్రేక్షకులకు బాగా దగ్గరైన సమంతను ’సిటాడెల్’ ఇండియన్ వర్షన్ మెయిన్ లీడ్ గా తీసుకున్నారు. సమంత చేసే ఈ సిరీస్ పై కూడా ఇండియాలో మంచి అంచనాలు నెలకొన్నాయి. ప్రస్తుతం ఈ సిరీస్ కూడా షూటింగ్ జరపుకుంటోంది. బాలీవుడ్ హీరో వరుణ్ ధావన్ మరో కీలక పాత్రలో నటిస్తున్నారు.

మంచు మనోజ్ ప్రముఖ దివంగత రాజకీయ నాయకుడు భూమా నాగిరెడ్డి కూతురు భూమా మౌనికని ఇటీవల పెళ్లి చేసుకున్న సంగతి అందరికి తెలిసిందే. వీరిద్దరి పెళ్లి వార్త సినీ, రాజకీయ రంగంలో పెద్ద చర్చనీయాంశం అయ్యింది. అయితే తాజాగా వీరిద్దరూ టాలీవుడ్ స్టార్ కమెడియన్ వెన్నెల కిషోర్ వ్యాఖ్యాతగా మొదలైన ఒక టాక్ షో లో పాల్గొన్నారు.

ఈ షోలో పాల్గొన్న మనోజ్ అండ్ మౌనిక తమ పరిచయం మరియు బంధం గురించి ఎన్నో విషయాలను తెలిపారు. ఈ క్రమం లో అహం బ్రహ్మాస్మి మూవీ ఆగిపోవడానికి కారణం ఏంటని వెన్నెల కిషోర్ ప్రశ్నించారు. గతంలో మనోజ్ కొత్త దర్శకుడు శ్రీకాంత్ తో ‘అహం బ్రహ్మాస్మి’ మూవీ స్టార్ట్ చేసారు. అత్యంత భారీ బడ్జెట్ తో తెరకెక్కిన ఈ చిత్రం షూటింగ్ మధ్య లోనే ఆగిపోయింది.

తాజాగా ఈ సినిమా గురించి మనోజ్ మాట్లాడుతూ షాకింగ్ విషయాలను వెల్లడించారు. ” అహం బ్రహ్మాస్మి కోసం రెండేళ్ల పాటు కష్టపడ్డాం. ఈ చిత్ర ఓపెనింగ్ కి నా మిత్రుడు రాంచరణ్ వచ్చారు. అదే సమయంలో మౌనికతో నా బంధం ఏర్పడింది. ఎన్నో ఇబ్బందులు వచ్చాయి. ఆ సమయంలో నేను కెరీర్ కోసం, డబ్బు కోసం ఆశ పడి ఉంటే నేను బ్రతకడమే వేస్ట్ అనిపించింది. సినిమానా.. మౌనికా అని అనుకున్నప్పుడు నేను మౌనికని ఎంపిక చేసుకున్నా.

ఆ సమయం లో ఎన్నో ఇబ్బందులు ఎదుర్కొన్నాం. ఇక్కడ ఉంటే మాకు ఇబ్బంది అవుతుందని చెన్నై కి వెళ్లాం. ఏడాదిన్నర పాటు చెన్నైలోనే ఉన్నాం. ఈ విషయం ఎవరికీ తెలియదు. దీనితో తప్పని పరిస్థితుల్లో అహం బ్రహ్మాస్మిని వదిలేశా. దర్శకుడు శ్రీకాంత్ ని క్షమించమని కోరా. ఇప్పుడు శ్రీకాంత్ వైష్ణవ్ తేజ్ తో సినిమా చేయడం నాకు సంతోషం గా ఉంది.” అని మంచు మనోజ్ వెల్లడించారు.

కానీ భవిష్యత్తులో కచ్చితంగా అహం బ్రహ్మాసి చిత్రం చేస్తా అని కూడా మనోజ్ తెలిపారు. ఇటీవల వివాహం చేసుకున్న మనోజ్, మౌనిక జంట కొత్త జీవితాన్ని ప్రారంభించారు. మౌనిక, మనోజ్ జీవితంలో అనుభవించిన కష్టాలు.. వీరిద్దరి మధ్య ప్రేమ ఎలా మొదలైంది లాంటి విషయాల్ని వెన్నెల కిషోర్ ఆ టాక్ షో లో అడిగి తెలుసుకున్నారు.