Filmy Adda

పాన్ ఇండియా స్టార్ ప్రభాస్ నటించిన ‘ఆదిపురుష్’ చిత్రం జూన్ 16న విడుదలై, మిశ్రమ స్పందన తెచ్చుకున్న విషయం తెలిసిందే. బాక్సాఫీస్ కలెక్షన్స్ ఒక రేంజ్ లో వస్తున్నాయి. సోషల్ మీడియాలో దర్శకుడు, రచయిత పై విపరీతమైన ట్రోలింగ్, ఈ చిత్రం పై వ్యతిరేకత వస్తోంది. ఆడియెన్స్ నుండి ప్రముఖుల వరకు విమర్శిస్తూనే ఉన్నారు.

తాజాగా అల్ ఇండియా సినీవర్కర్స్ అసోసియేషన్ ఆదిపురుష్ సినిమాను బ్యాన్ చేయాలని ప్రధాని మోదీకి లేఖ రాశారు. అయితే వీటన్నిటికీ భిన్నంగా ప్రముఖ ఆలయ పూజరి ఈ సినిమాపై ప్రశంసలు కురిపించడమే కాకుండా, మూవీని అందరు తప్పక చూడాలని చెబుతున్నారు. మరి చిలుకూరి బాలాజీ ఆలయ ఏం చెప్పారో ఇప్పుడు చూద్దాం..
బాలీవుడ్ దర్శకుడు ఓం రౌత్ తెరకెక్కించిన ఈ చిత్రంలో ప్రభాస్ శ్రీ రాముడిగా, సీతగా హీరోయిన్ కృతి సనన్ నటించింది. ఈ మూవీలో రావణాసురుడి పాత్రలో సైఫ్ ఆలీఖాన్ నటించారు. ఈ చిత్రాన్ని రెట్రో ఫైల్స్, టీ సిరీస్ సంస్థలు సంయుక్తంగా 500 కోట్లకు పైగా భారీ బడ్జెట్ తో రూపొందించారు. ఈ మూవీ రిలీజ్ అయిన దగ్గర నుండి మూవీ యూనిట్ పై తీవ్ర విమర్శలు వస్తున్నాయి. సినిమాలోని డైలాగ్స్, పాత్రల చిత్రీకరణ, వేషధారణ పై వివాదాలు ఏర్పడ్డాయి. అయితే తాజాగా ఈ చిత్రం పై చిలుకూరి బాలాజీ ఆలయ పూజారి రంగరాజన్ ప్రశంసలు కురిపించారు.
పూజారి రంగరాజన్ మాట్లాడుతూ,  ఈ చిత్రం విడుదల అయినప్పటి నుండి శ్రీ రాముడి గుణాలు గురించి అంతా  వెతుకుతున్నారని, ఆదిపురుష్ లో చూపించినట్లుగానే రామాయణం ఉందా? వేరే విధంగా ఉందా అని వెతుకుతున్నారు. ప్రపంచమంతా రాములవారి గురించి మాట్లాడేటట్టు చేసినందుకు ఆదిపురుష్ మూవీ యూనిట్ ను అభినందిస్తున్నాను.
ఇక రావణాసురుడు, శ్రీరాముడు, హనుమంతుడు ఇలా చూపించారని సోషల్ మీడియాలో విమర్శించేవారిని ఉద్దేశించి, ఆదికవి వాల్మీకిలగా రామాయణాన్ని ఎవరు తీయలేరు. వేరే ఎవరు ప్రయత్నం చేసినా దానిలో ఏదో కొదవ ఉంటుందని అన్నారు. దానిని గుర్తించి ఆ ప్రయత్నాన్ని అభినందించాలని, ప్రతీ ఒక్కరు కూడా రాములవారి వైభవాన్ని కీర్తించే ఈ మూవీని తప్పకుండా చూడాలని అన్నారు.

watch video :

Also Read: ఇంతకు మించిన అవమానం లేదు… అందరినీ 50 డిగ్రీల సెల్ఫీయస్ లో తగలబెట్టేయాలి..! ఏం జరిగిందంటే..?

ఆదిపురుష్ చిత్రం పై రోజు రోజుకి వివాదాలు పెరుగుతూనే ఉన్నాయి. డైరెక్టర్ ఓంరౌత్ రామాయణాన్ని అపహాస్యం చేస్తూ ఆదిపురుష్ మూవీని రూపొందించాడని తీవ్రంగా విమర్శిస్తున్నారు. ఈ చిత్రంలో రాముడు, హనుమమంతుడు, రావణుడి పాత్రల వేషధారణ, వారు మాట్లాడే సంభాషణలు విషయంలో విమర్శలు వస్తున్న విషయం తెలిసిందే.

ఆడియెన్స్ మాత్రమే కాకుండా సినీ సెలబ్రెటీలు, ప్రముఖులు కూడా చిత్రబృందం పై మండిపడుతున్నారు. ఆదిపురుష్ ను బ్యాన్ చేయాలని మరోవైపు నిరసనలు చేస్తున్నారు. అయితే రామాయణాన్ని తీసామని డైరెక్టర్ చెబుతుండగా, రామాయణాన్ని మేము అసలు తెరకెక్కించలేదు.
ఆంజనేయుడు దేవుడు కాదని, భక్తుడు మాత్రమే అని ఆదిపురుష్ రచయిత మనోజ్ ముంతాషిర్ సెన్సేషనల్ కామెంట్స్ చేశారు. ఈ క్రమంలోనే తాజాగా బాలీవుడ్ యాక్టర్ ముఖేష్ ఖన్నా చిత్రయూనిట్ పై షాకింగ్ కామెంట్స్ చేశారు. ఆదిపురుష్ మూవీ యూనిట్ అందరిని కాల్చేయాలని అన్నారు. ముఖేష్ ఖన్నా ఒక ఇంటర్వ్యూలో ఆదిపురుష్ గురించి మాట్లాడుతూ ‘రామాయణానికి ఆదిపురుష్ ని మించిన అవమానం లేదని, డైరెక్టర్ కు రామాయణం గురించి ఏమాత్రం అవగాహన లేదని అన్నారు.
ఇక రైటర్ మనోజ్ ముంతాషిర్ శుక్లా అర్థంలేని డైలాగ్స్ ని రాసారని, ఇటువంటి చెత్త డైలాగ్స్ రాసిన వారిని, ఈ మూవీని తీసినవారిని క్షమించకూడదు. రావణుడికి వరం ఎవరు ఇచ్చారో కూడా తెలియదని, హిరణ్యకశ్యపుడి వరాన్ని రావణుడికి చెప్పించారని, రామాయణాన్ని ఇంత అపహాస్యం చేసి, మూవీ యూనిట్ తమను తాము ఇంకా సమర్ధించు కుంటున్నారు.
ఈ మూవీ యూనిట్ మొత్తాన్ని కూడా 50 డిగ్రీల సెల్సియస్ దగ్గర నిలబెట్టి తగలబెట్టాలని అన్నారు. మూవీ పై విమర్శలు వస్తే, మౌనంగా ఉంటారని అనుకున్నాను. అయితే చిత్రయూనిట్ సనాతన ధర్మం కోసమే చేసినట్టు   చెబుతున్నారు. వారు రామాయణాన్ని మొత్తం మార్చేశారు అని ముఖేష్ ఖన్నా మండిపడ్డారు.

Also Read: “రామాయణం మీద ఎన్ని సినిమాలు అయినా తీయచ్చు..!” అంటూ… ప్రభాస్ “ఆదిపురుష్” డైరెక్టర్ ఓం రౌత్ కామెంట్స్..! ఏం అన్నారంటే..?

పాన్ ఇండియా స్టార్ ప్రభాస్ శ్రీ రాముడిగా నటించిన ‘ఆది పురుష్’ సినిమా జూన్ 16న రిలీజ్ అయిన విషయం తెలిసిందే. రామాయణం ఆధారంగా తెరకెక్కిన ఈ చిత్రానికి బాలీవుడ్ డైరెక్టర్ ఓం రౌత్ దర్శకత్వం వహించారు. ట్రైలర్ రిలీజ్ తో ఈ చిత్రం పై భారీ అంచనాలు ఏర్పడ్డాయి.

అయితే ఈ మూవీ రిలీజ్ తర్వాత ఈ చిత్రం పై తీవ్రంగా విమర్శలు వస్తున్నాయి. పాత్రల వేషధారణ, సంభాషణల పై సోషల్ మీడియాలో ట్రోల్స్ వస్తున్నాయి. ఎప్పటి కప్పుడు మూవీలోని కొత్త విషయాలను గమనిస్తూ మూవీ పై కామెంట్స్ చేస్తున్నారు. ఈ క్రమంలోనే తాజాగా నెటిజెన్లు ఈ మూవీలోని మరో విషయాన్నీ గమనించి, సోషల్ మీడియాలో ట్రోల్ చేస్తున్నారు. అది ఏమిటో ఇప్పుడు చూద్దాం..ఆది పురుష్ 500 కోట్ల పైగా భారీ బడ్జెట్ తో విజువల్ వండర్ గా రూపొందించారు. ఇప్పటి వరకు రామాయణం ఆధారంగా ఎన్నో చిత్రాలు వచ్చినప్పటికీ, ఈ మూవీ త్రీడిలో తీయడంతో ఆడియెన్స్ లో ఈ మూవీ పై ఆసక్తితో ఎదురుచూశారు. హనుమంతుడు చెప్పిన డైలాగ్స్ పై వివాదం రాగా, మూవీ యూనిట్ ఆ డైలాగ్స్ ను మారుస్తామని ప్రకటించింది.ఆదిపురుష్ వివాదాలు, విమర్శల మధ్య బాక్సాఫీసు దగ్గర కొనసాగుతోంది. మూడు రోజుల్లో 340 కోట్లు వసూల్ చేసిన ఈ మూవీ, నాలుగవ రోజు దారుణంగా కలెక్షన్స్ పడిపోయాయి. ఈ సినిమాను బ్యాన్ చేయాలని కొందరు అంటున్నారు. ఈ మూవీ దర్శకుడు ఓంరౌత్ ను, రచయితను తీవ్రంగా ట్రోల్ చేస్తున్నారు.ఈ క్రమంలోనే తాజాగా ఈ మూవీలోని మరొక విషయం నెట్టింట్లో వైరల్ గా మారింది. అది ఏమిటంటే, ఈ మూవీలో చూపించిన లంక సీన్ ను హాలీవుడ్ సినిమా నుండి కాపీ చేసినట్లు గమనించారు. ఆ సినిమా ఏమిటంటే థోర్, ఆ  సినిమాలోని అస్గార్డ్ సెట్ ను కాపీ చేశారని కామెంట్స్ చేస్తున్నారు. అందులో గోల్డ్ కలర్ లో ఉంటే, ఆదిపురుష్ బ్లాక్ కలర్ లో చూపించారని  డైరెక్టర్ ఓం రౌత్ ను ట్రోల్ చేస్తున్నారు.

https://www.instagram.com/p/Ctk_LxnxDVe/?utm_source=ig_embed&utm_campaign=loading

Also Read: “ఆదిపురుష్” విషయంలో… “వేణు స్వామి” చెప్పిందే జరుగుతోందా..?

ఎన్నో రోజులు వెయిట్ చేసిన తర్వాత కేజీఎఫ్ చాప్టర్-2 విడుదల అయ్యింది. కేజీఎఫ్ మొదటి భాగం ఎవరూ ఊహించనంత పెద్ద హిట్ అయ్యింది. మొదటి భాగం మొత్తంలో కూడా రాకీ భాయ్ ఎలా ఎదిగాడు అనేది చూపించారు. రెండవ భాగంలో మాత్రం రాకీ భాయ్ ఎదిగిన తర్వాత తాను ఎదుర్కొన్న సమస్యలు ఏంటి అనేది చూపించారు? మొదటి భాగంలాగానే ఈ సినిమా కూడా పవర్ ఫుల్ గా ఉంటుంది.

అసలు రాకీ భాయ్ ని జనాలు అందరూ అంత గుర్తు పెట్టుకునే అంతగా ఏం చేసాడు అనేది ఈ సినిమాలో చూపించారు. కానీ మొదటి భాగంతో పోలిస్తే ఈ సినిమాలో ఎమోషన్స్ కొంచెం తక్కువగా ఉన్నట్టు అనిపిస్తాయి. అలాగే విలన్ పాత్ర కూడా మనం చాలా సినిమాల్లో చూసినట్టే అనిపిస్తుంది. కానీ యాక్షన్ సీన్స్ మాత్రం చాలా బాగా డిజైన్ చేశారు.

ఈ సినిమాకి ప్రధాన హైలైట్స్ లో మ్యూజిక్ ఒకటి. ఈ సినిమాకి రవి బస్రూర్ సంగీతం అందించారు. ఇంక నేపథ్య సంగీతం అయితే సినిమాని నెక్స్ట్ లెవెల్ కి తీసుకెళ్ళింది. రవి బస్రూర్ 2012 లో సంగీత దర్శకుడిగా కెరీర్‌ మొదలు పెట్టారు. అయితే రవి సినిమాల్లోకి రాకముందు శిల్పాలు చెక్కేవారు. తన 14వ సంవత్సరంలో రవి బెంగళూరు కి వెళ్ళిపోయి శిల్పాలు చెక్కడం నేర్చుకుని అలాగే కన్నడ ఫిలిం ఇండస్ట్రీలో కొంతమందితో మాట్లాడి సినిమాకి సంబంధించిన విషయాలు కూడా తెలుసుకున్నారు.

తర్వాత ముంబై వెళ్లి అక్కడ శిల్పాలు చెక్కుతూ సంగీతానికి సంబంధించి కూడా అవకాశాల కోసం వెతకడం మొదలుపెట్టారు. ఆ తర్వాత కొన్ని అవకాశాలు వచ్చినట్టే వచ్చి తర్వాత పోయాయి. ఒకదానిక సమయంలో హాస్పిటల్ కి వెళ్లి కిడ్నీ కూడా అమ్మేయాలి అనుకున్నారు. ఆ తర్వాత కొన్ని కారణాల వల్ల బెంగళూరుకి తిరిగి వచ్చేసారు. అక్కడ కూడా శిల్పాలు చెక్కారు. ఆ తర్వాత రేడియో స్టేషన్ లో ఉద్యోగం సంపాదించి అక్కడి నుంచి అంచలంచలుగా మ్యూజిక్ డైరెక్టర్ గా ఎదిగారు.

ప్రముఖ కొరియోగ్రాఫర్ రాకేష్ మాస్టర్ రీసెంట్ గా మరణించిన విషయం తెలిసిందే. ఆయన మరణించిన తరువాత రాకేష్ మాస్టర్ గురించిన అనేక విషయాలు సోషల్ మీడియాలో వైరల్ అవుతున్నాయి. దాదాపు 1500 సినిమాలకు  కొరియోగ్రఫర్ గా పనిచేసిన ఆయన ఎన్నో విజయాలను అందుకున్నారు.

రాకేష్ మాస్టర్ కెరీర్ పరంగా విజయం సాధించిన ఆయన వ్యక్తిగత జీవితంలో ఎన్నో ఫెయిల్యూర్స్ చూసారు. అందరు ఉన్నా రాకేష్ మాస్టర్ ఆఖరి రోజులలో అనాధ ఆశ్రమంలో జీవించారు. అనారోగ్య సమస్యలతో గాంధీ ఆస్పత్రిలో చేరిన ఆయన అక్కడే కన్నుమూశారు. తాజాగా ఆయనకు కెరీర్ ను ఇచ్చిన హీరో గురించి నెట్టింట్లో వార్తలు వైరల్ అవుతున్నాయి. ఆ హీరో ఎవరో ఇప్పుడు చూద్దాం..
రాకేష్ మాస్టర్ తనకు కెరీర్ ను ఇచ్చిన హీరో గురించి గతంలో ఒక ఇంటర్వ్యూలో ఆయనే స్వయంగా చెప్పారు. అవి ప్రస్తుతం నెట్టింట్లో వైరల్ అవుతున్నాయి. ఆయన ఇండస్ట్రీలో ఛాన్స్ కోసం వెతుకుతున్న టైంలో ఒక హీరో వల్ల కెరీర్ ఉన్నత స్థాయికి చేరుకుందని, ఆయన లేకపోతే తనకు లైఫ్ ఉండేది కాదని రాకేష్ మాస్టర్ వెల్లడించారు. ఆ హీరో వేణు తొట్టెంపూడి. ఒక ఇంటర్వ్యూ లో రాకేష్ మాస్టర్ మాట్లాడుతూ “నా  లైఫ్ లో చాలా కష్టాలు పడ్డానని, ఇండస్ట్రీలో అవకాశాల కోసం ఎందరి దగ్గరికో తిరిగానని, అలాంటి టైంలో వేణు సార్ పిలిచి మరీ నాకు ఛాన్స్ ఇచ్చారు” అని అన్నారు. వేణు హీరోగా నటించిన ‘చిరునవ్వుతో’ మూవీలో “నిన్నలా మొన్నలా లేదురా” అనే సాంగ్ కు కొరియోగ్రఫర్ గా  పని చేశానని రాకేష్ మాస్టర్ వెల్లడించారు. చిరునవ్వుతో సినిమానే రాకేష్ మాస్టర్ కు కొరియోగ్రఫర్ గా తొలి సినిమా. వేణు సార్ వల్లే తన లైఫ్ గొప్పగా మారిందని రాకేష్ మాస్టర్ అన్నారు. కాగా రాకేష్ మాస్టర్ సంబంధించిన పలు విషయాలు సోషల్ మీడియాలో వైరల్ అవుతున్నాయి.

Also Read: “రాకేష్ మాస్టర్” తండ్రి ఎంత గొప్పవారో తెలుసా..? అప్పట్లోనే ఇంత ఆలోచించారా..?

టాలీవుడ్ కొరియోగ్రాఫర్ రాకేష్ మాస్టర్ ఆదివారం నాడు గాంధీ ఆసుపత్రిలో కన్నుమూశారు. అనేక హిట్ సినిమాలకు కొరియోగ్రాఫర్ గా పని చేసిన రాకేష్ మాస్టర్ టాలీవుడ్ లో ఒక వెలుగు వెలిగారు. కొరియోగ్రాఫర్ గా వినూత్నమైన డ్యాన్స్ స్టెప్పులతో ఆకట్టుకున్నారు.

ప్రస్తుతం టాప్ కొరియోగ్రాఫర్లుగా రాణిస్తున్న శేఖర్, జానీ మాస్టర్లు రాకేష్ మాస్టర్ శిష్యులే. హీరో వేణు, యంగ్ రెబల్ స్టార్ ప్రభాస్ లకు రాకేష్ మాస్టర్ డ్యాన్స్ లో శిక్షణ ఇచ్చారు. వాటికి సంబంధించిన ఫొటోలు కొన్ని నెట్టింట్లో షికారు చేస్తున్నాయి. అయితే రాకేష్ మాస్టర్ తండ్రి, ఆయన భార్య గురించిన వార్తలు వైరల్ అవుతున్నాయి. మరి రాకేష్ మాస్టర్ తండ్రి ఎవరో? ఆయన భార్య ఏం చేస్తున్నారో ఇప్పుడు చూద్దాం.. రాకేష్ మాస్టర్ అసలు పేరు ఎస్. రామారావు అని అంటున్నారు. కానీ ఆయన అసలు పేరు రామిరెడ్డి అని, నెల్లూరు జిల్లాలోని కోవూరు మండలంలోని జమ్మిపాడు ఆయన స్వస్థలమని రాకేష్ మాస్టర్ ఫ్రెండ్ చిట్టిబాబు తెలిపారు. రాకేష్ మాస్టర్ తండ్రి పేరు బాలిరెడ్డి. ఆయన కమ్యూనిస్ట్ భావజాలం ఉన్న వ్యక్తి . కమ్యూనిస్ట్ లీడర్ పుచ్చలపల్లి సుందరయ్య నెల్లూరు జిల్లాలో ఉన్నప్పుడు బాలిరెడ్డి ఆయనకు అనుచరుడుగా ఉన్నారు. కుల వివక్ష ఉండకూదని సుందరయ్య తన పేరులోని రెడ్డిని తొలగించుకున్నారు.దాంతో బాలిరెడ్డి తన పేరులోని రెడ్డిని, తన కుమారుడు రాకేష్ మాస్టర్ పేరులోని రెడ్డిని కూడా  తొలగించారట. అలా రామిరెడ్డి రామారావుగా మారింది. ఇండస్ట్రీకి వచ్చిన తరువాత రాకేష్ మాస్టర్ గా మారింది. రాకేష్ మాస్టర్ స్వస్థలం చాలామంది తిరుపతి అనుకుంటున్నారు. బాలిరెడ్డికి తిరుపతి మార్కెట్ యార్డులో జాబ్ రావడంతో ఫ్యామిలీతో నెల్లూరు నుండి తిరుపతికి వెళ్లారు. రాకేష్ మాస్టర్ అక్కడే డాన్స్ స్కూల్ ను మొదలుపెట్టారు. సినిమాలలో ఛాన్స్ కోసం మద్రాసు వెళ్లారు. అక్కడ చాలా మంది డాన్స్ మాస్టర్ల వద్ద అసిస్టెంట్ గా చేశారు.
ప్రస్తుతం ఇండస్ట్రీలో ఉన్న చాలామంది కొరియోగ్రాఫర్లకు రాకేష్ మాస్టర్ గురువు. తర్వాత హైదరాబాద్ కి వచ్చి పలు టెలివిజన్ డాన్స్ షోలలో పాల్గొన్నారు. ఆ తరవాత ఇండస్ట్రీలో అడుగు పెట్టి, దాదాపు 1500 చిత్రాలకు  కొరియోగ్రాఫర్‌గా చేశారు. రాకేష్ మాస్టర్ మద్యానికి అలవాటుపడి, తాగిన మైకంలో మూర్ఖంగా మాట్లాడేవారని, ఈ ప్రవర్తనే ఆయనను సినీ పరిశ్రమకు దూరం చేసిందని సన్నిహితులు చెబుతున్నారు.
ఇక రాకేష్ మాస్టర్ పర్సనల్ లైఫ్ విషయనికి వస్తే, ఆయన ప్రేమించి, పెళ్లి చేసుకున్నారు. ఆయన భార్య విద్యావంతురాలని, ఎల్వీ ప్రసాద్ కంటి హాస్పటల్ లో అడ్మినిస్ట్రేటివ్ ఆఫీసర్‌గా చేస్తున్నారని ఆలేటి ఆటమ్ అన్నారు. ఈ జంటకు ఇద్దరు పిల్లలు. ఒక కుమార్తె, ఒక కుమారుడు ఉన్నారు. కానీ రాకేష్ మాస్టర్ ప్రవర్తన వల్ల భార్యకు దూరమయ్యారు. ఆ తరవాత రెండవ వివాహం చేసుకున్నారు. ఇటీవల మరో అమ్మాయితో సహజీవనం చేశారు.

Also Read: “ఆదిపురుష్‌” పై మండిపడ్డ ఆనాటి లక్ష్మణుడు..! ఏం అన్నారంటే..?

యంగ్ రెబల్ స్టార్ ప్రభాస్, బాలీవుడ్ హీరోయిన్ కృతి సనన్ జంటగా నటించిన మైథలాజికల్ మూవీ  ‘ఆదిపురుష్’. ఈ చిత్రం జూన్ 16న థియేటర్లో రిలీజ్ అయ్యి, మొదటి రోజు నుండే మిక్స్‌డ్‌ టాక్‌ను తెచ్చుకుంది. అయితే కలెక్షన్స్ పరంగా మాత్రం రికార్డులు సృష్టించింది.

మొదటి రోజు రూ.140 కోట్ల కలెక్షన్స్ సాధించింది. అయితే తీవ్రంగా విమర్శలను ఎదుర్కొంటుంది. ఇక రోజు రోజుకు ఆదిపురుష్ ను విమర్శించే వారు పెరుగుతునే ఉన్నారు. తాజాగా ఈ చిత్రం పై రామాయణం సీరియల్‌లో లక్ష్మణుడిగా నటించిన సునీల్ లహరి ఆగ్రహం వ్యక్తం చేశారు. ఆ వివరాలు ఇప్పుడు చూద్దాం..
సునీల్ లహరి ఈ చిత్రం గురించి మాట్లాడుతూ ‘ఈ చిత్రాన్ని వాల్మీకి రామాయణం ఆధారంగా తెరకెక్కించామని  డిస్‌క్లెయిమర్‌లో క్లియర్ గా చెప్పారు. రామాయణంలో ఇలాంటి డైలాగ్స్ ఉపయోగించడం సిగ్గు చేటు అని అన్నారు. రావణుడిని పుష్పక విమానంతో చూపించలేదని, లక్ష్మణుడు, మేఘనాథ్ యుద్ధాన్ని నీటిలో చూపించారని’ అన్నారు.
‘ఏ పాత్రకు కూడా క్యారెక్టరైజేషన్ స్పష్టంగా లేదు. డైరెక్టర్ ఈ చిత్రం ఎందుకు తీశాడో, విఎఫ్ఎక్స్‌తో మూవీని నిలబెట్టలేరు. రామాయణాన్ని సింపుల్‌గా చెప్పాలి. హనుమంతుడితో అలాంటి సంభాషణలు ఎలా చెప్పించారో అర్థం కావట్లేదు’ అని ‍అన్నారు. ఆదిపురుష్‌ సినిమాలోని  క్యారెక్టర్లను చూసి ఆశ్చర్యపోయానని తెలిపారు. రావణుడు చాలా  అందమైన దేశానికి రాజు. ఈ మూవీలో అలా ఎందుకు చూపించారో, నకిలీ సీతను చూపించాల్సిన అవసరం ఏం వచ్చిందని అన్నారు.‘మూవీలో స్టోరీని సరళంగా చెప్తే, పరిస్థితి వేరేలా ఉండేది. ఈ మూవీలోని పాత్రలన్ని అయోమయంగా ఉన్నాయని, ఇది నటినటుల మిస్టేక్ కాదు. పాత్రలు స్పష్టంగా లేకపోవడం వల్ల అలా జరిగింది. డైరెక్టర్ ఓం రౌత్ ఈ చిత్రం తెరకెక్కించడంలో ఇంకాస్త తెలివిగా వ్యవహరించాల్సింది.’ అని సునీల్ లహరి అన్నారు. ఇక ఈ సినిమాలో ప్రభాస్ శ్రీరాముడిగా, కృతి సనన్ సీతగా, సైఫ్ అలీ ఖాన్ రావణుడిగా, సన్నీ సింగ్ లక్ష్మణుడిగా,  హనుమంతుడిగా దేవదత్తా నాగే నటించారు.

Also Read: “రామాయణం మీద ఎన్ని సినిమాలు అయినా తీయచ్చు..!” అంటూ… ప్రభాస్ “ఆదిపురుష్” డైరెక్టర్ ఓం రౌత్ కామెంట్స్..! ఏం అన్నారంటే..?

దర్శకుడు ఓం రౌత్ రామాయణం ఆధారంగా తెరకెక్కించిన ‘ఆదిపురుష్’ మూవీ జూన్ 16న విడుదల అయిన విషయం తెలిసిందే. ఈ చిత్రంలో పాన్ ఇండియా స్టార్ ప్రభాస్ శ్రీ రాముడిగా నటించగా, కృతిసనన్ సీతాదేవిగా నటించింది. ఈ మూవీకి ఒక వైపు భారీ కలెక్షన్స్ వస్తున్నా, మరో వైపు వివాదాలు, విమర్శలు వస్తున్నాయి.

ఆదిపురుష్ మూవీ పై నిత్యం ఏదో ఒక కొత్త వివాదం తెర పైకి వస్తూనే ఉంది. అంతేకాకుండా ఆదిపురుష్ దర్శకుడు ఓం రౌత్, రచయిత మనోజ్ చేసే కామెంట్స్ కూడా వివాదాలకు దారి తీస్తున్నాయి. ఈ క్రమంలోనే దర్శకుడు ఓం రౌత్ తాజాగా రామాయణం నేపథ్యంతో తెరకెక్కబోయే మరో చిత్రం గురించి కామెంట్స్ చేశారు. ఆ వివరాలు ఏమిటో ఇప్పుడు చూద్దాం..
దంగల్, చిచోరే వంటి బాలీవుడ్ సినిమాలకు దర్శకత్వం వహించిన దర్శకుడు నితేశ్ తివారి రామాయణం తెరకెక్కిస్తున్నట్టుగా ఇటీవల ప్రకటించారు. ఈ చిత్రంలో రాముడిగా బాలీవుడ్ హీరో రణబీర్ కపూర్, సీతగా అలియా భట్ నటిస్తున్నారని ప్రకటించారు. మిగతా పాత్రల కోసం దక్షిణాది నటినటులను తీసుకునే అవకాశాలు కనిపిస్తున్నాయి. ప్రస్తుతం ఈ చిత్రం ప్రీ ప్రొడక్షన్ పనులు జరుగుతున్నాయి.
ఒక ఇంటర్వ్యూలో ఆదిపురుష్ డైరెక్టర్ ఓంరౌత్ ని నితీశ్ తివారి తెరకెక్కించే రామాయణం గురించి అడిగారు. ఓం రౌత్ ఇలా చెప్పుకొచ్చాడు. నితేశ్ తివారి గ్రేట్ డైరెక్టర్. తనకు మంచి ఫ్రెండ్ అని అన్నారు. నితీశ్ తివారి తీసిన దంగల్ మూవీ భారతీయ అత్యుత్తమ సినిమాలలో ఒకటి అన్నారు. నితేశ్ తివారి రచనలు, డైరెక్షన్ అద్భుతంగా ఉంటుందని చెప్పారు. నితేశ్ తీయబోయే రామాయణం పై రామ భక్తుల అందరిలాగే తాను కూడా ఆ మూవీ కోసం ఎదురు చూస్తున్నానని చెప్పారు. శ్రీ రాముడి గురించి ఎవరైనా, ఎన్ని చిత్రాలయినా రూపొందించవచ్చు. శ్రీ రాముడి గాధను ఎంత ఎక్కువ మంది చెప్తే అంత మంచిదని అన్నారు.

Also Read: మహేష్ బాబు “యువరాజు” సినిమాతో పాటు… “రాకేష్ మాస్టర్” కొరియోగ్రఫీ చేసిన 10 సూపర్ హిట్ పాటలు..!