Mohana Priya

గత సంవత్సరం కొన్ని నెలల క్రితం ఈ సినిమా మొదటి పార్ట్ విడుదల అయ్యింది. ఇప్పుడు దీనికి కొనసాగింపుగా రెండవ పార్ట్ కూడా విడుదల అయ్యింది. మొదటి భాగంలో చూపించిన ఎన్నో ప్రశ్నలకు ఈ సినిమాలో సమాధానాలు చెప్తారు. మరి ఇప్పుడు ఈ సినిమా ఎలా ఉందో చూద్దాం.

• చిత్రం : పొన్నియిన్ సెల్వన్ – 2
• నటీనటులు : విక్రమ్, ఐశ్వర్యా రాయ్, కార్తీ, జయం రవి, త్రిష కృష్ణన్.
• నిర్మాత : మణిరత్నం, సుభాస్కరన్
• దర్శకత్వం : మణిరత్నం
• సంగీతం : ఏఆర్ రెహమాన్
• విడుదల తేదీ : ఏప్రిల్ 28, 2023

స్టోరీ :

సినిమా ఆదిత్య కరికాళుడు (విక్రమ్), నందిని (ఐశ్వర్యా రాయ్) ప్రేమ కథతో మొదలవుతుంది. వారిద్దరూ చిన్నప్పటినుంచి ఎలా కలిసి పెరిగారు అనే విషయాన్ని చూపిస్తారు. మొదటి భాగంలో చనిపోయాడు అనుకునే రాజరాజ చోళుడు (జయం రవి) బతికే ఉంటాడు అని తెలుస్తుంది. అతనిని కాపాడింది ఒక ముసలావిడ అని చెప్తాడు.

తర్వాత ఆ ముసలావిడ మందాకిని (ఐశ్వర్యా రాయ్) అని తెలుస్తుంది. మందాకినికి మాటలు రావు. మందాకినికి, చోళ కుటుంబానికి ఉన్న సంబంధం ఏంటి? అసలు ఆదిత్య, నందిని ఎందుకు విడిపోయారు? రాజ్యం ఎవరికి దక్కింది? తన తమ్ముడిని చంపింది అని పగ తీర్చుకోవడానికి నందిని కోసం వచ్చిన ఆదిత్య తర్వాత ఏం చేశాడు? చోళులు ఎదుర్కొన్న సంఘటనలు ఏంటి? నందిని రహస్యం ఏంటి? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

కొన్ని నెలల క్రితం ఈ సినిమా మొదటి భాగం విడుదల అయ్యింది. కొంత మంది ఆ సినిమా చూసి బాగుంది అంటే, మరి కొంత మంది మాత్రం, “బాహుబలితో పోలిస్తే అసలు ఈ సినిమా అంత గొప్పగా ఏమీ లేదు” అని అన్నారు. ఇదంతా మాత్రమే కాకుండా సోషల్ మీడియాలో తమిళ్ ప్రేక్షకులు, తెలుగు ప్రేక్షకులకు మధ్య మా సినిమా గొప్ప అంటూ గొడవలు కూడా జరిగాయి. దాదాపు 70 సంవత్సరాలు క్రితం కల్కి కృష్ణమూర్తి రాసిన నవల ఆధారంగా ఈ సినిమా రూపొందించారు.

చోళ సామ్రాజ్యంలో జరిగే విషయాలు అన్నీ ఈ నవలలో చూపించారు. ఇదే నవలని తెరపై సినిమా రూపంలో తీసుకురావడానికి మణిరత్నం ప్రయత్నించారు. ఆ ప్రయత్నం చాలా వరకు సక్సెస్ అయ్యింది. మణిరత్నం ఇలాంటి జోనర్ ఉన్న సినిమాలు చేయడం ఇదే మొదటి సారి. మొదటి భాగంలో లాగానే ఈ భాగంలో కూడా ఎమోషన్స్ చాలా ఉంటాయి. కానీ మొదటి భాగంతో పోలిస్తే ఈ సినిమాలో స్టోరీ ఇంకా బాగుంది.

అసలు ఈ సినిమా చూస్తే మొదటి భాగం కేవలం ఇంట్రడక్షన్ ఏమో అనిపిస్తుంది. అలాగే యాక్షన్ సీన్స్ కూడా ఇందులో ఉన్నవి బాగున్నాయి. ఇంక పర్ఫార్మెన్స్ విషయానికి వస్తే, సినిమాకి పెద్ద హైలైట్ అయ్యింది మాత్రం విక్రమ్. మొదటి భాగంలో ఏదో ఒక కోపంగా ఉన్న, బాధతో ఉన్న ఒక వ్యక్తి లాగా కనిపిస్తారు. కానీ ఇందులో మాత్రం అన్ని రకమైన ఎమోషన్స్ విక్రమ్ తెరపై చూపించారు. అలాగే విక్రమ్ పాత్ర తర్వాత ప్రేక్షకులని అంతగా కట్టుకున్న మరొక పాత్ర కార్తీ పాత్ర.

కార్తీ పాత్ర మొదటి భాగంలో కూడా పెద్ద హైలైట్ అయ్యారు. ఈ సినిమాలో కూడా అదే స్టైల్ లో నటించారు. విక్రమ్ తో సమానంగా ప్రాముఖ్యత ఉండి, సినిమాకి మరొక ప్లస్ పాయింట్ అయిన పాత్ర ఐశ్వర్యా రాయ్. ఐశ్వర్యా రాయ్ ఈ సినిమాలో రెండు పాత్రల్లో నటించారు. మొదటి భాగంలో ఆ రెండవ పాత్ర కి సంబంధించి ఒక చిన్న క్లూ ఇచ్చారు. ఈ సినిమాలో ఆ పాత్ర కనిపిస్తారు. మిగిలిన వాళ్లు అంతా కూడా తమ పాత్రలకి తగ్గట్టు నటించారు. కానీ సినిమా మొత్తం వీరి మీద నడుస్తుంది.

కాబట్టి మిగిలిన పాత్రలకి అంత పెద్ద స్కోప్ కూడా లేదు ఏమో అనిపిస్తుంది. ఏఆర్ రెహమాన్ అందించిన సంగీతం చాలా బాగుంది. సినిమా కోసం వేసిన సెట్టింగ్స్, లొకేషన్స్, అవన్నీ కూడా మొదటి భాగంలో ఉన్నట్టుగానే ఉన్నాయి. టెక్నికల్ గా ఈ సినిమా చాలా బాగుంది. కానీ సినిమా నిడివి మాత్రం చాలా ఎక్కువగా ఉంది. అయితే అంత పెద్ద నవలని తెరపై చూపించాలి అంటే రెండు భాగాలు కూడా సరిపోవు అని అనడం కరెక్టే ఏమో అనిపిస్తుంది.

ఫస్ట్ హాఫ్ మామూలుగా ఉన్నా సెకండ్ హాఫ్ మాత్రం చాలా ఎక్కువ సమయం ఉంటుంది. అందులోనూ కొన్ని సీన్స్ అయితే చాలా పెద్దగా ఉంటాయి. అందులోనూ ఆ సీన్స్ అన్నీ కూడా ఎమోషనల్ గా ఉంటాయి. అసలు చాలా సీన్స్ మణిరత్నం తప్ప మరి వేరే దర్శకులు తీయలేరు ఏమో అనిపిస్తుంది. కానీ మొదటి భాగం చూసి చాలా బోర్ గా ఉంది అని అనుకునేవాళ్లు, ఈ సినిమా చూసి అంత ఎంటర్టైనింగ్ గా ఫీల్ అయ్యే అవకాశం తక్కువే. ఏ దర్శకుడు స్టైల్ ఆ దర్శకుడిదే, ఎవరి టేకింగ్ వాళ్లదే, ఒకరితో ఒకరికి పోలిక లేదు అని అనుకునేవారు మాత్రం ఈ సినిమా బోర్ ఫీల్ అవ్వకుండా చూస్తారు.

ఎందుకంటే కొన్ని ఎమోషన్స్ తెరపై చూపించాలి అంటే వాటికి తగిన సమయం ఇవ్వాలి అనే ఒక ఫార్ములా అని సినిమాలో ఫాలో అయ్యారు. సినిమా మొత్తం ఒక యాక్షన్ డ్రామాగా కాకుండా అసలు నిజంగా చోళుల సామ్రాజ్యంలో జరిగే విషయాల గురించి, వారి రహస్యాల గురించి, అసలు ఆ పాత్రల వెనుక ఉన్న కథ గురించి ఈ సినిమాలో చూపించారు. దాంతో ఆ కథని తెరపై చూపించడానికి ఎంత సమయం ఇవ్వాలో అంత సమయం ఇచ్చారు. సినిమాలో యాక్షన్ కంటే ఎక్కువ ఆ పాత్రల మధ్య ఉన్న ఎమోషన్ కి చాలా ప్రాముఖ్యత ఇచ్చారు. అందుకే చాలా సీన్స్ నిడివి చాలా ఎక్కువగా అనిపిస్తుంది.

ఇంటర్వెల్ తర్వాత వచ్చే కొన్ని సీన్స్ మాత్రం తెరపై చాలా బాగా కనిపించాయి. అందులోనూ ముఖ్యంగా మనకి ట్రైలర్ లో చూపించే విక్రమ్, ఐశ్వర్యా రాయ్ మధ్య వచ్చేసి సీన్ లో వాళ్ళ నటన మరొక పెద్ద ప్లస్ పాయింట్ అయ్యింది. చివరిలో వచ్చే ట్విస్ట్ సినిమా కథ తెలియని ప్రేక్షకులు ఊహించే అవకాశం లేదు. ఒకవేళ సినిమాలో చూపించే ఎమోషన్స్ కి ప్రేక్షకులు కనెక్ట్ అవ్వలేకపోతే మాత్రం చాలా సీన్స్ చూసే ప్రేక్షకులకి సాగదీసినట్టుగా అనిపించే అవకాశం ఉంది.

ప్లస్ పాయింట్స్ :

• నిర్మాణ విలువలు
• పాటలు
• నటీనటుల పర్ఫార్మెన్స్
• కొన్ని ఎమోషనల్ సీన్స్

మైనస్ పాయింట్స్:

• సినిమా నిడివి
• యాక్షన్ సీన్స్ తక్కువగా ఉండడం

రేటింగ్ :

2.75/5

ట్యాగ్ లైన్ :

బాహుబలి సినిమాతో పోల్చకుండా ఈ సినిమాని మరొక సినిమాలాగా చూసే వాళ్ళకి, సినిమాలో యాక్షన్ ఎక్కువగా ఉండాలి అని అనుకోకుండా కేవలం టేకింగ్ పరంగా, నటీనటుల పెర్ఫార్మెన్స్ కోసం మాత్రమే సినిమాని చూసే వాళ్ళకి సినిమా చూసేవారికి ఈ సినిమా నిరాశపరిచే అవకాశం లేదు. ఏ డైరెక్టర్ టేకింగ్ ఆ డైరెక్టర్ దే, ఒక్కొక్కరిది ఒక్కొక్క స్టైల్ అని అనుకుంటే మాత్రమే ఈ సినిమా చూడగలుగుతారు. కానీ ఫైటింగ్స్ అవన్నీ ఉంటాయి అని ఎక్కువ ఎక్స్పెక్టేషన్స్ పెట్టుకుంటే మాత్రం కొన్ని పొన్నియిన్ సెల్వన్ సినిమా ఒక్కసారి చూడగలిగే సినిమాగా నిలుస్తుంది.

watch trailer :

కొంత కాలం క్రితం మోస్ట్ ఎలిజిబుల్ బ్యాచిలర్ సినిమాతో ప్రేక్షకుల ముందుకి వచ్చిన అఖిల్ అక్కినేని ఇప్పుడు మళ్లీ ఏజెంట్ సినిమాతో చాలా సమయం తీసుకొని ప్రేక్షకులని అలరించడానికి వచ్చారు. సినిమా ఎలా ఉందో ఇప్పుడు చూద్దాం.

• చిత్రం : ఏజెంట్
• నటీనటులు : అఖిల్ అక్కినేని, సాక్షి వైద్య, మమ్ముట్టి.
• నిర్మాత : అనిల్ సుంకర
• దర్శకత్వం : సురేందర్ రెడ్డి
• సంగీతం : హిప్ హాప్ తమిళ
• విడుదల తేదీ : ఏప్రిల్ 28, 2023

స్టోరీ :

సినిమా మహదేవ్ (మమ్ముట్టి) అనే ఒక చీఫ్ తో మొదలవుతుంది. మహదేవ్ ఒక మిషన్ మీద ఉంటారు. గాడ్ (డినో మోరియా) అనే ఒక డాన్ ని పట్టుకోవాలి అనుకుంటారు. దీని కోసం వారు ప్రయత్నిస్తూ ఉంటారు. ఇదే సమయంలో రామకృష్ణ (అఖిల్ అక్కినేని) అనే ఒక హ్యాకర్ మహదేవ్ తో కలిసి వారి ఏజెన్సీలో పని చేయడానికి, మహదేవ్ ని ఇంప్రెస్ చేయడానికి ప్రయత్నిస్తూ ఉంటాడు. రామకృష్ణ వారితో కలిశాడా? ఆ తర్వాత రామకృష్ణ ఎదుర్కొన్న సంఘటనలు ఏంటి? వాటి నుండి ఎలా బయటపడ్డాడు? చివరికి వారు అనుకున్న మిషన్ సాధించారా? ఇంతకీ అసలు వారు వెతుకుతున్న వ్యక్తి ఎక్కడున్నాడు? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

సాధారణంగా యాక్షన్ సినిమాలు అంటే ఏ ఇండస్ట్రీ ప్రేక్షకులకు అయినా సరే ఒక ప్రత్యేకమైన ఆసక్తి ఉంటుంది. సినిమా ట్రైలర్ చూశాక అలాంటి ఆసక్తి ఇంకా పెరిగింది. ఎందుకంటే సురేందర్ రెడ్డి స్టైలిష్ యాక్షన్ సినిమాలు తీయడంలో చాలా గుర్తింపు పొందారు. అంతకుముందు కొన్ని సినిమాల ఫలితం ఎలా ఉన్నా కూడా సురేందర్ రెడ్డి సినిమాలు అంటే చాలా స్టైలిష్ గా ఉంటాయి, అందులో యాక్షన్ చాలా బాగుంటుంది అని అంటూ ఉంటారు.

అది కూడా సురేందర్ రెడ్డి, అఖిల్ అక్కినేని కాంబినేషన్ అసలు ఎవరు ఎక్స్పెక్ట్ చేయలేదు. ఈ సినిమా కోసం అఖిల్ తనని తాను మార్చుకున్న తీరు కూడా అస్సలు ఊహించలేదు. దాంతో ఈ సినిమాపై అంచనాలు ఇంకా పెరిగాయి. మోస్ట్ ఎలిజిబుల్ బ్యాచిలర్ సినిమా హిట్ అయినా కూడా జనాలకి అంత పెద్దగా ఎక్కలేదు. చాలా రొటీన్ సినిమా లాగా అనిపించింది. అఖిల్ ఈ సినిమాతో కచ్చితంగా పెద్ద హిట్ కొడతారు అని అనుకున్నారు. సినిమా చాలా వైల్డ్ గా ఉంటుంది అని చాలా ఇంటర్వ్యూలలో చెప్పారు. చెప్పినట్టుగానే సినిమా నిజంగానే చాలా వైల్డ్ గా ఉంది. హీరో అఖిల్ మేక్ ఓవర్ బాగుంది.

నిజంగా ఈ సినిమా కోసం రెండు సంవత్సరాల పాటు అఖిల్ పడిన కష్టం అంతా కూడా తెరపై కనిపిస్తోంది. అంతకుముందు అఖిల్ నటించిన సినిమాలు అన్నీ కూడా ఒక రకం అయిన టెంప్లేట్ తో సాగుతాయి. అందులో అఖిల్ అక్కినేని పెద్దగా కష్టపడాల్సిన అవసరం లేకుండానే సినిమాలు అయిపోయాయి. కానీ ఈ సినిమా కోసం అఖిల్ తనని తాను పూర్తిగా మార్చుకోవాల్సి వచ్చింది. లుక్స్ విషయం నుండి, డైలాగ్ చెప్పే విధానం వరకు ఈ సినిమాలో నిజంగానే ఒక కొత్త అఖిల్ కనిపిస్తారు. ఇప్పటి వరకు నటించిన సినిమాల్లో అఖిల్ ఇంత హుషారుగా తెరపై కనిపించలేదు.

నిర్మాణ విలువలు బాగున్నాయి. ఒక యాక్షన్ సినిమాకి ఎలా అయితే కావాలో సినిమా వాతావరణం మొత్తం అలాగే ఉంటుంది. అది చూస్తూ ఉంటే సినిమా బృందం ఒక మంచి స్టైలిష్ యాక్షన్ సినిమా తెరపై చూపించడానికి చాలా కష్టపడ్డారు అనిపిస్తుంది. కానీ కథ విషయంలో మాత్రం ఇంకా కొంచెం జాగ్రత్తలు తీసుకొని ఉంటే బాగుండేది. చాలా రొటీన్ గా ఉంది. సినిమా ముందుకు వెళుతూ ఉంటే కూడా ప్రేక్షకులకు అసలు ఏమవుతుంది అనే ఆసక్తి ఒక్క చోట కూడా కనిపించదు.

డైరెక్టర్ సురేందర్ రెడ్డి దర్శకత్వం వహించిన సినిమాల్లో అన్నిటికంటే ఎక్కువ స్టైలిష్ గా ఉన్న సినిమా ఇదే. లొకేషన్స్ కానీ, యాక్షన్ సీన్స్ కానీ చాలా బాగున్నాయి. చూస్తున్నంత సేపు ఒక హాలీవుడ్ సినిమా చూస్తున్నాం ఏమో అనిపిస్తుంది. కానీ వైల్డ్ అని చెప్పి కొన్ని చోట్ల సినిమాలో కొన్ని సీన్స్ ఓవర్ గా రూపొందించారు ఏమో అనిపిస్తుంది. సినిమాకి మరొక పెద్ద మైనస్ పాటల ప్లేస్మెంట్. సినిమా మంచి ఫ్లోలో నడుస్తోంది అనుకునే సమయంలో పాటలు వస్తాయి. అసలు రామకృష్ణ గోవిందా పాట ఎందుకు వస్తుందో కూడా అర్థం కాదు. అలాగే వైల్డ్ సాలా పాట లేకపోయినా కూడా అంత పెద్ద తేడా ఏమీ అనిపించదు.

కానీ పాటతో పాటు పక్కన స్టోరీ కూడా నడుస్తూ ఉంటుంది. సినిమాకి మరొక హైలైట్ మలయాళం స్టార్ హీరో మమ్ముట్టి నటన. ఆ పాత్రకి మమ్ముట్టి చాలా బాగా సరిపోయారు. హీరోయిన్ సాక్షి వైద్య తన పాత్రకి తగ్గట్టు నటించారు. హిందీ హీరో డినో మోరియా ఈ సినిమాతో తెలుగు ఇండస్ట్రీలో అడుగు పెట్టారు. ఒక డాన్ పాత్రకి ఎలా అయితే నటించాలో అలాగే నటించారు. కానీ స్క్రీన్ ప్లే విషయంలో మాత్రం ఇంకా జాగ్రత్తలు తీసుకొని ఉంటే సినిమా మరొక రకంగా ఉండేది ఏమో అనిపిస్తుంది.

ప్లస్ పాయింట్స్ :

• నిర్మాణ విలువలు
• ఫైటింగ్ సీన్స్
• నటీనటుల పర్ఫార్మెన్స్
• లొకేషన్స్

మైనస్ పాయింట్స్:

• రొటీన్ కథ
• బలహీనమైన స్క్రీన్ ప్లే
• పాటలు
• ఓవర్ గా అనిపించే కొన్ని సీన్స్

రేటింగ్ :

2.5/5

ట్యాగ్ లైన్ :

కథపరంగా ఎక్కువ ఎక్స్పెక్టేషన్స్ పెట్టుకోకుండా, ఒక మంచి స్టైలిష్ యాక్షన్ సినిమా చూడాలి, అసలు అఖిల్ అక్కినేని ఈ సినిమాలో ఎలా చేశారు, మమ్ముట్టి కోసం సినిమా చూడాలి అని అనుకునే వారికి ఏజెంట్ సినిమా ఒక్కసారి చూడగలిగే సినిమాగా నిలుస్తుంది.

watch trailer :

సల్మాన్ ఖాన్ బాలీవుడ్ హీరో అయినా కూడా తెలుగులో చాలా ఫేమస్ అయిన నటుడు. ఇప్పుడు సల్మాన్ ఖాన్ కిసీ కా భాయ్ కిసీ కి జాన్ అనే సినిమాలో నటించారు. ఈ సినిమా ఇవాళ విడుదల అయ్యింది. సినిమా ఎలా ఉందో ఇప్పుడు చూద్దాం.

• చిత్రం : కిసీ కా భాయ్ కిసీ కి జాన్
• నటీనటులు : సల్మాన్ ఖాన్, పూజా హెగ్డే, వెంకటేష్.
• నిర్మాత : సల్మాన్ ఖాన్
• దర్శకత్వం : ఫర్హాద్ సామ్జీ
• సంగీతం : హిమేష్ రేష్మియా, రవి బస్రూర్, సుఖ్బీర్ సింగ్, దేవి శ్రీ ప్రసాద్, సాజిద్ ఖాన్, పాయల్ దేవ్, అమల్ మల్లిక్
• విడుదల తేదీ : ఏప్రిల్ 21, 2023

స్టోరీ :

భాయిజాన్ (సల్మాన్ ఖాన్) కి తమ్ముళ్లు ఉంటారు. వాళ్లు పెద్దవాళ్లు అయినా కూడా, భాయిజాన్ కి ఎంత వయసు వచ్చినా కూడా పెళ్లి చేసుకోడు. అందుకు కారణం ఏంటి అని ఎవరైనా అడిగితే వచ్చే అమ్మాయి తనకి తన తమ్ములకి మధ్య గొడవలు పెట్టి వాళ్ళని విడగొడుతుంది అని చెప్తాడు. అయితే అతని జీవితంలోకి భాగ్యలక్ష్మి (పూజా హెగ్డే) వస్తుంది.

అనుకోకుండా భాయిజాన్ భాగ్యని ప్రేమిస్తాడు. ఆ తర్వాత ఏం జరిగింది? భాగ్య అన్నయ్య గుండమనేని (వెంకటేష్) వారి ప్రేమ అంగీకరిస్తాడా? ఆ తర్వాత భాయిజాన్ ఎదుర్కొన్న సంఘటనలు ఏంటి? రౌడీ అన్న (జగపతి బాబు) తో భాయిజాన్ కి ఎందుకు గొడవ అయ్యింది? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

ఏదైనా ఒక సినిమా ఒక భాషలో హిట్ అయితే ఆ సినిమాని వేరే భాషల్లో రీమేక్ చేయడం అనేది చాలా సంవత్సరాల నుండి వస్తున్న విషయమే. అలా మన సినిమాలు ఎన్నో వేరే భాషల్లో రీమేక్ అయ్యాయి. వేరే భాషల సినిమాలు ఎన్నో మన భాషలో కూడా రీమేక్ అయ్యాయి. తమిళ్ లో అజిత్ హీరోగా నటించిన వీరం సినిమాని తెలుగులో కాటమరాయుడు పేరుతో పవన్ కళ్యాణ్ రీమేక్ చేశారు. ఇప్పుడు ఇదే సినిమాని సల్మాన్ ఖాన్ రీమేక్ చేశారు.

సినిమా కథ అందరికీ తెలిసిన కథే. కొత్తగా చెప్పడానికి ఏమీ లేదు. ఒరిజినల్ స్టోరీ లైన్ మార్చకుండా దానికి కొంచెం బాలీవుడ్ మసాలా యాడ్ చేసి సినిమా తీశారు. అందులోనూ తమిళ్, తెలుగు లో హీరోయిన్ కి నాన్న ఉంటే హిందీలో మాత్రం అన్నయ్య ఉన్నట్టు చూపించారు. అంతే కాకుండా ఈ సినిమాలో కొంచెం తెలుగు వాళ్ళని కూడా తీసుకొని, తెలుగు పాటలు కూడా పెట్టారు. హీరోయిన్ పూజా హెగ్డే తెలుగు అమ్మాయిలాగానే కనిపిస్తుంది.

తన అన్నయ్యగా వెంకటేష్, వదినగా భూమిక నటించారు. కానీ బాలీవుడ్ వాళ్లకి తెలుగు అయినా తమిళ్ అయినా సరే ఒకటేలాగా ఉంటుంది అనే ఆలోచన ఇప్పటికీ పోలేదు ఏమో అనిపిస్తుంది. బాలీవుడ్ సినిమాల్లో తమిళ్ వాళ్ళని చూపించాలి అంటే లుంగీ, సాంబార్ ఇలాగే చూపిస్తారు. ఇప్పుడు ఈ సినిమాలో కూడా పేరుకే తెలుగు వాళ్ళు. కానీ ఆ బొట్టు, వారి వేషధారణ అదంతా తమిళ్ వాళ్ళలాగా అనిపిస్తుంది. తెలుగు సంప్రదాయాన్ని చూపించేటట్టు బతుకమ్మ పాట పెట్టారు. కానీ రామ్ చరణ్ తో వచ్చే పాటలో మళ్లీ లుంగితోనే పాట పెట్టారు.

సినిమాలో నటించిన సల్మాన్ ఖాన్ బాలీవుడ్ లో అంత పెద్ద హీరో. అలాగే ఈ సినిమాలో హీరోయిన్ అన్నగా నటించిన వెంకటేష్ తెలుగులో ఇంకా పెద్ద హీరో. తెలుగు వాళ్ళ సంప్రదాయాన్ని చూపించాలి అని అనుకున్నప్పుడు, అంతే కాకుండా ఇంత పెద్ద హీరో సినిమాలో అలాంటి సాంప్రదాయాన్ని చూపించాలి అన్నప్పుడు సినిమా బృందం ఇంకా కొంచెం ఎక్కువ రీసెర్చ్ చేసి ఉంటే బాగుండేది ఏమో అనిపిస్తుంది. ఒక తెలుగు కుటుంబం ఎలా ఉంటుంది అనే విషయంపై పట్టు వచ్చాక వారి పాత్రలు డిజైన్ చేసి ఉంటే బాగుండేది.

డైలాగ్స్ కూడా వాళ్ళు సీరియస్ గా చెప్తుంటే మనకి కామెడీగా అనిపిస్తాయి. ఉదాహరణకి ఈ సినిమాలో ఒక డైలాగ్ ఉంటుంది. సల్మాన్ ఖాన్ విలన్ అయిన జగపతిబాబుతో ఈ డైలాగ్ చెప్తారు. సల్మాన్ ఖాన్ చెప్పే డైలాగ్ ఈ విధంగా ఉంటుంది. అది ఏంటంటే, “అన్నయ్య నాకు తన ఇంటిపేరు ఇచ్చారు. అన్నయ్య ఇంటిపేరు గుండమనేని. అందులో వచ్చే మొదటి పదం గూండా” అని సల్మాన్ ఖాన్ చెప్తారు. ఇది సినిమాలో చాలా సీరియస్ సీన్ లో వచ్చే డైలాగ్.

ఒక రకంగా హీరో విలన్ కి వార్నింగ్ ఇచ్చే డైలాగ్. కానీ ఈ డైలాగ్ సినిమాలో చూస్తున్నప్పుడు మాత్రం ఆ వార్నింగ్ లో ఉన్న పవర్ కనిపించదు. ఇది మాత్రమే కాదు. ఈ సినిమాలో ఇలాంటివి ఇంకా చాలా ఉన్నాయి. ఎలివేషన్స్ పేరుతో వాళ్లు చేసే ఫైటింగ్స్ మనం ఎప్పుడో ఎన్నో సంవత్సరాల క్రితం చూసాం అనిపిస్తుంది. పాటలు కూడా పెద్దగా చెప్పుకోవడానికి ఏమీ లేవు. రామ్ చరణ్ వచ్చే ఏంటమ్మా పాట రామ్ చరణ్, వెంకటేష్ స్క్రీన్ ప్రెజెన్స్ వల్ల మాత్రమే బాగుంది. అలాగే బతుకమ్మ పాట కూడా చూడడానికి బాగుంది.

ప్లస్ పాయింట్స్ :

• నిర్మాణ విలువలు
• తెలుగు వాళ్ళు ఉండడం

మైనస్ పాయింట్స్:

• డైలాగ్స్
• కామెడీగా అనిపించే యాక్షన్ సీన్స్
• రొటీన్ కథ
• కొన్ని పాటలు

రేటింగ్ :

2.5 / 5

ట్యాగ్ లైన్ :

సినిమా నుండి పెద్దగా ఎక్స్పెక్టేషన్స్ ఏమి పెట్టుకోకుండా, ఒరిజినల్ సినిమా, తెలుగు రీమేక్ సినిమాతో పోల్చకుండా, సల్మాన్ ఖాన్ కోసం సినిమా చూద్దాం అనుకునే వారికి, అలాగే మన తెలుగు హీరోలు వెంకటేష్, రామ్ చరణ్ ఉన్నారు అని వారి కోసం అయినా సరే సినిమా తప్పకుండా చూడాల్సిందే అనుకున్నవారికి కిసీ కా భాయ్ కిసీ కి జాన్ సినిమా ఒక్కసారి చూడగలిగే సినిమాగా నిలుస్తుంది.

watch trailer :