Harika

టాలీవుడ్ లో అందమైన ప్రేమ కథల సినిమాలు ఒక పది చెప్పమంటే అందులో కచ్చితంగా సంపంగి సినిమా ఉంటుంది. 2001 లో వచ్చిన సంపంగి సినిమా మంచి విజయాన్ని అందుకుంది. ఎలాంటి ఎక్స్పెక్టేషన్స్ లేకుండా విడుదలైన ఈ సినిమా విడుదలైన తరువాత మంచి సక్సెస్ఫుల్ టాక్ సొంతం చేసుకుంది. విభిన్నమైన ప్రేమ కథతో యువతను సినిమాకు కనెక్ట్ అయ్యేలాగా చేసింది. ఒక ముస్లిం అమ్మాయి తెలుగు అబ్బాయి ప్రేమలో పడితే ఆ ఫ్యామిలీస్ ఎలాంటి ఎమోషన్స్ ని ఫీలవుతాయి అనే కాన్సెప్ట్ వచ్చిన సినిమా ఇప్పటికీ చాలామందికి గుర్తుండే ఉంటుంది.

ఇప్పుడు ఆ సినిమా వివరాలు, విశేషాలు ఎందుకంటారా అక్కడికే వస్తున్నాం ఈ సినిమాలో హీరోగా దీపక్ నటించాడు. కాగా హీరోయిన్ గా కంచికౌల్ నటించింది. ముస్లిం అమ్మాయిగా నటించి యువత మనసు కొల్లగొట్టింది ఈ భామ. మొదటి సినిమాతోనే మంచి హిట్ కొట్టింది. ఆ తర్వాత ఫ్యామిలీ సర్కస్, మా అశోక్ గాడి లవ్ స్టోరీ, శివరామరాజు వంటి సినిమాల్లో నటించింది.కానీ ఆ తరువాత ఎందుకో అనుకున్నంత సక్సెస్ ని సాధించలేకపోయింది.

తర్వాత పలు టెలివిజన్ షో లో కూడా నటించింది. అలాగే ఒక హిందీ సినిమాలో కూడా కనిపించింది. ఆ తరువాత వెండితెరపై కనుమరుగైపోయింది ఈ భామ. 2005లో ఏక్ లడికి అంజనీ సి అనే టీవీ షోలో ఆఖరి సారి కనిపించింది ఈ భామ. ఆ తరువాత 2011లో నటుడు షబ్బీర్ అహ్లువాలియాని వివాహం చేసుకుంది. వీరికి ఇద్దరు కుమారులు కూడా ఉన్నారు.

వివాహం తర్వాత పూర్తిగా తెరమరుగైపోయిన ఈ భామ ఈ మధ్యనే కొడుకులతో కలిసి మీడియా కంటికి చిక్కింది. మొదట ఈమెను చూసి ఎవరూ గుర్తుపట్టలేకపోయారు. గుర్తుపట్టిన తరువాత ఈమె ఏమిటి ఇంతలా మారిపోయింది అని అక్కడ ఉన్నవారు ఆశ్చర్యపోయారు. మీరు కూడా ఒకసారి ఆ ఫోటోలని చూసి గుర్తుపట్టగలరేమో ప్రయత్నించండి.

ఈమధ్య చాలా మంది సినిమాలను, వెబ్ సిరీస్ లను ఓటిటి ప్లాట్ ఫామ్ లో విడుదల చేసేస్తున్నారు. అయితే ఇంకొన్ని మంది పక్క లాంగ్వేజ్ వెబ్ సిరీస్లను కూడా తెలుగులోకి డబ్బింగ్ చేస్తూ రిలీజ్ చేస్తున్నారు. అందులో ఆహా ముందుంటుంది. ఏ లాంగ్వేజ్ లో ఒక మంచి వెబ్ సిరీస్ వచ్చినా వాటిని తెలుగు డబ్ చేసి ఓటీటీలోకి దించేస్తుంది ఆహా. కిందటి సంవత్సరం సామజవరగమన అనే సినిమాలో శ్రీ విష్ణు సరసన నటించి తెలుగు ప్రేక్షకులకు హీరోయిన్ గా పరిచయమైంది రెబా మోనికా జాన్.

ఇప్పుడు మళ్లీ తెలుగులో ఆకాశవాణి అనే వెబ్ సిరీస్ లో దాదా సినిమా ఫేమ్ కెవిన్ సరసన నటిస్తుంది. కిందటి సంవత్సరం తమిళ ఇండస్ట్రీలో అతి తక్కువ బడ్జెట్ తో నాలుగు కోట్లకు విడుదలైన దాదా సినిమా దాదాపు 30 కోట్ల వరకు సంపాదించి అత్యధిక లాభం తెచ్చిన కోలీవుడ్ సినిమాల లిస్టులో చోటు సంపాదించుకుంది. ఇందులో హీరోగా నటించిన కెవిన్ ఒక తండ్రి పాత్రలో జీవించేసాడు. ఈ సినిమా చూస్తూ అందరిని ఏడిపించేసాడు.

ఈ సినిమా హిట్ కావడంతో అందులో ఉన్న హీరో కెవిన్ కు చాలా ఫేమ్ వచ్చి బిజియస్ట్ యాక్టర్ గా మారిపోయాడు. అయితే కిందటి సంవత్సరం తమిళంలో ఆకాశవాణి అనే పేరుతోనే వెబ్ సిరీస్ తీశారు. దాన్నే తెలుగులో అనువదిస్తూ జనవరి 5న ఆహా ఓటిటి ప్లాట్ ఫామ్ లో విడుదల చేయనున్నారు. ఇందులో మొత్తం ఏడు ఎపిసోడ్లు ఉంటాయి. ఒక్కొక్క ఎపిసోడ్ 30 నిమిషాలు వరకు ఉంటుందట. ఇందులో పెళ్లి చేసుకుని విడిపోదాం అనుకున్న ఇద్దరూ దంపతులు మళ్లీ ప్రేమికులలా ఎందుకు నటించాల్సి వస్తుందో, అక్కడ వాళ్ళు ఎదుర్కొన్న సమస్యలు ఏంటో కామెడీ వే లో చూపించారు దర్శకుడు.

ఈ వెబ్ సిరీస్ తమిళ్లో హిట్ అయింద. తెలుగులో ఎలా ఉంటుందో జనవరి ఐదున చూడాల్సి ఉంటుంది. తమిళంలో కెవిన్ కామెడీ టైమింగ్ కు, రెబా మోనికతో తనకున్న కెమిస్ట్రీకు మంచి ఆదరణ పొందాడు. తెలుగులో కూడా అదే అవుతుందో లేదో చూడాలంటే ఆహాలో విడుదలవుతున్న ఆకాశవాణి చూడాలి. ఈ వెబ్ సిరీస్ లో రెబా మోనిక జాన్ కి కూడా మంచి పాత్ర లభించింది. సామజవరగమన సినిమాలో తన నటనని చాటుకున్న రెబా ఇందులో ఎలా ఉంటుందో చూడాలి.

త్రివిక్రమ్ శ్రీనివాస్ దర్శకత్వంలో గుంటూరు కారం సినిమా తెరకెక్కుతున్న విషయం తెలిసిందే. ఈ సినిమా జనవరి 12న రిలీజ్ అవ్వటానికి సిద్ధంగా ఉంది. ఈ సినిమా మహేష్ బాబు త్రివిక్రమ్ కాంబినేషన్లో వస్తున్న మూడవ సినిమా.

ఇంతకుముందు అతడు, ఖలేజా సినిమాలు వీళ్ళిద్దరి కాంబినేషన్లోని వచ్చాయి ఇప్పుడు రాబోతున్న ఈ గుంటూరు కారం సినిమా కోసం ఈగర్ గా వెయిట్ చేస్తున్నారు మహేష్ బాబు ఫ్యాన్స్.

ఈ సినిమాలో మహేష్ బాబు సరసన శ్రీ లీల మీనాక్షి చౌదరి నటిస్తున్న విషయం తెలిసిందే అయితే ఇప్పటివరకు మహేష్ బాబు ఫస్ట్ లుక్, శ్రీ లీల ఫస్ట్ లుక్ విడుదల చేసిన మూవీ మేకర్స్ మీనాక్షి చౌదరి ఫస్ట్ లుక్ ని మాత్రం రిలీజ్ చేయలేదు దాంతో ఈమె ఎలాంటి క్యారెక్టర్ వేస్తుందో అనే ఉత్కంఠత అభిమానులలో ఉండిపోయింది. అయితే తాజాగా నేడు మీనాక్షి చౌదరి ఫస్ట్ లుక్ ని విడుదల చేశారు మూవీ మేకర్స్.

అచ్చ తెలుగు లంగా వోణిలో మహేష్ బాబు వెనకనించొని అతని భుజాలు పట్టుకుని ఉన్న మీనాక్షి చౌదరిని చూసిన ప్రేక్షకులు మహేష్ బాబు మరదలు పాత్రలో నటిస్తుంది అంటూ ఒక కంక్లూషన్ కి వచ్చేసారు మీనాక్షి ఫస్ట్ లుక్ అందరికీ తెగ నచ్చటంతో అదిరిందయ్యా త్రివిక్రమ్ అంటూ అతని విజన్ ని తెగ పొగిడేస్తున్నారు అభిమానులు. అయితే మీనాక్షి చౌదరి ఇచట వాహనములు నిలుపరాదు అనే సినిమా ద్వారా తెలుగులోకి వచ్చిన హర్యానా భామ.

మొదట కొన్ని వెబ్ సిరీస్లతో పాటు సీరియల్స్ లో కూడా నటించింది తర్వాత సినిమాల్లోకి ఎంట్రీ ఇచ్చింది ఈ మధ్యనే అడవి శేష్ తో హిట్ 2 లో హీరోయిన్గా నటించిన ఈ భామకు ప్రస్తుతం తెలుగులో వరుసగా ఆఫర్స్ వస్తున్నాయి. గుంటూరు కారంలో ఈమె పాత్ర గనుక క్లిక్ అయినట్లయితే టాలీవుడ్ కి మరొక మంచి హీరోయిన్ దొరికినట్లే

గీత గోవిందం ఆ మూవీ పేరు చెబితేనే ఓ ట్రాన్సలోకి వెళ్ళిపోతారు చాలామంది. అప్పటివరకు రౌడీ బాయ్ ఇమేజ్ లో ఉన్న విజయ్ దేవరకొండకు ఓ మంచి ఫ్యామిలీ ఇమేజ్ క్రియేట్ చేసి ఫ్యామిలీ ఆడియన్స్ లో పాపులర్ చేసిన మూవీ ఇది. మరోపక్క రష్మిక మందన్నా కు హీరోయిన్గా మంచి క్రేజ్ తెచ్చి పెట్టింది ఈ మూవీ. 2018 ఆగస్టు 15న విడుదలైన ఈ చిత్రం విపరీతమైన స్పందన అందుకుంది.

అయితే ఈ మూవీలో హీరోయిన్గా మొదట రష్మిక అని అనుకోలేదట. మొదట ఈ క్యారెక్టర్ కి డైరెక్టర్ ఛా యిస్ మెగా కోడలు లావణ్య త్రిపాఠి. అయితే ఈ చిత్రం కాన్సెప్ట్ అంతా నచ్చినప్పటికీ.. లిప్ లాక్ సీన్స్ ఉండడంతో లావణ్య నిర్వాహమాటంగా ఈ మూవీకి నో చెప్పిందట. దీంతో ఈ మూవీ ఫైనల్ గా రష్మిక ఖాతాలు పడింది. అలా రష్మిక కు నేషనల్ క్రష్ అయ్యే ఛాన్స్ ని లావణ్య తెలియకుండానే ఇచ్చేసింది.

అందాల రాక్షసి మూవీతో తెలుగు సినీ ఇండస్ట్రీలోకి అడుగుపెట్టిన లావణ్య త్రిపాఠి తన అందమైన నటనతో అందరిని ఆకట్టుకుంది. సంవత్సరానికి ఒక సినిమా చేస్తూ ముందుకు వెళ్తున్న ఈ హీరోయిన్ మెగా ప్రిన్స్ వరుణ్ తేజ్ తో తన ప్రేమ వ్యవహారాన్ని గుట్టుగా ఉంచింది.. అందరికీ సడన్ షాక్ ఇస్తూ ఈ జంట తమ ఎంగేజ్మెంట్ అనౌన్స్ చేశారు. ఆ తర్వాత తమ ప్రేమకు పునాది వేసిన ఇటలీలో పెళ్లి చేసుకుని ఒకటయ్యారు. వరుణ్ కి బాగా కమిటెడ్ గా ఉండడంతోటే లావణ్య పెళ్లికి ముందు నుంచి ఏ సినిమాలో కూడా లిప్ లాక్ సీన్స్ చేయలేదు. మంచి ఆఫర్లు వచ్చినా.. బ్లాక్ బస్టర్ చిత్రాలను కూడా వదులుకోవడానికి ఆమె ఏమాత్రం వెనుకాడ లేదు. దీనికి గీతాగోవిందం మూవీ ఒక ఎగ్జాంపుల్ అంటున్నారు నెటిజన్స్.

తెలుగు ప్రేక్షకులకు నందమూరి హీరో జూనియర్ ఎన్టీఆర్ గురించి ప్రత్యేకంగా పరిచయం అక్కర్లేదు. జూనియర్ ఎన్టీఆర్ ప్రస్తుతం వరుసగా సినిమాలలో నటిస్తూ బిజీ బిజీగా ఉన్న విషయం తెలిసిందే. కాగా గత ఏడాది ఆర్ఆర్ఆర్ సినిమాతో ప్రేక్షకులను పలకరించిన జూనియర్ ఎన్టీఆర్ ఈ సినిమాతో గ్లోబల్ స్టార్ గా గుర్తింపు తెచ్చుకున్నారు.

ఈ సినిమా తర్వాత ఎన్టీఆర్ క్రేజ్ మరింత పెరిగింది. దీంతో ఎన్టీఆర్ అదే ఊపుతో కొరటాల శివ దర్శకత్వంలో దేవర సినిమాకు గ్రీన్ సిగ్నల్ ఇవ్వగా ఇప్పటికీ సినిమాకు సంబంధించి దాదాపు 30% షూటింగ్ కూడా పూర్తి అయినట్టు తెలుస్తోంది. ఈ సినిమాను వచ్చే ఏడాది ఏప్రిల్ 5న విడుదల చేయబోతున్నట్టు చిత్ర బృందం ఇప్పటికే ప్రకటించారు.

దేవర సినిమా నుంచి ఇప్పటికే హీరో ఎన్టీఆర్ హీరోయిన్ జాన్వీ కపూర్ లకు సంబంధించిన పోస్టర్లను విడుదల చేయగా ఆ పోస్టర్లు సినిమాపై అంచనాలను మరింత పెంచాయి. ఈ సినిమా కోసం అభిమానులు ఎంతో ఆత్రుతగా ఎదురుచూస్తున్నారు. పాన్ ఇండియా హీరోగా మారిన తర్వాత ఎన్టీఆర్ నటిస్తున్న సినిమా కావడంతో ఈ సినిమాపై బోలెడు ఆశలు పెట్టుకున్నారు తారక్ ఫ్యాన్స్. ఆ సంగతి పక్కన పెడితే తాజాగా సోషల్ మీడియాలో ఎన్టీఆర్ కు సంబంధించి ఒక ఆసక్తికర వార్త చెక్కర్లు కొడుతోంది.

అదేమిటంటే కేజిఎఫ్ సినిమాతో పాన్ ఇండియా లెవెల్ లో గుర్తింపు తెచ్చుకున్న డైరెక్టర్ ప్రశాంత్ నీల్ ప్రస్తుతం ప్రభాస్ తో సలార్ సినిమాను తెరకెక్కించిన విషయం తెలిసిందే. డిసెంబర్లో ఈ సినిమా ప్రేక్షకుల ముందుకు రానుంది. ఆ సంగతి పక్కన పెడితే త్వరలోనే ఎన్టీఆర్ ప్రశాంత్ నీల్ కాంబినేషన్లో ఒక సినిమా రాబోతున్న విషయం తెలిసిందే. ఇందుకు సంబంధించిన అనౌన్స్మెంట్ కూడా వచ్చేసింది. ప్రస్తుతం ఎన్టీఆర్ దేవర సినిమా షూటింగ్లో బిజీ బిజీగా ఉన్నారు.

ఈ మూవీ షూటింగ్ అయిపోగానే ఎన్టీఆర్ ప్రశాంతి నీల్ సినిమా సెట్స్ పైకి వెళ్ళనుంది. అయితే ప్రశాంత్- ఎన్టీఆర్ ఫ్యామిలీ సమయంలో సరదాగా లక్ష్మి ప్రణతిని ఆటపట్టించారట. నువ్వు కూడా ఎన్టీఆర్ మూవీలో రోల్ చేయు గుర్తుంటుంది. ఫ్యాన్స్ కూడా ఫుల్ ఖుషి అవుతారు అని ప్రశాంత్ నీల్ సజెస్ట్ చేశారట. లక్ష్మీ ప్రణతి మాత్రం దానికి ఇంట్రెస్ట్ చూపించలేదట. తనకు అసలు యాక్టింగ్ అంటేనే ఇష్టం లేదని చెప్పిందట.

ఎన్టీఆర్ పక్కన జస్ట్ నిలబడు అంతకు మించి యాక్టింగ్ అవసరం లేదని ప్రశాంత్ నీల్ ఫోర్స్ చేశారట. అప్పుడు వాళ్ళు మాట్లాడుకుంటుండగా ఇంతలో ఎన్టీఆర్ సైలెంట్ గా అక్కడికి వచ్చి ప్రణతికి అలాంటివి ఇష్టం ఉండదు ఆమెను ఇబ్బంది పెట్టడం వేస్ట్ అంటూ కాస్త ఘాటుగా డైరెక్టర్ పై సీరియస్ అయినట్టుగా ఆన్సర్ ఇచ్చారట. దాంతో ఆ టాపిక్ ను అంతటితో వదిలేయడంతో పాటు ఆ విషయం గురించి మరొకసారి ప్రశాంత్ నీల్ ఎన్టీఆర్ దగ్గర ప్రస్తావన తీసుకురాలేదట.