Mounika Singaluri

సినిమా ఇండస్ట్రీ ప్రతి సంవత్సరం ఎంతో మంది కొత్త వారికి అవకాశాలు కల్పిస్తూ ఉంటుంది. 2023 సంవత్సరంలో చాలా మంది కొత్త దర్శకులు తెలుగు తెరకు పరిచయం అయ్యారు.అయితే వీరిలో చాలా తక్కువ మంది మాత్రమే సక్సెస్ అయ్యారు.

బలగం వేణు నుంచి రీసెంట్ గా వచ్చిన హాయ్ నాన్న శౌర్యువ్ వరకు తొలి సినిమాతోనే డైరెక్టర్ గా వారి సత్తా చాటి అదుర్స్ అనిపించారు.

2023 మొదట్లోనే రైటర్ పద్మభూషణ్ సినిమాతో తొలి సినిమాతోనే దర్శకుడిగా సూపర్ సక్సెస్ అందుకున్నాడు షణ్ముఖ్ ప్రశాంత్. సుహాస్ హీరోగా నటించిన రైటర్ పద్మభూషణ్ తక్కువ బడ్జెట్ తో తెరకెక్కినా మంచి విజయాన్ని అందుకుంది. ఇక ఈ సంవత్సరం సంచలన విజయాల్లో ఒకటి దసరా. న్యాచురల్ స్టార్ నాని హీరోగా డిబటెంట్ డైరెక్టర్ శ్రీకాంత్ ఓదెల ఈ సినిమాను డైరెక్ట్ చేశారు. నాని కెరీర్ లోనే బిగ్గెస్ట్ హిట్ గా నిలిచింది దసరా. శ్రీకాంత్ మీద నాని పెట్టుకున్న నమ్మకాన్ని నిలబెట్టుకున్నాడు.

అలగే సుమంత్ ప్రభాస్ అనే కుర్ర దర్శకుడు కూడా తన డైరెక్షన్ లో తీసిన మేమ్ ఫేమస్ తో హిట్ అందుకున్నాడు. డైరెక్టర్ గా తొలి సినిమా అవ్వడమే కాదు హీరోగా కూడా ఈ సినిమాలో లీడ్ రోల్ చేశాడు. ఈ సినిమాతో సుమంత్ ప్రభాస్ కూడా తన సత్తా చాటాడు. ఇక మ్యాడ్ సినిమాతో యూత్ ఫుల్ హిట్ అందుకున్నాడు కళ్యాణ్ శంకర్. యుత్ మెచ్చేలా సినిమా తీసి మొదటి సినిమాతోనే దర్శకుడిగా సూపర్ అనిపించాడు. ఈ నెలలో రిలీజైన హాయ్ నాన్న సినిమాతో మరో సూపర్ హిట్ అందుకున్నాడు నాని. ఆల్రెడీ దసరా తో శ్రీకాంత్ కి తొలి అవకాశం ఇచ్చిన నాని హాయ్ నాన్నతో శౌర్యువ్ సత్తా చాటాడు. ఈ సినిమాతో తెలుగు తెరకు మరో సెన్సిబుల్ డైరెక్టర్ దొరికాడు

ప్రముఖ నటి మాజీ ఎంపీ జయప్రద గురించి పరిచయం అక్కర్లేదు.అలనాటి అందాల తారగా అందరికీ సురిచితమే.అయితే తాజాగా జయప్రద కనిపించకుండా పోయారు అనే వార్త బయటికి వచ్చింది.ఆమె కోసం ఉత్తరప్రదేశ్ పోలీసులు గాలిస్తున్నారు. అమెను అరెస్టు చేయాలనీ అరెస్ట్ వారెంట్ తో యూపీతో పాటు ముంబైలోనూ గాలింపు చర్యలు చేపట్టారు.

కానీ జయప్రద ఆచూకీ మాత్రం దొరకడం లేదు. జయప్రదను అరెస్ట్ చేసేందుకు రాంపూర్ ఎస్పీ ప్రత్యేక బృందాన్ని ఏర్పాటు చేశారు. దీంతో ఆమె మిస్సింగ్ అంటూ కథనాలు వచ్చాయి.ఇంతకీ అసలు ఏం జరిగింది అంటే….?

2019లో ఉత్తరప్రదేశ్‌లోని రాంపూర్ లోక్‌సభ స్థానం నుంచి బిజెపి తరపున జయప్రద పోటీ చేశారు. అయితే ఎన్నికల కోడ్ అమల్లో ఉన్నప్పటికీ ఆ నియోజకవర్గంలోని నూర్పూర్ గ్రామంలో ఓ రోడ్డును ప్రారంభించారు. అలాగే కెమ్రీలోని పిప్లియా మిశ్రా గ్రామంలో జరిగిన బహిరంగ సభలో అభ్యంతరకర వ్యాఖ్యలు చేశారు. దీంతో మోడల్ కోడ్ ఆఫ్ కండక్ట్ ఉల్లంఘన కింద ఆమెపై రెండు కేసులు నమోదు అయ్యాయి. అయినప్పటికీ ఆ ఎన్నికల్లో జయప్రద ఓడిపోయింది.

అప్పటి నుంచి రాంపూర్‌లోని ప్రత్యేక ఎంపీ/ఎమ్మెల్యే కోర్టులో ఈ రెండు కేసులు కొనసాగుతున్నాయి. పోలీసులు ఈ కేసులు ఛార్జ్ షీట్ దాఖలు చేశారు. దీంతో జయప్రదను హాజరుకావాలని కోర్టు ఆదేశించింది. కానీ జయప్రద కోర్టు ఆదేశాలను పట్టించుకోకుండా విచారణలకు గైర్హాజరయ్యారు. చివరకు కోర్టు ఆగ్రహించి ఆమెపై అరెస్ట్ వారెంట్ జారీ చేసింది. జయప్రదను అరెస్టు చేసి జనవరి 10లోగా హాజరుపరచాలని పోలీసులను ఆదేశించింది. దీంతో పోలీసులు యూపీతో పాటు ఢిల్లీ, ముంబైలలో ఆమె కోసం వెతుకుతున్నారు.జయప్రద పోలీసులకి దొరకకపోవడంతో మిసింగ్ అని అంటున్నారు

మాస్ మహారాజు రవితేజ ప్రస్తుతం వరుస చిత్రాలతో బిజీగా ఉన్నాడు ఈ క్రేజీ స్టార్. వెరైటీ కంటెంట్ తో వైవిధ్యమైన పాత్రలు పోషిస్తూ ఎప్పటికప్పుడు ప్రేక్షకులను ఎంటర్టైన్ చేసే రవితేజ కెరియర్లో భారీ హిట్లు ఎన్నో ఉన్నాయి. వాటిలో రవితేజ.. స్నేహ కాంబినేషన్లో వచ్చిన వెంకీ మూవీ ఒకటి.

అప్పట్లో సూపర్ డూపర్ హిట్ గా నిలిచిన ఈ చిత్రాన్ని రీ రిలీజ్ చేయాలి అని అనుకున్నప్పుడు ఈ మూవీ ఇప్పుడు ఎవరన్నా చూస్తారా అన్న అనుమానం నెలకొంది. కానీ ప్రస్తుతం మూవీకి వస్తున్న ఆదరణ చూస్తుంటే చాలా డిఫరెంట్ గా ఉంది.

ఈ మూవీకి సంబంధించి బుకింగ్స్ ఓపెన్ చేసిన మొదటి రోజే 6500 టికెట్లు అమ్ముడుపోయాయి. దీన్నిబట్టి అభిమానులు ఈ మూవీ ని తిరిగి చూడడానికి ఎంత ఎక్సైటింగ్ గా ఉన్నారో ఆలోచించండి. ఇంట్లో చూడలేరు అని కాదు.. కొన్ని సినిమాలు థియేటర్లో చూస్తే ఆ కిక్కే వేరు. అందుకే చాలామంది సినిమాలు ఎప్పుడు చేస్తారా అని ఎదురు చూస్తారు. కేవలం హైదరాబాద్ క్రాస్ రోడ్స్ నుంచి ఇంత పెద్ద ఫిగర్ లో టికెట్స్ బుక్ అయ్యాయి.

ఈ మూవీలో కామెడీ తో పాటు థ్రిల్లింగ్ కి కూడా కొదవేలేదు. మరి ముఖ్యంగా గంటకు పైగా సాగే ట్రైన్ సన్నివేశంతో ఈ మూవీ అందరినీ అద్భుతంగా ఆకట్టుకుంది. మామూలుగా అంత లెంగ్తి షార్ట్ ట్రైన్లో తీయడం అంటే చిన్న విషయం కాదు. ఇందులో హాస్యబ్రహ్మ బ్రాహ్మితో కలిసి హీరో ఫ్రెండ్స్ చేసే రచ్చ ఇప్పటికి కూడా పలు రకాల మిమ్స్ లో మనం చూస్తూ ఉంటాం. ప్రేక్షకులపై ఈ చిత్రం అలాంటి చెరగని ముద్రవేసింది. ఇక సంక్రాంతికి రవితేజ ఈగల్ చిత్రంతో ప్రేక్షకుల ముందుకు రాబోతున్నాడు

ప్రస్తుతం సినిమాలు సూపర్ హిట్ అయితే రెండు నెలల తర్వాత ఓటిటి లోకి వస్తున్నాయి. అదే సినిమా సరిగ్గా ఆడకపోయినా ఫ్లాపైన 15 రోజులు తిరగకుండానే ఓటిటి లో ప్రత్యక్షమైపోతున్నాయి.

ఇటీవల థియేటర్లో విడుదలైన ఒక హర్రర్ మూవీ ప్రేక్షకుల దృష్టిని బాగానే ఆకట్టుకుంది. ప్రోమోల తోటి ప్రమోషన్ తోటి మంచి హైప్ కూడా తెచ్చుకుంది. ఆ మూవీ పేరు పిండం.ది స్కేరియస్ట్ ఫిల్మ్ అనేది ఉప శీర్షిక. అంటే చాలా భయపెట్టే సినిమా అని. హీరో శ్రీరామ్, ఖుషీ రవి జంటగా నటించిన ఈ సినిమాకు సాయికిరణ్ దైదా దర్శకత్వం వహించారు. సలార్ ఫేమ్ ఈశ్వరి రావు, అవసరాల శ్రీనివాస్ ముఖ్య పాత్రలు పోషించారు.

థియేటర్లో విడుదలైన ఈ సినిమాకి మిక్స్ డ్ రివ్యూలు వచ్చాయి కొంతమందికి ఈ సినిమా నచ్చగా మరి కొంతమందికి సినిమా ఆశించిన స్థాయిలో లేదని కామెంట్లు చేశారు.ఇదిలా ఉంటే ఈ హారర్ మూవీ పిండం ఇప్పుడు ఓటీటీ స్ట్రీమింగ్‌కు సిద్ధమయింది. పిండం మూవీ డిజిటల్ హక్కులను ప్రముఖ ఓటీటీ దిగ్గజం నెట్‌ఫ్లిక్స్ సొంతం చేసుకుందని సమాచారం. పిండం మూవీనీ న్యూ ఇయర్ కానుకగా వచ్చే ఏడాది అంటే 2024 జనవరి మొదటి వారంలోనే నెట్‌ఫ్లిక్స్‌లో రిలీజ్ చేయనున్నారని తెలుస్తోంది.

పిండం ఓటీటీ స్ట్రీమింగ్ చేసేందుకు దాదాపు కన్ఫర్మ్ అయ్యిందని,అందుకు తగిన డీల్, ఏర్పాట్లు జరిగాయని సమాచారం. అంటే, 2023లో బాగా భయపెట్టిన చిత్రంగా వచ్చిన పిండం మూవీ 2024లో ఓటీటీ స్ట్రీమింగ్ కానుంది. ఇదిలా ఉంటే పిండం మూవీని ప్రస్తుతంతోపాటు 1990, 1930 లలో.. ఇలా మూడు కాలక్రమాలలో జరిగిన కథగా తెరకెక్కించారు

పెళ్లి సందడి సినిమాతో టాలీవుడ్ లోకి అడుగుపెట్టింది శ్రీ లీల….ఆ సినిమా మంచి విజయాన్ని నమోదు చేసుకుంది.ఆ తర్వాత శ్రీ లీలకి టాలీవుడ్ లో ఆఫర్లు క్యూ కట్టాయి. రవితేజ సరసన ధమాకా సినిమాలో నటించింది. ఆ సినిమాలో శ్రీ లీల డాన్సులు నటనతో మంచి మార్కులే కొట్టేసింది.

తర్వాత నటిచ్చిన ఏ సినిమా కూడా ఆశించిన స్థాయిలో ఫలితాన్ని ఇవ్వలేదు కేవలం శ్రీలీలని కథతో సంబంధం లేకుండా కేవలం డాన్స్ లు కోసమే తీసుకుంటున్నారు అంటూ పలువురు విమర్శలు చేశారు. ఎందుకంటే ఆమె నటించిన సినిమాలో ఆమె పాత్రలకు ఉన్న ప్రాధాన్యత చూస్తే ఈ విషయం ఎవరికైనా అర్థమవుతుంది. ఉన్నట్టుండి శ్రీ లీల కెరీర్ డౌన్ ఫాల్ మొదలైనట్టు కూడా కనిపిస్తుంది. ప్రస్తుతం శ్రీలీల మహేష్ బాబు సరసన గుంటూరు కారం సినిమాలో నటిస్తుంది.

ఈ సినిమా నుండి తాజాగా కుర్చీ మడత పెట్టి అనే మాస్ సాంగ్ విడుదలైంది. ఈ సినిమాలో మాస్ స్టెప్పులతో శ్రీలీల రెచ్చిపోయింది. ఇది చూసిన ప్రేక్షకులు ఈ సినిమాలో కూడా శ్రీ లీలని డాన్సులు కోసమే తీసుకున్నారా లేదా ఆమె పాత్రకు ఏమైనా ప్రాధాన్యత ఉందా అంటూ అంటున్నారు. కథలో ప్రాధాన్యత లేకపోతే శ్రీ లీల పెద్ద తప్పు చేస్తుందని ఈ విషయాన్ని ఆమె త్వరగా తెలుసుకోవాలని సూచిస్తున్నారు. ఇక శ్రీలీలను డాన్సులు కోసం మాత్రమే వాడుతున్నారు అంటూ ఆమె అభిమానులు కూడా బాధపడుతున్నారు. డాన్స్ రావడం శ్రీలీల ప్లస్ పాయింట్ అయితే ఇప్పుడు అదే మైనస్ గా కూడా మారుతుంది

మీనాక్షి చౌదరి ఇచ్చట వాహనాలు నిలపరాదు అనే మూవీ తోటి తెలుగులోకి ఎంట్రీ ఇచ్చింది. మూవీ సరిగ్గా ఆడకపోయినా కూడా అమ్మడికి మంచి గుర్తింపు తీసుకువచ్చింది. తర్వాత రవితేజ సరసన ఖిలాడి మూవీలో నటించింది.ఈ మూవీ ఫ్లాప్ అయినా కూడా మీనాక్షి అందాలకు అభిమానులు ముగ్ధులు అయ్యారు. తర్వాత అడివి శేష్ తోన్నటించిన హిట్ 2 సినిమా మంచి విజయాన్ని అందుకుంది. అయితే మీనాక్షికి తెలుగులో వరుస పెట్టి ఆఫర్లు రావడం మొదలైంది.

అమ్మడి అదృష్టం ఎంత బాగుందంటే ఏకంగా సూపర్ స్టార్ మహేష్ బాబు నటిస్తున్న గుంటూరు కారంలో ఛాన్స్ కొట్టేసింది. ఈ సినిమాలో శ్రీ లీల మెయిన్ హీరోయిన్ గా నటిస్తుండగా మీనాక్షి సెకండ్ హీరోయిన్ గా నటిస్తుంది. అయితే గుంటూరు కారం సినిమా సంక్రాంతికి విడుదల కానుంది. ఈ సినిమా నుండి ఇప్పటికే మూడు పాటలు విడుదలయ్యాయి.

పలు పోస్టర్లు కూడా విడుదల చేశారు. అయితే ఇప్పటివరకు ఇందులోనూ మీనాక్షి చౌదరి ఫోటో కనిపించలేదు. కనీసం అమ్మడి ఫస్ట్ లుక్ ను కూడా మేకర్స్ విడుదల చేయలేదు. ఇంకా సినిమాల్లో విడుదలకు 15 రోజుల కన్నా తక్కువ సమయం ఉంది. ఇప్పటికే కూడా మీనాక్షి కి సంబంధించిన ఎటువంటి అప్డేట్ రాకపోవడంతో ఆమె అభిమానులు అసలు గుంటూరు కారం సినిమాలో మీనాక్షి ఉందనే విషయాన్ని గుర్తుందా లేక మర్చిపోయారా అంటూ మేకర్స్ ను క్వశ్చన్ చేస్తున్నారు. త్వరలో మీనాక్షి సంబంధించిన అప్డేట్ గుంటూరు కారం టీం విడుదల చేస్తుందేమో చూడాలి

మెగాస్టార్ చిరంజీవి ఆంజనేయ స్వామి భక్తులు అనే విషయం తెలిసింది. మెగా కుటుంబమంతా ఆంజనేయ స్వామికి ఆరాధ్యులు. చిరంజీవి కూడా ఆంజనేయ స్వామి పైన తన భక్తిని ప్రేమని సందర్భం వచ్చినప్పుడల్లా చాటుకుంటూ ఉంటారు.

కార్టూన్ నెట్వర్క్ సిరీస్ లో ఆంజనేయస్వామి పాత్రకి చిరంజీవి స్వయంగా డబ్బింగ్ కూడా చెప్పారు. అయితే ఇప్పుడు హనుమంతుడి పాత్రలో చిరంజీవి మరోసారి కనిపిస్తున్నారని వార్త టాలీవుడ్ సర్కిల్స్ లో వినిపిస్తుంది… పూర్తి వివరాల్లోకి వెళితే..

ఈ సంక్రాంతికి చిన్న సినిమాగా వస్తున్న హనుమాన్ ప్రమోషన్స్ పరంగా పెద్ద సినిమాకి పోటీగా ఉంది. పెద్ద పెద్ద సినిమాలు వస్తున్నా కూడా లెక్క చేయకుండా తమ సినిమా మీద నమ్మకంతో మేకర్ హనుమాన్ చిత్రాన్ని జనవరి 12న విడుదల చేస్తున్నారు. ఈ చిత్రంలో తేజ ప్రధాన పాత్ర పోషిస్తున్నాడు. ఇప్పటికే సెన్సార్ కార్యక్రమాలు పూర్తి చేసుకున్న ఈ చిత్రం ప్రమోషన్స్ లో మేకర్స్ బిజీ బిజీగా గడుపుతున్నారు. టీజర్ ట్రైలర్ విపరీతంగా ఆకట్టుకుంది .

సినిమా మీద మంచి హైప్ కూడా తీసుకువచ్చాయి. అయితే ట్రైలర్ లో లాస్ట్ లో హనుమంతుడిని కళ్ళును చూపించారు. ఆ కళ్ళు చూసిన ఎవరైనా సరే అవి మెగాస్టార్ చిరంజీవి కళ్ళు లా ఉన్నాయని అంటున్నారు. ఇదే విషయాన్ని డైరెక్టర్ ప్రశాంత వర్మను అడగగా ఆయన కూడా అవును అని సమాధానం చెప్పారు అయితే సినిమాలో చిరంజీవి నటిస్తున్నారా అని అడగగా దానిపైన సమాధానం చెప్పలేదు హనుమంతుడు పాత్రలో ఎవరు నటిస్తున్నారు అనేది సినిమా చూసి తెలుసుకోవాలంటూ సస్పెన్స్ లు పెట్టారు అయితే చాలామంది చిరంజీవి హనుమంతుడి పాత్రలో నటిస్తున్నారని అంటునారు. గ్రాఫిక్స్ లో ఈ పాత్రను సృష్టించారని ప్రచారం జరుగుతుంది. ఇందులో నిజమెంతో తెలియాలంటే జనవరి 12 వరకు ఆగాల్సిందే.

సంక్రాంతి సీజన్ అంటే తెలుగు సినిమా ఇండస్ట్రీకి జాక్ పాట్ లాంటిది. ప్రతి హీరోలు, ప్రతి డైరెక్టర్, ప్రతి నిర్మాత తమ సినిమాను సంక్రాంతి విడుదల చేయాలని ఆరాటపడుతూ ఉంటారు. పండగ సీజన్ లో కలెక్షన్స్ పరంగా మంచి రికార్డులు నమోదు చేయవచ్చు. అందుకే పోటా పోటీ పడి మరి సినిమాలు విడుదల చేస్తూ ఉంటారు.

ఈ ఏడాది సంక్రాంతికి కూడా అరడజన్ సినిమాలు పోటీ పడుతున్నాయి. మహేష్ బాబు నటించిన గుంటూరు కారం, వెంకటేష్ నటిస్తున్న సైంధవ్ ,రవితేజ నటిస్తున్న ఈగల్, తేజ సజ్జ హనుమాన్, నాగార్జున నా సామి రంగా సినిమా, డబ్బింగ్ సినిమాలు కూడా సంక్రాంతికి పోటీగా వస్తున్నాయి.

అయితే ప్రభాస్ కూడా సంక్రాంతి పై కన్నేసాడని వార్త వినిపిస్తుంది. అదేంటి మొన్నే కదా సలార్ తో ప్రభాస్ వచ్చాడు. మళ్ళీ సంక్రాంతికి సినిమా విడుదల చేయడం ఏంటి అనుకుంటున్నారా అయితే ఈ పూర్తి వివరాలు చూడండి. ప్రభాస్ వచ్చేది ఈ సంక్రాంతికి కాదు 2025 సంవత్సరంలోని సంక్రాంతికి అవును మీరు విన్నది నిజమే ప్రస్తుతం ప్రభాస్ నటిస్తున్న ప్రాజెక్ట్ K సినిమాని 2025 సంక్రాంతికి విడుదల చేయాలని మేకర్స్ భావిస్తున్నారట.

ఇప్పటికే డేట్ ని కూడా లాఫ్ చేసినట్లు టాలీవుడ్ లో వినిపిస్తుంది. దానికి తగ్గట్టుగానే షూటింగ్ వర్క్, పోస్ట్ ప్రొడక్షన్ వర్క్ కూడా జరుగుతుందట. ఇంకా సంక్రాంతి సీజన్ సంవత్సరం పైనే ఉండగా కూడా అప్పుడే డేట్ ని ప్రకటించడం అందర్నీ ఆశ్చర్యపరుస్తుంది. దీన్ని బట్టి మేకర్స్ ఎంతటి ప్లానింగ్ తో ఉన్నారో అర్థమవుతుంది. నిజంగా ప్రాజెక్ట్ K గనక సంక్రాంతికి వస్తే దీనితో పోటీ పడటానికి ఏ పెద్ద సినిమా సాహాసించకపోవచ్చు. ప్రాజెక్ట్ K ని హాలీవుడ్ స్థాయిలో మేకర్స్ రూపొందిస్తున్నారు. పాన్ ఇండియా లెవల్ లో కాకుండా పాన్ వరల్డ్ లెవెల్ లో ఈ సినిమాని విడుదల చేయడానికి భారీగా సన్నాహాలు చేస్తున్నారు.

మరో రెండు రోజుల్లో 2023 సంవత్సరం ముగిసిపోయి 2024 సంవత్సరం వస్తుంది. కొత్త ఏడాది అందరి జీవితంలో కొత్తగా ఉంది అనుకుంటూ ఉంటారు. టాలీవుడ్ సినిమా ఇండస్ట్రీ కూడా కొత్త సంవత్సరం కోసం ఆత్రుతగా ఎదురుచూస్తుంది. అయితే 2023 సంవత్సరంలో టాలీవుడ్ కి ఎంత కలిసి వచ్చింది అనే విషయాన్ని ఒకసారి పరిశీలిస్తే….!

2023 ఇయర్ స్టార్టింగే టాలీవుడ్ కి వాల్తేరు వీరయ్య, వీరసింహారెడ్డి సినిమాల రూపంలో రెండు హిట్స్ వచ్చాయి. సంక్రాంతికి రిలీజ్ అయిన ఈ సినిమాల్లో వాల్తేరు వీరయ్య బ్లాక్ బాస్టర్ అందుకోగా వీరసింహారెడ్డి సూపర్ హిట్ గా నిలిచింది. అదే సంక్రాంతి సీజన్ లో కోలీవుడ్ హీరో విజయ్ నటించిన తమిళ డబ్బింగ్ మూవీ వారసుడు తెలుగులోనూ మంచి సక్సెస్ అందుకుంది.

జనవరి చివరి వారంలో వచ్చిన బాలీవుడ్ మూవీ పఠాన్ కూడా తెలుగులో మంచి కలెక్షన్స్ అందుకుంది. ఇక ఫిబ్రవరిలో సుమారు 16 కు పైగా సినిమాలు విడుదలయితే అందులో రెండు సినిమాలు బ్లాక్ బస్టర్ అందుకోగా ఒక సినిమా హిట్ గా నిలిచింది. కలర్ ఫోటో హీరో సుహాస్ నటించిన ‘రైటర్ పద్మభూషణ్’ ఫిబ్రవరి స్టార్టింగ్ లో రిలీజ్ అయ్యి భారీ విజయాన్ని అందుకుంది. ఆ తర్వాత కోలీవుడ్ హీరో ధనుష్ చేసిన స్ట్రైట్ తెలుగు ఫిలిమ్ సార్ 100 కోట్ల వసూళ్లు రాబట్టి బ్లాక్ బస్టర్ హిట్ అయింది.

ఇదే నెలలో యంగ్ హీరో కిరణ్ అబ్బవరం నటించిన వినరో భాగ్యము విష్ణు కథ సినిమా హిట్ టాక్ సొంతం చేసుకుంది. ఇక మార్చిలో 15 సినిమాలు రిలీజ్ అయితే వాటిలో కేవలం మూడు మాత్రమే సక్సెస్ అయ్యాయి. అందులో జబర్దస్త్ వేణు తెరకెక్కించిన బలగం ఓ చిన్న సినిమాగా రిలీజ్ అయి పెద్ద విజయాన్ని సొంతం చేసుకుంది. బలగం తర్వాత విశ్వక్ సేన్ నటించిన దాస్ కా ధమ్కీ ఆడియన్స్ నుంచి పాజిటివ్ టాక్ సొంతం చేసుకుంది.

ఇక ఏప్రిల్ నెలలో సుమారు పది సినిమాలు రిలీజ్ అయితే అందులో సాయి ధరంతేజ్ నటించిన విరూపాక్ష సినిమా మాత్రమే బ్లాక్ బస్టర్ సొంతం చేసుకోగా అఖిల్ నటించిన ఏజెంట్, సమంత శాకుంతలం సినిమాలు బిగ్గెస్ట్ డిజాస్టర్స్ లిస్ట్ లో చేరాయి. ఇక మే నెలలో గోపీచంద్ రామబాణం, అల్లరి నరేష్ ఉగ్రం, నాగచైతన్య కస్టడీ సినిమాలు ప్లాప్స్ అవ్వగా, విజయ్ ఆంటోని నటించిన తమిళ డబ్బింగ్ సినిమా బిచ్చగాడు 2 హిట్ గా నిలిచింది. ఆ తర్వాత మేం ఫేమస్ అనే చిన్న సినిమా కూడా హిట్ అయింది.

వీటితోపాటు 2018 అనే మలయాళ డబ్బింగ్ సినిమా కూడా తెలుగులో మంచి సక్సెస్ అందుకుంది. ఇక జూన్ నెలలో 15 పైగా సినిమాలు రిలీజ్ అయ్యాయి. వాటిలో శ్రీ విష్ణు నటించిన సామజవరగమన సినిమా మాత్రమే బ్లాక్ బస్టర్ సొంతం చేసుకుంది. ఆ నెలలో భారీ అంచనాలతో వచ్చిన ప్రభాస్ ఆదిపురుష్ డిజాస్టర్ గా నిలిచింది. జూలై లో దాదాపు అన్ని చిన్న సినిమాలే విడుదలయ్యాయి.

ఈ నెలలో సుమారు 17 సినిమాలు రిలీజ్ అయితే వాటిలో ఆనంద్ దేవరకొండ నటించిన బేబీ సినిమా ఒక్కటే బ్లాక్ బస్టర్ హిట్ అయింది. ఇదే నెలలో వచ్చిన పవన్ కళ్యాణ్, సాయి ధరమ్ తేజ్ ల మెగా మల్టీ స్టారర్ బ్రో బాక్స్ ఆఫీస్ వద్ద ప్లాప్ అయింది. ఆగస్ట్ నెలలో రజినీకాంత్, చిరంజీవి లాంటి సీనియర్ స్టార్స్ పోటీ పడ్డారు. ఈ ఇద్దరిలో రజనీకాంత్ జైలర్ తో బ్లాక్ బస్టర్ అందుకోగా చిరంజీవి భోలా శంకర్ తో డిజాస్టర్ మూటగట్టుకున్నారు.

ఆ తర్వాత సెప్టెంబర్ నెలలో కొన్ని పెద్ద సినిమాలు కొన్ని మీడియం రేంజ్ సినిమాలు విడుదలయ్యాయి. వీటిలో నవీన్ పోలిశెట్టి నటించిన మిస్ శెట్టి మిస్టర్ పొలిశెట్టి బ్లాక్ బస్టర్ అవ్వగా బాలీవుడ్ డబ్బింగ్ మూవీ జవాన్ తెలుగులో కూడా డీసెంట్ కలెక్షన్ తో హిట్ గా నిలిచింది. భారీ అంచనాలతో వచ్చిన ఖుషి యావరేజ్ గా నిలిచింది. ఇదే నెలలో వచ్చిన స్కంద ప్లాప్ అయింది. ఇక దసరా సీజన్ అంటే అక్టోబర్ నెలలో చూసుకుంటే దసరా కంటే ముందు రిలీజ్ అయిన సినిమాల్లో మ్యాడ్ సూపర్ హిట్ అయింది.

ఇక దసరాకి రిలీజ్ అయిన సినిమాల్లో లియో, భగవంత్ కేసరి సక్సెస్ అవ్వగా, రవితేజ టైగర్ నాగేశ్వరరావు యావరేజ్ టాక్ తో సరిపెట్టుకుంది. నవంబర్ నెలలో సుమారు 20 సినిమాలు రిలీజ్ అయితే వాటిలో పొలిమేర 2 మాత్రమే బ్లాక్ బస్టర్ సొంతం చేసుకుంది. నవంబర్ ఎండింగ్ లో వచ్చిన కోటబొమ్మాలి పిఎస్ డీసెంట్ కలెక్షన్స్ తో సూపర్ హిట్ అయింది. ఇక ఇదే నెలలో మంచి అంచనాలతో రిలీజ్ అయిన కీడా కోలా, జపాన్, ఆది కేశవ వంటి సినిమాలు ప్లాప్ అయ్యాయి.ఇక అజయ్ భూపతి మంగళవారం సినిమా మాత్రం యావరేజ్ దగ్గరే ఆగిపోయింది.

ఇక డిసెంబర్ నెలలో 10 సినిమాలు రిలీజ్ అయితే ఇప్పటివరకు మూడు సినిమాలు మంచి సక్సెస్ అందుకున్నాయి. డిసెంబర్ 1న రిలీజ్ అయిన యానిమల్ , హాయ్ నాన్న సూపర్ హిట్స్ గా నిలిచాయి. ఇక డిసెంబర్ 22న రిలీజ్ అయిన సలార్ భారీ కలెక్షన్స్ తో దూసుకుపోతుంది. డిసెంబర్ లాస్ట్ వీకెండ్ కళ్యాణ్ రామ్ డెవిల్, రోషన్ కనకాల బబుల్ గమ్ సినిమాలు రిలీజ్ అయ్యాయి. ఈ సినిమాలు ఫుల్ రన్ లో ఎలాంటి రిజల్ట్ ని అందుకుంటాయో వేచి చూడాలి.

ఓవరాల్ గా చూస్తే 2023 సంవత్సరంలో చిన్న, పెద్ద, డబ్బింగ్ సినిమాలన్నీ కలుపుకొని సుమారు 170 కి పైగా సినిమాలు రిలీజ్ అయితే వాటిలో సగం సినిమాలు కూడా పెట్టిన పెట్టుబడికి తగ్గట్టుగా లాభాలు అందించలేదు. ప్రతీ ఏడాది సక్సెస్ రేటు 20% శాతం కూడా ఉండడం లేదు. అయితే మరో ముఖ్యమైన విషయం ఏంటంటే ఈ ఏడాది స్టార్ హీరోల సినిమాలేవి రిలీజ్ కాలేదు. ఈ జనరేషన్ స్టార్స్ లో ఒక్క ప్రభాస్ నుంచి మాత్రమే ఈ ఏడాది రెండు పాన్ ఇండియా సినిమాలు వచ్చాయి. ఫైనల్ గా చూస్తే ఈ ఏడాది టాలీవుడ్ కి లాభాలు కంటే నష్టాలు ఎక్కువగా మిగిలింది

చిన్న బడ్జెట్ తో వచ్చి పెద్ద సక్సెస్ ని అందుకున్న సినిమా బేబీ. ఆ చిత్ర విజయాన్ని చూసి సినీ విమర్శకులు సైతం ఆశ్చర్యపోయారు. 100 కోట్లకు పైగా కలెక్షన్స్ రాబట్టి సంచలనం సృష్టించింది ఈ సినిమా. ఈ సినిమాలో హీరో హీరోయిన్లుగా ఆనంద్ దేవరకొండ, వీరాజ్ అశ్విన్, వైష్ణవి చైతన్య నటించారు. అయితే ఈ సినిమాలో హీరోల కన్నా హీరోయిన్ పాత్ర పోషించిన వైష్ణవి చైతన్యకు ఎక్కువ ఫేమ్ వచ్చింది.

ఆమె నటనకు సినీ విమర్శకులు సైతం ఫిదా అయిపోయారు. అయితే ఆ సినిమా తర్వాత ఆమెకు మరొకసారి ఆనంద్ దేవరకొండ తోనే హీరోయిన్గా నటించే సినిమా ఛాన్స్ వచ్చింది. ఈ విషయాన్ని ఇప్పటికే అధికారికంగా ప్రకటన విడుదల చేశారు. ఇప్పుడు మళ్లీ మరొక బంపర్ ఆఫర్ కొట్టేసింది బేబీ హీరోయిన్. వివరాల్లోకి వెళ్తే కొత్త టాలెంట్ ని ఎంకరేజ్ చేయడంలో స్టార్ ప్రొడ్యూసర్స్ దిల్ రాజు,శిరీష్ ఎప్పుడూ ముందుంటారు అనే విషయం తెలిసిందే.

దిల్ రాజు ప్రొడక్షన్స్ బ్యానర్ పై డిఫరెంట్ సినిమాలను రూపొందిస్తున్నారు. బలగం సినిమా ఈ సంస్థలో నుంచి వచ్చినదే. ఇప్పుడు ఈ దిల్ రాజు ప్రొడక్షన్ బ్యానర్ పై శిరీష్ సమర్పణలో ఆశిష్ హీరోగా అరుణ్ భీమవరపు దర్శకత్వంలో ఒక సినిమా తెరకెక్కుతోంది అందులో హీరోయిన్గా వైష్ణవి చైతన్యను ఫైనల్ చేశారు. తాజాగా ఆమె లుక్ ని సైతం మేకర్స్ విడుదల చేశారు. ఈ లుక్ లో ఆమె చాలా క్యూట్గా కనిపిస్తున్నారు ప్రస్తుతం ఈ పిక్ సోషల్ మీడియాలో తెగ వైరల్ అవుతుంది.

శిరీష్ సమర్పణలో హర్షిత్ రెడ్డి, హర్షిత, నాగమల్లిడి ఈ చిత్రాన్ని నిర్మిస్తున్నారు. ఆస్కార్ అవార్డు గ్రహీత ఎం ఎం కీరవాణి సంగీతాన్ని అందిస్తుంటే నేషనల్ అవార్డు విన్నర్ పిసి శ్రీరాం సినిమాటోగ్రఫీ అందిస్తున్నారు. నిజంగా వైష్ణవి ఎంతోమంది హీరోయిన్ అవ్వాలి అనుకున్న తెలుగు అమ్మాయిలకు ఇన్స్పిరేషన్ గా నిలబడింది. గ్రేట్ కదా.