Filmy Adda

సోషల్ మీడియా ప్రస్తుతం సినీ సెలబ్రెటీలకు, ఫ్యాన్స్ కు మధ్య వారధిగా మారింది. ఒకప్పుడు అభిమాన తారలను చూడడానికి, కలవడానికి అభిమానులు చాలా పాట్లు పడేవారు. ఫేవరెట్ హీరో సినిమాల విజయోత్సవ సభల్లో చూడడానికి చాలా దూరం వెళ్లాల్సివచ్చేది.

కానీ ఇప్పుడు సోషల్ మీడియా ద్వారా నేరుగా తమ అభిమాన నటీనటులతో ఫ్యాన్స్ ముచ్చటిస్తున్నారు. ఎప్పటికప్పుడు వారి మూవీ అప్టేట్స్ తెలిసిపోతున్నాయి. ఇటీవల కాలంలో తమ అభిమాన స్టార్స్ చిన్నప్పటి ఫోటోలను షేర్ చేస్తున్నారు. అలా తాజాగా ఒక టాప్ హీరో చిన్ననాటి ఫోటో వైరల్ అవుతోంది. మరి ఆ హీరో ఎవరో ఇప్పుడు చూద్దాం..
గత కొద్దిరోజులుగా సోషల్ మీడియాలో సినీ తారల చిన్ననాటి ఫోటోలు ఎక్కువగా వైరల్ అవుతున్నాయి. పైన ఫోటోలో  ఉన్న పిల్లల్లో ఒకర టాప్ హీరో ఉన్నారు. ఆ హీరోని గుర్తుపట్టగలరా? ఆయన ప్రస్తుతం తెలుగు ఇండస్ట్రీలో స్టార్ హీరో. ఆ హీరోకి తెలుగు రాష్ట్రాల్లో విపరీతమైన ఫ్యాన్ ఫాలోయింగ్ ఉంది. హీరోలలో సైతం ఆయనకు అభిమానులు ఉన్నారు.
ఆ హీరో మాటలకు పదును ఎక్కువ. ఆయన పేరు ఆయన ఫ్యాన్స్ కు మంత్రం. కొందరికి బ్రాండ్. ఆయనకు టాలీవుడ్ లో ప్రాణాలిచ్చే ఫ్రెండ్స్, ఫ్యాన్స్ ఉన్నారు. ఆయన కున్న ఫాలోయింగ్ టాలీవుడ్ లో ఎప్పుడు సెన్సేషన్ అని చెప్పవచ్చు. ఆ హీరో మరెవరో కాదు పవర్ స్టార్ పవన్ కళ్యాణ్. నేడు పవన్ కళ్యాణ్ పుట్టినరోజు సందర్భంగా సోషల్ మీడియా అంతటా పవన్ నామస్మరణ జరుగుతోంది.
ఎక్కడ చూసిన పవన్ కళ్యాణ్ ఫోటోలు కనిపిస్తూ, వైరల్ గా మారుతున్నాయి. అలా పవన్ చిన్నప్పటి పలు ఫోటోలు కూడా నెట్టింట్లో సందడి చేస్తున్నాయి. పవన్ కళ్యాణ్ నటిస్తూన్న సినిమాల నుండి కూడా అప్డేట్స్ రిలీజ్ అయ్యాయి. ఓజి మూవీ నుండి రిలీజ్ అయిన టీజర్ కు ఫ్యాన్స్  నుండి విపరీతమైన రెస్పాన్స్ వస్తోంది. టీజర్ లో గ్యాంగ్ స్టార్ గా కనిపించిన లుక్ కి ఫ్యాన్స్ ఫిదా అవుతున్నారు.

Also Read: “థాంక్యూ సుజిత్ అన్నా..!” అంటూ… “పవన్ కళ్యాణ్” OG గ్లింప్స్ పై 15 మీమ్స్..!

అతిలోక సుందరి శ్రీదేవి బాలనటి గా కెరీర్ ను మొదలు పెట్టిన సంగతి తెలిసిందే. బాల కృష్ణ కూడా బాల నటుడి గానే కెరీర్ ను మొదలు పెట్టారు. కానీ ఈ ఇద్దరి కాంబినేషన్ లో ఒక్క సినిమా కూడా రాలేదు. సూపర్ స్టార్ కృష్ణ హీరో గా వచ్చిన సినిమా “మా నాన్న నిర్దోషి” అనే సినిమా 1970 లో వచ్చింది.

ఈ సినిమా లో శ్రీదేవి బాల నటి గా కనిపించింది. ఆ తరువాత “బడిపంతులు”, “విధి విలాపము” “నేను మనిషినే” వంటి సినిమాల్లో కూడా బాలనటి గా నటించింది. ఆ తరువాత 1978 లో వచ్చిన “పదహారేళ్ళ వయసు” సినిమా లో శ్రీదేవి హీరోయిన్ గా కనిపించింది.

ఆ తరువాత చాలా తెలుగు సినిమాల్లో చేసారు. మోసగాడు, వేటగాడు, కొండవీటి సింహం, ప్రేమాభిషేకం, బెబ్బులి పులి, కిరాయి కోటిగాడు, దేవత వంటి సినిమాలలో నటించనుంది. హటాత్తు గా ఆమెకు ఉత్తరాది లో అవకాశం వచ్చింది. 1974 లో బాలకృష్ణ బాలనటుడి గా సినిమాలు చేయడం ప్రారంభించారు. “తాతమ్మ కల” సినిమా తో బాలకృష్ణ తెలుగు తెర కు పరిచయం అయ్యారు. ఆ తరువాత భలే దొంగ, మంగమ్మ గారి మనుమడు, రామ్ రహీమ్, అన్నదమ్ముల బంధం, ముద్దుల మావయ్య, ముద్దుల కృష్ణుడు వంటి సినిమాల్లో కనిపించారు.

శ్రీదేవి హీరోయిన్ గా అయిన తరువాత వెంకటేష్, చిరంజీవి, నాగార్జున వంటి హీరోలందరితో కలిసి నటించింది కానీ బాలకృష్ణ తో మాత్రం శ్రీదేవి ఒక్క సినిమా కూడా చేయలేదు. దీనికి కారణం ఏంటనే విషయమై పలు రూమర్లు చక్కర్లు కొడుతున్నాయి. వాస్తవానికి వీరిద్దరి కాంబినేషన్ లో రెండు సినిమాలు రావాల్సి ఉంది.

1987 లో దర్శకేంద్రుడు రాఘవేంద్ర రావు వీరిద్దరి కాంబినేషన్ లో “సామ్రాట్” అనే సినిమా ను అనౌన్స్ చేసారు. ఆ తరువాత 1989 లో కోదండరామిరెడ్డి దర్శకత్వం లో “భలేదొంగ” సినిమా లో కూడా శ్రీదేవి నే హీరోయిన్ గా తీసుకోవాలనుకున్నారు. అయితే, శ్రీదేవి హిందీ సినిమాలతో వరుస ఆఫర్లతో బిజీ అయిపోయారు. దీనితో, బాల కృష్ణతో ఒప్పుకున్నా సినిమాల నుంచి తప్పుకోవాల్సి వచ్చింది. రౌడీ రాముడు, కొంటె కృష్ణుడు సినిమా లోను, అనురాగ దేవత అనే సినిమాలో కూడా వీరిద్దరూ ఒక ఫ్రేమ్ లో కనిపించారు. కానీ, బాల కృష్ణ, శ్రీదేవి జంట గా మాత్రం ఎపుడు కనిపించలేదు.

తమిళ్, తెలుగు సినిమాల్లో ఎన్నో సంవత్సరాల నుండి నటించి స్టార్ హీరోయిన్ గా గుర్తింపు తెచ్చుకుంది త్రిష. త్రిష సినిమాల్లో ఎన్నో పాత్రలలో నటించింది. కానీ ఒకే యాక్టర్ త్రిషకీ నాన్నగా, మామగా, లవర్ గా, అన్నగా నటించాడు. ఇంతకి ఆ నటుడు ఎవరో తెలుసా ప్రకాష్ రాజ్.

ప్రకాష్ రాజ్ సౌత్ సినీ ఇండస్ట్రీలో విలక్షణ నటుడిగా ప్రత్యేక ఇమేజ్ ను తెచ్చుకున్నారు. రెండు వందల చిత్రాలకు పైగా నటించారు. 5 భారతీయ భాషల మీద పట్టున్న యాక్టర్. ఇప్పటివరకు నాలుగు నేషనల్ అవార్డ్స్ ని అందుకున్నారు. తెలుగు,మళయాళం, కన్నడ,తమిళ్, హింది భాషా చిత్రాలలో నటించారు. హీరోగా, విలన్ గా, క్యారెక్టర్ ఆర్టిస్ట్ గా ఏ పాత్ర చేసిన అందులో ఒదిగిన తీరు ఆకట్టుకుంటుంది. ఎక్కువగా తండ్రి పాత్రల్లో నటించారు.ఇక నటుడిగానే కాకుండా దర్శకుడిగా, నిర్మాతగా వ్యవహరించారు.ఇక చెన్నై బ్యూటి త్రిష ఇండస్ట్రీకి ఇచ్చి ఇరవైమూడు ఏళ్లు గడుస్తున్నా వన్నె తరగని అందంతో ఇంకా నటిస్తూనే ఉంది. హీరోయిన్స్ పది ఏళ్లలోనే పరిశ్రమ నుండి ఫేడ్‌ అవుట్ అయ్యే రోజుల్లో కూడా 23 ఏళ్లుగా అగ్ర నటిగా నిలదొక్కుకున్న ఘనత త్రిషాకే దక్కింది. ఆ మధ్య సరైన హిట్స్ లేక కాస్త వెనక్కి తగ్గిన ఆమె ps-1 సినిమాతో కమ్‌బ్యాక్‌ అయ్యింది. మణిరత్నం దర్శకత్వంలో వచ్చిన ఈ సినిమా త్రిష కెరీర్‌ను మళ్ళీ మలుపు తిప్పింది. కుందవై యువరాణి పాత్రలో అద్భుతంగా నటించి మ్యాజిక్‌ చేసింది.ఇక అసలు విషయంలోకి వస్తే త్రిష, ప్రకాష్ రాజ్ కలిసి ఎన్నో సినిమాల్లో నటించారు.కానీ ఒకే హీరోయిన్ కి లవర్ గా, మామగా, నాన్నగా, అన్నగా ఇలా అన్ని పాత్రల్లోనూ చేసిన ఒకే ఒక నటుడు ప్రకాష్ రాజ్, ఆ హీరోయిన్ త్రిష. ఇలా వీరు నటించిన ఆ సినిమాల్లో వీరిద్దరూ పోటీ పడి నటించారు. ఆ ఘనత విరిద్దరికే దక్కుతుంది. ఆకాశమంతా సినిమాలో తండ్రి కూతుర్లుగా జీవించారు. నువ్వొస్తానంటే నేనొద్దంటానా మూవీలో త్రిష ప్రేమించిన అబ్బాయి తండ్రిగా, కాబోయే కోడలికి మంచితనం గుర్తించే మామగా, సైనికుడు సినిమాలో విలన్ బావమరిదిగా, త్రిషకి వరుసకి అన్నగా చేసాడు.తమిళంలో విజయ్‌ హీరోగా వచ్చిన గిల్లీ సినిమా,ఇది తెలుగులో మహేశ్‌ ‘ఒక్కడు’ సినిమాకి రీమేక్‌. ఇక్కడ హీరోయిన్ గా భూమిక నటించగా, తమిళ్ లో త్రిష నటించింది.త్రిషను ప్రేమించే విలన్ గా రెండు చోట్లా ప్రకాష్ రాజ్ నటించాడు. ఇలా తండ్రీ కూతుళ్లు గా, నాయికా ప్రతినాయకులుగా ఎలా కనిపించినా కూడా ప్రకాశ్‌రాజ్‌, త్రిష కాంబోను ఇటు తెలుగు ఆడియెన్స్ , అటు తమిళ ఆడియెన్స్ ఆదరించారు. తాజాగా వీరిద్దరు ముఖ్య పాత్రలు పోషించిన ‘పొన్నియిన్‌ సెల్వన్‌ 1’సూపర్ హిట్ అయ్యింది.

తెలుగు చలన చిత్ర పరిశ్రమలో ఎందరో మహానుభావులు అయిన నటులు ఉన్నారు. వారిలో చాలా మంది రంగస్థలం నుంచి వచ్చిన వారే. వారిలో ఒకరే కళ్యాణం వెంకటసుబ్బయ్య. కానీ ఈ పేరు చెబితే ఈయన్ను ఎవరు గుర్తుపట్టరు.

అదే ఈలపాట రఘురామయ్య అంటే చప్పున గుర్తుపడతారు కళాభిమానులు. అలాగే ఆయన పాడిన శ్రీ రామాంజనేయ యుద్ధం లోని ‘రామ నీల మేఘ శ్యామా’ పాత కూడా ఇప్పటికి వినిపిస్తూ ఉంటుంది.

తెలుగు రంగస్థల, చలనచిత్ర నటుడు అలాగే గాయకుడు అయిన రఘురామయ్య తన శ్రావ్యమైన గాత్రం, ఈలపాట తో ఎంతో గుర్తింపు సాధించుకున్నారు. రఘురామయ్యగారు నోటిలో వ్రేలు పెట్టి ఈల వేస్తూ పద్యాలను, పాటలను పాడేవారు. ఈయన ప్రతిభను తెలుసుకొని జవహర్‌లాల్ నెహ్రూ, ఇందిరాగాంధీ, రవీంద్రనాథ్ ఠాగూర్, సర్వేపల్లి రాధాకృష్ణ, వి.వి.గిరి మొదలైనవారు స్వయం గా ప్రశంసించారు. నెహ్రు గారు ఈయన తన చేతిలో ఏదైనా పరికరాన్ని దాచారా అని అడిగేవారట.

గుంటూరు జిల్లా సుద్దపల్లి లో 1901, మార్చి 5 వ తేదీన కళ్యాణం నరసింహరావు, కళ్యాణం వేంకట సుబ్బమ్మ దంపతులకు రఘురామయ్య జన్మించారు. చిన్ననాటి నుండే నాటకాలు వేసాడు. రఘురాముని పాత్ర పోషించడంలో ఈయన చాలా ప్రఖ్యాతిపొందాడు. అలాగే ఎన్టీఆర్ కంటే ముందు ఈయన్ని చూసి కృష్ణుడు అంటే ఇలాగే ఉండేవాడు అనుకొనేవారు ప్రజలు.

రఘురామయ్యకి సంగీతం పుట్టుకతో వచ్చింది. పశువులు కాస్తూ, ఆవులను తన గానంతో నిలిపి వేయగలిగేవాడు. ఆయన ప్రతిభ ఒక ఈలపాట నాటక ప్రముఖుడి దృష్టిలో పడటంతో రఘురామయ్య మకాం గుంటూరుకు మారింది. ఆయనలోని నటననుచూసిన కాశీ నాధుని నాగేశ్వరరావు ఆయనకు రఘురామయ్యగా నామకరణం చేశారు. గుంటూరు చుట్టుపక్కల మొదలయిన రఘు రామయ్య నాటకాలు అనతికాలంలోనే ఆంధ్ర దేశ మంతా ప్రదర్శనకు నోచుకున్నాయి. కొన్ని సినిమాల్లో పాత్రలు వేసినా, పాటలు పాడినా ఆయన మనసు మాత్రం నాటకరంగంమీదే.

డెబ్భై ఏళ్ళ వయసులో కూడా నాటకాలను ఎంతో హుషారుగా వెయ్యటమే కాకుండా భారత సాంస్కృతిక బృందంలో సభ్యుడిగా జపాన్, ఇతర తూర్పు ఆసియా ఖండ దేశాలకు వెళ్ళాడు. అక్కడ ఆయన కృష్ణుడిగా మేకప్ వేసుకుని బయటకు వచ్చేసరికి జపాన్ లోని రామకృష్ణ మిషన్ సభ్యులందరు లేచి నిలబడి నమస్కారం చేశారు. అంత గొప్పగా వుండేది ఆయన కృష్ణుడి వేషం.

కేంద్ర సంగీత, నాటక అకాడమీ అవార్డు అందింది. ఆ అవార్డ్ ని నాటి రాష్ట్రపతి తెలుగు ప్రముఖుడు వి.వి. గిరి చేతులమీదుగా అందుకున్నారు. అలాగే రఘురామయ్య ఈలపాట గురించి విన్న ఆనాటి ప్రధాని ఇందిరాగాంధీ తన అధికార నివాసానికి పిలిపించుకుని ఆయన ఈలపాట విన్నారు. తన పుట్టినరోజు వేడుకల్లో భాగంగా శ్రీకృష్ణ తులాభారం ప్రదర్శించమని సత్యసాయిబాబా ఆహ్వానం అందుకుని ప్రదర్శించటమేకాక సాయి బాబా మన్ననలు పొందారు. అప్పటికి ఆయన వయస్సు డెబ్బెమూడు సంవత్సరాలు.

రఘురామయ్య ఇంచుమించు 20 వేల నాటకాలలో మరియు 100 చలన చిత్రాలలో నటించారు. ఇక ఈయన వ్యక్తిగత జీవితం విషయానికి వస్తే.. రంగస్థల నటి ఆదోని లక్ష్మి గారితో ఈయన వివాహం 1938లో బాపట్లలో జరిగింది. వీరికి అయిదుగురు సంతానం.

వీరిలో రూపాదేవి, కళ్యాణం రామకృష్ణ సినీ రంగం లో ఉన్నారు. రఘురామయ్య గారు తన 75వ ఏట 1975 లో గుండెపోటు తో మరణించారు. భారత ప్రభుత్వం వీరికి పద్మశ్రీ అవార్డును ప్రధానం చేసింది. ఆయన జన్మించిన సుద్దపల్లి గ్రామంలో ఇటీవలే ఆయన కాంస్య విగ్రహాన్ని ఏర్పాటు చేశారు.

రాజకీయాల్లో బిజీ అయినా పవర్ స్టార్ పవన్ కళ్యాణ్ అభిమానుల కోసం ‘వకీల్ సాబ్’ సినిమాతో కం బ్యాక్ ఇచ్చారు. అప్పటి నుంచి వరుస ప్రాజెక్టులు ఓకే చేస్తూ బిజీ గా ఉంటున్నారు. ఇప్పటికే 3 ప్రాజెక్టులకు ఓకే చెప్పిన పవన్ వాటిని ఎప్పటికి పూర్తి చేస్తారా అని అభిమానులు ఎదురు చూస్తున్నారు.

అయితే ఆహార్యం లో చాలా సింపుల్ గా కనిపించే పవన్ కళ్యాణ్ దగ్గర పలు ఖరీదైన వస్తువులు ఉన్నాయి. అవేంటో ఇప్పుడు చూద్దాం..

#1 బంగ్లా

జూబ్లీ హిల్స్ లో పవన్ స్టార్ పవన్ కళ్యాణ్ కి ఒక అధునాతనమైన బంగ్లా ఉంది దాని విలువ 12 కోట్లు.

#2 ఫామ్ హౌస్

ఖాళీగా ఉంటే పవన్ కళ్యాణ్ ఫార్మ్ హౌస్ కే పరిమితమవుతారు. ప్రశాంత వాతావరణంలో వ్యవసాయం చేయడం, పశువుల పోషణ చూసుకోవడం ఆయనకు ఎంతో ఇష్టం. చాలా కాలం క్రితమే పవన్ హైదరాబాద్‌లో 16 ఎకరాల ల్యాండ్ కొనుగోలు చేశారు. ఇక్కడున్న ఫామ్ లాండ్ ఒక్కో ఎకరం 10 కోట్ల వరకు వుంటుందని చెబుతున్నారు. అంటే 16 ఎకరాల విలువ మొత్తం 160 కోట్లుగా చెబుతున్నారు.

#3 ఫ్లాట్

పవన్ కళ్యాణ్ కి బంజారా హిల్స్ లో ఒక ఫ్లాట్ కూడా ఉంది. దాని విలువ 1 .75 కోట్లు.

#4 మెర్స్ డెజ్ AMG జి 63

పవన్ కళ్యాణ్ వద్ద భారీ కార్ల కలెక్షన్ కూడా ఉంది. వాటిలో మెర్స్ డెజ్ AMG జి 63 ఒకటి. దాని విలువ 2 .18 కోట్లు

#5 జాగ్వర్ ఎక్స్ జె

పవన్ కళ్యాణ్ దగ్గరున్న మరో అధునాతనమైన కార్ జాగ్వర్ ఎక్స్ జె. దీని విలువ 1 .11 కోట్లు

#6 మెర్స్ డెజ్ బెంజ్ ఆర్ 350
పవర్ స్టార్ దగ్గరున్న మెర్స్ డెజ్ బెంజ్ ఆర్ 350 కాస్ట్ 66 .6 లక్షలు

#7 BMW 520 డి

పవర్ స్టార్ కలెక్షన్స్ లో ఉన్న BMW 520 డి విలువ 60 లక్షలు

#8 ఫోర్డ్ ఎండీవోర్

పవర్ స్టార్ దగ్గరున్న ఫోర్డ్ ఎండీవోర్ కాస్ట్ 33 . 7 లక్షలు

#9 హార్లే-డేవిడ్సన్ హెరిటేజ్ సోఫ్టైల్ క్లాసిక్

పవర్ స్టార్ దగ్గరున్న హార్లే-డేవిడ్సన్ హెరిటేజ్ సోఫ్టైల్ క్లాసిక్ బైక్ విలువ 18 లక్షలు

#10 పనరెయ్ సబ్ మర్సిబుల్ కార్బెన్ టెక్ 47 mm

పవన్ వాడుతున్న ఈ వాచ్ ధర అక్షరాల… రూ. 14.7 లక్షలు

కొంత మంది హీరోలు రీమేక్ సినిమాలకి దూరంగా ఉంటారు. తెలుగు ఇండస్ట్రీలో అలా రీమేక్ సినిమాలు చేయము అని అనుకున్న హీరోలు ఉన్నారు. వారిలో మొదటి వరుసలో ఉండే నటుడు మహేష్ బాబు. మహేష్ బాబు రీమేక్ సినిమాలు చేయను అని చెప్పేశారు. ఒక హీరో చేసేసిన సినిమాని తాను చేస్తే ప్రజలకి కూడా అంగీకరించడం కష్టం అవుతుంది అని, పోలికలు వస్తాయి అని, దాంతో ఇలాంటి ఆలోచనలు అన్నీ ఉంటాయి అనే కారణంగా రీమేక్ సినిమాలకి మహేష్ బాబు దూరంగా ఉంటున్నట్టు ఒక సందర్భంలో అన్నారు. అయితే, మహేష్ బాబు హీరోగా నటించిన చాలా సినిమాలు ఇతర భాషల్లో రీమేక్ అయ్యాయి.

ఒక్కడు, పోకిరి, దూకుడు ఇలా ఎన్నో సినిమాలు మిగిలిన భాషల్లో రీమేక్ అయ్యి హిట్ అయ్యాయి. కొంత మంది హీరోలకి అయితే వారి కెరీర్ లోనే గుర్తుండిపోయే సినిమాలు అయ్యాయి. పోకిరి చాలా భాషల్లో రీమేక్ చేశారు. తమిళ్ లో పొక్కిరి పేరుతో రీమేక్ చేశారు. హిందీలో వాంటెడ్ పేరుతో సల్మాన్ ఖాన్ హీరోగా ఈ సినిమా రూపొందింది. తమిళ్ లో విజయ్ హీరోగా నటించారు. అటు విజయ్ కి, ఇటు సల్మాన్ ఖాన్ కి, ఇద్దరికీ కెరీర్ లో సూపర్ హిట్ సినిమాలు అయ్యాయి. మహేష్ బాబు హీరోగా నటించిన ఒక్కడు సినిమాని కూడా తమిళ్ లో విజయ్ రీమేక్ చేశారు.

ఇది కూడా విజయ్ కెరీర్ లో ఒక గుర్తుండిపోయే సినిమా అయ్యింది. ఈ సినిమాని తమిళ్ లో గిల్లి పేరుతో రీమేక్ చేశారు. ధరణి ఈ సినిమాకి దర్శకత్వం వహించారు. తెలుగులో భూమిక నటించిన హీరోయిన్ పాత్రలో తమిళ్ లో త్రిష నటించారు. అయితే ప్రకాష్ రాజ్ పాత్రని మాత్రం తమిళ్ లో కూడా ప్రకాష్ రాజ్ పోషించారు. విద్యాసాగర్ ఈ సినిమాకి సంగీత దర్శకత్వం వహించారు. అప్పట్లో ఈ సినిమా 50 కోట్లు సాధించింది. అయితే కొంత కాలం క్రితం ట్విట్టర్ లో విజయ్ అభిమానులకి, తెలుగు హీరోల అభిమానులకి మధ్య గొడవ జరిగింది.

“మా హీరో గొప్ప” అంటే, “మా హీరో గొప్ప” అంటూ కామెంట్స్ చేశారు. ఈ క్రమంలో గిల్లి సినిమాలోని ఒక సీన్ సోషల్ మీడియాలో వచ్చింది. అందులో ప్రకాష్ రాజ్ హీరోయిన్ ని తీసుకువెళ్లిపోతూ ఉంటే, పక్కన నుండి హీరో వెళ్లాలి. తెలుగులో మహేష్ బాబు, భూమి,క ప్రకాష్ రాజ్ ఉన్న ఈ సీన్ చాలా సాధారణంగా ఉంటుంది. కానీ తమిళ్ లో లిబర్టీ తీసుకొని కొంత యాడ్ చేసి, ఇందులో హీరో జాగింగ్ చేస్తున్నట్టు చూపించారు. అయితే, దీని మీద కామెంట్స్ రావడానికి ముఖ్య కారణం ఏంటి అంటే, హీరో చలి తగ్గడానికి వేసుకునే ఒక జాకెట్ వేసుకొని జాగింగ్ చేస్తూ ఉంటారు.

అది కూడా మధ్యాహ్నం ఎండగా ఉన్నప్పుడు జాగింగ్ చేస్తున్నారు. దాంతో ఇది చూసిన తెలుగు వాళ్ళు అందరూ కూడా, “మిట్ట మధ్యాహ్నం జాకెట్ వేసుకొని జాగింగ్ చేయడం ఏంటి?” అంటూ కామెంట్స్ చేస్తున్నారు. కానీ తమిళ్ వాళ్లు మాత్రం, “మా హీరో చాలా బాగా చేశారు” అని పొగుడుతున్నారు. కానీ, “ఒకవేళ పోల్చి చూస్తే మాత్రం తెలుగుదే నయం అనిపిస్తుంది. చాలా సింపుల్ గా తీశారు. కానీ తమిళ్ లో అలా యాడ్ చేయడం వల్ల తెలుగులో ఒక్కడు సినిమా బాగా చూసిన వాళ్ళకి మాత్రం ఆ సీన్ అంత పెద్దగా ఎక్కదు” అంటూ కామెంట్స్ చేస్తున్నారు.

watch video :

ALSO READ : మొదటి సినిమా అట్టర్ ఫ్లాప్… 7 ఏళ్ల బ్రేక్… ఇప్పుడు దేశం గర్వించదగ్గ హీరో అయ్యాడు..! ఎవరో తెలుసా..?

మాతృదేవోభవ.. పితృదేవోభవ..ఆచార్య దేవోభవ.. మన సంస్కృతితో తల్లి, తండ్రి తర్వాత గురువుకే విశిష్ఠ స్థానం కట్టబెట్టింది. భావితరాలకు బంగారు భవిష్యత్తుని అందించడానికి అహర్నిశలూ శ్రమిస్తుంటారు ఉపాధ్యాయులు. రియల్ లైఫ్‌లో పాఠాలు నేర్చుకున్న మన హీరోలు రీల్ లైఫ్ లో పుస్తకం చేతబట్టి అభిమానులతో శెభాష్ అనిపించుకున్నారు. ఇప్పుడు ఆ లిస్ట్ లో ఎవరెవరు ఉన్నారో చూద్దాం..

#1 నందమూరి తారకరామారావు

బడి పంతులు, విశ్వరూపం వంటి చిత్రాల్లో ఎన్టీఆర్ టీచర్ గా నటించారు.

#2 అక్కినేని నాగేశ్వర రావు

అక్కినేని నాగేశ్వరరావు కూడా ‘గురు బ్రహ్మ’ వంటి పలు సినిమాల్లో గురువుగా నటించి మెప్పించారు.

#3 కృష్ణం రాజు

రెబెల్ స్టార్ కృష్ణం రాజు త్రిశూలం తో పాటు పలు చిత్రాల్లో టీచర్ గా నటించారు.

#4 కృష్ణ

సూపర్ స్టార్ కృష్ణ బుర్రిపాలెం బుల్లోడు చిత్రం లో లెక్చరర్ గా నటించారు.

#5 వెంకటేష్

రాఘవేంద్ర రావు దర్శకత్వం లో విక్టరీ వెంకటేష్ సుందరకాండ చిత్రం లో ఉపాధ్యాయుడి పాత్రలో నటించి మెప్పించారు.

#6 చిరంజీవి

మాస్టర్, ఠాగూర్ చిత్రాల్లో మెగా స్టార్ చిరంజీవి లెక్చరర్ గా నటించారు.

#7 బాల కృష్ణ

బోయపాటి శ్రీను దర్శకత్వం లో వచ్చిన సింహ చిత్రం లో బాలయ్య లెక్చరర్ పాత్రలో నటించారు.

#8 జగపతి బాబు

దర్శకేంద్రుడు కె. రాఘవేంద్ర రావు జగపతి బాబుని ‘మూడుముక్కలాట’ లో లెక్చరర్‌గా చూపించారు.

#9 కమల్ హాసన్

కమల్ హాసన్ హిస్టరీ ప్రొఫెషర్‌గా నటించిన తమిళ్ ఫిలిం.. ‘నమ్మవర్’. గౌతమి కథానాయిక. ఈ చిత్రాన్ని తెలుగులో ‘ప్రొఫెసర్ విశ్వం’ పేరుతో డబ్ చేశారు.

#10 మమ్ముట్టి

అనుబంధం, మజయేతుం మున్పే, మాస్టర్ పీస్, ఫేక్ ప్రొఫెసర్ వంటి చిత్రాల్లో మమ్ముట్టి లెక్చరర్ గా నటించారు.

#11 మోహన్ లాల్

మోహన్ లాల్ కూడా వెండితెర మీద విద్యార్థులకు విద్యబుద్దులు చెప్పారు.. ‘లైఫ్ ఈజ్ బ్యూటిఫుల్’, ‘వెలిపాడింటే పుస్తకం’ సినిమాల్లో ఆయన ప్రొఫెసర్‌గా కనిపించారు.

#12 రాజేంద్ర ప్రసాద్

నట కిరిటీ రాజేంద్ర ప్రసాద్ ప్రధాన పాత్రలో తెరకెక్కిన ‘ఓనమాలు’ మూవీ లో టీచర్ గా నటించారు.

#13 రవితేజ

‘మిరపకాయ్’ సినిమాలో హిందీ లెక్చరర్ పాత్రలో నటించారు రవి తేజ.

#14 నాని

మజ్ను చిత్రం లో నాని లెక్చరర్ గా నటించారు.

#15 వరుణ్ తేజ్

‘అంతరిక్షం’ సినిమాలో స్కూల్ టీచర్ పాత్రలో నటించి మెప్పించాడు వరుణ్ తేజ్.

#16 విజయ్ దేవరకొండ

గీత గోవిందం’ మూవీలో విజయ్ దేవరకొండ లెక్చరర్‌ పాత్రలో నటించారు.

#17 విజయ్

తలపతి విజయ్ మాస్టర్ చిత్రం లో లెక్చరర్ గా నటించారు.

#18 ధనుష్

వెర్సటైల్ యాక్టర్ ధనుష్ ‘సార్’ మూవీతో టాలీవుడ్ ఎంట్రీ ఇచ్చారు. ఈ మూవీ లో లెక్చరర్ గా నటించారు ధనుష్.