Mounika Singaluri

నందమూరి కథానాయకుడు, సీనియర్ ఎన్టీఆర్ మనవడు చైతన్య కృష్ణ లేటు వయసులో లేటెస్ట్ గా సినిమా ఎంట్రీ ఇచ్చాడు. ఆ సినిమా పేరు బ్రీత్. డిసెంబర్ 2న విడుదలై ఫ్లాప్ ని మూట కట్టుకుంది. కానీ నందమూరి చైతన్య కృష్ణ నటనకు మాత్రం మంచి మార్కులే పడ్డాయి. సినిమా సంగతి పక్కన పెడితే చైతన్య గురించి తెలుసుకోవటానికి ప్రేక్షకులు ఆసక్తి చూపిస్తున్నారు. అసలు ఈ చైతన్య కృష్ణ ఎవరంటే సీనియర్ ఎన్టీఆర్ పెద్ద కుమారుడు జయకృష్ణ కొడుకే ఈ చైతన్య కృష్ణ.

ఈయన గతంలో జగపతిబాబు సినిమా ధమ్ సినిమాలో ఒక క్యారెక్టర్ లో నటించాడు. కానీ ప్రేక్షకుల దృష్టిలో పడలేకపోయాడు. అటుపై సినిమాలపై దృష్టి సారించలేదు. కానీ అతని మనసులో నటనపై ఆసక్తి మాత్రం అలాగే ఉంది. కొన్ని రోజులు చైతన్య కృష్ణ రాజకీయాలలో కూడా కనిపించాడు. అటుపై మళ్లీ సినిమాలపై దృష్టి మళ్లించి లేటు వయసులో బ్రీత్ సినిమాలో నటించాడు. మెడికల్ మాఫియా కథా నేపథ్యంగా వచ్చిన ఈ సినిమా ఫ్లాప్ అయినప్పటికీ తనకి గుర్తింపు దక్కడంలో సక్సెస్ అయ్యాడు చైతన్య కృష్ణ.

డిసెంబర్ 2వ తారీఖున విడుదలైన బ్రీత్ చిత్రానికి దర్శకుడు వంశీకృష్ణ ఆకెళ్ల. ఈ సినిమాని జయకృష్ణ నిర్మించడం విశేషం. సాధారణంగా ఒక వయసు దాటిన తర్వాత సినిమాల్లోకి రావడానికి చాలామంది ఆలోచిస్తారు కానీ చైతన్య కృష్ణ నటన మీద ఉన్న ఆసక్తితో అవేమీ పట్టించుకోకుండా తన పని తాను చేసుకుంటూ పోయాడు.

బ్రీత్ సినిమా అనౌన్స్ చేసిన దగ్గర నుంచి చైతన్య కృష్ణ ఒక రకమైన ట్రోల్స్ కి గురయ్యాడు. అందుకు కారణం ఆయన వయసు. వాటిని పట్టించుకొని వెనకడుగు వేయకుండా ధైర్యంగా ముందుకు వచ్చి తన కళాతృష్ణ తీర్చుకున్న చైతన్య కృష్ణ ని నిజంగా మెచ్చుకొని తీరాల్సిందే. నిజంగా అతని నటన పలువురి దర్శకుల దృష్టిలో పడితే మరొక మంచి క్యారెక్టర్ ఆర్టిస్ట్ టాలీవుడ్ కి దొరికినట్లే.

గుంటూరు కారం మ్యూజిక్ విషయంలో ముందు నుంచి కూడా క్లారిటీ లేదు. ఈ సినిమా స్టార్ట్ అయ్యే ముందు మ్యూజిక్ డైరెక్టర్ గా తమన్ తీసుకుంటూ ఉంటే మహేష్ బాబు ఇష్టపడలేదని చాలామంది చెప్పుకొచ్చారు. మహేష్ బాబు సర్కారి వారి బాట సినిమాకి తమన్ మ్యూజిక్ సరిగా ఇవ్వలేదని మహేష్ అభిమానులు ఆవేదన చెందారు. మహేష్ కూడా అది దృష్టిలో పెట్టుకునే తమన్ ని వద్దన్నాడు. కానీ త్రివిక్రమ్ ప్రోత్బలంతో తమన్ మ్యూజిక్ డైరెక్టర్ గా వచ్చి చేరాడు.

అయితే గుంటూరు కారం సాంగ్స్ విషయంలో మహేష్ ఫ్యాన్స్ అసంతృప్తిగా ఉన్నారు.మొదటి సాంగ్ పర్వాలేదు అనిపించుకున్న కూడా…రెండో సాంగ్ ఓ మై బేబీ అయ్యే ఫ్యాన్స్ అస్సలు ఇష్ట పడలేదు.సోషల్ మీడియాలో నెగటివ్ ట్రెండ్ చేశారు.అయితే మ్యూజిక్ డైరెక్టర్ తమన్,నిర్మాత నాగ వంశీ, లిరిక్ రైటర్ రాంజో శాస్త్రి అయితే ఫ్యాన్స్ కి కౌంటర్ వేస్తూ వాళ్ల హార్ట్ అయ్యేలా చేశారు.దీనిపై మహేష్ బాబు సీరియస్ అయ్యారట.ఫ్యాన్స్ నీ ఎందుకు టార్గెట్ చేస్తున్నారు మీరు సరిగ్గా పనిచేయకుండా వాళ్ళని ఎందుకు అంటారు అని క్లాస్ పీకారట.నెక్స్ట్ వచ్చే మాస్ సాంగ్ పై మళ్ళీ రీ వర్క్ చేయాలని సూచించారట.ఇది ఇప్పుడు ఇండస్ట్రీ లో హాట్ టాపిక్ అయ్యింది.

మెగా ఫ్యామిలీలో డజన్ మంది హీరోలు ఉన్నా కూడా… ఒకే ఒక్క హీరోయిన్ ఆ ఫ్యామిలీ నుండి వచ్చింది.ఆమె కొణిదల నీహారిక. నాగశౌర్య పక్కన ఒక మనసు సినిమా తోటి హీరోయిన్ గా ఎంట్రీ ఇచ్చింది. ఆ సినిమా ఆశించినంత ఫలితం ఇవ్వకపోయినా కూడా నిహారికాకు మంచి పేరు తీసుకువచ్చింది. తర్వాత అడపా దడపా సినిమాలు చేసిన కూడా అవి ఊహించిన ఫలితాన్ని ఇవ్వలేదు.

తర్వాత ప్రేమించి పెళ్లి చేసుకోవడంతో సినిమాలకు దూరమైంది. తన భర్తతో గొడవలు రావడంతో తాజాగా విడాకులు కూడా తీసుకుంది. తాను నటనకు దూరమైనా కూడా పింక్ ఎలిఫెంట్ పిక్చర్స్ ని స్థాపించి సినిమా నిర్మాణంలోకి అడుగు పెట్టింది. అయితే ఇప్పుడు నిహారిక మళ్లీ రీ ఎంట్రీ కి సిద్ధమైంది. వాట్ ద ఫిష్ అనే మూవీ లో నీహారిక నటిస్తుంది.నీహారిక పుట్టిన రోజు సందర్భంగా మూవీ టీం పోస్టర్ ను విడుదల చేసారు. ఈ సినిమాని కొత్త దర్శకుడు వరుణ్ కోరుకొండ తరికెక్కిస్తున్నారు. గతంలో ఈ మూవీని మంచు మనోజ్ హీరోగా తరికెక్కిస్తున్నట్లు ప్రకటించగా, ఇప్పుడు వెన్నెల కిషోర్ ప్రధాన పాత్ర పోషిస్తున్నారని తెలియజేశారు. అయితే ఈసారైనా నిహారికాకి అదృష్టం కలిసి వస్తుందేమో చూడాలి.

మహేష్ బాబు హీరోగా నటిస్తున్న గుంటూరు కారం చిత్రం పైన రోజురోజుకు ఒక రూమర్ పుట్టుకొస్తుంది. ఇప్పటికే చిత్రాన్ని సంక్రాంతి కానుకగా విడుదల చేయనున్నారు. అయితే ఇంకా ఈ సినిమాలో ఒక సాంగ్ షూటింగ్ బ్యాలెన్స్ ఉంది. అది నెల 21 నుంచి షూటింగ్ చేయనున్నట్లు చిత్ర టీం ప్రకటించింది. అయితే ముందు నుంచి కూడా ఈ సినిమాలో ఒక ఐటెం సాంగ్ ఉంటుంది అంటూ ప్రచారం జరిగింది. ఇప్పుడు ఆ ప్రచారం కాస్త నిజం కాదు అంటునారు.

గుంటూరు కారం సినిమాలో ఐటెం సాంగ్ కాకుండా ఒక స్పెషల్ సాంగ్ ఉంటుందట. ఈ సాంగ్ లో సినిమా మెయిన్ కాస్టింగ్ మొత్తం కనిపిస్తుందని వాదన కూడా వినిపిస్తుంది. ఇది ఒక స్పెషల్ అట్రాక్షన్ గా ఉంటుందని చెబుతున్నారు. అయితే సంక్రాంతికి ఇంకెన్ని రోజులో లేకపోవడంతో ఇంకా ఈ సాంగ్ షూటింగ్ పూర్తికాలేదు. ప్రమోషన్స్ ఎప్పుడు చేస్తారో అంటూ మహేష్ ఫ్యాన్స్ ఆవేదన వ్యక్తం చేస్తున్నారు. ఈ చిత్రం త్రివిక్రమ్ మహేష్ కాంబినేషన్ లో వచ్చిన గత చిత్రాల కంటే కూడా బాగుంటుందని టాక్ వినిపిస్తుంది. సంక్రాంతి ఎన్ని చిత్రాలు విడుదలవుతున్నా కూడా హైప్ మొత్తం గుంటూరు కారం చుట్టూరనే ఉంది. కచ్చితంగా గుంటూరు కారం సంక్రాంతి బాక్స్ ఆఫీస్ రేసులో విన్నారుగా నిలుస్తుందని అంటున్నారు.

యంగ్ రెబల్ స్టార్ ప్రభాస్ నటించిన సలార్ మూవీ ఈనెల 22వ తారీఖున విడుదల కానున్న సంగతి తెలిసిందే. ఈ సినిమా మీద ప్రపంచ వ్యాప్తంగా భారీ అంచనాలు ఉన్నాయి. అయితే తెలుగు రాష్ట్రాల్లో ఈ సినిమాని భారీ ఎత్తున మొదలు చేస్తున్నారు. నైజంలో ఈ సినిమాని ప్రముఖ నిర్మాణ సంస్థ మైత్రి మూవీస్ గ్రాండ్ విడుదల చేస్తుంది.

అయితే సలార్ మూవీకి సంబంధించి తెలంగాణలో మొదటి టిక్కెట్ ను ప్రముఖ దర్శకుడు ఎస్ఎస్ రాజమౌళి కొనుగోలు చేశారు. మైత్రి మూవీస్ సంస్థాజనేత నవీన్ ఈ టికెట్ ను రాజమౌళికి అందించారు. ఈ కార్యక్రమంలో యంగ్ రెబల్ స్టార్ ప్రభాస్, డైరెక్టర్ ప్రశాంత్ నీల్ , పృధ్విరాజ్ సుకుమారన్ తదితరులు పాల్గొన్నారు.

అయితే సలార్ కి ఉన్న క్రేజ్ నడుమ రెండు తెలుగు రాష్ట్రాల్లో ఈ టికెట్ల కోసం ఇప్పటికే పోటీ నెలకొంది. టికెట్ల రేటు పెంపు కోసం రెండు రాష్ట్ర ప్రభుత్వానికి నిర్మాతలు రిక్వెస్ట్ పెట్టుకున్నారు. అలాగే బెనిఫిట్ షోస్ కోసం కూడా ప్రభుత్వానికి విన్నవించుకున్నారు. ఇప్పటికే సెన్సార్ నుండి వచ్చిన టాక్ ప్రకారం అయితే సలార్ సినిమా బ్లాక్ బస్టర్ హిట్ అవుతుందని అంటున్నారు

తెలుగులో ఇప్పుడు మల్టీ స్టారర్ ట్రెండ్ నడుస్తోంది.పలు క్రేజీ కాంబినేషన్ లు తెర మీదకి వస్తున్నాయి.గతంలో వెంకటేష్ మహేష్ ఇద్దరు ఈ ట్రెండ్ ను తిరిగి ప్రారంభించారు.తర్వాత వరస పెట్టి మంచి మంచి కాంబినేషన్స్ తెర మీదకు వచ్చాయి.

అయితే ఇప్పుడు మరో క్రేజీ మల్టీ స్టారర్ చిత్రానికి రంగం సిద్ధం అవుతున్నట్లు తెలుస్తోంది. ప్రేమ ఇష్క్ కాదల్, సావిత్రి, సేనాపతి లాంటి సినిమాలతో దర్శకుడిగా గుర్తింపు తెచ్చుకున్న పవన్ సాధినేని తమిళ్, తెలుగు హీరోలతో మల్టీ స్టారర్ మూవీ చేయడానికి రెడీ అవుతున్నాడంట. రీసెంట్ గా దయ అనే వెబ్ సిరీస్ తో మరోసారి పవన్ సాదినేని సత్తా చాటాడు.

ఇప్పుడు కళ్యాణ్ రామ్, కోలీవుడ్ స్టార్ యాక్టర్ విజయ్ సేతుపతి కాంబోలో మల్టీ స్టారర్ మూవీ చేయడానికి రెడీ అవుతున్నాడు. డ్రీమ్ వారియర్స్ పిక్చర్స్ బ్యానర్ ఈ సినిమాని నిర్మించబోతున్నట్లు తెలుస్తోంది. సౌత్ లో ఈ ఇద్దరు హీరోలు కూడా రెగ్యులర్ కమర్షియల్ ఫార్మాట్ కి భిన్నంగా కొత్త కథలతో మూవీస్ చేసే ప్రయత్నం చేస్తుంటారు. అలాంటి వీరిద్దరితో మూవీ అంటే కచ్చితంగా తెలుగు, తమిళ్ భాషలలో మంచి ప్రాజెక్ట్ అయ్యే అవకాశం ఉంటుంది. త్వరలో ఈ సినిమాపై అఫీషియల్ ఎనౌన్స్మెంట్ వచ్చే అవకాశం ఉందని టాలీవుడ్ సర్కిల్ లో వినిపిస్తోంది. మరి ఇది ఎంత వరకు కార్యరూపం దాల్చుతుందనేది వేచి చూడాలి.