Mohana Priya

నందమూరి కళ్యాణ్ రామ్ హీరోగా నటించిన సినిమా డెవిల్ ఇటీవల రిలీజ్ అయ్యింది. ఈ సినిమాకి అనుకున్నంత మంచి స్పందన రాలేదు. కథ బానే ఉన్నా కూడా టేకింగ్ విషయంలో ఇంకా కొంచెం జాగ్రత్త తీసుకొని ఉంటే సినిమా బాగుండేది ఏమో అని కామెంట్స్ వచ్చాయి.

మొదటి రోజు ఓపెనింగ్ కూడా ఆశించిన స్థాయిలో లేవు. ఈ సినిమాకి మొత్తంగా 20.4 కోట్ల థియేట్రికల్ బిజినెస్ జరిగింది. బ్రేక్ ఈవెన్ కోసం 20.7 కోట్లు వసూలు చేయాల్సి ఉంది. మొదటివారం పూర్తి అయ్యేసరికి ఈ సినిమా 9.09 కోట్ల షేర్ రాబట్టింది. ఈ సినిమాలో సంయుక్త హీరోయిన్ గా నటించారు. విరూపాక్ష తర్వాత ఈ సినిమాలో మరొక మంచి పాత్ర సంయుక్తకి దొరికింది.

సినిమా కథపరంగా చాలా గ్రిప్పింగ్ గా ఉంటుంది. అంతే కాకుండా సెట్టింగ్స్ కూడా చాలా బాగా చేశారు. నిర్మాణ విలువలు బాగున్నాయి. సినిమా చూస్తున్నంత సేపు కూడా అప్పటి కాలంలోకి వెళ్ళిపోయిన ఫీలింగ్ వస్తుంది. అన్ని బాగున్నా కూడా టేకింగ్ పరంగా జాగ్రత్తలు తీసుకోకపోవడంతో సినిమా రిజల్ట్ తారుమారు అయిపోయింది. ట్రైలర్ చూసినవాళ్లు సినిమా హిట్ అవుతుంది అనుకున్నారు. కానీ సినిమాలో మాత్రం యాక్షన్ సీన్స్ తప్ప మిగిలినవి పెద్దగా హైలైట్ అవ్వలేదు. కానీ ఈ సినిమాకి రెండవ భాగం కూడా ఉంటుంది అని అన్నారు. మరి అందులో ఈ పార్ట్ లో జరిగిన తప్పులు జరగకుండా జాగ్రత్తలు తీసుకుంటారు ఏమో. ఆ సినిమా కథ ఎలా ఉంటుంది అనేది తెలియాలి అంటే ఇంకా కొంత కాలం వేచి చూడాల్సిందే.

ప్రముఖ దర్శకుడు, మాటల మాంత్రికుడు త్రివిక్రమ్ శ్రీనివాస్ మరొక సారి వార్తల్లో నిలిచారు. ఈ వార్తలో ఎంత వరకు నిజం ఉందో తెలియదు కానీ, గుంటూరు కారం సినిమాని కీర్తి కిరీటాలు అనే నవల ఆధారంగా తీసినట్టు వార్తలు మొదలు అయ్యాయి.

ఈ నవలని యద్దనపూడి సులోచనా రాణి గారు రాశారు. అయితే త్రివిక్రమ్ నవల ఆధారంగా సినిమా తీయడం ఇది మొదటి సారి ఏమీ కాదు. అంతకుముందు కూడా కొన్ని సినిమాలు ఇలాగే పుస్తకాల ఆధారంగా తీశారు. దాంతో ఇప్పుడు ఈ సినిమా కూడా అదే దారిలో రూపొందించారు అనే వార్తలు వచ్చాయి.

దీనికి సినిమా నిర్మాత అయిన సూర్యదేవర నాగ వంశీ స్పందిస్తూ, “ఏఎంబి లో ప్రీమియర్ షోస్ లో చూద్దాం” అని రిప్లై ఇచ్చారు. ఇది డైరెక్ట్ గా కాకపోయినా కూడా ఈ వార్తకే వంశీ రిప్లై ఇచ్చారు అని అన్నారు. అయితే ఇప్పుడు ఈ విషయం మీద ప్రముఖ నటి, రాజకీయ నాయకురాలు పూనమ్ కౌర్ కూడా మాట్లాడారు. ఈ విషయంపై పూనమ్ మాట్లాడుతూ ఈ విధంగా రాశారు.

“ఆయన ఏమైనా చేయగలడు. చేసి దాని నుండి బయటపడగలడు. అవన్నీ ఎవరికీ కనిపించకుండా చేయగల గొప్పతనం ఆయనకి ఉంది. పాత ప్రభుత్వం ఉన్నప్పుడు ముఖ్యమంత్రి ఆఫీస్ తో ఈయనకి పని ఏముంది అని ఎప్పుడు ఆశ్చర్యపోయేదాన్ని. సాధారణ జనాలు తమ ఇబ్బందులు చెప్పుకోవడానికి అయితే అక్కడికి వెళ్ళరు. గురూజీ థింగ్స్” అని అర్థం వచ్చేలాగా రాశారు.

పూనమ్ కౌర్ గతంలో ఎన్నో సినిమాల ద్వారా గుర్తింపు సంపాదించుకున్నారు. ప్రస్తుతం రాజకీయాల్లో ఉన్నారు. మరొక పక్క త్రివిక్రమ్ శ్రీనివాస్ ప్రస్తుతం గుంటూరు కారం సినిమా ప్రమోషన్స్ పనిలో బిజీగా ఉన్నారు. సంక్రాంతి పండగకి కానుకగా ఈ సినిమా విడుదల అవుతోంది. కాబట్టి సినిమా బృందం ఒకటి, రెండు రోజుల్లో ట్రైలర్ కూడా విడుదల చేస్తుంది. అంతే కాకుండా కొన్ని ప్రమోషనల్ ఇంటర్వ్యూస్ కూడా వీళ్ళు ఇస్తారు.

బాలీవుడ్ స్టార్ నటి దీపికా పదుకొనే ఇవాళ పుట్టినరోజు జరుపుకుంటున్నారు. ఎంతో మంది దీపికా పదుకొనే కి పుట్టినరోజు శుభాకాంక్షలు తెలిపారు. ప్రాజెక్ట్ కే సినిమాలో దీపికా పదుకొనే నటిస్తున్న సంగతి తెలిసిందే.

ఈ సినిమా హీరో అయిన ప్రభాస్ కూడా దీపికాకి పుట్టినరోజు శుభాకాంక్షలు తెలిపారు. సోషల్ మీడియా ద్వారా ప్రభాస్, “అత్యంత అందమైన నటి అయిన దీపిక పదుకొనే కి పుట్టినరోజు శుభాకాంక్షలు. ఈ సంవత్సరం కూడా అద్భుతంగా ఉండాలి” విష్ చేశారు. దీపిక నటిస్తున్న మొదటి తెలుగు సినిమా ఇదే. ఈ సినిమాకి నాగ్ అశ్విన్ దర్శకత్వం వహిస్తున్నారు. వైజయంతి మూవీస్ పతాకంపై అశ్విని దత్ ఈ సినిమా నిర్మిస్తున్నారు. సినిమా మీద భారీగా అంచనాలు ఉన్నాయి.

ఇప్పటికే విడుదల అయిన టైటిల్ టీజర్ చాలా స్పెషల్ గా ఉండి ఆసక్తిని ఇంకా పెంచింది. సినిమాలో చాలామంది ప్రముఖ నటీనటులు ఉన్నారు. ఈ సినిమా ప్రస్తుతం షూటింగ్ జరుపుకుంటుంది. ఈ సినిమా కోసం ప్రతి చిన్న విషయం మీద చాలా శ్రద్ధ తీసుకొని డిజైన్ చేస్తున్నారు. ఈ డిజైన్ చేయడానికి సంబంధించిన వీడియోలను కూడా విడుదల చేస్తున్నారు. ఈ సినిమా కూడా భాగాలుగా విడుదల అవుతుంది అని సమాచారం. మొదటి భాగంలో అయితే ప్రభాస్ హీరోగా నటిస్తున్నారు. మరి తర్వాత సినిమాలు ఎలా ఉంటాయి అనేది వేచి చూడాల్సిందే. ఈ సినిమా కూడా భవిష్యత్తు అనే అంశం మీద సాగుతుంది.

సినిమా పరిశ్రమలో 20 ఏళ్ల ప్రస్థానం ఉన్న నటి నయనతార. నయనతార ప్రస్తుతం లేడీ ఓరియంటెడ్ సినిమాలు ఎక్కువగా చేస్తున్నారు. మరొక పక్క స్టార్ హీరో సినిమాల్లో కూడా నటిస్తున్నారు. అయితే ఇప్పుడు నయనతార నెక్స్ట్ సినిమా ఎలా ఉంటుంది అని అందరూ ఆసక్తిగా ఎదురు చూస్తున్నారు.

నెక్స్ట్ సినిమా కూడా నయనతార లేడీ సినిమానే చేస్తున్నారు. అరుణ్ రాజా కామరాజ్ దర్శకత్వంలో రాబోతున్న ఈ సినిమాలో నయనతార నటించబోతున్నారు. దీనికి సంబంధించిన అధికారిక ప్రకటన త్వరలోనే వస్తుంది. ప్రస్తుతం నయనతార మాధవన్, సిద్ధార్థ్, మీరా జాస్మిన్ తో కలిసి టెస్ట్ అనే ఒక సినిమాలో నటిస్తున్నారు. ఈ సినిమా ప్రస్తుతం షూటింగ్ దశలో ఉంది.

నయనతార తెలుగు సినిమా చేసి చాలా కాలం అయ్యింది. గత సంవత్సరం చిరంజీవి హీరోగా నటించిన గాడ్ ఫాదర్ సినిమాలో చిరంజీవి చెల్లెలి పాత్రలో నయనతార నటించారు. మళ్లీ తర్వాత ఇప్పటివరకు నయనతార తెలుగు సినిమాలో నటించలేదు. కానీ డబ్బింగ్ సినిమాల ద్వారా నయనతార తెలుగు ప్రేక్షకులని పలకరిస్తూనే ఉన్నారు. ఇటీవల నయనతార హీరోయిన్ గా నటించిన అన్నపూరణి సినిమా తెలుగులో కూడా విడుదల అయ్యింది. ఒక సాధారణమైన అమ్మాయి చెఫ్ అయ్యి పేరు ఎలా సంపాదించుకుంది అనే అంశం మీద ఈ సినిమా అంతా నడుస్తుంది. ఈ సినిమాలో జై హీరోగా నటించారు. ఈ సినిమా వివాదాల బారిన పడినా కూడా, ఒక డీసెంట్ హిట్ టాక్ సొంతం చేసుకుంది.

మహేష్ బాబు హీరోగా త్రివిక్రమ్ శ్రీనివాస్ దర్శకత్వంలో వస్తున్న గుంటూరు కారం సినిమా మీద భారీగా అంచనాలు నెలకొన్నాయి. చాలా కాలం తర్వాత వీరిద్దరి కాంబినేషన్ లో ఒక సినిమా వస్తోంది. ఇప్పుడు సినిమా సంక్రాంతి బరిలో రిలీజ్ అవ్వడానికి సిద్ధంగా ఉంది.

అయితే సినిమాలో చాలా మార్పులు జరిగాయి. ఎన్ని మార్పులు జరిగినా కూడా సమయానికి రిలీజ్ చేస్తున్నారు. ఈ సినిమాకి సంబంధించి ఒక వార్త ప్రచారంలో ఉంది. సినిమాకి మహేష్ బాబు భారీగా రెమ్యూనరేషన్ తీసుకున్నట్టు సమాచారం. ఈ సినిమాకి మహేష్ బాబు 78 కోట్ల రెమ్యూనరేషన్ తీసుకున్నారట.

ప్రస్తుతం మహేష్ బాబుకి ఉన్న మార్కెట్ వాల్యూని దృష్టిలో పెట్టుకొని రెమ్యూనరేషన్ తీసుకున్నారు. మహేష్ బాబు ఈ సినిమా కోసం తనని తాను మార్చుకున్నారు అని అర్థం అవుతోంది. పాటల్లో కూడా డాన్స్ పరంగా చాలా ఇంప్రూవ్ అయ్యారు. ఈ సినిమా తర్వాత మహేష్ బాబు రాజమౌళి దర్శకత్వంలో ఒక సినిమాలో నటిస్తారు. ఈ సినిమా తర్వాత మహేష్ బాబు ఏ సినిమా చేయబోతున్నారు అనేది మాత్రం ఇంకా ప్రకటించలేదు.

ఇప్పటికే రాజమౌళి సినిమాకి సంబంధించి మహేష్ బాబు కసరత్తులు చేస్తున్నారు. ఇది ఇండియానా జోన్స్ లాగా ఒక ఫారెస్ట్ అడ్వెంచర్ సినిమా అని సమాచారం. దీనికి సంబంధించి ఇప్పటికే స్క్రిప్ట్ పనులు మొదలు పెట్టారు. ఈ సినిమా కోసం హాలీవుడ్ ఏజెన్సీలని, హాలీవుడ్ నటులని తీసుకుంటారు. మహేష్ బాబు ఈ సినిమా కోసం ఒక స్పెషల్ మార్షల్ ఆర్ట్స్ కూడా నేర్చుకోబోతున్నారు. సినిమా మొత్తం ఫైటింగ్ నేపథ్యంలో ఉంటుంది కాబట్టి మహేష్ బాబు ఫిట్ నెస్ కూడా బాగా మెయింటైన్ చేయడానికి ప్రయత్నిస్తున్నారు. ఈ సినిమా కూడా భాగాలుగా వస్తుంది అనే వార్త వచ్చింది.

సలార్ సినిమాతో హిట్ కొట్టి తన స్టార్ డం ని మరొకసారి నిరూపించుకున్న హీరో ప్రభాస్. ప్రభాస్ ప్రస్తుతం కల్కి సినిమా షూటింగ్ పనిలో ఉన్నారు. అంతే కాకుండా మారుతి దర్శకత్వంలో రాజా డీలక్స్ సినిమాలో కూడా నటిస్తున్నారు.

అయితే ప్రభాస్ హీరోగా, లావణ్య త్రిపాఠి హీరోయిన్ గా చేయాల్సిన సందర్భం వచ్చింది అనే సంగతి చాలా మందికి తెలియదు ఏమో.

ప్రభాస్ ని పాన్-ఇండియన్ స్టార్ చేసిన సినిమా బాహుబలి సినిమా కోసం హీరోయిన్ల వేటలో రాజమౌళి మొదటిగా రాశి ఖన్నాని అనుకున్నారు. కానీ కొన్ని కారణాల వల్ల రాశి ఈ సినిమా రిజెక్ట్ చేశారు. అయితే తర్వాత లావణ్య త్రిపాఠిని అనుకున్నారు. కానీ కొన్ని కారణాల వల్ల లావణ్య త్రిపాఠి ఈ సినిమా చేయలేకపోయారు. బహుశా లావణ్య త్రిపాఠిని తమన్నా స్థానంలో అనుకొని ఉండే అవకాశాలు ఉన్నాయి. ఒకవేళ తమన్నా పోషించిన అవంతిక పాత్ర లావణ్య త్రిపాఠి చేసినా కూడా బాగానే ఉండేది ఏమో.

లావణ్య త్రిపాఠి కి స్టార్ హోదా తీసుకొచ్చేది. ప్రస్తుతం అయితే లావణ్య త్రిపాఠి మిస్ పర్ఫెక్ట్ అనే ఒక సిరీస్ చేస్తున్నారు. దీనికి సంబంధించి ఇటీవల ఒక ప్రకటన వచ్చింది. అంతే కాకుండా మరికొన్ని సినిమాలు, సిరీస్ కూడా షూటింగ్ దశలో ఉన్నాయి. వాటి ప్రకటన కూడా త్వరలోనే వస్తుంది. మరొక పక్క, ప్రభాస్, రాజమౌళి ఇప్పటికే పాన్-ఇండియన్ సెలబ్రిటీలుగా మారిపోయారు. వీళ్ళ సినిమాలు అన్నీ ఎప్పుడు విడుదల అవుతాయా అని అంతర్జాతీయ వ్యాప్తంగా ఎంతో మంది అభిమానులు ఎదురుచూస్తున్నారు.

తమిళ హీరో అయినా సరే తెలుగులో క్రేజ్ సంపాదించుకున్న హీరో విజయ్. ఇటీవల లియో సినిమాతో ప్రేక్షకుల ముందుకి వచ్చారు. ఇప్పుడు గోట్ సినిమాలో నటిస్తున్నారు. ఈ సినిమాకి వెంకట్ ప్రభు దర్శకత్వం వహిస్తున్నారు. ప్రస్తుతం ఈ సినిమా షూటింగ్ దశలో ఉంది.

అయితే విజయ్ ఇటీవల వర్షాల వల్ల నష్టపోయిన ఎనిమిది వందల కుటుంబాలకు సహయం చేశారు. వీరందరికీ విజయ్ ఒకొక్క ఇల్లు కోల్పోయిన కుటుంబానికి 50 వేల రూపాయలు అందించినట్టు సమాచారం. అంతేకాకుండా వారికి ఆహారం బట్టలు వంటివి కూడా అందజేశారు.

విజయ్ చేసిన పనిని అందరూ మెచ్చుకుంటున్నారు. విజయ్ ఇలా చేయడం మొదటిసారి ఏమీ కాదు. అంతకుముందు కొంతమంది విద్యార్థులకు కూడా ఆర్థిక సహాయం చేశారు. ఇంకా చాలా సామాజిక కార్యక్రమాల్లో విజయ్ పాల్గొంటారు. ఇలాంటి పనులు విజయ్ చాలా సంవత్సరాల నుండి చేస్తున్నారు. గతంలో కూడా ఎంతోమంది వరద బాధితులకి లేదా ఇతర ప్రకృతి వైపరీత్యాల వల్ల బాధపడిన కుటుంబాలకి ఎంతో సహాయం చేశారు. ఇప్పుడు కూడా ఈ విధంగా సహాయం చేసి తన పెద్ద మనసుని చాటుకున్నారు.

విజయ్ ఇంకా కొన్ని సినిమాలు చేసి తర్వాత రాజకీయాల మీద పూర్తి దృష్టి పెట్టబోతున్నారు అనే వార్తలు వస్తున్నాయి. విజయ్ రాజకీయాల్లోకి వెళ్తారు అన్న వార్త ఎప్పటినుండో ప్రచారంలో ఉంది. కానీ సమయం ఎప్పుడు అనేది సరిగ్గా ఎక్కడ ప్రకటించలేదు. ఇప్పుడు ఇవి అన్ని చూస్తూ ఉంటే విజయ్ త్వరలోనే రాజకీయాల్లోకి అడుగుపెట్టబోతున్నారు అని తెలుస్తోంది. అందుకు సంబంధించిన ప్రచార కార్యక్రమాల్లో కూడా విజయ్ పాల్గొంటారు. అంతే కాకుండా సినిమాలు కూడా చేస్తారు. కానీ అది ఎప్పటి వరకు అనేది ఇంకా తెలియాల్సి ఉంది.

సూపర్ స్టార్ మహేష్ బాబు హీరోగా త్రివిక్రమ్ శ్రీనివాస్ దర్శకత్వంలో వస్తున్న సినిమా గుంటూరు కారం. ఈ సినిమా మీద ఇప్పటికే అంచనాలు భారీగా నెలకొన్నాయి. అందుకు కారణం వీరిద్దరి కాంబినేషన్. చాలా సంవత్సరాల తర్వాత వీరిద్దరి కాంబినేషన్ లో సినిమా వస్తోంది.

ఈ సినిమా స్టోరీ మొదట వేరేది అనుకున్నా కూడా తర్వాత మార్చి ఫ్యామిలీ ఎమోషన్స్ యాడ్ చేసి సినిమా తీశారు. ఎన్ని మార్పులు జరిగినా కూడా అనుకున్న సమయానికి సినిమా పూర్తి చేసి సంక్రాంతికి సినిమా విడుదల చేస్తున్నారు.

ప్రస్తుతం సినిమా బృందం ప్రమోషన్స్ పనిలో ఉంది. ఇప్పటికే పోస్టర్స్ విడుదల చేస్తున్నారు. జనవరి 6వ తేదీన ప్రీ రిలీజ్ ఈవెంట్ పెట్టి ఆ రోజు ట్రైలర్ కూడా విడుదల చేస్తారు. ప్రమోషన్స్ కోసం సినిమా బృందం ఇంటర్వ్యూలు కూడా ఏర్పాటు చేస్తున్నారు. అందులో కొన్ని ఇంటర్వ్యూలలో మహేష్ బాబు పాల్గొంటారు. అయితే ఈ సినిమా సెన్సార్ పూర్తి చేసుకుంది. సినిమాకి సెన్సార్ సభ్యులు యూఎ సర్టిఫికెట్ ఇచ్చారు. సినిమా సెన్సార్ టాక్ కూడా బయటకు వచ్చేసింది.

ప్రస్తుతం బయటికి వచ్చిన టాక్ ప్రకారం సినిమాలో ఎమోషన్స్ చాలా బాగా వచ్చాయట.  సాధారణంగా త్రివిక్రమ్ సినిమాల్లో ఎమోషన్స్ ఎక్కువగా ఉంటాయి. ఈ సినిమాలో కూడా అలాగే ఉన్నాయి. అంతే కాకుండా మహేష్ బాబు కూడా ఒక కొత్త రకమైన పాత్రలో కనిపిస్తారు. సినిమా మదర్ సెంటిమెంట్ నేపథ్యంలో సాగుతుంది. దాంతో ఈసారి త్రివిక్రమ్ ఎమోషన్స్ తెరపై కనిపిస్తాయి.

అయితే సంక్రాంతి బరిలో గుంటూరు కారంతో పాటు, నాగార్జున హీరోగా నటించిన నా సామి రంగ, తేజ సజ్జ హీరోగా నటించిన హనుమాన్, వెంకటేష్ హీరోగా నటించిన సైంధవ్, తమిళ్ డబ్బింగ్ సినిమాల్లో శివ కార్తికేయన్ హీరోగా నటించిన అయలాన్, ధనుష్ హీరోగా నటించిన కెప్టెన్ మిల్లర్, హిందీలో కత్రినా కైఫ్, విజయ్ సేతుపతి కాంబినేషన్ లో వస్తున్న మేరీ క్రిస్మస్ సినిమాలు కూడా విడుదల అవుతున్నాయి. ఇంత కాంపిటీషన్ ఉండడం ఇదే మొదటి సారి ఏమో. దాంతో ఏ సినిమా హిట్ అవుతుంది అని అందరూ ఎదురు చూస్తున్నారు. కానీ పండగ కాబట్టి ప్రతి సినిమాకి మంచి టాక్ వస్తే బాగుండు అని కూడా అనుకుంటున్నారు.