Mohana Priya

తమిళ్ స్టార్ విజయ్ కి తెలుగులో చాలా క్రేజ్ ఉంది. తెలుగులో విజయ్ సినిమాలు చేయకపోయినా కూడా చాలా గుర్తింపు ఉన్న హీరో అయ్యారు. ఇప్పుడు విజయ్ వారసుడు సినిమాతో తెలుగు ప్రేక్షకుల ముందుకు వస్తున్నారు. ఈ సినిమాకి వంశీ పైడిపల్లి దర్శకత్వం వహించారు. ఈ సినిమా తమిళ్ సినిమా అయినా కూడా తెలుగులో డబ్ అయ్యి విడుదల అవుతోంది.

ఇందులో రష్మిక మందన హీరోయిన్ గా నటిస్తున్నారు. అలాగే ఎంతో మంది పెద్ద నటీనటులు ముఖ్య పాత్రల్లో కనిపిస్తున్నారు. ఈ సినిమా ట్రైలర్ ఇటీవల విడుదల అయ్యింది. అయితే ఈ ట్రైలర్ కి మాత్రం రెస్పాన్స్ అనుకున్న విధంగా రావట్లేదు అని చెప్పాలి.

అంతకుముందు సినిమా పోస్టర్స్ చూసి మహర్షి సినిమా గుర్తొస్తోంది అన్నారు. ఇప్పుడు ట్రైలర్ చూసిన తర్వాత మహర్షి సినిమా మాత్రమే కాదు. ఇంకా చాలా తెలుగు సినిమాలు గుర్తొస్తున్నాయి అంటున్నారు. అసలు ట్రైలర్ లో చాలా కథ అర్థం అయిపోతుంది అని అంటున్నారు. అయితే ట్రైలర్ లో మైనస్ అయిన కొన్ని విషయాలు ఏంటో ఇప్పుడు చూద్దాం.

#1 అసలు ట్రైలర్ చూస్తున్నంతసేపు ఒక కొత్త సినిమా ట్రైలర్ చూస్తున్నాం అనే ఆసక్తి ఉండదు. మొదటి ఫ్రేమ్ నుంచే చివరి ఫ్రేమ్ వరకు ట్రైలర్ మొత్తం ఎక్కడో చూసినట్టే అనిపిస్తూ ఉంటుంది. ఒకటి కాదు. రెండు కాదు. చాలా సినిమాలు ఈ ట్రైలర్ లో కనిపించాయి. ఎప్పుడో విడుదల అయిన సినిమా నుండి ఇటీవల విడుదల అయిన సినిమా వరకు చాలా సినిమాలు ఇందులో ఉన్నట్టు అనిపిస్తోంది.

#2 ఈ సినిమా తమిళ్ తో పాటు తెలుగులో కూడా విడుదల చేస్తున్నారు. ఒకవేళ తమిళ్ లో ఇలాంటి సినిమా విడుదల చేస్తే అది చూస్తే వారికి కొత్తగా అనిపించే అవకాశం ఉంది. కానీ తెలుగులో ఇలాంటి సినిమాలు మనం చాలా చూసాం కాబట్టి సినిమా ట్రైలర్ లో ఇంకా కొంచెం ఆసక్తికరంగా ఉండే కొన్ని సీన్స్ కానీ డైలాగ్స్ కానీ యాడ్ చేసి ఉంటే బాగుండేది అని అంటున్నారు.

#3 ఈ సినిమా ట్రైలర్ చూస్తూ ఉంటే హీరోయిన్ పాత్ర కూడా ప్రతి కమర్షియల్ సినిమాల్లో ఉండే ఒక టెంప్లేట్ హీరోయిన్ పాత్ర అని అర్థం అవుతోంది. పాటలకి ముందు వచ్చి పాటల తర్వాత వెళ్ళిపోయే పాత్ర అని అనిపిస్తోంది. కానీ ఇందులో ఎంతవరకు నిజం ఉంది అనేది తెలియదు. దాంతో సినిమాలో హీరోయిన్ పాత్ర ఎలా ఉండబోతోంది అని అందరూ కామెంట్స్ చేస్తున్నారు.

#4 ఈ సినిమాకి సంగీత దర్శకత్వం వహించిన తమన్ ఇచ్చిన పాటలు ఇప్పటికే చాలా పెద్ద హిట్ అయ్యాయి. అయితే ఇలాంటి చాలా సినిమాలకు తమన్ పాటలు ఇచ్చారు. అందులో చాలా వరకు ఇలాంటి కమర్షియల్ సినిమాలే ఉన్నాయి. ఈ ట్రైలర్ కి వచ్చిన బ్యాక్ గ్రౌండ్ వింటే ఏదో పాత సినిమా బ్యాక్ గ్రౌండ్ మ్యూజిక్ లాగా అనిపిస్తుంది. మ్యూజిక్ కూడా ఇంకా కొంచెం కొత్తగా ఉంటే బాగుండేది అని అంటున్నారు.

#5 సినిమాలో నటీనటులు అందరూ మనకి తెలిసిన వాళ్లే. అయితే వారందరూ అంతకు ముందు కూడా చాలా సినిమాల్లో ఇలాంటి పాత్రలు పోషించారు. దాంతో ఈ సినిమాలో నటీనటుల విషయంలో కూడా ఇంకా కొంచెం జాగ్రత్త తీసుకొని ఉంటే బాగుండేది అనిపిస్తుంది అని అన్నారు. వారు అలాంటి పాత్రలే అంతకుముందు చాలా సినిమాల్లో చేశారు కాబట్టి ప్రేక్షకులకి కొత్తగా అనిపించకపోవచ్చు అని అంటున్నారు.

ప్రస్తుతం అయితే ట్రైలర్ కి ఇలాంటి టాక్ వస్తోంది. ఈ సినిమా విడుదల అయిన తర్వాత ఎలా ఉంటుంది అనేది చూడాలి. కొంత మంది, “ట్రైలర్ చాలా సాధారణంగా ఉంది” అంటే, మరికొంతమంది మాత్రం, “ట్రైలర్ ఇలా ఉన్నా సినిమా చాలా బాగుంటుంది” అని అంటున్నారు. మరి సినిమా ఎలా ఉంటుంది అనేది తెలుసుకోవాలి అంటే విడుదల అయ్యే అంతవరకు ఆగాల్సిందే.

వేరే భాషల ఇండస్ట్రీల హీరోలని కూడా తెలుగు ఇండస్ట్రీ చాలా బాగా ఆదరిస్తుంది. భాషతో సంబంధం లేకుండా ఏ భాష సినిమా అయినా సరే తెలుగులో డబ్ అయితే మన తెలుగు వాళ్ళు చూసి ఒక తెలుగు సినిమాకి ఎంత మంచి స్పందన వస్తుందో అంత మంచి స్పందన వచ్చేలా చేస్తారు.

అందుకే మిగిలిన ఇండస్ట్రీల్లో కంటే తెలుగు ఇండస్ట్రీలో డబ్బింగ్ సినిమాలు చాలా ఎక్కువ. అలా డబ్బింగ్ సినిమాల ద్వారా తెలుగు ప్రజలకు చేరువైన హీరో తలపతి విజయ్. విజయ్ స్ట్రెయిట్ తెలుగు సినిమా చేయలేదు. అయినా సరే ఒక తెలుగు హీరోకి ఉన్నంత  క్రేజ్ ఉంది. ఇప్పుడు విజయ్ వంశీ పైడిపల్లి దర్శకత్వంలో ఒక సినిమా చేస్తున్నారు.

ఈ సినిమాని వారిసు పేరుతో రూపొందించారు. ఇది తమిళ్ సినిమా. తెలుగులో వారసుడు పేరుతో డబ్ చేసి విడుదల చేస్తున్నారు. అయితే ఈ సినిమా పోస్టర్స్ చూసి మహర్షి సినిమాలాగా ఉంది అని అన్నారు. కానీ ఇప్పుడు ఈ సినిమా స్టోరీ ఇదే అంటూ ఒక వార్త వచ్చింది. సినిమా కథ విషయానికి వస్తే విజయ్ రాజేంద్రన్ అనే ఒక వ్యక్తి చుట్టూ సినిమా తిరుగుతుంది. విజయ్ ఒక మామూలు వ్యక్తి. విజయ్ ని ఒక కుటుంబం దత్తత తీసుకొని పెంచుకుంటుంది. ఆ కుటుంబ పెద్ద మరణిస్తాడు.

అప్పటి వరకూ వేరే ఎక్కడో ఉన్న విజయ్ ఇప్పుడు కుటుంబాన్ని కలవడానికి వస్తాడు. కానీ ఇక్కడ పరిస్థితులు ఏమీ అనుకూలంగా అనిపించవు. ఉన్నట్టుండి విజయ్ ఒక వ్యాపారవేత్తగా మారాల్సి వస్తుంది. తన అన్నలకి తనకి మధ్య గొడవలు వస్తాయి. ఈ గొడవలన్నీ విజయ్ ఎలా పరిష్కరించాడు అనే విషయం చుట్టూ సినిమా తిరుగుతుంది.

విజయ్ తండ్రి పాత్రలో శరత్ కుమార్ నటిస్తున్నారు. అలాగే విజయ్ అన్నల పాత్రల్లో శ్రీకాంత్, శ్యామ్ నటిస్తున్నారు. విజయ్ తల్లి పాత్రలో జయసుధ నటిస్తున్నారు. విజయ్ కి వ్యతిరేకంగా ఉన్న కంపెనీకి ఓనర్ గా ప్రకాష్ రాజ్ నటిస్తున్నారు. ఈ కథలో ఎంత వరకు నిజం ఉందో తెలుసుకోవాలి అంటే సినిమా విడుదల అయ్యే అంతవరకు ఆగాల్సిందే.

సినిమా ఇండస్ట్రీకి ఎంతో మంది హీరోలు వస్తూ ఉంటారు. కానీ వారిలో కొంత మంది మాత్రమే సినిమా ఇండస్ట్రీలో ఒక గుర్తింపు సంపాదించుకొని ఒక స్టార్ హీరో అవుతారు. ఆ స్టార్ హీరోలలో కొంత మంది కూడా అసలు సినిమా ఇండస్ట్రీలో ఇలాంటి హీరో మరొకరు రారు ఏమో అనే అంత గుర్తింపు తెచ్చుకుంటారు.

అలా గుర్తింపు తెచ్చుకున్న హీరోలలో మొదటి స్థానంలో ఉండే వ్యక్తి మెగాస్టార్ చిరంజీవి. అసలు సినిమా అంటే ఏంటో పెద్దగా తెలియని ఒక కుటుంబంలో పుట్టి, సినిమా ఇండస్ట్రీలో ఒక గుర్తింపు తెచ్చుకున్న స్టార్ అయ్యారు. కేవలం తెలుగు సినిమాల్లో మాత్రమే కాకుండా ఇతర భాషల ఇండస్ట్రీలలో కూడా చిరంజీవి అంటే చాలా మందికి ఒక ఉత్సాహం వస్తుంది.

తెలుగు సినిమాని ఒక స్థాయికి తీసుకెళ్లిన వారిలో చిరంజీవి ఒకరు. ఏ కొత్త హీరో అయినా సరే ఇండస్ట్రీకి వచ్చినప్పుడు, “మీకు ఇండస్ట్రీకి రావడానికి స్ఫూర్తినిచ్చిన వ్యక్తి ఎవరు?” అంటే చాలా మంది చెప్పే వ్యక్తి చిరంజీవి పేరే. అసలు చిరంజీవి ఎందుకు ఇంత గొప్ప స్టార్ అయ్యారు? అసలు చిరంజీవిలో ఉన్న ప్రత్యేకత ఏంటి? ఆయన లాంటి హీరో ఇంకొకరు లేరా? భవిష్యత్తులో అయినా ఆయన లాంటి హీరో మరొకరు ఉండరా? చిరంజీవి మెగాస్టార్ అవ్వడానికి కొన్ని కారణాలు ఏంటో ఇప్పుడు చూద్దాం.

#1 అప్పటివరకు హీరో అంటే కేవలం నటించాలి అంతే. హీరోకి డాన్స్ రావడం, అది కూడా ఎంత బాగా డాన్స్ రావడం అనేది అంతవరకూ అరుదు. ఒకటి కాదు, రెండు కాదు. తెలుగు సినిమాల్లో అన్ని రకాల డాన్స్ లు చేసిన ఒకే ఒక్క హీరో కేవలం చిరంజీవి ఏమో. అది కూడా అంత స్టైల్ గా డాన్స్ చేసిన హీరోలు ఇప్పటి వరకు కూడా ఎవరూ లేరు.

#2 సినిమా ఇండస్ట్రీకి వచ్చిన కొత్తలో నెగిటివ్ పాత్రలో నటించారు చిరంజీవి. అలాంటి వ్యక్తి ఆ తర్వాత అలాంటి పాత్రలకు పూర్తిగా భిన్నమైన పాత్రలు పోషించారు. కామెడీ, సెంటిమెంట్, విలనిజం, రౌడీయిజం ఇలా ఎలాంటి పాత్ర అయినా సరే చిరంజీవి అవలీలగా చేసే వారు. ఇప్పటికి కూడా అలాగే చేస్తారు. అంటే చిరంజీవి మొదటి నుంచి కూడా తాను ఎంచుకున్న పాత్రల విషయంలో చాలా జాగ్రత్త వహించారు.

#3 ఒక పాయింట్ తర్వాత చిరంజీవికి కమర్షియల్ హీరో అనే ఒక ట్యాగ్ వచ్చింది. అలా అని చిరంజీవి ఆ ఇమేజ్ కి అంకితం అయిపోలేదు. కమర్షియల్ సినిమాలు చేస్తూనే తనలోని నటుడిని బయటికి సినిమాలను కూడా చేస్తూ వచ్చారు. చిరంజీవి నటించిన చంటబ్బాయి, రుద్రవీణ, ఆపద్బాంధవుడు, స్వయంకృషి, అలాగే ఇటీవల వచ్చిన సైరా నరసింహారెడ్డి కూడా చిరంజీవిలోని గొప్ప నటుడిని బయటికి తెచ్చిన సినిమాలు. ఆ సినిమాల ఫలితం ఎలా ఉన్నా కూడా సినిమా చూసిన తర్వాత అందరూ చిరంజీవి నటనని మెచ్చుకుంటూనే ఉన్నారు. ఒక కమర్షియల్ హీరో అయ్యుండి కూడా ఇలాంటి సినిమాలు చేసి తాను ఒక సంపూర్ణ నటుడు అని నిరూపించుకున్నారు చిరంజీవి.

#4 ఒక స్టార్ అవ్వాలి అంటే తెర మీద మాత్రమే కాకుండా తెర వెనుక కూడా వారి ప్రవర్తన ఎలా ఉంటుందో అనేది జనాలు గమనిస్తారు. తాను పైకి నడుస్తూ తనతోపాటు తన తోటి వారికి కూడా చేయి అందిస్తూ వారిని కూడా గొప్ప స్థాయిలో చూడాలి అనుకునే వారిలో చిరంజీవి ఒకరు. ఇప్పటికి కూడా ఏ సినిమా అయినా సరే, పెద్ద సినిమా చిన్న సినిమా అనే తేడా లేకుండా, తన వంతు ప్రోత్సాహం ఇస్తూ వారు కూడా గుర్తింపు పొందాలని మనస్పూర్తిగా కోరుకుంటారు చిరంజీవి.

#5 కేవలం అప్పటి తరం నటులకి మాత్రమే కాకుండా ఇప్పటి తరం నటులకు కూడా గట్టి పోటీ ఇస్తున్నారు చిరంజీవి. ఇప్పటికి కూడా తనకి ఉన్న ఇమేజ్ కి అతుక్కుపోకుండా, రీమేక్ సినిమాలు అయినా సరే మంచి కంటెంట్, అలాగే ఆ పాత్రకి తగ్గట్టు మారడం, తాను స్టార్ హీరో, ఎలా చేసినా సినిమా నడుస్తుంది అనే ఒక ఆలోచనని పక్కన పెట్టి ప్రతి సినిమాకి అంతే కష్టపడటం అనేది చిరంజీవిలో ఉన్న మరొక గొప్ప లక్షణం ఏమో. ఇప్పటికి కూడా సైరా నరసింహారెడ్డి లాంటి ప్రయోగాత్మక సినిమాలు చేస్తూ, అలాగే వాల్తేరు వీరయ్య లాంటి కమర్షియల్ సినిమాలు కూడా చేస్తూ ప్రేక్షకులని అలరిస్తున్నారు చిరంజీవి.

ఎన్నో అవమానాలు ఎదుర్కొన్నారు. ఎన్నో కష్టాలు పడ్డారు. తన లాగే హీరో అవ్వాలి అని ఇండస్ట్రీకి వచ్చే వారికి ఒక బాట వేశారు. అప్పుడే కాకుండా హీరో అయిన ఇన్ని సంవత్సరాలకి కూడా అంత మందికి స్ఫూర్తి ఇచ్చే రేంజ్ కి వెళ్ళారు అంటే, అంత దూరం వెళ్ళడం వెనుక ఎంత కష్టం ఉంది, అసలు ఎంత చూసి ఉంటే, ఎన్ని కష్టాలు ఎదుర్కొని ఉంటే ఇప్పుడు ఇంత గొప్ప స్థాయికి ఎదిగారు అనేది చిరంజీవిని చూస్తే తెలుస్తుంది. అందుకే చిరంజీవి లాంటి హీరో మరొకరు ఉండరు ఏమో అనిపిస్తుంది. భవిష్యత్తు తరాలలో వచ్చే హీరోలకి కూడా చిరంజీవి గట్టి కాంపిటీషన్ ఇస్తారు అని అనడంలో ఎటువంటి సందేహం లేదు.