Harika Page 41
Author

Harika

Hi, This is Harika. I have been working as a web content writer in Telugu Adda from the past one year and am experienced in writing articles in cinema, sports, inspiring stories and flash news categories.

Filmy Adda

‘లాల్ సలామ్’ సినిమాలో రజినీకాంత్ భార్యగా నటించిన ఒకప్పటి ఈ స్టార్ హీరోయిన్ ని గుర్తుపట్టారా.?

by Harika
written by Harika

సూపర్ స్టార్ రజనీకాంత్ కుమార్తె ఐశ్వర్య రజినీకాంత్ దర్శకురాలిగా మారి తన తండ్రి తో లాల్ సలాం సినిమా తీస్తున్న సంగతి తెలిసిందే. లైకా నిర్మాణ సంస్థ ఎంతో ప్రతిష్టాత్మకంగా నిర్మిస్తున్నటువంటి ఈ సినిమాలో విష్ణు విశాల్, విక్రాంత్ హీరోలుగా నటిస్తున్నారు. ఇందులో రజనీకాంత్ మొయినుద్దీన్ బాయ్ గా కనిపించాడు. అలాగే ఈ సినిమాలో లెజెండరీ క్రికెట్ ర్ కపిల్ దేవ్ మొదటిసారిగా వెండితెరపై కనిపించబోతున్నాడు. అయితే లాల్ సలాం సినిమాలో రజనీకాంత్ సరసన ఆయన భార్యగా నటించిన నిరోషా గత తరం వారికి గుర్తుండే ఉంటుంది.

అయితే ఈ తరం వారికి ఆమె పెద్దగా పరిచయం ఉండి ఉండదు. అయితే ఈమె ఒకప్పుడు తెలుగు, తమిళంలో స్టార్ హీరోయిన్ గా వెలుగొంది. కన్నడ, మలయాళం లో కూడా పలు సినిమాలు చేసింది. తెలుగులో నారి నారి నడుమ మురారి, కొబ్బరిబోండం, స్టువర్టుపురం పోలీస్ స్టేషన్, సింధూరపువ్వు వంటి హిట్ సినిమాలలో నటించింది. ఈమె ప్రముఖ నటి రాధిక కి స్వయంగా చెల్లెలు.

సింధూరపువ్వు సినిమా అప్పట్లో ఒక సెన్సేషనల్ హిట్ సాధించిన మూవీ. అందులో ఈమె నటన విమర్శకులను సైతం ఆకట్టుకుంది.అయితే మూడు సంవత్సరాల తర్వాత మళ్లీ తమిళ్ లో తెరపై ఏంట్రీ ఇచ్చిన లాల్ సలాం సినిమాలో రజనీకాంత్ భార్యగా విక్రాంత్ కి తల్లిగా నటించి మెప్పించింది. రజనీకాంత్ తో పని చేసిన అనుభవం గురించి లాల్ సలాం సినిమా గురించి పలు ఫోటోలని, హ్యాపీ మూమెంట్స్ ని షేర్ చేస్తూ ఎమోషనల్ పోస్ట్ చేసింది.

అయితే లాల్ సలాం సినిమా ఫిబ్రవరి 9న తెలుగు తమిళ వెర్షన్స్ లో రిలీజ్ అయింది. ఈ సినిమా మిక్స్డ్ టాక్ ని తెచ్చుకుంది. పూర్తిగా తమిళ్ ఫ్లేవర్ ఉండటంతో తెలుగు ప్రేక్షకులు అంతగా జీర్ణించుకోలేకపోయారు. తమిళంలో కూడా రజనీకాంత్ హవా మీద మాత్రమే నడుస్తుంది. ఇంకా ఈ సినిమాలో జీవిత రాజశేఖర్ కూడా నటిస్తున్నారు ఇందులో ఆమె రజినీకాంత్ సోదరిగా నటిస్తూ ఉండడం విశేషం.

News

BHARAT RICE IN HYDERABAD: కేంద్ర ప్రభుత్వం తీసుకొచ్చిన 29 రూపాయల కిలో భారత్ రైస్…హైదరాబాద్ లో ఎక్కడ కొనచ్చు అంటే.?

by Harika
written by Harika

ప్రస్తుతం బియ్యం ధరలు ఆకాశాన్ని అంటుతున్నాయి, దేశమంతా వరి ఉత్పత్తి బాగానే ఉన్నప్పటికీ బియ్యం ధరలు మాత్రం దిగిరావడం లేదు. రోజురోజుకీ రేటు పెరిగిపోతూ సామాన్యులు కొనలేని పరిస్థితి ఏర్పడింది. అయితే ఈ సమస్య మీద దృష్టిపెట్టిన కేంద్ర ప్రభుత్వం సామాన్యులకు ఊరట కల్పించేందుకు భారత్ రైస్ ని అందుబాటులోకి తీసుకువచ్చింది. పేద సామాన్య ప్రజలకు తక్కువ ధరకే నాణ్యమైన బియ్యం అందించేందుకు భారత్ రైస్ పేరుతో బియ్యాన్ని తీసుకువచ్చింది.

ఈ బియ్యాన్ని 29 రూపాయలకే విక్రయిస్తున్నారు. ఈ బియ్యం విక్రయాలను ఇప్పటికే ప్రారంభించారు. నేషనల్ అగ్రికల్చర్ కోపరేటివ్ మార్కెటింగ్ ఫెడరేషన్ ఆఫ్ ఇండియా లిమిటెడ్, కేంద్రీయ బండార్ రిటైల్ కేంద్రాలు, నేషనల్ కోపరేటివ్ కన్జ్యూమర్ ఫెడరేషన్ ఆఫ్ ఇండియా లిమిటెడ్ తో పాటు మొబైల్ అవుట్ లెట్ లలో కూడా ఈ బియ్యం విక్రయిస్తున్నారు.

అయితే హైదరాబాదులో ఈ బియ్యం కేంద్రాలు ఎక్కడ ఉన్నాయో చూద్దాం.

#1. సుల్తాన్ బజార్లో ఎన్ సీ సీ ఎఫ్,

#2. కోఠి లో కేంద్రీయ బండార్,

#3. గన్ పార్క్ సమీపంలో ఎన్ ఏ ఏ ఎఫ్ ఈ డి దగ్గర భారత్ రైస్ ని విక్రయిస్తారు.

త్వరలోనే మొబైల్ అవుట్ లెట్ల ద్వారా కూడా బియ్యాన్ని విక్రయిస్తారు. అలాగే ఈ బియ్యాన్ని జియో మార్ట్, ఫ్లిప్కార్ట్, అమెజాన్ వంటి ఈ కామర్స్ సైట్ల ద్వారా కూడా కొనుగోలు చేయవచ్చు. 5 కేజీలు, 10 కేజీలు బ్యాగుల్లో భారత్ రైస్ లభిస్తాయి. తొలి దశలో రిటైల్ మార్కెట్లలో ఐదు లక్షల టన్నుల బియ్యాన్ని విక్రయిస్తామని కేంద్రం తెలిపింది.

బియ్యం ధరలను అరికట్టేందుకే కేంద్రం ఇటువంటి చర్యలు చేపట్టింది. బియ్యం ధరలు తగ్గేవరకు ఎగుమతులపై నిషేధం కొనసాగుతుందని కేంద్రం వెల్లడించింది. రిటైలర్లు, హోల్సేలర్లు, ప్రొసీజర్లు ప్రతి శుక్రవారం స్టాక్ వివరాలను మంత్రిత్వ శాఖ వెబ్సైట్లో ఉంచాలని ఆదేశాలు జారీ చేసింది. ప్రస్తుతం సన్న బియ్యం ధర 60 రూపాయల వరకు ఉండగా భారత 29 రూపాయలకే విక్రయిస్తూ ఉండటంతో సామాన్యులు ఈ షాపులు ముందు క్యూ కడుతున్నారు.

News

గోదావరి జిల్లాల వారికి గుడ్ న్యూస్.. అయోధ్యకు డైరెక్ట్ ట్రైన్!

by Harika
written by Harika

500 సంవత్సరాల తరువాత అంగరంగ వైభవంగా అయోధ్య రాముడు సొంత గడ్డపై కొలువుతీరాడు. సుకుమార సుందర రూపుడైనా రామ్ లల్లా ను దర్శించేందుకు దేశవ్యాప్తంగానే కాకుండా విదేశాల నుంచి సైతం భక్తులు తరలివస్తున్నారు. దీనివలన రైళ్లలో రద్దీ పెరగటం చూసిన రైల్వే అధికారులు ఏపీలోని ఉభయ గోదావరి జిల్లాల నుంచి నేరుగా అయోధ్యకు రైలు ఏర్పాటు చేశారు. అయోధ్యకు వెళ్లి రాముల వారి దర్శనం చేసుకొని మరల తిరిగి అదే రైల్లో వారి స్వగ్రామాలకు వచ్చే విధంగా ప్రత్యేక రైలును ఏర్పాటు చేసింది రైల్వే శాఖ.

రాజమండ్రి,సామర్లకోట,తుని స్టేషన్ల నుంచి కాశీ పుణ్యక్షేత్రానికి వెళ్లాలనుకునే వారు ఇక రైళ్లు మారవలసిన అవసరం లేదు. గతంలో రాజమండ్రి నుంచి విశాఖకు ఒక రైలు, అక్కడి నుంచి భువనేశ్వర్ వరకు మరొక రైలు, అక్కడ నుంచి కాశీ లేదంటే అయోధ్యకు వెళ్లడానికి మరొక రైలు ఎక్కాల్సి వచ్చేది. ఇకమీదట అలాంటి ఇబ్బంది ప్రజలకు ఉండదు . ఎందుకంటే 07218 నెంబర్ తో ఈ నెల 11 నుంచి సామర్లకోట నుంచి అయోధ్య కి వెళ్లటానికి డైరెక్ట్ రైలు ఏర్పాటు చేశారు తిరిగి 14వ తేదీన అయోధ్యలో తిరుగు ప్రయాణం ప్రారంభమవుతుంది.

అలాగే గుంటూరు నుంచి మరొక రైలు రాజమండ్రి, సామర్లకోట, తుని, అనకాపల్లి మీదుగా ప్రయాణించనుంది. ఏడవ తేదీన గుంటూరులో ప్రారంభమై అయోధ్యకు చేరుతుంది. తిరిగి పదవ తేదీన అయోధ్య నుంచి గుంటూరు కి చేరుతుంది. రైల్వే అధికారులు చేసిన ఈ ఏర్పాటుకు ఉభయగోదావరి జిల్లా వాసులు తమ సంతోషాన్ని వ్యక్తం చేస్తున్నారు.

రెండు మూడు మైళ్ళు మారి వెళ్లవలసిన పని లేకుండా నేరుగా ఉమ్మడి జిల్లాల నుంచే ప్రత్యేక రైలు అందుబాటులో ఉండటంతో పెద్ద ఎత్తున రామ భక్తులు దర్శనం చేసుకుంటారని భావిస్తున్నారు రైల్వే శాఖ. అయితే నిజంగానే ఈ అవకాశాన్ని ఎలాగైనా ఉపయోగించుకుంటామని, రిజర్వేషన్ లేకపోయినప్పటికీ సాధారణమైన ప్రయాణం చేసైనా సరే సుందర రాముడిని దర్శించుకుంటాం అని చెప్తున్నారు ఉభయ గోదావరి జిల్లా వాసులు.

Filmy Adda

శ్రీలీలతో ఉన్న ఈ బాబు ఏ హీరోయిన్ కొడుకో తెలుసా..?

by Harika
written by Harika

అటు పెద్ద హీరోలతో, ఇటు యంగ్ హీరోలతో వరుసగా సినిమాలు చేసుకుంటూ వెళ్తున్నారు శ్రీలీల. ఒకపక్క ఎంబిబిఎస్ చదువుకుంటూనే, మరొక పక్క సినిమాలు కూడా చేస్తున్నారు. శ్రీలీల మంచి డాన్సర్. అందుకే శ్రీలీల నటించిన ప్రతి సినిమాలో ఒక డాన్స్ ఉన్న పాట ఉండేలాగా, అందులో శ్రీలీల డాన్స్ చేసే లాగా చూసుకుంటున్నారు.

శ్రీలీల శాస్త్రీయ నృత్యాన్ని నేర్చుకున్నారు. ఇటీవల గుంటూరు కారం సినిమాతో ప్రేక్షకుల ముందుకి వచ్చారు. ఇప్పుడు పవన్ కళ్యాణ్ హీరోగా నటిస్తున్న ఉస్తాద్ భగత్ సింగ్ సినిమాలో కూడా శ్రీలీల హీరోయిన్ గా నటిస్తున్నారు. ఈ సినిమాకి హరీష్ శంకర్ దర్శకత్వం వహిస్తున్నారు. ఈ సినిమా షూటింగ్ ప్రస్తుతం జరుగుతోంది.

boy with sreeleela is heroine son

అయితే ఈ సినిమా విజయ్ హీరోగా నటించిన పోలీసోడు సినిమాకి రీమేక్. ఇందులో సమంత, ఎమీ జాక్సన్ హీరోయిన్లుగా నటించారు. మరి ఇప్పుడు శ్రీలీల వారిద్దరి పాత్రల్లో ఎవరి పాత్ర పోషిస్తున్నారు అనేది మాత్రం ఇంకా తెలియదు. ఇది మాత్రమే కాకుండా శ్రీలీల చేతిలో మరికొన్ని సినిమాలు కూడా ఉన్నాయి. తెలుగులో వరుస సినిమాలతో బిజీగా ఉన్నారు. అయితే శ్రీలీలకు సంబంధించిన ఒక ఫోటో ప్రస్తుతం సోషల్ మీడియాలోకి వచ్చింది. ఇందులో శ్రీలీల ఒక బాబుతో కనిపిస్తున్నారు. ఆ బాబు ఒక ప్రముఖ హీరోయిన్ కొడుకు. ఆ హీరోయిన్ మరెవరో కాదు. పూర్ణ.

గుంటూరు కారం సినిమాలో కుర్చీ మడతపెట్టి పాటలో పూర్ణ కూడా కనిపించారు అనే సంగతి తెలిసిందే. షూటింగ్ సమయంలో పూర్ణ తన బాబుని తీసుకొచ్చినప్పుడు శ్రీలీల ఎత్తుకొని ఆడిస్తున్న వీడియో ఒకటి బయటికి వచ్చింది. శ్రీలీలకి చిన్న పిల్లలు అంటే చాలా ఇష్టం. కొంత మంది పిల్లలని శ్రీలీల దత్తత కూడా తీసుకున్నారు. ఎన్నో స్వచ్ఛంద కార్యక్రమాలు కూడా చేస్తూ ఉంటారు. కానీ వాటి గురించి ఎక్కడా బయటికి చెప్పరు. ఈ వీడియో చూస్తూ ఉంటే శ్రీలీలకి చిన్న పిల్లలు అంటే ఎంత ఇష్టమో అర్థం అవుతోంది.

watch video :

ALSO READ : ప్రేమకోసం సినిమా ఫీల్డ్ ని వదిలేసాడు…పెళ్లి తర్వాత ఇప్పుడు స్టార్ డైరెక్టర్ అయ్యారు.! ఎవరంటే.?

Filmy Adda

ప్రేమకోసం సినిమా ఫీల్డ్ ని వదిలేసాడు…పెళ్లి తర్వాత ఇప్పుడు స్టార్ డైరెక్టర్ అయ్యారు.! ఎవరంటే.?

by Harika
written by Harika

జీతు జోసెఫ్ మలయాళం లో ఇప్పుడు ఒక స్టార్ డైరెక్టర్. డిటెక్టివ్ సినిమాతో తన సినీ జీవితాన్ని మొదలుపెట్టిన జీతూ మొదటి సినిమాతోనే సూపర్ హిట్ ని అందుకున్నాడు. 2010లో ఇతను డైరెక్ట్ చేసిన చిత్రం మమ్మీ అండ్ మీ. ఇది మలయాళం సినీ చరిత్రలోనే అత్యంత విజయవంతమైన చిత్రం. ఇక ఇతను డైరెక్షన్లో వచ్చిన సినిమా దృశ్యం గురించి అందరికీ తెలిసిందే. ఆ సినిమా ఇతనికి ఎంత పాపులారిటీని తీసుకువచ్చిందంటే బాలీవుడ్లో సైతం ఈ సినిమాని తీసి సక్సెస్ కొట్టాడు. దృశ్యం సినిమా మలయాళం సినీ రికార్డులని కొత్తగా తిరగరాసింది.

అలాంటి ఒక స్టార్ డైరెక్టర్ తన ప్రేమ కోసం సినీ ఫీల్డ్ ని వదిలేసుకున్నాడు అనే విషయం మీకు తెలుసా. ఆ కధేమిటో ఒకసారి చూద్దాం. జీతూ జోసెఫ్ తండ్రి కేరళలో పేరున్న ఎమ్మెల్యే ఇంటర్ చదువుతున్న సమయంలో జీతూ జోసెఫ్ కి అందరి కుర్రాళ్ళ లాగానే సినిమా పిచ్చి పట్టింది. ఇదే విషయం ఇంట్లో చెప్తే ముందు డిగ్రీ పూర్తి చేయు అన్నారు. డిగ్రీ చదువుతున్న సమయంలో ఒకసారి చర్చిలో లిండా అనే అమ్మాయిని చూసి బాగా నచ్చటంతో వెళ్లి ప్రపోజల్ చేశాడు.

అయితే ఆ అమ్మాయి లైట్ తీసుకుంది కానీ జీతూ మాత్రం సీరియస్గా తీసుకొని నెక్స్ట్ టైం తన పేరెంట్స్ ని తీసుకొని అమ్మాయి వాళ్ళ ఇంటికి వెళ్లి ప్రపోజ్ చేశాడు. అప్పుడు ఆశ్చర్య పోవడం లిండా వంతు అయింది. లైఫ్ లో నువ్వు ఏం చేస్తావు అని లిండా అడిగినప్పుడు జీతూ సినిమాల్లోకి వెళ్దాం అనుకుంటున్నాను అని చెప్పాడు. సినిమా వాళ్ళంటే మా ఇంట్లో ఒప్పుకోరు కాబట్టి నేను కావాలో సినిమాలు కావాలో తేల్చుకో అని లిండా అడిగేసరికి ప్రేమించిన అమ్మాయి కోసం సినిమాలను వదిలేసాడు జీతూ.

కానీ పెళ్లి తర్వాత జీతూకి ఉన్న సినిమా తపన చూసిన లిండా తానే సినిమాల్లోకి వెళ్ళమని భర్తని ప్రోత్సహించింది. అప్పుడు జీతు ఒక డైరెక్టర్ దగ్గర అసిస్టెంట్ గా చేరాడు, తర్వాత ఒక కథ రాసుకుని నిర్మాత దొరకక ఆ సినిమా ఆగిపోయింది. తర్వాత జీతు జోసెఫ్ వాళ్ళ అమ్మ తన ఆస్తి ఇచ్చి సినిమా తీయమనడంతో డిటెక్టివ్ సినిమా తీసి హిట్ కొట్టాడు అక్కడి నుంచి అతని విజయప్రస్థానం ప్రారంభమైంది.

Filmy Adda

కలెక్షన్ల వర్షం కురిపిస్తున్న అంబాజీపేట మ్యారేజి బ్యాండ్.. ఆరు రోజుల్లో ఊహించని లాభాలు!

by Harika
written by Harika

నూతన దర్శకుడు దుష్యంత్ కటికనేని డైరెక్ట్ చేసిన అంబాజీపేట మ్యారేజి బ్యాండ్ సినిమా ఎలాంటి అంచనాలు లేకుండా విడుదలై సూపర్ డూపర్ హిట్ కొట్టింది. కలెక్షన్ల పరంగా ఊహించని లాభాలని చవిచూస్తుంది. సుహాస్ హీరోగా శివాని హీరోయిన్ గా నటించిన ఈ చిత్రంలో శరణ్య, గోపరాజు రమణ, జగదీష్, ప్రతాప్ బండారి తదితరులు కీలకపాత్రలను పోషించారు.

చంద్రశేఖర్ స్వరాలు అందించారు. ఫిబ్రవరి 2వ తేదీన విడుదలైన ఈ సినిమా మొదటి రోజు నుంచి మంచి వీకెండ్ కంప్లీట్ అయ్యేసరికి క్లీన్ హిట్గా నిలిచి లాభాల బాట పట్టేసింది. తాజాగా ఆరు రోజుల కలెక్షన్స్ లెక్కలు బయటకు వచ్చాయి. తెలుగు రాష్ట్రాల్లో 3.18 కోట్ల రేంజ్ లో షేర్ 6.30 కోట్ల గ్రాస్ వసూళ్లను సాధించింది.

అలాగే వరల్డ్ వైడ్ గా 4. 19 కోట్ల షేర్ ని 8. 50 కోట్ల రేంజ్ లో గ్రాస్ ని కలెక్ట్ చేసింది. అయితే ఈ సినిమా యొక్క బ్రేక్ ఈవెంట్ టార్గెట్ 3 కోట్లు అయితే ఇది విడుదలైన మూడు రోజుల్లోనే టార్గెట్ ను రీచ్ అయింది. ప్రస్తుతం ఈ సినిమా 1. 19 కోట్ల లాభాలతో ముందుకు సాగుతోంది. తెలుగు రాష్ట్రాల్లో ఆరవ రోజు 16 లక్షల షేర్ ని రాబట్టింది ఈ సినిమా. ఇక ప్రపంచవ్యాప్తంగా తెలుగులో 3.08 కోట్లు షేర్ వసూలు చేసింది.

అలాగే ఈ సినిమా కర్ణాటక ప్లస్ రెస్ట్ ఆఫ్ ఇండియా ఓవర్సీస్ ప్రాంతాల్లో కలుపుకొని కేవలం 1.01 కోట్లు వసూలు చేసింది. వీటితో కలుపుకుంటే 6 రోజుల్లో ఈ చిత్రానికి ప్రపంచవ్యాప్తంగా 4.19 కోట్లు షేర్ తో పాటు 8.50 కోట్లు గ్రాస్ వసూలు అయింది. ఈ సినిమా ఆర్టిస్టుల రెమ్యూనరేషన్ ఇతర ఖర్చులతో కలిపి 10 కోట్ల రూపాయల వ్యయంతో నిర్మించడం గమనార్హం. ఈ సినిమాను సొంతంగా గీత ఆర్ట్స్ ద్వారా రిలీజ్ చేశారు.

Filmy AddaOTT Releases

సైలెంట్ గా OTT లోకి వచ్చేసిన ఈ “బేబీ” నటుడి సినిమా చూసారా.? అసలు ఈ సినిమా కథ ఏంటి.?

by Harika
written by Harika

బేబీ మూవీ ఫేమ్ విరాజ్ అశ్విన్, తెలుగు అమ్మాయి పూజిత పొన్నాడ జంటగా నటించిన చిత్రం జోరుగా హుషారుగా. ఈ సినిమా గత ఏడాది డిసెంబర్ 15న థియేటర్లలో విడుదలైంది అయితే పెద్దగా ప్రమోషన్లు నిర్వహించకపోవడం, భారీ సినిమాల మధ్యలో ఈ సినిమాని విడుదల చేయటం వలన యావరేజ్ రిజల్ట్ తో సరిపెట్టుకోవాల్సి వచ్చింది. అయితే ఇప్పుడు ఈ సినిమా ఎలాంటి ముందస్తు ప్రకటన లేకుండా ఓటీటీ లోకి స్ట్రీమింగ్ కి వచ్చేసింది.

ప్రముఖ ఓటీటీ ఫ్లాట్ఫామ్ అమెజాన్ ప్రైమ్ వీడియో ఈ సినిమా యొక్క డిజిటల్ స్ట్రీమింగ్ హక్కులని సొంతం చేసుకుంది. ఫిబ్రవరి 8 గురువారం అర్ధరాత్రి నుంచి ఈ సినిమాని ఓటీటీ లో అందుబాటులోకి తీసుకొచ్చింది. కథ విషయానికి వస్తే సంతోష్ ( విరాజ్ అశ్విన్) అప్పుచేసి కన్సల్టెన్సీ కంపెనీకి డబ్బు కడతాడు కానీ ఆ కన్సల్టెన్సీ కంపెనీ మూతపడటంతో సంతోష్ కష్టాలు పెరుగుతాయి.

ఒక సాఫ్ట్వేర్ కంపెనీలో ఉద్యోగంలో చేరిన సంతోష్ జీతం పెంచుకోవడానికి రకరకాల ప్రయత్నాలు చేస్తాడు. అదే కంపెనీలో సంతోష్ ప్రియురాలు నిత్య ( పూజిత పొన్నాడ ) కూడా ఉద్యోగం చేస్తుంటుంది. నిత్యతో తన ప్రేమాయణాన్ని ఆఫీస్ కొలీగ్స్ దగ్గర దాచిపెడతాడు సంతోష్. అతను ఎందుకు అలా చేశాడు, జీవితంలో ఎదురైన కష్టాల నుంచి ఎలా పడ్డాడు, అప్పులను తీర్చగలిగాడా అన్నదే ఈ సినిమా కథ.

అయితే ఈ పాయింట్ తో గతంలో చాలా సినిమాలు రావడంతో రొటీన్ సినిమాగా భావించిన ప్రేక్షకులు ఈ సినిమాని పెద్దగా ఆహ్వానించలేకపోయారు. ఈ సినిమాకి ప్రణీత్ సంగీతాన్ని అందించాడు, అను ప్రసాదు దర్శకత్వం వహించాడు. మరి ఓటీటీ ప్లాట్ఫారంలో ఈ సినిమాని ప్రేక్షకులు ఎలా రిసీవ్ చేసుకుంటారో, సినిమా ఎలాంటి రిజల్ట్స్ సొంతం చేసుకుంటుందో వేచి చూడాల్సిందే.

Mythology

MAUNI AMAVASYA: పితృ దోషాల నుంచి విముక్తి కలగాలంటే.. “మౌని అమావాస్య” రోజున ఇలా చేయండి!

by Harika
written by Harika

మాఘ మాసంలోని కృష్ణపక్షంలో వచ్చే అమావాస్యను మాఘమావాస్య లేదా మౌని అమావాస్య అంటారు ఈరోజు పవిత్ర నది స్నానం దానాలకి ప్రాముఖ్యత ఉంటుంది ఈరోజు మౌనవ్రతం ఉండి ఉపవాసం చేస్తే పుణ్యఫలం దక్కుతుందని భక్తుల విశ్వాసం. ఈ రోజున మన పూర్వీకులను పూజించటానికి అనువైన రోజు. అమావాస్య తిధి చాలా ముఖ్యమైనది అమావాస్యనాడు ఏ గ్రహ ప్రభావము పనిచేయదు.

image source: amrit vichar

అందుకే ఈ రోజున ఎలాంటి పని ప్రారంభించిన విజయవంతం అవుతుంది. నవగ్రహాల వల్ల వచ్చే సమస్యలు పోవాలంటే అమావాస్య పరిహారాలు చేయాలని చెబుతారు. అమావాస్య రోజున నిరుపేదలకు ఆహారం అందించడం సమీపంలోని ఆలయాన్ని సందర్శించడం ఈరోజున పూర్తిగా ఉపవాసం ఉండడం మాంసాహారం తినకుండా ఉండటం ఆవులకు పాలకూర అరటిపండు చింతపండు బెల్లం మొదలైనవి తినిపించడం రావి చెట్టుని పూజించటం ద్వారా సకల శుభాలని పొందవచ్చు అలాగే ఈరోజు గోల్డ్ కత్తిరించడం హెయిర్ కటింగ్, షేవింగ్ వంటివి చేయకూడదు. నిజానికి ఈరోజు మన పూర్వీకులు చాలా ఆకలి దాహంతో ఉంటారు.

అందుకే వారికి తరపడం ఇవ్వటం విశేషం. తప్పని జనం భూమి గురుత్వాకర్షణ శక్తి కంటే మహత్తయినదని విశ్వాసం. మనం తర్పణం ఇవ్వడం నైవేద్యాలను సమర్పించడం ద్వారా కోట్ల మేళ్ల దూరంలో ఉన్నప్పటికీ మన పెద్దల యొక్క దాహాన్ని ఆకలిని తీర్చవచ్చు. అలాగే మనం సమర్పించే తర్పడాన్ని పితృదేవతలు సూక్ష్మంగా స్వీకరిస్తారని ఆపై ఆశీర్వదిస్తారని పెద్దలు చెప్తారు.

అలాగే రావి చెట్టుకు నీరు పోసి 18 సార్లు ప్రదక్షిణం చేయడం ద్వారా సర్వ శుభాలు కలుగుతాయి చెట్టు కింద దీపం వెలిగించి చెట్టు చుట్టూ 108 ప్రదక్షిణలు చేస్తే పితృ దోషాల నుంచి విముక్తి కలుగుతుంది. అలాగే ఈ రోజున దానం చేయడం వలన 16 రెట్లు ఎక్కువ ఫలాలు లభిస్తాయని నమ్ముతారు అలాగే ఈరోజు సూర్య భగవానుడికి నీరు సమర్పించడం మర్చిపోవద్దు

Off Beat

7 వేల కోట్ల విలువ చేసే సొంత కంపెనీ నుండి బయటికి పంపించేశారు..! ఈ మహిళ ఎవరో తెలుసా..?

by Harika
written by Harika

జీవితం అన్నాక ఒడిదుడుకులు సహజం. వాటన్నిటినీ తట్టుకొని ఎదురు వెళ్లి నిలబడే వాళ్ళకి విజయం లభిస్తుంది. అలా ఒక మహిళ ఎన్నో అడ్డంకులు ఎదుర్కొని వ్యాపార సామ్రాజ్యానికి అధిపతి అయ్యారు. ఆమె పేరు అంకితి బోస్.

అంకితి బోస్ ఈ కామర్స్ స్టార్టప్ అయిన జిలింగో సహ వ్యవస్థాపకురాలు. 2015 లో ధ్రువ్ కపూర్ తో కలిసి ఈ కంపెనీ నెలకొల్పారు. అంకితి బోస్ డెహ్రాడూన్ లో పుట్టారు. ముంబైలోని కేంబ్రిడ్జ్ స్కూల్ లో చదువుకున్నారు. ఆ తర్వాత సెయింట్ జేవియర్స్ కాలేజ్ లో గణితం, ఆర్థిక శాస్త్రాన్ని చదివారు.

ankiti bose was dismissed by her own company

మెకిన్సే అండ్ కంపెనీ, సీక్వోయా క్యాపిటల్‌లో ఉద్యోగిగా తన కెరీర్ ప్రారంభించాక ఎంతో కష్టపడి అక్కడ ఎదిగారు. అయితే ఒక సమయం తర్వాత ఆగ్నేయాసియాలోని ఫ్యాషన్ మార్కెట్ రిటైలర్‌లు తమ వ్యాపారాలని సరిగ్గా ఆన్ లైన్ లో విస్తరించలేకపోతున్నారు అని ఒక పర్యటనలో ఉన్నప్పుడు అంకితి బోస్ గమనించారు. అప్పుడు ఒక స్టార్టప్ కంపెనీ ప్రారంభించాలి అని నిర్ణయించుకున్నారు.

ankiti bose was dismissed by her own company

ఎంతో జీతం వస్తున్న తన ఉద్యోగాన్ని వదిలిపెట్టి సింగపూర్ కి వెళ్ళిపోయారు. అక్కడ అంకితి బోస్ జిలింగో స్థాపించారు. అంకితి బోస్ ఇండోనేషియాలో ఉండే మహిళల కోసం దుస్తులు తయారు చేయడానికి డిజైనింగ్ ప్రోగ్రామ్ నిర్వహించారు. దేశవ్యాప్తంగా కూడా ఎంతో మంది నాయకులను తయారు చేయడానికి, వారికి మద్దతు ఇవ్వడానికి ఎన్నో శిక్షణ కార్యక్రమాలను నిర్వహించారు. 2019 లో వారి కంపెనీ దాదాపు 970 మిలియన్ డాలర్ల విలువ చేసింది. అంటే ఇండియన్ కరెన్సీ ప్రకారం దాదాపు 7957 కోట్ల రూపాయలు. అయితే అంకితి బోస్ తాను స్థాపించిన కంపెనీ నుండి బయటికి వచ్చేయాల్సి వచ్చింది.

ankiti bose was dismissed by her own company

అందుకు కారణం అనుమతి లేకుండా అంకితి బోస్ తన జీతాన్ని 10 రెట్లు పెంచేశారు. అంతే కాకుండా కొంత మంది వ్యాపారులకి వివరణ లేకుండా ఎన్నో ఆర్థిక లావాదేవీలు కూడా చేసినట్టు కంపెనీ ఖర్చుల్లో చూపించింది. ఈ కారణంగా ఆమె కంపెనీ తనని సస్పెండ్ చేసింది. తనపై వచ్చిన ఈ ఆరోపణలను కరెక్ట్ అని చూపించడంలో జిలింగో బోర్డు విఫలం అయింది అని అంకితి బోస్ ఒక సందర్భంలో పేర్కొన్నారు. ఈ విషయం మీద వివిధ వాదనలు వినిపించాయి. మరి వినిపించిన వాదనలో ఎక్కడ ఎంత వరకు నిజం ఉంది అనేది తెలియదు.

ALSO READ : 22 ఏళ్ల తర్వాత మళ్ళీ నాగార్జునతో కలిసి నటించిన ఈ సపోర్టింగ్ ఆర్టిస్ట్ ఎవరో గుర్తుపట్టారా.? ఇంతకముందు ఏ సినిమాలో అంటే.?

Filmy Adda

“యానిమల్” తర్వాత ఓటీటీలో ట్రెండ్ అవుతున్న రెండు సినిమాలు ఇవే…తప్పక చూడండి.!

by Harika
written by Harika

ప్రస్తుతం థియేటర్లో విడుదలైన ప్రతి సినిమా కూడా ఓటిటి లో స్ట్రీమ్ అవుతున్నాయి. కొన్ని సినిమాలు ధియేటర్లో సంచలనం విజయం సాధించిన తర్వాత కూడా ఓటిటి లో అదే రేంజ్ సెన్సేషన్ క్రియేట్ చేస్తున్నాయి. తాజాగా బాలీవుడ్ సూపర్ స్టార్ రణబీర్ కపూర్ హీరోగా తెలుగు డైరెక్టర్ సందీప్ రెడ్డి వంగా తెరకెక్కించిన యానిమల్ సినిమా ధియేటర్లో ఎంతటి సంచలన విజయం సాధించిందో తెలిసిందే. ఇప్పుడు ఓటిటి లో స్ట్రీమ్ అవుతున్న ఈ సినిమా అక్కడ కూడా రికార్డు స్థాయిలో వ్యూస్ సాధిస్తుంది. నెట్ ఫ్లిక్స్ ఓటిటి ప్లాట్ఫారం మీద ఉన్న ఈ సినిమా ఒక సంచలనం అనే చెప్పాలి. ఇక యానిమల్ తరహాలో మిగతా సినిమాలు కూడా రికార్డు స్థాయిలో వ్యూస్ సాధిస్తున్నాయి.

ప్రస్తుతం జీ5 లో సామ్ బహదూర్ అనే సినిమా స్ట్రీమింగ్ అవుతుంది. మేఘనా గుల్జార్ దర్శకత్వం వహించిన ఈ సినిమా  భారత ఆర్మీ తొలి ఫీల్డ్ మార్షల్‍ సామ్ మానెక్‌షా జీవితం ఆధారంగా ఆర్‌ఎస్‌విపి మూవీస్ బ్యానర్‌పై రోనీ స్క్రూవాలా  నిర్మించారు.విక్కీ కౌషల్, ఫాతిమా సనా షేక్, సన్యా మల్హోత్రా, నీరజ్ కబీ ప్రధాన పాత్రల్లో నటించిన ఈ సినిమా డిసెంబర్ 1వ తేదీన థియేటర్లలో విడుదల అయ్యి యానిమల్ తరహాలో సూపర్ డూపర్ హిట్టుగా నిలిచింది. జనవరి 26 నుండి ఓటిటిలో స్ట్రీమింగ్ అవుతుండగా అక్కడ కూడా మంచి విజయాన్ని నమోదు చేసుకుంది.

ఇక ఐపీఎస్ ఆఫీసర్ మనోజ్ శర్మ జీవితాన్ని ఆధారంగా “12th ఫెయిల్” తెరకెక్కగా అక్టోబర్ 27న విడుదలై మంచి విజయాన్ని నమోదు చేసుకోగా ఓటిటి లో కూడా రికార్డు స్థాయిలో వ్యూస్ సాధిస్తుంది. డిసెంబర్ 29 నుండి డిస్నీ ప్లస్ హాట్ స్టార్ లో అన్ని భాషల్లోనూ ఈ సినిమా స్ట్రీమ్ అవుతుంది. ఇంకా చెప్పాలంటే థియేటర్లో కన్నా ఓటిటి లోనే ఈ సినిమాకి మంచి ఆదరణ దొరికింది. తాజాగా ఓటిటి లో వచ్చిన సినిమాల్లో టాప్ త్రీ లో ఈ మూడు సినిమాలు ఉన్నాయి.

Newer Posts
Older Posts