Harika

తమిళ స్టార్ హీరో విశాల్ గురించి ప్రత్యేకంగా పరిచయం చేయాల్సిన అవసరం లేదు. టాలీవుడ్ ఆడియెన్స్ కు హీరో విశాల్ పలు డబ్బింగ్ సినిమాల ద్వారా సుపరిచితమే. విశాల్ హీరోగా తెలుగు డబ్ అయిన పందెం కోడి, భరణి, పొగరు,  డిటెక్టివ్, అభిమన్యుడు లాంటి చిత్రాలతో సూపర్ హిట్స్ అందుకున్నాడు.

విశాల్ తాను నటించే ప్రతి మూవీకి చాలా కష్టపడుతుంటాడు. రియల్ స్టంట్స్ చేస్తుంటాడు. ఆ క్రమంలో ఎన్నో సార్లు గాయపడ్డాడు. అయినప్పటికీ ఫైట్స్ విషయంలో రాజీపడకుండా చేస్తూనే ఉన్నాడు. అయితే తాజాగా సోషల్ మీడియాలో విశాల్ నటించిన సెల్యూట్ సినిమాలోని ఒక యాక్షన్ సీన్ వైరల్ గా మారింది. అది చూసిన నెటిజెన్లు కామెంట్స్ పెడుతున్నారు. ఆ వివరాలు ఇప్పుడు చూద్దాం..
కోలీవుడ్ స్టార్ హీరో విశాల్ 2008లో సత్యం అనే తమిళ యాక్షన్ డ్రామా మూవీలో నటించాడు. ఈ చిత్రానికి దర్శకుడు సురేష్ కృష్ణ సహచరుడు ఎ. రాజశేఖర్ దర్శకత్వం వహించాడు. ఇది ఆయనకి దర్శకుడిగా మొదటి సినిమా. ఈ మూవీలో విశాల్ తొలి సారిగా పోలీసు క్యారెక్టర్ లో నటించాడు.
లేడి సూపర్ స్టార్ నయనతార హీరోయిన్ గా నటించింది. ప్రముఖ కన్నడ స్టార్ హీరో ఉపేంద్ర ఈ చిత్రంలో కీలక పాత్రలో నటించాడు. అయితే ఉపేంద్ర ఈ చిత్రం ద్వారా కోలీవుడ్ లో ఎంట్రీ ఇచ్చాడు. ఇక ఈ చిత్రాన్ని ‘సెల్యూట్’ పేరుతో తెలుగులో రిలీజ్ చేశారు, అయితే ఈ మూవీ తమిళ, తెలుగులో ఏకకాలంలో చిత్రీకరించారు. ఈ సినిమాకి హారిస్ జయరాజ్ సంగీతం అందించారు. సెల్యూట్ మూవీ 2008లోఆగస్టు 14న విడుదలైంది.
ఈ చిత్రాన్ని విశాల్ అన్న విక్రమ్ కృష్ణ నిర్మించారు. ఇది ఇలా ఉంటే ఈ మూవీలోని ఒక యాక్షన్ సీన్ ను ఇన్ స్టా ఎంటర్టైన్మెంట్ జోన్ అనే పేజీలో పోస్ట్ చేశారు. ఆ సీన్ లో విశాల్ కిక్ చేసిన బాల్ రౌడీలందరికి తగిలి, మళ్ళీ విశాల్ చేతిలో రొటేట్ అవుతుంది. ఈ వీడియో చూసిన నెటిజెన్లు ఎవరో బోయపాటికి బ్రదర్ లాగా ఉన్నాడు అని కామెంట్స్ పెడుతున్నారు.

watch video :

https://www.instagram.com/reel/CuYWWuXp1Cu/?igshid=NjZiM2M3MzIxNA%3D%3D

Also Read:  “అతను యాక్టర్ కాదు… అంతా హింస..!” అంటూ… “ప్రభాస్” పై ది కాశ్మీర్ ఫైల్స్ డైరెక్టర్ కామెంట్స్..!

దగ్గుబాటి హీరో వెంకటేష్ ని తెలుగు ఇండస్ట్రీ లో హేట్ చేసే వారు ఎవరు ఉండరు. అందరు ఆయన అభిమానులే. అంత గా తెలుగువారికి దగ్గరైన విక్టరీ వెంకటేష్ తాజాగా విభిన్న కథనాలతో ముందుకొస్తున్నారు. ఇటీవల ఆయన చేసిన “అసురన్” రీమేక్ మూవీ “నారప్ప” బాగా ఆకట్టుకున్న సంగతి తెలిసిందే. మరో రీమేక్ మూవీ “దృశ్యం” మూవీ కూడా తొందరలోనే విడుదల కానుంది.

కెరీర్ ప్రారంభం నుంచి వెంకటేష్ అన్ని రకాల కధలకు ప్రాధాన్యం ఇస్తూ.. తనదైన శైలిలో నటిస్తూ వచ్చారు. ఇక మాస్ సినిమాలను చూస్తే ఆ సెలక్షన్ స్టైల్ వేరు అన్నట్లు ఉంటుంది. తాజాగా.. విడుదలైన నారప్ప లో మాస్ గా కనిపించిన వెంకీ మామ అందరికి తెగ నచ్చేసారు. అసలు ఇండస్ట్రీ లో ఆయనని ఇష్టపడని వారు అంటూ ఎవరూ ఉండరు. నారప్ప లో వెంకటేష్ ని తప్ప మరొకరిని ఉహించుకోలేమేమో అన్నంతగా జీవించేసారు.

రీమేక్ సినిమా అయినప్పటికీ… తనదైన శైలిలో బెస్ట్ పెర్ఫార్మెన్స్ ఇచ్చారు మన వెంకీ మామ. ఫేస్ బుక్ లో వెంకీ యాక్టింగ్ పై చాలా మీమ్స్ ట్రెండ్ అయ్యాయి. కొన్ని తమిళ్ పేజెస్ పనిగట్టుకుని ట్రోల్ చేసినా.. మన తెలుగు పేజెస్ అందుకు ధీటుగా సమాధానమిచ్చాయి. సినిమా రిలీజ్ అయ్యాక వెంకీ మామ నటన చూసాక అందరు ఆయనకీ ఫిదా అయ్యారు. అలా.. వెంకీ మామ రీమేక్ చేసిన సినిమాలు గతం లోను మంచి పేరు తెచ్చిపెట్టాయి. ఆ సినిమాల లిస్ట్ పై ఓ లుక్ వేద్దాం.

#1 నారప్ప:

ఇది వెంకటేష్ కెరీర్ లో బెస్ట్ మూవీ గా చెప్పుకోవచ్చు. ఇలాంటి మూవీ ని వెంకీ మామ ఎప్పుడు చేయలేదు. ఇది కూడా తమిళ “అసురన్” కి రీమేక్.

#2 జెమిని:

తమిళ్ మూవీ జెమిని నే తెలుగులోనూ రీమేక్ చేసారు. అయితే.. ఈ సినిమా అంతగా ఆడకపోయినా వెంకీ నటన కి మాత్రం మంచి పేరు వచ్చింది.

#3 గోపాల గోపాల:

ఓ మై గాడ్ సినిమా ని రీమేక్ చేసి “గోపాల గోపాల” సినిమా తీసారని అందరికి తెలుసు. ఇలాంటి డిఫరెంట్ మూవీస్ చేయడం లో మన వెంకీ మామ దిట్ట.

#4 సుందరకాండ:

ఇది కూడా రీమేక్ మూవీ అని చాల మందికి తెలియదు. తమిళ మూవీ లో భాగ్యరాజ్ నటించారు. కానీ.. వెంకీ నటించిన తీరు డిఫరెంట్ గా ఆకట్టుకుంటుంది.

#5 సూర్యవంశం:

తమిళ సూర్యవంశం మూవీ అదే టైటిల్ లో రీమేక్ చేసారు. కానీ.. ఇది రీమేక్ అని చెప్తే కానీ తెలియలేదు.

#6 దృశ్యం:

ఇది మలయాళం మూవీ. ఒరిజినల్ లో మోహన్ లాల్ వంటి స్టార్ నటించారు. సహజం గానే రీమేక్ పై చాలా ఫోకస్ ఉంటుంది. అయినా సరే వెంకీ మామ తన మార్క్ బెస్ట్ పెర్ఫార్మన్స్ ఇచ్చారు.

#7 గురు:

ఈ సినిమా కూడా హిందీ లో “షాలా ఖదూస్” గా అలాగే తమిళ్ లో “ఇరుది సుట్రు”గా రూపొందించారు. దీనినే తెలుగు లో “గురు” గా రీమేక్ చేసారు.

#8 చంటి:

తమిళ్ “చిన తంబీ” కి తెలుగు రీమేక్ “చంటి” మూవీ. ఇది కూడా రీమేక్ అంటే నమ్మలేము. అమాయకుడి పాత్రలో వెంకీ మామ ఒదిగిపోయారు అంతే.

#9 ఈనాడు:

హిందీ మూవీ “ఏ వెన్స్ డే” కి తెలుగు రీమేక్ “ఈనాడు”. ఈ సినిమాలో కమల్ హాసన్ తో వెంకీ మామ స్క్రీన్ షేర్ చేసుకున్నారు. పెర్ఫార్మన్స్ విషయం లో వెంకీ మామ కొంచం కూడా తగ్గలేదు.

#10 ఘర్షణ:

తమిళ్ “కాక్క కాక్క” ను తెలుగు లో “ఘర్షణ” గా రిలీజ్ చేసారు. తమిళ వెర్షన్ లో సూర్య, జ్యోతిక నటించారు. తెలుగు లో వెంకటేష్, ఆసిన్ నటించారు.

ప్రస్తుతం థియేటర్లో విడుదలైన ప్రతి సినిమా కూడా ఓటిటి లో స్ట్రీమ్ అవుతున్నాయి. కొన్ని సినిమాలు ధియేటర్లో సంచలనం విజయం సాధించిన తర్వాత కూడా ఓటిటి లో అదే రేంజ్ సెన్సేషన్ క్రియేట్ చేస్తున్నాయి. తాజాగా బాలీవుడ్ సూపర్ స్టార్ రణబీర్ కపూర్ హీరోగా తెలుగు డైరెక్టర్ సందీప్ రెడ్డి వంగా తెరకెక్కించిన యానిమల్ సినిమా ధియేటర్లో ఎంతటి సంచలన విజయం సాధించిందో తెలిసిందే. ఇప్పుడు ఓటిటి లో స్ట్రీమ్ అవుతున్న ఈ సినిమా అక్కడ కూడా రికార్డు స్థాయిలో వ్యూస్ సాధిస్తుంది. నెట్ ఫ్లిక్స్ ఓటిటి ప్లాట్ఫారం మీద ఉన్న ఈ సినిమా ఒక సంచలనం అనే చెప్పాలి. ఇక యానిమల్ తరహాలో మిగతా సినిమాలు కూడా రికార్డు స్థాయిలో వ్యూస్ సాధిస్తున్నాయి.

ప్రస్తుతం జీ5 లో సామ్ బహదూర్ అనే సినిమా స్ట్రీమింగ్ అవుతుంది. మేఘనా గుల్జార్ దర్శకత్వం వహించిన ఈ సినిమా  భారత ఆర్మీ తొలి ఫీల్డ్ మార్షల్‍ సామ్ మానెక్‌షా జీవితం ఆధారంగా ఆర్‌ఎస్‌విపి మూవీస్ బ్యానర్‌పై రోనీ స్క్రూవాలా  నిర్మించారు.విక్కీ కౌషల్, ఫాతిమా సనా షేక్, సన్యా మల్హోత్రా, నీరజ్ కబీ ప్రధాన పాత్రల్లో నటించిన ఈ సినిమా డిసెంబర్ 1వ తేదీన థియేటర్లలో విడుదల అయ్యి యానిమల్ తరహాలో సూపర్ డూపర్ హిట్టుగా నిలిచింది. జనవరి 26 నుండి ఓటిటిలో స్ట్రీమింగ్ అవుతుండగా అక్కడ కూడా మంచి విజయాన్ని నమోదు చేసుకుంది.

ఇక ఐపీఎస్ ఆఫీసర్ మనోజ్ శర్మ జీవితాన్ని ఆధారంగా “12th ఫెయిల్” తెరకెక్కగా అక్టోబర్ 27న విడుదలై మంచి విజయాన్ని నమోదు చేసుకోగా ఓటిటి లో కూడా రికార్డు స్థాయిలో వ్యూస్ సాధిస్తుంది. డిసెంబర్ 29 నుండి డిస్నీ ప్లస్ హాట్ స్టార్ లో అన్ని భాషల్లోనూ ఈ సినిమా స్ట్రీమ్ అవుతుంది. ఇంకా చెప్పాలంటే థియేటర్లో కన్నా ఓటిటి లోనే ఈ సినిమాకి మంచి ఆదరణ దొరికింది. తాజాగా ఓటిటి లో వచ్చిన సినిమాల్లో టాప్ త్రీ లో ఈ మూడు సినిమాలు ఉన్నాయి.

పద్మశ్రీ తర్లా దలాల్ ఫేమస్ ఇండియన్ ఫుడ్ రైటర్, చెఫ్, వంట పుస్తక రచయిత మరియు వంట ప్రోగ్రామ్స్ కి హోస్ట్.  తర్లా వంద పుస్తకాలకు పైగా వంటల గురించి వ్రాసింది. 2007లో భారత ప్రభుత్వం తర్లా దలాల్ ను పద్మశ్రీ పురస్కారంతో సత్కరించింది. కుకింగ్  ఫీల్డ్ లో ఈ బిరుదును అందుకున్న ఏకైక ఇండియన్ తర్లా దలాల్.

తాజాగా తర్లా దలాల్ బయోపిక్ తెరకెక్కించారు. ఈ మూవీ ‘తర్లా’ టైటిల్ తో జీ5 ఓటీటీలో రిలీజ్ అయ్యింది. టైటిల్ పాత్రలో బాలీవుడ్ నటి హుమా ఖురేషి నటించారు. ఈ మూవీకి పీయూష్ గుప్తా దర్శకత్వం వహించారు. జులై 7న రిలీజ్ అయిన ఈ సినిమా ఎలా ఉందో ఇప్పుడు చూద్దాం..
బయోపిక్ డ్రామాగా వచ్చిన “తర్లా ” ప్రస్తుతం జీ5 ఓటీటీలో స్ట్రీమింగ్ అవుతోంది. ఈ చిత్రంలో హుమా ఖురేషి, షరీబ్ హష్మీ జంటగా నటించారు. పూర్ణేందు భట్టాచార్య, భారతీ అచ్రేకర్, వీణా నాయర్ తదితరులు నటించారు. కథ విషయనికి వస్తే, పెద్ద కలలు కనే మిడిల్ క్లాస్ అమ్మాయి తర్లా (హుమా ఖురేషి). జీవితంలో పెద్దగా ఏదైనా సాధించాలనుకునే ఆమెకి పెళ్లి జరగడంతో సినిమా మొదలవుతుంది. వృత్తిరీత్యా ఇంజనీర్ నలిన్ (షరీబ్ హష్మీ)ని తర్లా పెళ్లి చేసుకుంటుంది.
కాలేజ్‌కి వెళ్లే తర్లా పెళ్లి అనంతరం వంట చేయడం ఎలా నేర్చుకుంది. అందరికి ఆదర్శంగా నిలిచే విధంగా ఆ తరువాత తన సొంత వంటల పుస్తకాలతో, భర్త సపోర్ట్ తో ఎలా ఎదిగింది అనేది స్టోరీ. హుమా ఖురేషి తర్లా దలాల్ పాత్రలో మెప్పించింది. షరీబ్ హష్మీ భార్యకు సహాయం చేసే భర్త పాత్రలో మెప్పించాడు.
మూవీలోని డైలాగ్స్ ఆకట్టుకుంటాయి. పాటలు ఫర్వాలేదు. సింపుల్ కథను చక్కగా చూపించారు. సాలు కె థామస్ సినిమాటోగ్రఫీ చక్కగా ఉంది. రాకేష్ యాదవ్ ప్రొడక్షన్ డిజైన్ మరియు తస్నీమ్ ఖాన్ కాస్ట్యూమ్స్ 1960-80 కాలానికి సంబంధించినవి ఉపయోగించారు. తర్లాను ఫిల్ గుడ్ మూవీ అని చెప్పవచ్చు.

Also Read: “విరూపాక్ష” సినిమాలో అసలు పాయింట్ మర్చిపోయారుగా..? అది ఏంటంటే..?

మెగాస్టార్ చిరంజీవి కోడలుగా, ప్రతాపరెడ్డి మనవరాలు గానే కాకుండా గ్లోబల్ స్టార్ రామ్ చరణ్ భార్యగా, ఒక సమాజ సేవకురాలిగా తనకంటూ ప్రత్యేకమైన గుర్తింపుని తెచ్చుకుంది ఉపాసన కొణిదెల. ప్రస్తుతం అపోలో బాధ్యతలు చూసుకుంటున్న ఉపాసన నిత్యం సోషల్ మీడియాలో యాక్టివ్ గా ఉంటూ ఆరోగ్యం మీద ప్రజలకి ఎవేర్నెస్ పెంచే వీడియోలు పోస్ట్ చేస్తూ ఉంటుంది.

అయితే ఈమధ్య ఒక ఇంటర్వ్యూలో పాల్గొన్న ఉపాసన భర్త రామ్ చరణ్, కూతురు క్లీంకార ల మధ్యన ఉన్న బాండింగ్ గురించి ఆసక్తికర వ్యాఖ్యలు చేసింది. అమ్మాయిలు నాన్న కూచి అంటారు అది నిజమేనా? మీ అమ్మాయి విషయంలో కూడా ఇది జరుగుతుందా? అనే ప్రశ్నకు సమాధానం ఇస్తూ ఇది కచ్చితంగా నిజమైన స్టేట్మెంట్. అంతే కాదు నా కూతురు విషయంలో కూడా ఇది పక్కాగా జరుగుతుంది.

నా కూతురికి, చరణ్ కి ఉన్న బాండింగ్ చూస్తే నాకు జెలసీగా ఉంటుంది. తండ్రిని చూడగానే క్లింకారా కళ్ళల్లో స్పార్క్ కనిపిస్తుంది, ఆమె మొహం లో వెలుగు కనిపిస్తుంది. నాకు అదంతా చూస్తే హే కమాన్ అనుకుంటూ ఉంటాను అని సరదాగా చెప్పుకొచ్చింది ఉపాసన. పదేళ్ల తర్వాత తల్లిదండ్రులు అయ్యారు కదా ఎలా ఫీల్ అవుతున్నారు అనే ప్రశ్నకు సమాధానంగా అందరూ తల్లి కావటం గ్రేట్ అని ఫీల్ అవుతారు..

నేను మాత్రం డబల్ గ్రేట్ అని ఫీల్ అవుతున్నాను. ఇంకా ఎప్పుడు బిడ్డకు జన్మనిస్తారు ఇలాంటి మాటలు నా వరకు చాలా వచ్చాయి, ఏమైనా సమస్య ఉందా అని కూడా మాట్లాడుకున్నారు. అయితే మేము అన్ని విధాల సిద్ధంగా ఉన్నప్పుడే బిడ్డని కనాలి అనుకున్నాము అందుకే ఇన్నాళ్లు పట్టింది అని చెప్పింది ఉపాసన. ఉపాసన చేసిన ఈ కామెంట్స్ ఇప్పుడు తెగ వైరల్ అవుతున్నాయి. క్లింకారా డాడ్ లిటిల్ ప్రిన్సెస్ అనమాట అంటూ ఆనంద పడిపోతున్నారు మెగా అభిమానులు.

• @AlwaysRamCharan – #KlinKaara ❤️😂 pic.twitter.com/GzQPnDQWiY

— Trends RamCharan ™ (@TweetRamCharan) February 5, 2024

కరోనా పుణ్యమా అని ఓటిటి ప్లాట్ఫారం బాగా ఫేమస్ అయ్యింది. ఈమధ్య సినిమాలో థియేటర్లలో కన్నా ఓటీటీలలోనే ఎక్కువగా రిలీజ్ చేస్తున్నారు. లేదంటే థియేటర్లో రిలీజ్ అయిన 20 నుంచి 30 రోజుల్లో లోపలే ఓటీడీలో స్ట్రీమింగ్ వచ్చేస్తుంది. అయితే ఒక కాంట్రవర్సీ మూవీ మాత్రం విడుదల అయ్యి ఎనిమిది నెలలు అవుతున్నా ఇంకా స్ట్రీమింగ్ కాలేదు. అదే ద కేరళ స్టోరీ. ఫిబ్రవరి 16 నుంచి ప్రముఖ ఓటిటి ప్లాట్ఫారం జి ఫైవ్ లో స్ట్రీమింగ్ కానుంది.

అయితే థియేటర్లో విడుదల చేసిన వెర్షన్ కాకుండా కొన్ని వివాదాస్పద సన్నివేశాలను తొలగించి విడుదల చేయాలనుకుంటున్నారు. ఇక సినిమా విషయానికి వస్తే రెండు సంవత్సరాల క్రితం దేశాన్ని ఒక ఊపు ఊపేసింది. కేరళలో జరిగిన యదార్థ సంఘటనల ఆధారంగా తెరకెక్కిన కేరళ స్టోరీ బాక్సాఫీస్ వద్ద వసూళ్లను రాబట్టింది ఇది దేశవ్యాప్తంగా పెను సంచలనం సృష్టించింది.ఈ సినిమా.

2022 మార్చి 11న దేశవ్యాప్తంగా థియేటర్లలో విడుదలైన ఈ చిత్రం ఎన్నాళ్లకు డిజిటల్ స్ట్రీమింగ్ మోక్షం లభించింది. ఈ చిత్రం మన దేశంలో కొన్ని రాష్ట్రాలలో బయట కొన్ని దేశాలలో నిషేధం విధించారు అంటే ఈ సినిమా ఎలాంటి కాంట్రవర్సీని క్రియేట్ చేసిందో అర్థం చేసుకోవచ్చు. కొంతమంది యువతులు మతం మారడం తర్వాత ప్రత్యేక శిక్షణ తీసుకొని ఉగ్రవాదులుగా మారడం ఇతివృత్తంలో సాగుతుంది ఈ సినిమా.

అదృశ్యమైన యువతులలో చాలామందిని కావాలనే మతమార్పించారని, 32,000 మందికి పైగా అమాయక హిందూ క్రిస్టియన్ యువతులను ఇస్లాంలోకి మార్చి ఐసిస్ క్యాంపులకు పంపి బలవంతంగా శిక్షణ ఇప్పించారనే కోణంలో సినిమా ఉండటంతో చిత్రంపై తీవ్ర వ్యతిరేకత ఏర్పడింది.అంతా వ్యతిరేకతను మూట కట్టుకున్నప్పటికీ వసూళ్ల పరంగా బాలీవుడ్లో రికార్డులు నెలకొల్పింది ఈ సినిమా 25 కోట్ల లోపు బడ్జెట్ తో సినిమాని రూపొందిస్తే 350 కోట్లు రాబట్టి సంచలనం సృష్టించింది ఈ సినిమా

విధు వినోద్ చోప్రా 12 ఫెయిల్ సినిమా ద్వారా మంచి సక్సెస్ ని అందుకున్నాడు. ఈ సినిమా అక్టోబర్ 27న థియేటర్లలో విడుదలైంది. ఆపై డిసెంబర్ 29న ఓటీటీ లో ప్రారంభం అయింది. విక్రాంత్ మాస్సే నటించిన ఈ సినిమాపై ఇప్పటికీ ప్రశంసల వర్షం కురుస్తూనే ఉంది. ఈ సినిమా ధియేటర్లలో వంద రోజులు పూర్తి చేసుకోవడంతో చిత్ర బృందం కలిసి వేడుక చేసుకుంది. ఈ కార్యక్రమంలో దర్శకుడు విధు వినోద్ చోప్రా చేసిన కామెంట్స్ ఇప్పుడు వైరల్ అవుతున్నాయి.

వంద రోజులు వెనక్కి వెళితే ఆరోజు మా సినిమా మొదటిసారి స్క్రీనింగ్ వేసాం. అందరూ 100 కోట్లు 1000 కోట్లు కలెక్షన్ల గురించి మాట్లాడుకునే ఇలాంటి రోజులలోనీ సినిమాలో ఎలాంటి విషయం ఉంది,అసలు ఈ సినిమా విషయంలో నీ ఉద్దేశం ఏమిటి? ఎందుకు ఇలాంటి సినిమాలు తీశావు అంటూ నన్ను నేనే ప్రశ్నించుకున్నాను. ఆపై నిజాయితీతో సినిమా తీస్తే కలెక్షన్లు అవే వస్తాయి అని ధైర్యం చేశాను. నేను ఈ సినిమా తీస్తున్నప్పుడు నా భార్యతో సహా అందరూ దీనిని ఓటీటీ లో విడుదల చేయాలని సలహా ఇచ్చారు.

విక్రాంత్,నువ్వు కలిసి చేసిన ఈ సినిమాను ఎవరూ చూడరు వినోద్ ఇలాంటి సినిమాలుకు నేను కలెక్ట్ కాలేను ఓపెనింగ్ కలెక్షన్లు వస్తే రెండు లక్షలు రావచ్చు మొత్తం 30 లక్షలు వస్తే గొప్పే అంటూ అందరూ నన్ను భయపెట్టారు నా సొంత డబ్బులు ఖర్చు పెట్టి సినిమాకు మార్కెటింగ్ ప్రచారం చేశాను. విడుదలైనప్పుడు నెమ్మదిగా పాజిటివ్ టాక్ వచ్చింది.

ఇప్పుడు ఈ సినిమా ఏ స్థాయిలో ఉందో ప్రత్యేకించి చెప్పవలసిన అవసరం లేదు అంటూ ఎమోషనల్ స్పీచ్ ఇచ్చాడు వినోద్. అయితే 12 ఫెయిల్ విషయంలో తన అంచనా తప్పయిందని అందరి ముందు అంగీకరిస్తున్నాను అంటూ వినోద్ చోప్రా సతీమణి అనుపమ చోప్రా తెలియజేశారు. ఈ సినిమాని 20 కోట్లతో నిర్మిస్తే 60 కోట్లకు పైగా వసూళ్లను సాధించింది.