Harika

మెగాస్టార్ చిరంజీవి కూతురు, సుస్మిత కొణిదెల నిర్మాతగా మారి నిర్మించిన వెబ్ సిరీస్ పరువు. సుస్మిత కోణిదెలతో పాటు, సుస్మిత భర్త విష్ణు ప్రసాద్ కూడా ఈ సిరీస్ కి నిర్మాతగా వ్యవహరించారు. సిద్ధార్థ్ నాయుడు, రాజశేఖర్ వడ్లపాటి ఈ సిరీస్ కి దర్శకత్వం వహించారు. జి ఫైవ్ లో స్ట్రీమ్ అవుతున్న ఈ సిరీస్ మొత్తంగా 8 ఎపిసోడ్లుగా అందుబాటులో ఉంది. ఒక్కొక్క ఎపిసోడ్ 30 నిమిషాలకు పైనే ఉంది. ఇంక ఈ సిరీస్ కథ విషయానికి వస్తే, పల్లవి అలియాస్ డాలి (నివేతా పేతురాజ్) పెద్దలని ఎదిరించి, తాను ప్రేమించిన సుధీర్ (నరేష్ అగస్త్య) ని పెళ్లి చేసుకుంటుంది.

దాంతో పల్లవిని తన ఇంట్లో వాళ్ళందరూ కూడా దూరంగా పెడతారు. పల్లవి పెద్దనాన్న చనిపోయారు అని తెలిసి ఆయనని చూడడానికి సొంత ఊరికి వెళ్తున్న సమయంలో, పల్లవి బావ చందు (సునీల్ కొమ్మిశెట్టి) పల్లవిని, సుధీర్ ని పికప్ చేసుకొని వాళ్ళ ఇంటికి తీసుకెళ్తూ ఉంటాడు. ఆ తర్వాత సుధీర్ కి, చందుకి గొడవ అవ్వడంతో ఈ గొడవలో చందు చనిపోతాడు. అప్పుడు వీళ్ళు ఏం చేశారు? చందు ప్రేయసి స్వాతి (ప్రణీత పట్నాయక్) ఈ విషయం తెలుసుకుందా? ఎమ్మెల్యే రామయ్య (నాగబాబు) ఎలాంటి చర్య తీసుకున్నాడు? వీళ్ళందరూ ఎదుర్కొన్న సంఘటనలు ఏంటి?

ఇవన్నీ తెలియాలి అంటే మీరు సిరీస్ చూడాల్సిందే. ఈ సిరీస్ లో ఒక సెన్సిటివ్ విషయాన్ని చూపించారు. ఇలాంటివి ఇప్పటి వరకు సిరీస్ ద్వారా చూపించలేదు. నటీనటులు అందరూ చాలా బాగా నటించారు. నిర్మాణ విలువలు బాగున్నాయి. తెలిసిన కథ. అయినా కూడా టేకింగ్ పరంగా చాలా బాగుంది. సిరీస్ చూస్తున్నంత సేపు తర్వాత ఏమవుతుంది అనే ఆసక్తి నెలకొంటుంది. క్లైమాక్స్ లో ట్విస్ట్ కూడా బాగుంది.

ఎమోషనల్ సీన్స్ ఇంకా కొంచెం బాగా రాసుకొని ఉంటే బాగుండేవి అనిపిస్తుంది. కానీ మొత్తంగా చూస్తే మాత్రం హైలైట్ అయిన విషయాలు కూడా ఈ సిరీస్ లో బాగానే ఉన్నాయి. ముఖ్యంగా ఇలాంటి స-స్పె-న్స్ సిరీస్ ఇష్టపడేవారు ఈ సిరీస్ మిస్ అవ్వకుండా చూడండి. సిరీస్ మొత్తంలో ఒకచోట కూడా బోర్ కొట్టించదు. స్క్రీన్ ప్లే బాగుంది. తెలుగులో వచ్చిన మంచి వెబ్ సిరీస్ లో పరువు కూడా ఒకటిగా నిలుస్తుంది.

పెళ్లి చేసుకున్నప్పుడు హర్షించే సొసైటీ, ఆ జంట విడాకులు తీసుకుని విడిపోయినపుడు మాత్రం దాన్ని ఆమోదించలేదు. ముఖ్యంగా విడాకులు తీసుకున్నది ఇద్దరు అయినా, సమాజం స్త్రీని ఎక్కువగా నిందిస్తుంది, విమర్శిస్తుంది.

దీనికి సినీ సెలెబ్రెటీలు కూడా అతీతులు కారు. సెలబ్రిటీ జంటలు విడిపోయినపుడు మహిళలనే విమర్శించడం, ట్రోల్ చేయడం జరిగింది. అలా విడిపోయి, ట్రోల్ అయిన 7 గురు హీరోయిన్ల గురించి ఇప్పుడు చూద్దాం..
1. సమంత:

సమంత, నాగ చైతన్యతో విడాకులు తీసుకున్న తర్వాత సోషల్ మీడియాలో సమంత పై చాలా మంది రకరకాల కామెంట్లు చేశారు. నాగ చైతన్య నుండి భారీగా భరణం తీసుకుందని ట్రోల్ చేశారు.2. కుషా కపిల:

కుషా కపిల, జొరావర్‌ సిగ్‌ అహ్లువాలియా మూడు రోజుల క్రితం తాము విడిపోతున్నట్లుగా ప్రకటించారు. ఇది ఇద్దరు  కలిసి తీసుకున్న నిర్ణయం అయినప్పటికీ ఫ్యాన్స్ కు నచ్చలేదు. దాంతో కుషా కపిలను తీవ్రంగా విమర్శిస్తున్నారు. కొందరు నెటిజన్లు ఆమె క్యారెక్టర్‌ పై అసభ్య రీతిలో కామెంట్లు చేస్తున్నారు.
3. మలైకా అరోరా:

మలైకా అరోరా అర్బాజ్ ఖాన్‌తో విడాకులు తీసుకున్న తర్వాత, జాబ్ కోసం మాజీ భర్త ఫ్యామిలీ పేరును వాడుకున్నందుకు నెటిజెన్లు మలైకాను ట్రోల్ చేశారు. విడాకులు తరువాత భరణం విషయంలో ఆమె ట్రోలింగ్ కు గురి అయ్యింది. మలైకా, అర్జున్ కపూర్‌తో డేటింగ్ విషయంలో కూడా ఆమెను ట్రోల్ చేశారు.
4. వనితా విజయ్ కుమార్:

సీనియర్ నటుడు ‌విజయ్‌కుమార్‌, మంజుల పెద్ద కూతురు వనిత విజయ్‌కుమార్‌. సినిమాలలో రాణించలేకపోయిన ఆమె ప్రేమ,పెళ్ళిళ్ళతో బాగా పాపులర్‌ అయ్యింది. వనిత ఇప్పటికే మూడు పెళ్ళిళ్లు చేసుకుని, ముగ్గురికి విడాకులు ఇచ్చింది. దీంతో వివాదాస్పద నటిగా నిలిచింది. పెళ్ళిళ్ళ సమయంలో, విడాకుల సమయంలో విపరీతంగా విమర్శలకు గురి అయ్యింది.
5. నయనతార :

నయనతార వల్ల ప్రభుదేవా మరియు వాళ్ల భార్య కి గొడవలు వచ్చాయి. అందరు ఆమెని మాత్రమే తిట్టారు. కానీ ఆ తర్వాత వాళ్ళు విడిపోయారు. అప్పుడు కూడా నయనతారను బయట చాలా అవమానకరంగా మాట్లాడారు. అప్పటి నుండి నయనతార ప్రమోషన్స్ కు రావడం మానేసింది. ఈ విషయంలో ప్రభుదేవా కన్నా నయనతారనే ఎక్కువ అవమానాలు ఎదుర్కొంది.
6. రష్మిక మందన్న:

2016లో రష్మిక మందన్న కిరాక్ పార్టీ అనే కన్నడ సినిమాతో హీరోయిన్ గా ఎంట్రీ ఇచ్చింది. 2017లో రష్మిక కిరాక్ పార్టీ హీరో రక్షిత్ శెట్టితో ఎంగేజ్‌మెంట్‌ చేసుకుంది. అయితే కొన్ని రోజులకే ఇద్దరూ ఎంగేజ్‌మెంట్‌ను క్యాన్సల్ చేసుకుని విడిపోయారు. వారు విడిపోయిన తరువాత నెటిజెన్లు రష్మికను విపరీతంగా ట్రోల్ చేశారు.
7. అమలా పాల్:

అమలాపాల్ ప్రొడ్యూసర్ ఏఎల్ విజయ్ ను 2014లో పెళ్లి చేసుకున్నారు. కానీ ప్రేమించి పెళ్లి చేసుకున్న ఈ జంట 2017లో విడాకులు తీసుకుని విడిపోయారు. ఆ సమయంలో అమలాపాల్ పై విమర్శలు గుప్పించారు.

Also Read: “నిజాలు రాయండి..!” అంటూ… “శేఖర్ మాస్టర్” కామెంట్స్..! ఏం జరిగిందంటే..?

మంచు విష్ణు హీరోగా నటిస్తున్న కన్నప్ప సినిమా టీజర్ ఇటీవల విడుదల చేశారు. ఈ సినిమాలో ఎంతో మంది నటీనటులు ముఖ్య పాత్రలు పోషిస్తున్నారు. మోహన్ బాబు, శరత్ కుమార్, మోహన్ లాల్, అక్షయ్ కుమార్, ప్రభాస్, కాజల్ అగర్వాల్, నయనతార వంటి వారు ఈ సినిమాలో నటిస్తున్నారు. ఇంకా ఎంతో మంది కూడా ఈ సినిమాలో అతిధి పాత్రల్లో కనిపించబోతున్నారు. ఈ సినిమాకి ముఖేష్ కుమార్ సింగ్ దర్శకత్వం వహిస్తున్నారు. మోహన్ బాబు ఈ సినిమాని నిర్మిస్తున్నారు. ఈ సినిమాకి షెల్డన్ చౌ సినిమాటోగ్రాఫర్ గా వ్యవహరిస్తున్నారు. ప్రీతి ముకుందన్ ఈ సినిమాలో హీరోయిన్ గా నటిస్తున్నారు.

హీరోయిన్ మధుబాల, బ్రహ్మానందం, వాణి భోజన్, దేవరాజ్, ముఖేష్ రిషి, శివ బాలాజీ, మలయాళం నటుడు రాహుల్ మాధవ్, కౌశల్, రఘుబాబు కూడా ముఖ్య పాత్రలు పోషిస్తున్నారు. అయితే ఈ సినిమా టీజర్ లో ఒక సీన్ మీద కామెంట్స్ వస్తున్నాయి. ఒక సీన్ లో మంచు విష్ణు బాణం వేస్తారు. బాణం గురి ఒక వైపుకి ఉంటుంది. కానీ మంచు విష్ణు మరొక వైపు చూస్తూ ఉంటారు. అంటే, మంచు విష్ణు కెమెరా వైపు చూస్తూ ఉంటారు. ఈ సీన్ స్లో మోషన్ లో చూపించారు. దాంతో మంచు విష్ణు కెమెరా వైపు చూడటం ఈ సీన్ లో చూపించారు. దాంతో, ఈ సీన్ మీద కామెంట్స్ వస్తున్నాయి. ఈ సినిమా విడుదల తేదీ ఇంకా ప్రకటించలేదు.

ఇటీవల జరిగిన కాన్స్ ఫిలిం ఫెస్టివల్ లో ఈ సినిమా టీజర్ స్క్రీనింగ్ జరిగింది. ఈ స్క్రీనింగ్ కి మంచు విష్ణుతో పాటు, విరోనికా, మోహన్ బాబు, కొరియోగ్రాఫర్ ప్రభుదేవా కూడా వెళ్లారు. అక్కడ ఈ టీజర్ ప్రదర్శించిన తర్వాత ఇప్పుడు విడుదల చేశారు. ఎన్నో ఫారిన్ లొకేషన్స్ లో సినిమా షూటింగ్ జరుపుకుంది. లొకేషన్స్ గురించి కూడా దాదాపు 5 సంవత్సరాల నుండి వెతికారు. ఎంతో హోం వర్క్ చేసిన తర్వాత ఈ సినిమాని రూపొందించడం మొదలుపెట్టారు. దాంతో ఈ సినిమా గురించి అందరూ ఆసక్తిగా ఎదురు చూస్తున్నారు.

ప్రతి సంవత్సరం సినిమా ఇండస్ట్రీకి ఎంతో మంది పరిచయం అవుతూ ఉంటారు. వారిలో కొంత మంది మాత్రమే ఎన్నో సంవత్సరాలు ఇండస్ట్రీలో నిలదొక్కుకుంటారు. వీరిలో ఎక్కువగా హీరోయిన్లే ఉంటారు. చాలా మంది ఒక సినిమా చేసిన తర్వాత ఇండస్ట్రీకి దూరం అయిపోతారు.

మరి కొంత మంది మరి కొన్ని సినిమాలు చేశాక దూరం అవుతారు. ఎన్నో సంవత్సరాల క్రితం కెరీర్ మొదలు పెట్టినా కూడా చాలా మంది వారి టాలెంట్ కారణంగా ఇప్పటికి కూడా ఇండస్ట్రీలో కొనసాగుతూ ఉన్నారు. వారిలో భానుప్రియ ఒకరు.

హీరోయిన్ గా నటించిన భానుప్రియ ఆ తర్వాత అక్కగా, ఆ తర్వాత తల్లిగా కూడా నటించారు. పాత్ర ఏదైనా కూడా తన వంతు న్యాయం చేస్తారు. అందుకే భానుప్రియ నటన ఇప్పటికీ ఎంతో మంది ప్రేక్షకులకు గుండెల్లో నిలిచిపోయింది. అయితే భానుప్రియ వ్యక్తిగత జీవితంలో ఎన్నో ఒడిదుడుకులు ఎదుర్కొన్నారు. 1998 లో ఆదర్శ్ కౌశల్ అనే వ్యక్తిని పెళ్లి చేసుకున్న భానుప్రియ 2005 లో విడిపోయారు. వీరిద్దరికి అభినయ అనే ఒక పాప కూడా ఉంది.

2018 లో ఆదర్శ్ కౌశల్ గుండె సమస్య కారణంగా చనిపోయారు. ప్రతి సంవత్సరం ఒకటి, రెండు సినిమాల్లో భానుప్రియ నటిస్తూనే ఉన్నారు. భానుప్రియ చివరిగా తెలుగులో నాట్యం సినిమాలో హీరోయిన్ తల్లిగా నటించారు. ఈ సినిమా 2021 లో విడుదల అయ్యింది. మళ్లీ తర్వాత ఇప్పటి వరకు భానుప్రియ తెలుగులో నటించలేదు. అయితే ఇప్పుడు శివకార్తికేయన్ హీరోగా నటిస్తున్న అయలాన్ సినిమాలో భానుప్రియ హీరో తల్లిగా నటించారు. కానీ ఈ సినిమా 2016 లోనే చిత్రీకరించారు. కొన్ని నెలల క్రితం భానుప్రియ ఒక ఈవెంట్ కి హాజరు అయ్యారు. ఆ వీడియో బయటకి వచ్చింది.

అందులో భానుప్రియ నడవడానికి కూడా ఇబ్బంది పడుతున్నట్టు కనిపించారు. అంత చలాకీగా ఉండే భానుప్రియ ఇలా అయిపోయారు ఏంటి అని అందరూ అంటున్నారు. భానుప్రియకి ట్రీట్మెంట్ ఇస్తున్నారు అని, అంతే కాకుండా కంటి చూపుకి సంబంధించిన ఇబ్బంది కూడా భానుప్రియకి ఉంది అనే వార్తలు వచ్చాయి. మరి ఇందులో ఎంత వరకు నిజం ఉంది అనేది తెలియదు. కానీ భానుప్రియ మళ్ళీ మరొక తెలుగు సినిమాలో నటిస్తే చూడాలి అని ఎంతో మంది ప్రేక్షకులు ఎదురుచూస్తున్నారు.

watch video :

View this post on Instagram

A post shared by Blackpeppernews (@blackpeppernews)

ALSO READ : “మృణాల్ ఠాకూర్” వయసు ఇంతా..? చిన్న పిల్ల అనుకున్నాం కదా..?

టాలీవుడ్ ఇండస్ట్రీలో గీత ఆర్ట్స్ గురించి తెలియని ప్రేక్షకులు ఉండరు. ఈ బ్యానర్ పై ఎన్నో సినిమాలు వచ్చాయి. ఎందరో హీరోలకు లైఫ్ ఇచ్చింది ఈ నిర్మాణ సంస్థ. చిన్న సినిమాలకి ప్రాణం పోయాలని ఉద్దేశ్యంతో గీతం బ్యానర్ కూడా ఏర్పాటు చేశారు అల్లు అరవింద్.

అయితే గీతా ఆర్ట్స్ బ్యానర్ లో ఉన్న గీత పేరు ఎవరిది అనే సందేహం చాలా మందికి వచ్చి ఉంటుంది. అయితే చాలా రోజుల క్రితం స్వయంగా గీత ఆర్ట్స్ అధినేత అల్లు అరవింద్ ఈ డౌట్ ని క్లియర్ చేశారు.

అయితే ఆ కామెంట్స్ ఇప్పుడు వైరల్ అవుతున్నాయి ఇంతకీ అరవింద్ ఏమన్నారో చూద్దాం. ఆ మధ్యన ఒక ఇంటర్వ్యూలో పాల్గొన్నారు అల్లు అరవింద్ ని గీత ఆర్ట్స్ లో ఉన్న గీత పేరు ఎవరిది, ఆ పేరు ఎందుకు పెట్టాల్సి వచ్చింది అని ప్రశ్నించగా గీత అనేది నా గర్ల్ ఫ్రెండ్ పేరు కానీ ఆ పేరు ఆ బ్యానర్ కి పెట్టలేదు అని ముందుగా చమత్కరించారు అల్లుఅరవింద్. ఆ తర్వాత అసలు గీత అనే పేరు ఎందుకు పెట్టారో చెప్పారు.

1972లో గీత ఆర్ట్స్ సంస్థ ప్రారంభమైంది అయితే ఈ సంస్థని ప్రారంభించడానికి ముందు ఏం పేరు పెట్టాలా అని అల్లు రామలింగయ్య పలువురు తో చర్చలు జరుపుతున్న సమయంలో తానే ఆ సలహా ఇచ్చానని చెప్పారు. స్వతహాగా తన తండ్రి అల్లు రామలింగయ్య కి ఆధ్యాత్మిక భావాలు ఎక్కువ.

ఆయనకు భగవద్గీత పై విపరీతమైన నమ్మకం దాంతో భగవద్గీత లోని గీతా పేరును నిర్మాణ సంస్థకు పెట్టాలని సూచించారట. అయితే ఆ పేరు ఎందుకు పెట్టారో కూడా చెప్పారు అరవింద్. భగవద్గీత సారాంశం ఏమిటంటే పని చేయటమే నీ వంతు, ఫలితం పరిస్థితులను బట్టి వస్తుంది. అది సినిమా వాళ్లకి బాగా ఆప్ట్ అవుతుంది. ఎందుకంటే డబ్బు ఖర్చు పెట్టి సినిమా తీయటమే నిర్మాతల పని. సక్సెస్ అవ్వటం కాకపోవడం అనేది ప్రేక్షకుల చేతిలో ఉంటుంది అందుకే నా పేరు పెట్టాం అంటూ వివరించారు అరవింద్

ప్రభాస్ హీరోగా, నాగ్ అశ్విన్ దర్శకత్వంలో రూపొందుతున్న కల్కి 2898 ఏడి సినిమా మీద భారీగా అంచనాలు నెలకొన్నాయి. ఇటీవల ఈ సినిమా ట్రైలర్ విడుదల చేశారు. దానికి చాలా మంచి స్పందన వచ్చింది. వైజయంతి మూవీస్ వారు ఈ సినిమాని నిర్మిస్తున్నారు. సినిమా ప్రమోషన్స్ మొదలుపెట్టారు. ఇంటర్వ్యూలు ఇస్తున్నారు. సినిమాలో ప్రభాస్ తో పాటు, దీపికా పదుకొనే, దిశా పటాని, అమితాబ్ బచ్చన్, కమల్ హాసన్ కూడా ఉన్నారు. వారు కూడా ముఖ్య పాత్రలు పోషిస్తున్నారు. ఈ సినిమాలో కొంత మంది అతిథి పాత్రల్లో కూడా కనిపించబోతున్నారు. వారిలో ముందుగా మాట్లాడుకోవాల్సింది దుల్కర్ సల్మాన్, మృణాల్ ఠాకూర్, విజయ్ దేవరకొండ గురించి. వీరి పేర్లు గట్టిగా వినిపిస్తున్నాయి.

అలాగే వీరితో పాటు, నాని కూడా ఈ సినిమాలో ఒక పాత్రలో కనిపిస్తారు అని అంటున్నారు. ఇందులో ఎంత వరకు నిజం ఉంది అనేది కూడా తెలియదు. అయితే, విజయ్ దేవరకొండ ఈ సినిమాలో అర్జునుడి పాత్ర పోషిస్తారు అని అంటున్నారు. విజయ్ దేవరకొండకి అర్జునుడి పాత్ర సూట్ అవుతుందా అనే ఆలోచన అందరిలో నెలకొంది. మిగిలిన వాళ్ళు ఏం పాత్రలు చేస్తున్నారు అనేది తెలియదు. కానీ ఒకవేళ విజయ్ దేవరకొండ అర్జునుడి పాత్ర పోషిస్తే ఆ పాత్ర విజయ్ దేవరకొండ కి ఎలా ఉంటుంది? విజయ్ దేవరకొండ ఈ పాత్రకి ఎంత వరకు నప్పుతారు? అనే విషయం అందరూ ఆలోచిస్తున్నారు.

కానీ కొంత మంది మాత్రం మరొక రకంగా కామెంట్స్ చేస్తున్నారు. “నాగ్ అశ్విన్ సినిమాకి తగ్గట్టు పాత్రలని మార్చుకోగలుగుతారు. కాబట్టి ఈ సినిమాలో విజయ్ దేవరకొండ అర్జునుడి పాత్ర పోషించినా కూడా ఆ పాత్రకి తగ్గట్టుగానే నాగ్ అశ్విన్, విజయ్ దేవరకొండని మారుస్తారు” అని అంటున్నారు. ప్రస్తుతం విజయ్ దేవరకొండ జెర్సీ డైరెక్టర్ గౌతమ్ తిన్ననూరి దర్శకత్వంలో రాబోతున్న సినిమాలో నటిస్తున్నారు. ఈ సినిమా తర్వాత రాజా వారు రాణి గారు, అశోక వనంలో అర్జున కళ్యాణం సినిమాలకు దర్శకత్వం వహించిన రవికిరణ్ కోలా దర్శకత్వంలో కూడా మరొక సినిమాలో నటిస్తారు.