Filmy Adda

ఒక హీరో రిజెక్ట్ చేసిన సినిమాలలో మరో హీరో నటించడం అనేది టాలీవుడ్ లో సాధారణం అని చెప్పవచ్చు. అయితే రిజెక్ట్ చేసిన మూవీ హిట్ అయితే ఆ హీరో ఎందుకు వదులుకున్నామా అని ఫిల్ అవుతుంటారు.

కానీ అదే సినిమా బాక్సాఫీస్ దగ్గర డిజాస్టర్ గా లేదా ప్లాప్ గా మిగిలితే మాత్రం వదులుకుని తమకు తాము మంచి చేసుకున్నామని ఫిల్ అవుతుంటారు. అయితే స్టార్ హీరోలు ప్లాప్ సినిమాలు ఏమిటో ఇప్పుడు చూద్దాం..
1. ఏజెంట్:

ఇటీవల రిలీజ్ అయిన అక్కినేని అఖిల్ చిత్రం ఏజెంట్ డిజాస్టర్ గా నిలిచింది.అయితే ఈ స్టోరీని సురేందర్ రెడ్డి ముందుగా ప్రభాస్ కి వినిపించారంట.ఆయన రిజెక్ట్ చేయడంతో అఖిల్ తో ఈ చిత్రాన్ని తెరకెక్కించారు.
2. రామారావు ఆన్ డ్యూటీ:

మాస్ మహారాజా రవితేజ నటించిన ఈ చిత్రం డిజాస్టర్ గా నిలిచింది. రవితేజ లాస్ట్ 7 చిత్రాలలో బాగా నిరాశ పరిచిన  చిత్రం ఇదే. ఈమూవీ దర్శకుడు శరత్ మండవ ఈ కథను ముందుగా హీరో నాగర్జునకు చెప్పారంట. దానికి ఆయన ఈ మూవీ నా కన్నా వేరే హీరోలు సెట్ అవుతుందేమో అన్నాడంట. రవితేజకు సెట్ అవుతుందని చెప్పడంతో శరత్ ఈ కథను రవితేజకు చెప్పడం ఆయన నటించడం జరిగింది. 3. వినయ విధేయ రామ:

రామ్ చరణ్ బోయపాటి కాంబోలో వచ్చిన ఈ చిత్రం డిజాస్టర్ గా నిలిచింది. ఈ సినిమా చూసిన మెగా ఫ్యాన్స్ కూడా నిరాశ పడ్డారు. ఈ మూవీ రిజల్ట్ తరువాత రామ్ చరణ్ మెగా ఫ్యాన్స్ లెటర్ కూడా రాశారు. అయితే ఈ చిత్రాన్ని బోయపాటి ముందుగా ఆగడు మూవీ తరువాత సూపర్ స్టార్ మహేష్ బాబుకు వినిపించారంట. మహేష్ నో చెప్పడంతో బోయపాటి రామ్ చరణ్ తో ఈ మూవీని పూర్తి చేశారు.4. రభస :

కందిరీగ దర్శకుడు సంతోష్ శ్రీనివాస్  దర్శకత్వంలో యంగ్ టైగర్ ఎన్టీఆర్ హీరోగా ఈ చిత్రాన్ని తెరకెక్కించారు. ఈ చిత్రం కూడా ప్లాప్ గా నిలిచింది. ఈ మూవీ తరువాత ఎన్టీఆర్ సినిమా ఎంపిక విషయంలో జాగ్రత్తగా ముందుకు  వెళ్తున్నాడు. ఈ సినిమాకి ముందుగా  సంతోష్ శ్రీనివాస్  హీరో రామ్ తో కందిరీగ 2 ప్రకటించాడు. రామ్ రిజెక్ట్ చేశాడో లేదో కానీ ఆ తరువాత రభస మూవీ వచ్చింది.
5. స్పైడర్:

సూపర్ స్టార్ మహేష్ బాబు కోలీవుడ్ డైరెక్టర్ మురుగదాస్ దర్శకత్వంలో నటించిన స్పైడర్ ప్లాప్ గా నిలిచింది. ఈ చిత్రాన్ని ముందుగా ఎన్టీఆర్ కి చెప్పారంట. స్టాలిన్ మూవీ టైం లో గోపీచంద్ మలినేని మురుగదాస్ దగ్గర అసిస్టెంట్ డైరెక్టర్ గా చేసేవారంట. ఆ టైం లో గోపీచంద్ ఈ స్టోరీని ఎంటర్ కి చెప్పారంట. అప్పుడు ఎన్టీఆర్ తనకు సెట్ అవకపోవచ్చని, మహేష్ కి అయితే సెట్ అవుతుందని అన్నారంట. మురుగదాస్ డైరెక్ట్ చేస్తే ఒకే అని మహేష్ అనడంతో ఈ మూవీ మొదలైంది.
6. నోటా:

గీతగోవిందం సినిమా తరువాత రిలీజ్ అవడంతో ఈ చిత్రం పై ఆడియెన్స్ భారీగా అంచనాలను ఏర్పరుచుకున్నారు. కానీ ఇది ప్లాప్ గా నిలిచింది. ఆనంద్ శంకర్ ముందుగా అల్లు అర్జున్ కి వినిపించారు. దానికి ఆయన సీఎం, పొలిటికల్ బ్యాక్ డ్రాప్ తనకు సెట్ అవకపోవచ్చని అనడంతో విజయ్ దేవరకొండకు కథ వినిపించడం, ఆయనఆకు నచ్చి ఒకే చెప్పడం జరిగింది.7. శ్రీనివాస కళ్యాణం:

ముందుగా ఎన్టీఆర్ కు చెప్తే సమయం కావాలని, ఆ తరువాత సమాధానం ఇవ్వకపోవడంతో ప్రొడ్యూసర్ దిల్ రాజు, డైరెక్టర్ సతీష్ రామ్ చరణ్ అనుకున్నారు కానీ చివరికి యంగ్ హీరో నితిన్ కి కథ వినిపించారు. నితిన్ కు కథ నచ్చడంతో ఇందులో నటించారు. 8. మిస్టర్:

శ్రీనువైట్ల చిత్రాలు ఆగడు మూవీ నుండి వరుసగా నాలుగు సినిమాలు ప్లాప్ అయ్యాయి.వాటిలో మిస్టర్ ఒకటి. ఈ చిత్రంలో వరుణ్ తేజ్, లావణ్య త్రిపాఠి, హెబ్బా పటేల్ హీరో హీరోయిన్లుగా నటించారు. అయితే ఈ చిత్రాన్ని ముందుగా అల్లు అర్జున్ కి చెప్పారంట. అప్పటికే సన్ ఆఫ్ సత్యమూర్తి చితంలో నటించడంతో మరో క్లాస్ మూవీలో చేయడం ఇంటరెస్ట్ లేదని చెప్పారంట. దాంతో ఇందులో వరుణ్ తేజ్ నటించారు.
9. శాకుంతలం:

సీరియల్ అని పేరు తెచ్చుకున్న ఈ చిత్రం డిజాస్టర్ గా నిలిచింది. అయితే ముందుగా ఈ చిత్రంలో అనుష్క శెట్టి అనుకున్నారు. కానీ ఆ తరువాత చివరికి సమంత నటించింది. ఈ మూవీ రిలీజ్ తరువాత అనేక విమర్శలు వచ్చాయి. దర్శకుడు గుణ శేఖర్ పై, సమంతను సోషల్ మీడియాలో ట్రోల్ చేశారు.

Also Read: ప్రముఖ నటుడు “శరత్ బాబు” కి సంతానం ఉన్నారా? ఇప్పుడు ఏం చేస్తున్నారు..?

అతి తక్కువ కాలంలోనే మంచి గుర్తింపు తెచ్చుకున్న హీరోయిన్లలో ఒకరు ఆర్తి అగర్వాల్. మెరుపుల పరిశ్రమలోకి ప్రవేశించి అనతికాలంలోనే అగ్రశ్రేణి హీరోలతో నటించి స్టార్ హీరోయిన్ ఇమేజ్ ను సొంతం చేసుకుంది.  విక్టరీ వెంకటేష్ హీరోగా నటించిన నువ్వు నాకు నచ్చావ్ చిత్రంతో తెలుగు సినీ పరిశ్రమకు పరిచయమైంది ఆర్తి అగర్వాల్. తన మొదటి చిత్రంతోనే అందం, అభినయంతో ప్రేక్షకుల మదిని దోచేసింది.

20వ దశాబ్దంలో ఉదయ్ కిరణ్, తరుణ్,  ప్రభాస్ వంటి యంగ్ హీరోతోనే కాకుండా సీనియర్ స్టార్ హీరోస్ అయిన చిరంజీవి, నాగార్జున, బాలకృష్ణ వంటివారితో కూడా నటించి అగ్రస్థాయి కథానాయికగా పేరు సంపాదించుకుంది. 2001లో కెరీర్ మొదలు పెట్టిన ఆర్తీఅగర్వాల్ దాదాపు నాలుగు సంవత్సరాల పాటు తీరిక లేని బిజీ షెడ్యూల్తో ఇండస్ట్రీలో వరుస సినిమా ఆఫర్లను చేజిక్కించుకుంది.

ఆ తర్వాత ఆర్తి అగర్వాల్ కెరీయర్ గ్రాఫ్ నెమ్మది నెమ్మదిగా దిగిపోతువచ్చింది. శరీరాకృతిలో మార్పులు రావడం, ప్రముఖ హీరోతో లవ్ ఎఫైర్ అంటూ వార్తలు రావడం, అలా సినిమా అవకాశాలు తగ్గిపోవడంతో పాటు కొంతకాలానికి వివాహం చేసుకుంది ఆర్తి అగర్వాల్. భర్తతో మనస్పర్థలు కారణంగా విడాకులిచ్చి చిత్రాలలోకి రీ ఎంట్రీ ఇవ్వబోతున్న సమయంలో లైపోసెక్షన్ ఆపరేషన్ వికటించి మృతిచెందారు ఆర్తి అగర్వాల్.

ఆర్తి అగర్వాల్ చిత్రాలలో నటించేటప్పుడు ఆమె డెడికేషన్ గురించి ఆమెతో కలిసి పని చేసిన నిర్మాతలు ఆసక్తికరమైన విషయాలను వెల్లడించారు. ఆమె కెరీర్ నాశనం అవ్వడానికి కేవలం ఆమె తండ్రి నిర్ణయాలే కారణం అంటూ చెప్పుకొచ్చారు. ఆర్తి అగర్వాల్ నటించిన సీన్లు అభ్యంతరాలు ఉంటే ఆమె తండ్రి వెంటనే చెప్పేవారట. ఆమె తల్లిదండ్రులు ఉన్నప్పుడు కొన్ని  సీన్స్ చేయాలంటే ఆమె కొంచెం బిడియంగా నటించదట. అదే ఆమె తల్లిదండ్రులు సెట్స్లో లేని సమయంలో ఎలాంటి సన్నివేశాలు అయినా సునాయాసంగా నటించదట.

బి.గోపాల్ దర్శకత్వంలో వచ్చిన అల్లరి రాముడు చిత్రంలో జూనియర్ ఎన్టీఆర్ మరియు ఆర్తి అగర్వాల్ హీరో హీరోయిన్స్ గా కలిసి నటించారు. ఈ చిత్రం షూటింగ్ టైంలో ఆమె వర్షంలో తడవడం తో 102 డిగ్రీల జ్వరంతో బాధపడిందట. ఒక రోజు షూటింగ్ కు రాకపోతే తన వలన ఎన్టీఆర్ మరియు డైరెక్టర్ బి.గోపాల్ డేట్స్ వృధాగా పోతాయని భావించి అంత జ్వరంతో టాబ్లెట్స్ వేసుకొని రోజు షూటింగ్ లో నటించిందట ఆర్తి అగర్వాల్. ఆమె డెడికేషన్ చూసి తన తరువాత చిత్రం ప్రభాస్ హీరోగా నటించిన  అడవి రాముడు లో కూడా అవకాశం ఇచ్చాము. అంత చిత్తశుద్ధిగా పనిచేసే నటి ఆర్తి అగర్వాల్ అని నిర్మాత చంటి అడ్డాల ఓ సందర్భంలో తెలియజేశారు.

సినిమాల్లో రాణించాలంటే ప్రతిభతో పాటు అదృష్టం కూడా ఉండాల్సిందే. అయితే ఇక్కడ అంత త్వరగా అవకాశాలు లభించవు. అవకాశం వచ్చినప్పుడు అందిపుచ్చుకొనేవారే రాణించగలుగుతారు. అలా వచ్చిన అవకాశాన్ని అందిపుచ్చుకున్న నటుడే సుబ్బరాజు.

సుబ్బరాజు టాలీవుడ్‌లో మోస్ట్ హ్యాండ్సమ్ యాక్టర్. తెలుగు, తమిళ, హిందీ, మలయాళ భాషల్లో 100కు పైగా సినిమాల్లో ఆయన నటించాడు. అన్ని రకాల షేడ్స్ ఉన్న పాత్రల్లో ఆయన ఇట్టే ఒదిగిపోతారు. అయితే ఈయన యాక్సిడెంటల్‌గా ఇండస్ట్రీకి పరచయమయ్యాడు. సినిమాల్లోకి రాక ముందు సుబ్బరాజు ‘డెల్’ కంప్యూటర్స్ లో కంప్యూటర్ ఇంజనీర్ గా పని చేసాడు.

సుబ్బరాజు చిత్రసీమ ప్రవేశం చిత్రంగానే జరిగింది. ‘డెల్’లో పనిచేస్తున్న రోజుల్లో దర్శకుడు కృష్ణవంశీ అసిస్టెంట్ ఒకరు సుబ్బరాజు వద్దకు వచ్చి, తమ డైరెక్టర్ పర్సనల్ కంప్యూటర్ పాడయిందని, బాగు చేయమని కోరాడు. ఆ సమస్య సాల్వ్ చేసేందుకు అక్కడికి వెళ్లాడు సుబ్బరాజు. అక్కడ సుబ్బరాజును చూసిన కృష్ణవంశీ.. ఒడ్డూ పొడుగు బాగుండటంతో ఖడ్గం సినిమాలో చిన్న రోల్ ఇచ్చాడు. అలా తెలుగు సినిమాల్లో తన ప్రస్థానాన్ని ప్రారంభించాడు సుబ్బరాజు.

ఆరంభంలో చిన్నాచితకా పాత్రలో సాగిన సుబ్బరాజుకు పూరి జగన్నాథ్ చిత్రాలు మంచి గుర్తింపును సంపాదించి పెట్టాయి. ‘ఖడ్గం’ తర్వాత పూరి జగన్నాథ్ ‘అమ్మ నాన్న ఓ తమిళమ్మాయి’లో హీరోతో బాక్సింగ్ రింగ్ లో తలపడే ప్రత్యర్థి పాత్ర పోషించారు. ఈ సినిమా సుబ్బరాజుకు మంచి మార్కులు సంపాదించి పెట్టింది. వరుసగా “శ్రీ ఆంజనేయం, నేనున్నాను, ఆర్య, సాంబ” చిత్రాలలో గుర్తింపు ఉన్న పాత్రల్లో కనిపించి మెప్పించారు.

తన దరికి చేరిన ప్రతీపాత్రకు న్యాయం చేసేందుకు ప్రయత్నించారు సుబ్బరాజు. అలా అతి త్వరగా 50 సినిమాలు పూర్తి చేశారు. దర్శకుడు పూరి జగన్నాథ్, రవితేజ తనను ఎంతో ప్రోత్సహించారు అని ఆయన పలు సందర్భాల్లో చెప్పుకొచ్చారు.

ప్రస్తుతం వరుస చిత్రాలతో సుబ్బరాజు కెరీర్‌లో దూసుకుపోతున్నారు. తనకు దక్కిన ప్రతి అవకాశాన్ని ఎంతో ఎంజాయ్ చేస్తూ తన పాత్రకి వంద శాతం న్యాయం చేసే విధంగా కష్టపడ్డానని అందువల్లనే ప్రస్తుతం వందకు పైగా చిత్రాలలో నటించానని చెప్పుకొచ్చాడు సుబ్బరాజు.

పరశురామ్ దర్శకత్వంలో “సర్కారు వారి పాట” సినిమాతో సూపర్ హిట్ అందుకున్న సూపర్ స్టార్ మహేష్ బాబు తాజాగా ఇప్పుడు మాటల మాంత్రికుడు త్రివిక్రమ్ శ్రీనివాస్ దర్శకత్వంలో ఒక సినిమా చేస్తున్న విషయం తెలిసిందే. SSMB28 అనే వర్కింగ్ టైటిల్ తో ఈ సినిమా తెరకెక్కుతుంది. ఇప్పటికే ఈ సినిమాకి సంబంధించిన బోలెడు వార్తలు సోషల్ మీడియాలో వైరల్ గా మారాయి.

అతడు, ఖలేజా సినిమాల తర్వాత వీరిద్దరి కాంబోలో వస్తోన్న ఈ మూవీ కోసం అందరూ ఆసక్తిగా వెయిట్ చేస్తున్నారు. షూటింగ్ ఆలస్యం కావడం వల్ల వచ్చే ఏడాది సంక్రాంతికి ఈ సినిమాను విడుదల చేయబోతున్నారు. అయితే ఈ సినిమాకి లీకుల బెడద తప్పట్లేదు. ఇప్పటికే ఈ సినిమాకు సంబంధించిన ఫోటోస్ నెట్టింట లీక్ అవ్వగా.. తాజాగా ఈ సినిమా నుంచి ఒక డైలాగ్ లీక్ అయ్యింది.

ఈ మూవీ లో మహేష్ బాబు పాత్రపేరు అల్లూరి రాధాకృష్ణ అని తెలుస్తోంది. అలాగే ఆయన ఒక మిర్చి మిల్లు ఓనర్ గా ఈ చిత్రం లో కనిపించనున్నట్లు సమాచారం. అలాగే ఈ మూవీ నుంచి ” మిర్చి ఘాటుకి, రాధా గాడి పోటుకి తిరుగేలేదు..” అన్న డైలాగ్ ఒకటి వైరల్ గా మారింది. ఇక మహేష్ పాత్ర మాస్ ఆడియన్స్ ని అలరించేలా ఉంటుందని తెలుస్తోంది.

ఈ మూవీ లో జగపతిబాబు విలన్ గా నటిస్తుండగా పూజా హెగ్డే , శ్రీలీల హీరోయిన్స్‌గా న‌టిస్తున్నారు. హారిక అండ్ హాసిని క్రియేషన్స్ బ్యాన‌ర్‌పై సూర్య‌దేవ‌ర రాధాకృష్ణ (చిన‌బాబు) ఈ చిత్రాన్ని నిర్మిస్తున్నారు. త‌మ‌న్ ఈ సినిమాకు సంగీతాన్ని అందిస్తున్నారు. ఈ చిత్రం కోసం మహేష్ తన లుక్‌ని పూర్తిగా మార్చుకున్నారు. సిక్స్ ప్యాక్ లుక్‌లో కనిపించబోతున్నారు మహేష్.

దీని త‌ర్వాత మ‌హేష్ బాబు త‌న 29వ చిత్రాన్ని ద‌ర్శ‌క ధీరుడు రాజ‌మౌళి ద‌ర్శ‌క‌త్వంలో చేయ‌బోతున్న సంగ‌తి తెలిసిందే. జక్కన్న దీన్ని పాన్ వరల్డ్ మూవీగా తెరకెక్కించటానికి సన్నాహాలు చేసుకుంటున్నారు.

పాన్ ఇండియా స్టార్ ప్రభాస్ రాముడిగా నటిస్తున్న చిత్రం ‘ఆదిపురుష్’. గత కొన్ని రోజులుగా ఈ మూవీ ప్రీ రిలీజ్ ఈవెంట్ తిరుపతిలో జరగనుందని ఇరవై రోజుల క్రితం సోషల్ మీడియాలో ఒక వార్త షికారు చేసింది.

జూన్ 3న జరిగే ‘ఆదిపురుష్’ ప్రీ-రిలీజ్ ఈవెంట్ కి చీఫ్ గెస్ట్‌గా డైరెక్టర్ రాజమౌళి రాబోతున్నారని వినిపించింది. అయితే తాజాగా యూవీ క్రియేషన్స్ ఈ మూవీ ప్రీ రిలీజ్ ఈవెంట్ ను తిరుపతిలో నిర్వహించనున్నట్టు అధికారిక ప్రకటన రిలీజ్ చేసింది. అయితే జూన్ 3న కాకుండా జూన్ 6న ఈ వేడుక జరగనుంది. ఈ క్రమంలో బాహుబలి మూవీ వార్తల్లో నిలిచింది. ఆ వివరాలు ఇప్పుడు చూద్దాం..
హీరో ప్రభాస్ శ్రీరాముడి పాత్రలో నటిస్తున్న భారీ బడ్జెట్ తో తెరకెక్కిన మైథలాజికల్ చిత్రం ‘ఆదిపురుష్’. రామాయణం ఆధారంగా తెరకెక్కిన ఈ చిత్రంలో సీత పాత్రలో బాలీవుడ్ హీరోయిన్ కృతి సనన్ నటించారు. రామాయణం ఆధారంగా ఇప్పటికే అనేక చిత్రాలు రూపొందాయి. అయితే ఈ చిత్రాన్ని ప్రస్తుతం ఉన్న టెక్నాలజీకి తగ్గట్టుగా గ్రాండ్‌గా సిల్వర్ స్క్రీన్ పై చూపించే ప్రయత్నం బాలీవుడ్ డైరెక్టర్ ఓం రౌత్ చేస్తున్నారు.
ఈ మూవీ టీజర్ రిలీజ్ చేసినపుడు ఆడియెన్స్ నుండి విమర్శలు చేశారు. ఇప్పటి దాకా వచ్చిన రామాయణం చిత్రాలను చూసిన ఆడియెన్స్ కి దర్శకుడు చేసిన మార్పులు అసలు నచ్చలేదు. టీజర్ యానిమేషన్‌లా ఉందనే  ట్రోల్స్ వచ్చాయి. హిందూవాదులు కూడా రావణాసురుడి క్యారెక్టర్ చిత్రీకరణను పూర్తిగా వ్యతిరేకించారు. ఇక హనుమంతుడికి గెడ్డం పెట్టడం హిందూవాదులకు అసలు నచ్చలేదు.
ఈ విమర్శల తరువాత మూవీ పై మరింత ఫోకస్ చేసిన ఓం రౌత్, ట్రైలర్ తో ఆడియెన్స్ ని ఆకట్టుకున్నారు. 3డీలో ట్రైలర్‌ను చూసిన ఆడియెన్స్ చాలా బాగుందని మెచ్చుకున్నారు. జూన్ 16న ఈ చిత్రం 5 భాషల్లో భారీగా రిలీజ్ కానుంది. ఈ క్రమంలోనే ప్రమోషన్స్ లో భాగంగా తిరుపతిలో జూన్ 6న ప్రీ రిలీజ్ ఈవెంట్ జరగనుంది. ఈ ప్రకటన వచ్చిన నేపథ్యంలో బాహుబలి సినిమా తెరపైకి వచ్చింది.
టాలీవుడ్ హీరో ప్రభాస్‌‌ను పాన్ ఇండియా స్టార్‌‌గా మార్చిన చిత్రం ‘బాహుబలి: ది బిగినింగ్’. ఈ మూవీ ఆడియో లాంచ్ ఈవెంట్ తిరుపతిలోనే నిర్వహించారు. 2015 లో జూన్ 13న తిరుపతిలోని ఎస్వీ గ్రౌండ్స్‌లో బాహుబలి ఆడియో లాంచ్ వేడుక జరిగింది. ఆ చిత్రం ఎంతటి ఘన విజయాన్ని సాధించిందో అందరికి తెలిసిందే.
8 ఏళ్ళ తరవాత జూన్ 6న  ప్రభాస్ ‘ఆదిపురుష్’ ప్రీ రిలీజ్ వేడుక తిరుపతిలో జరగనుంది. దాంతో బాహుబలి సినిమా లాగే ఈ చిత్రం కూడా విజయం సాధిస్తుందని ప్రభాస్ ఫ్యాన్స్ భావిస్తున్నారు. ఇక సోషల్ మీడియాలో కూడా బాహుబలి సెంటిమెంట్ వాడుతున్నారంటే ఈ మూవీ కూడా సూపర్ హిట్ అవుతుందంటూ మీమ్స్ షికారు చేస్తున్నాయి.

https://www.instagram.com/p/CsngGM0oJ1g/?igshid=NjZiM2M3MzIxNA%3D%3D

Also Read: ఓటీటీలోకి వ‌చ్చేస్తోన్న ‘గోపీచంద్’ “రామ‌బాణం” మూవీ.. ఎప్పుడు రాబోతుందంటే..!!

ప్రముఖ నటుడు శరత్‌బాబు మే 22 న కన్నుమూసిన విషయం తెలిసిందే.  నాలుగున్నర దశాబ్దాల పాటు కొనసాగిన నటుడు శరత్ బాబు. ఆయన ఒక్క తెలుగులోనె కాకుండా కన్నడ, మలయాళ, తమిళ, హిందీ భాషల్లో నటించిన తన నటనతో ఆకట్టుకున్న నటుడు శరత్ బాబు.

1973లో పరిశ్రమలో అడుగుపెట్టిన శరత్ బాబు 2023 వరకు నట ప్రస్థానాన్ని కొనసాగించారు. ఏ పాత్రలో అయినా పరకాయ ప్రవేశం చేసి మెప్పించడం ఆయనకు వెన్నతో పెట్టిన విద్య. ఆయన సినీ కెరీర్ విజయవంతంగా సాగినా, శరత్ బాబు వైవాహిక జీవితంలో మాత్రం ఎన్నో ఒడిదుడుకులను ఎదుర్కొన్నారు.
పెళ్లి అనే విషయం శరత్ బాబుకు అంతగా కలిసి రాలేదని చెప్పవచ్చు. ఇద్దరిని అఫిషియల్ గా పెళ్లి చేసుకున్నా, సీక్రెట్‌గా వేరొకరితో కాపురం చేసినట్లుగా ఇండస్ట్రీలో టాక్ ఉంది. శరత్ బాబు పరిశ్రమలో అడుగుపెట్టిన సమయానికే తెలుగు ఇండస్ట్రీలో రమాప్రభ స్టార్ కమెడీయన్‌గా వెలుగొందుతున్నారు. ఆమె శరత్ బాబు కన్నా వయసులో 4 ఏళ్లు పెద్దది. అయినపట్టికి ఇద్దరు ప్రేమలో పడ్డారు. ఆ తర్వాత వివాహం చేసుకున్నారు. అలా వారు 14 సంవత్సరాల పాటు చాలా అన్యోన్యంగా వైవాహిక జీవితాన్ని కొనసాగించారు.
ఆ తర్వాత ఇద్దరి మధ్య మనస్పర్థలు తలెట్టడంతో విడాకులు తీసుకున్నారు. తరువాత శరత్ బాబు తమిళ యాక్టర్ నంబియార్ కుమార్తె స్నేహలతను వివాహం చేసుకున్నారు. కానీ ఆయన కొన్నాళ్లకే స్నేహలతతో కూడా విడిపోయారు. ఆ తరువాత కొంతకాలం ఒంటరిగా ఉన్న శరత్ బాబు, హీరోయిన్ నమితను రహస్యంగా వివాహం చేసుకున్నారనే ప్రచారం కొలీవుడ్, టాలీవుడ్‌ లో విస్తృతంగా జరిగింది.అయితే శరత్ బాబు అప్పట్లో ఈ వార్తలను ఖండించినా ఆ రూమర్స్ ఆగలేదు. శరత్ బాబును ఒక ఇంటర్వ్యూలో భాగంగా మీకు పిల్లలు లేరా అని అడిగినపుడు దానికి ఆయన తన సోదరులు, అక్కాచెల్లెల పిల్లలు అంతా కలిసి 25 మంది అని,  వారంతా కూడా తన పిల్లలే అని చెప్పారు. శరత్ బాబు మరణించిన రోజు నుండే అతని బంధువులు ఆస్తుల కోసం తగాదా పడుతున్నట్టుగా వార్తలు వినిపిస్తున్నాయి.అయితే మరో వైపు శరత్‌బాబుకు మాజీ భార్య స్నేహ నంబియార్‌తో ఇద్దరు పిల్లలు ఉన్నారని,  సాయి కార్తీక్ అనే  కుమారుడు, పల్లవి అనే కుమార్తె ఉన్నారని ప్రచారం జరుగుతోంది. ఇలా కొంతమంది ఆయనకు పిల్లలు లేరని, మరి కొంతమంది పిల్లలు ఉన్నారని అంటున్నారు.

Also Read: ఓటీటీలోకి వ‌చ్చేస్తోన్న ‘గోపీచంద్’ “రామ‌బాణం” మూవీ.. ఎప్పుడు రాబోతుందంటే..!!

ఆపదలో ఉన్నవారిని ఆదుకోవడంలో, కష్టాల్లో ఉన్న వారికి తనవంతు సాయం అందించడంలో మెగాస్టార్ చిరంజీవి ఎప్పుడూ ముందుంటారు. ఎప్పటి నుంచో చిరు పలు చారిటబుల్ ట్రస్ట్ లు కూడా నడుపుతున్న విషయం మనకు తెలిసిందే. ఆర్థిక ఇబ్బందుల్లో, అనారోగ్యం తో ఉన్న పలువురు నటీనటులకు చిరు హెల్ప్ చేసిన విషయం మనకు తెలిసిందే.

తాజాగా చిరంజీవి ఓ ప్రముఖ నటుడికి సాయం చేసి అతడి ప్రాణాలు నిలబెట్టారు. అతడు ఎవరో కాదు తమిళ నటుడు పొన్నాంబళం. విలన్‌గా తమిళ చిత్రసీమలో అత్యంత ప్రజాదరణ పొందిన ఈయన రజనీకాంత్, కమల్ హాసన్, అజిత్, విజయ్, విక్రమ్ లాంటి స్టార్ హీరోలకు ప్రతినాయకుడిగా నటించారు. తెలుగులోనూ ఈయన చిరంజీవి, నాగార్జున, బాలకృష్ణ, వెంకటేష్, పవన్ కళ్యాణ్ లాంటి స్టార్ హీరోల చిత్రాల్లో విలన్‌గా రాణించారు.

కోలీవుడ్‌లో తన కెరీర్ పీక్స్‌లో ఉన్న సమయంలో పొన్నాంబళం అనుకోకుండా సినిమాల నుంచి తప్పుకున్నారు. తర్వాత 2018లో బిగ్ బాస్ తమిళ్ సీజన్ 2లో పొన్నాంబళం పాల్గొన్నారు. అయితే, రెండేళ్ల క్రితం పొన్నాంబళం కిడ్నీ సమస్యతో బాధపడుతూ ఆసుపత్రిలో చేరారు. ఆ సమయంలో ఇండస్ట్రీలోని కొంత మంది సెలబ్రిటీల సాయం కోరారు. అప్పుడు ఆయనకి సాయం చేయడానికి తెలుగు, తమిళ ఇండస్ట్రీల నుంచి చాలా మంది ముందుకొచ్చారు.

రజనీకాంత్, కమల్ హాసన్, రాధిక, ధనుష్, కెఎస్ రవికుమార్, రాఘవ లారెన్స్ తదితర నటులు పొన్నాంబళానికి ఆర్థిక సాయం అందించారు. ప్రస్తుతం ఆరోగ్యం కుదుటపడి విశ్రాంతి తీసుకుంటున్న ఆయన ఓ ఇంటర్వ్యూలో చిరంజీవి గురించి మాట్లాడారు. తన స్నేహితుడి ద్వారా చిరంజీవి ఫోన్ నంబర్ సంపాదించిన పొన్నాంబళం ‘ అన్నయ్య నాకు బాగోలేదు.. మీకు చేతనైనంత సాయం చేయండి’ అని మెసేజ్ పెట్టారట. మెసేజ్ చేసిన పది నిమిషాల తర్వాత పొన్నాంబళంకి చిరంజీవి ఫోన్ చేశారట. ఈ విషయాన్ని పొన్నాంబళం స్వయంగా వెల్లడించారు.

చిరంజీవి తనకు చేసిన సాయం గురించి బిహైండ్‌వుడ్స్ తమిళ యూట్యూబ్ ఛానెల్‌కు ఇచ్చిన ఇంటర్వ్యూలో వివరంగా చెప్పారు పొన్నాంబళం. ” హాయ్ పొన్నాంబళం.. ఎలా ఉన్నావు.. ఆరోగ్యం బాగాలేదా.. కిడ్నీ ప్రాబ్లమ్ ఉందా.. నేను ఉన్నాను, కంగారుపడకు.. నువ్వు హైదరాబాద్ వచ్చేస్తావా అని చిరంజీవి నన్ను అడిగారు. నేను రాలేను అన్నయ్య అని చెప్పాను. అయితే చెన్నైలోని అపోలో హాస్పిటల్‌కి వెళ్లండి.. అన్నీ నేను చూసుకుంటాను అని చెప్పారు.

అక్కడికి వెళ్తే కనీసం ఎంట్రీ ఫీజు కూడా తీసుకోలేదు. అక్కడే నాకు వైద్యం అందించారు. రూ.45 లక్షలు ఖర్చయ్యింది. మొత్తం ఆయనే చూసుకున్నారు. చిరంజీవి అన్న దేవుడిలా వచ్చి నాకు సాయం చేశారు.” అని భావోద్వేగానికి గురయ్యారు పొన్నాంబళం. ప్రస్తుతం ఆ వీడియో నెట్టింట వైరల్ అవుతోంది. ప్రస్తుతం తాను ఆరోగ్యంగానే ఉన్నానని..ఇప్పుడు కూడా సినిమాల్లో నటించాలనే ఆసక్తి ఉందని.. తండ్రి, అన్నయ్య ఇలా ఏ పాత్ర ఇచ్చినా నటించడానికి సిద్దంగా ఉన్నానని.. చెప్పుకొచ్చారు పొన్నాంబళం.

నా ఆరోగ్యం క్షీణిస్తున్న టైంలో ఎవరినడగాలో తెలియక @KChiruTweets గారినడిగితే 1 లక్షో, 2లక్షలో సహాయం చేస్తారనుకుంటే – నేనున్నా అని చెప్పి 5ని||లో దగ్గరలో ఉన్న అపోలో కి వెళ్ళమని అడ్మిట్ అవ్వమన్నారు – అక్కడ నన్ను ఎంట్రీ ఫీస్ కూడా అడగలేదు

మొత్తం 40లక్షలయ్యంది ఆయనే చూస్కున్నారు🙏 pic.twitter.com/HHdBcSiwPm

— 𝙺𝙰𝙺𝙸𝙽𝙰𝙳𝙰 𝙼𝙴𝙶𝙰 𝙳𝙴𝚅𝙾𝚃𝙴𝙴 (@Gowtham__JSP) March 15, 2023

మెగాస్టార్ చిరంజీవి.. కేవలం ఓ పేరు కాదు..బ్రాండ్. సినీ పరిశ్రమలో ఎంతో మంది నటీనటులకు ఆయనే ఆదర్శం. ఎలాంటి బ్యాగ్రౌండ్ లేకుండా చిత్రపరిశ్రమలోకి అడుగుపెట్టి.. టాలీవుడ్ ఇండస్ట్రీకి మెగాస్టార్ అయ్యారు. ఈ ప్రయాణం అంత సాఫీగా సాగలేదు. ఎన్నో అడ్డంకులు.. ఒడిదుడుకులను ఎదుర్కొన్నారు. అవమానాలను భరించి స్వయంకృషితో అసాధ్యాన్ని సుసాధ్యం చేశారు.

తన నటన.. డ్యాన్స్‏తో సినీప్రియులను అలరించి సుప్రీం హీరో అనే అరుదైన గౌరవం సొంతం చేసుకున్నారు. మాస్ యాక్షన్, తనదైన కామెడీతో తెలుగు ప్రేక్షకుల మనసులలో నిలిచిపోయారు. బ్యాగ్రౌండ్ లేకుండా ఇండస్ట్రీలో హీరోగా ఎదగాలనే ఎంతోమంది యువతరానికి ఆదర్శంగా నిలిచారు చిరు. ఇక కొంతకాలం సినిమాలకి విరామం తీసుకున్న చిరు ఖైదీ 150 సినిమాతో రీఎంట్రీ ఇచ్చారు చిరు.

అయితే చిరంజీవికి దర్శకత్వంపై ఆసక్తి ఉన్న సంగతి అందరికీ తెలిసిందే. ఒక సినిమాను డైరెక్ట్ చేయాలని ఉందని గతంలో చిరంజీవి చెప్పారు. అయితే ఇప్పటి వరకు ఆ ఆశ తీరకపోయినా.. సినిమా మొత్తం కాకపోయినా సినిమాలోని కొన్ని సీన్లకు చిరంజీవి దర్శకత్వం వహించారు. ఈ విషయాన్ని సీనియర్ నటుడు, రచయిత తనికెళ్ల భరణి వెల్లడించారు.

చిరంజీవి హీరోగా 1995లో ‘బిగ్ బాస్’ అనే సినిమా వచ్చింది. విజయ బాపినీడు దర్శకత్వం వహించిన ఈ సినిమా అప్పట్లో ప్రేక్షకులను మెప్పించలేకపోయింది. ఈ సినిమాలో తనికెళ్ల భరణి ఎస్‌ఐగా నటించారు. ఈ చిత్రంలో అయ్యప్ప మాలలో ఉన్న హీరో పట్ల ఎస్‌ఐ అనుచితంగా ప్రవర్తిస్తాడు. దీంతో హీరోకి ఆగ్రహం వస్తుంది. ఎస్ఐ‌ను చితక్కొడతాడు. ఈ సీన్‌ను మెగాస్టార్ చిరంజీవే డైరెక్ట్ చేశారట. ఈ విషయాన్ని తనికెళ్ళ భరణి తన యూట్యూబ్ ఛానల్ లో వెల్లడించారు.

” ‘కుక్కకాటుకి చెప్పు దెబ్బ’ అనే సినిమా షూటింగ్ సమయం లో చిరంజీవి ని మొదటిసారి కలిసాను. తరవాత ఆయనతో చాలా సినిమాలు చేశాను. అయితే ‘బిగ్ బాస్’ మూవీ సమయం లో బాపినీడు గారి ఫ్రెండ్‌కి ఒంట్లో బాగోలేకపోతే ఆయన వెళ్లిపోయారు. డేట్స్ లేని కారణంగా చిరంజీవి గారే ఆ సీన్లకు దర్శకత్వం వహించారు. హీరోగా ఉంటూ అంత టెక్నాలజీ నేర్చుకోవడం గొప్ప విషయం’ అని తనికెళ్ల భరణి చెప్పుకొచ్చారు. ఈ వీడియో ప్రస్తుతం సోషల్ మీడియాలో వైరల్ అవుతోంది.

Also read: “నరసింహనాయుడు” సినిమాలోని ఈ డైలాగ్ వెనుక… ఇంత పెద్ద కథ ఉందా..?