Mohana Priya

సాధారణంగా తెలుగు సినిమా ఇండస్ట్రీలో తెలుగు హీరోలతో పాటు ఇతర ఇండస్ట్రీల హీరోలకి కూడా చాలా క్రేజ్ ఉంటుంది. అందులోనూ ముఖ్యంగా తమిళ్ ఇండస్ట్రీకి చెందిన హీరోలకి తెలుగు ఇండస్ట్రీలో దాదాపు చాలా మంది తెలుగు హీరోలకి సమానంగా ఫ్యాన్ ఫాలోయింగ్ ఉంటుంది.

మరి డబ్బింగ్ సినిమాలకు కూడా ఒక డైరెక్ట్ తెలుగు సినిమాకి ఉన్నంత రెస్పాన్స్ ఉంటుంది. అలా ఎన్నో సంవత్సరాల నుండి తన సినిమాలని తెలుగులో డబ్ చేస్తూ దాదాపు తెలుగు స్టార్ హీరోకి ఉన్న అంత క్రేజ్ సంపాదించుకున్న హీరో అజిత్ కుమార్.

అజిత్ హీరోగా నటించిన తెగింపు సినిమా ఇటీవల విడుదల అయ్యింది. ఈ సినిమా ప్రేక్షకులను ఆకట్టుకోలేకపోయినా కూడా అజిత్ ఒక మంచి ప్రయోగం చేశారు అని చాలా మంది అన్నారు. ఇప్పుడు అజిత్ వరుస సినిమాలతో బిజీగా ఉన్నారు. ఆ సినిమాలకి సంబంధించి ఏ విషయాలు కూడా ఇంకా బయటికి రావట్లేదు. అజిత్ సోషల్ మీడియాలో లేరు. ఇంటర్వ్యూలు కూడా పెద్దగా ఇవ్వరు. సినిమా కంటెంట్ బాగుంటే అదే పెద్ద ప్రమోషన్ అని చాలా సార్లు అన్నారు.

దాంతో అజిత్ ఎప్పుడు ఎక్కడ ఉన్నారు అనే విషయం తన అభిమానులకి కూడా పెద్దగా తెలియదు. అజిత్ ప్రతి సినిమాకి ఒక కొత్త గెటప్ లో కనిపిస్తూ ఉంటారు. ఇటీవల తెగింపు సినిమాలో తెల్లటి గడ్డంతో డిఫరెంట్ స్టైల్ లో కనిపించారు. అజిత్ చాలా స్టైలిష్ గా ఉన్నారు అని చాలా మంది అన్నారు. అయితే అజిత్ ఇటీవల తన భార్య షాలినితో కలిసి వెకేషన్ లో వెళ్లిన ఫొటోస్ ప్రస్తుతం వైరల్ అవుతున్నాయి. ఫోటోలు చూసిన చాలా మంది, “అజిత్ ఏంటి ఇలా అయిపోయారు?” అని కామెంట్స్ చేస్తున్నారు.

కొంత మంది అయితే, “సడన్ గా చూస్తే విజయ్ మాల్యా లాగా ఉన్నారు” అని అంటున్నారు. ఏదేమైనా కూడా ఇవి అన్ని ఫొటోస్ కాబట్టి తీసే విధానంలో కూడా ఉంటుంది అని అంటున్నారు. ప్రస్తుతం అయితే ఈ ఫోటోలు సోషల్ మీడియాలో చాలా వైరల్ అవుతున్నాయి. ఇంక సినిమాల విషయానికి వస్తే అజిత్ మగిళ్ తిరుమేని అనే దర్శకుడితో సినిమా చేయబోతున్నారు అని ఇటీవల ప్రకటించారు. మరి ఈ సినిమా ఎలా ఉండబోతోంది అన్న విషయాలు ఏవి ప్రస్తుతం అయితే ఇంకా బయటికి రాలేదు. ఇది కాకుండా అజిత్ మరికొన్ని సినిమాలు కూడా చర్చల దశలో ఉన్నాయి.

విశ్వక్ సేన్ హీరోగా వస్తున్న సినిమా దాస్ కా ధమ్కీ మరి కొద్ది రోజుల్లో విడుదల అవుతోంది. ఈ సినిమాలో విశ్వక్ సేన్ హీరోగా నటించడం మాత్రమే కాకుండా ఈ సినిమాకి దర్శకత్వం కూడా వహించారు. ఇందులో నివేతా పేతురాజ్ హీరోయిన్ గా నటించారు.

ఈ సినిమా పాటలు ఇటీవల విడుదల అయ్యి చాలా పెద్ద హిట్ అయ్యాయి. ఈ సినిమా ట్రైలర్ కూడా ఇటీవల విడుదల చేశారు. ఇందులో విశ్వక్ సేన్ డబుల్ యాక్షన్ చేస్తున్నారు అని అర్థం అవుతోంది. సినిమా ట్రైలర్ చూసి చాలా మంది అంతకుముందు తెలుగులో విడుదలైన కొన్ని సినిమాల లాగా ఉంది అని అన్నారు. కానీ ఈ సినిమా రెండవ ట్రైలర్ కూడా ఇటీవల విడుదల చేశారు.

అది చూసిన తర్వాత చాలా మంది, “సినిమా చాలా కొత్తగా ఉంటుంది అనుకుంటా” అంటూ కామెంట్స్ చేస్తున్నారు. సినిమా బృందం అంతా ప్రస్తుతం ప్రమోషన్స్ పనిలో ఉంది. ఇటీవల జరిగిన ప్రీ రిలీజ్ ఈవెంట్ వేడుకకి జూనియర్ ఎన్టీఆర్ అతిథిగా వచ్చారు. అయితే సినిమా సెన్సార్ టాక్ ఇదే అంటూ ప్రస్తుతం ఒక వార్త అయితే వైరల్ అవుతోంది. ఈ సినిమా సెన్సార్ పనులు ఇటీవల పూర్తి చేసుకుంది ఈ సినిమాకి సెన్సార్ సభ్యులు U/A సర్టిఫికెట్ ఇచ్చారు.

అలాగే సినిమా గురించి మాట్లాడుతూ సినిమా ఫస్ట్ హాఫ్ అంతా కూడా మామూలుగా నడుస్తుంది అని, కథ అంతా సెకండ్ హాఫ్ లో ఉంటుంది అని అంటున్నారు. సినిమా హిట్ టాక్ తెచ్చుకునే అవకాశం ఉంది అని అన్నారు. సినిమా ఎప్పుడో విడుదల అవ్వాల్సి ఉన్నా కూడా కొన్ని కారణాల వల్ల ఆలస్యం అయ్యింది.

ఈ సినిమా తెలుగుతో పాటు తమిళ్, కన్నడ, హిందీ, మలయాళం భాషల్లో కూడా విడుదల అవుతోంది. ఒకవేళ ఈ సినిమా హిట్ అయితే విశ్వక్ సేన్ కి జాతీయ స్థాయిలో గుర్తింపు లభిస్తుంది. ప్రస్తుతం అయితే సినిమా టాక్ ఇదే అని వార్త వచ్చింది. మరి ఇందులో ఎంతవరకు నిజం ఉందో తెలియాలి అంటే సినిమా విడుదల అయ్యేంత వరకు ఆగాల్సిందే.

సాధారణంగా మన ఆలోచనలలాంటివే ఇంకొకరికి వస్తూ ఉండటం చూస్తూనే ఉంటాం. దానికి కొంత మంది కాపీ అని పేరు పెడితే, కొంత మంది ఇన్స్పిరేషన్ అంటారు. ఇలాంటివి సినిమాల్లో ఎక్కువగా జరుగుతూ ఉంటాయి. ఒక సినిమా కథని పోలిన కథతో మరొక సినిమా రావడం, కాస్ట్యూమ్స్ ఒకేలా ఉండడం, ఇలాంటివన్నీ అవుతూనే ఉంటాయి. అలా మన ఇండస్ట్రీలో ఎన్నో సినిమాల కథలు ఒకదానిని పోలి మరొకటి ఉంటాయి. కానీ తెరపై చూపించే విధానం మాత్రం డిఫరెంట్ గా ఉంటుంది.

ఈ విధంగా ఒకే కథ మీద వచ్చే హిట్ అయిన సినిమాలు చాలానే ఉన్నాయి. అందులో అక్కినేని నాగేశ్వరరావు గారి సినిమా, నందమూరి బాలకృష్ణ సినిమా కూడా ఉంది. అక్కినేని నాగేశ్వరరావు గారు హీరోగా నటించిన ప్రేమాభిషేకం సినిమా మన అందరికీ తెలిసే ఉంటుంది. ఈ సినిమాలో జయసుధ గారు, శ్రీదేవి గారు హీరోయిన్లుగా నటించారు. 1981 ఫిబ్రవరి 18వ తేదీన విడుదలైన ప్రేమాభిషేకం సినిమా ప్రేక్షకులను ఎంతగానో ఆకట్టుకుంది. ఈ సినిమాలో హీరోకి క్యాన్సర్ అని తెలుస్తుంది. దాంతో అది దాచిపెట్టి హీరోయిన్ కి వేరొకరిని పెళ్లి చేసుకుని ఎలా చేస్తారు.

ఇదే కథతో బాలకృష్ణ కూడా మరొక సినిమా తీశారు. కోదండరామి రెడ్డి గారి దర్శకత్వంలో వచ్చిన బొబ్బిలి సింహం కూడా కథ కొంచెం ఇలాగే ఉంటుంది. కానీ అక్కడ హీరో స్థానంలో హీరోయిన్ కి క్యాన్సర్ ఉన్నట్టు చూపిస్తారు. ఈ కథని రచయిత విజయేంద్రప్రసాద్ రాశారు. ఇందులో మీనా, రోజా హీరోయిన్లుగా నటించారు. ఈ సినిమా కూడా సూపర్ హిట్ గా నిలిచింది. అలా ఒకే కథతో వచ్చిన ఈ రెండు సినిమాలు సూపర్ హిట్ సినిమాలుగా నిలిచాయి.

ఈ మధ్య ప్రతి సినిమా కూడా వారి సొంత భాషలో మాత్రమే కాకుండా ఇతర భాషల్లో కూడా విడుదల చేస్తున్నారు. అలా చాలా ప్రాంతీయ సినిమాలకు కూడా జాతీయ స్థాయిలో గుర్తింపు దొరుకుతోంది. కొన్ని సంవత్సరాల వరకు కన్నడ ఇండస్ట్రీకి అంత పెద్దగా గుర్తింపు లేదు. కానీ కేజీఎఫ్ సినిమాతో కన్నడ ఇండస్ట్రీ జాతీయ స్థాయిలో పాపులర్ అయ్యింది.

అలాగే ఆ తర్వాత వచ్చిన కాంతార సినిమా కన్నడ ఇండస్ట్రీ గుర్తింపుని ఇంకా పెరిగేలా చేసింది. దాంతో ఎన్నో కన్నడ సినిమాలు పాన్-ఇండియన్ సినిమాలుగా విడుదల అవుతున్నాయి. అందులో కొన్ని ప్రేక్షకులకి నచ్చుతూ ఉంటే, కొన్ని మాత్రం అంత మంచి రెస్పాన్స్ అందుకోవట్లేదు. అయితే ఉపేంద్ర కేవలం కన్నడ సినిమా ఇండస్ట్రీలో మాత్రమే కాకుండా తెలుగులో కూడా చాలా గుర్తింపు ఉన్న హీరో.

ఉపేంద్ర సినిమాలు అంటే వేరే ఏ కన్నడ హీరోకి లేని క్రేజ్ మన తెలుగు సినిమా ఇండస్ట్రీలో ఉంటుంది. ఇప్పుడు ఉపేంద్ర హీరోగా నటించిన కబ్జ సినిమా అన్ని భాషల్లోనూ విడుదల అయ్యింది. ఈ సినిమా ట్రైలర్ చూశాక సినిమా ఎలా ఉంటుందా అనే ఆసక్తి నెలకొంది. ట్రైలర్ చూసిన చాలా మంది ఈ సినిమాలో ఇటీవల చాలా పెద్ద హిట్ అయిన కేజిఎఫ్ అలాగే పుష్ప సినిమాల టచ్ ఉంది అని అన్నారు. సినిమా ఇటీవల విడుదల అయ్యింది. ఈ సినిమాకి ప్రస్తుతం అంత మంచి టాక్ రావడం లేదు. అందుకు కారణాలు ఏంటో ఇప్పుడు చూద్దాం.

#1 ఒక సినిమా పాన్-ఇండియన్ సినిమాగా విడుదల అవుతోంది అంటే ఆ రేంజ్ కంటెంట్ ఉంటుంది అని ప్రేక్షకులు ఎక్స్పెక్ట్ చేస్తారు. కానీ ఈ సినిమాలో అదే చాలా బలహీనంగా ఉంది అనే కామెంట్స్ వస్తున్నాయి. అసలు ఒక సీన్ కి మరొక సీన్ కి సంబంధం లేకుండా నడుస్తూ ఉంటుంది. సినిమా మొత్తం హై అనిపించే ఒక్క సీన్ కూడా ఉండదు. అలా ఉన్న సీన్స్ కూడా అంతకుముందు మనం చాలా సినిమాల్లో చూసినట్టే ఉన్నాయి.

#2 ఒక సినిమాని వేరే భాషల్లో డబ్ చేసి విడుదల చేయడం అంటే మామూలు విషయం కాదు. డబ్బింగ్ లో కొంచెం అటు ఇటు అయినా కూడా సినిమా ఫీల్ పోతుంది. అలా ఇప్పటి వరకు చాలా సినిమాలు అయ్యాయి. ఎన్నో డబ్బింగ్ సినిమాల్లో మంచి సీరియస్ సీన్స్ డబ్బింగ్ వల్ల కామెడీ అయ్యాయి. ఈ సినిమాలో డబ్బింగ్ విషయంలో కూడా ఇంకా కొంచెం జాగ్రత్త తీసుకొని ఉంటే బాగుండేది ఏమో అనిపిస్తూ ఉంటుంది. చాలా మంది ముఖ్య పాత్రలు పోషించిన నటులకి ఇచ్చిన వాయిస్ వారికి అస్సలు కరెక్ట్ గా లేదు అనే కామెంట్స్ వచ్చాయి.

#3 ఈ మధ్య సినిమాల్లో పాటలు ఎలా ఉన్నా కూడా బ్యాక్ గ్రౌండ్ మ్యూజిక్ బాగుంటే సినిమా రేంజ్ ఎక్కడికో వెళ్ళిపోతుంది. ఈ సినిమాకి కేజిఎఫ్ సంగీత దర్శకుడు రవి బస్రూర్ సంగీతం అందించారు. సినిమాలో వచ్చే బ్యాక్ గ్రౌండ్ మ్యూజిక్ చాలా నాయిస్ గా అనిపించింది. అసలు ఆ మ్యూజిక్ వల్ల సీన్ ఎలివేట్ అయ్యిందా లేదా అనే విషయం పక్కన పెడితే తల నొప్పి వచ్చేలాగా అనిపించింది. ఈ విషయంలో కూడా కొంచెం జాగ్రత్త తీసుకొని ఉంటే బాగుండేది ఏమో అనే కామెంట్స్ వచ్చాయి.

#4 సినిమా చూసిన వాళ్లు అందరూ కూడా కేజీఎఫ్ సినిమా 3 పార్ట్ ఇదే ఏమో అని అంటున్నారు. దాదాపు స్టోరీ లైన్ దగ్గరగా ఉంటుంది. అయితే కేజీఎఫ్ సినిమాలో కొన్ని సీన్స్ చాలా బాగా తెరపై కనిపించాయి. ఈ సినిమాలో సీన్స్ అన్ని రాసుకున్నప్పుడు బాగుండే ఉంటాయి కానీ, తెరపై చూపించే విషయంలో మాత్రం చాలా పొరపాట్లు జరిగాయి. దాంతో ఇంకా బాగా చూపించే అవకాశం ఉన్న సీన్స్ కూడా తెరపై చాలా వీక్ గా కనిపించాయి.

#5 ఈ సినిమాకి సెకండ్ పార్ట్ ఉంది అని చెప్పారు. హీరో సుదీప్ అందులో ఒక ముఖ్య పాత్ర పోషిస్తున్నట్టు కూడా మనకి మొదటి పార్ట్ లో తెలిపారు. అయితే చాలా మంది, “అసలు ఈ సినిమాకి సెకండ్ పార్ట్ ఉండాల్సిన అవసరం ఉందా?” అని అంటున్నారు. అంతే కాకుండా, “మొదటి పార్ట్ లో ఉన్న పొరపాట్లు మళ్లీ అందులో ఉండకుండా ఉంటే చాలు” అని అంటున్నారు.

ప్రస్తుతం అయితే ఈ సినిమాకి చాలా మిక్స్డ్ టాక్ వస్తోంది. కొంత మంది నిర్మాణ విలువలు, కాస్ట్యూమ్స్ అవన్నీ బాగున్నాయి అంటే, కొంత మంది మాత్రం అసలు సినిమా కథ అంతకుముందు మనం చాలా సినిమాల్లో చూసిన కథలానే ఉంది అని అంటున్నారు. మరి సెకండ్ పార్ట్ ఎలా ఉండబోతోంది తెలియాలి అంటే ఇంకా కొద్ది రోజులు ఆగాల్సిందే.