Megha Varna

ఉత్తరప్రదేశ్ సీఎం యోగిఆదిత్యనాథ్ ఇంట్లో విషాదం నెలకొంది. యోగి ఆదిత్యనాథ్ తండ్రి ఆనంద్ సింగ్ బిస్త్ మృతి చెందారు . కొంతకాలంగా కిడ్నీ,లివర్ సమస్యలతో బాధపడుతున్న ఆనంద్ సింగ్ ఆరోగ్యం క్షీణించడంతో మార్చి-15,2020న ఆయనను ఢిల్లీ ఎయిమ్స్ కు తరలించగా గ్యాస్ట్రాలజీ డిపార్ట్మెంట్ డాక్టర్ల నేతృత్త్వంలో చికిత్స జరిగింది.

అయితే ఆదివారం ఆనంద్ సింగ్ ఆరోగ్య పరిస్థితి విషమంచింది. దీంతో ఆయనను ఆదివారం సాయంత్రం వెంటిలేటర్ పై ఉంచారు. వెంటిలేటర్ పై ఉన్న ఆనంద్ సింగ్ ఇవాళ(ఏప్రిల్-20,2020)ఉదయం తుదిశ్వాస విడిచినట్లు ఢిల్లీ ఎయిమ్స్ తెలిపింది. ఆదివారం యోగి ఆదిత్యనాధ్ తండ్రిని ఐసీయూ వార్డ్ కి తరలించే ముందు ఆయనకు డయాలసిస్ కూడా నిర్వహించినట్లు ఎయిమ్స్ వెల్లడించింది ..

ఇంతకుముందు డీహైడ్రేషన్ తో బాధపడుతూ కొన్ని నెలల క్రితం యోగి ఆదిత్యనాథ్ తండ్రి ఆనంద్ సింగ్ బిస్త్..డెహ్రాడూన్ లోని ఓ హాస్పిటల్ లో చేరినట్లు సమాచారం. ఆనంద్ సింగ్ ఫారెస్ట్ రేంజర్ గా గతంలో విధులను నిర్వర్తించారు . ఆగస్టు-8,1948న జన్మంచిన ఆనంద్ సింగ్ బిస్త్ కు నలుగురు కుమారులు,ఒక కుమార్తె ఉన్నారు. యోగి ఆదిత్యనాథ్ ఆనంద్ బిస్త్ కు రెండవ కుమారుడు. యోగి ఆదిత్యనాథ్ అసలు పేరు అజయ్ సింగ్ బిస్త్.

కరోనా ను అదుపు చేయడానికి విధించిన లాక్ డౌన్ కారణంగా తన తండ్రి అంత్య‌క్రియ‌ల‌కు సైతం వెళ్ల‌డం లేద‌ని చెప్పారు యూపీ సీఎం యోగి ఆదిత్య‌నాథ్. తండ్రిని కడసారి చూడటం కంటే కూడా నాకు 23 కోట్ల మంది ప్రజల క్షేమం ముఖ్యం .ప్రస్తుత విపత్కర పరిస్థితులలో నేను నా విధులు నిర్వర్తించడం చాలా అవసరం అందుకే తండ్రిని చూసేందుకు వెళ్లడం లేదని యోగి ఆదిత్యనాధ్ ట్విట్టర్ ద్వారా తెలిపారు . యోగి ఆదిత్యనాధ్ తండ్రి వయసు 89 సంవత్సరాలు. కాలేయం, మూత్రపిండాలకు సంబంధించిన అనారోగ్యంతో న్యూఢిల్లీ ఎయిమ్స్ లో చికిత్స పొందుతూ ఆయన సోమ‌వారం ఉదయం తుదిశ్వాస విడిచారు. త‌ల్లి, స్నేహితులు అంత్య‌క్రియ‌ల కార్య‌క్ర‌మం చూడాల‌ని కోరుతున్నాన‌ని యోగి ఆదిత్యనాధ్ అన్నారు .

ఆంధ్రప్రదేశ్ లో రోజురోజుకు కరోనా వైరస్ పాజిటివ్ గా నిర్దారణ అవుతున్న వారిలో కర్నూల్ జిల్లా మొదటి స్థానంలో నిలిచింది .గుంటూరు జిల్లాలో కూడా కరోనా బాధితుల సంఖ్య ఎక్కువగా ఉన్నప్పటికీ కర్నూలు తో పోలిస్తే మాత్రం తక్కువనే చెప్పాలి .ఒక్క కర్నూలు జిల్లాలోనే 158 పాజిటివ్ కేసులు నమోదు అయ్యాయి .ప్రతి గంటకు ఎవరో ఒకరు కరోనా బారిన పడుతున్న ప్రస్తుత పరిస్థితుల్లో తాజాగా పెద్ద సంఖ్యలో కోతులు చనిపోతుండటం కలవరం రేపుతోంది ..

కర్నూలు జిల్లా నందికొట్కూర్ దగ్గరలోని గడివేములలో దాదాపు 20 కి పైగా కోతులు చనిపోయాయి.మరి కొన్నింటి పరిస్థితి విషమంగా ఉంది .చాలా కోతులు లేవలేని స్థితిలో ఉన్నాయి.కోతులు కరోనా వైరస్ వల్లనే చనిపోతున్నాయనే వార్తలు ప్రచారంలోకి వచ్చాయి .ఈ సమాచారం జిల్లా అధికారులకు ,నందికొట్కూరు పాసు వైద్యాధికారులకు చేరడంతో వెంటనే రంగంలోకి దిగారు .

కోతుల మృతదేహాలకు పోస్టుమార్టం చేసారు..కాగా కోతులు కరోనా వైరస్ వలన చనిపోలేదని ,ఆకలిని తట్టుకోలేక చనిపోయినట్లు నిర్ధారించారు .కరోనా వైరస్ వ్యాప్తి చెందకుండా విధించిన లాక్ డౌన్ వలన వాటికీ ఆహారం దొరకడం కష్టం అయింది అని అన్నారు .లాక్ డౌన్ వల్ల ప్రజలు బయటకి రాకపోవడం ,దుకాణాలు తెరవకపోవడం వంటి కారణాల వల్ల కోతులకి ఆహారం దొరకడం కష్టం అయింది అని వెల్లడించారు .ప్రజలు మనస్తత్త్వంతో వాటికీ ఆహారం అందించాలని కోరారు ..

కోతులు చనిపోవడానికి కారణం కరోనా వైరస్ కాదు అని ,అవి చనిపోవడానికి కారణం ఆహారం లేకపోవడం అని తెలుసుకున్న స్థానికులు ఊపిరి పీల్చుకున్నారు .కానీ కోతులు ఆహారం లేక చనిపోవడంతో విచారం వ్యక్తం చేసారు .ఇప్పటికే గతంలో కర్నూలు  జిల్లాలోనే పెద్ద సంఖ్యలో కాకులు చనిపోయిన సంఘటన చేటు చేసుకుంది ..తాజాగా కోతులు చనిపోవడం పై స్థానికులు స్పందిస్తూ వాతావరణం బాగా వేడిగా ఉండడం పైగా వాటికీ నీరు ,ఆహారం దొరకడం కష్టం అవుతుందని దీనిపై ప్రభుత్త్వం వెంటనే చర్యలు తీసుకోవాలని కోరారు ..

కరోనా కారణంగా లాక్ డౌన్ విధించడంతో  ఇప్పటికే నిశ్చితార్థం చేసుకున్న వారి పెళ్లిళ్లు వాయిదా పడగా కొత్తగా వివాహం చేసుకుందాం అనేవారికీ నిరాశే మిగిలింది ..ఈ లాక్ డౌన్ తర్వాత కూడా ముహుర్తాలు లేకపోవడంతో ఇంకా చాలా కాలం వేచి ఉండాల్సి ఉంది ..ఈ నేపథ్యంలో ఓ యువకుడు పెళ్లి కోసమని సైకిల్ మీద వెళ్తుండగా అనుకోని పరిస్థితుల్లో క్వారంటైన్ సెంటర్ కు వెళ్లాల్సి వచ్చింది ..వివరాల్లోకి వెళ్తే..

ఉత్తరప్రదేశ్ కు చెందిన సోనుకుమార్ చౌహన్ అనే 24 ఏళ్ళ యువకుడు పంజాబ్ లోని లుధియానాలోని టైల్స్ ఫ్యాక్టరీలో పని చేస్తున్నాడు ..దేశంలో కరోనా ప్రభావం రాకముందు అంటే ఏప్రిల్ 15 న సోను పెళ్లి నిశ్చితార్థం జరిగింది .అయితే తర్వాత విధించిన లాక్ డౌన్ కారణంగా సోను పంజాబ్ లోనే చిక్కుకుపోయారు .

representative image

ఈ నేపథ్యంలో పెళ్లి సమయం దగ్గరపడడంతో ఎలాగైనా వెళ్లాలని నిశ్చయించుకున్నాడు.కానీ  ఎలాంటి రవాణా మార్గాలు లేకపోవడంతో సైకిల్ పై అతని స్నేహితులతో కలిసి ప్రయాణం చేసేందుకు సిద్ధపడ్డాడు .కాగా నేపాల్ సరిహద్దులో ఉన్న మహారాజగంజ్ జిల్లాలో సోను పెళ్లి జరగనుంది .దీంతో తన ముగ్గురి స్నేహితులతో కలిసి రాత్రి ,పగలు అనే తేడా లేకుండా దాదాపు 850 కిలోమీటర్లు ప్రయాణం చేసాడు.ఇంకా 150 కిలోమీటర్లు వెళ్తే మహారాజగంజ్ చేరుకునేవాడు కానీ అంతలోపే ఆదివారం ఉదయం ఉత్తరప్రదేశ్ లోని బలరాంపూర్ దగ్గరకు రాగానే పోలీస్ లకు దొరికిపోయాడు …

representative image

కరోనా వైరస్ వ్యాప్తి చెందకుండా అందరు సామజిక దూరం పాటించాలని కేంద్ర రాష్ట్ర ప్రభుత్వాలు లాక్ డౌన్ విధించగా ఇలాంటి సమయంలో రూల్స్ ను అతిక్రమించి ఇలా ప్రయాణం చేయడమేంటనీ ఆగ్రహించిన పోలీసులు సోనుతో సహా మిగతా ముగ్గురిని క్వారంటైన్ కు తరలించారు . ఇదే విషయమై సోనూ చౌహాన్‌ను అడగగా .. “ఈ సమయంలో ఇలాంటి ప్రయాణం చేయడం రిస్కే. కానీ పెళ్లి కావడంతో ఈ పని చేయాల్సి వచ్చింది. ఇంకో 150 కిలోమీటర్లు ప్రయాణం చేస్తే మా ఊరికి వెళ్లేవాడిని. కానీ పోలీసు అధికారులు అడ్డుకొని ఇప్పుడు నీ పెళ్లి కంటే ఆరోగ్యమే ముఖ్యమంటూ క్వారంటైన్‌ సెంటర్‌కు తరలించారని” ఆవేదన వ్యక్తం చేశాడు.

ఇదే విషయమై బలరాంపూర్‌ ఎస్పీ దేవ్‌ రాజన్‌ వర్మ స్పందిస్తూ .. “బలరాంపూర్‌ జిల్లా సరిహద్దుకు వద్దకు రాగానే సోనూ చౌహాన్‌తో పాటు మిగతా ముగ్గురిని క్వారంటైన్‌కు తరలించాం. 14 రోజుల క్వారంటైన్‌ అనంతరం కరోనా పరీక్షలో నెగిటివ్‌ వస్తే వారిని వదిలేస్తాం.అంతవరకు క్వారంటైన్‌లో ఉండాల్సిందే” అని వెల్లడించారు .

కరోనా వైరస్ కారణంగా ప్రపంచం తీవ్ర ఒడిదుడుకులను ఎదుర్కొంటుంది ..ప్రపంచ దేశాలన్నీ ఈ వ్యాధి బారిన పడ్డాయి ..అగ్రరాజ్యాలు సైతం చేసేది ఏమి లేక విలపిస్తున్నాయి. అమెరికా ,ఇటలీ లాంటి దేశాలు ఈ వ్యాధి కారణంగా బాగా ఎఫెక్ట్ అయ్యాయి ..సామజిక దూరం ఒక్కటే దీనిని ఎదుర్కోవడానికి మార్గం అని దాదాపు ప్రపంచ దేశాలన్నీ లాక్ డౌన్ విధించిన విషయం తెలిసిందే ..

దీంతో ప్రపంచ ఆర్ధిక వ్యవస్థ కుప్పకూలిపోయింది …ఇప్పటికే లక్షల సంఖ్యలో ఉద్యోగాలు కోల్పోయారు.చాలా మందికి ఆహారం కూడా దొరకక ఇబ్బంది పడుతున్నారు ..ఈ నేపథ్యంలో బస్సులు,రైలు ,విమాన మార్గాలని నిషేధించారు .దీంతో రవాణా వ్యవస్థ పూర్తిగా స్తంభించి పోయింది ..

కాగా ఎవరైనా చనిపోతే వారిని వారి ఇంటికి చేరే అవకాశం కూడా లేక వాట్సాప్ లో అంతిమ సంస్కారాలని వీక్షించే స్థితి ఏర్పడింది ..తాజాగా సింగపూర్ లో చనిపోయిన వ్యక్తిని మృతదేహాన్ని స్వదేశం తీసుకురావడానికి అవకాశం లేక వాట్సాప్ లోనే కుటుంబ సభ్యులు తిలకించి కన్నీరు మున్నీరు ఐన  సంఘటన మరువక  ముందే ఇలాంటి సంఘటనలు రోజురోజుకి వెలుగులోకి వచ్చి ప్రతిఒక్కరు కంట తడి పెట్టుకునేలా చేస్తున్నాయి ..కాగా తాజాగా ఇలాంటి సంఘటన తిరుపతిలో చోటుచేసుకుంది వివరాల్లోకి వెళ్తే …

source

ప్రకాశం జిల్లా పొన్నలూరు మండలంలోని కొత్తశింగరబొట్లపాలేనికి చెందిన మాజీ జెడ్పీటీసీ సభ్యురాలు అప్పనబోయిన సుధారాణి (36) తన కుటుంబ సభ్యులతో కలిసి తిరుపతిలో ఉంటున్నారు . ఆమె భర్త గోవిందరావు అక్కడే ఓ ప్రైవేట్‌ కళాశాలలో ఉపాధ్యాయుడిగా పనిచేస్తున్నాడు. ఈ నెల 13వ తేదీన సుధారాణికి గుండెపోటు రావడంతో ఓ ప్రైవేట్‌ ఆస్పత్రిలో చేర్పించారు. ఆమె చికిత్స పొందుతూ మృతి చెందారు . అయితే ఆమె మృత దేహాన్ని కొత్తశింగరబొట్లపాలెం తీసుకొచ్చేందుకు అనుమతి లేక తిరుపతిలోనే అంత్యక్రియలు నిర్వహించారు. ఆమె కుటుంబ సభ్యులకు సెల్‌ఫోన్‌లో మృతదేహాన్ని, అంత్యక్రియల దృశ్యాన్ని చూపించి దహనం చేశారు. కాగా చివరిసారి చూసుకునే అవకాశం రాలేదని ఆమె కుటుంబ సభ్యులు ఎంతగానో బాధపడుతున్నారు .