kavitha

తమిళ సీనియర్ హీరో, డీఎండీకే అధినేత కెప్టెన్ విజయ్‌కాంత్‌ అనారోగ్యంతో గురువారం నాడు (డిసెంబర్ 28) కన్నుమూసిన సంగతి తెలిసిందే. ఆయన 150కి పైగా చిత్రాలలో నటించి, మెప్పించారు. విజయ్‌కాంత్‌ తమిళ సినిమాలలో మాత్రమే నటించారు.

ఆయన నటించిన పలు సినిమాలు తెలుగులో డబ్బింగ్ చేయగా, విజయం సాధించాయి. ఆ సినిమాల ద్వారా  తెలుగు ప్రేక్షకులకు విజయ్ కాంత్ చేరువయ్యారు. విజయ్‌కాంత్‌ నటించిన పలు చిత్రాలను తెలుగులో రీమేక్ చేశారు, వాటి వాటిద్వారా మన హీరోలు హిట్ అందుకున్నారు. ఆ సినిమాలు ఏమిటో ఇప్పుడు చూద్దాం..
1. చట్టానికి కళ్ళు లేవు :

విజయ్‌కాంత్‌ ని కోలీవుడ్ లో స్టార్ హీరోగా నిలబెట్టిన మూవీ ‘సట్టం ఒరు ఇరుత్తరై’. ఈ సినిమాకి కోలీవుడ్ స్టార్ హీరో విజయ దళపతి తండ్రి ఎస్.ఎ.చంద్రశేఖర్ దర్శకత్వం వహించారు. అక్కడ సూపర్ హిట్ అయిన ఈ మూవీని తెలుగులో చిరంజీవి హీరోగా ‘చట్టానికి కళ్ళు లేవు’ పేరుతో రీమేక్ చేశారు.
2. మంచిమనసులు:

తమిళంలో విజయ్ కాంత్ రేవతి జంటగా నటించిన వైదేగి కతిరున్తల్ 1984లో సూపర్ హిట్ గా నిలిచింది. ఈ మూవీని తెలుగులో భాను చందర్ హీరోగా మంచిమనసులు పేరుతో మోహన్ గాంధీ రీమేక్ చేశారు.
3. ఖైదీ నెంబర్ 786:

విజయ్ కాంత్, రాధ జంటగా నటించిన హిట్ మూవీ  ‘అమ్మన్ కోవిల్ కిజకాలే’. ఈ చిత్రాన్ని ఖైదీ నెంబర్ 786 పేరుతో  చిరంజీవి హీరోగా రీమేక్ చేశారు. ఇందులో భానుప్రియ హీరోయిన్ గా నటించగా, విజయ్ బాపినీడు దర్శకత్వం వహించాడు. ఈ మూవీ విజయం సాధించింది.
4. దేవాంతకుడు:

విజయ్ కాంత్ హీరోగా ఎస్.ఎ.చంద్రశేఖర్ దర్శకత్వంలో వచ్చిన  ‘వెట్రి’ మూవీకి రీమేక్ గా తెరకెక్కింది. ఈ మూవీలో  చిరంజీవి, విజయశాంతి నటించారు.
5. నేనే రాజు నేనే మంత్రి:

ఈ పేరు వింటే  రానా మూవీ గుర్తుకు వస్తుంది. 1987లో దాసరి నారాయణరావు దర్శకత్వంలో మోహన్ బాబు హీరోగా నేనే రాజు నేనే మంత్రి మూవీ వచ్చింది. ఈ చిత్రం విజయకాంత్ నటించిన తమిళ సినిమా ‘నన్నే రాజా నన్నే మంత్రి’ కు రీమేక్.
6. ధర్మతేజ:

1988లో విజయ్ కాంత్ హీరోగా నటించిన సినిమా ‘పూంతొట్టా కావల్కరన్’. ఈ మూవీ కృష్ణంరాజు హీరోగా ధర్మతేజ పేరుతో తెలుగులో రీమేక్ చేశారు.
7. దొంగపెళ్ళి:

1987లో వచ్చిన విజయ్ కాంత్ సూపర్ హిట్ మూవీ ‘నినైవే ఒరు సంగీతం’. ఈ సినిమాని శోభన్ బాబు హీరోగా దొంగపెళ్ళి  టైటిల్ తో రీమేక్ చేశారు. ఈ మూవీలో సుమలత, విజయశాంతి హీరోయిన్లుగా నటించారు.
8. చినరాయుడు:

విక్టరీ వెంకటేష్ హీరోగా, విజయశాంతి హీరోయిన్ గా నటించిన ఈ చిత్రం సూపర్ హిట్ అయ్యింది. ఈ మూవీకి దర్శకుడు బి.గోపాల్. ఈ మూవీ 1992 లో విజయ్ కాంత్ నటించిన చిన్న గౌండర్ మూవీకి రీమేక్.
9. నా మొగుడు నాకే సొంతం:

మోహన్ బాబు హీరోగా వాణి విశ్వనాధ్, జయసుధ నటించిన నా మొగుడు నాకే సొంతం మూవీ 1989లో విజయ్ కాంత్ హీరోగా నటించిన ‘ఎన్ పురుషన్ తన్ ఎనక్కు మట్టుమ్తాన్’ కు రీమేక్.
10. గమ్యం:

1992లో సూపర్ హిట్ అయిన విజయ్ కాంత్ తమిళ మూవీ ‘భరతన్’. ఈ మూవీని తెలుగులో శ్రీకాంత్ హీరోగా గమ్యం పేరుతో రీమేక్ చేశారు. ఈ మూవీలో రవళి హీరోయిన్ గా నటించింది.
11. ఠాగూర్:

వి.వి.వినాయక్ దర్శకత్వంలో చిరంజీవి నటించిన ఠాగూర్ మూవీ ఎంత పెద్ద విజయం సాధించిందో తెలిసిందే. ఈ మూవీ 2002 లో విజయ్ కాంత్ నటించిన ‘రమణ’మూవీకి కి రీమేక్. ఈ చిత్రానికి మురుగదాస్ దర్శకత్వం వహించారు.
12. మా అన్నయ్య:

2000లో విజయ్ కాంత్ హీరోగా తెరకెక్కిన తమిళ సినిమా ‘వనతైప్పోల’. ఈ సినిమాని తెలుగులో రాజశేఖర్ హీరోగా మా అన్నయ్య టైటిల్ తో రీమేక్ చేశారు. ఈ సినిమాకి రవిరాజా పినిశెట్టి దర్శకత్వం వహించగా, మీనా, మహేశ్వరి, ప్రీతి హీరోయిన్లుగా నటించారు.
13. ఖుషి ఖుషీగా:

2004 లో విజయ్ కాంత్ హీరోగా తెరకెక్కిన సినిమా ‘ఎంగల్ అన్న’. ఈ సినిమాని తెలుగులో ఖుషి ఖుషీగా పేరుతో రీమేక్ చేశారు. ఈ మూవీలో జగపతి బాబు, వేణు, రమ్యకృష్ణ, నిఖిత ప్రధాన పాత్రలలో నటించారు.
Also Read: విజయ్‌కాంత్‌ హీరో నుండి రాజకీయ నాయకుడిగా ఎలా ఎదిగారు..? అసలు సినిమాల్లోకి ఎలా వచ్చారు..?

కోలీవుడ్ లెజెండరీ నటుడు విజయ్‏కాంత్ గురువారం నాడు కన్నుమూసిన విషయం తెలిసిందే. 2016 నుండి  అనారోగ్య సమస్యలతో ఇబ్బందిపడుతున్న ఆయన అవసరమైన చికిత్స తీసుకుంటూ, ఇంట్లోనే విశ్రాంతి తీసుకుంటున్నారు.  గత నెల శ్వాస సంబంధిత సమస్యతో హాస్పటల్ లో చేరిన విజయ్‏కాంత్ డిసెంబర్ 12న డిశార్జి అయ్యారు.

మంగళవారం నాడు అస్వస్థతతో ఆసుపత్రిలో చేరగా, కరోనా అని నిర్ధారణ అయ్యింది. వెంటిలేటర్ పై ట్రీట్మెంట్ తీసుకుంటూ, గురువారం నాడు ఉదయం తుదిశ్వాస విడిచారు. విజయ్‏కాంత్ మరణంతో సినీ, రాజకీయ సెలెబ్రెటీలు ఆయనతో తమకున్న బంధాన్ని జ్ఞాపకం చేసుకుంటున్నారు. నెట్టింట్లో ఆయనకు సంబంధించిన వార్తలు వైరల్ అవుతున్నాయి. ముఖ్యంగా ఆయన ఆస్తుల గురించి, అ వివరాలు ఇప్పుడు చూద్దాం..
కెప్టెన్‌ విజయ్‌కాంత్‌కు తమిళనాడు ప్రజలందరూ కన్నీటి నివాళులు అర్పిస్తున్నారు. నేడు ప్రభుత్వ లాంఛనాలతో కెప్టెన్‌ అంత్యక్రియలు జరుగుతయాని తెలుస్తోంది. కెప్టెన్‌గా ప్రెసిద్ధి పొందిన విజయ్‌కాంత్‌ 1981లో కోలీవుడ్ లో ఎంట్రీ ఇచ్చి,  150కి పైగా సినిమాలలో నటించారు. ఎన్ని హిట్లు అందుకున్న ఆయన ప్రేక్షకుల మనసుల్లో చెరగని ముద్ర వేశారు. 2006 లో రాజకీయల్లో అడుగుపెట్టి, పార్టీ స్థాపించి, రాజకీయ నాయకులకు సింహా స్వప్నంగా నిలిచాడు.
2016లో ఉలుందూరుపేట అసెంబ్లీ బియవజికవర్గం నుంచి పోటీ చేసే సమయంలో విజయకాంత్ దాఖలు చేసిన అఫిడవిట్ ప్రకారం ఆయన ఆస్తులు 7.6 కోట్లుగా అంచనా వేయబడింది. వీటిలో నగదు, బ్యాంకులు, ఆర్థిక సంస్థలు మరియు నాన్-బ్యాంకింగ్ ఫైనాన్షియల్ కంపెనీలు, బాండ్లు, షేర్లు, మోటారు వాహనాలు, ఆభరణాలు మరియు క్లెయిమ్‌లు వంటి ఇతర ఆస్తులు ఉన్నాయి.
విజయ్‌కాంత్‌ భార్య మరియు ఆయన పై ఆధారపడిన వారి ఆస్తులు సైతం కలిపి మొత్తం ఆస్తుల విలువ రూ. 14.79 కోట్లు. వ్యవసాయ భూమి, వ్యవసాయేతర భూమి, వాణిజ్య మరియు నివాస భవనాలు మొదలైన స్థిరాస్తుల విలువ రూ. రూ. 19.37 కోట్లు కాగా,  భార్య పేరున ఉన్న ఆస్తుల విలువ రూ. 17.42 కోట్లు. అఫిడవిట్ ప్రకారం స్థిరాస్తుల మొత్తం విలువ రూ. 38.77 కోట్లు అని తెలుస్తోంది. ఆయనకు ఉన్న అప్పుల విలువ రూ. 14.72 కోట్లు. ప్రస్తుతం విజయ్‌కాంత్‌ ఆస్తుల విలువ  50 – 60 కోట్లు వరకు ఉన్నట్లు సమాచారం.

Also Read: విజయ్‌కాంత్‌ హీరో నుండి రాజకీయ నాయకుడిగా ఎలా ఎదిగారు..? అసలు సినిమాల్లోకి ఎలా వచ్చారు..?

ఆర్‌ఎక్స్‌ 100 డైరెక్టర్ అజయ్‌ భూపతి దర్శకత్వంలో తెరకెక్కిన సినిమా ‘మంగళవారం’. తనకు మొదటి విజయాన్ని హీరోయిన్ పాయల్‌ తో మరో విజయాన్ని అజయ్‌ భూపతి అందుకున్నారు. సైకలాజికల్ మిస్టరీ థ్రిల్లర్ గా రూపొందిన ఈ చిత్రం బాక్సాఫీస్‌ దగ్గర విజయాన్ని అందుకుంది.

ఈ చిత్రం వసూళ్లతో పాటుగా, విమర్శకుల ప్రశంసలను కూడా అందుకుంది. నవంబర్‌ లో థియేటర్లలో రిలీజ్ అయిన ఈ మూవీ రీసెంట్ గా ఓటీటీలోకి వచ్చింది. ఈ సినిమాలో నటించిన నటీనటులకు మంచి గుర్తింపు లభించింది. వీరిలో కాశిరాజు అసిస్టెంట్ గా నటించిన నటుడు కూడా ఉన్నారు. అతనెవరో ఇప్పుడు చూద్దాం..
తొలి చిత్రంతోనే నెగిటివ్ షేడ్స్ ఉన్న క్యారెక్టర్ లో నటించి, అందరినీ తన వైపుకు తిప్పుకున్న పాయల్ రాజ్ పుత్, ఆర్ఎక్స్ 100 మూవీతో ఓవర్ నైట్ స్టార్ గా మారింది. గ్లామర్ మరియు నటనతో ఆకట్టుకుంది. అయితే ఆ తర్వాత ఆమె నటించిన సినిమాలు అంతగా విజయాలు అందుకోలేదు. తనకు హిట్ ఇచ్చిన అజయ్‌ భూపతి దర్శకత్వంలో మంగళవారం మూవీలో నటించి, హిట్ అందుకున్నారు. నవంబర్ 17 న రిలీజ్ అయిన ఈ చిత్రం మంచి వసూళ్లను సాధించింది. రీసెంట్ గా ఓటీటీలోకి వచ్చిన ఈ మూవీ ప్రముఖ ఓటీటీ సంస్థ డిస్నీ ప్లస్ హాట్ స్టార్‎లో  స్ట్రీమింగ్ అవుతుంది.
ఈ చిత్రంలో నటించిన నటీనటులు తమ నటనతో ఆకట్టుకున్నారు. మంచి గుర్తింపు తెచ్చుకుని పాపులర్ అయ్యారు. వారిలో మీసాల లక్ష్మణ్ ఒకరు. ఈ చిత్రంలో కాశిరాజు అసిస్టెంట్ పులి ‘గుడ్డోడు’ పాత్రలో లక్ష్మణ్ నటించారు. లక్ష్మణ్ రంగస్థల మరియు సినీ నటుడు. లక్ష్మణ్ 1984 ఆగస్టు 12న జన్మించాడు. 2007లో హైదరాబాద్ కు వచ్చి డి.యస్. దీక్షితులు వద్ద నటనలో శిక్షణ పొంది, ‘అమ్మా నాకు బ్రతకాలని ఉంది’ అనే నాటకం నాటకరంగంలోకి అడుగుపెట్టాడు.
అలా అనేక పౌరాణిక, సాంఘిక నాటకాల్లో నటించిన లక్ష్మణ్ ‘కో అంటే కోటి’ మూవీ ద్వారా టాలీవుడ్ లో ఎంట్రీ వచ్చాడు. పలు సినిమాలలో నటించిన లక్ష్మణ్ హితుడు, మనమంతా, వంగవీటి, ఘాజీ, ఆర్‌ఎక్స్‌ 100 చిత్రాల ద్వారా గుర్తింపు పొందాడు. మంగళవారం మూవీతో పాపులర్ అయ్యారు. లక్ష్మణ్ డబ్బింగ్ ఆర్టిస్ట్ కూడా, జైలర్ మూవీలోని పాపులర్ డైలాగ్ వార్త వర్మ నటుడికి లక్ష్మణ్ డబ్బింగ్ చెప్పారు.

https://www.instagram.com/reel/C1T-VPbvuba/?igsh=NjZiM2M3MzIxNA%3D%3D

Also Read: BUBBLEGUM REVIEW: “రోషన్ కనకాల” హీరోగా నటించిన ఈ సినిమా ఎలా ఉంది..? స్టోరీ, రివ్యూ & రేటింగ్.!

ఇండియన్ బాక్సాఫీస్‏ను ప్రస్తుతం ఎలుతున్న చిత్రం ‘సలార్’. ప్రభాస్ హీరోగా, ప్రశాంత్ నీల్ దర్శకత్వంలో తెరక్కేకిన ఈ సినిమా భారీ అంచనాల నడుమ డిసెంబర్ 22న రిలీజ్ అయ్యి, బాక్సాఫీస్ రికార్డ్స్ ను బ్రేక్ చేస్తోంది. వసూళ్ల వర్షాన్ని కురిపిస్తోంది.

ఈ చిత్రం విజయం సాధించడంతో ఇందులో నటించిన నటీనటులు దేశ వ్యాప్తంగా పాపులర్ అయిపోయారు. వీరి గురించే అందరూ సెర్చ్ చేస్తున్నారు. ఈ క్రమంలో 17 ఏళ్ళ క్రితం రిలీజ్ అయిన సినిమా ఇప్పుడు ట్రెండ్ అవుతుంది. దానికి కారణం ఎవరో ఇప్పుడు చూద్దాం..
సలార్ మూవీ హిట్ తో పాపులర్ అయిన నటినటులలో ఎక్కువగా వినిపిస్తున్న పేరు శ్రియా రెడ్డి. ఆమె సలార్ లో రాజమన్నార్ కుమార్తె, రాధా రామ మన్నార్ క్యారెక్టర్ లో అద్బుతంగా నటించి మెప్పించారు. ఈ మూవీ ముందు కోలీవుడ్ లో మాత్రమే పాపులర్ అయిన శ్రియా రెడ్డి, ఈ మూవీ రిలీజ్ అయ్యాక దేశవ్యాప్తంగా పాపులర్ అయ్యారు. పాన్ ఇండియా స్టేటస్ పొందారు.
తన నటనతో అందర్నీ ఆమె వైపుకు తిప్పుకున్నారు. దాంతో ఆమె గురించి తెలుసుకోవ డానికి నెట్టింట్లో ఆరా తీస్తున్నారు.ఈ క్రమంలో ఆమె నటించిన తిమిరి తెలుగులో పొగరు సినిమా ట్రెండింగ్ లోకి వచ్చింది. ఈ చిత్రం 2006 లో రిలీజ్ అయ్యింది. కోలీవుడ్ స్టార్ విశాల్ ఈ మూవీలో హీరోగా నటించారు. రీమాసేన్ హీరోయిన్ గా నటించగా, ఈశ్వరి పాత్రలో శ్రియా రెడ్డి నటించారు. ఈ చిత్రలో ఈశ్వరిగా శ్రియా రెడ్డి తన నటనతో గుర్తింపు తెచ్చుకున్నారు.
ఈశ్వరి పాత్రలో ఒదిగిపోయి, హీరోతో పోటీ పడి నటించారు. ఈ మూవీ ట్రెండింగ్ లోకి రావడానికి మరో కారణం జైలర్ సినిమాలో విలన్ గా నటించిన వినాయకన్. పొగరు సినిమాలో వినాయకన్ నటించాడు. ఈశ్వరి పాత్రకు సహకరించే పాత్రలో మాయిగా వినాయకన్ నటించారు. ఎన్నో ఏళ్లుగా ఇండస్ట్రీలో ఉన్నప్పటికీ, వీరిద్దరు సలార్, జైలర్ చిత్రాలతో పాపులర్ అయ్యారు.

రెబల్ స్టార్ ప్రభాస్ హీరోగా నటించిన లేటస్ట్ సినిమా ‘సలార్’ బాక్సాఫీస్‏ దగ్గర రికార్డులు బద్దలుకొడుతుంది. కేజీఎఫ్ దర్శకుడు ప్రశాంత్ నీల్ దర్శకత్వంలో తెరకెక్కిన ఈ చిత్రం భారీ అంచనాలతో విడుదలై, నాలుగురోజుల్లోనే రూ.500 కోట్లకు పైగా వసూళ్లు సాధించి, బాక్సాఫీస్ దగ్గర దూసుకుపోతుంది.

ఊహించని స్థాయిలో కలెక్షన్స్ సాధిస్తున్న, ఈ చిత్రంలో నటించిన యాక్టర్ల గురించి ప్రస్తుతం దేశం అంతా మాట్లాడుకుంటుంది. బాల నటుల నుండి స్టార్ సెలబ్రెటీల వరకు అందరు తమ క్యారెక్టర్లలో ఒదిగిపోయి, అద్భుతంగా నటించారు. వారిలో బాచి మన్నార్ గా నటించిన నటుడు ఎవరో ఇప్పుడు చూద్దాం..
ప్రభాస్, శృతిహాసన్ జంటగా నటించిన సలార్ మూవీలో పృథ్వీరాజ్ సుకుమారన్ కీలక పాత్రలో నటించాడు. జగపతిబాబు, శ్రీయా రెడ్డి, ఈశ్వరి రావు, బాబీ సింహా, ప్రమోద్ పంజు ఇతర కిలక పాత్రలలో నటించారు. ఈ చిత్రం తొలి షోతోనే బ్లాక్ బస్టర్ టాక్ తెచ్చుకుని, భారీ కలెక్షన్స్ సాధిస్తోంది. ఈ చిత్రమలో నటించిన నటీనటులు దేశవ్యాప్తంగా పాపులర్ అయ్యారు. అలాంటివారిలో ప్రమోద్ పంజు ఒకరు.
సలార్ లో వరద రాజమన్నార్ తమ్ముడు బాచి మన్నార్ పాత్రలో నటించి, మెప్పించాడు. ప్రమోద్ పంజు కన్నడంలో పాపులర్ యాక్టర్. 1990లో జనవరి 10న జన్మించాడు. మాండ్య జిల్లాకు చెందినవాడు. ప్రమోద్ పంజు మద్దూరులోని సెయింట్ ఆన్స్ ఉన్నత పాఠశాలలో చదువును పూర్తి చేశాడు. సురానా కళాశాల నుండి గ్రాడ్యుయేషన్ పూర్తి చేశాడు. 2015 లో శాండల్ వుడ్ లో అడుగుపెట్టాడు.
ప్రమోద్ నటించిన మొదటి సినిమా గీతా బ్యాంగిల్ స్టోర్‌లో 11 సెప్టెంబర్ 2015న విడుదలైంది. ఆ తర్వాత 2019లో కన్నడ చిత్రం ప్రీమియర్ పద్మినిలో నటించాడు. మట్టే ఉద్భవ, అతను బుల్లితెర పై చుక్కి, పునర్వివాహ వంటి సీరియల్స్ లో నటించి, పాపులర్ అయ్యాడు. ప్రమోద్ మహాదేవి సీరియల్‌లో శివుడిగా నటించాడు. ఈ ఏడాది సలార్ పార్ట్ 1 లో నటించి, మరింత పాపులర్ అయ్యారు.

సురేష్ కొండేటి, ఈ పేరుని తెలుగు ఇండస్ట్రీలో ప్రత్యేకంగా పరిచయం చేయాల్సిన అవసరం లేదు. సీనియర్ సినీ జర్నలిస్టు, నిర్మాత, ‘సంతోషం’ మ్యాగజైన్ అధినేతగా సంతోషం ఫిలిం అవార్డులను అందించడం తెలిసిందే.

ముఖ్యంగా సినిమా ప్రెస్ మీట్లలో తనదైన శైలిలో ప్రశ్నిస్తూ హీరోహీరోయిన్లను ఇరకాటంలో పెడుతూ సురేష్ కొండేటి తరచూ వార్తల్లో నిలుస్తుంటాడు. కొద్ది రోజుల క్రితం గోవాలో సంతోషం సినీ అవార్డుల వేడుకను నిర్వహించగా, అది కాంట్రవర్సీ కావడం తెలిసిందే. సురేశ్ కొండేటి గురించి ఇప్పుడు చూద్దాం..
సురేష్‌ కొండేటి ఆంధ్రప్రదేశ్ లోని పశ్చిమ గోదావరి జిల్లా, వేడంగిపాలెంలో జన్మించాడు. సురేష్ కొండేటి న్యూస్ పేపర్ లో సినీ జర్నలిస్టుగా తన కెరీర్ ను మొదలుపెట్టారు. అలా పలు న్యూస్ పేపర్లలో పని చేశాడు. 2002లో ‘సంతోషం’ సినీ వీక్లీ మ్యాగజైన్ ను స్థాపించాడు. 1992లో సురేష్ కొండేటి సినీ ఇండస్ట్రీలో అడుగు పెట్టాడు. 1995లో రాంబంటు మూవీతో నటుడిగా మారారు. ఆ తరువాత కొండేటి ‘మహేశ్వరీ ఫిలిమ్స్’ అనే పేరుతో డిస్ట్రిబ్యూటర్‌గా మారారు. ఎస్‌కె పిక్చర్ పేరుతో ప్రొడ్యూసర్ గా మారారు.
ప్రేమిస్తే, జర్నీ, పిజ్జా, శంభో శంకర, డా. సలీమ్‌,లీసా, మహేష్, ప్రేమించాలి,)మెట్రో, జనతా హోటల్‌, లవ్ ఇన్ షాపింగ్ మాల్, క్రేజీ, ప్రేమలో పడితే, రేణిగుంట, రైడ్ చిత్రాలను నిర్మించారు. తెలుగు సినిమా జర్నలిస్ట్, డిస్ట్రిబ్యూటర్, నిర్మాత, నటుడుగా రాణిస్తున్నారు. సురేష్‌ కొండేటి ‘సంతోషం’ సినీ వారపత్రిక ఆధ్వర్యంలో 2004 నుండి ప్రతి ఏడాది తెలుగు సినీ కళాకారులకు అవార్డులు అందిస్తూ వస్తున్నారు. మొదట తెలుగు సినిమాలకు ఇచ్చేవారు. కొన్నేళ్ళ నుండి సంతోషం సౌత్ ఇండియన్ ఫిల్మ్ అవార్డ్స్ పేరుతో తెలుగు, తమిళ, కన్నడ, మలయాళ భాషల చిత్రాలకు సైతం అవార్డులు ఇస్తున్నారు.
ఈ ఏడాది 22వ సంతోషం ఫిలిం అవార్డ్స్ ఈవెంట్ ను గోవాలో నిర్వహించారు. సురేష్ కొండేటి 4 ఇండస్ట్రీల నుండి వచ్చిన నటీనటులు, సినీ బృందాలకు వసతులు కల్పించడంలో విఫలమయ్యారు. ముఖ్యంగా కన్నడ సినీ ప్రముఖుల నుంచి కొండేటి పై ఎక్కువగా విమర్శలు వచ్చాయి. సురేష్ కొండేటి చేసిన పొరపాట్ల వల్ల టాలీవుడ్ కి చెడ్డ పేరు వచ్చిందని, తెలుగు ఫిలిం చాంబర్ ఆఫ్ కామర్స్, తెలుగు నిర్మాతల మండలి నుండి కొండేటిని తొలగించారు. అంతేకాకుండా ఫిల్మ్ క్రిటిక్స్ అసోసియేషన్  ప్రెసిడెంట్ గా కూడా సురేష్ కొండేటిని తొలగించారని తెలుస్తోంది.

Also Read: వైఎస్ రాజశేఖర్ రెడ్డితో “ప్రభాస్” దిగిన ఫోటో చూసారా..?

బాబీ సింహా తమిళ ఇండస్ట్రీలో టాలెంటెడ్ యాక్టర్ గా మంచి గుర్తింపు ఉంది. తెలుగువాడు అయిన బాబీ సింహా కోలీవుడ్ లో నటుడుగా రాణిస్తూ, పలు చిత్రాలలో నటిస్తూ బిజీగా ఉన్నారు. తెలుగు, మలయాళ సినిమాలలో కూడా అడపాదడపా నటిస్తూ, ఆ భాషలలో కూడా గుర్తింపు తెచ్చుకున్నాడు.

లేటెస్ట్ గా బాబీ సింహా సలార్ మూవీతో మరోసారి తెలుగు ప్రేక్షకులను పలకరించారు. సలార్ మూవీలో రాజమన్నార్ అల్లుడిగా, రాధా రామ భర్తగా కీలక పాత్రలో బాబీ సింహా నటించారు. బాబీ సింహా బ్యాక్ గ్రౌండ్ ఏమిటో ఇప్పుడు చూద్దాం..
బాబీ సింహా అసలు పేరు జయసింహ. 1983లో హైదరాబాద్‌లోని మౌలాలీలో నవంబర్ 6న బాబీ సింహా జన్మించారు. వారి కుటుంబం ఆంధ్ర ప్రదేశ్ లోని కృష్ణా జిల్లా, మోపిదేవికి చెందినవారు. 1995లో కొడైకెనాల్‌కు వెళ్లిపోయారు.  నాలుగో తరగతి వరకు మౌలాలీలో,  ఆ తరవాత టెన్త్ క్లాస్ వరకు కృష్ణా జిల్లా మోపిదేవిలోని ప్రియదర్శిని విద్యాలయం తెలుగు మీడియం పాఠశాలలో పూర్తి చేసారు. ఆ తరువాత కోయంబత్తూర్‌లోని పయనీర్ కాలేజ్ ఆఫ్ ఆర్ట్స్ అండ్ సైన్స్‌లో చదువు పూర్తి చేశాడు.
2005లో, కోయంబత్తూర్ లో ఓ కార్యక్రమంలో పాల్గొనగా, అక్కడికి ముఖ్య అతిధులు వచ్చిన సుందర్ సి, ఇ. రాందాస్ కోలీవుడ్ లో నటుడిగా ట్రై చేయమని సూచించారు. సింహా డిగ్రీని పూర్తి చేసి, యాక్టర్ గా అవకాశాల కోసం చెన్నైకి వెళ్ళాడు. తన ఆర్థిక అవసరాలను తీర్చుకోవడానికి మార్కెటింగ్, బీమా మరియు బిజినెస్ ప్రాసెస్ అవుట్‌సోర్సింగ్‌లో పని చేస్తుండేవాడు. బాబీ సింహా నటించిన తొలి సినిమా మాయ కన్నడి 2007 లో గుర్తింపు లేని పాత్రలో కనిపించాడు.
మొదట్లో సినిమాలలో చిన్న చిన్న పాత్రలలో నటించాడు. ఆ తరువాత పిజ్జా, నేరమ్‌, సూదు కవ్వమ్‌ వంటి తమిళ సినిమాలలో నటించారు. జిగర్తాండ మూవీతో మంచి గుర్తింపు లభించింది. అతని పాత్రకు విమర్శకుల ప్రశంసలను పొందింది. ఆ మూవీకి గాను బాబీ సింహాకు జాతీయ ఉత్తమ సహాయ నటుడి అవార్డు వచ్చింది. ఈ పాత్రలో  టాలీవుడ్ లో ‘గద్దలకొండ గణేష్’ మూవీలో మెగా ప్రిన్స్ వరుణ్ తేజ్ నటించారు. జిగర్తాండ మూవీ తరువాత వరుస సినిమాలలో నటిస్తూ, రాణిస్తున్నారు.

Also Read: సలార్ మూవీలో ఈ మిస్టేక్ గమనించారా..? చూసుకోవాలి కదా డైరెక్టర్ గారూ..?