Filmy Adda

మనం సినిమా నచ్చితే ఏ భాషలో అయినా సరే ఒకేలాగా ఆదరిస్తాం. అందుకే మన భాషలోని సినిమాలు వేరే భాషల్లోకి, వేరే భాషల సినిమాలు మన భాషలోకి డబ్ చేస్తూ ఉంటారు. తెలుగులోకి డబ్ అయ్యే సినిమాలు ఎక్కువగా తమిళ్ భాష నుంచి అవుతాయి.

తమిళ్ హీరోలు అయిన సూర్య, విక్రమ్, అజిత్, విజయ్, కార్తీ, విశాల్ వీళ్ళందరికీ తెలుగు సినిమా ఇండస్ట్రీలో కూడా చాలా క్రేజ్ ఉంది. సూర్య సినిమా అంటే ఒక తెలుగు హీరో సినిమా అన్నట్టే ఉంటుంది. సూర్య అంటే మన తెలుగు హీరోల్లో ఒకరిగానే ప్రేక్షకులు అనుకుంటారు. సూర్య సినిమా విడుదల అవుతుంది అంటే ఒక తెలుగు సినిమా విడుదల అవుతుంది అనేలాగా ఉంటుంది.

అందుకే సూర్య నటించిన ప్రతి సినిమా తెలుగులో తప్పకుండా విడుదల అవుతుంది. ఇదిలా ఉండగా, సూర్యకి ఇటీవల ఆస్కార్ నుండి ఆహ్వానం వచ్చింది. దాంతో చాలా మంది ఆస్కార్ కి వెళ్తున్న మొదటి సౌత్ ఇండియన్ అని అన్నారు. కానీ సూర్య కంటే ముందు మెగాస్టార్ చిరంజీవికి ఆస్కార్ కి వెళ్లే ఆహ్వానం వచ్చింది. 1987లో చిరంజీవికి ఆస్కార్ కి వెళ్లే అవకాశం వచ్చింది. కానీ ఈ విషయాన్ని అందరూ మర్చిపోయారు. అలా ఆస్కార్ కి వెళ్ళిన మొదటి సౌత్ ఇండియన్ గా చిరంజీవికి గుర్తింపు దక్కింది. కానీ ఈ విషయాన్ని అందరూ మర్చిపోయి మొదటి సౌత్ ఇండియన్ సూర్య అని అంటున్నారు.

కానీ చిరంజీవికి కేవలం ఆస్కార్ ఈవెంట్‌కి ఆహ్వానం అందింది. సూర్య కి ఆస్కార్ కమిటీలో మెంబర్‌షిప్ వచ్చింది. కానీ అసలు ఆస్కార్ గుర్తించిన మొదటి సౌత్ ఇండియన్ సూర్య అని కొన్ని చోట్ల రాశారు అని, దాంతో,  “చిరంజీవిని ఎలా మర్చిపోయారు? ఇంత పెద్ద విషయంలో ఇలాంటి పొరపాటు ఎలా చేశారు?” అంటూ కామెంట్స్ చేస్తున్నారు. ఇంక సినిమాల విషయానికి వస్తే చిరంజీవి ప్రస్తుతం గాడ్ ఫాదర్ షూటింగ్ లో బిజీగా ఉన్నారు. ఈ సినిమాకి మోహన్ రాజా దర్శకత్వం వహిస్తున్నారు. మలయాళ సినిమా అయిన గాడ్ ఫాదర్ రీమేక్ గా ఈ సినిమా రూపొందుతోంది. ఈ సినిమాకి ప్రముఖ సంగీత దర్శకుడు తమన్ సంగీత దర్శకత్వం వహిస్తున్నారు. నయనతార ఒక ముఖ్య పాత్రలో నటిస్తున్నారు. అలాగే సల్మాన్ ఖాన్ కూడా ఈ సినిమాలో నటిస్తున్నారు.

టీవీ యాంకర్ గా మాత్రమే కాకుండా ఇప్పుడు నటిగా కూడా రాణిస్తున్నారు అనసూయ. అనసూయ జబర్దస్త్ షోకి యాంకర్ గా వ్యవహరిస్తూ ఉంటారు. ఇది మాత్రమే కాకుండా ఇంకా కొన్ని ప్రోగ్రామ్స్ కి కూడా యాంకర్ గా చేస్తారు అనసూయ. టీవీ ప్రోగ్రామ్స్ మాత్రమే కాకుండా సినిమాల్లో కూడా నటిస్తున్నారు.

క్షణం, రంగస్థలం సినిమాల్లో అనసూయ పోషించిన పాత్రలకు చాలా మంచి పేరు వచ్చింది. ఆ తర్వాత కూడా అనసూయ ఎన్నో సినిమాల్లో నటించారు.

ఇటీవల పుష్పలో కూడా ఒక ముఖ్య పాత్ర పోషించారు అనసూయ. సినిమా ఎండ్ అయిన విధానం చూస్తే పుష్ప సెకండ్ పార్ట్ లో కూడా అనసూయ పాత్ర ఉంటుంది. అందులో అనసూయ పాత్ర ఒక ముఖ్య పాత్ర అని తెలుస్తోంది. ఇటీవల అనసూయ పెట్టిన ఒక పోస్ట్ ప్రస్తుతం వైరల్ అవుతోంది. ఇందులో అనసూయ ఈ విధంగా రాశారు. ఈ ఇన్‌స్టాగ్రామ్ స్టోరీలో అనసూయ, “నా కెరీర్ కి సంబంధించి ఒక పెద్ద నిర్ణయం తీసుకున్నాను. అది ఇవాళ అమలుపరిచాను”.

అంతే కాకుండా అనసూయ ఈ విషయంపై మాట్లాడుతూ, “ఎన్నో జ్ఞాపకాలను నేను నాతో తీసుకెళ్తున్నాను. ఇందులో కొన్ని మంచివి, కొన్ని బాధ కలిగించేవి, కొన్ని చేదు జ్ఞాపకాలు ఉన్నాయి. భవిష్యత్తులో ఏముందో అనే దాని కోసం నేను ఎదురు చూస్తున్నాను. ఎప్పటిలాగానే మీరు కూడా నాతో ప్రయాణిస్తారు అని నేను ఆశిస్తున్నాను” అని రాశారు. చాలా మంది ఇది చూసి అనసూయ జబర్దస్త్ షో నుండి తప్పుకుంటున్నారు ఏమో అని అంటున్నారు. మరి ఇందులో ఎంతవరకు నిజం ఉందో తెలియాలి అంటే అధికారిక ప్రకటన వచ్చేంత వరకు ఆగాల్సిందే. ప్రస్తుతం అనసూయ టీవీ షోస్ తో పాటు సినిమాల్లో కూడా బిజీగా ఉన్నారు.

లావణ్య త్రిపాఠి హీరోయిన్ గా నటిస్తున్న సినిమా హ్యాపీ బర్త్ డే ట్రైలర్ ఇవాళ విడుదల అయ్యింది. ఈ సినిమాకి రితేష్ రానా దర్శకత్వం వహిస్తున్నారు. ఈ సినిమాలో నరేష్ అగస్త్య, సత్య, వెన్నెల కిషోర్ కూడా ముఖ్య పాత్రల్లో నటిస్తున్నారు. సినిమా చూస్తే ఒక కామెడీ సస్పెన్స్ ఎంటర్టైనర్ అని అర్థమవుతోంది. లావణ్య త్రిపాఠి దాదాపు సంవత్సరం తర్వాత మళ్లీ తెరపై కనిపించబోతున్నారు.

రితేష్ రానా అంతకుముందు మత్తు వదలరా సినిమాకి దర్శకత్వం వహించారు. ఈ సినిమాకి కాలభైరవ సంగీత దర్శకత్వం వహిస్తున్నారు. ఈ సినిమా జులైలో విడుదల అవుతోంది.

ఈ సినిమాలో ఇంకా చాలా మంది తెలిసిన నటులు కూడా ఉన్నారు. ఈ సినిమా ట్రైలర్ లాంచ్ ఈవెంట్‌కి ప్రముఖ దర్శకులు రాజమౌళి అతిథిగా వచ్చారు. సినిమా దర్శకుడిని అభినందించి సినిమా విజయం సాధించాలి అని ఆశిస్తున్నాను అని చెప్పారు. సినిమా బృందం విడుదల చేసిన ప్రమోషనల్ వీడియో కూడా చాలా డిఫరెంట్ గా ఉంది. లావణ్య త్రిపాఠి కూడా ఈ సినిమాలో చాలా కొత్తగా కనిపిస్తున్నారు. సినిమా ట్రైలర్ చూస్తూ ఉంటే ప్రస్తుతం సోషల్ మీడియాలో వైరల్ అవుతున్న ఎన్నో విషయాల రిఫరెన్స్ ఈ సినిమాలో వాడినట్లు తెలుస్తోంది. అలాగే మత్తు వదలరా సినిమాలో ఒక సీరియల్ గురించి చూపిస్తారు. ఆ సీరియల్ లో ఉన్న పాత్రలు ఈ సినిమా ట్రైలర్ లో కూడా కనిపిస్తున్నారు. ఈ ట్రైలర్ పై సోషల్ మీడియాలో ట్రెండ్ అవుతున్న కొన్ని మీమ్స్ ఇవే.

#1

#2#3#4#5#6#7#8

#9

#10#11#12#13#14

సూపర్ స్టార్ మహేష్ బాబు హీరోగా నటించిన సర్కారు వారి పాట సినిమా ఇటీవల విడుదల అయ్యింది. ఎప్పుడో విడుదల కావాల్సిన ఈ సినిమా ఆలస్యం అయ్యి ఇప్పుడు విడుదల అయ్యింది. ఇప్పుడు ఈ సినిమా అమెజాన్ ప్రైమ్‌లో కూడా వచ్చింది.

ఇంకా కొద్ది రోజుల్లో మహేష్ బాబు తన నెక్స్ట్ సినిమాకి సంబంధించి షూటింగ్ మొదలుపెడతారు. ఈ సినిమాకి త్రివిక్రమ్ శ్రీనివాస్ దర్శకత్వం వహిస్తున్నారు. ఇందులో పూజా హెగ్డే హీరోయిన్ గా నటిస్తున్నారు. అతడు, ఖలేజా తర్వాత మహేష్ బాబు, త్రివిక్రమ్ శ్రీనివాస్ కలిసి చేస్తున్న సినిమా ఇదే.

అలాగే మహేష్ బాబు, పూజా హెగ్డే కలిసి అంతకుముందు మహర్షి సినిమాలో నటించారు. ఈ సినిమాకి తమన్ సంగీత దర్శకత్వం వహిస్తున్నారు. ఇందులో ఎంతో మంది ప్రముఖ నటీనటులు ముఖ్యపాత్రల్లో నటిస్తున్నారు అనే వార్తలు వినిపిస్తున్నాయి. ఇదిలా ఉండగా మహేష్ బాబు ప్రస్తుతం వెకేషన్ లో ఉన్నారు. మహేష్ బాబు ఇవాళ సోషల్ మీడియాలో ఒక ఫోటో షేర్ చేశారు. అందులో మహేష్ బాబు, నమ్రత శిరోద్కర్ బిల్ గేట్స్ తో కలిసి ఉన్న ఫోటో ని మహేష్ బాబు షేర్ చేశారు. అలాగే బిల్ గేట్స్ ని కలవడం తనకు చాలా ఆనందంగా ఉంది అంటూ మహేష్ బాబు చెప్పారు. ఈ ఫోటో పై సోషల్ మీడియాలో ట్రెండ్ అవుతున్న కొన్ని మీమ్స్ ఇవే.

#1

#2#3#4#5#6#7#8#9#10

ప్రముఖ నటి మీనా భర్త విద్యా సాగర్ అస్వస్థత కారణంగా చెన్నైలో తుదిశ్వాస విడిచారు. విద్యా సాగర్ గత కొంత కాలం నుండి ఊపిరితిత్తుల సంబంధిత వ్యాధులతో బాధపడుతున్నారు. మీనా, విద్యా సాగర్ 2009లో పెళ్లి చేసుకున్నారు. విద్యాసాగర్ తెలుగు కుటుంబానికి చెందినవారు. విద్యా సాగర్ గత కొంత కాలం నుండి ఊపిరితిత్తులకు సంబంధించిన సమస్యలతో బాధపడుతున్నారు. అందుకు కారణం పావురాలు.

పావురాలు అక్కడ ఎక్కువగా విసర్జించడంతో ఆ గాలి వలన విద్యా సాగర్ కి ఊపిరితిత్తులకు సంబంధించిన సమస్యలు వచ్చాయి. ఈ సంవత్సరం మొదట్లో మీనాకి, విద్యా సాగర్ కి, వారి కూతురు నైనికకి కరోనా పాజిటివ్ వచ్చింది.

చెన్నైలో ఉన్న ఒక ప్రైవేట్ ఆస్పత్రిలో విద్యా సాగర్ చికిత్స పొందారు. ఆ ఆస్పత్రి వైద్యులు విద్యా సాగర్ కి ఊపిరితిత్తుల మార్పిడి ఆపరేషన్ చేయాలి అని చెప్పారు. కానీ ఆ ప్రయత్నం కూడా ఫలించలేదు. విద్యా సాగర్ అంత్యక్రియలు ఇవాళ చెన్నైలో జరుగుతాయి. విద్యా సాగర్ మొదట సాఫ్ట్‌వేర్ ఇంజనీర్‌గా చేసారు. తర్వాత వ్యాపార రంగంలోకి అడుగు పెట్టారు. పెళ్లయిన తర్వాత కూడా మీనా చాలా సినిమాల్లో నటించారు.

అందుకు విద్యా సాగర్ చాలా ప్రోత్సహించారు. ఎన్నో సినిమాల్లో ముఖ్య పాత్రలో మీనా నటించారు. ఇటీవలే వెంకటేష్ హీరోగా నటించిన దృశ్యం 2 లో కూడా మీనా నటించారు. అలాగే మోహన్ బాబు నటించిన సన్ ఆఫ్ ఇండియా సినిమాలో కూడా మోహన్ బాబు పక్కన హీరోయిన్ గా నటించారు. అలాగే రజనీకాంత్ హీరోగా నటించిన పెద్దన్న సినిమాలో కూడా మీనా నటించారు. వారి కూతురు నైనిక కూడా ఒక సినిమాలో నటించారు.

ప్రముఖ సింగర్లుగా గుర్తింపు తెచ్చుకున్న శ్రావణ భార్గవి, హేమచంద్ర “సూపర్ సింగర్” కార్యక్రమం ద్వారా పరిచయమై అనంతరం ప్రేమలో పడ్డారు. ఈ జంట పెద్దలను ఒప్పించి 2013 లో వివాహం చేసుకున్నారు. వీరికి ఒక పాప కూడా ఉన్న సంగతి తెలిసిందే.

అయితే గత కొన్ని రోజుల నుంచి వీరు విడాకులు తీసుకోబోతున్నారు అని అందుకే విడివిడిగా ఉంటున్నారని వార్తలు సోషల్ మీడియాలో చక్కర్లు కొడుతున్నాయి. అయితే ఈ వార్తలపై ఇద్దరూ స్పందించలేదు. కానీ ఇప్పుడు మాత్రం సోషల్ మీడియా వేదికగా వీరిద్దరూ ఈ విషయంపై స్పందించారు. హేమచంద్ర తన సోషల్ మీడియా పోస్ట్ లో ఈ విధంగా రాశారు. “అనవసరమైన వార్తలు నా పాట కంటే తొందరగా వ్యాపిస్తున్నాయి. నా వన్ లవ్ పాట వినండి. లింక్ నా బయోలో ఉంది.” అని రాశారు.

ఇదే విషయంపై శ్రావణ భార్గవి మాట్లాడుతూ ఈ విధంగా రాశారు. తన పోస్ట్ లో శ్రావణ భార్గవి, ” గత కొద్ది రోజుల నుండి యూట్యూబ్ వ్యూస్ పెరిగాయి. నా ఇన్‌స్టాగ్రామ్ ఫాలోవర్స్ పెరిగారు. ఎప్పటి కంటే కూడా ఎక్కువ పని నాకు దొరుకుతోంది. మంచిదే. కరెక్ట్ అయినా తప్పయినా మీడియా అనేది ఒక దీవెన లాంటిది.” అని అర్థం వచ్చేలాగా రాశారు. అలా వీరిద్దరూ ఇప్పుడు ఉన్న వార్తలు అన్నీ పుకార్లు అని చెప్పారు.

Also Read: 45 ఏళ్ళు దాటుతున్నా నటుడు సుబ్బరాజు పెళ్లి ఎందుకు చేసుకోలేదో తెలుసా..? కారణం తెలిస్తే షాక్ అవుతారు..!

ఇలా సెలబ్రిటీల గురించి పుకార్లు రావడం ఇదే మొదటిసారి కాదు. ఎంతో మంది ప్రముఖ సెలబ్రిటీలు విడిపోతున్నారు అంటూ అంతకుముందు చాలా వార్తలు వచ్చాయి. ఆ వార్తలు ఆ సెలబ్రిటీల వరకు కూడా వెళ్లాయి. దాంతో ఈ వార్తలు మరీ ఎక్కువ అవ్వడంతో ఆ సెలబ్రిటీలు కూడా వారి మధ్య ఇలాంటివి ఏమీ లేదు అని చెప్పి స్పందించాల్సిన సందర్భాలు వచ్చాయి. ఇప్పుడు హేమచంద్ర, శ్రావణ భార్గవి కూడా ఈ విషయంపై స్పందించి వారిద్దరి మధ్య అలాంటిది ఏమీ లేవు అని చెప్పారు.

Also Read: తన కెరీర్ ఫెయిల్ అవ్వడానికి అసలు కారణం బయటపెట్టిన అర్చన..! ఆ టైం లో ఓకే అనుంటే.?