Sainath Gopi

సామెతలు ఊరికే పుట్టవు.. ఎనకెటికి ఎవడో తాడిచెట్టు ఎందుకు ఎక్కావురా అంటే దూడని వెతకడానికి అని చెప్పాడట.. ఈ లాక్ డౌన్ సంధర్బంలో రోడ్లపైకి వస్తున్న కొందరు చెప్పే రీజన్స్ చూస్తుంటే ఆ సామెతలన్ని నిజమే అనిపిస్తుంది.వాటికి కొత్త వెర్షన్స్ రాయాలని కూడా అనిపిస్తుంది.  కదిలేకాళ్లు వాగే నోళ్లు ఊరికే ఉండవని పెద్దలంటుంటారు.అట్లా ఈ లాక్ డౌన్ దెబ్బకి ఒక్కసారిగా ఇంట్లోనే ఉండి బయటికి కాళ్లు కదపకుండా ఉండడమంటే ఊపిరాడక అల్లాడిపోతున్నట్టుగా చాలామంది ఫీలవుతున్నారు. లాక్ డౌన్ సమయంలో బయటకి వచ్చిన ఈ యువతి చెప్పిన కారణం వింటే నవ్వు ఆపుకోలేరు. వడియాలు అని కారణం చెప్పారు. ఆ వీడియో ఇప్పుడు వైరల్ గా మారింది.

watch video:

శ్రీనగర్ కాలనీ నుండి చింతల్ బస్తీకి గోధుమ పిండి కోసం వచ్చాడట ఒక మహానుభావుడు, మీ ఏరియాలో గోధుమ పిండి లేదా అంటే ఆశీర్వాద్ పిండి లేదూ అని సమాధానం.. చేతికి ప్ల కార్డు ఇచ్చి ఎండలో నిల్చొబెట్టి సన్మానం చేశారు పోలీసులు . మరొకడు పాలకూర కోసం బయటికి వచ్చాడట.. ట్విస్టు ఏంటంటే వాళ్ల పిల్లలు పాలకూరే తింటామన్నారట.. దీనికి రిపోర్టర్ అడిగిన క్వశ్చన్ హైలైట్ అసలు పిల్లలు పాలడుగుతారు కాని, పాలకూర అడుగుతారా ఆ ప్రశ్నలో కూడా అర్దముంది కదండీ..

మరో మహాతల్లి మందు దొరక్క ఇబ్బంది పడుతున్నామని అంటే, ఇంకొకడు రోడ్ల మీద జనం ఉన్నారో లేదో చెక్ చేయడానికి వచ్చాడట,ఒకరు ఎటిఎం కోసం వచ్చామని  పోలీసులకి, కూలర్ పాడైంది వైర్ కోసం వెళ్తున్నా అని పోలీసులకి రెండు వేరు వేరు కారణాలు చెప్పి దెబ్బకి బుక్కయిపోయాడు. ఇంక టిక్ టాక్ పిచ్చోళ్ల సంగతి చెప్పక్కర్లేదు, టిక్ టాక్ చేయడానికి రోడ్లెక్కి దెబ్బలు కూడా తిన్నారు.

ఇన్నిన్ని సిల్లీ రీజన్స్ చెప్తుంటే అసలు అత్యవసర పనులపై  బయటికి వచ్చేవారిని గుర్తించడం ఎలా? ముందు నుండి ప్రభుత్వం చెప్తూనే ఉంది అత్యవసరల పనులు, నిత్యావసర సరుకులకి బయటికి రావొచ్చు అది కూడా ఇంటికొకరు, ఉదయం ఏడు నుండి సాయంత్రం ఆరు గంటలవరకు అని.. కాని మనోళ్లు జేబులో ఒక ట్యాబ్లెట్ పెట్టుకుని ఊరంతా బలాదూర్ తిరగడానికి బయల్దేరతారు . ఎక్కడ పోలీసులు ఆపినా మెడికల్ షాప్ కి ఇది ఒక రీజన్ చాలా సింపుల్ గా చెప్పి తప్పించుకుంటున్నారు.

ఇప్పుడు కొత్తగా బ్యాంక్ పనులున్నాయని మరొక కొత్త సాకు రెడీగా పెట్టుకున్నారు. ఇలాంటి పిచ్చి రీజన్స్ చెప్పేవారిని లాగి పెట్టి కొట్టాలని మీకే అనిపిస్తుందా లేదా ? ఒక్కసారి ఇమాజిన్ చేయండి ఒకవైపు ఎండలు  మండిపోతున్నయి, మరోవైపు కరోనా కనికరం లేకుండా అందరిని టచ్ చేస్తుంది.. ఆ ఎండల్లో డ్యూటీలు చేస్తూ ,కుటుంబాలకు దూరంగా ఉండి పోలీసులు నానా పాట్లు పడుతుంటే , మనం ఇలాంటి పిచ్చి పిచ్చి కారణాలతో బయటికి వస్తే ఎంత మందినని వదిలేస్తారు .. కేవలం మన ఒక్కరికోసం కాదు కదా, నువ్ నీ ఆనందం చూస్కుంటే ఇబ్బంది పడేది నీ కుటుంబమే జస్ట్ ఈ ఒక్కటి మైండ్లో పెట్టుకోండి చాలూ.

watch video:

also watch:

ప్రస్తుతం కరోనా లాక్ డౌన్ నేపథ్యంలో ఆన్లైన్ కోర్సులకు డిమాండ్ పెరుగుతుంది. బయటకి ఎక్కడికి వెళ్లలేని పక్షములో ఇంట్లో ఉంటూ సమయం వృధా చేయడంకంటే ఇలా ఆన్లైన్ లో కోర్స్ చేస్తే కెరీర్ లో ఎంతో కొంత ఉపయోగపడుతుంది అని చాలామంది అభిప్రాయపడుతున్నారు. ప్రస్తుతం మన దేశంలో ఉన్న నిరుద్యోగ సమస్య గురించి కొత్తగా చెప్పవలసిన పని లేదు అనుకుంట. అందులోను కరోనా మహమ్మారి కారణంగా ప్రపంచ వ్యాప్తంగా ఆర్ధిక వ్యవస్థ అతలాకుతలమువుతుంది…కొన్ని లక్షల మంది ఉద్యోగాలు కోల్పోతారు అంటూ నిపుణులు అంచనా వేస్తున్నారు. ఈ క్రమంలో మనం నేర్చుకునే ఆన్లైన్ కోర్సులు ఎంతో సహాయపడతాయి.

అయితే ప్రస్తుతం ఆన్లైన్ లో మనకి ఎన్నో కోర్సులు లభిస్తున్నాయి. అందులో డిజిటల్ మార్కెటింగ్ ఒకటి. ఇంటి నుండే పని చేసుకుంటూ డిజిటల్ మార్కెటింగ్ ద్వారా డబ్బులు సంపాదించేవారు ఎంతో మంది ఉన్నారు. అయితే ఈ డిజిటల్ మార్కెటింగ్ లో అనేవి ముఖ్యమైనవి. ప్రస్తుతం డిజిటల్ మార్కెటింగ్ కి చాలా డిమాండ్ ఉంది. కాకపోతే సరైన కోర్స్ ఎక్కడ లభిస్తుంది అని చాలా మందికి డౌట్ ఉంటుంది.

Also Read: How to Download Aarogya Setu App on Android / iOS

డిజిటల్ మార్కెటింగ్ లో గూగుల్ సర్టిఫికేషన్ అనేది అత్యవసరమైనది. ఆ సర్టిఫికెట్ రావాలి అంటే పరీక్ష రాయాల్సి ఉంటుంది. ఆ పరీక్షలో అడిగే మాదిరి ప్రశ్నలను ఎన్నో వెబ్సైట్ లో చూడచ్చు. అందులో gcertificationcourse.com ఒకటి. ఆ సైట్ లో మనకి కావాల్సిన ప్రశ్నలు సమాధానాలు లభిస్తాయి. డిజిటల్ మార్కెటింగ్ కి సంభందించిన మరిన్ని కోర్సులు లభిస్తాయి. మీకు గనక ఆసక్తి ఉన్నట్లయితే ఓ ట్రయల్ వేయండి.

కరోనా మహమ్మారి రోజురోజుకి విజృంభిస్తుంది. వ్యాధి వ్యాప్తిని అరికట్టే క్రమంలో దేశవ్యాప్తంగా లాక్ డౌన్ ప్రకటించిన విషయం తెలిసిందే. ఇందులో భాగంగా ప్రజలకు అత్యవసర సందర్భాలలో మినహాయించి మిగిలిన ఏ ఇతర సమయాల్లో ఇంటి నుంచి బయటికి రాకూడదని ప్రభుత్వ అధికారులు ఆదేశాలు జారీ చేశారు.ఈ క్రమంలో మద్యానికి అలవాటైన మందుబాబులు అనారోగ్యానికి గురవుతున్నారు. కొందరు మందుబాబులు మద్యం లభించడం లేదని పిచ్చిగా ప్రవర్తిస్తున్నారు.

కర్ణాటక, కేరళ రాష్ట్రాల్లో ఈ ఘటనలు ఎక్కువగా చోటుచేసుకున్నాయి. దీంతో అక్కడి ప్రభుత్వాలు మద్యం అమ్మకాల అంశంపై ఆలోచిస్తున్నట్లు పలు మీడియా చానెల్స్ లో చెప్పారు. ఈ పరిస్ధితుల్లో ఏప్రిల్ 14వతేదీ తర్వాత కరోనా లాక్‌డౌన్‌ను పొడిగిస్తే ప్రతీ రోజు ఉదయం 10 నుంచి ఒంటిగంట వరకు రోజుకు 3 గంటల పాటు మద్యం విక్రయించాలని కర్ణాటక రాష్ట్ర ఎక్సైజ్ శాఖ అధికారులు ప్రతిపాదించారు అంట. దీనిపై కర్ణాటక సీఎం అధికారికంగా ఇంకా ప్రకటించలేదు.

ఇది ఇలా ఉంటే..మేఘాల‌యా సర్కార్ ఓ కీలక నిర్ణయం తీసుకుంది. సోమవారం(ఏప్రిల్-13,2020)నుంచి శుక్రవారం(ఏప్రిల్-17,2020) రాష్ట్రంలో మద్యం షాపులు తెరవనున్నట్లు ప్రభుత్వం ప్రకటించింది. ఈ ఆరు రోజులు ఉదయం 9గంటల నుంచి సాయంత్రం 4గంటల వరకు మద్యం షాపులు తెరిచి ఉండనున్నట్లు మేఘాలయ ప్రభుత్వం ఓ ప్రకటనలో తెలిపింది. కాకపోతే షరతులు ఏంటి అంటే…క‌స్ట‌మ‌ర్లు షాపుల వ‌ద్ద దాదాపు 1మీటర్ వరకు సోష‌ల్ డిస్టెన్సింగ్ తప్పక పాటించాలి.

ఒక ప్రాంతం నుంచి మరొక ప్రాంతం లేదా ఒక గ్రామం నుంచి మరొక గ్రామానికి వెళ్లడంపై నిషేధం ఉంటుందన్న ప్రభుత్వం కేవలం ఇంటికి ఒక్కరినే వైన్ షాపు దగ్గరకు వెళ్లేందుకు అనుమతిస్తున్నట్లు తెలిపింది.అంతేకాదు షాప్ లో సిబ్బంది తక్కువగా ఉండాలని…డబ్బులు తీసుకునేటప్పుడు ఇచ్చేటప్పుడు హ్యాండ్ శానిటైజర్ తప్పనిసరిగా ఉపయోగించాలి. అయితే మేఘాలయ రాష్ట్రంలో ఇప్పటివరకు ఒక్క కరోనా కేసు కూడా నమోదు కాలేదు. అంతేకాకుండా రద్దీ ఎక్కువగా లేకుండా చేసేందేకు తమ దగ్గరకు వచ్చిన కస్టమర్లకు సంబంధిత వైన్ షాపు సిబ్బంది అదే ఏరియాలోని లేదా గ్రామంలోని మరో వైన్ షాపుకు పంపిచవచ్చని తెలిపింది.