Sainath Gopi

కాన్సెప్ట్ ఓరియంటెడ్ సినిమాలకి మలయాళం సినిమా ఇండస్ట్రీ పెట్టింది పేరు అని అంటూ ఉంటారు. మలయాళం సినిమా ఇండస్ట్రీలో చాలా మంచి సినిమాలు వస్తూ ఉంటాయి. 2020 నుండి మలయాళం సినిమాలు తెలుగులో కూడా విడుదల అవ్వడం మొదలు అయ్యాయి. లాక్ డౌన్ సమయంలో చాలా మంది మలయాళం కంటెంట్ చూశారు. దాంతో వాళ్లు ఎంత మంచి కంటెంట్ తీస్తున్నారు అని అందరూ మెచ్చుకోవడం మొదలు పెట్టారు. మిగిలిన ఇండస్ట్రీ వాళ్ళకి కూడా మలయాళం సినిమా ఇండస్ట్రీ అంటే ఎంతో గౌరవం ఉంటుంది. అలాంటి మలయాళం సినిమా ఇండస్ట్రీ నుంచి వచ్చిన మరొక ఆణిముత్యం ఈ సినిమా.

ఫహద్ ఫాజిల్ హీరోగా నటించిన ఈ సినిమా పేరు ట్రాన్స్. అన్వర్ రషీద్ ఎంట‌ర్‌టైన్‌మెంట్ బ్యానర్‌పై అన్వర్ రషీద్ నిర్మించిన ఈ సినిమాకి అన్వర్ రషీద్ దర్శకత్వం వహించారు. ఇంక ఈ సినిమా కథ విషయానికి వస్తే, విజ్జు ప్రసాద్ (ఫహద్ ఫాజిల్) ఒక మోటివేషనల్ స్పీకర్ గా పని చేస్తూ ఉంటాడు. చిన్నప్పుడే తన ఇంట్లో అప్పుల బాధ వలన తన తల్లి తుది శ్వాస విడుస్తుంది. దాంతో అప్పటి నుండి తన తమ్ముడిని విజ్జు చూసుకుంటూ ఉంటాడు. విజ్జు తమ్ముడికి మానసికంగా సమస్య ఉండడంతో తన తమ్ముడిని బాగు చేసుకోవాలి అని విజ్జు అనుకుంటాడు. అయితే తన అన్న అంత కష్టపడటం ఇష్టం లేక విజ్జు తన ప్రాణాలు తీసుకుంటాడు. ఆ తర్వాత ఏం జరిగింది అనేది సినిమా కథ. ఈ సినిమాలో నజ్రియా నజీమ్ కూడా ఒక పాత్ర పోషించారు.

సినిమా కథ ఆసక్తికరంగా సాగుతుంది. 2020 లో ఫిబ్రవరి 20వ తేదీన ఈ సినిమా మలయాళం లో విడుదల అయ్యింది. 2021 ఆగస్టు 7వ తేదీన ఆహాలో ఈ సినిమా తెలుగులో విడుదల అయ్యింది. లాక్ డౌన్ లో ఈ సినిమా మలయాళం లో విడుదల అయిన కారణంగా ఆశించిన కలెక్షన్స్ రాలేదు. కానీ సినిమాలో ఫహద్ ఫాజిల్ నటనకు మంచి మార్కులు పడ్డాయి. తన ఫిల్మోగ్రఫీలో మరొక గుర్తుంచుకునే పర్ఫార్మెన్స్ ని ఈ సినిమాలో ఫహద్ ఫాజిల్ చేశారు. మలయాళం సినిమాలు తెలుగు వాళ్ళు చూస్తున్న కొత్తల్లో ఈ సినిమా విడుదల అయ్యింది. ఒకరకంగా చెప్పాలి అంటే పుష్ప కంటే ముందే ఫహద్ ఫాజిల్ ఈ సినిమా ద్వారా తెలుగు ప్రేక్షకులకు పరిచయం అయ్యారు. ఈ సినిమా తర్వాత పుష్ప సినిమాతో డైరెక్ట్ తెలుగు సినిమాలో నటించారు.

సినీ ఇండస్ట్రీ లో హిట్ లు ప్లాపులు సదరు హీరో, డైరెక్టర్ల భవితవ్యాన్ని నిర్ణయిస్తాయి. కొందరు ఒకటి రెండు సినిమాలకే అజ్ఞాతంలోకి వెళ్ళిపోతారు. కానీ మరికొందరు హిట్లు ప్లాపులతో సంబంధం లేకుండా వరుస సినిమాలు చేసుకుంటూ పోతారు. ఆ కోవలోకే చెందుతారు యంగ్ హీరో ఆది సాయి కుమార్.

డైలాగ్ కింగ్ సాయి కుమార్ నట వారసుడిగా ఇండస్ట్రీలో అడుగుపెట్టిన ఆది సాయి కుమార్ తన కంటూ ప్రత్యేక గుర్తింపు తెచ్చుకున్నాడు. తన నటన తో, డైలాగ్ డెలివరీ తో ఎందరో అభిమానుల్ని గెలుచుకున్నారు. మొదట్లో మంచి కథల్నే ఎంచుకున్న ఆది తర్వాత కథల ఎంపికలో తడబడ్డాడు.

మొదటి సినిమా ప్రేమ కావాలి తో అందర్నీ తనవైపుకు తిప్పుకున్నారు ఆది. ఈ సినిమాకు విమర్శకుల నుంచి మంచి ప్రశంసలు వచ్చాయి. మరో యంగ్ హ్యాండ్సమ్ హీరో ఇండస్ట్రీ కి దొరికాడు అనుకున్నారు. కానీ తర్వాత వచ్చిన లవ్లీ, సుకుమారుడు వంటి చిత్రాలతో లవర్ బాయ్ ఇమేజ్ను సొంతం చేసుకున్నారు. కానీ ఆ తరువాత అన్ని ప్లాప్ లే వెక్కిరించాయి. వాటిలో ప్యార్ మే పడిపోయానే, గాలిపటం, రఫ్, చుట్టాలబ్బాయి, నెక్స్ట్ నువ్వే, బుర్రకథ, జోడి, గోల్డ్ ఫిష్, శశి, తీస్మార్ ఖాన్ వంటి సినిమాలున్నాయి. మధ్యలో మల్టీస్టారర్ మూవీస్ కూడా చేసాడు ఆది . విభిన్న కథలను ఎంచుకున్నారు, నటనలో వైవిధ్యం చూపినా ఆదిని ప్లాప్ లు వదల్లేదు. అవన్నీ కాదని ఆదికి సినిమా అవకాశాలు వస్తూనే ఉన్నాయ్. ఆదితో సినిమాలు చేయడానికి నిర్మాతలు ఎప్పుడూ సిద్ధంగానే ఉంటారు.

ఈ ఏడాది ఇప్పటికే బ్లాక్, తీస్ మార్ ఖాన్, అతిథి దేవోభవ, క్రేజీ ఫెలో లాంటి సినిమాలతో వచ్చాడు ఆది. ఈయనకు ఇన్ని అవకాశాలు ఎలా వస్తున్నాయి అని లెక్కలు వేసుకుంటే.. దాని వెనుక ఉన్న లాజిక్స్ చాలా ఆసక్తికరంగా ఉన్నాయి.

ఆది సాయికుమార్ తో సినిమా చేయాలంటే కనీసం రూ. రెండు కోట్ల బడ్జెట్ ఉంటే సరిపోతుంది. అతడితో సినిమా చేసే ఏ దర్శకుడైన కూడా పక్కా కమర్షియల్ ఫార్మేట్ లో చేస్తూ వస్తున్నాడు. ఇదే ఆది సినిమాలకు వర్కౌట్ అవుతోంది.

ఆది ప్రతి సినిమాను అమెజాన్ ప్రైమ్ వీడియో మంచి రేటు ఇచ్చి కొనుక్కుంటుంది. అతడి చాలా సినిమాలు అమెజాన్ ప్రైమ్ లో కనీసం కోటి రూపాయల కంటే ఎక్కువ బిజినెస్ చేశాయి. ఇదిలా ఉంటే హిందీ మార్కెట్ ఆదికి చాలా ప్లస్ అవుతుంది. మన దగ్గర ఇమేజ్ ఎలా ఉన్నా కూడా హిందీలో మాత్రం ఆది సినిమాలకు డిమాండ్ చాలా ఉంది.యూ ట్యూబ్ లో ఆది సాయికుమార్ హిందీ డబ్బింగ్ సినిమాలకు అదిరిపోయే డిమాండ్ ఉంది. ఆదిహిందీ డబ్బింగ్ చిత్రాలకు యూట్యూబ్‌లో వందల మిలియన్ల వ్యూస్ వస్తున్నాయి.

ఇలా ఎలా చూసుకున్నా కూడా.. సినిమా మీద నిర్మాతలు పెట్టిన బడ్జెట్ విడుదలకు ముందే వర్కౌట్ అవుతుంది. ముఖ్యంగా డాన్సుల్లో ఈజ్, డైలాగ్ డెలివరీ వంటివి ఆది సాయికుమార్‌కు కలిసొచ్చే అంశాలు. అందుకే నిర్మాతలు ఆది తో సినిమాలు చేయడానికీ క్యూ కడుతున్నారు.

అందుకే ఆయన సినిమాలు థియేటర్స్ లో పెద్దగా వర్కౌట్ అవ్వకపోయినా.. శాటిలైట్, ఓటిటి, డిజిటల్ రైట్స్, హిందీ డబ్బింగ్ రైట్స్ రూపంలో నిర్మాతలు బయటపడిపోతున్నారు. మిగిలిన ఏ హీరోలకు లేని అడ్వాంటేజ్ ఆదికి ఉంది కాబట్టే వీలైనంత తక్కువ బడ్జెట్ లో ఇతడితో సినిమాలు చేసి లాభాలు తెచ్చుకుంటున్నారు నిర్మాతలు.

సాధారణంగా హీరోయిన్స్ గురించి చాలా మందికి ఒక ఆలోచన ఉంటుంది. హీరోయిన్స్ ఒక వయసు వరకు మాత్రమే హీరోయిన్ పాత్రలు వేస్తారు అని అంటారు. కానీ చాలా మంది హీరోయిన్స్ అది నిజం కాదు అని నిరూపించారు. 40 కి దగ్గరగా ఉన్నా కూడా ఇప్పటికీ కూడా హీరోయిన్ పాత్రలు వేస్తూ వస్తున్నారు. అందుకు వాళ్ల టాలెంట్ మాత్రమే కారణం. ప్రతి సినిమాని ఒక అవకాశంగా తీసుకొని తమ టాలెంట్ నిరూపించుకుంటూ వస్తున్నారు. అలా ఒక హీరోయిన్ ఎంతో కష్టపడి గ్లోబల్ స్టార్ స్థాయికి ఎదిగారు. దాదాపు పది సంవత్సరాల క్రితం ఈ హీరోయిన్ గ్లోబల్ స్టార్ అని అన్నారు. ఇప్పుడు అదే పేరుని నిలుపుకుంటూ వస్తున్నారు.

చిన్న వయసులోనే సినిమా ఇండస్ట్రీలో అడుగు పెట్టారు. ఎన్నో ఒడిదుడుకులు ఎదుర్కొన్నారు. ఇప్పుడు ఎంతో పెద్ద స్థాయికి ఎదిగారు. ఈ పైన ఉన్న ఫోటో ఆ హీరోయిన్ ది. చాలా సంవత్సరాలు ఇండస్ట్రీలో ఎంతో కష్టపడ్డారు. గొప్ప నటుల్లో ఒకరిగా గుర్తింపు సంపాదించుకున్నారు. నేషనల్ అవార్డు కూడా గెలుచుకున్నారు. ప్రియాంక చోప్రా. ఈ పేరు తెలియని వాళ్ళు ఉండరు. ప్రియాంక చోప్రా తమిళ్ లో మొదటి సినిమా విజయ్ తో నటించారు. ఇదే సినిమాలో ప్రియాంక చోప్రా ఒక పాట కూడా పాడారు. తర్వాత బాలీవుడ్ నుండి వరుస అవకాశాలు రావడంతో అక్కడ సినిమాలతో బిజీ అయిపోయారు. ఆ తర్వాత తెలుగులో కూడా రామ్ చరణ్ హీరోగా నటించిన తుఫాన్ సినిమాలో నటించారు.

ఈ సినిమా ప్రియాంక చోప్రా మొదటి తెలుగు సినిమా. ఆ తర్వాత ప్రియాంక చోప్రా కొన్ని తెలుగు సినిమాలు చేస్తారు అంటూ వార్తలు వచ్చాయి కానీ తెలుగు సినిమాలకు దూరంగానే ఉన్నారు. ప్రియాంక చోప్రా మంచి నటి మాత్రమే కాదు. మంచి వ్యాపారవేత్త కూడా. ఎన్నో వ్యాపారాల్లో ప్రియాంక చోప్రా రాణిస్తున్నారు. ఇప్పుడు ప్రియాంక చోప్రా ఎక్కువ హాలీవుడ్ సినిమాలు మాత్రమే చేస్తున్నారు. అక్కడ సినిమాలు, సిరీస్ చేస్తూ అక్కడ గుర్తింపు సంపాదించుకుంటున్నారు. భారతదేశానికి గర్వకారణంగా నిలిచారు.