హిందీలో రిలీజ్ అయ్యి బ్లాక్ బస్టర్ అయిన సినిమా క్వీన్. ఈ సినిమాని తెలుగు, తమిళ్, కన్నడ, మలయాళ భాషల్లో రూపొందించారు. తెలుగులో ఈ సినిమాని దటీజ్ మహాలక్ష్మి పేరుతో రీమేక్ చేశారు. ఈ సినిమాకి ప్రశాంత్ వర్మ దర్శకత్వం వహించారు. ఈ సినిమాలో తమన్నా హీరోయిన్ గా నటించారు. అయితే సినిమా రూపొంది చాలా కాలం అయ్యింది.
ప్రమోషన్స్ కూడా చేశారు. కానీ సినిమా మాత్రం రిలీజ్ కాలేదు. ఈ ప్రమోషన్స్ చేసి కూడా చాలా సంవత్సరాలు అయ్యింది. అయినా కూడా సినిమా ఇప్పటివరకు రిలీజ్ అవ్వకపోవడం అనేది గమనార్హం. ఇప్పుడు ఈ సినిమా రిలీజ్ అవుతున్నట్టు వార్తలు వస్తున్నాయి. అప్పుడు ప్రొడ్యూసర్ కి ఉన్న కొన్ని ఇబ్బందుల కారణంగా సినిమా రిలీజ్ కాలేకపోయింది. ఇప్పుడు ఈ సినిమాని థియేటర్లలో కాకపోయినా ఓటీటీలో విడుదల చేసేటట్టు మాట్లాడుతున్నారు అని వార్త మాత్రం ప్రచారంలో ఉంది.
మరి ఇందులో ఎంతవరకు నిజం ఉంది అనేది తెలియదు. ఈ సినిమాలో హీరోగా సిద్దు జొన్నలగడ్డ నటించారు. తమిళ్ లో ఈ సినిమాలో కాజల్ అగర్వాల్ నటించారు. ఈ సినిమా టీజర్ కూడా విడుదల చేశారు. పాటలు కూడా రిలీజ్ చేశారు. ఇంత చేశాక సినిమా మాత్రం ఇన్ని సంవత్సరాలు అయినా కూడా విడుదల అవ్వలేదు. ఈ గ్యాప్ లో తమన్నా నటించిన ఎన్నో సినిమాలు రిలీజ్ అయిపోయాయి. ఇప్పుడు కూడా తమన్నా వరుస పెట్టి సినిమాలు, వెబ్ సిరీస్ చేస్తూనే ఉన్నారు. మరి ఇప్పుడు ఈ సినిమా ఎప్పుడు రిలీజ్ అవుతుందో తెలియాలి అంటే ఇంకా కొంతకాలం వెయిట్ చేయాల్సిందే. తమన్నా పెర్ఫార్మెన్స్ కోసం అయినా సరే ఈ సినిమా చూడాలి అని అనుకుంటున్నారు.
