Category:

Filmy Adda

మహేష్ బాబు కోసం పవన్ కళ్యాణ్….ఎంటి సంగతి?

by Mounika Singaluri November 18, 2023

written by Mounika Singaluri

తెలుగు సినిమా ఇండస్ట్రీలో హీరోలు మధ్య మంచి సత్సంబంధాలు ఉంటాయి. సినిమాల విషయంలో హీరో ఫ్యాన్స్ బయట గొడవలు పడుతూ ఉంటారు గాని నిజానికి హీరోలు అందరూ కలిసిమెలిసిగానే ఉంటారు. మహేష్ బాబు ఒక వేదికలో మేం మేం బాగానే ఉంటాం, మీరు కూడా బాగుండాలని బహిరంగంగానే చెప్పారు. పవన్ కళ్యాణ్ కూడా అందరు అభిమానులు బాగుండాలి… గొడవలు పడవద్దు మేమందరం కలిసి ఉంటాం అంటూ చాలాసార్లు చెప్పారు.

ఇదంతా నిరూపించేలా హీరోలందరూ కలిసి ఏర్పాటు చేసుకునే ఫంక్షన్ లలో వారందరూ కలిసిమెలిసి దిగిన ఫోటోలు చూస్తే ఫాన్స్ కూడా ముచ్చట పడుతుంటారు.ఇదే సంబంధం సినిమాలు విషయంలో కూడా కనిపిస్తూ ఉంటుంది.ఒక హీరో సినిమాలో ఒక హీరో గెస్ట్ రోల్ చేయడం.

ఒకరి ఆడియో ఫంక్షన్ కి ఒకరు రావడం. ఒకరి సినిమాని ఒకరు ప్రమోట్ చేయడం.ఒకరి సినిమాలో ఇంకొకరు గొంతు కలిపి పాట పాడడం ఇలా జరుగుతూ ఉంటుంది. అయితే ఇప్పుడు పవన్ కళ్యాణ్ మహేష్ బాబు గుంటూరు కారం సినిమా కోసం తన గొంతు కదపనున్నారు. గొంతు కదపటం అంటే పవన్ కళ్యాణ్ ఏమి పాట పాడడం లేదు. మహేష్ బాబు గుంటూరు కారం సినిమాలో హీరో ఇంట్రడక్షన్ కోసం పవన్ కళ్యాణ్ వాయిస్ ఓవర్ ఇవ్వనున్నట్లు ఫిలింనగర్ సర్కిల్స్ లో వినిపిస్తుంది. ఇప్పటికే పవన్ కళ్యాణ్ నటించిన జల్సా సినిమాలో హీరో క్యారెక్టర్ గురించి చెప్తు మహేష్ బాబు వాయిస్ ఓవర్ ఇచ్చారు. అది జల్సా సినిమాకి చాలా ప్లస్ అయింది. ఇప్పుడు మహేష్ కోసం పవన్ కళ్యాణ్ ముందుకు రానున్నారు.

ఇక్కడ విశేషమేంటంటే అప్పుడు జల్సా సినిమాకి ఇప్పుడు గుంటూరు కారం సినిమాకి దర్శకుడు త్రివిక్రమ్ కావడం. త్రివిక్రమ్ కి పవన్ కళ్యాణ్ కి ఉన్న అనుబంధం గురించి వేరేగా చెప్పాల్సిన పనిలేదు. అలాగే మహేష్ తో త్రివిక్రమ్ కి కూడా మంచి అనుబంధం ఉంది. సో దీన్ని బట్టి చూస్తే ఫ్రెండ్షిప్ కోసం పవన్ కళ్యాణ్ గొంతు ఇవ్వడానికి ముందుకు వస్తున్నారు అనమాట. ఒకవేళ ఇదే నిజమైతే మహేష్ బాబు ఫ్యాన్స్ కి, పవన్ కళ్యాణ్ ఫ్యాన్స్ కి పవన్ కళ్యాణ్ ఫ్యాన్స్ కి పునకాలే….!

Also Read:వరల్డ్ కప్ కి, మహేష్ బాబుకి ఉన్న ఈ విచిత్రమైన సంబంధం గురించి తెలుసా..? ఈ లెక్క ప్రకారం ఈ సారి కూడా..?

November 18, 2023

Filmy Adda

రోజా గారి గొప్పతనం ఏంటి? రాకింగ్ రాకేష్ ఎం చెప్పారంటే…!!!!

by kavitha November 18, 2023

written by kavitha

ఈ టీవిలో వచ్చే జబర్దస్త్ షో ద్వారా ఊహించని స్థాయిలో సక్సెస్ అయిన కమెడియన్లలో రాకింగ్ రాకేశ్ ఒకరు.

చిన్నపిల్లలతో కామెడీ స్కిట్లు చేయడం ద్వారా పాపులర్ అయిన ఈ కమెడియన్ కేసీఆర్ అనే టైటిల్ తో సినిమా తీయగా ఈ సినిమాకు ఎన్నో ఇబ్బందులు ఎదురవుతున్నాయి.

ఒక యూట్యూబ్ ఛానల్ కు ఇంటర్వ్యూ ఇచ్చిన రాకేశ్ ఏవైనా ఆరోపణలు వస్తే నిజం ఏంటి అని తెలుసుకొని మాట్లాడాలని తెలిపారు. నిజం ఏదో ఒకరోజు తెలుస్తుందని రాకేశ్ అన్నారు.జబర్దస్త్ లో తీసేశారా? అని కామెంట్లు చేస్తారని రాకేశ్ అభిప్రాయం వ్యక్తం చేశారు.

జబర్దస్త్ మానేసిన చాలామంది ఇల్లు గడవట్లేదు అని చెబుతున్నారు కానీ మనస్సు బాధ పడిందని ఎవరూ భావించలేదని ఆయన తెలిపారు. “నా లిమిట్స్ నాకు తెలుసు”రాకేశ్ వెల్లడించారు. నన్ను నేను ప్రూవ్ చేసుకోవడానికి స్కిట్లు చేసిన సందర్భాలు ఉన్నాయని రాకేశ్ అన్నారు. భజనకు ప్రయారిటీ ఉంటుందని ఆయన వెల్లడించారు.

తిన్నదాని మీద తప్పు మాట్లాడటం తప్పు అని రాకేశ్ అన్నారు. ఎదురు తిరిగేంత సమయం నాకు లేదని రాకేశ్ చెప్పుకొచ్చారు. నన్ను, నా భార్యను కలిపింది రోజా అని ఆయన తెలిపారు. రోజాగారు గంట సమయం కేటాయించి కష్టాల్లో ఉన్న సమయంలో ధైర్యం చెప్పారని రాకేశ్ తెలిపారు. నా పెళ్లిని రోజాగారు అంగరంగవైభవంగా చేశారని రాకేశ్ అభిప్రాయం వ్యక్తం చేశారు. రోజా వ్యక్తిత్వం మంచిదని ఆయన తెలిపారు.

నేను అమ్మ అమ్మ అని రోజాను ప్రేమలా పిలుచుకుంటానని ;నాకు ఎవరూ లేరని సపోర్ట్ ఉండాలని రోజా భావించారని రాకేశ్ చెప్పుకొచ్చారు. మా అమ్మను ఆస్ట్రేలియాకు తీసుకెళ్లాలని రాకేశ్ అన్నారు. రాకేశ్ కు కెరీర్ పరంగా మరింత సక్సెస్ దక్కాలని నెటిజన్లు కామెంట్లు చేస్తున్నారు. రాకేశ్ కామెడీ టైమింగ్ కు ఎంతోమంది ఫ్యాన్స్ ఉన్నారు. రాకేశ్ సినిమా ఎప్పుడు థియేటర్లలో విదుదలవుతుందో చూడాల్సి ఉంది.

ALSO READ:- రోజా సెల్వమణి “ప్రేమ కథ” తెలుసా..? వీరి పరిచయం ఎలా మొదలయ్యింది అంటే..?

November 18, 2023

Filmy Adda

“నయనతార” తో పాటు… “శింబు” రిలేషన్‌షిప్‌లో ఉన్న 8 మంది హీరోయిన్స్..!

by Mounika Singaluri November 18, 2023

written by Mounika Singaluri

కోలీవుడ్ ఇండస్ట్రీ లో మోస్ట్ ఎలిజిబుల్ బ్యాచిలర్ అంటే గుర్తు వచ్చేది శింబునే. శింబు తమిళ్ లో స్టార్ హీరో. తెలుగులో కూడా మంచి ఫాలోయింగ్ ఉంది. తెలుగులో అడపాదడపా పాటలు పాడుతూ ఉంటాడు. అయితే తాజాగా శింబుకి వరస పెట్టి ఫ్లాపులు వస్తున్నాయి. ఇప్పుడిప్పుడే మళ్ళీ ఫామ్ లోకి వస్తున్నాడు. అయితే కోలీవుడ్లో ప్లే బాయ్ అనగానే గుర్తు వచ్చేది శింబు మాత్రమే. శింబు నడిపిన అఫైర్లు ఏ హీరో నడిపి ఉండడు. చాలామందితో లవ్ లో ఉండడం, కొన్ని రోజులు డేటింగ్ చేయడం, తర్వాత మళ్ళీ బ్రేకప్ ఇది మనోడి తంతు.

శింబు డేటింగ్ చేసిన హీరోయిన్ ల లిస్టు చూస్తే చాలా పెద్దగానే ఉంటుంది. ఒకసారి మనం ఆ లిస్టు పరిశీలిస్తే స్టార్ హీరోయిన్ నుండి యంగ్ హీరోయిన్స్ వరకు అందులో ఉంటారు.

1.నయనతార:

simbhu శింబుతో లవ్ అఫైర్ బ్రేకప్ అనగానే మనకి మొదటి గుర్తు వచ్చేది లేడీస్ సూపర్ స్టార్ నయనతార.
ఇద్దరు కలిసి పలు సినిమాల్లో నటించారు. అప్పట్లో పీకల్లోతుల్లో ప్రేమలో ఉన్నారు. ఇద్దరికి సంబంధించిన ప్రైవేట్ వీడియోలు కూడా బయట హల్చల్ చేస్తూ ఉంటాయి. నయనతార శింబుతో బ్రేకప్ అయిన తర్వాత కొన్ని రోజులు ప్రభుదేవతో తిరిగింది. ఫైనల్ గా డైరెక్టర్ విగ్నేష్ శివన్ ను పెళ్లి చేసుకుని హ్యాపీగా ఉంది.

2.త్రిష:

త్రిష కొలీవుడ్ లోనూ టాలీవుడ్ లోనూ స్టార్ హీరోయిన్ స్టేటస్ అనుభవిస్తుంది. ఇండస్ట్రీలోకి అడుగుపెట్టి 20 సంవత్సరాలు పూర్తయిన ఇప్పటికీ యంగ్ హీరోయిన్ లకు పోటీ ఇస్తుంది. అయితే త్రిష శింబు కూడా డేటింగ్ చేశారు అని వార్తలు బయటకు వచ్చాయి. ఇద్దరు కలిసి సినిమాల్లో కూడా నటించారు.

3. వరలక్ష్మి శరత్ కుమార్:

శింబు వరలక్ష్మి శరత్ కుమార్ ఇద్దరు కలిసి ఒక సినిమాలో నటించారు.ఆ సమయంలో వీరి మధ్య అఫైర్ నడిచినట్లుగా వార్తలు వినిపించాయి. తర్వాత వరలక్ష్మి విశాల్ తో లవ్ లో ఉండడంతో ఆ వార్తలు ఆగిపోయాయి.

4.హన్సిక:

నయనతార తర్వాత శింబు డేటింగ్ చేసిన వాళ్లలో ఎక్కువగా వార్తల్లో నిలిచింది హన్సిక. ఇద్దరు కలిసి పెళ్లి చేసుకుంటున్నారు అని గట్టిగా వినిపించింది. ఏమైందో ఏమో గాని తర్వాత ఇద్దరు విడిపోయారు.

5. ఐశ్వర్య:

రజనీకాంత్ కూతురు ఐశ్వర్యతో శింబు డేటింగ్ చేశాడు. ఇద్దరు మధ్య అఫైర్ ఉంది అని బాగా రూమర్స్ వచ్చాయి. దానికి సంబంధించిన ఆడియో ఫైల్స్ కూడా వైరల్ అయ్యాయి. ధనుష్ కి శింబుకి మధ్య దీని గురించే పడదు అనే అంటూ ఉంటారు.

6.ఆండ్రియా:

కొలీవుడ్ హీరోయిన్ ఆండ్రియతో కూడా శింబు అఫైర్ నడిపినట్లు వార్త వచ్చింది. అయితే మేమిద్దరం బెస్ట్ ఫ్రెండ్స్ అని దాన్ని కొట్టి పడేశారు.

7. హర్షిక:

కన్నడ హీరోయిన్ హర్షికతో సింబుకి అఫైర్ ఉన్నట్టు చెబుతారు. ఇద్దరూ ముద్దు పెట్టుకుంటున్న సీసీటీవీ వీడియో బయటకు వచ్చింది. అయితే ఆ వీడియో తమది కాదని ఇద్దరు కొట్టి పడేశారు.

8.నిధి అగర్వాల్:

ప్రస్తుతం శింబు హీరోయిన్ నిధి అగర్వాల్ తో ప్రేమలో ఉన్నట్లు చెబుతున్నారు. ఇద్దరు కలిసి చట్టపట్టాలు వేసుకుని తిరుగుతున్నారట. త్వరలో పెళ్లి చేసుకోబోతున్నారని వార్త కూడా బయటకు వచ్చింది. ఈ రిలేషన్ అయినా నిలబడుతుందో లేక శింబుకి అలవాటైన పద్ధతిలో బ్రేకప్ అవుతుందో చూడాలి.

Also Read:“స్కంద” మూవీలో ఈ సీన్ గమనించారా..? ఆ ఆన్సర్ కి ఏమైనా సంబంధం ఉందా..?

November 18, 2023

Filmy Adda

“స్కంద” మూవీలో ఈ సీన్ గమనించారా..? ఆ ఆన్సర్ కి ఏమైనా సంబంధం ఉందా..?

by Mounika Singaluri November 18, 2023

written by Mounika Singaluri

మాస్ డైరెక్టర్ బోయపాటి శ్రీను డైరెక్షన్ లో ఎనర్జిటిక్ హీరో రామ్, శ్రీ లీల జంటగా నటించిన సినిమా స్కంద. విచిత్రం రిలీజ్ కి ముందు భారీ అంచనాలు ఉన్నాయి. అయితే చిత్రం డిజాస్టర్ టాక్ ను సొంతం చేసుకుంది. బోయపాటి గత చిత్రం అఖండ సూపర్ హిట్ అవడంతో స్కంద కూడా ఆ రేంజ్ లోనే ఉంటుందని అందరూ ఎక్స్పెక్ట్ చేశారు.

అయితే అందరి అంచనాలను తలకిందులు చేస్తూ బోయపాటి మరి సిల్లీగా స్కంద సినిమా చేసేసాడు. కొన్ని కొన్ని సీన్లలో అయితే రామ్ కు డూపుగా బోయపాటి నటించేసాడు అంటే అర్థమవుతుంది ఈ సినిమాని తను ఎలా తీశాడు అని.

థియేటర్లలో ఫ్లాప్ గా మిగిలిన ఈ చిత్రం తాజాగా ఓటిటి లో రిలీజ్ అయింది. థియేటర్ లో టాక్ కి సంబంధం లేకుండా ఓటిటి లో మంచి వ్యూస్ సంపాదించుకుంటుంది. అయితే ఈ సినిమాలో కొన్ని సీన్లు లాజిక్ గా అందకుండా ఉన్నాయి. ఆ సీన్లను ఇంటర్నెట్ లో బాగా ట్రోల్ చేస్తున్నారు. కొన్ని సీన్ లలో అయితే చనిపోయిన వ్యక్తి ఎడిటింగ్ మిస్టేక్ వల్ల మళ్ళీ కనిపించాడు. దాన్ని అయితే ఒక రేంజ్ లో ట్రోల్ చేశారు. ఏందిది బోయపాటి అంటూ గట్టిగా ఏసుకున్నారు. ఇప్పుడు మరో సీన్ ఫన్నీ ఎడిట్ లు విపరీతంగా ట్రోల్ కి గురవుతుంది. అదేంటంటే శ్రీ లీల హీరో ఫాదర్ నీ “మీ కొడుకుకి ఏమన్నా జరిగుంటే” అని అడుగుతుంది. దానికి సమాధానంగా అతను “కొడుకు అంటే కొరివి పెట్టేవాడు కాదు… పరువు నిలబెట్టేవాడు….అయాం ప్రౌడ్ అఫ్ మై సన్ ” అంటూ సమాధానం చెబుతాడు.

అక్కడ అడిగిన క్వశ్చన్ కి చెప్పిన సమాధానంకి సంబంధం లేదు. దీనికి ఫన్నీ వీడియోలు చేసి నేను అడిగింది ఏంటి నువ్వు చెప్పింది ఏంటి అన్నట్టు చేస్తున్నారు. మహేష్ బాబు ఖలేజా సినిమాలో సీన్లు మధ్యలో మిక్స్ చేసి బోయపాటిని ఒక రేంజ్ లో ఆడుకుంటున్నారు. ఏదో ఎమోషన్ క్యారీ చేద్దామనుకుంటే అది మోషన్స్ పట్టుకున్న దానిల అయిందంటూ నవ్వుతున్నారు. బోయపాటి ఒక సినిమా హిట్టు కొడితే దాని తర్వాత సినిమా ఫట్ చేయడం ఆనవాయితి ఏమో….పాపం బోయపాటి ని నమ్ముకుని రామ్ బుక్కై పోయాడు.

Watch Video:

https://www.instagram.com/reel/CznSzJBJ6qv/?igshid=NjZiM2M3MzIxNA==

Also Read:బాలీవుడ్ నుండి వచ్చిన మరొక డబ్బింగ్ సినిమా… మన వాళ్లకి నచ్చిందా..? ఈ సినిమా చూశారా..?

November 18, 2023

Filmy Adda Movie Reviews Viral

SPARK L.I.F.E. REVIEW: సైలెంట్ గా రిలీజ్ అయిన ఈ సినిమా ఎలా ఉంది..? స్టోరీ, రివ్యూ & రేటింగ్.!

by kavitha November 17, 2023

written by kavitha

అసలు ఏ అంచనాలు లేకుండా వచ్చిన చిత్రం స్పార్క్ L .I .F .E . నవంబర్ 17 న ప్రేక్షకుల మధ్యలోకి వచ్చింది. ఈ సినిమాని చూస్తే మీకు మాటలుండవు,అంటే ఇంకో అర్ధంలో వస్తుంది.అసలు ఈ చిత్రం ఏ కోణంలోకి వస్తుంది? కామెడీనా, యక్షనా, థ్రిల్లరా తెలియట్లేదు.ఈ మూవీ తాజాగా విడుదల అయింది.ఎలా ఉందో రివ్యూ చూద్దాం….!

చిత్రం : స్పార్క్ L .I .F .E .
నటీనటులు : విక్రాంత్ రెడ్డి, మెహరీన్ పీర్జాదా, రుక్సార్ ధిల్లోన్, వెన్నెల కిషోర్
నిర్మాత : డెఫ్ ఫ్రాగ్ ప్రొడక్షన్స్
దర్శకత్వం : విక్రాంత్ రెడ్డి
సంగీతం : హేషం అబ్దుల్ వహాబ్
విడుదల తేదీ : నవంబర్ 17, 2023

స్టోరీ :
అనన్య (రుక్సార్) మీద ఉన్న జై (విక్రాంత్) ప్రేమ భయంకరమైన సంఘటనలకు దారి తీస్తుంది. లేఖ(మెహరీన్)కి వచ్చే కలలలు ఆర్య అనే ఒక పరిచయంలేని వ్యక్తితో కలుస్తాయి. హత్యలు వరుసగా జరిగే క్రమంలో వీళ్ళ జీవితాలు మలుపు తీరుగుతాయి.అసలు ఆర్య స్నేహితుడా లేదా దుష్మనా? అన్నది ఈ కథ. ఈ చిత్రంలో ఊహించని మలుపులు ఉంటాయి.

అసలు ఈ హత్యలు ఎవరు చేస్తున్నారు,ఎందుకు చేస్తున్నారు?పొలిటికల్ బ్యాక్ గ్రౌండ్ లో ఉన్న సుహాసిని,ఆర్మీలో ఉన్న నాస్సర్ కి వీటికి సంబంధం ఉన్నాయా? పోలీస్ అయిన బ్రహ్మాజీ అసలు క్రిమినల్ ని పట్టుగొగలడా?అసలు ఆ మర్డర్స్ ఎందుకు చేస్తున్నాడు ,సైకోనా?లేదా ద్వేషమా?అసలు లేఖకి జరిగినట్టు నిజ జీవితంలో కూడా జరుతుందా?ఈ ప్రశ్నలకు సమాధానం కావాలి అంటే ఈ సినిమా చూడాల్సిందే…

రివ్యూ :
అసలు ఈ సినిమా తీసిన డైరెక్టర్ మరియు స్క్రీన్ ప్లే రాసిన వాళ్ళు ప్రతీ కోణాన్నిఉండేలా చూసుకోవాలి అనుకున్నారు.కాని ఈ సినిమా ఫైనల్ కాపీతో వచ్చినప్పుడు అసలు డైరెక్టర్ మనకి ఏమి చెప్పాలి అనుకుంటున్నాడో తెలియదు.అది కామెడీనా,లవ్ స్టోరీనా,థ్రిల్లేరా లేదా మర్డర్ మిస్టరీనా అని ఫిలిం చుసిన వాళ్ళు తేల్చలేకపోతున్నారు.సినిమా అంతా ఒక కలగలిసిన మిఠాయిలు ఉన్నటు ఉంటుంది.కొన్ని కెమెరా షాట్స్ చెప్పుకోదగ్గట్టుగా ఉన్నాయ్.ట్రైలర్ ని మంచిగా ఎడిటింగ్ చేసి అట్ట్రాక్ట్ చేసారు కానీ సినిమా మాత్రం అంతగా ఆకట్టుకోలేకపోయింది.

ప్లస్ పాయింట్స్ :

ఒక సినిమాలో వేరువేరు కాన్సెప్ట్స్ ఎలా కలపకూడదో చూపించింది.
సీనియర్ నటులు అయిన నాస్సర్,సుహాసిని,బ్రహ్మాజీ,అన్నపూర్ణ గార్ల నటన.
క్లోజ్ అప్ షాట్స్.
వెన్నల కిషోర్ ప్రెసెన్స్.

మైనస్ పాయింట్స్:

సాగదీసినట్టుగా ఉండే సీన్స్
తెలిసిపోయే కథ
మ్యూజిక్ అయితే అసలు చెప్పనక్కర్లేదు.
VFX షాట్స్

రేటింగ్ :

1/5

ట్యాగ్ లైన్ :

మీకు టైగర్ 3 , కిచిడి 2 ,సప్త సాగరాలు దాటి సైడ్ B కలిపి చూసినట్టు ఉంటుంది.ఈ చిత్రం ఈ మూడు చిత్రాలు కలిపి తీసినట్టు అర్ధం పర్ధం లేకుండా ఉంటుంది.

Watch Trailer:

ALSO READ : నందమూరి బాలకృష్ణ భగవంత్ కేసరి… 29 రోజుల టోటల్ కలెక్షన్స్…

November 17, 2023

Filmy Adda Sports Adda

వరల్డ్ కప్ కి, మహేష్ బాబుకి ఉన్న ఈ విచిత్రమైన సంబంధం గురించి తెలుసా..? ఈ లెక్క ప్రకారం ఈ సారి కూడా..?

by Mounika Singaluri November 17, 2023

written by Mounika Singaluri

మరో రెండు రోజుల్లో 2023 వన్డే ప్రపంచ కప్ ఫైనల్ మ్యాచ్ జరగనుంది. అహ్మదాబాద్ స్టేడియంలో ఇండియా ఆస్ట్రేలియా ఫైనల్ మ్యాచ్ లో తలపడనున్నాయి. ఇప్పటికే 150 కోట్ల మంది భారతీయులు ఇండియా మరోసారి వరల్డ్ కప్ నెగ్గాలని ఆత్రుతగా ఎదురు చూస్తున్నారు. పలువురు 2011లో ఇండియా వరల్డ్ కప్ నెగ్గినప్పటి సెంటిమెంట్లను తీసుకువచ్చి ఈసారి కూడా ఇండియా కచ్చితంగా వరల్డ్ కప్ నెగ్గుతుందని ఆశాభావం వ్యక్తం చేస్తున్నారు.

వరల్డ్ కప్ లాంటి మెగా టోర్నీ లకు ఇండియాలో ఉన్న సెలబ్రిటీలు అందరూ హాజరవుతారు. పొలిటికల్ లీడర్లు, సినిమా స్టార్లు వరల్డ్ కప్ కి హాజరై ఇండియన్ ఎంకరేజ్ చేస్తూ ఉంటారు. మొన్న జరిగిన సెమీఫైనల్ మ్యచ్ కి కూడా బాలీవుడ్ స్టార్ తో పాటు టాలీవుడ్ స్టార్లు కూడా హాజరయ్యారు.

అహ్మదాబాద్ లో జరగబోయే ఫైనల్ మ్యాచ్ కి కూడా చాలామంది స్టార్లు హాజరయ్యే అవకాశం ఉంది. అయితే ఇప్పుడు వరల్డ్ కప్ కి మహేష్ బాబు కి సంబంధం ఉంది అంటూ మహేష్ బాబు ఫ్యాన్స్ ఇంటర్నెట్ లో ఒక ఫోటోని వైరల్ చేస్తున్నారు. 2011లో ఇండియా వరల్డ్ కప్ నెగ్గినపుడు ఫైనల్ మ్యాచ్ కి సూపర్ స్టార్ మహేష్ బాబు హాజరయ్యాడు. దానికి సంబంధించిన ఫోటో ఇప్పుడు ఇంటర్నెట్ హల్చల్ చేస్తుంది. ఇప్పుడు మళ్లీ ఇండియా ఫైనల్ మ్యాచ్ ఆడనుంది. ఈ ఫైనల్ మ్యాచ్ కి కూడా మహేష్ బాబు హాజరయ్యే అవకాశం ఉందని ఫ్యాన్స్ ఎక్స్పెక్ట్ చేస్తున్నారు. అప్పుడు మహేష్ బాబు హాజరైనప్పుడు ఇండియా కప్పు నెగ్గింది. ఇప్పుడు కూడా మహేష్ మ్యాచ్ కి హాజరైతే ఇండియా కప్పు కొట్టి తీరుతుంది అన్న సెంటిమెంట్ ను బలంగా స్ప్రెడ్ చేస్తున్నారు.

మహేష్ బాబు మ్యాచ్ కి వెళ్తాడా లేదా అనేది వేచి చూడాల్సిన అంశం. అయితే ఎవరు మ్యాచ్ కి వెళ్ళినా వెళ్లకపోయినా ఇండియాలో ఉండే 150 కోట్ల మంది మద్దతు భారత టీం కి కచ్చితంగా ఉంటుంది. అందరూ కూడా ఇండియా మ్యాచ్ నెగ్గాలని కోరుకుంటారు. సో సెంటిమెంట్లను పక్కనపెట్టి ఇండియా కప్పు గెలవాలని అందరం కోరుకుందాం. ఈ ఫైనల్ మ్యాచ్ కి ఇండియా ప్రధానమంత్రి నరేంద్ర మోడీ హాజరవుతున్నట్లు తెలిసింది. ఇండియన్ ఎయిర్ ఫోర్స్ కూడా ఫైనల్ మ్యాచ్ సందర్భంగా ఎయిర్ ఈవెంట్స్ నిర్వహించనుంది. భారత మాజీ కెప్టెన్ ఎమ్మెస్ ధోని కూడా ఫైనల్ మ్యాచ్ కి హాజరవుతున్నారని అంటున్నారు. ఈ మ్యాచ్ లో ఇండియా కప్పు నిండితే ఆ కిక్కే వేరు కదా.

Also Read:“పాయల్ రాజ్‌పుత్” కి ఈ సినిమాతో హిట్ పడినట్టేనా..? స్టోరీ, రివ్యూ & రేటింగ్.!

November 17, 2023

Filmy Adda

నందమూరి బాలకృష్ణ భగవంత్ కేసరి… 29 రోజుల టోటల్ కలెక్షన్స్…

by Mounika Singaluri November 17, 2023

written by Mounika Singaluri

నందమూరి బాలకృష్ణ అనిల్ రావిపూడి కాంబినేషన్ లో వచ్చిన చిత్రం భగవంత్ కేసరి. దసరా కానుకగా విడుదలైన ఈ చిత్రం సూపర్ హిట్ టాక్ సొంతం చేసుకుంది. నందమూరి బాలకృష్ణను అనిల్ రావిపూడి చాలా కొత్తగా ప్రెజెంట్ చేశారు. శ్రీలీల, కాజల్ ఈ సినిమాలో కీలక పాత్రలో నటించారు. బాక్స్ ఆఫీస్ దగ్గర నాలుగు వారాలను సాలిడ్ కలెక్షన్స్ తో కంప్లీట్ చేసుకున్న ఈ సినిమా ఇప్పుడు 5వ వారంలో అడుగు పెట్టగా సినిమా ఇప్పటికీ మంచి షేర్స్ ను సొంతం చేసుకుంటూ ఉండటం విశేషం.

ఈ సినిమా 28వ రోజు బాక్స్ ఆఫీస్ దగ్గర 14 లక్షల రేంజ్ లో షేర్ ని అందుకోగా బాక్స్ ఆఫీస్ దగ్గర 29వ రోజు మొత్తం మీద 10 లక్షల రేంజ్ లో షేర్ ని సొంతం చేసుకుంది. దాంతో టోటల్ గా ఇప్పుడు 29 రోజుల్లో వరల్డ్ వైడ్ గా సాధించిన కలెక్షన్స్ ని గమనిస్తే

Bhagavanth Kesari 29 Days WW Collections Report:

Nizam: 18.90Cr
Ceeded: 14.30Cr
UA: 6.45Cr
East: 3.36Cr
West: 2.73Cr
Guntur: 5.31Cr
Krishna: 3.09Cr
Nellore: 2.56Cr
AP-TG Total:- 56.70CR(97.50CR~ Gross)
KA+ROI: 5.95Cr
OS: 7.31Cr~
Total WW Collections – 69.96CR(127.90CR~ Gross)

మొత్తం మీద సినిమా బాక్స్ ఆఫీస్ దగ్గర 68.50 కోట్ల రేంజ్ లో బ్రేక్ ఈవెన్ టార్గెట్ తో బరిలోకి దిగిన సినిమా 29 రోజుల్లో సాధించిన కలెక్షన్స్ తో సినిమా ఓవరాల్ గా 1.46 కోట్ల రేంజ్ లో ప్రాఫిట్ ను సొంతం చేసుకుని దుమ్ము లేపింది. ఇక ఫైనల్ రన్ లో ఎలాంటి కలెక్షన్స్ ని సాధిస్తుందో వేచి చూడాలి.

మాస్ కమర్షియల్ ఫిలిం గా అనిల్ రావిపూడి సినిమా మలిచిన విధానం ప్రేక్షకులను బాగా ఆకట్టుకుంటుంది. అనిల్ రావిపూడి సినిమాలంటే మినిమం గ్యారంటీ కావడంతో ఈ సినిమా కూడా ఆ ఎక్స్పెక్టేషన్స్ అందుకుంది. తమన్ అందించిన బ్యాక్గ్రౌండ్ స్కోర్ కూడా బాగా ప్లస్ అయింది.
కాగా దసరా కానుకగా లియో, రవితేజ టైగర్ నాగేశ్వరరావు చిత్రాలు కూడా విడుదలవుగా అవి భగవంత్ కేసరి ముందు నిలబడలేకపోయాయి

Also Read:హన్సిక” నటించిన ఈ సినిమా ఎలా ఉంది..? స్టోరీ, రివ్యూ & రేటింగ్.!

November 17, 2023

Filmy Adda Movie Reviews Viral

MY NAME IS SHRUTHI REVIEW : “హన్సిక” నటించిన ఈ సినిమా ఎలా ఉంది..? స్టోరీ, రివ్యూ & రేటింగ్.!

by Mounika Singaluri November 17, 2023

written by Mounika Singaluri

దేశముదురు సినిమాతో తెలుగులోకి ఎంట్రీ ఇచ్చింది ముద్దుగుమ్మ హన్సిక….ఆ సినిమా తర్వాత తెలుగు మంచి క్రేజ్ తెచ్చుకుంది.వరుసపెట్టి సినిమాలు చేసింది. తర్వాత తమిళ్ లో బిజీ అయ్యి, తెలుగులో సినిమాలు తగ్గించింది.ఇప్పుడు లేడీ ఓరియంటెడ్ మూవీ లకు మంచి ఆదరణ ఉండడంతో హన్సిక ప్రధాన పాత్రలో ఓ సస్పెన్స్ అండ్ క్రైమ్ థ్రిల్లర్ రూపొందింది.అదే మై నేమ్ ఇస్ శృతి…ఈ మూవీ తాజాగా విడుదల అయింది.ఎలా ఉందో రివ్యూ చూద్దాం….!

చిత్రం: మై నేమ్ ఇస్ శ్రుతి
నటీనటులు: హన్సిక,మురళి శర్మ,గురుమూర్తి,రాజ రవీంద్ర
దర్శకుడు:శ్రీనివాస్ ఓంకార్
సంగీతం: మార్క్ కె రాబిన్
విడుదల: నవంబర్ 17

hansika

కథ:

కిరణ్మయి (ప్రేమ) ఫేమస్ కాస్మోటిక్ సర్జిన్. ఎమ్మెల్యే గురునాథం అమ్మాయిలను వల వేసి ఇల్లీగల్‌గా వారి ఆర్గాన్స్‌ను అమ్మేస్తుంటాడు. ఓ సారి విక్రమ్ గ్రూప్స్ అధినేత భార్యకు చర్మ సమస్యలు వస్తాయి. దాని వల్ల చర్మ మార్పిడి చేయాల్సి వస్తుంది. ఈ క్రమంలో రేర్ బ్లడ్ గ్రూప్ ఉన్న అమ్మాయిల కోసం వెతుకుతారు. డ్రగ్ డీలర్ అను (పూజా రామచంద్రన్) కూడా ఈ గ్రూపులో ఓ వ్యక్తిగానే ఉంటుంది. శ్రుతి (హన్సిక) ఊరి నుంచి హైద్రాబాద్‌లోని తన అక్కా బావ బాబీ (ప్రవీణ్) ఇంటికి వస్తుంది.

అప్పటికే చరణ్ (సాయితేజ్) అనే వ్యక్తితో శృతి ప్రేమలో ఉంటుంది. ఆ తరువాత కొన్ని రోజులకు ప్రియ అనే అమ్మాయితో కలిసి హాస్టల్‌‌కు షిప్ట్ అవుతుంది. ఆ తరువాత శృతి జీవితంలో ఎలాంటి మార్పులు వచ్చాయి? చరణ్ నిజ స్వరూపం తెలుసుకున్న తరువాత శృతి ఏం చేసింది? అనుని చంపింది ఎవరు? అసలు ఈ గ్యాంగ్‌ను శృతి ఎలా ఆట కట్టించింది? శృతి ఆడిన మైండ్ గేమ్ ఏంటి? అన్నది తెరపై చూడాలి….!

రివ్యూ:

మై నేమ్ ఈజ్ శృతి కాన్సెప్ట్ కొత్తదే అయిన తీసిన విధానం మాత్రం పాతది, రాసుకున్న స్క్రీన్ ప్లే మాత్రం కొత్తగా ఉంటుంది. ఆడియన్స్ ను కాస్త కన్ఫ్యూజ్ చేసేలా ఉంటుంది. కానీ ఎంగేజింగ్‌గా ఉంటుంది. ఫస్ట్ హాఫ్ అంతా గజిబిజిగా సాగుతుంది. ముందుకు వెనక్కి కథనం సాగుతు స్క్రీన్ ప్లే ఆలోచించేలా, ఆసక్తి రేకెత్తించేలా ఉంటుంది. ఏం జరిగింది? ఏం జరగబోతోంది? అనే ఇంట్రెస్ట్ క్రియేట్ చేస్తుంది.ఫస్ట్ హాఫ్ కంటే కూడా సెకండాఫ్ మరింత ఇంట్రెస్ట్‌గా అనిపిస్తుంది.

అసలు మెయిన్ కథ అంతా కూడా సెకండాఫ్‌లోనే ఉంటుంది. ముందు నుంచి చూసిన సినిమా అంతా ఒకెత్తు అయితే..తర్వాత హన్సికను చూపించిన తీరు, ఆమె నటించిన విధానం ఒకెత్తు. ప్రీ క్లైమాక్స్, క్లైమాక్స్‌లో చూపించినే తీరు మరో ఎత్తు. అక్కడ వచ్చే ట్విస్టులు అందరినీ ఆశ్చర్యపరుస్తాయి. బ్యూటీ విత్ బ్రెయిన్ అనే ట్యాగ్‌కు శృతిని ఉదాహరణగా చూపించాడు దర్శకుడు.

విశ్లేషణ:

స్కిన్ మాఫియా మీద ఇప్పటి వరకు సినిమా రాలేదు. దర్శకుడు ఈ పాయింట్‌ను తీసుకోవడం కొత్తగా అనిపిస్తుంది.సాంకేతికంగానూ ఈ చిత్రం ఓకే అనిపిస్తుంది. మార్క్ కే రాబిన్ పాటల కంటే కూడా బ్యాక్ గ్రౌండ్ స్కోర్ ఎక్కువగా గుర్తుంటుంది. లెంగ్త్ తక్కువ ఉండటం కలిసొచ్చే అంశం. పాటలు అంతగా గుర్తుండకపోయినా మాటలు బాగుంటాయి. నిర్మాణ విలువలు మెప్పిస్తాయి.

హన్సిక ఈ చిత్రాన్ని తన భుజాల మీద మోసింది. శృతి పాత్రకు వంద శాతం న్యాయం చేసింది. ఫస్ట్ హాఫ్‌లో ఒక రకంగా కనిపిస్తే.. క్లైమాక్స్‌లో ఇంకో రకంగా కనిపిస్తు నటనతో ఆకట్టుకుంటుంది. ఎమోషనల్ సీన్స్‌లో మెప్పిస్తుంది. ఏసీపీ రంజిత్‌గా మురళీ శర్మ తన అనుభవాన్ని చూపించాడు. డీజీపీగా జయ ప్రకాష్, ఎమ్మెల్యేగా గురుమూర్తి తనకు అలవాటైన రీతిలో నటించారు. అప్పాజీ అంబరీష, సీవీఎల్, సాయి తేజ్, రాజా రవీంద్ర పాత్రలు మెప్పిస్తాయి.

ప్లస్ పాయింట్స్:

కథ
హన్సిక నటన
స్క్రీన్ ప్లే
బ్యాక్ గ్రౌండ్ స్కోర్

మైనస్ పాయింట్స్:

గందరోళంగా ఉండే ఫస్ట్ హాఫ్
రొటీన్ టేకింగ్
సాంగ్స్

ఫైనల్ గా : శృతి… బ్యూటీ విత్ బ్రెయిన్ ట్యాగ్ లైన్ కు న్యాయం చేసింది

రేటింగ్: 3/5

watch trailer :

Also Read: SAPTA SAGARALU DHAATI (SIDE B) REVIEW : సైడ్ A లాగానే ఈ సినిమా కూడా ఆకట్టుకుందా..? స్టోరీ, రివ్యూ & రేటింగ్.!

November 17, 2023

Filmy Adda Movie Reviews Viral

SAPTA SAGARALU DHAATI (SIDE B) REVIEW : సైడ్ A లాగానే ఈ సినిమా కూడా ఆకట్టుకుందా..? స్టోరీ, రివ్యూ & రేటింగ్.!

by Mohana Priya November 17, 2023

written by Mohana Priya

నెల రోజుల క్రితం సైలెంట్ గా రిలీజ్ అయ్యి, సెన్సేషన్ క్రియేట్ చేసిన సినిమా సప్త సాగరాలు దాటి. కన్నడలో రిలీజ్ అయిన ఈ సినిమా, తెలుగులో కూడా డబ్ అయ్యి రిలీజ్ అయినా కూడా ఒక తెలుగు సినిమాకి సమానంగా కలెక్షన్స్ వచ్చాయి. ఇప్పుడు ఈ సినిమాకి రెండవ భాగం రిలీజ్ చేశారు. ఈ సినిమా ఎలా ఉందో ఇప్పుడు చూద్దాం.

చిత్రం : సప్త సాగరాలు దాటి (సైడ్ B)
నటీనటులు : రక్షిత్ శెట్టి, చైత్ర ఆచార్, రుక్మిణి వసంత్.
నిర్మాత : రక్షిత్ శెట్టి
దర్శకత్వం : హేమంత్ రావు
సంగీతం : చరణ్ రాజ్
విడుదల తేదీ : నవంబర్ 17, 2023

స్టోరీ :

మొదటి పార్ట్ ముగిసిన పది సంవత్సరాల తర్వాత ఈ సినిమా మొదలవుతుంది. 2021 లో మనిషితో మనిషి మాట్లాడడానికి, అసలు మాస్క్ లేకుండా రోడ్ మీదకి రావడానికి కూడా ఆలోచించే సమయంలో ఈ కథ నడుస్తుంది. జైలు నుండి మను (రక్షిత్ శెట్టి) బయటికి వచ్చేస్తాడు. ప్రియ (రుక్మిణి వసంత్) పెళ్లి చేసుకుంటుంది. ఒక బాబు కూడా ఉంటాడు. ఒక బట్టల కాణంలో పని చేస్తూ ఉంటుంది. మనుకి సురభి (చైత్ర ఆచార్) అనే అమ్మాయి పరిచయం అవుతుంది. మను ప్రియని ఎలా కలిశాడు? సురభి మనుని ప్రేమించిందా? 10 సంవత్సరాల తర్వాత మనుని చూసిన ప్రియ ఏం చేసింది? తనని ఇబ్బంది పెట్టిన వారిపై మను పగ ఎలా తీర్చుకున్నాడు? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

ఇండస్ట్రీలో ఒక సంవత్సరంలో ఎన్నో ప్రేమ కథలు వస్తాయి. కానీ వాటిలో కొన్ని సినిమాలు మాత్రమే ఎన్ని సంవత్సరాలు అయినా కూడా గుర్తుండిపోతాయి. ఇటీవల వచ్చిన సప్త సాగరాలు దాటి సినిమాని అలా గుర్తుండిపోయే సినిమాల కిందకే లెక్క వేస్తారు. లవ్ స్టోరీ అంటే కేవలం ఇద్దరు ఆనందంగా ఉండడం మాత్రమే కాదు, దానికి సమస్య కూడా ఉంటుంది అని ఈ సినిమా ద్వారా చూపించారు.

ఇద్దరు భిన్న మనస్తత్వాలు ఉన్న వ్యక్తులు ప్రేమించుకుంటే, తర్వాత వాళ్ళు ఎదుర్కొనే పరిణామాలు ఏంటి అనే విషయాన్ని చాలా క్లియర్ గా చెప్పారు. అంత క్లియర్ గా చెప్పడం కారణంగా సినిమాని రెండు భాగాలుగా వేరు చేసి ఇప్పుడు రెండవ పార్ట్ ని విడుదల చేశారు. జైలు నుండి బయటకు వచ్చిన మను, సురభి అనే అమ్మాయిలో ప్రియని చూసుకోవాలి అనుకుంటాడు. కానీ సురభి ప్రియకి ఎక్కడా దగ్గరగా ఉండదు. అయినా కూడా మను సురభిని ఇష్టపడతాడు.

మరొక పక్క ప్రియ తాను కలలు కన్న జీవితానికి పూర్తి భిన్నంగా ఉన్న జీవితాన్ని గడుపుతూ ఉంటుంది. దాంతో మను ప్రియని ఎలా మార్చాడు అనే విషయాన్ని ఇందులో చూపించారు. మొదటి పార్ట్ లాగానే ఈ సినిమా కూడా ఎమోషన్స్ తో నిండి ఉంటుంది. సినిమా చూస్తున్నంత సేపు మను, ప్రియ అనే ఒక ఇద్దరు వ్యక్తుల ప్రేమ కథని చూస్తున్నట్టే ఉంటుంది. మొదటి భాగంతో పోలిస్తే ఈ సినిమా కథ పరంగా వివిధ విషయాలతో డీల్ చేస్తుంది. మను బయటికి రావడం, సురభి అనే కొత్త వ్యక్తి రావడం, ప్రియ పరిస్థితి మారిపోవడం, తనని ఇబ్బంది పెట్టిన వారిపై మను పగ తీర్చుకోవడం ఇవన్నీ కూడా ఈ సినిమాలో చూపించారు.

ఎండింగ్ కూడా ఏ డబ్బు కోసం అయితే మను ఇంత చేసాడో, అదే డబ్బుని మరొకరికి ఎలా ఉపయోగించాడు అనేది చూపించారు. కానీ సినిమా అంతా చాలా స్లోగా నడుస్తుంది. సాధారణంగా ఫాస్ట్ పేస్ సినిమాలు ఇష్టపడే వారికి ఈ సినిమా ఈ విషయంలో మాత్రం సహనాన్ని పరీక్షించే అవకాశం ఉంది. సినిమా కథ ప్లెయిన్ గా ఉన్నా కూడా, ఒక దర్శకుడు తన పాత్రల నుండి మంచి పర్ఫామెన్స్ రాబడితే సినిమా అక్కడే సగం హిట్ అయిపోతుంది. ఈ సినిమా విషయంలో కూడా అదే జరిగింది. సినిమాలో ఉన్న నటీనటులు అందరూ చాలా బాగా నటించారు.

సినిమా చూస్తున్నంత సేపు ఒక పోయేటిక్ ఫీలింగ్ వస్తుంది. ఫస్ట్ పార్ట్ లో సింపుల్ గా ఉన్న స్టోరీ ఉండడం కారణంగా ఏమో కానీ, రెండు భాగాలని పోల్చి చూస్తే మొదటి భాగం బాగుంది ఏమో అనిపిస్తుంది. అలా అని దీన్ని తక్కువ చేయడానికి ఏమీ లేదు. కాకపోతే ఇందులో మల్టిపుల్ విషయాల మీద శ్రద్ధ పెట్టడంతో ఎమోషన్స్ పరంగా మొదటి భాగం చాలా బాగుంది అనిపిస్తుంది. ఇందులో ఎమోషన్స్ చూపించిన సీన్స్ కూడా చాలా బాగా వర్క్ అవుట్ అయ్యాయి. కానీ స్క్రీన్ ప్లే విషయంలో మాత్రం ఇంకా కొంచెం జాగ్రత్త తీసుకొని ఉంటే బాగుండేది ఏమో అనిపిస్తుంది.

ప్లస్ పాయింట్స్ :

నటీనటుల పర్ఫార్మెన్స్
కొన్ని ఎమోషనల్ సీన్స్
పాటలు
సినిమాటోగ్రఫీ

మైనస్ పాయింట్స్:

సాగదీసినట్టుగా ఉండే కొన్ని సీన్స్
తెలిసిపోయే కథ

రేటింగ్ :

3/5

ట్యాగ్ లైన్ :

సినిమా స్లోగా ఉన్నా పర్వాలేదు అని అనుకునే వారికి, మొదటి భాగాన్ని విపరీతంగా ఇష్టపడిన వారికి సప్త సాగరాలు దాటి (సైడ్ B) సినిమా ఒక మంచి ఎమోషనల్ ప్రేమ కథగా నిలుస్తుంది.

watch trailer :

ALSO READ : సూపర్ స్టార్ “కృష్ణ” చేయాల్సిన సినిమాని “చిరంజీవి” చేశారా..? ఆ సినిమా ఏది అంటే..?

November 17, 2023

Filmy Adda Movie Reviews Viral

MANGALAVAARAM REVIEW : “పాయల్ రాజ్‌పుత్” కి ఈ సినిమాతో హిట్ పడినట్టేనా..? స్టోరీ, రివ్యూ & రేటింగ్.!

by Mohana Priya November 17, 2023

written by Mohana Priya

మొదటి సినిమాతోనే నటిగా గుర్తింపు తెచ్చుకొని, ఆ తర్వాత ఎన్నో డిఫరెంట్ పాత్రలు చేసిన హీరోయిన్ పాయల్ రాజ్‌పుత్. అలాగే దర్శకుడిగా తన మొదటి సినిమాతోనే హిట్ కొట్టిన డైరెక్టర్ అజయ్ భూపతి. వీరిద్దరూ ఒకే సినిమాతో పరిచయం అయ్యారు. ఇప్పుడు వీరిద్దరి కాంబినేషన్ లో వచ్చిన సినిమా మంగళవారం. ఈ సినిమా ఇవాళ థియేటర్లలో రిలీజ్ అయ్యింది. ఈ సినిమా ఎలా ఉందో ఇప్పుడు చూద్దాం.

చిత్రం : మంగళవారం
నటీనటులు : పాయల్ రాజ్‌పుత్, అజ్మల్ అమీర్, నందిత శ్వేత, దివ్య పిళ్లై.
నిర్మాత : స్వాతిరెడ్డి గునుపాటి, సురేష్ వర్మ ఎం
దర్శకత్వం : అజయ్ భూపతి
సంగీతం : బి అజనీష్ లోక్‌నాథ్
విడుదల తేదీ : నవంబర్ 17, 2023

స్టోరీ :

దాదాపు 80, 90 కాలాల్లో ఈ సినిమా కథ అంతా నడుస్తుంది. మహాలక్ష్మి పురం అనే ఒక ఊరు. ఆ ఊరిలో ఉంటే రవి, శైలజ (పాయల్) చిన్నప్పటినుండి స్నేహితులు. ఒక ప్రమాదంలో రవి చనిపోయాడు అనుకుని శైలజ బాధపడుతుంది. ఆ తర్వాత ప్రతి మంగళవారం ఆ ఊరిలో ఎవరో ఒకరు చనిపోతూ ఉంటారు. వివాహేతర సంబంధాలు పెట్టుకున్న వ్యక్తుల పేర్లు గోడల మీద రాసి ఉంటాయి. ఆ మరుసటి రోజు అలా ఆ గోడ మీద పేర్లు రాసి ఉన్న ఇద్దరు వ్యక్తులు మరణించి కనిపిస్తూ ఉంటారు.

ఆ ఊరికి మాయ (నందిత శ్వేత) అనే ఎస్ఐ కొత్తగా వస్తుంది. ఊరి ప్రజలు అందరూ కూడా ఆమె మీద అనుమానం పడతారు. వీరిపై మాత్రమే కాకుండా ఆ ఊరి పెద్ద జమీందారు అయిన ప్రకాశం బాబు (చైతన్య కృష్ణ), అదే ఊరిలో ఉండే గురజ (శ్రీ తేజ్), వాసు (శ్రవణ్ రెడ్డి), కసిరాజు (అజయ్ ఘోష్), వీరందరూ మాత్రమే కాకుండా అదే ఊరిలో ఉండే ఆర్ఎంపి విశ్వనాథం (రవీంద్ర విజయ్) మీద కూడా అనుమానాలు వస్తాయి.

ఇదంతా జరుగుతున్నప్పుడే, శైలజ జీవితంలోకి మదన్ (అజ్మల్ అమీర్) అనే ఒక వ్యక్తి వస్తాడు. శైలజ ఒక వింత వ్యాధితో బాధపడుతూ ఉంటుంది. ఆ బాధ ఏంటి? ఆ ఊరిలో చంపేసేది ఎవరు? శైలజకి ఈ సంఘటనలకి మధ్య ఏదైనా సంబంధం ఉందా? ఈ సమస్యలన్నీ ఎలా పరిష్కరించారు? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

ఇటీవల కాలంలో సస్పెన్స్ థ్రిల్లర్ సినిమాలకి డిమాండ్ బాగా పెరిగిపోయింది. విరూపాక్ష సినిమా ఎవరు ఊహించని అంత పెద్ద హిట్ అవ్వడంతో, ఇలాంటి సినిమాలు ఇంకా ఎక్కువగా వస్తున్నాయి. ఈ సినిమా ట్రైలర్ రిలీజ్ అయిన తర్వాత విరూపాక్ష సినిమాతో కొన్ని పోలికలు అయితే వచ్చాయి. కానీ జోనర్ ఒకటే అయినా కూడా సినిమాలకి పోలిక లేదు. ఇంక ఈ సినిమా కథ విషయానికి వస్తే, స్టోరీ పాయింట్ కొంచెం తెలిసినట్టే ఉంటుంది. కానీ మరి కొంచెం తెలియనట్టు కూడా ఉంటుంది.

హీరోయిన్ కి ఉన్న అలాంటి వింత ఇబ్బంది గురించి ఇప్పటి వరకు ఏ సినిమాలో చూపించలేదు ఏమో. ఇలాంటి ఇబ్బంది నుండి బయటికి రావడానికి, తనని తాను కంట్రోల్ చేసుకోవడానికి హీరోయిన్ తనని తానే ఇబ్బంది పెట్టుకోవడం అనేది ఈ సినిమాలో చూపించారు. సాధారణంగా ఒక వ్యక్తి ఒకరి కంటే ఎక్కువ మనుషులని ప్రేమిస్తే వారిని బయట మరొక ఉద్దేశంతో చూస్తూ ఉంటారు. కానీ అలా చేయడానికి వారు పడే ఇబ్బంది కారణం అని ఈ సినిమాలో చూపించారు.

కానీ ప్రేక్షకులకి అది ఎంత వరకు కరెక్ట్ అవుతుంది అనేది సినిమా రిజల్ట్ మీద ఆధారపడి ఉంటుంది. ఇంక పెర్ఫార్మన్స్ విషయానికి వస్తే, సినిమాలో ఉన్న నటీనటులు అందరూ కూడా వారి పాత్రలకు తగ్గట్టు చేశారు. హీరోయిన్ పాయల్ ఒక పక్క గ్లామర్ గా కనిపిస్తూనే మరొక పక్క ఎమోషన్స్ కూడా చూపించారు. తన పాత్ర వరకు తను బానే చేశారు. మరొక ముఖ్య పాత్రలో నటించిన అజయ్ ఘోష్ సినిమాకి మరొక హైలైట్ అయ్యారు.

మిగిలిన అందరూ నటీనటులు కూడా తమ పాత్రలకి న్యాయం చేశారు. సినిమాకి అతి పెద్ద హైలైట్ విజువల్స్. శివేంద్ర దాశరధి అందించిన సినిమాటోగ్రఫీ చాలా బాగుంది. కాంతార, విరూపాక్ష వంటి సినిమాలకు మ్యూజిక్ డైరెక్టర్ గా చేసిన అజనీష్ ఈ సినిమాకి కూడా సంగీతం అందించారు. బ్యాక్ గ్రౌండ్ మ్యూజిక్ ఈ సినిమాకి ప్రాణం పోసింది. సినిమా స్టోరీ పాయింట్ బాగానే ఉన్నా కూడా సినిమా చాలా స్లోగా సాగుతుంది. క్లైమాక్స్ లో ఒక ట్విస్ట్ పెట్టారు. కానీ అసలు ఆ పోర్షన్ అంతా కూడా ఇంకా బాగా రూపొందించి ఉంటే ఇంకా బాగుండేది అనిపిస్తుంది. సినిమాకి ఇంకొక భాగం కూడా ఉంటుంది అని చూపించారు. కానీ చాలా వరకు సినిమా తెలిసిపోతూ ఉంటుంది.

ప్లస్ పాయింట్స్ :

నటీనటులు
నిర్మాణ విలువలు
విజువల్స్
బ్యాక్ గ్రౌండ్ మ్యూజిక్

మైనస్ పాయింట్స్:

స్లో గా సాగే స్క్రీన్ ప్లే
క్లైమాక్స్ డిజైన్ చేసిన విధానం

రేటింగ్ :

3/5

ట్యాగ్ లైన్ :

గత సినిమా మహాసముద్రంతో పోలిస్తే ఈ సినిమాతో డైరెక్టర్ అజయ్ భూపతి ఇంప్రూవ్ అయ్యారు అనిపిస్తుంది. కానీ మొదటి సినిమా ఆర్ఎక్స్ 100 తో పోలిస్తే మాత్రం ఆ సినిమానే బాగుంది ఏమో అనిపిస్తుంది. ఏదేమైనా ఇలాంటి పోలికలు ఏమీ లేకుండా, సస్పెన్స్ థ్రిల్లర్ సినిమాలని ఇష్టపడే వారికి, కథనం స్లోగా ఉన్న పర్వాలేదు, అసలు సినిమా ఏంటో చూద్దాం అనుకునే వారికి ఈ సినిమా ఒక్కసారి చూడగలిగే యావరేజ్ సినిమా అవుతుంది. మొత్తానికి ఇలాంటి సస్పెన్స్ థ్రిల్లర్ జోనర్ లో మంగళవారం సినిమా ఒక మంచి ప్రయత్నంగా నిలుస్తుంది.

ALSO READ : సీనియర్ ఎన్టీఆర్ తీసుకున్న ఒకే ఒక్క నిర్ణయం… ఇండస్ట్రీ చరిత్రనే మార్చేసింది..! అది ఏంటంటే..?

November 17, 2023

Newer Posts

Older Posts