Filmy Adda

మనకి ఇష్టమైన స్టార్ ని అభిమానిగానే ఎంతో గొప్ప స్థాయిలో ఊహించుకుంటాము. అలా ఊహించుకునే అభిమానే డైరెక్టర్ గా మారి తమ అభిమాన హీరోలతో సినిమాలు చేసే తీసే ఏ విధంగా ఉంటుందో ఊహించుకోండి. ఒక రేంజ్ లో సక్సెస్ అవుతుందని చెప్పవచ్చు.

అలనాడు రజినీకాంత్  రోబో సినిమాతో మొదలు ఇప్పటి కమలహాసన్ విక్రమ్ చిత్రం వరకూ ఎలాంటి విజయం సాధించిందో రుజువయ్యింది. కేవలం ఈ రెండు చిత్రాలే కాదు, ఇంకా ఎన్నో చిత్రాలు తమ అభిమాన హీరోల చిత్రలకు దర్శకత్వం వహించి సక్సెస్ సాధించారు డైరెక్టర్స్.

#1. డైరెక్టర్ శంకర్ :

డైరెక్టర్ శంకర్ తన మొదటి సినిమా నుంచి రజనీకాంత్ ఓ సినిమా చేయాలని ట్రై చేస్తూనే ఉన్నారు. కానీ రోబోతో ఆయన కల నెరవేరింది. ఈ చిత్రం అప్పట్లో బాక్సాఫీస్ ను షేక్ చేస్తూ రికార్డులు బద్దలు కొట్టింది. శంకర్ ఏ చిత్ర కథను రాసుకున్న దానిలో రజనీకాంత్ హీరోగా ఊహించుకుని వాడిని అని ఒక ఇంటర్వ్యూలో తెలియజేశారు.

#2. డైరెక్టర్ అట్లీ కుమార్ :

మురుగుదాస్ తర్వాత విజయ్ ని పూర్తి మాస్ క్యారెక్టర్ లో చూపించిన దర్శకుడు అట్లీ. వీరిద్దరి కాంబినేషన్ లో వచ్చిన చిత్రాలు బ్లాక్ బస్టర్ గా నిలిచాయి. అట్ల కూడా విజయ్ కి వీరాభిమాని.

#3. డైరెక్టర్ కార్తీక్ సుబ్బరాజ్ :

కార్తీక్ చిన్నతనము నుంచి రజనీకాంత్ కు పెద్ద అభిమాని. పేట చిత్రంగానూ రజనీకాంత్ కథానాయకుడిగా దర్శకత్వం వహించారు.

#4: హరీష్ శంకర్ :

హరీష్ శంకర్ కాలేజీ డేస్ నుంచి పవన్ కళ్యాణ్ కి వీరాభిమాని. ఒక హీరో ఏ విధంగా ఉండాలని అభిమాని కోరుకుంటాడో అదే విధంగా గబ్బర్ సింగ్ సినిమాతో పవన్ కళ్యాణ్ ని చూపించాడు హరీష్ శంకర్. అప్పట్లో ఈ సినిమా సెన్సేషనల్ హిట్ గా నిలిచింది.

#5. బోయపాటి శ్రీను:

బోయపాటి శ్రీను నందమూరి కుటుంబానికి వీరాభిమాని. ఒక అభిమాని తన హీరో ఏ విధంగా ఉండాలి అని ఆలోచిస్తూ క్రియేట్ చేసిన సింహా, లెజెండ్, అఖండ చిత్రాల విజయం సాధించాయి. వీరిరువురి కాంబినేషన్లో వచ్చిన సినిమాలు ఏ రేంజ్ సక్సెస్ సాధిస్తాయనే విషయం  వేరే చెప్పాల్సిన అవసరం లేదు.

#6. లోకేష్ కనగరాజ్ :

కమల్ హాసన్ లోకేష్ లైఫ్ లో ఒక ఇన్స్పిరేషన్ అని చెప్పవచ్చు. లోకేష్, కమల్ హాసన్ చూసి నేను చాలా విషయాలు నేర్చుకున్నానని అనేక ఇంటర్వ్యూలో వెల్లడించారు. విక్రమ్ చిత్రంతో కమల్ హాసన్ ఒక మాస్ లుక్ లో చూపించాడు లోకేష్.

పరిశ్రమలన్నింటిలోను సినీ పరిశ్రమ చాలా సున్నితమైనది. సినిమా కళాకారుల మనస్తత్వం కూడా చాలా సున్నితంగా ఉంటుంది. తమిళ్ పరిశ్రమతో పోలిస్తే తెలుగు పరిశ్రమలో నటులు అంత తొందరగా ఎటువంటి వివాదాల జోలికి పోరు.

కొన్ని సార్లు వాళ్ళు వివాదాల జోలికి పోకపోయినా, కొన్ని వివాదాలు అనుకోని పరిస్ధితుల్లో వాళ్ళ తలకి చుట్టుకుంటాయి. ప్రస్తుతం లేడీ పవర్ స్టార్ సాయి పల్లవి అలాంటి వివాదంలోనే చిక్కుకోవడం జరిగింది.

ఒక రిపోర్టర్ అడిగిన ప్రశ్న కి సమాధానం చెబుతూ చేసిన వాఖ్యాలు ప్రస్తుతం చర్చనీయాంశం అయ్యాయి. ఆమె మాటలని అనేక సంఘాలు వ్యతిరేకించడం జరిగింది. అంతే కాక ఆమె సినిమాలని బహిష్కరిస్తాం అంటూ, ఇటీవల విడుదల అయిన ఆమె సినిమా ‘విరాటపర్వం’ చూడొద్దు అంటూ సోషల్ మీడియాలో  పెద్ద ఎత్తున ప్రచారం చేస్తున్నారు. అయితే ఆమె మాట్లాడిన మాటల్లో తప్పు, ఒప్పులు ఏంటి అనేది పూర్తిగా అర్ధం చేసుకోకుండానే ఆమె మీద దుష్ప్రచారం చేస్తున్నారని, ఆమె మాట్లాడిన మాటల్లో తప్పు లేదని మరికొంత మంది ఆమెకి మద్దతుగా నిలుస్తున్నారు. అసలు ఆమె ఏం అన్నారు అనేది కింద వీడియోలో చూడండి.

watch video:

అయితే సాయి పల్లవి మాటలకు, ఆమె నటించిన సినిమా లకి సంబంధం ఏంటి ?? అని, కేవలం ఆమె వ్యాఖ్యలని దృష్టి లో పెట్టుకొని , వేల మంది కార్మికులు కష్టించి పని చేసి, తీసిన సినిమా మీద దుష్ప్రచారం చేయడం తగదని, సినిమాను వ్యక్తిగత జీవితాన్ని వేరుగా చూడాలని అంటూ సినిమా అభిమానులు తమ అభిప్రాయాల్ని వ్యక్తం చేస్తున్నారు. ఈ వివాదాలన్నీ తొందర్లోనే సర్దుమణుగుతాయని, ఇకపై ఎటువంటి వివాదాలు సాయి పల్లవి కెరీర్ ని దెబ్బ తీయకూడదు అని ఆమె అభిమానులు ఆశా భావం వ్యక్తం చేస్తున్నారు.

ఎలాంటి బ్యాక్ గ్రౌండ్ లేకుండా సినిమాల్లో అడుగు పెట్టిన యువ నటులు కూడా ఒకటి, రెండు సినిమాల తరువాత స్టార్ హీరో హోదా సొంతం చేసుకున్నారు. విజయ్ దేవరకొండ, న్యాచురల్ స్టార్ నాని ఈ కోవలోకే వస్తారు. కానీ రామానాయుడి వారసుడిగా ఇండస్ట్రీలో అడుగు పెట్టిన రానా దగ్గుబాటి మాత్రం ఇంకా స్టార్ హీరో బేస్ సంపాదించుకోలేదనే చెప్పవచ్చు.

మంచి నటుడిగా రానాకు ఫుల్ మార్క్స్ పడ్డప్పటికీ, స్టార్ హీరో అనాలంటే ఆలోచించాల్సి వస్తుంది. అందుకు రానా సెలెక్ట్ చేసుకునే స్టోరీలే కారణంగా చెప్పవచ్చు.

మొదట లీడర్, కృష్ణం వందే జగద్గురం, ఘాజీ వంటి సినిమాలతో రానాకి మంచి గుర్తింపు వచ్చింది. ఆ తరువాత వచ్చిన బాహుబలి వరల్డ్ వైడ్ గా సూపర్ హిట్ అవ్వడంతో రానా బల్లాల దేవుడిగా అందరికి గుర్తుండిపోయాడు. ఇంత గుర్తింపు వచ్చిన తరువాత రానా కెరీర్ ని అద్భుతంగా ప్లాన్ చేసుకునే అవకాశం ఉంది. పైగా బాబాయ్ అభిమానులు కూడా రానాకు ఎప్పుడూ వెన్నంటే ఉంటారు. ఓన్ ప్రొడక్షన్ హౌస్ (సురేష్ ప్రొడక్షన్స్) కూడా ఉంది. వీటన్నింటికి తోడు రానా మంచి నటుడు, యాక్షన్ సీన్లను ఇరగదీస్తాడు అనే పేరుంది. సిక్స్ ప్యాక్ కలిగిన  ఆరడుగుల రెండు అంగుళాల అందగాడు.

ఇన్ని విషయాలు అనుకూలంగా ఉన్నా కూడా రానా ఎప్పుడూ మంచి యాక్టర్ గానే ఉండిపోయాడు కానీ స్టార్ హీరో అనే పేరు సంపాదించుకోలేదు. రానా ఎంచుకునే కథలే దీనికి కారణంగా చెప్పవచ్చు. దీనివల్ల సినిమాలో నటుల గురించి ఎక్కువ ఊహించుకొని వెళ్తే కొన్నిసార్లు ప్లస్వ్చ్చు, కొన్నిసార్లు మైనస్ అవ్వచ్చు. విరాట పర్వం మూవీనే చూసుకుంటే.. సినిమా మొత్తం సాయి పల్లవే కనిపిస్తుంది. సాయి పల్లవి లేని సీన్ ఒక్కటి కూడా సినిమాలో లేదంటే నమ్మగలరా! మరి అలాంటప్పుడు రానా కోసం సినిమాకు వెళ్ళిన వాళ్ళకు నిరాశ తప్పదు. సినిమా ప్రమోషన్స్ అప్పుడు మా సినిమాలో పలానా  గొప్పనటులు ఉన్నారని చెప్పడానికే కానీ రానాకు దీని వల్ల ఒరిగేదేం ఉండదు.

అయితే.. ఇప్పుడు ఈ విషయంలో రానా కూడా రియలైజ్ అయ్యాడా అంటే అవుననే అంటున్నాయి సినిమా వర్గాలు. మొన్న జరిగిన “విరాట పర్వం” లో రానా మాట్లాడిన మాటలు చూస్తే ఈ విషయం స్పష్టంగా అర్థం అవుతుంది. విరాట పర్వం హీరో సాయి పల్లవి అని చెబుతున్నాడు రానా. “మరి రానా పాత్ర ఏమిటి? ఎప్పుడూ ఇలాంటి సినిమాలేనా అని అభిమానులు అడుగుతున్నారు.ఇకనుంచి ఇలాంటి సినిమాలు చేయను” అని రానా అన్నాడు. “ప్రయోగాలకు ఈ సినిమాతో చెక్ పెట్టేస్తాను” అంటూ రానా చెప్పాడు. రానా మాటలను బట్టి చూస్తే ఇక కెరీర్ లో ఏం చేయాలన్నది రియలైజ్ అయ్యాడు అని తెలుస్తుంది.

ఈ మాటల వెనుక.. విరాట పర్వం సినిమా ఎందుకు చేసానా అని అంతర్మథనం కూడా చెందుతున్నాడు అని టాక్ వినిపిస్తోంది. రానున్న రోజుల్లో రానా సినిమా సెలక్షన్ ఎలా ఉంటుంది, అది రానా కెరీర్ కు ఎంత వరకు ఉపయోగపడుతుందో వేచి చూడాలి.

ఇటీవల నయన్ విఘ్నేష్ శివన్ వివాహం ముగిసినప్పటికీ వారి పెళ్లి, రిసెప్షన్ కి సంబంధించిన అనేక విషయాలు సోషల్ మీడియాలో హాట్ టాప్ గానే ఉన్నాయి.
వీరి పెళ్లిని తిరుపతిలో చేసుకోవాలని మొదట నిర్ణయింకున్నారు కానీ ఏం జరిగిందో ఏమో చివరి క్షణంలో క్యాన్సిల్ చేసుకున్నారు. ఆ తరువాత మహాబలిపురంలోని ఓ రిసార్ట్ లో పెళ్లి ఘనంగా జరిగింది. త్వరలో ఈ వివాహము నెట్ ఫ్లిక్ లో స్ట్రీమింగ్ కానుంది.

అయితే వివాహానంతరం చెన్నైలో రిసెప్షన్ ఉంటుందని ప్రకటించారు. కానీ ఇప్పటి వరకు నిర్వహించలేదు అని పలువురు విమర్శిస్తున్నారు. రిసెప్షన్ కనుక చెన్నైలో నిర్వహిస్తే కోలీవుడ్ ప్రముఖులు, అభిమానులు హాజరయ్యే వారు. కానీ ఇప్పుడేమో రిసెప్షన్ క్యాన్సిల్ అంటూ సమాచారం అందుతోంది.

రెసెప్షన్ కోసం ఖర్చు పెట్టాలి అనుకున్న మొత్తాన్ని తమిళనాడులోని అన్ని అనాధ ఆశ్రమాలకు పంచాలని నయన్‌ మరియు విఘ్నేష్ లు భావించారట. దీంతో ఒక రోజు పూర్తిగా అన్ని అనాధ ఆశ్రమాలకు ఆహారం పెట్టేంత మొత్తాన్ని నయన్ మరియు విఘ్నేష్ శివన్‌ లు ఇచ్చారని సమాచారం.

అనుకున్నట్టుగా రిసెప్షన్ జరిగితే.. కొద్దిమంది మాత్రమే గుర్తుంచునే వారు. కాని ఇప్పుడు నయన్‌ మరియు విఘ్నేష్ చేసిన మంచి పనిని అందరూ అభినందిస్తున్నారు. మీపై ఉన్న గౌరవం మరింత పెరిగింది అంటూ అభిమానులు సోషల్ మీడియాలో కామెంట్స్‌ చేస్తున్నారు.

పెళ్లి అనంతరం వెంటనే తిరుపతి వెళ్లిన నయన్ దంపతులు ఇప్పుడు కేరళలోని నయన్‌ స్వస్థలం కేరళ కు వెళ్లి తన తల్లి వద్ద ఆశీస్సులు తీసుకొని, అక్కడ ఉన్న అనేక పుణ్యక్షేత్రాలు, ప్రముఖ ప్రదేశాలు సందర్శిస్తున్నారని సమాచారం. అక్కడ నుండి వచ్చాక మళ్లీ తిరిగి సినిమాలతో బిజీ అవ్వనున్నారు.

ఎన్నో రోజులు వెయిట్ చేసిన తర్వాత కేజీఎఫ్ చాప్టర్-2 విడుదల అయ్యింది. కేజీఎఫ్ మొదటి భాగం ఎవరూ ఊహించనంత పెద్ద హిట్ అయ్యింది. మొదటి భాగం మొత్తంలో కూడా రాకీ భాయ్ ఎలా ఎదిగాడు అనేది చూపించారు. రెండవ భాగంలో మాత్రం రాకీ భాయ్ ఎదిగిన తర్వాత తాను ఎదుర్కొన్న సమస్యలు ఏంటి అనేది చూపించారు? మొదటి భాగంలాగానే ఈ సినిమా కూడా పవర్ ఫుల్ గా ఉంటుంది.

అసలు రాకీ భాయ్ ని జనాలు అందరూ అంత గుర్తు పెట్టుకునే అంతగా ఏం చేసాడు అనేది ఈ సినిమాలో చూపించారు. కానీ మొదటి భాగంతో పోలిస్తే ఈ సినిమాలో ఎమోషన్స్ కొంచెం తక్కువగా ఉన్నట్టు అనిపిస్తాయి. అలాగే విలన్ పాత్ర కూడా మనం చాలా సినిమాల్లో చూసినట్టే అనిపిస్తుంది. కానీ యాక్షన్ సీన్స్ మాత్రం చాలా బాగా డిజైన్ చేశారు. ఈ సినిమాకి మెయిన్ హైలైట్ మాత్రం డైలాగ్స్.

ఈ సినిమాలో హీరోగా నటించిన యష్ కి ఎంత పెద్ద గుర్తింపు వచ్చిందో అందరికీ తెలుసు. హీరో పాత్రలో యష్ కాకుండా మరెవరైనా చేస్తే ఎలా ఉంటుందో అని ఊహించుకోవడం కూడా కష్టమే. కానీ ఈ సినిమాలో మొదటిగా వేరే స్టార్ హీరోని అనుకున్నారు. ప్రశాంత్ నీల్ ఈ కథ అనుకున్నప్పుడు ఇందులో హృతిక్ రోషన్ హీరోగా నటిస్తే బాగుంటుంది అనుకొని హృతిక్ రోషన్ ని కలవడానికి చాలా ప్రయత్నించారట. కానీ హృతిక్ రోషన్ ని కలిసే అపాయింట్మెంట్ కూడా దొరకలేదు.

దాంతో కన్నడ సినిమా ఇండస్ట్రీ ఎంత గొప్పది అనేది పాన్ ఇండియన్ లెవెల్ లో చెప్పాలి అని నిర్ణయించుకున్నారు. అందుకే కన్నడ హీరోతోనే ఎలాగైనా సరే ఈ సినిమా చేద్దామని అనుకున్నారు. ప్రశాంత్ నీల్ అనుకున్నట్టే యష్ తో ఈ సినిమా తీశారు. ఈ సినిమా రిజల్ట్ ఎలా ఉందో ప్రత్యేకంగా చెప్పాల్సిన అవసరం లేదు. అంతే కాకుండా హీరో యష్ కూడా ఈ సినిమా తర్వాత చాలా పాపులర్ అయ్యారు. బాలీవుడ్ హీరోలతో సమానంగా క్రేజ్ సంపాదించుకున్నారు. మొదటి పార్ట్ కి మాత్రమే కాకుండా, రెండవ పార్ట్ కి కూడా చాలా మంచి గుర్తింపు లభించింది.

2007 లో రిలీజ్ అయిన హ్యాపీడేస్ చిత్రంలో అప్పు క్యారెక్టర్ గుర్తుందా.  ఆవిడేనండీ గాయత్రిరావు. హ్యాపీడేస్ చిత్రంలోనూ, గబ్బర్ సింగ్ చిత్రం తోనూ తన నటనతో అందరిని ఆకట్టుకుంది. చేసింది రెండు చిత్రాలు అయినా మంచి గుర్తింపు మంచి గుర్తింపు సంపాదించుకుంది.

గాయత్రి రావు స్వయానా నటి బెంగుళూరు పద్మకి కన్నకూతురు. ఈ బెంగళూరు పద్మ గారు ఎన్నో చిత్రాల్లోనూ మరియు టెలివిజన్ సీరియల్స్ లోనూ నటిస్తూ మంచి గుర్తింపును సంపాదించుకున్నారు.

బెంగళూరు పద్మ గారు తాజాగా జరిగిన ఒక ఇంటర్వ్యూలో కొన్ని ఆసక్తికరమైన విషయాలను వెల్లడించారు. హ్యాపీడేస్ చిత్రంలో అప్పు క్యారెక్టర్ లో నటించడానికి గాయత్రికి అసలు ఇష్టం లేదు. అయితే ఈ పాత్రలో నటించడానికి తన జుట్టుని బాయ్స్ లా కట్ చేయించుకోవాలని తెలిపారు శేఖర్ కమ్ముల.

అప్పు జుట్టు చాలా పొడుగ్గా ఉండేది. తన జుట్టు ప్రచురించినప్పుడు చాలా ఘోరంగా ఏడ్చింది. అయితే శేఖర్ కమ్ముల ఒక పెద్ద చాక్లెట్ ఇచ్చి తనను కన్విన్స్ చేశారని ఈ ఇంటర్వ్యూలో చెప్పుకొచ్చారు బెంగళూరు పద్మ.

హ్యాపీ డేస్ చిత్రం తర్వాత కొన్ని సంవత్సరాల విరామం తో గబ్బర్ సింగ్ చిత్రంలో నటించారు గాయత్రి రావు. గబ్బర్ సింగ్ లోని ఈ పాత్ర గురించి బెంగళూరు పద్మ కొన్ని షాకింగ్ కామెంట్స్ చేశారు.

ఒకసారి గాయత్రి ఫోటో షూట్ చేయించుకుంది. హరీష్ శంకర్ ఆ ఫోటోని చూసి గబ్బర్ సింగ్ చిత్రానికి ఇలాంటి పాత్ర నటించే వాళ్ళు కావాలి అంటూ గాయత్రిని సెలెక్ట్ చేశారు.

ఈ చిత్ర కథ చెప్పేటప్పుడు ఇది ట్రయాంగిల్ లవ్ స్టోరీగా ఉంటుందని హరీశ్ శంకర్ చెప్పారు. స్టోరీ విని ఈ పాత్ర ద్వారా గాయత్రి మంచి గుర్తింపు వస్తుందని మేము భావించాం. చివరికి చూస్తే హీరోయిన్ ఫ్రెండ్ పాత్రలో తన ని చూపించారు అంటూ బెంగళూరు పద్మ గారు ఇంటర్వ్యూలో వెల్లడించారు.