Mohana Priya

• చిత్రం : భోలా (కార్తీ ఖైదీ రీమేక్)
• నటీనటులు : అజయ్ దేవగన్, టబు, వినీత్ కుమార్, దీపక్ డోబ్రియాల్, గజరాజ్ రావ్, సంజయ్ మిశ్రా.
• నిర్మాత : అజయ్ దేవగన్
• దర్శకత్వం : అజయ్ దేవగన్
• సంగీతం : రవి బస్రూర్
• విడుదల తేదీ : మార్చ్ 30, 2023

స్టోరీ :

సినిమా మొత్తం భోలా (అజయ్ దేవగన్) అనే ఒక వ్యక్తి చుట్టూ తిరుగుతుంది. ఒక కారణం వల్లన జైలుకి వెళ్ళిన భోలా 10 సంవత్సరాల తర్వాత తిరిగి వస్తాడు. తనకి ఒక కూతురు ఉంటుంది. ఆ కూతురిని కలుసుకోవాలి అని వెళ్ళాలి అనుకుంటాడు. కానీ అనుకోని కారణాలవల్ల ఏసిపి డయానా జోసెఫ్ (టబు) కి సంబంధించి ఒక సమస్యని భోలా పరిష్కరించాల్సి ఉంటుంది. అసలు ఆ సమస్య ఏంటి? అప్పుడు భోలా ఏం చేశాడు? అక్కడ భోలాకి ఎదురైన సంఘటనలు ఏంటి? తన కూతురిని కలుసుకున్నాడా? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

ఏదైనా ఒక సినిమా ఒక భాషలో పెద్ద హిట్ అయితే ఆ సినిమాని వేరే భాషలోకి రీమేక్ చేయడం అనేది ఎప్పుడూ జరుగుతూ ఉండే విషయం. అలా చాలా సినిమాలు మన భాషలో రీమేక్ అయ్యాయి. మన సినిమాలు ఎన్నో వేరే భాషలో రీమేక్ అయ్యాయి. కార్తీ అంటే తమిళ్ హీరో అని కాకుండా తెలుగు హీరో అని ప్రేక్షకులు అనుకుంటారు. అందుకే కార్తీ నటించిన సినిమాలు అన్నీ కూడా తెలుగులో విడుదల అవుతాయి. అలాగే కార్తీ హీరోగా లోకేష్ కనగరాజ్ దర్శకత్వంలో వచ్చిన ఖైదీ సినిమా తెలుగులో విడుదల అయ్యి చాలా పెద్ద హిట్ అయ్యింది.

కార్తీ లాంటి ఒక పెద్ద స్టార్ హీరో ఇలాంటి కాన్సెప్ట్ ఉన్న సినిమా చేయడం అనేది చాలా గొప్ప విషయం అని అప్పట్లో చాలా మంది అన్నారు. ఈ సినిమాని ఇప్పుడు హిందీలో స్టార్ హీరో అజయ్ దేవగన్ రీమేక్ చేశారు. ఈ సినిమాలో నటించడం మాత్రమే కాకుండా, ఈ సినిమాకి దర్శకత్వం కూడా వహించారు. సినిమా స్టోరీ లైన్ దాదాపు ఒరిజినల్ లాగానే ఉంటుంది. కానీ సినిమాలో చాలా మార్పులు చేశారు. ఒరిజినల్ సినిమాలో హీరోయిన్ లేరు. కేవలం తన భార్య గురించి ఢిల్లీ చెప్తాడు.

కానీ హిందీలో మాత్రం అజయ్ దేవగన్ పక్కన అమలా పాల్ హీరోయిన్ గా నటించారు. అలాగే ఒరిజినల్ లో పోలీస్ గా మగవారు ఉంటారు. కానీ హిందీలో మాత్రం పోలీస్ పాత్రలో టబు నటించారు. అసలు ఒరిజినల్ హిట్ అవ్వడానికి మరొక ముఖ్య కారణం పాటలు లేకపోవడం. సినిమా మధ్యలో ఒక్క పాట ఉన్నా కూడా సినిమా డిస్టర్బ్ అవుతుంది. కానీ హిందీలో మాత్రం పాటలు ఉన్నాయి. బ్యాక్ గ్రౌండ్ మ్యూజిక్ కొద్దిచోట్ల కేజిఎఫ్ సినిమాని గుర్తు చేసేలాగా ఉంటుంది.

అందుకు కారణం కేజిఎఫ్ సినిమాకి సంగీత దర్శకత్వం అందించిన రవి బస్రూర్ ఈ సినిమాకి కూడా సంగీతం అందించారు. అసలు సినిమా చూస్తున్నంత సేపు ఒక సినిమా రీమేక్ లాగా అనిపించకుండా చాలా జాగ్రత్తలు తీసుకున్నారు. కానీ ఈ విషయం ఒక వర్గం ప్రేక్షకులకు నచ్చుతుంది కానీ ఖైదీ సినిమాని బాగా ఇష్టపడిన ప్రేక్షకులకు మాత్రం, “ఏంటిది ఇక్కడ ఇలా చేశారు?” అని అనిపిస్తుంది.

ప్లస్ పాయింట్స్ :

• కథ
• నిర్మాణ విలువలు
• కొన్ని యాక్షన్ సీన్స్
• బ్యాక్ గ్రౌండ్ మ్యూజిక్

మైనస్ పాయింట్స్:

• కొన్ని మార్పులు
• పాటలు

రేటింగ్ :

3.25 / 5

ట్యాగ్ లైన్ :

ఒరిజినల్ ఖైది తమిళ్ సినిమా అయినా కూడా తెలుగులో చాలా పెద్ద హిట్ అయ్యింది. అందుకే ఈ సినిమాకి తమిళ్ తో పాటు, తెలుగులో కూడా చాలా మంది అభిమానులు ఉన్నారు. దాంతో రీమేక్ లో ఉన్న మార్పులు నిరాశపరిచే అవకాశం ఉంది. ఒక రీమేక్ సినిమాని చూస్తున్నాం అనుకోకుండా చూస్తే భోలా సినిమా ఒక్కసారి చూడగలిగే సినిమాగా నిలుస్తుంది.

watch trailer :

• చిత్రం : దసరా
• నటీనటులు : నాని, కీర్తి సురేష్, దీక్షిత్ శెట్టి.
• నిర్మాత : సుధాకర్ చెరుకూరి
• దర్శకత్వం : శ్రీకాంత్ ఓదెల
• సంగీతం : సంతోష్ నారాయణన్
• విడుదల తేదీ : మార్చ్ 30, 2023

స్టోరీ :

సినిమా మొత్తం 1995లో జరుగుతుంది. వీర్లపల్లి అనే ఒక ప్రాంతంలో నివసించే ధరణి (నాని), వెన్నెల (కీర్తి సురేష్), సూరి (దీక్షిత్ శెట్టి) అనే ముగ్గురు మిత్రుల చుట్టూ కథ తిరుగుతుంది. ఆ ఊరిలో వారికి తాగడం అనేది నిజంగానే ఒక వ్యసనం కాదు. ఒక అవసరంగా మారుతుంది. అక్కడ ఉండే సిల్క్ బార్ చుట్టూ చాలా రాజకీయాలు జరుగుతూ ఉంటాయి. అలాగే అక్కడే ఉండే సింగరేణి గనులకి సంబంధించి ఒక విషయం కూడా ఉంటుంది.

ఆ ఊరి సర్పంచ్ అయిన నంబి (షైన్ టామ్ చాకో) వల్ల వీరందరికీ సమస్యలు వస్తూ ఉంటాయి. ఈ సమస్యలలో ధరణి ఎందుకు కలగ చేసుకోవాల్సి వచ్చింది? తర్వాత వారు ఎదుర్కొన్న సంఘటనలు ఏంటి? అసలు నంబి చేసే పనులు ఏంటి? ఈ సమస్యలన్నీ ధరణి ఎలా పరిష్కరించాడు? ధరణి, వెన్నెల ప్రేమ కథ ఏమయ్యింది? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

సినిమాకి సినిమాకి సంబంధం లేకుండా డిఫరెంట్ పాత్రలని ఎంచుకుంటూ తెలుగు ఇండస్ట్రీలో ఎంతో గొప్ప పేరు తెచ్చుకున్నారు నాని. నాని చేసే ప్రతి పాత్ర కూడా అందులో నాని కనిపించకుండా కేవలం ఆ పాత్ర మాత్రమే కనిపిస్తుంది. అందుకే నానికి నాచురల్ స్టార్ అనే పేరు కూడా ఇచ్చారు. నాని చేసినవి తెలుగు సినిమాలు అయినా కూడా తమిళ్, అలాగే మిగిలిన భాషల ఇండస్ట్రీలో కూడా నాని సినిమాలు తెలుసు. కానీ ఇప్పుడు దసరా సినిమా మాత్రం పాన్-ఇండియన్ సినిమాగా విడుదల అయ్యింది.

అంతే కాకుండా శ్రీకాంత్ ఓదెల అంతకుముందు సుకుమార్ దగ్గర నాన్నకు ప్రేమతో సినిమాకి, అలాగే రంగస్థలం సినిమాకి పని చేశారు. ఇది ఆయన మొదటి సినిమా. అయినా కూడా ట్రైలర్ చూసిన తర్వాత ప్రేక్షకులకు సినిమాపై ఆసక్తి ఇంకా పెరిగింది. గ్రామీణ నేపథ్యం ఉన్న సినిమాలు మనం అంతకుముందు చాలా చూశాం. ఇది కూడా అలాంటి ఒక సినిమా. కానీ ఇందులో పాత్రలు, అలాగే వారి ఎమోషన్స్ తెరపై చాలా బాగా చూపించారు. సినిమాలో ఒక సహజత్వం ఉంది.

సినిమా చూస్తున్నంత సేపు మనకి అక్కడ ఒక్క స్టార్ కానీ, ఒక్క నటుడు కానీ కనిపించరు. అందరూ ఆ పాత్రల లాగానే కనిపిస్తారు. ఇంక పెర్ఫార్మెన్స్ విషయానికి వస్తే నటీనటులు అందరూ కూడా చాలా బాగా చేశారు. ముఖ్యంగా నాని అయితే తన కెరీర్ బెస్ట్ పర్ఫార్మెన్స్ ఇచ్చారు. అలాగే కీర్తి సురేష్, నాని ఫ్రెండ్ పాత్ర పోషించిన దీక్షిత్ శెట్టి కూడా చాలా బాగా చేశారు. తెలుగు వారు కాకపోయినా కూడా తెలుగు నేర్చుకొని, అందులోనూ తెలంగాణ యాస నేర్చుకొని మాట్లాడటం అంటే అభినందించాల్సిన విషయం.

అలాగే సర్పంచ్ పాత్ర పోషించిన షైన్ కూడా బాగా నటించారు. సినిమా మొత్తానికి మాత్రం హైలైట్ అయ్యింది సినిమాటోగ్రఫీ. సత్యన్ సూర్యన్ అందించిన సినిమాటోగ్రఫీ నిజంగా సినిమాలో ప్రతి ఫ్రేమ్ కి ప్రాణం పోసింది ఏమో అనిపిస్తుంది. అలాగే సినిమాకి మరొక హైలైట్ పాటలు. ఇప్పటి వరకు ఈ సినిమా నుండి విన్న పాటలు చాలా పెద్ద హిట్ అయ్యాయి. అలాగే అవి చూడడానికి కూడా చాలా బాగున్నాయి. అంతే కాకుండా బ్యాక్ గ్రౌండ్ మ్యూజిక్ కూడా సినిమాకి పెద్ద ప్లస్ పాయింట్ అయ్యింది.

ప్లస్ పాయింట్స్ :

• నటీనటులు
• కథనం
• మ్యూజిక్
• సినిమాటోగ్రఫీ
• క్లైమాక్స్
• ఎమోషనల్ సీన్స్

మైనస్ పాయింట్స్:

• స్లోగా సాగే కొన్ని సీన్స్
• కొంచెం ల్యాగ్ అయిన సెకండ్ హాఫ్

రేటింగ్ :

3.25 / 5

ట్యాగ్ లైన్ :

నాని ఇప్పటివరకు ఎన్నో డిఫరెంట్ పాత్రలు పోషించారు. అందులో సినిమా ఫలితం ఎలా ఉన్నా కూడా నాని పోషించిన ప్రతి పాత్ర ప్రేక్షకులకు చాలా నచ్చింది. కానీ ఈ పాత్ర మాత్రం ఎన్ని సంవత్సరాలు గడిచినా సరే ప్రేక్షకులకి గుర్తుండిపోతుంది. సినిమా మీద ఎంత ఎక్స్పెక్టేషన్స్ పెట్టుకొని వెళ్ళినా కూడా ప్రేక్షకులని అస్సలు నిరాశపరచదు. ఇటీవల కాలంలో వచ్చిన ఎమోషనల్ సినిమాల్లో బెస్ట్ సినిమాగా దసరా సినిమా నిలుస్తుంది.

watch trailer :