నేటి ఫాస్ట్ యుగంలో చదువులకు ఉన్న ప్రాముఖ్యత అందులోనూ ర్యాంకులకు ఇచ్చే ప్రాముఖ్యత గురించి అందరికీ తెలిసిందే. అయితే చాలామంది చదువులో వెనకబడుతూ ర్యాంకులు సాధించలేక ఆత్మ న్యూనత కు బాధపడుతూ ఉంటారు.అయితే భీమవరంలో ఉన్న ఈ గుడికి వెళ్తే చదువులో రాణిస్తారని అక్కడ వాళ్ళందరికీ చాలా నమ్మకం. అయితే ఆ గుడి ఎవరిది, దాని కధేమిటో ఒకసారి చూద్దాం.
ఇప్పుడు మనం చెప్పుకునే గుడి మావుళ్ళమ్మ అమ్మవారి గుడి. పశ్చిమగోదావరి జిల్లా భీమవరం లో కొలువై ఉంది ఈ తల్లి 9 దశాబ్దాల క్రితం వెలసిన అమ్మవారు. శక్తి స్వరూపిణిగా విరాజిల్లుతుంది. 1880 లలో వైశాఖమాసం రోజుల్లో భీమవరంలో అమ్మవారి వెలిశారని చరిత్ర చెబుతుంది.గ్రామానికి చెందిన మారెళ్ళ మంచిరాజు, గ్రంధి అప్పన్నలకు అమ్మవారు కలలో కనిపించే తాను వెలసిన ప్రాంతాన్ని చెప్పారని,ఆ తర్వాత అమ్మ చెప్పిన ప్రాంతం లో వెతకగా అమ్మవారి విగ్రహం లభ్యమైందని, అమ్మవారి విగ్రహం ఉన్నచోట దీపాలు వెలుగుతూ కనిపించాయి.
అమ్మ ఆదేశం మేరకు అక్కడే చిన్న పాక వేసి ఆలయాన్ని నెలకొల్పారు. మామిడి తోటలు ఎక్కువగా ఉన్న ప్రదేశంలో అమ్మవారు వెలసింది కాబట్టి తొలినాళ్లలో మావిళ్లమ్మగా పిలిచేవారని, వాడుకలో అది కాస్త మావుళ్ళమ్మగా మారింది. అమ్మవారికి దసరా సమయంలో ఒకసారి, సంక్రాంతి సమయంలో ఒకసారి జాతరలు వేరువేరుగా జరుగుతాయి. ఉత్సవాల చివరి రోజున సుమారు లక్ష మందికి అన్న ప్రసాద వితరణ చేస్తారు. ఈ ఆలయాన్ని దర్శించుకుంటే బాగా చదవని పిల్లల సైతం బాగా చదువుతారని అక్కడ ప్రజల నమ్మకం .
జీవితంలో ఒక్కసారి అయినా ఈ ఆలయాన్ని దర్శించుకుంటే జన్మ ధన్యమవుతుందని భక్తుల నమ్మకం. జేష్ఠ మాసంలో నెలరోజుల పాటు గ్రామ జాతర నిర్వహిస్తారు. దేవీ నవరాత్రులలో అమ్మవారిని రోజుకు ఒక అవతారంలో అలంకరిస్తారు. ప్రతిరోజు లక్ష కుంకుమార్చన, చండీ హోమం తదితర పూజలు జరుగుతాయి. ఈ సందర్భంగా అమ్మవారిని భీమవరం నుంచే కాక చుట్టుపక్కల ఉన్న ప్రాంతాల నుంచి కూడా లక్షల సంఖ్యలో భక్తులు హాజరవుతారు.
దుల్కర్ సల్మాన్ 2012లో ‘సెకండ్ షో’ అనే మలయాళ మూవీతో హీరోగా ఎంట్రీ ఇచ్చాడు. అదే ఏడాది దుల్కర్ రెండవ సినిమా ‘ఉస్తాద్ హోటల్’ లో నటించాడు. ఈ చిత్రంలో నిత్యామీనన్ హీరోయిన్ గా నటించింది. అన్వర్ రషీద్ ఈ మూవీకి దర్శకత్వం వహించారు. ఈ మూవీ 2012కి గాను మూడు జాతీయ అవార్డులు అందుకుంది. ‘బెస్ట్ పాపులర్ సినిమా , బెస్ట్ డైలాగ్స్, యాక్టర్ తిలకన్ కి ప్రత్యేక అవార్డు వచ్చింది. ఈ మూవీ విమర్శకుల ప్రశంసలు అందుకుని, భారీ కలెక్షన్స్ సాధించి, కమర్షియల్ గా విజయం సాధించింది. ఈ మూవీని తెలుగులో ‘జనతాహోటల్’ గా డబ్ చేసి, 2018 లో రిలీజ్ చేశారు.
ఇక ఈ మూవీ స్టోరీ విషయానికి వస్తే, ఫైజల్ (దుల్కర్ సల్మాన్) నలుగురు ఆడపిల్లల తర్వాత పుట్టిన అబ్బాయి కావడంతో అతని తండ్రి, అక్కలు అల్లారుముద్దుగా పెంచుతారు. ఫైజల్ కి వంటలు చేయడం అంటే చాలా ఇష్టం. దాంతో తండ్రికి తెలియకుండా విదేశాల్లో హోటల్ మేనేజ్ మెంట్ చేశాడు. కానీ ఫైజల్ తండ్రి అతనితో స్టార్ హోటల్ పెట్టించాలని భావిస్తాడు. ఫైజల్ కి తండ్రి షహానా (నిత్యామీనన్)తో పెళ్ళిచూపులు ఏర్పాటుచేస్తాడు. ఆ సమయంలో ఫైజల్ హోటల్ మేనేజ్ మెంట్ గురించి బయటపడుతుంది.
దాంతో ఫైజల్ ను తండ్రి పాస్ పోర్ట్ తీసుకుని, ఇంట్లో నుంచి బయటికి పంపిస్తాడు. అప్పుడు ఫైజల్ తాతయ్య కరీంభాయ్ వద్దకు వెళ్ళి, ఆయన నడిపే “ఉస్తాద్ హోటల్”లో పనిచేస్తూ, డూప్లికేట్ పాస్ పోర్ట్ కు అప్లై చేసి, ఎదురుచూస్తుంటాడు. ఆ తరువాత తాత సహాయంతో బీచ్ బే అనే ఫైవ్ స్టార్ హోటల్ చెఫ్ గా జాయిన్ అవుతాడు. అక్కడ బీచ్ బే తమ హోటల్ ను విస్తరించడం కోసం “ఉస్తాద్ హోటల్”ను ఆక్రమించుకోబోతుందని తెలుసుకుంటాడు.
ఉస్తాద్ హోటల్ ను ఫైజల్ ఎలా కాపాడాడు ? తాత దగ్గర ఏం నేర్చుకుంటాడు ? చివరికి ఫైజల్ అనుకున్నట్టు విదేశాలకి వెళ్లాడా? లేదా అనేది మిగిలిన కథ. ఈ చిత్రంలో దుల్కర్ ఫైజల్ పాత్రలో ఒదిగిపోయారు. ఉస్తాద్ హోటల్ యాజమానిగా, ఫైజల్ తాతగా యాక్టర్ తిలకన్ జీవించారు. నిత్యామీనన్ తనదైన నటనతో ఆకట్టుకుంది. ఈ చిత్రం ప్రస్తుతం యూట్యూబ్ లో అందుబాటు ఉంది.
నటి నిషా నూర్‌ తన గ్లామర్‌తో 1980లో సిల్వర్ స్క్రీన్ ను మరింత అందంగా మార్చింది. ఆమె తెలుగు, మలయాళ, తమిళ, కన్నడ భాషల్లో చిత్రాలలో నటిస్తూ దక్షణాదిలో స్టార్ హీరోయిన్‌గా రాణించింది. కమల్ హాసన్, రజనీకాంత్‌, భాను చందర్‌ లాంటి పెద్ద హీరోలతో నటించింది. అగ్ర దర్శకులు అయిన బాలచందర్, భారతీరాజా విసు, చంద్రశేఖర్‌ లాంటి వారితో పని చేసింది. కమల్ హాసన్ తో కలిసి ‘టిక్‌ టిక్‌ టిక్‌’ అనే సినిమాలో, రాజేంద్రప్రసాద్‌, మమ్ముట్టి, మోహన్‌లాల్‌తో పలు సినిమాలు చేసింది.
తన గ్లామర్ తో యువతను విపరీతంగా ఆకట్టుకుంది. కానీ 1995 అనంతరం నిషా నూర్‌ కు ఒక్క మూవీలో కూడా అవకాశం రాలేదు. అప్పటివరకు స్టార్ స్టేటస్‌ పొందిన నిషా నూర్‌ అవకాశాల కోసం ఎంతో ప్రయత్నించినప్పటికీ, ఒక్క అవకాశం కూడా రాకపోవడంతో సినిమాలని వదిలిపెట్టింది. అయితే సంపాదించిన డబ్బు మొత్తం కరిగిపోవడం మొదలైంది. బతకడం కోసం పని చేయాలి. కానీ ఆమె తప్పు దారిని ఎంచుకుని, వ్యభిచార వృత్తిలోకి వెళ్ళింది.
అయితే ఒక ప్రొడ్యూసర్ వల్లే ఆ వృత్తిలోకి వెళ్ళిందనే వార్త అప్పట్లో వచ్చాయి. ఆదుకునేవారు లేకపోవడం వల్ల నిషా నూర్‌ అందులోనే ఉండిపోయింది. ఆమెకు తలదాచుకునే స్థలం కూడా లేక ఒక సమయంలో ఒక దర్గా బయట నిద్రించింది. ఆమె పరిస్థితి తెలిసి, ఆదుకోవడానికి ఒక తమిళ ఎన్జీవో ముందుకు వచ్చి, నిషా నూర్‌ కు వైద్య పరీక్షలు చేయించడంతో ఆమెకు ఎయిడ్స్‌ ఉన్నట్లుగా తెలిసింది. ఆ వ్యాధితో పోరాడుతూ హాస్పటల్ లోనే నిషా నూర్‌ 2007లో అనాధలా మరణించింది.
