Home Author
Author

Sainath Gopi

A Mechanical Engineer turned into an Author. Have 6 years of work experience by working as Web Content Manager for various top telugu websites. Expertise in writing Human angle stories, Unknown Facts and excusive film-based content. Enthusiastic in Lyric and Story Writing.

Off BeatPolitics

పవన్ కళ్యాణ్ జనసేన పార్టీ జెండా చిహ్నం అర్థం ఏంటో తెలుసా..? ఎరుపు రంగుని మాత్రమే ఎందుకు ఎంచుకున్నారు అంటే..?

by Sainath Gopi
written by Sainath Gopi

పవర్ స్టార్ గా ఎదిగి, ఇప్పుడు రాజకీయ నాయకుడిగా కూడా గుర్తింపు సంపాదించుకున్నారు పవన్ కళ్యాణ్. పవన్ కళ్యాణ్ దాదాపు పది సంవత్సరాల క్రితం జనసేన పార్టీని స్థాపించారు. పార్టీ నుండి ఎంతో మందికి సేవ చేశారు. పార్టీ గుర్తు కూడా కొత్తగా ఉంటుంది. ఎన్నికల్లో పార్టీకి గాజు గ్లాసు గుర్తుని ప్రకటించారు. అప్పటి నుండి గాజు గ్లాస్ చూసిన ప్రతిసారి జనసేన పార్టీ గుర్తొస్తుంది. అయితే జనసేన పార్టీ జెండా లో ఉండే చిహ్నానికి కూడా చాలా అర్థం ఉంది. ఒకసారి దీని అర్థం తెలుసుకుంటే, ఇంత ఆలోచించి ఒక పార్టీ జెండా చిహ్నం తయారు చేశారా అని అనిపిస్తుంది. దీని అర్థం ఏంటో ఇప్పుడు తెలుసుకుందాం.

meaning behind janasena party emblem

# బ్యాక్ గ్రౌండ్ లో తెలుపు రంగు ఉంటుంది. ఇది శాంతిని, ఎన్నో వేల సంవత్సరాల నుండి ఉన్న భారతీయ నాగరికతను, సంప్రదాయాన్ని సూచిస్తుంది.

# చిహ్నం ఎరుపు రంగులో ఉంటుంది. ఇది విప్లవానికి గుర్తు. మన పురాతన జాతీయ ధర్మాలని, ఇప్పటి మార్పులతో, వాటిని ఇంకా అభివృద్ధి చేసి చెప్పాలి అనే ఉద్దేశంతోనే తెలుపు మీద ఎరుపు రంగు వచ్చేలాగా డిజైన్ చేశారు.

# చిహ్నంలో నక్షత్రం ఉంటుంది. ఈ నక్షత్రానికి ఆరు దిక్కులు ఉంటాయి. ఈ ఆరు దిక్కులు పార్టీ పాటించే ఆరు సూత్రాలని తెలియజేస్తాయి. ఈ సూత్రాలు, విలువలు మనకి మన తరతరాల నుండి వస్తున్నాయి అని దీని అర్థం. నక్షత్రం మధ్యలో ఉండే తెలుపు రంగు స్వయం ప్రకాశాన్ని తెలియజేస్తుంది. మన విలువల వల్ల మన దారిలో మనం సొంతంగా వెలుగుతాం అని దీని అర్థం వచ్చేలాగా డిజైన్ చేశారు.

# నక్షత్రం మధ్యలో ఉండే చుక్క ఆత్మని తెలియజేస్తుంది. మన ఆత్మ మన నిజం. ఈ చుక్కని మధ్యలో పెట్టడానికి కారణం ఏంటంటే, ఇది మన దేశానికి మనం నిజంగా ఏం చేస్తున్నాం అనేది తెలియజేస్తుంది. ఇదే గుండె అంత ముఖ్యమైనది. అందుకే ఈ చుక్క ని మధ్యలో పెట్టారు.

# ఎంబ్లెమ్ చుట్టూ బ్లాక్ లైనింగ్ ఉంటుంది. ఇది విప్లవానికి, అందుకు వచ్చే వ్యతిరేకతని బ్యాలెన్స్ చేసి, సామరస్యంగా ఉంచడానికి సూచిస్తుంది.

# ఈ పార్టీ ఎంబ్లెమ్ అనేది మన దేశం యొక్క జీవితాన్ని, అందుకోసం పోరాటం చేసిన వారి పోరాటాన్ని సూచిస్తుంది.

ఒక్క చిహ్నంలో ఇంత భావం ఉండేలాగా పార్టీ జెండా రూపొందించారు.

Human angle

ఆమె భర్త ఆస్తి 36000 కోట్లు.. కానీ 30 సంవత్సరాల నుంచి ఒక చీర కూడా కొనుక్కోలేదు.. ఎందుకో తెలుసా?

by Sainath Gopi
written by Sainath Gopi

సుధా మూర్తి పరిచయం అక్కర్లేని ఈ మాతృమూర్తి గురించి తెలుసుకోవాల్సిన, నేర్చుకోవలసిన విషయాలు ఎన్నో ఉన్నాయి. ఇన్ఫోసిస్ వ్యవస్థాపకుడు, భర్త అయిన నారాయణమూర్తి కోసం తన కెరీర్ ని త్యాగం చేసిన వ్యక్తి సుధా మూర్తి. భర్త వేలకోట్ల అధిపతి అయినప్పటికీ ఆమె సాధారణ జీవితాన్ని గడపడానికే ఇష్టపడతారు. తను చీరలు కూడా చాలా తక్కువ ఖరీదు చీరలు కట్టుకోవటానికి ఇష్టపడతారు.

పదివేల రూపాయలు పెట్టి చీర కొంటే పదివేల సార్లు కట్టుకోము కదా, 2000 ఖర్చు చేసే చేరుకుంటే 20 సార్లు లేదా 30 సార్లు లేదా 50 సార్లు కట్టుకుంటాము. నిజానికి ఖరీదు తక్కువ అయినదాన్నే ఎక్కువగా ఉపయోగిస్తామని ఆమె చెబుతారు. అవసరానికి మించిన వస్తువులు ఉండవలసిన అవసరం లేదు అంటారు 73 ఏళ్ల సుధా మూర్తి. ఈమె గత 30 సంవత్సరాలుగా తనకోసం ఒక్క చీర కూడా కొనుక్కోలేదంటే ఆమె సింప్లిసిటీ ఎలాంటిదో మనం అర్థం చేసుకోవచ్చు.

అప్పుడప్పుడు ఎన్జీవోలు, స్నేహితులు ఇచ్చిన చీరలను మాత్రమే ఆమె కట్టుకుంటారు. ఆమె చీరలు కొనుక్కోకపోవడానికి ఆమె చేసిన ప్రతిజ్ఞ కారణం. వారణాసిలో ఆమె షాపింగ్ లోని వదులుకుంటాను అని ప్రతిజ్ఞ చేసింది. తనకి షాపింగ్ అంటే చాలా ఇష్టం అంట, కాశీకి వెళ్ళినప్పుడు మనసుకు నచ్చినది వదిలేయమంటే షాపింగ్ ని వదిలేసాను అని 2018 లో ఆమె ఒక పత్రికకు ఇచ్చిన ఇంటర్వ్యూలో తెలిపారు.

తన భర్త 36,690 కోట్ల ఆస్తికి వారసుడు అందులో ఆమె 775 కోట్లు షేర్ ఉంది. ఆమె అల్లుడు అమెరికా ప్రెసిడెంట్. ఇంతటి ఆస్తి ఉన్న ఆమె సింపుల్ లైఫ్ని లీడ్ చేయడం నిజంగా ఆమె ఉన్నత భావాలకి నిదర్శనం. ప్రస్తుతం సుధా మూర్తి ఇన్ఫోసిస్ ఫౌండేషన్ చైర్మన్ గా వ్యవహరిస్తున్నారు. అంతేకాకుండా సామాజిక కార్యకర్త, ఉపాధ్యాయురాలు, రచయిత కూడా అని అందరికీ తెలిసిందే. ఈమె చేసిన సమాజసేవలకు 2006లో పద్మశ్రీ అవార్డు, 2023లో పద్మభూషణ్ అవార్డు ఆమెను వరించింది.

News

ఆయన మొదటి పెళ్లి అప్పుడు చిన్నపిల్ల… ఇప్పుడు అదే వ్యక్తికి మూడవ భార్య..! వీరి ప్రేమ కథ ఏంటంటే..?

by Sainath Gopi
written by Sainath Gopi

ఇండోనేషియాలో ఇటీవల జరిగిన ఒక సంఘటన చర్చల్లో నిలిచింది. సాధారణంగా సినిమాలో మాత్రమే ఇలాంటివి జరుగుతూ ఉంటాయి. కానీ ఇప్పుడు నిజ జీవితంలో ఇలాంటివి జరగడంతో అందరూ ఆశ్చర్యానికి లోనవుతున్నారు. వివరాల్లోకి వెళితే, టీవీ9 తెలుగు కథనం ప్రకారం, ఇండోనేషియాలోని బంగ్కా ద్వీపానికి చెందిన రెనాటా ఫదేయా వయసు 24 సంవత్సరాలు. ఆమె తనకంటే 38 సంవత్సరాలు పెద్దవాడైన వ్యక్తిని వివాహం చేసుకుంది. ఈ మధ్య ఇలా వయసులో చాలా పెద్దవారైన వాళ్లని వివాహం చేసుకుంటున్నారు. ఇందులో వింత ఏం ఉంది అనుకోవద్దు.

indonesia wife and husband incident

ఇక్కడ అసలు విషయం ఏంటంటే, ఆ వ్యక్తి మొదటి పెళ్లి సమయానికి రెనాటా ఫదేయా వయసు 9 సంవత్సరాలు. ఆయన 2009 లో మొదటి పెళ్లి చేసుకున్నారు. ఆ పెళ్ళికి రెనాటా ఫదేయా అతిథిగా వెళ్లారు. అప్పుడు ఆమె చాలా చిన్న పిల్ల. రెనాటా ఫదేయా భర్త 2011 లో రెండవ భార్యతో విడిపోయారు. ఆయనకి రెండవ వివాహంలో పిల్లలు లేరు. మొదటి వివాహంలో ఒక బిడ్డ ఉంది. రెనాటా ఫదేయా తన భర్తని మళ్లీ 2019 లో కలిశారు. 2020 లో వీళ్ళిద్దరూ పెళ్లి చేసుకున్నారు. టిక్ టాక్ ద్వారా ఈ విషయాన్ని షేర్ చేస్తూ, తన భర్తని తాను 2019 లో మాత్రమే కలిశాను అని అనుకున్నారు అని, కానీ ఇద్దరు బంధువులు అని, ఈ విషయం తనకి ఇటీవలే తెలిసింది అని, 15 సంవత్సరాల క్రితమే తన భర్తని కలిసినట్టు ఒక పోస్ట్ షేర్ చేశారు.

అందులో భాగంగానే ఆమె మొదటి భర్త పెళ్లిలో ఆమె అతిథిగా వెళ్ళిన ఫోటోని, అలాగే ఇప్పుడు అదే భర్తతో, తన బాబుతో ఉన్న ఫోటోని రెనాటా ఫదేయా షేర్ చేశారు. ఇప్పుడు రెనాటా ఫదేయాని తన భర్త చాలా బాగా చూసుకుంటున్నారు అని చెప్పారు. సాధారణంగా సోషల్ మీడియాలో ఇలాంటి విషయాలు అప్పుడప్పుడు షేర్ చేస్తూ ఉంటారు. అంటే, ఇప్పుడు భార్య భర్తలు అయిన ఇద్దరు చిన్నప్పుడే తెలియకుండా కలవడం, ఆ సమయంలో ఫోటోలు తీసుకోవడం వంటివి సోషల్ మీడియాలో అంతకుముందు కూడా షేర్ చేశారు. ఇప్పుడు రెనాటా ఫదేయా కూడా తన భర్తని తాను చిన్నప్పుడే కలిసిన ఫోటోని షేర్ చేశారు.

Filmy AddaMovie ReviewsViral

LOVE ME IF YOU DARE REVIEW : “ఆశిష్, వైష్ణవి చైతన్య” నటించిన ఈ సినిమా ఆకట్టుకుందా..? స్టోరీ, రివ్యూ & రేటింగ్.!

by Sainath Gopi
written by Sainath Gopi

రౌడీ బాయ్స్ సినిమాతో ఇండస్ట్రీలోకి హీరోగా అడుగు పెట్టారు ఆశిష్. ఇప్పుడు ఆశిష్ హీరోగా, వైష్ణవి చైతన్య హీరోయిన్ గా నటించిన సినిమా ఇవాళ విడుదల అయ్యింది. ఈ సినిమా పేరు లవ్ మీ ఇఫ్ యు డేర్. ఈ సినిమా ఎలా ఉందో ఇప్పుడు చూద్దాం.

  • చిత్రం : లవ్ మీ ఇఫ్ యు డేర్
  • నటీనటులు : ఆశిష్, వైష్ణవి చైతన్య, రవికృష్ణ, సిమ్రాన్ చౌదరి.
  • నిర్మాత : హర్షిత్ రెడ్డి, హన్షిత రెడ్డి, నాగ మల్లిడి
  • దర్శకత్వం : అరుణ్ భీమవరపు
  • సంగీతం : ఎం ఎం కీరవాణి
  • విడుదల తేదీ : మే 25, 2024

love me if you dare movie review

స్టోరీ :

అర్జున్ (ఆశిష్) ఒక మామూలు అబ్బాయి. ఎవరు ఏ పని అయితే చెయ్యొద్దు అని అంటారు అదే పని అర్జున్ చేయాలి అని అనుకుంటాడు. అర్జున్ ని ప్రియ (వైష్ణవి చైతన్య) ప్రేమిస్తుంది. ఒకసారి అర్జున్ రామచంద్రాపురంలో ఉండే ఒక బంగళాలో ఉండే దివ్యవతి అనే ఒక ఆత్మని ఇష్టపడతాడు. ఆ ఆత్మని ప్రేమించే క్రమంలో ఇంకా కొంత మంది ఆత్మలతో అర్జున్ ఎదుర్కోవాల్సిన పరిస్థితి వస్తుంది. అసలు దివ్యవతి ఎవరు? ఆమె ఆత్మగా ఎలా మారింది? అర్జున్ దివ్యవతిని ఎందుకు ప్రేమించాడు? ప్రియ ఏం చేసింది? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

సినిమా కాన్సెప్ట్ చాలా ఇంట్రెస్టింగ్ గా అనిపిస్తుంది. దెయ్యాన్ని ప్రేమించడం అనేది కొత్తగా అనిపిస్తుంది. కానీ టేకింగ్ విషయంలో మాత్రం పొరపాట్లు జరిగాయి అనిపిస్తుంది. పాత్రలు రాసుకునే విధానం ప్రాపర్ గా అనిపించదు. సినిమాకి చాలా పెద్ద పెద్ద టెక్నీషియన్లు పనిచేశారు. ఫస్ట్ హాఫ్ కొన్ని మంచి విజువల్స్ వల్ల బాగుంటుంది. సెకండ్ హాఫ్ లో కథ బాగుంటే సినిమా ఇంకొక రకంగా ఉండేది. కానీ ఇక్కడ అలా లేదు. ఇంక పర్ఫార్మెన్స్ విషయానికి వస్తే, ఆశిష్ మొదటి సినిమాతో పోలిస్తే ఈ సినిమాలో చాలా బాగా ఇంప్రూవ్ అయ్యారు. తన పాత్రలో తను చాలా బాగా నటించారు. అంతకంటే ఎక్కువ కూడా నటించే అంత స్కోప్ లేదు. పాత్రకి ఎంత కావాలో అంత ఇచ్చారు.

మొదటి సినిమాతో పోలిస్తే ఈ సినిమాలో మాత్రం అన్ని విషయాల్లో చాలా బాగా మెరుగుపడ్డారు అనిపిస్తుంది. డైలాగ్ డెలివరీ కూడా బాగుంది. హీరోయిన్ వైష్ణవి చైతన్య కి పర్ఫార్మెన్స్ కి స్కోప్ ఉన్న పాత్ర కాదు. తన పాత్ర పరిధి మేరకు నటించారు. సినిమాకి మరొక హైలైట్ అయ్యారు సిమ్రాన్ చౌదరి. చాలా బాగా నటించారు. రవి కృష్ణ కూడా తన పాత్రకి తగ్గట్టు నటించారు. ఎం ఎం కీరవాణి అందించిన పాటలు అంత పెద్ద గొప్పగా అనిపించవు. అలా ఫ్లోలో వెళ్లిపోతాయి. సినిమాకి అతి పెద్ద ప్లస్ పాయింట్ పీసీ శ్రీరామ్ సినిమాటోగ్రఫీ. ఒకరకంగా చెప్పాలి అంటే ఫస్ట్ హాఫ్ అంత బాగా రావడానికి కారణం సినిమాటోగ్రఫీ. సెకండ్ హాఫ్ లో కూడా సినిమాని సేవ్ చేయడానికి ప్రయత్నించారు. కానీ కథలో ఇంకా బలంగా ఉంటే విజువల్స్ ఇంకా బాగా కనిపించేవి.  నిర్మాణ విలువలు కూడా సినిమాకి తగ్గట్టు ఉన్నాయి.

సినిమాలో కొన్ని సర్ప్రైజ్ చేసే స్పెషల్ అపియరెన్స్ లు కూడా ఉన్నాయి. సినిమా చివరిలో రెండవ భాగానికి దారి ఇస్తూ మరొక హీరోయిన్ కూడా కనిపిస్తారు. ఆమె ఎవరో మీరు తెర మీద చూస్తేనే బాగుంటుంది. డైరెక్టర్ రాసుకున్న స్టోరీ పాయింట్ పేపర్ మీద బాగుంటుంది. కానీ రూపొందించే క్రమంలో మాత్రం పొరపాట్లు జరిగాయి. పాత్రలు రాసుకున్న విధానంలో క్లారిటీ తగ్గినట్టు అనిపిస్తుంది. వైష్ణవి చైతన్య పాత్ర, సిమ్రాన్ చౌదరి పాత్ర ఇంకా బాగా రాసుకునే అవకాశం ఉంది. వాళ్ల పాత్రలు అలా ఎందుకు ప్రవర్తిస్తున్నాయి అన్నదానికి సరైన కారణం తెలియదు. ఈ విషయంలో జాగ్రత్త తీసుకొని ఉంటే బాగుండేది.

ప్లస్ పాయింట్స్ :

  • సినిమాటోగ్రఫీ
  • నిర్మాణ విలువలు
  • సెట్టింగ్స్
  • ప్రొడక్షన్ డిజైన్

మైనస్ పాయింట్స్:

  • పాత్రల్లో లోపించిన క్లారిటీ
  • సరిగ్గా రాసుకోని సీన్స్

రేటింగ్ :

2.5/5

ట్యాగ్ లైన్ :

స్టోరీ పాయింట్ బాగున్నా కూడా కథనం ఆసక్తికరంగా అనిపించదు. కానీ అసలు సినిమాలో ఇలాంటి ఒక స్టోరీని ఎలా హ్యాండిల్ చేశారు, రెండవ భాగానికి ఎలాంటి లీడ్ ఇచ్చారు అనేది తెలుసుకోవాలి అంటే లవ్ మీ ఇఫ్ యు డేర్ సినిమా ఒక్కసారి చూడగలిగే యావరేజ్ సినిమాగా నిలుస్తుంది.

watch trailer :

Filmy Adda

“ఘరానా మొగుడు” సినిమా ఎన్నోసార్లు చూసే ఉంటారు…కానీ ఈ సీన్ లో ఇది ఎప్పుడైనా గమనించారా.?

by Sainath Gopi
written by Sainath Gopi

చాలాసార్లు పాత హిట్ మూవీ పాటలను కొత్త సినిమాల్లో రీమేక్ చేయడం చూస్తుంటాం…కొన్ని ట్యూన్స్ ను కూడా అక్కడక్కడా వాడటం గమనిస్తాం. అయితే రెండు సూపర్ హిట్ సినిమాలకు ఒకేలాంటి మ్యూజిక్ వాడారు ఆ రెండు సినిమాలకు మ్యూజిక్ డైరెక్టర్ గా వ్యవహరించిన వ్యక్తి. ఇంతకీ ఆ సినిమాలు ఏమిటి అనుకుంటున్నారా…. ప్రభాస్ కెరియర్ ని మలుపు తిప్పిన ఛత్రపతి…చిరంజీవికి మంచి హిట్ అందించిన ఘరానా మొగుడు.

2005లో రాజమౌళి డైరెక్షన్లో ప్రభాస్ హీరోగా విడుదలైన సూపర్ డూపర్ హిట్ చిత్రం ఛత్రపతి. తల్లి కొడుకుల సెంటిమెంట్ ని హైలైట్ చేస్తూ ప్రభస్ ను మాచో మాన్ గా టాలీవుడ్ కి పరిచయం చేసిన చిత్రం ఇది. ఈ మూవీకి స్టోరీ కంటే కూడా బ్యాక్ గ్రౌండ్ మ్యూజిక్ ఎంతో హైలెట్ గా నిలిచింది. మరి ముఖ్యంగా హీరోని ఎలివేట్ చేసే సన్నివేశాలలో మ్యూజిక్ గూస్ బంప్స్ క్రియేట్ చేస్తుంది. అలాంటి మూవీలోని మ్యూజిక్ వేరే సినిమా నుంచి కాపీ కొట్టారు….

watch video:

ఈ మూవీలో ప్రభాస్ వచ్చేటప్పుడు వెనుక వచ్చే మ్యూజిక్ ఒకప్పటి చిరంజీవి ఘరానా మొగుడు చిత్రంలో చిరుకి నగ్మా కి మధ్య జరిగే ఒక సీన్లో బ్యాక్ గ్రౌండ్ మ్యూజిక్ గా వాడడం జరిగింది. తమాషా అయిన విషయం ఏమిటంటే ఈ రెండు చిత్రాలకు మ్యూజిక్ డైరెక్టర్ గా ఉన్నది కీరవాణి గారే.

watch video:

Off Beat

“స్వాతంత్రం” రాకముందు హైదరాబాద్ లో ఉన్న… “పరిస్థితులని” తెలిపే 15 ఫోటోలు..! అప్పట్లో హైదరాబాద్ ఎలా ఉండేది అంటే..?

by Sainath Gopi
written by Sainath Gopi

భారత దేశానికి స్వాతంత్య్రం రాక ముందు హైదరాబాద్ రాష్ట్రం బ్రిటీష్ పాలించే భారత్ భూభాగంలో ఉండేది. 3 భాషా ప్రాంతాలతో కలిపిన రాచరిక రాష్ట్రంగా ఉండేది. వారిలో తెలుగు భాష మాట్లాడే తెలంగాణ ప్రస్తుత హైదరాబాద్‌తో సహా), మరాఠీ భాష మాట్లాడే మరాఠ్వాడా, కన్నడ భాష మాట్లాడే కొద్ది ప్రాంతం. అనగా అప్పటి హైదరాబాద్ రాష్ట్రంలో 8 తెలంగాణ జిల్లాలు, 5 మహారాష్ట్ర జిల్లాలు, 3 కర్ణాటక జిల్లాలు కలిసి ఉండేవి.

కుతుబ్ షాహీ వంశస్థుడైన ‘మహమ్మద్ కులీకుతుబ్ షా’ మూసీ నది ఒడ్డున హైదరాబాదును 1590 దశకంలో నిర్మించాడు. గోల్కొండలో వచ్చిన నీటి సమస్యకు పరిష్కారంగా తమ పరిపాలనను ఇక్కడకు మార్చారని చెబుతారు. కుతుబ్ షాహీ వంశస్థులు ఇక్కడి నుండే ఇప్పడున్న తెలంగాణ, ఆంధ్రప్రదేశ్,మహారాష్ట్ర, కర్ణాటకలలోని కొన్ని ప్రాంతాలను పాలించారు.

400 ఏళ్లకు పైగా సుదీర్ఘమైన చరిత్ర ఉన్న అతి గొప్ప నగరం ‘హైదరాబాద్’. నవాబులు నిర్మించిన హైదరాబాద్ మొదట చించలం పేరుతో ఉండే చిన్న గ్రామం. అయితే 1590లో కలరా వచ్చి గోల్కొండ నగరం మొత్తం అతలాకుతలమయింది. దాంతో అప్పటి నవాబ్ కులీ కుతుబ్ షా గోల్కొండ నుంచి చించలంకి వచ్చి తాత్కాలికంగా ఇక్కడే బస చేశాడు. కలరా వ్యాధి తగ్గిన అనంతరం గోల్కొండ వెళ్ళేప్పుడు తను బస చేసినందుకు గుర్తుగా 1591లో చార్మినార్ ను నిర్మించాడు.
1594లో 4వ ఖలీఫా హజరత్, హైదర్ అలీ పేరిట ఈ నగరంను నిర్మించాడు. ఉద్యాన వనాలు, సరస్సులకు హైదరాబాద్ పేరు గాంచింది. భారతదేశానికి స్వాతంత్య్రం రాకముందే హైదరాబాద్ అన్ని రకాల వసతులు ఉన్న రాజదాని. అప్పటికే శాసనసభా భవనం, ఉస్మానియా ఆస్పత్రి, హైకోర్టు, ఉస్మానియా విశ్వవిద్యాలయం, విమానాశ్రయం వంటి అనేక సౌకర్యాలు ఏర్పడి ఉన్నాయి.

రాజ్యాంగ నిర్మాత అయిన డాక్టర్ అంబేద్కర్ పార్లమెంటు భవనం తప్ప దేశరాజధానికి కావలసిన అన్ని అర్హతలూ హైదరాబాద్‌కు ఉన్నాయని అన్నారు. అందువల్ల ఏడాదికి ఒకసారి అయినా హైదరాబాద్ లో పార్లమెంటు సమావేశాలు నిర్వహించాలని అంబేద్కర్ సూచించారు. ఆయన సూచన మేరకు రాష్ట్రపతి నిలయాన్ని బొల్లారంలో ఏర్పాటు చేశారు. 1956లో హైదరాబాద్ ఇండియాలో 5వ పెద్ద నగరంగా ఉండేది.
1956లో భాషల వారీగా రాష్ట్రాల పునర్వ్యవస్థీకరణ జరిగినపుడు, హైదరాబాద్ రాష్ట్రంలోని ప్రజలు మాట్లాడే భాషల వారిగా, తెలుగు ప్రాంతం తెలంగాణను ఆంధ్ర ప్రదేశ్‌లో, మరాఠీ ప్రాంతం మహారాష్ట్రలో, కన్నడ మాట్లాడే ప్రాంతం కర్ణాటకలో విలీనం చేశారు.అల ఆంధ్రప్రదేశ్ రాజధానిగా హైదరబాద్ ను ఏర్పాటు చేశారు. తెలంగాణ రాష్ట్రం ఏర్పడిన తరువాత రాష్ట్ర రాజధానిగా మారింది. అయితే భారత దేశానికి స్వాతంత్య్రం రాక ముందు హైదరాబాద్ రాష్ట్రం సకల వసతులతో ఉండేది.అప్పటి హైదరాబాద్ యొక్క అరుదైన ఫోటోలను ఇప్పుడు చూద్దాం..

#1 రాష్ట్ర అశ్విక దళం హైదరాబాద్ వీధుల గుండా “లాంగర్” ఊరేగింపును (1948)hyderabad-before-independence rare photos

#2 ఫలక్‌నుమా ప్యాలెస్, హైదరాబాద్
#3 హైదరాబాద్ నగరానికి ప్రవేశ వంతెన..
#4 నిజాం వ్యక్తిగత ఏనుగు#5 మీర్ ఉస్మాన్ అలీ ఖాన్, రాయల్ బాక్స్ నుండి (బహుశా పరేడ్ గ్రౌండ్స్ సికింద్రాబాద్‌లో) దళాల కవాతు
#6 నిజాం గార్డ్ కట్టు#7 నిజాం చౌమహేల ప్యాలెస్#8 చౌమహేల ప్యాలెస్ యొక్క డ్రాయింగ్ రూమ్..

#9 చౌమహేల ప్యాలెస్ లోపలి భాగం#10 మక్కా మసీదు#11 మోజమ్ జాహీ మార్కెట్‌ప్లేస్ భవనం#12 హైదరాబాద్ రాజకుటుంబానికి చెందిన ప్యాలెస్#13 చార్మినార్:

#14 అఫ్జల్గంజ్ లో ఉన్న సెంట్రల్ లైబ్రరీ

pictures of hyderabad before independence

#15 హైదరాబాద్ లో ఉన్న కొన్ని మిల్స్

pictures of hyderabad before independence

Filmy AddaMovie Reviews

డర్టీ ఫెలో రివ్యూ

by Sainath Gopi
written by Sainath Gopi

టైటిల్‌: డర్టీ ఫెలొ
నటీనటులు: శాంతిచంద్ర, దీపిక సింగ్, సిమ్రిత్, నికిష రంగ్ , సత్యప్రకాష్,నాగి నిడు, ఎఫ్ ఎమ్ బాబాయ్, కుమరన్, జయశ్రీ, సురేంద్ర తదితరులు
నిర్మాణ సంస్థ: రాజ్ ఇండియా ఎంటర్టైన్మెంట్స్
నిర్మాత: జి.యస్. బాబు
దర్శకత్వం: ఆడారి మూర్తి సాయి
సంగీతం: డాక్టర్‌. సతీష్‌ కుమార్‌.పి.
సినిమాటోగ్రఫీ: రామకృష్ణ. యస్‌.
ఎడిటర్‌ : జేపీ
విడుదల తేది: మే 24, 2024

dirty fellow review

ఇండియన్ నేవీలో పనిచేసిన సోల్జర్ శాంతి చంద్ర హీరోగా నటించిన సినిమా ‘డర్టీ ఫెలో’. ఇప్పటికే ఈ చిత్రం నుంచి విడుదలైన టీజర్‌, ట్రైలర్‌కు ప్రేక్షకుల నుంచి మంచి స్పందన లభించింది. దానికి తోడు ప్రమోషన్స్‌ కూడా గట్టిగా చేయడంతో ‘డర్టీ ఫెలో’పై హైప్‌ క్రియేట్‌ అయింది. మంచి అంచనాలతో నేడు(మే 24) ప్రేక్షకుల ముందుకు వచ్చిన ఈ చిత్రం ఎలా ఉందో రివ్యూలో చూద్దాం.

కథ
మాఫియా డాన్‌ జేపీ (నాగినీడు), శంకర్ నారాయణ (సత్య ప్రకాష్) ఇద్దరు మంచి స్నేహితులు. ఇద్దరు కలిసే సెటిల్‌మెంట్స్‌ చేస్తుంటారు. అయితే జేపీని తప్పిస్తే తనే మాఫీయా డాన్‌గా ఉండొచ్చని శంకర్‌ నారాయణ కుట్ర చేస్తాడు. జేపీని పోలీసులకు పట్టించే ప్రయత్నం చేస్తాడు. వారి నుంచి తప్పించుకునే క్రమంలో శంకర్‌ నారాయణ కొడుకు చనిపోతాడు. దీంతో శంకర్‌ నారాయణ జేపీపై పగ పెంచుకుంటాడు. ఎప్పటికైనా నీ కొడుకు శత్రు అలియాస్‌ డర్టీ ఫెలో(శాంతి చంద్ర)ని తానే చంపుతానని జేపీకి వార్నింగ్‌ ఇస్తాడు. కట్‌ చేస్తే.. సిద్దు (శాంతి చంద్ర) ఓ గూడెంలోని పూజరి ఇంట్లో ఉంటూ.. అక్కడి పిల్లలకు చదువు చెబుతుంటాడు.
పూజారి కూతురు రాగ (దీపికా సింగ్) సిద్దుని చూసి ఇష్టపడుతుంది. అదే గ్రామానికి సేంద్రియ వ్యవసాయ పరిశోధన మీద చిత్ర (సిమ్రితి) వస్తుంది. ఆ గూడెం, ఆ అటవీ ప్రాంతాన్ని శంకర్ నారాయణ మనిషి పోతురాజు తన గుప్పిట్లో పెట్టుకుని ఉంటాడు. అలాంటి పోతురాజుని సిద్దు హతమార్చేస్తాడు. దీంతో సిద్దు, డర్టీ ఫెల్లో ఒక్కరే అని శంకర్ నారాయణ తెలుసుకుంటాడు? మరో వైపు సిద్దుని చిత్ర షూట్ చేస్తుంది? ఆ తరువాత ఏం జరుగుతుంది? అసలు డర్టీ ఫెల్లో, సిద్దు ఒకరేనా? చిత్ర ఎందుకు షూట్ చేసింది? శంకర్ నారాయణ చివరకు ఏం చేస్తాడు? అన్నది తెరపై చూడాల్సిందే.

విశ్లేషణ

మాఫీయా నేపథ్యంలో ఇప్పటికే తెలుగులో చాలా సినిమాలు వచ్చాయి. డర్టీ ఫెలో కూడా అలాంటి సినిమానే. కానీ ఇందులో ఫ్యామిలీ ఎమోషన్స్‌ కూడా యాడ్‌ చేయడంతో కాస్త కొత్తగా అనిపిస్తుంది. సినిమాలో వచ్చే కొన్ని ట్విస్టులు కూడా ఆకట్టుకుంటాయి. ఎక్కడా ల్యాగ్ ఉండదు. మూవీ బిగినింగ్ నుంచి అలా వెళ్తూ ఉంటుంది. యాక్షన్‌, ఎమోషన్స్‌, రొమాన్స్‌తో ఫస్టాఫ్‌లో కథనం చాలా ఫాస్ట్‌గా సాగుతుంది. హీరో ఎంట్రీ.. టైటిల్‌ సాంగ్‌… హీరోయిన్లతో రొమాన్స్‌ అన్ని యూత్‌ని ఆకట్టుకుంటాయి. సినిమా ప్రారంభంలోనే డర్టీఫెలోని పరిచయం చేసి.. ఆ తర్వాత సిద్దు పాత్ర చుట్టు కథను నడించాడు దర్శకుడు. దీంతో అసలు సిద్దు, డర్టీఫెలో ఒకరేనా కాదా? అనే క్యూరియాసిటి ప్రేక్షకుల్లో కలిగేలా చేశాడు. అలాగే చిత్ర పాత్రను కూడా విభిన్నంగా తీర్చి దిద్దాడు. ఇంటర్వెల్‌ ముందు ఆమె పాత్ర ఇచ్చే ట్విస్ట్‌ ఆకట్టుకుంటుంది. ఇక సెకండాఫ్‌లో మాఫియా డాన్‌ ‘డర్టిఫెలో’ చుట్టే కథనం సాగుతుంది. స్విమింగ్‌ ఫూల్‌ సీన్‌ అదిరిపోతుంది. క్లైమాక్స్‌లో జేపీ ఇచ్చే ట్విస్ట్‌ ఆకట్టుకుంటుంది. మాఫియా నేపథ్యంలో వచ్చే సినిమాల్లో డర్టీఫెలో ఓ డిఫరెంట్‌ మూవీ. స్క్రీన్‌ప్లేని ఇంకాస్త బలంగా రాసుకొని ఉంటే సినిమా ఫలితం మరోలా ఉండేది.

నటీనటులు
సిద్దు, డర్టీ ఫెలొ పాత్రల్లో శాంతి చంద్ర చక్కగా నటించాడు. రెండు కారెక్టర్ల మధ్య వేరియేషన్స్‌ను చూపించాడు. యాక్షన్, రొమాన్స్ ఇలా అన్ని యాంగిల్స్‌లోనూ అదరగొట్టేశాడు. స్టైల్‌, యాక్షన్‌ తో మాస్‌ ఆడియన్స్‌ మెప్పించాడు. ఇక నాగి నీడు చాలా రోజుల తరువాత అందరినీ లెంగ్తీ పాత్రతో మెప్పించాడు. సత్య ప్రకాష్ విలనిజం చాలా రోజులకు మళ్లీ తెరపై కనిపించింది. పోతురాజు పాత్ర బాగుంది. దీపిక సింగ్, సిమ్రిత్, నికిష రంగ్ ముగ్గురూ కూడా తెరపై అందంగా కనిపించారు. ఈ మూడు పాత్రలకు మంచి ప్రాధాన్యం లభించింది. అన్ని పాత్రలకు ప్రాముఖ్యత ఉంది. అందరూ తమ పరిధి మేరకు నటించారు.

dirty fellow review

సాంకేతికపరంగా సినిమా పర్వాలేదు. డాక్టర్‌. సతీష్‌ కుమార్‌.పి సంగీతం బాగుంది. టైటిల్‌ సాంగ్‌ సినిమాకే హైలెట్‌. తనదైన బీజీఎంతో కొన్ని సీన్లకి ప్రాణం పోశాడు సతీష్‌ కుమార్‌. సినిమాటోగ్రఫీ బాగుంది. నిర్మాణ విలువలు చాలా బాగున్నాయి. సినిమా ఎక్కువగా ఔట్‌డోర్స్‌లోనే షూట్‌ చేశారు. నిర్మాతలు ఖర్చు విషయంలో ఎక్కడా రాజీ పడకుండా సినిమాను చాలా రిచ్‌గా తీర్చిదిద్దారు.

రేటింగ్‌ 3/5

Filmy Adda

నటి హేమ లవ్ స్టోరీ తెలుసా..? వీరి ప్రేమ కథ ఎలా మొదలయ్యింది అంటే..?

by Sainath Gopi
written by Sainath Gopi

ఎన్నో సంవత్సరాల నుండి సినీ ఇండస్ట్రీలో ఉండి, వివిధ రకమైన పాత్రలు పోషించి, మంచి నటిగా గుర్తింపు తెచ్చుకున్నారు హేమ. హేమ అసలు పేరు కృష్ణవేణి. హేమ తూర్పు గోదావరి జిల్లా రాజోలుకి చెందినవారు. ఏడవ తరగతి వరకు చదువుకున్న హేమ తర్వాత చదువులు ఆపేశారు. చిన్నప్పటి నుండి కూడా హేమాకి నటన అంటే ఆసక్తిగా ఉండేది. 1989 లో వచ్చిన చిన్నారి స్నేహం సినిమాలో హేమ మొదటిసారిగా నటించారు. ఆ తర్వాత కొడుకు దిద్దిన కాపురం, స్వాతి చినుకులు, ముద్దుల మావయ్య, బాలగోపాలుడు, పల్నాటి రుద్రయ్య, ఇలా చాలా సినిమాల్లో నటించారు. ఈ సినిమాలన్నిటిలో కూడా హేమ చిన్న చిన్న పాత్రలు పోషిస్తూ వచ్చారు.

hema love story

హేమకి గుర్తింపు తీసుకొచ్చిన సినిమా క్షణక్షణం. రామ్ గోపాల్ వర్మ దర్శకత్వం వహించిన ఈ సినిమాలో హేమ శ్రీదేవికి స్నేహితురాలుగా నటించారు. ఈ సినిమాతో హేమకి గుర్తింపు లభించింది. ఆ తర్వాత నుండి సినిమాలు చేస్తూనే ఉన్నారు. హేమ సీరియస్ పాత్రలతో పాటు, కామెడీ పాత్రలు కూడా బాగా చేస్తారు. హేమ భర్త పేరు సయ్యద్ జాన్ అహ్మద్. సయ్యద్ జాన్ అహ్మద్ తండ్రి ఎస్ డి లాల్ గారు అన్నదమ్ముల అనుబంధం, నకిలీ మనిషి వంటి సినిమాలకి దర్శకత్వం వహించారు. సయ్యద్ జాన్ అహ్మద్ కెమెరామెన్ గా చేశారు. అంతే కాకుండా డైరెక్టర్ గా కూడా గుర్తింపు పొందారు. సయ్యద్ జాన్ అహ్మద్ ఒకసారి హేమతో మాట్లాడుతున్నప్పుడు తనని పెళ్లి చేసుకోమని అడిగారు. ఆ తర్వాత వీరిద్దరూ పెళ్లి చేసుకున్నారు.

వీరికి ఒక అమ్మాయి ఉంది. ఆమె పేరు ఈషా. పెళ్లయ్యాక కొన్ని సంవత్సరాలు పాటు హేమ సినిమాలకు దూరంగా ఉన్నారు. ఆ తర్వాత మురారి సినిమాతో మళ్ళీ సెకండ్ ఇన్నింగ్స్ మొదలుపెట్టారు. నువ్వు నాకు నచ్చావ్ సినిమా హేమకి గుర్తింపు తీసుకొచ్చింది. ఈ సినిమాలో హేమ ఐదు నెలల గర్భవతిగా ఉన్నారు. అయినా కూడా ఆ సమయంలో నటించారు. ఆ తర్వాత నటించిన సినిమాలన్నీ కూడా హేమకి గుర్తింపు తెచ్చాయి. ఎక్కువగా కామెడీ రోల్స్ లో హేమ చేసేవారు. కొంచెం ఇష్టం కొంచెం కష్టం సినిమాలో హేమ నటనకి నంది అవార్డు అందుకున్నారు.

ఒక సందర్భంలో హేమ తన కుటుంబం గురించి మాట్లాడుతూ, తన భర్తకి చాలా సిగ్గు ఎక్కువ అని అందుకే ఇంటర్వ్యూలకి రారు అని చెప్పారు. కూతురి గురించి కూడా మాట్లాడుతూ, తన కూతురికి సినిమాలు అంటే ఆసక్తి లేదు అని అన్నారు. అందుకే కెమెరా ముందుకి ఎక్కువగా తీసుకువెళ్లట్లేదు అని అన్నారు. ఒకవేళ, ఆ అమ్మాయి హేమ కూతురు అని తెలిస్తే ఆ తర్వాత తను స్వేచ్ఛగా బయటికి వెళ్లలేదు అని, అందుకే పెద్దయ్యాక హేమ కూతురు ఫోటోలు కూడా ఎక్కడ పోస్ట్ చేయట్లేదు అని చెప్పారు.

Filmy Adda

మొత్తం సినిమా ఒక ఎత్తు… క్లైమాక్స్ మరొక ఎత్తు..! ఈ సినిమా చూశారా..?

by Sainath Gopi
written by Sainath Gopi

క్రైమ్, సస్పెన్స్ థ్రిల్లర్ సినిమాలను తీయడంలో మలయాళం దర్శకులు ముందు ఉంటారనే విషయం తెలిసిందే. మలయాళంలో రిలీజ్ అయ్యి, మంచి టాక్ తెచ్చుకున్న సినిమా ‘ఇరట్టా’. ఈ సినిమాలో హీరోయిన్ అంజలి నటించింది.

ఓటీటీలు అందుబాటులోకి వచ్చిన తరువాత ఇతర భాషల్లో మంచి టాక్ ఉన్న సినిమాలు ఎప్పుడు ఓటీటీలో రిలీజ్ అవుతాయా ? అని ఆడియెన్స్ ఎదురుచూస్తున్నారు. ఇరట్టా మూవీ ప్రస్తుతం ప్రముఖ ఓటీటీ ప్లాట్ ఫామ్ నెట్‌ఫ్లిక్స్‌లో స్ట్రీమింగ్ అవుతోంది. ఈ సినిమా ఎలా ఉందో ఇప్పుడు చూద్దాం..
ప్రముఖ మలయాళ నటుడు హీరోగా నటించిన సినిమా ‘ఇరట్టా’. థియేటర్లలో రిలీజ్ అయ్యి సూపర్ హిట్ అయిన ఈ మూవీ నెట్‌ఫ్లిక్స్‌లో స్ట్రీమింగ్ అవుతోంది. హీరోయిన్ అంజలి కీలక పాత్రలో నటించింది. కథ విషయానికి వస్తే, కేరళలో  వాగమన్ అనే ఊరిలో ఉన్న పోలీస్ స్టేషన్‌లో జరిగే ఒక కార్యక్రమానికి మినిస్టర్ అతిథిగా వస్తుండడంతో పోలీసులు ఏర్పాట్లు చేస్తుంటారు. ఇంతలో తుపాకీ పేలిన సౌండ్ రావడంతో అందరూ అక్కడికి వెళ్ళి చూస్తారు. అక్కడ ఏఎస్ఐ వినోద్ (జోజు జార్జి) చనిపోయి ఉంటాడు.
ఎవరు వినోద్ చంపారో తెలియదు. దాంతో పోలీస్ స్టేషన్ ను లాక్ చేసి, అక్కడ ఉన్నవారిని బయటకు వెళ్లనియకుండా చేసి, విచారిస్తూ ఉంటారు. వినోద్ చనిపోయిన సంగతి వినోద్ కవల సోదరుడు అయిన డీఎస్పీ ప్రమోద్‌ (జోజు జార్జి సెకండ్ రోల్) కు తెలుస్తుంది. వెంటనేప్రమోద్ అక్కడికి చేరుకుంటాడు? ఇంతకీ వినోద్‌ను చంపింది ఎవరు? ప్రమోద్, వినోద్ లు మధ్య గొడవ ఏంటి ? మాలిని (అంజలి) ఎవరు? అనేది మిగతా కథ.
రోజు పేపర్ లో కానీ, న్యూస్ లో కానీ కొన్ని డిస్టర్బింగ్ ఇన్సిడెంట్స్ చూస్తుంటాము. దర్శకుడు రోహిత్ ఎంజీ కృష్ణన్ అలాంటి వార్తలలో ఒక పాయింట్ తీసుకుని, ఆ పాయింట్ చుట్టూ క్రైమ్ థ్రిల్లర్ ను రాసుకున్నారు. పోలీస్ స్టేష‌న్‌లో వినోద్ చ‌నిపోయే సీన్‌తోనే మూవీ  ప్రారంభం అవుతుంది. ఆ త‌ర్వాత పోలీసులు అనుమానితులను విచారించగా, ఒక్కొక్కొరు వినోద్‌తో వారికున్న గొడ‌వ‌ల‌ గురించి చెప్ప‌డం. ఫ్లాష్‌బ్యాక్ తో వినోద్ హ‌త్య‌ వెనుక కార‌ణాలను రివీల్ చేయడం ఆకట్టుకుంటుంది. Iratta-Movie-Reviewఆఖరికి వినోద్‌ను ప్ర‌మోద్ హత్య చేసినట్లుగా అనుమానించడంతో ప్రమోద్ ఆ కేసును ఛాలెంజింగ్‌గా తీసుకుంటాడు. ప్రమోద్ మిస్ట‌రీని చేధించే సన్నివేశాలను డైరెక్టర్ ఊహ‌ల‌కు అందని విధంగా రాసుకున్నారు. జోజో జార్జ్‌ ఈ మూవీని నిర్మించారు. డ్యూయ‌ల్‌లో రోల్‌లో  జోజు జార్జ్ న‌ట విశ్వ‌రూపం చూపించాడు. అంజలికి ఒక్క డైలాగ్ ఉండ‌దు. మిగిలినవారు తమ పాత్రకు తగ్గట్టు నటించారు. రెగ్యుల‌ర్ గా వచ్చే క్రైమ్ థ్రిల్ల‌ర్ చిత్రాలతో పోలిస్తే డిఫరెంట్ ఎక్స్‌పీరియ‌న్స్‌ను అందించే సినిమా. క్లైమ్యాక్స్ లో ట్విస్ట్ మాత్రం ఆడియెన్స్ మ‌న‌సుల నుండి సుల‌భంగా పోదు.

Also Read : ప్రభాస్‌ “కల్కి 2898 AD” గ్లింప్స్‌ లో కనిపించిన… ఈ నటుడు ఎవరో తెలుసా..?

Filmy Adda

కల్కి 2898 ఏడీ “బుజ్జి” ఇంట్రడక్షన్ వీడియోలో… ప్రభాస్ తో పాటు కనిపించిన ఈ నటుడు ఎవరో తెలుసా..?

by Sainath Gopi
written by Sainath Gopi

ప్రభాస్ హీరోగా నటిస్తున్న కల్కి 2898 ఏడీ నుండి బుజ్జి ఇంట్రడక్షన్ వీడియో విడుదల చేశారు. బుజ్జి ఈ సినిమాలో ప్రభాస్ పోషిస్తున్న భైరవ పాత్రకి ఫ్రెండ్ అని తెలుస్తోంది. బుజ్జి అనేది ఒక చిన్న రోబోట్ లాగా కనిపిస్తోంది. ఈ పాత్రకి హీరోయిన్ కీర్తి సురేష్ డబ్బింగ్ చెప్పారు. నిన్న ఇంట్రడ్యూసింగ్ బుజ్జి అని ఒక ఈవెంట్ పెట్టి అందులో బుజ్జి తో తయారు చేసిన కార్ ని స్టేజ్ మీదకి తీసుకొచ్చారు. ఈ కార్ ని ప్రభాస్ ఈవెంట్ లో డ్రైవ్ చేస్తూ తీసుకొచ్చారు. అంతే కాకుండా, ఇంట్రడ్యూసింగ్ బుజ్జి అని ఒక చిన్న వీడియో కూడా విడుదల చేశారు. ఇందులో అన్ని భాషలు కలిపి ఒకే వీడియో విడుదల చేశారు.

actor with prabhas in kalki 2898 ad bujji introduction

అన్ని భాషల్లో కూడా కీర్తి సురేష్ డబ్బింగ్ చెప్పుకున్నారు. అయితే ఈ వీడియోలో ప్రభాస్ తో పాటు మరొక నటుడు కూడా కనిపించారు. వీడియో స్టార్టింగ్ లోనే ఇతను కనిపిస్తారు. ఇతను గతంలో కొన్ని సినిమాల్లో కూడా నటించారు. ఈ నటుడి పేరు హర్షిత్ రెడ్డి. హర్షిత్ రెడ్డి షార్ట్ ఫిలిమ్స్, వెబ్ సిరీస్ లో నటించారు. ప్రియదర్శి హీరోగా నటించిన లూజర్ వెబ్ సిరీస్ లో హర్షిత్ రెడ్డి నటించారు. ఆ తర్వాత వైజయంతి వారు నిర్మించిన మెయిల్ వెబ్ సిరీస్ లో కూడా నటించారు. ఇవి మాత్రమే కాకుండా తరగతి గది దాటి, అర్థమయ్యిందా అరుణ్ కుమార్ సిరీస్ లో కూడా హర్షిత్ రెడ్డి నటించారు.

ఇవన్నీ కూడా హర్షిత్ రెడ్డికి చాలా మంచి పేరు తీసుకొచ్చాయి. ఇప్పుడు కల్కి సినిమాలో హర్షిత్ కనిపిస్తున్నారు. ఈ సినిమాలో ఇంకా చాలా మంది పెద్ద పెద్ద నటీనటులు కూడా ఉన్నారు. ప్రభాస్ బుజ్జి ఇంట్రడక్షన్ ఈవెంట్ లో అందరి గురించి మాట్లాడుతూ అందరికి థాంక్స్ చెప్పారు. ముఖ్యంగా కమల్ హాసన్ ఈ సినిమాలో నటించినందుకు ఆయనకి చాలా సార్లు థాంక్స్ చెప్పారు. చిన్నప్పటి నుంచి కూడా తాను కమల్ హాసన్ అభిమానిని అని అన్నారు. కమల్ హాసన్ సాగర సంగమం సినిమాలో వేసుకున్నట్టు తనకి కూడా డ్రెస్ కుట్టించమని ఇంట్లో వాళ్ళని చాలా సార్లు అడిగేవారు అని ప్రభాస్ చెప్పారు. సినిమా బృందం ప్రమోషన్స్ చాలా డిఫరెంట్ గా డిజైన్ చేశారు.

watch video :

Newer Posts
Older Posts