Megha Varna

సినిమాల మీద ఇష్టంతో తెలుగు సినిమా పరిశ్రమలోకి వచ్చాడు ఛత్రపతి చంద్రశేఖర్. సినిమాల్లో నటించాలని అవకాశాల కోసం ఎంతగానో ప్రయత్నం చేశాడు. ఆ తర్వాత సినిమాల్లో, సీరియల్స్ లో కూడా నటిస్తూ మంచి గుర్తింపు తెచ్చుకున్నాడు చత్రపతి చంద్రశేఖర్. అయితే గుర్తింపు వచ్చినా ఇంకా తన ఆర్థిక కష్టాలు మాత్రం తీరలేదు.

చిన్నప్పుడే తండ్రి చనిపోవడంతో ఎన్నో ఇబ్బందులను ఎదుర్కోవలసి వచ్చింది చంద్రశేఖర్ కి. పదవ తరగతి తరువాత దేవదాస్ కనకాల యాక్టింగ్ స్కూల్లో చేరాడు. అక్కడ నటనలో శిక్షణ తీసుకున్నాడు. తర్వాత రాజీవ్ కనకాల తో పాటు కొన్ని యాడ్స్ లో నటించాడు చంద్రశేఖర్. ఆ సమయంలో దర్శకుడు రాజమౌళి యాక్టింగ్ స్కూల్ కి రావడం…

చంద్రశేఖర్ పరిచయం అవ్వడం జరిగింది. తన నటనను చూసి రాజమౌళి శాంతినివాసం సీరియల్ లో అవకాశం ఇచ్చాడు. విక్రమార్కుడు, ఛత్రపతి, బాహుబలి, యమదొంగ వంటి సినిమాల్లో మంచి పాత్రలు చేశాడు. ఛత్రపతి సినిమా తనకి మంచి గుర్తింపును తీసుకువచ్చింది. అప్పటినుండి ఛత్రపతి చంద్రశేఖర్ గా మారిపోయాడు. ఆర్థిక ఇబ్బందులు ఇంకా తీరకపోవడంతో తన భార్యను కూడా మోడలింగ్ కోర్స్ లో చేర్పించాడు. శేఖర్ భార్య నీల్యా భవాని కూడా ఎన్నో సినిమాల్లో, సీరియల్స్ లో నటించారు. వ్యక్తిగత కారణాల వల్ల వారిద్దరూ విడాకులు తీసుకున్నట్టు ఒక ఇంటర్వ్యూలో శేఖర్ తెలిపారు. శేఖర్ ప్రస్తుతం సినిమాలతో పాటు, సీరియల్స్ లో కూడా నటిస్తున్నారు.

అరియానా గ్లోరీ యాంకర్ గా ఉంటూ వివాదాల దర్శకుడు వర్మని ఇంటర్వ్యూ చేసి ఓవర్ నైట్ స్టార్ గా మారిపోయింది. ఆ తర్వాత ఆమె బిగ్ బాస్ సీజన్- 4 లోకి వెళ్లడం.. టాప్ ఫైవ్ కంటెస్టెంట్స్ లో ఒకటిగా నిలవడం జరిగింది. ప్రస్తుతం ఈ బ్యూటీకి ఎన్నో అవకాశాలు వస్తున్నాయి.

ఈమె తాజాగా అనుభవించు రాజా చిత్రం లో ఒక స్పెషల్ క్యారెక్టర్ చేసింది. ఈ సందర్భంగా ఆమె రాజ్ తరుణ్ పై సంచలన వ్యాఖ్యలు చేసింది. ఇప్పుడవి నెట్టింట్లో చర్చనీయాంశంగా మారింది. అసలు రాజ్ తరుణ్ అంటే నాకు నచ్చరు. టీవీలో కనిపించినా సరే ఛానల్ ని మార్చేస్తాను అని అందామె.

ఒకసారి ఆయన కారులో వెళ్తుంటే ఆ కారుకి యాక్సిడెంట్ జరిగి పోవాలని కోరుకున్నాను అని చెప్పింది. ఈ కోపానికి కారణం ఏమిటంటే బిగ్ బాస్ కి వెళ్లేముందు ఈమె రాజ్ తరుణ్ ని ఇంటర్వ్యూ చేసిందట. ఉదయం 9 గంటలకే ఇంటర్వ్యూ అని చెప్పింది. కానీ మధ్యాహ్నం రెండు అవుతున్న సరే రాజ్ తరుణ్ రాలేదు.

బయటికి వచ్చి చూస్తే కార్లో అతను వెళ్ళిపోయాడు. అదేంటి వెళ్ళిపోయారు అంటే డబ్బింగ్ కరెక్షన్ ఉంది సార్ కి అని చెప్పారట. అప్పుడు ఆమెకు చాలా కోపం వచ్చిందట. అయితే ఈమె మొదటి సినిమా రాజ్ తరుణ్ తో చేయాల్సి వచ్చిందని షూటింగ్ మొదలైన రెండు రోజులకే బెస్ట్ ఫ్రెండ్స్ అయిపోయానని అరియానా అంది.

బుల్లితెరపై యాంకర్ గా గుర్తింపు తెచ్చుకున్నాడు రవి. బిగ్ బాస్ సీజన్ ఫైవ్ లో యాంకర్ రవి 12 వారాలకే ఎలిమినేట్ అయ్యాడు. బుల్లితెరపై యాంకర్ గా కొనసాగుతున్న రవి వెండితెరపై కూడా యాక్టర్ గా తన యొక్క సత్తాని చాటుకున్నాడు. రవి కూడా కొన్ని సినిమాల్లో నటించి తన లక్ ని పరీక్షించుకున్నాడు.

కానీ వెండి తెరపై తనకి అంతగా గుర్తింపు రాలేదు. దీనితో బుల్లితెర పైనే సెటిలైపోయాడు రవి. వెండితెరపై ఎన్నో అవకాశాలు వచ్చినా సరే వదులుకున్నాడు. అయితే యాంకర్ రవి కి సూపర్ స్టార్ మహేష్ బాబు తో నటించే అవకాశం వచ్చింది. మహేష్ బాబు నటించిన బ్లాక్ బస్టర్ మహర్షి సినిమా మంచి హిట్ ని ఇచ్చింది.

అయితే మహేష్ బాబు కి పర్సనల్ అసిస్టెంట్ గా మొదట యాంకర్ రవిని అనుకున్నారట. యాంకర్ రవిని ఈ విషయంపై సంప్రదించగా బుల్లితెరపై బిజీగా ఉండడంతో ఈ ఆఫర్ ని రిజక్ట్ చేశాడు రవి. దీనితో శ్రీనివాసరెడ్డి అసిస్టెంట్ గా పెట్టారు. ఒకవేళ వెండితెరపై ఈ పాత్రని యాంకర్ రవి చేస్తే మంచి గుర్తింపు పొందే వాడేమో.

ప్రతి ఒక్కరి జీవితంలో మరిచిపోలేని జ్ఞాపకాలు ఉంటాయి. అలాగే కొందరి వ్యక్తులతో జీవితాన్ని గడిపిన అద్భుతమైన రోజులు కూడా ఉంటాయి. అలాంటి రోజులు ఎప్పటికీ మధురంగా మిగిలిపోతాయి. అయితే అనుపమ పరమేశ్వరన్ కి మాత్రం ఈ యాభై ఎనిమిది రోజులు చాలా బాగా గుర్తుండిపోయాయి మరియు అద్భుతమైనవి అని అన్నారు.

ఇక దీనికోసం వివరాల్లోకి వెళితే… అందాల తార అనుపమ పరమేశ్వరన్ తెలుగు, తమిళ్, మలయాళ భాషల్లో నటించి మంచి గుర్తింపును తెచ్చుకున్నారు. అయితే ఈమె కేవలం హీరోయిన్ గా మాత్రమే కాకుండా అసిస్టెంట్ డైరెక్టర్ గా కూడా పని చేశారట. తాజాగా బుల్లితెరపై ప్రసారమవుతున్న సూపర్ కింగ్స్ అనే షోలో పాల్గొని అనుపమ పలు విషయాలను షేర్ చేసుకోవడం జరిగింది.

దుల్కర్ సల్మాన్ నిర్మాతగా మలయాళంలో తెరకెక్కిన ఓ చిత్రానికి అనుపమ పరమేశ్వరన్ అసిస్టెంట్ డైరెక్టర్ గా పని చేశారట. మొట్టమొదటి సారి ఆమె అసిస్టెంట్ డైరెక్టర్ గా పని చేయడం జరిగింది అయితే ఆ సినిమా షూటింగ్ అయిన 58 రోజులు కూడా ఎంతో బాగా ఆమె గుర్తుండిపోయాయని అన్నారు. ఇదంతా కూడా దుల్కర్ సల్మాన్ వల్లే జరిగిందని అనుపమ అన్నారు.