ముత్తువేల్ కరుణానిధి అలియాస్ కరుణానిధి. అందరికీ తెలిసిన వ్యక్తి. తమిళనాడు రాజకీయ పార్టీ అయిన ద్రవిడ మున్నేట్ర కళగంకు అధ్యక్షుడిగాక తన సేవలను అందించారు. తమిళనాడుకి ఐదు సార్లు ముఖ్యమంత్రిగా చేశారు. కరుణానిధి రాజకీయ జీవితం దాదాపు 60 సంవత్సరాలు ఉంటుంది. అన్ని సంవత్సరాలలో పోటీ చేసిన ప్రతి ఎన్నికలలో కూడా కరుణానిధి గెలిచారు. కరుణానిధి అసలు పేరు దక్షిణామూర్తి. కరుణానిధి తల్లిదండ్రుల పేర్లు ముత్తువేలర్, అంజుగం. 1924 లో, జూన్ 3వ తేదీన తంజావూరులోని తిరుక్కువలైలో ఆయన జన్మించారు. కరుణానిధి మంచి సాహితీవేత్త కూడా. తమిళ సాహిత్యంలో కరుణానిధి ఎంతో గుర్తింపు సంపాదించుకున్నారు.

సినిమాలు, సినిమాల్లో డైలాగ్స్, కవితలు, నవలలు, పద్యాలు, నాటికలు ఇలా ఎన్నో రాశారు. సౌత్ ఇండియన్ సినిమా ఇండస్ట్రీలో మొదటిసారిగా ముఖ్యమంత్రి అయిన మొదటి వ్యక్తిగా కరుణానిధి ఘనత సాధించారు. 1942 లో కరుణానిధి మురసోలి అనే పత్రికను ప్రారంభించారు. కరుణానిధి వ్యక్తిగత జీవితం కూడా అందరికీ తెలిసిందే. అయితే, కరుణానిధి మొదటిగా ఒక వ్యక్తిని ప్రేమించారు. ఆమెని పెళ్లి చేసుకోలేకపోయారు. ఈ విషయం గురించి కరుణానిధి 2013 లో మాట్లాడారు. తాను ఆచరించే విలువల కారణంగా తను ప్రేమించిన అమ్మాయిని కూడా వదులుకున్నట్టు తెలిపారు. వన్ ఇండియా డాట్ కామ్ కథనం ప్రకారం, కరుణానిధిని 1944 లో తాను ప్రేమించిన అమ్మాయిని పెళ్లి చేసుకోమని ఆ అమ్మాయి తల్లిదండ్రులు అడిగారు.
ఆ అమ్మాయి చాలా సాంప్రదాయాలు పాటించే కుటుంబం నుండి వచ్చిన అమ్మాయి. మంత్రాలు, పద్ధతులు పాటించకుండా పెళ్లి చేసుకోవడానికి ఆ అమ్మాయి కుటుంబ సభ్యులు ఒప్పుకోలేదు. ఒకవేళ అలా ఏవి పాటించకుండా పెళ్లి చేసుకోవాలి అనుకుంటే మాత్రం తమ కూతురిని కరుణానిధికి ఇవ్వాలి అని అనుకోవట్లేదు అని చెప్పారు. కరుణానిధి అవన్నీ పాటించి ఆ అమ్మాయిని పెళ్లి చేసుకోవడానికి ఒప్పుకోలేదు. ఈ కారణంగానే కరుణానిధి తను ప్రేమించిన అమ్మాయికి దూరం అవ్వాల్సి వచ్చింది. ఆ తర్వాత కరుణానిధి దయాలు అనే ఆవిడని పెళ్లి చేసుకున్నారు. వారికి నలుగురు పిల్లలు కూడా ఉన్నారు.




మెగాస్టార్ చిరంజీవి హీరోగా తెరకెక్కిన ‘రుద్రవీణ’ సినిమాలో శోభన హీరోయిన్ గా నటించింది. ప్రముఖ తమిళ నటుడు జెమిని గణేశన్ కీలక పాత్రలో నటించాడు. అన్ని ప్రశ్నలకి జవాబు దొరికే కోరాలో ‘ఇప్పటి సమాజానికి రుద్రవీణ సినిమా ఏ విధంగా అర్ధం అవుతుంది’ అని అడిగిన ప్రశ్నకి
‘మద్యపానంను మానిపించటం అనేది మూవీలో చూపించినంత సులభం కాదు. అప్పటి నుండి ఇప్పటి వరకు ఒక 30 సంవత్సరాలకు పైగా దేశంలో, రాష్ట్రంలో ఆల్కహాల్ వినియోగ గణాంకాలను ప్రత్యేకించి చూపించనవసరం లేదేమో. ప్రస్తుతం ఉన్న సొసైటీ ఆ సన్నివేశాలను చూసి నవ్వుకుంటారేమో, భార్య పిల్లలను పట్టించుకోనివారు, ఎవరో వివాహం చేసుకోకుంటే మద్యం తాగడం మానేస్తాము అంటే అది జరగని విషయం, అందువల్ల మద్యం లేని సొసైటిని ఆశించడం పక్కన పెడదాం.
రుద్రవీణ మూవీలోని ముఖ్యమైన సమస్య అంటరానితనం. నాకు ఈ మూవీలో బాగా నచ్చిన సీన్ బిలహరి బాబాయ్ ఏమ్మా శోభన(లలిత)ను నువ్వు అంటరానిదానివి కదా అని ప్రశ్నిస్తే, కొంచెం బాధపడినా, ఏ అంటుకోవచ్చుగా అంటూ కొట్టినట్టుగా జవాబు చెప్తుంది. ఆ సన్నివేశం చిన్నతనంలో చూసి ఓహో ఇలానే ఉండాలని అనుకునేవాడిని, అలా చెప్తేనే ఊరుకుంటారని నమ్మేవాడిని.
అయితే ఆ మూవీ 80ల ఆఖరిలో వచ్చిన మూవీ కదా, ప్రస్తుతం అంటరానితనం ఏముంది అనుకుంటున్నారా? ఇటీవల జరిగిన ఇన్సిడెంట్ చూసి ఆ మూవీలో చేసినట్లు రియల్ లైఫ్ లో ప్రయత్నిస్తే 30 సంవత్సరాల అనంతరం కూడా సమస్యే అని ఋజువైంది’ అని వెల్లడించారు.
మహేష్ బాబు, కియారా అద్వానీ జంటగా నటించిన సినిమా భరత్ అనే నేను. 2018లో రిలీజ్ అయిన ఈ చిత్రం తొలి షోతోనే సూపర్ హిట్ టాక్ ను తెచ్చుకుంది. ఈ చిత్రాన్ని అటు మహేష్ అభిమానులతో పాటు తెలుగు ప్రేక్షకులకు గుర్తుండి పోయే సినిమా అని చెప్పవచ్చు. సీఎంగా మహేష్ బాబు అద్భుతంగా నటించారు. సీఎం ను ప్రేమించిన అమ్మాయిగా కియారా అద్వానీ, తండ్రిగా శరత్ కుమార్, విలన్ రోల్ లో ప్రకాష్ రాజ్ ఇలా మూవీలో దాదాపు అన్ని పాత్రలలో నటించిన వారికి పేరు వచ్చింది.
సీఎంను ప్రశ్నించే జర్నలిస్ట్ శుభోదయం సుబ్బారావు పాత్రలో నటించిన నటుడికి మంచి గుర్తింపు వచ్చింది. అతన్ని అందరు శుభోదయం సుబ్బారావుగానే గుర్తిస్తున్నారు. అంతకు ముందు పలు సినిమాలలో నటించినా, రాని గుర్తింపు ఈ మూవీతో వచ్చింది. ఈ పాత్రలో నటించిన నటుడి పేరు రాజశేఖర్ అనింగి. తెలుగు సినిమాలలో విభిన్న పాత్రలు పోషించారు. రాజశేఖర్ 2014లో వచ్చిన షురుయాత్ కా ఇంటర్వెల్ చిత్రంతో ఇండస్ట్రీలో అడుగు పెట్టాడు.
ఆ తరువాత తెలుగులో గోవిందుడు అందరి వాడేలే, బాహుబలి: ది బిగినింగ్, స్పైడర్, భరత్ అనే నేను, అరవింద సమేత వీర రాఘవ వంటి సినిమాలలో నటించారు. క్యారెక్టర్ ఆర్టిస్ట్ గా ఫీచర్ ఫిల్మ్స్, టీవీ సీరియల్స్, షార్ట్ ఫిల్మ్లు మరియు వెబ్సిరీస్లో నటించారు. ఇండస్ట్రీలోకి రాకముందు రాజశేఖర్ IT, బ్యాంకింగ్ మరియు ఆరోగ్య రంగంలో పనిచేశాడు.







