Anudeep

నాచురల్ స్టార్ నాని.. ఈ పేరుని ప్రత్యేకంగా పరిచయం చెయ్యాల్సిన అవసరం లేదు. మెగా ఫోన్ పట్టుకొని కెమెరా వెనకుండి యాక్షన్ అని చెప్పాలనుకున్న నాని… కెమెరా ముందుకొచ్చి హీరో అయ్యాడు. ఇక నాని ఎదిగిన తీరు చాలా మందికి స్ఫూర్తి. ఎలాంటి సినిమా నేపథ్యంలో లేకుండా టాలెంట్, హార్డ్ వర్క్ తో పరిశ్రమలో తనకంటూ ఒక స్థానం ఏర్పరుచుకున్నారు.

అలా అష్టా చెమ్మా మూవీతో నాని హీరో అయ్యాడు. 2008లో విడుదలైన ఆ రొమాంటిక్ కామెడీ ఎంటర్టైనర్ హిట్ టాక్ తెచ్చుకుంది. స్నేహితుడు అనే మరో చిన్న సినిమాతో నాని అద్భుతం చేశాడు. అలా మొదలైంది చిత్రంతో ప్రేక్షకుల కంట్లో పడ్డాడు. నానికి ఫేమ్ తెచ్చిన మొదటి సినిమా అలా మొదలైంది. నాని నటుడిగా 15 ఏళ్ల ప్రస్థానం పూర్తి చేసుకున్నాడు. తన సహజమైన నటన, డైలాగ్ డెలివరీ, బాడీ లాంగ్వేజ్ నాని ప్రధాన బలాలు.

అయితే శ్యామ్ సింగరాయ్, అంటే సుందరానికి లాంటి బ్యాక్ టు బ్యాక్ సినిమాలతో హిట్ టాక్ ను తన ఖాతాలో వేసుకుని ప్రస్తుతం మంచి జోష్ మీద వరుస సినిమా అవకాశాలతో దూసుకుపోతున్నారు నాని. తన కెరీర్ మొత్తం లో నాని స్టార్ డైరెక్టర్స్ తో కంటే కొత్త దర్శకులతోనే ఎక్కువ సినిమాలు చేసారు. స్టార్డం వచ్చాక కూడా కొత్త టాలెంట్ ని ఎంకరేజ్ చేస్తున్నారు నాని. ఇప్పుడు నాని ఇండస్ట్రీ కి పరిచయం చేసిన డైరెక్టర్స్ ఎవరో చూద్దాం..

#1 శ్రీకాంత్ ఓదెల

నాచురల్ స్టార్ నాని హీరోగా, కీర్తి సురేష్ హీరోయిన్‌గా న‌టిస్తున్న చిత్రం ‘దసరా’. ఈ సినిమాతో శ్రీకాంత్ ఓదెల దర్శకుడిగా పరిచయం అవుతున్నాడు.

#2 నాగ్ అశ్విన్

నాని, విజయ్ దేవరకొండ ప్రధాన పాత్రల్లో నటించిన ‘ఎవడే సుబ్రహ్మణ్యం’ చిత్రం తో నాగ్ అశ్విన్ ఇండస్ట్రీ కి పరిచయం అయ్యారు.

#3 అంజనా అలీ ఖాన్

నిత్య మీనన్, నాని ప్రధాన పాత్రల్లో వచ్చిన తమిళ చిత్రం వెప్పం. దీన్ని తెలుగులో ‘సెగ’ అనే పేరుతో రిలీజ్ చేసారు. ఈ చిత్ర దర్శకురాలు అంజనా అలీ ఖాన్ కి ఇది మొదటి చిత్రం.

#4 నందిని రెడ్డి

నాని కి కమర్షియల్ హీరో గా పేరు తెచ్చిన చిత్రం అలా మొదలైంది. నందిని ఎడ్డీ ఈ చిత్రం తో దర్శకురాలిగా పరిచయం అయ్యారు.

#5 తాతినేని సత్య

భీమిలి కబడ్డీ జట్టు చిత్రం తో తాతినేని సత్య దర్శకుడిగా పరిచయం అయ్యారు.

#6 శివ నిర్వాణ

నాని, నివేదా థామస్, ఆది పినిశెట్టి ప్రధాన పాత్రల్లో వచ్చిన చిత్రం నిన్ను కోరి. ఈ చిత్రం తో శివ నిర్వాణ దర్శకుడిగా పరిచయం అయ్యారు.

#7 శౌర్యువ్

నాని తన తర్వాతి చిత్రం ప్రకటించారు. ఆ చిత్రాన్ని తో కూడా కొత్త డైరెక్టర్ ని లాంచ్ చేస్తున్నాడు నాని.

#8 గోకుల్ కృష్ణ

నాని, వాణి కపూర్ ప్రధాన పాత్రల్లో వచ్చిన చిత్రం ఆహా కళ్యాణం. ఈ చిత్రం తో గోకుల్ కృష్ణ దర్శకుడిగా పరిచయం అయ్యారు.

#9 ప్రశాంత్ వర్మ

అ! చిత్రం తో దర్శకుడిగా పరిచయం అయ్యారు ప్రశాంత్ వర్మ. ఈ చిత్రానికి నాని నిర్మాత.

#10 శైలేష్ కొలను

హిట్ ఫ్రాంచైజ్ తో గుర్తింపు పొందారు శైలేష్ కొలను. ఈ చిత్రాలకు నాని నిర్మాత గా వ్యవహరించారు.

80 లో పాపులరైన హీరోలలో సుమన్ ఒకరు. సుమన్ పూర్తి పేరు సుమన్ తల్వార్. 1979లో ఒక తమిళ సినిమాతో తన సినీ కెరీర్ ని మొదలు పెట్టారు సుమన్. ఆ తర్వాత వరుసగా మూడు సంవత్సరాలు ఎన్నో తమిళ చిత్రాల్లో నటించారు. 1982లో ఇద్దరు కిలాడీలు చిత్రంతో తెలుగు తెరకు పరిచయమయ్యారు.

తమిళ సినిమాల్లో పాపులర్ అయిన సుమన్ తెలుగు సినిమాల్లో కూడా నటించారు. న్యాయం మీరే చెప్పాలి, దర్జా దొంగ, గర్జన, ధర్మపత్ని, పెద్దింటి అల్లుడు, పరువు ప్రతిష్ట, రెండిళ్ళ పూజారి, కొండపల్లి రాజా, బావ బావమరిది, అబ్బాయి గారి పెళ్లి ఇలా వరుసగా కొన్ని సంవత్సరాల పాటు ఎన్నో తెలుగు సినిమాల్లో నటించారు.

1997లో వచ్చిన అన్నమయ్య సినిమాలో వెంకటేశ్వర స్వామి గా నటించారు సుమన్. ఈ సినిమా సుమన్ ఎలాంటి పాత్రలో అయినా నటించగలరు అని నిరూపించింది. అప్పటి నుండి సుమన్ మెయిన్ లీడ్ గానే కాకుండా ముఖ్య పాత్రల్లో కూడా నటించడం మొదలు పెట్టారు. అయితే అన్నమయ్య సినిమాలో సుమన్ ను తీసుకోవడం కంటే ముందే చాలా కసరత్తులు జరిగాయట. ఆ సినిమాలో వెంకటేశ్వర స్వామి పాత్ర కోసం తొలుత శోభన్ బాబుని సంప్రదించారట. అయితే.. అప్పటికే సినిమాలకు దూరంగా ఉంటున్నా అన్న కారణంతో ఆయన ఒప్పుకోలేదట.

అయితే మరీ మరీ అడిగేసరికి ఏకంగా యాభై లక్షల రెమ్యునరేషన్ అడిగారట. అయితే.. అంత పెట్టుకోలేక శోభన్ బాబుని వద్దు అనుకున్నారట. ఆ తరువాత ఈ పాత్ర కోసం బాలయ్యని సంప్రదించారట. అయితే బాలయ్య కూడా ఒప్పుకోలేదట. అయితే ప్రేక్షకుల నుంచి రిసీవింగ్ ఎలా ఉంటుందో అన్న అనుమానంతో బాలయ్య విషయంలో కూడా వెనక్కి తగ్గారట. ఆ టైం లో సుమన్ లీడ్ రోల్స్ పోషిస్తూ పాపులర్ అయ్యి ఉండడంతో ఆ పాత్ర కోసం సుమన్ ను తీసుకోవాలని దర్శకేంద్రుడు రాఘవేంద్ర రావు భావించారట. అందుకోసం సుమన్ కు గెటప్ వేసి ఫోటో షూట్ కూడా చేశారట. అయితే ఈ సుమన్ బాగా సెట్ అవ్వడంతో ఆయనను సెలెక్ట్ చేసేసుకున్నారు.

బాలనటిగా ఇండస్ట్రీలోకి అడుగుపెట్టిన శ్రీదేవి స్టార్ హీరోయిన్ గా మంచి గుర్తింపు సంపాదించుకున్నారు. కేవలం తెలుగు చిత్రాల్లో మాత్రమే కాకుండా తమిళ, హిందీ భాషల్లో కూడా ఎన్నో చిత్రాల్లో నటించి ప్రేక్షకులకి దగ్గరయ్యారు శ్రీదేవి.

చిరంజీవితో పాటు తెలుగు చిత్రాల్లో నటించి తిరుగులేని క్రేజ్ పొందారు శ్రీదేవి. పైగా శ్రీదేవి తో సినిమా తీయాలని దర్శక నిర్మాతలు కూడా ఎదురుచూసేవారు. కానీ ఓ నిర్మాత మాత్రం శ్రీదేవిని షూటింగ్ టైం లోనే చెడామడా తిట్టేశారట.

ప్రస్తుత కాలంలో కిస్సింగ్ సీన్లు, రొమాంటిక్ సీన్లు లేకుండా సినిమాలు రావడం లేదనే చెప్పాలి. గతంలో కూడా ఇలాంటివి ఉండేవి. హీరోయిన్లు ఒప్పుకుంటే.. రొమాంటిక్ సన్నివేశాలు పెట్టడానికే ట్రై చేసేవారు. కానీ నిర్మాత కాట్రగడ్డ మురారి మాత్రం తన సినిమాల్లో ఒక్క బూతు సన్నివేశం కూడా లేకుండా చూసుకునేవారట. దర్శకుడు అవ్వాలని వచ్చిన మురారి కొంతకాలం అసిస్టెంట్ డైరెక్టర్ గా పేరు తెచ్చుకున్నారు. ఆ తరువాత నిర్మాతగా మంచి పేరు ప్రఖ్యాతలు సంపాదించుకున్నారు.

అప్పట్లో మురారి నిర్మాణం వహించిన సినిమా అంటే కచ్చితంగా అది ఫ్యామిలీ ఎంటర్టైనర్ అయ్యుంటుంది అని నమ్మేవారు. అయితే.. రాఘవేంద్ర రావు దర్శకత్వం వహిస్తున్న ఓ సినిమాలో కృష్ణం రాజు, శ్రీదేవి హీరోహీరోయిన్లుగా నటిస్తున్నారట. ఆ సినిమాకి మురారి నిర్మాణ బాధ్యతలు చేపట్టారు. అయితే, ఈ సినిమాలో ఓ సన్నివేశం ఉంది. శ్రీదేవి పైట కొంగుని తొలగించి కృష్ణం రాజుని హగ్ చేసుకుని ముద్దు పెట్టాల్సి ఉంటుంది. ఆ సీన్ షూటింగ్ జరుగుతున్న టైంలోనే వచ్చిన మురారి.. ఆ సీన్ ని చూసి నా సినిమాలో ఇలా చేస్తావా అంటూ శ్రీదేవిని తిట్టేశారట. డైరెక్టర్ చెప్పినట్లే చేశాను అని చెప్పడంతో.. ఇంకెక్కడైనా చేసుకో.. నా సినిమాలో కాదు అని మందలించారట.

‘ఉప్పెన’ సినిమాతో ఒక్కసారిగా స్టార్‌ హీరోయిన్ అయ్యింది తుళు అందం కృతి శెట్టి. ఆ తర్వాత వరుసగా సినిమాల్లో నటిస్తూ సూపర్ బిజీగా మారింది. అయితే హ్యాట్రిక్ విజయాలతో జోరు మీద ఉన్న ఆమెకు తర్వాత రోజుల్లో హ్యాట్రిక్ ఫ్లాపులు షాకిచ్చాయి. ది వారియర్, మాచర్ల నియోజక వర్గం, ఆ అమ్మాయి గురించి మీకు చెప్పాలి వంటి సినిమాలు విడుదలై పెద్దగా ఆకట్టుకోలేకపోయాయి. అయితే వరుసగా ఫ్లాప్స్ పడడంతో ఇక ఈ భామకు రెమ్యూనరేషన్ తగ్గించారట నిర్మాతలు.

ఉప్పెన సినిమాకు రూ.6 లక్షలు పారితోషికం అందుకున్న ఈ బ్యూటీ రెండో సినిమాకి రూ.60 లక్షలు డిమాండ్ చేసింది. అటు తర్వాత శ్యామ్ సింగ రాయ్, బంగార్రాజు హిట్ అవ్వడంతో కృతి శెట్టి కోటి రూపాయల వరకు డిమాండ్ చేసిందిట. నిర్మాతలు కూడా ఓకే అనడంతో కోటీ రూపాయల హీరోయిన్ అయిపోయింది. ఆ తర్వాత మాచర్ల నియోజకవర్గం, ది వారియర్ చిత్రాలకు ఆమె కోటి రూపాయలు రెమ్యూనరేషన్ అందుకుందట. కానీ ఇప్పుడు సినిమాలన్ని బాక్సాఫీస్ దగ్గర ప్లాప్ కావడం తో రెమ్యూనరేషన్ తగ్గించినట్లు సమాచారం.

రెమ్యూనరేషన్ తగ్గించాలని నిర్మాతలు కోరడం తో ఈ భామ కూడా తగ్గించేసిందని తెలుస్తోంది. అయితే మరో సినిమా హిట్ అయితే మళ్లీ కోటి రూపాయలు అందుకునే అవకాశం కూడా ఉందని.. ఇక ఈసారైన ఆమెకు హిట్ పడాలనీ కోరుకుంటున్నారు ఆమె ఫ్యాన్స్. ప్రస్తుతం కృతి.. శర్వానంద్‌తో ఓ సినిమా చేస్తోంది. పీపుల్ మీడియా ఫ్యాక్టరీ నిర్మిస్తున్న ఈ చిత్రానికి శ్రీరామ్ ఆదిత్య దర్శకత్వం వహిస్తున్నారు. నాగ చైతన్యకు జోడీగా కస్టడీ సినిమాలో కృతిశెట్టి నటిస్తుండగా ఈ రెండు చిత్రాల ఫలితంతో ఆమెకు తెలుగులో ఆఫర్లు వస్తాయో లేదో డిసైడ్ కానుంది.

ఇంకో సినిమా కనుక ప్లాప్ అయితే ఆమె కెరీర్ డేంజర్‌లో పడే అవకాశం ఉందని అంటున్నారు సినీ విశ్లేషకులు. ఇక వరుసగా సినిమాలు ఫ్లాప్స్ అవ్వడంతో కృతి శెట్టి కొత్త సినిమాలను ఒప్పుకోవడం లేదని తెలుస్తోంది. ఉప్పెన హిట్ తర్వాత వరుసగా సినిమాలను చేసి అంతే వరుసగా ఫ్లాప్స్‌ను మూట గట్టుకుంది కృతి శెట్టి. ఈ నేపథ్యంలో ఆమె కొన్ని రోజుల వరకు కొత్త సినిమాలను ఒప్పుకోకూడదని నిర్ణయం తీసుకున్నట్లు తెలుస్తోంది. అయితే మరోవైపు కృతిశెట్టికి ఛాన్స్ ఇవ్వడానికి చాలామంది స్టార్ హీరోలు అంగీకరించడం లేదని తెలుస్తోంది. తమ పక్కన కృతిశెట్టి చిన్నపిల్లలా కనిపిస్తుందని ఆ హీరోలు చెప్పినట్టు సమాచారం.