Category:

Filmy Adda

“మహేష్ బాబు – త్రివిక్రమ్” సినిమాలో నటించడానికి… పూజా హెగ్డే పెట్టిన 3 కండిషన్స్ ఏంటో తెలుసా..?

by Anudeep July 7, 2022

written by Anudeep

వరుస ఆఫర్లతో ముందుకు దూసుకుపోతుంది పూజా హెగ్డే. తెలుగుతో పాటు అటు తమిళ మరియు హిందీ సినిమాల్లో కూడా మంచి గుర్తింపు సంపాదించుకుంది పూజ. దీంతో ఈ భామ క్రేజ్ బాగానే పెరిగినట్లే.ఈ క్రేజ్ తో పూజా హెగ్డే ఎక్కువ అడ్వాంటేజ్ తీసుకున్నట్లు అనిపిస్తుంది.

రాధే శ్యామ్, ఆచార్య తో ఫ్లాపులు అందుకున్న పూజా హెగ్డే పాన్ ఇండియా సినిమాలు అవకాశాల కోసం తెగ ఆరాటపడిపోతుంది అనిపిస్తుంది. ఈ నేపథ్యంలో హిందీలోని కొత్త సినిమాల్లో నటించేందుకు ప్రయత్నాలు చేస్తుంది కూడా. టాలీవుడ్ నుంచి వచ్చే ఆఫర్లకు నో చెప్పడానికి కూడా వెనకాడటం లేదు.

అయితే ఇప్పుడు టాలీవుడ్ లో నటించడానికి కండిషన్స్ అప్లై చేసేస్తుంది పూజ.. ఇంతకీ అసలు విషయం ఏంటంటే.. తాజాగా మాటల మాంత్రికుడు త్రివిక్రమ్ దర్శకత్వంలో సూపర్ స్టార్ మహేష్ బాబు చిత్రం రాబోతుంది. ఈ చిత్రం త్వరలోనే సెట్స్ పైకి రానుంది. ఈ చిత్రం కోసం పూజా హెగ్డే హీరోయిన్ గా నటింపజేయడానికి సంప్రదిస్తే కొన్ని కండిషన్ పెట్టినట్లు సినీ ఇండస్ట్రీలో గుసగుసలు వినిపిస్తున్నాయి.

#1 మహేష్ బాబు లాంటి సూపర్ స్టార్ తో నటించడానికి కేవలం 45 రోజులు మాత్రమే డేట్లు ఇచ్చినట్లు తెలుస్తోంది. ఇంతకు మించి ఒక్క రోజు ఎక్కువ ఇచ్చేది లేదు అంటూ నిర్మొహమాటంగా చెప్పేసిందట.

#2 అంతే కాకుండా తన పాత్రకు గాను రెండు కోట్ల పారితోషికం డిమాండ్ చేయడం చేసిందట.

pooja 2

#3 తన స్టాఫ్ కూడా శాలరీ ఇవ్వాలంటూ కండిషన్స్ అప్లై చేసిందట.

వరస ఫ్లాపులు అందుకుంటూ ఇలాంటి కండిషన్స్ పెట్టడం అవసరమా అంటూ సినీ వర్గాల నుంచి వార్తలు వస్తున్నాయి. పూజా హెగ్డే ఇటీవల హీరోయిన్ గా నటించిన బీస్ట్ కూడా ఆశించిన ఫలితం పొందలేదు. ఇది ఇలా ఉండగా హిందీలో సల్మాన్ ఖాన్ తో జోడిగా ఒక చిత్రం నటిస్తుంది పూజా హెగ్డే. బాలీవుడ్ ఇండస్ట్రీలో కూడా ఇలాంటి కండిషన్స్ అప్లై చేస్తే అమ్మడితో కష్టమే అంటున్నారు సినీ వర్గాలు.

July 7, 2022

Filmy Adda

ఉప్పెన సినిమాలోని “నీ కన్ను నీలి సముద్రం” పాటని… సీన్-టు-సీన్ కాపీ కొట్టేసారుగా..? ఏ సినిమా నుండి అంటే..?

by Anudeep July 7, 2022

written by Anudeep

మన మెగాస్టార్ చిరంజీవి గారి మేనల్లుడు వైష్ణవ్ తేజ్ మరియు అందాల భామ కృతి శెట్టి కలిసి నటించిన చిత్రం ఉప్పెన. హీరో హీరోయిన్ ఇద్దరూ ఇదే తొలి చిత్రం. రొమాంటిక్ డ్రామాగా జనవరి 12 2021 లో ఈ చిత్రం ప్రేక్షకుల ముందుకు వచ్చింది అనే విషయం తెలిసిందే. మొదటి చిత్రంతోనే ప్రేక్షకులందరికి దగ్గర మంచి మార్కులు కొట్టేశారు. కరోనా అలాంటి కష్ట పరిస్థితుల్లో కూడా ఈ చిత్రం విడుదలై బాక్సాఫీస్ వద్ద మంచి కలెక్షన్లు రాబట్టింది.

విజయ్ సేతుపతి, గాయత్రీ జయరాం, రాజీవ్ కనకాల, మహదేవన్, బ్రహ్మాజీ, సాయి చంద్ వంటి వారు ప్రధాన తారాగణంగా నటించారు. ఉప్పెన చిత్రానికి గాను బుచ్చిబాబు సానా దర్శకత్వం వహించారు. మైత్రి మూవీ మేకర్స్ వారి నిర్మాణ సారథ్యం వహించారు. దేవిశ్రీప్రసాద్ సంగీత దర్శకత్వం వహించారు. దర్శకుడే ఈ చిత్రానికి రచయిత కావడం విశేషం.

అయితే ఇప్పుడు సోషల్ మీడియాలో ఒక వీడియో హల్ చల్ చేస్తుంది. అదేంటంటే కొన్ని సీన్లు ఆ చిత్రం నుంచి ఉప్పెన చిత్రంలోకి కాపీ కొట్టారంటూ సోషల్ మీడియాలో వైరల్ గా మారింది. మనవారు కాపీ కొట్టిన హిందీ చిత్రం ఏంటో చూద్దాం.. 2013 జూన్ 21న హిందీలో రిలీజ్ అయిన రొమాంటిక్ డ్రామా కథాంశంగా గా రూపొందిన రంజనా. చిత్రానికిగాను ఆనంద్ ఎల్ రాయ్ దర్శకత్వం వహించారు. ఈ చిత్రంలో ధనుష్ మరియు సోనం కపూర్ కలసి నటించారు. ఇప్పుడు మన వాళ్ళు ఈ చిత్రంలోని కొన్ని సన్నివేశాలను అచ్చుగుద్దినట్టు దింపేశారు అంటూ సోషల్ మీడియాలో ఒక వీడియో చెక్కర్లు కొడుతుంది.

అంతే కాకుండా రెండు పాటలు పాడిన సింగర్ కూడా ఒకరే. కొన్ని సీన్స్ మాత్రం రెండు పాటల్లో దాదాపు ఒకే లాగా ఉన్నాయి. ఆ సన్నివేశాలు ఏంటంటే.. చిన్నతనంలో హీరో హీరోయిన్ మొదటిసారిగా చూసుకునే సన్నివేశం, మరియు బేబమ్మ ఫంక్షన్ లో డాన్స్ వేసే సన్నివేశం, అదేవిధంగా స్కూల్లో చదువుకునేటప్పుడు సన్నివేశాలు కాపీ చేశారంటూ నెటిజన్లు కామెంట్స్ చేస్తున్నారు.

https://www.instagram.com/reel/CfI9zITDy2p/?igshid=YmMyMTA2M2Y

July 7, 2022

Filmy Adda

ఒకప్పటి ఈ పాపులర్ నటుడు గుర్తున్నారా? సినిమాలకు ఎందుకు దూరం అయ్యారంటే?

by Anudeep July 7, 2022

written by Anudeep

ఒకప్పటి హీరో వేణు తొట్టెంపూడి అందరికి సుపరిచితులు. ప్రస్తుతం ఆయన సినిమాలకు దూరంగా ఉన్నప్పటికీ.. ఆయన సినిమాలను ఇప్పటికీ ఫ్యామిలీ తో కలిసి ఎంజాయ్ చేసే వారు చాలా మందే ఉన్నారు.

ఆయన నటించిన “చిరునవ్వుతో” సినిమా ఎవర్ గ్రీన్. 2006 తరువాత ఆయన తన సినిమాలను తగ్గించారు. 2012 లో దమ్ము సినిమాలో సపోర్టింగ్ రోల్ లో కనిపించారు. ఆ తరువాత రామాచారి అనే సినిమాలో హీరోగా కనిపించినా.. ఈ సినిమా అంతగా హిట్ అవ్వలేదు.

2006 వరకు నిరాటంకంగా నటించిన ఆయన తరువాత మాత్రం జోరు తగ్గించారనే చెప్పాలి. రామాచారి తరువాత ఆయన తెరపై పెద్దగా కనిపించలేదు. దాదాపు తొమ్మిదేళ్ల తరువాత “రామారావు ఆన్ డ్యూటీ” అనే సినిమాతో ఆయన వెండితెరపై కనిపించనున్నారు. రవితేజ హీరోగా శరత్‌ మండవ ఈ సినిమాను తెరకెక్కిస్తున్నారు. ఈ నెల 29వ తేదీన ఈ సినిమా విడుదల కాబోతోంది.

ఈ సందర్భంగా ఇటీవల ఓ ఇంటర్వ్యూ లో పాల్గొన్న ఆయన పలు విషయాల గురించి ముచ్చటించారు. కొన్ని అనుకోని కారణాల వలన సినిమా ఇండస్ట్రీకి దూరంగా ఉండాల్సి వచ్చిందని.. అందుకే సినిమాలకు కూడా దూరం అయ్యానని చెప్పుకొచ్చారు. “రామారావు ఆన్ డ్యూటీ” సినిమాలో కూడా మొదట నటించాలని అనుకోలేదని, కానీ దర్శక నిర్మాతలు అడిగిన తర్వాత కూడా నో చెప్పానన్నారు. సినిమాలో నటించకపోయినా కనీసం కలుద్దామని శరత్ మండవ ఫోన్ చేసారని.. అలా కలిసినప్పుడు ఈ సినిమా పాత్ర గురించి చెప్పడంతో.. నచ్చి చెయ్యడానికి ఒప్పుకున్నానని అన్నారు.

July 7, 2022

Featured Filmy Adda

గోపీచంద్ లాగే… అటు హీరో ఇటు విలన్ గా మెప్పించిన 15 మంది టాలీవుడ్ నటులు వీరే.!

by Anudeep July 7, 2022

written by Anudeep

సినిమాకు హీరో ఎంత ముఖ్యమో, విలన్ కూడా అంతే ముఖ్యం. ఇంకా చెప్పాలి అంటే.. విలన్ లేకుండా హీరోనే లేడు. విలన్ ఎంత స్ట్రాంగ్ అయితే హీరోని అంత ఎక్కువ చేసి చూపించే అవకాశం ఉంటుంది.
ఒక యాక్టర్ పరిపూర్ణ నటుడు అవ్వాలి అంటే మాత్రం హీరోగా, విలన్ చేసి అన్నీ రకాల ఎమోషన్స్ తో ప్రేక్షకులను ఆకట్టుకోవాలి. అందుకే హీరో కెరీర్ ని లీడ్ చేస్తున్నప్పుడే మన హీరోలు విలన్ పాత్రలతో కూడా మెప్పించారు. విలన్ పాత్రలు కొంతమంది కెరీర్ గ్రాఫ్ నే మార్చేసాయి. వాళ్ళల్లో కొంతమందిని చూద్దాం . .

1. జగపతిబాబు:

అప్పటి వరకు జగపతిబాబును ఫ్యామిలీ మ్యాన్ గా చూసిన అభిమానులు ఆయన నుంచి అంత క్రూరత్వాన్ని, దుర్మార్గాన్ని ఎవరు ఊహించలేదు. లెజెండ్ లో జితేంద్ర ఈవిల్ ఓ రకం అనుకుంటే, రంగస్థలం ఫణీంద్రభూపతి ఇంకా దారుణం, అరవింద సమేతలో బసిరెడ్డి క్యారెక్టర్ తో విలనిజాన్ని నెక్స్ట్ లెవల్ కి తీసుకెళ్లాడు.

2. శ్రీకాంత్:

హీరోగా ప్రేక్షకులను మెప్పించి విలన్ గా చేసి వాళ్లలో శ్రీకాంత్ కూడా ఒకడు. యుద్ధం శరణం, మార్షల్, మలయాళ చిత్రం విలన్ తో పాటు ఇటీవల అఖండలో నెగటివ్ పాత్ర చేసి అందరిని ఆకట్టుకున్నాడు శ్రీకాంత్.

3. గోపీచంద్:

మనం పాజిటివ్ పాత్రలో కాకుండా నెగెటివ్ రోల్‌లో చూడటానికి ఇష్టపడే మరో నటుడు గోపీచంద్. నిజం, వర్షం, జయం సినిమాల్లో తన నటనతో ప్రేక్షకులను సైతం భయపెట్టే రేంజ్ లో నటించాడు. గౌతమ్ నందలో హీరోయిజం కన్నా తన విలనిజానికే ఎక్కువ మార్కులు పడ్డాయి.

4. రానా:

రానా తనలో ఉన్న హీరో కన్నా నటుడిని ఎక్కువ సంతృప్తి పరుస్తాడు. బాహుబలి లాంటి సినిమాలో ప్రభాస్ లాంటి కటౌట్ ముందు.. తనదైన నటనా కౌశలంతో దుష్టత్వంతో ఒక రేంజ్ ఆవేశం సృష్టించాడు రానా. ఇటీవల భీమ్లా నాయక్ లో రానా పాత్రను పవన్ అభిమానులు కూడా ప్రశంసించారు.

5. చిరంజీవి:

మెగాస్టార్ చిరంజీవి నటన గురించి ప్రత్యేకంగా చెప్పక్కర్లేదు. హీరోగా ఆయనకున్న అభిమానులకు కొదవే లేదు. ఆయన మాటలు, మేనరిజం, డాన్స్ అన్నీ వేరే లెవెల్ లో ఉంటాయి . అలాంటిది చిరు కూడా ఒకప్పుడు ఇది కథ కాదు, మోసగాడు, న్యాయం కావాలి వంటి చిత్రాల్లో నెగటివ్ రోల్స్ చేశారు.

6. విజయ్ సేతుపతి:

విజయ్ సేతుపతిని ఒకసారి 96 మూవీ చూసి ఉప్పెన, మాస్టర్, విక్రమ్ మూవీల్లో చూస్తే షాక్ అవుతాము. నాయకుడు, ప్రతినాయకుడు అనే తేడాని యాక్టింగ్ లో పర్ఫెక్ట్ గా ప్రెసెంట్ చేస్తాడు విజయ్ సేతుపతి.

7. కార్తికేయ గుమ్మకొండ:

ఓ పక్క హీరోగా చేస్తూనే కార్తికేయ విలన్ పాత్రలతో కూడా మెప్పించాడు. నాని హీరోగా చేసిన గ్యాంగ్‌లీడర్ లో కార్తికేయ పాత్రకి చాలా ప్రాముఖ్యం ఉంటుంది. ఆ ఎమోషన్స్ అన్నింటిని కార్తికేయ బాగా చూయించాడు. అలాగే ఇటీవల తెలుగులో డబ్ అయ్యి వచ్చిన తమిళ చిత్రం వలీమైలో కూడా తనలోని విలనిజంను చూయించాడు కారికేయ.

8. వరుణ్ తేజ్:

వరుణ్ తేజ్ గద్దలకొండ గణేష్ వంటి విలన్ సెంట్రిక్ కథని చేయడమే కాకుండా, ఆ పాత్రకి తగ్గ రాక్షసత్వాన్ని 100% చూయించాడు ఈ మెగా ప్రిన్స్.

9. నాని:

జెంటిల్‌మన్ సినిమాలో తనలో ఉన్న నెగెటివ్ షేడ్ ని కాస్త టేస్ట్ చూపించారు న్యాచురల్ స్టార్ నాని. అనంతరం ‘వి’ సినిమా కోసం పూర్తిగా బ్యాడ్‌గా మారిపోయాడు. మనలో చాలా మంది నెగెటివ్ రోల్స్ లో చూడాలనుకుంటున్న హీరోలలో నాని ఒకరు.

10. మోహన్ బాబు:

కలెక్షన్ కింగ్ మోహన్ బాబు కూడా హీరోగా మెప్పిస్తూనే.. కొదమ సింహం, సర్ధార్ పాపరాయుడు, అడవి దొంగ చిత్రాల్లో నెగటివ్ పాత్రల్లో నటించారు.

11. సాయి కుమార్:

ఓ వైపు హీరోగా చేస్తూనే విలన్ పాత్రల్లో మెప్పించిన నటుల్లో సాయికుమార్ ఒకరు. మేజర్ చంద్రకాంత్, రౌడీ దర్బార్, ప్రస్ధానం వంటి సినిమాల్లో సాయి కుమార్ ప్రతి నాయకుడి పాత్రలో నటించారు.

12. జేడీ చక్రవర్తి:

గులాబీ, ప్రేమకు వేళాయరా వంటి సినిమాల్లో లవర్ బాయ్ గా కనిపించే జేడీ కూడా శివ, జోష్ వంటి చిత్రాల్లో విలన్ క్యారెక్టర్ లో చేసాడు.

13. శ్రీహరి:

రియల్ హీరో శ్రీహరి తన సినీ జీవితంలో ఎన్నో వైవిధ్యమైన పాత్రలు పోషించారు. అందులో మూఠామేస్ట్రీ, అల్లుడా మజాకా, బావగారు బాగున్నారా వంటి చిత్రాల్లో ప్రతినాయకుడి పాత్రల్లో మెప్పించారు.

14. మాధవన్:

సఖి, చెలి సినిమాల టైంలో మాధవన్ కి అమ్మాయిల్లో క్రేజ్ మాములుగా ఉండేది కాదు. నవ్వితే డింపుల్ వచ్చే హ్యాండ్సమ్ పర్సనాలిటీ, అలాంటి పర్సన్ నెగెటివ్ షేడ్ ఎలా చేస్తాడో అనుకునే వాళ్లకి సవ్యసాచిలో మాధవన్ తన నటనతో సమాధానమిచ్చాడు.

15. ఆది పినిశెట్టి:

తెలుగు దర్శకుడు రవిరాజా పినిశెట్టి అబ్బాయిగా “ఒక వి చిత్రం” అనే తెలుగు సినిమాతో అరంగేట్రం చేసిన ఆది పినిశెట్టి, తమిళంలో హీరోగా సెటిల్ అయ్యి, మళ్లీ టాలీవుడ్ లోకి వచ్చాడు. సరైనోడు, అజ్ఞాతవాసి సినిమాల్లో విలన్ గా చేసాడు. ప్రస్తుతం రామ్ వారియర్ లో విలన్ రోల్ చేస్తున్నాడు.

బిజినెస్ మేన్ లో సూర్య భాయ్ గా మహేష్ బాబు, జైలవకుశలో రావణ్ గా జూనియర్ ఎన్టీఆర్, ఆర్య 2 లో ఆర్యగా అల్లుఅర్జున్, ఇలా స్టార్ హీరోలు కూడా అవకాశం దొరికినప్పుడల్లా పాజిటివ్ రోల్ లో కాస్త నెగెటివ్ షేడ్ ని మిక్స్ చేసి పెర్ఫార్మెన్స్ తో ఆకట్టుకున్న వాళ్లే.

July 7, 2022

Filmy Adda

అచ్చం సౌందర్యలానే ఉన్న ఈ అమ్మాయి ఎవరో తెలుసా? నెట్టింట్లో వైరల్ అవుతున్న ఫోటోలు..!

by Anudeep July 7, 2022

written by Anudeep

తెలుగు చిత్రసీమను అభిమానించే ప్రేక్షకులు మదిలో సుస్థిర స్థానాన్ని సంపాదించుకున్నారు సౌందర్య. తెలుగు, తమిళం, మలయాళం,హిందీ భాషల్లో 120కి పైగా సినిమాలు చేశారు సౌందర్య. 2004వ సంవత్సరం ఏప్రిల్ నెలలో హెలికాప్టర్ ప్రమాదంలో మరణించారు సౌందర్య.

అసలు విషయం ఏమిటంటే మనిషిని పోలిన మనుషులు ప్రపంచం మొత్తం మీద ఏడుగురు ఉంటారు అంటారు మన పెద్దలు. మన పోలికలతోనే ఉన్న వారు ఎప్పుడైనా మన కంట పడితే ఆశ్చర్యానికి లోనవుతాము.

ఇప్పుడు సోషల్ మీడియా పుణ్యమా అని ఇలాంటివి విచిత్రాలు ఎన్నో జరుగుతున్నాయి. మన సినీనటులుని పోలి ఉన్న ఎంతోమంది వ్యక్తులు మనకీ సోషల్ మీడియా ద్వారా దగ్గరవుతున్నారు.

మన హీరో హీరోయిన్ లాగా పోలిన వారు ఎంతోమంది వాళ్లలాగే తయారవుతూ, డైలాగులు, పాటలు పర్ఫామెన్స్ చేస్తూ సోషల్ మీడియాలో వీడియోలు పోస్ట్ చేస్తున్నారు. ఇలా సోషల్ మీడియాలో ఎంతో మంది అభిమానులను సంపాదించుకుంటున్నారు.

ఇప్పుడు అదే విధంగా హీరోయిన్ సౌందర్యలా ఒక యువతి సోషల్ మీడియాలో అందరి చూపుని ఆకర్షిస్తుంది. ఈవిడ అచ్చు సౌందర్య రూపురేఖలు కూడా కలిగి ఉంది. ఈమె చేసే వీడియోలు నెట్టింట వైరల్ గా మారాయి. ఆమె నటన, హావభావాలు సౌందర్య గారు అలాగే ఉన్నాయంటూ ఆమె ఫ్యాన్స్ సంబరపడిపోతున్నారు.

సౌందర్యాన్ని పోలి ఉండే ఈ యువతి పేరు చిత్ర. ఈమె మలేషియ లో జన్మించారు. సౌందర్య చేసిన చిత్రాలలో ఆమె హావభావాలు ఏవిధంగా ఉంటాయో అదే విధంగా చిత్ర కూడా హావభావాలను ఇస్తూ మంచి గుర్తింపును తెచ్చుకుంది.

తన ఇంస్టాగ్రామ్ ప్రొఫైల్ ద్వారా వీడియోలు పోస్ట్ చేస్తూ లక్షకుపైగా అభిమానులను సంపాదించుకుంది. ఈ వీడియోలు చూసిన ప్రతి ఒక్కరు సౌందర్య మళ్ళీ పుట్టింది అంటూ కామెంట్ చేస్తున్నారు. ఈమె నటనకు గాను మంచి ప్రశంసలు కురిపిస్తున్నారు నెటిజన్లు. చిత్రాల్లో నటించే అవకాశం వస్తే నటిస్తుందా,లేదా అనేది వేచి చూడాలి.

https://www.instagram.com/reel/Cegk-B5JUKn/?igshid=YmMyMTA2M2Y=

July 7, 2022

Filmy Adda

శృతి హాసన్ కు ఏమైంది..? హాస్పిటల్ బెడ్ పై అలా… అసలు విషయం ఏంటంటే?

by Anudeep July 7, 2022

written by Anudeep

టాలీవుడ్ నటి శృతి హాసన్ జయాపజయాలతో సంబంధం లేకుండా ఇండస్ట్రీ లో దూసుకెళ్తున్నారు. స్టార్ కిడ్ అయినా కూడా స్వయం కృషితో ఇండస్ట్రీ లో నిలబడి తన టాలెంట్ తోనే నటి గా పేరు ప్రఖ్యాతలు తెచ్చుకుంది. శృతి సింగర్ కూడా. మ్యూజిక్ డైరెక్టర్ గా, డాన్సర్ గా శృతి పలు ఆల్బమ్స్ ను రూపొందించి అభిమానులను సంపాదించుకుంది. అయితే, సింగర్ గా సక్సెస్ అయ్యాక నటి గా కెరీర్ ను ప్రారంభించింది.

టాలీవుడ్ బడా హీరోస్ అయిన పవర్ స్టార్ పవన్ కళ్యాణ్, మహేష్ బాబు వంటి టాప్ హీరోల పక్కన నటించడంతో శృతి రేంజ్ పెరిగిందనే చెప్పాలి. సౌత్ లో సక్సెస్ సాధించడంతో పాటు బాలీవుడ్ లో కూడా వరుస అవకాశాలను అందిపుచ్చుకుంటోంది శృతి హాసన్.

ప్రస్తుతం ప్రభాస్ సరసన సలార్ సినిమాలో బిజీ గా ఉన్న శృతి బాలయ్యతో ఓ సినిమా, చిరంజీవితో కూడా ఓ సినిమా చేయనున్నారు. అయితే.. ఇటీవల శృతి హాసన్ కు సంబంధించి ఆమెకు ఆరోగ్యం బాలేదంటూ.. హాస్పిటల్ బెడ్ పై దారుణమైన పొజిషన్ లో ఉన్నారు అంటూ వార్తలు గుప్పుమన్నాయి. అయితే వీటిపై శృతి హాసన్ స్పందించారు.

ఈ వార్తలలో నిజం లేదని.. కొందరు కావాలనే చేస్తున్నారని శృతి హాసన్ వివరణ ఇచ్చారు. నేను చాలా ఆరోగ్యంగా ఉన్నానని చెప్పుకొచ్చింది. నాకు ఉన్న ప్రాబ్లెమ్ పీసీఓఎస్ మాత్రమేనని.. ఇది చాలా మంది మహిళలలో సాధారణంగా కనిపించే సమస్యేనని పేర్కొన్నారు. ఇది ఒక్కటి పట్టుకుని తప్పు దోవ పట్టిస్తున్నారని.. నేను హెల్దీగా , హ్యాపీగా ఉన్నానని పేర్కొంది.

July 7, 2022

Filmy Adda Viral

భలే మోసం చేసారుగా మావా.. సూర్య “బ్రదర్స్” సినిమాలో ఇది గమనించారా? అంటే షూటింగ్ టైం లో?

by Anudeep July 7, 2022

written by Anudeep

ఈ మధ్య కాలంలో చిత్రాల్లో మంచి అవుట్ కోసం ఎన్నో మార్పులు చేస్తున్నారు. సన్నివేశం పర్ఫెక్ట్ గా రావడానికి గ్రాఫిక్స్ కూడా యూజ్ చేస్తున్నారు. ఏదేమైనప్పటికీ ప్రేక్షకులను ఆకర్షించే విధంగా ఆ చిత్రాన్ని రూపొందిస్తున్నారు.

టెక్నాలజీ పెరగకముందు గ్రాఫిక్స్ లేకుండా స్క్రిప్ట్ రాసుకునేవారు. కానీ ఇప్పటి రోజులు అంత టెక్నాలజీ మాయాజాలమే ఎక్కువగా ఉంటుంది. VFX ఎఫెక్ట్స్ యూజ్ చేసి చిత్రాన్ని కావలసిన విధంగా మార్చేస్తున్నారు మూవీ మేకర్స్. VFX ఎఫెక్ట్స్ అంటే ఏంటి అని తెలుసుకునే విషయంలో ప్రేక్షకులు కూడా బాగా ఆసక్తి చూపిస్తున్నారు.

ఈ వెతుకులాటలోనే సోషల్ మీడియాలో ఒక చిత్రానికి సంబంధించిన వీడియో వైరల్ గా మారింది. 2012వ సంవత్సరంలో K.v ఆనంద్ దర్శకత్వంలో తమిళ స్టార్ హీరో సూర్య నటించిన యాక్షన్ అండ్ త్రిల్లర్ మూవీగా బ్రదర్స్ ప్రేక్షకుల ముందుకు వచ్చింది. ఈ చిత్రంలో సూర్య అతుక్కుని పుట్టిన కవలలుగా ద్విపాత్రాభినయంలో నటించారు. సూర్య సరసన హీరోయిన్ గా కాజల్ నటించింది. జంటకవులుగా సూర్య నటన ప్రేక్షకులను ఎంతగానో మెప్పించింది.

మరి ఇప్పుడు ఆ ఇద్దరూ కలిసి నటించిన మేకింగ్ వీడియో సోషల్ మీడియాలో వైరల్ గా మారింది. ఈ చిత్రంలో జంటకవులలుగా నటించిన వారిలో సూర్య తో పాటు మరొక డూప్ యాక్టర్ ని మీరు గమనించే ఉంటారు. సూర్య పర్సనాలిటీకి మరియు ఎత్తుకు సరిపడే విధంగా ఒక వ్యక్తిని డూప్ ల పెట్టి ఆ సన్నివేశాలు చిత్రీకరించారు. ముందుగా సూర్య హావభావాలని పెర్ఫెక్టుగా షూట్ చేసి, VFX ఎఫెక్ట్స్ కి జతచేశారు.

ముఖ్యంగా ఎఫెక్ట్స్ చూపించిన సీన్స్ ఏంటంటే రెండే ఉండి పాటలో కవలలు ఇద్దరూ కలిసి స్నానం చేసే సన్నివేశం, కాజల్ ని కొత్తగా పరిచయం చేసుకునే సీన్, పోలీస్ స్టేషన్ సీన్ వంటివి VFX ఎఫెక్ట్ ని యూజ్ చేసి చిత్రీకరించారు.

ఎఫెక్ట్స్ ఎలా యూస్ చేశారో చెబుతూ వీడియో పోస్ట్ చేసారు చిత్ర యూనిట్. ఇప్పుడు ఆ వీడియోను సోషల్ మీడియాలో హల్ చల్ చేస్తుంది. ఈ వీడియోని చూసి నెటిజన్లు, ఏంటి ఇది గ్రాఫిక్స్ అంటూ నోరెళ్లబెడుతారు. ఏమి మాయ చేసారు రా బాబు అంటూ కామెంట్ చేస్తున్నారు.

watch this video :

July 7, 2022

Filmy Adda News

‘మా నీళ్ల ట్యాంక్’ వెబ్ సిరీస్ తో 10 ఏళ్ల తర్వాత రీ ఎంట్రీ ఇస్తున్న ప్రియా ఆనంద్

by Mohana Priya July 7, 2022

written by Mohana Priya

ప్రియా ఆనంద్ తెలుగు ప్రేక్షకులకు పరిచయం అవసరం లేని పేరు..! రానా దగ్గుబాటి హీరోగా ఎంట్రీ ఇస్తూ శేఖర్ కమ్ముల దర్శకత్వంలో చేసిన ‘లీడర్'( 2010) చిత్రం ద్వారా ఈమె తెలుగు ప్రేక్షకులకు పరిచయమైంది.

అటు తర్వాత రామ్ హీరోగా దిల్ రాజు నిర్మాణంలో శ్రీవాస్ దర్శకత్వంలో తెరకెక్కిన ‘రామ రామ కృష్ణ కృష్ణ’, సిద్దార్థ్ హీరోగా తెరకెక్కిన ‘180’ , శర్వానంద్ హీరోగా తెరకెక్కిన ‘కో అంటే కోటి’ వంటి క్రేజీ చిత్రాల్లో అద్భుతంగా నటించి తెలుగు ప్రేక్షకులను అలరించింది.

అందం, అభినయం కలిగిన ఈ నటి..తమిళంలో బిజీ అవ్వడంతో పదేళ్ళ పాటు టాలీవుడ్ కు దూరమైంది. తెలుగులో ఈమెకు మంచి క్రేజ్ నెలకొన్న సంగతి తెలిసిందే.

ఈమె ఎప్పుడెప్పుడు రీ ఎంట్రీ ఇస్తుందా అని తెలుగు రాష్ట్రాల్లో ఉన్న ఈమె అభిమానులు ఎంతో ఆసక్తిగా ఎదురుచూస్తూ వచ్చారు.వారి నిరీక్షణ ఫలించింది. మొత్తానికి ‘మా నీళ్ల ట్యాంక్’ అనే వెబ్ సిరీస్ తో ప్రియా ఆనంద్ తెలుగులో రీ ఎంట్రీ ఇవ్వబోతోంది.

‘వరుడు కావలెను’ దర్శకురాలు లక్ష్మీ సౌజన్య ‘మా నీళ్ల ట్యాంక్’ వెబ్ సిరీస్ ను తెరకెక్కిస్తోంది. ఈ వెబ్ సిరీస్ కోసం ప్రియా ఆనంద్ సొంతంగా డబ్బింగ్ చెప్పుకోవడం విశేషం. పల్లెటూరి అమ్మాయి గా ఆమె లుక్ చాలా నాచురల్ గా, తెలుగుతనం ఉట్టిపడేలా ఉంది. సుశాంత్ హీరోగా నటించిన ఈ సిరీస్ జూలై 15 నుండి ‘జీ5’ లో స్ట్రీమింగ్ కానుంది.

July 7, 2022

Filmy Adda Viral

“టాలీవుడ్ హీరోలు అందరూ విజయ్ షూ తో సమానం..!” అంటూ… తమిళ్ స్టార్ విజయ్ అభిమానుల మాటల యుద్ధం..!

by Anudeep July 6, 2022

written by Anudeep

ఫ్యాన్ వార్స్ ఏ రేంజ్ లో ఉంటాయో ప్రత్యేకించి చెప్పాల్సిన అవసరం రాలేదు. ముఖ్యంగా ట్విట్టర్ లో మహేష్ బాబుకి ఫ్యాన్స్ ఎక్కువ మంది ఉంటారు. మరో వైపు కోలీవుడ్ లో విజయ్ కి కూడా ఫ్యాన్స్ బాగానే ఉన్నారు. ఈ ఇద్దరు హీరోల ఫ్యాన్స్ ఓ రేంజ్ లో కామెంట్ సెక్షన్ లో తిట్టుకుంటూ ఉంటారు.

అయితే.. ఇటీవల ఈ వివాదం మళ్ళీ మొదలైంది. కారణాలేంటో, ఎప్పుడు మొదలైందో తెలియదు కానీ.. హద్దులు దాటి ఇద్దరు హీరోల అభిమానులు తిట్టుకుంటూ ఉన్నారు. ప్రతి సారీ ఏదో ఒక విషయంలో కొట్టుకునే ఈ ఫ్యాన్స్ ఈ సారి పరిధి దాటి ప్రవర్తిస్తున్నారు.

విజయ్ ఫ్యాన్స్ మహేష్ బాబుని కించపరిచి మాట్లాడితే.. మహేష్ బాబు ఫ్యాన్స్ విజయ్ ని కించపరిచి మాట్లాడుతూ ఉంటారు. ఒకప్పుడు ఈ వివాదం కేవలం మహేష్ బాబు ఫ్యాన్స్, విజయ్ ఫ్యాన్స్ మధ్య మాత్రమే ఉండేది. అయితే.. ఈ సారి వివాదం ముదిరి టాలీవుడ్ వర్సెస్ విజయ్ గా మారింది. మొత్తం టాలీవుడ్ కలిసి విజయ్ కాలి షూ కి కూడా పనికిరాదని ఈ ఫ్యాన్స్ పోస్ట్ లు వేస్తున్నారు.

మహేష్ ఫ్యాన్స్ విజయ్ ని రీమేక్ స్టార్ అని ట్రోల్ చేస్తుంటే.. విజయ్ ఫ్యాన్స్ మహేష్ బాబు డాన్స్, ఎక్స్ప్రెషన్స్ మీద కామెంట్స్ చేస్తున్నారు. పాత వీడియోలను, ఫోటోలను బయటకు తీసి మరీ పరుష పదజాలాన్ని ఉపయోగించి దూషించుకుంటున్నారు. ఈ ఫ్యాన్ వార్ మాత్రం ఇప్పట్లో ఆగేలా లేదు. మరో వైపు.. విజయ్ కానీ, మహేష్ బాబు కానీ సన్నిహితంగానే ఉంటున్నట్లు తెలుస్తోంది. ఇటీవలే మహేష్ బాబు ఇచ్చిన గ్రీన్ ఇండియా ఛాలెంజ్ ను స్వీకరించిన విజయ్ ఓ మొక్కని కూడా నాటారట.

https://twitter.com/Raguvaran_2/status/1544278962708385794?ref_src=twsrc%5Etfw%7Ctwcamp%5Etweetembed%7Ctwterm%5E1544278962708385794%7Ctwgr%5E%7Ctwcon%5Es1_&ref_url=https%3A%2F%2Ftelugu.samayam.com%2Ftelugu-movies%2Fcinema-news%2Fmahesh-babu-thalapathy-vijay-fan-war-begins-again%2Farticleshow%2F92700678.cms

#2.

MB&PB fans to vijay🤡🐿️ https://t.co/zpagsuywfD pic.twitter.com/neN6EqCnzQ

— . (@Rebelstarrrrrr) July 6, 2022

#3.

Dey ViGAY @actorvijay Anil 😵‍💫 https://t.co/ZrrH3nPh2H pic.twitter.com/5jbJUjerFc

— Smudge (@YourHighnessSai) July 5, 2022

#4.

Mahesh @urstrulyMahesh anneya 😵‍💫 pic.twitter.com/4MP4KWVBu1

— Roвιɴ Roвerт (@PeaceBrwVJ) July 5, 2022

July 6, 2022

Filmy Adda Viral

“అదేంటి అలా అన్నారు..? ఇంత చిన్న విషయం కూడా తెలియదా..?” అంటూ… కళ్యాణ్ రామ్ పై నెటిజన్స్ కామెంట్స్..!

by Mohana Priya July 6, 2022

written by Mohana Priya

బాల నటుడిగా తన కెరీర్ మొదలుపెట్టి ఎన్నో సినిమాల్లో నటించి తనకంటూ ఒక ప్రత్యేక స్థానాన్ని సంపాదించుకున్న నటుడు కళ్యాణ్ రామ్. కళ్యాణ్ రామ్ ఎంచుకునే సినిమాలు కూడా చాలా డిఫరెంట్ గా ఉంటాయి. ఒక సినిమాకి ఒక సినిమాకి పోలిక ఉండదు. ఆ సినిమా కోసం కళ్యాణ్ రామ్ కూడా చాలా కష్టపడతారు.

ప్రతి సినిమాకి ఆ కథకి తగ్గట్టుగా తనని తాను మార్చుకుంటారు. ఇప్పుడు కూడా కళ్యాణ్ రామ్ హీరోగా నటిస్తున్న బింబిసార సినిమా కోసం చాలా కష్టపడ్డారు. ఇప్పటి వరకు కళ్యాణ్ రామ్ ఇలాంటి పాత్రలు చేయలేదు. సినిమా ట్రైలర్, అంతే కాకుండా సినిమా నుండి విడుదలైన పోస్టర్స్ చూస్తే చారిత్రక నేపథ్యం ఉన్న సినిమా అని అర్థమైపోతోంది. దాంతో ఈ సినిమా కోసం కళ్యాణ్ రామ్ గత కొద్ది సంవత్సరాల నుండి చాలా కష్టపడ్డారు.

తన భాషలో కానీ గెటప్ లో కానీ చాలా జాగ్రత్తలు తీసుకున్నారు. ఈ సినిమా ట్రైలర్ ఇటీవల విడుదల అయ్యింది. సినిమా ట్రైలర్ చూస్తుంటే విజువల్స్ గ్రాఫిక్స్ కూడా చాలా బాగా, అలాగే చిన్నచిన్న వాటిపై కూడా చాలా శ్రద్ధ తీసుకున్నట్టు అనిపిస్తున్నాయి. ప్రస్తుతం ఈ ట్రైలర్ యూట్యూబ్‌లో ట్రెండింగ్‌లో ఉంది. ఇదిలా ఉండగా ఇటీవల కళ్యాణ్ రామ్ మాట్లాడిన ఒక విషయంపై సోషల్ మీడియాలో కామెంట్స్ వస్తున్నాయి.

అయితే ఈ సినిమా గురించి కళ్యాణ్ రామ్ మాట్లాడుతూ, “ఈ సినిమాని పూర్తి పౌరాణిక సినిమాగా చేద్దామని అనుకున్నామని, కానీ బాహుబలి వచ్చింది” అని అన్నారు. కానీ బాహుబలి అనేది పౌరాణిక సినిమా కాదు. బాహుబలి అనేది ఒక జానపద సినిమా. దాంతో ఈ ఇంటర్వ్యూ చూసిన నెటిజన్లు, “బాహుబలి అనేది ఒక జానపద సినిమా అని అందరికీ తెలుసు. మరి ఇలా ఎలా అన్నారు?” అని కామెంట్స్ చేస్తున్నారు. ఇంక బింబిసార సినిమా విషయానికి వస్తే ఈ సినిమాలో కేథరిన్ ట్రెసా హీరోయిన్ గా నటిస్తున్నారు. ఇటీవల భీమ్లా నాయక్ సినిమాలు తెలుగు సినిమా ఇండస్ట్రీలో అడుగు పెట్టిన సంయుక్త మీనన్ కూడా ఈ సినిమాలో మరో హీరోయిన్ గా నటిస్తున్నారు.

July 6, 2022

Newer Posts

Older Posts