Filmy Adda

రాజమౌళి దర్శకత్వం వహించిన ఆర్ఆర్ఆర్ సినిమా రిలీజ్ కోసం రెండు తెలుగు రాష్ట్రాలు మాత్రమే కాదు భారతదేశం అంతా కూడా ఎదురు చూసింది. అందుకు మొదటి కారణం రాజమౌళి అయితే రెండో కారణం ఇద్దరు స్టార్ హీరోలు ఒకే తెరపై కనిపించడం. రాజమౌళి వారిద్దరిని కలిపి చూపించాలి అన్న ఆలోచనని ప్రేక్షకులు ఎలా రిసీవ్ చేసుకుంటారు? అన్న చర్చ బాగా జరిగింది.

అయితే.. ఆర్ ఆర్ ఆర్ రిలీజ్ అయ్యాక ఊహించిన దానికంటే ఎక్కువగా రికార్డులు బద్దలు కొట్టింది. యావత్ దేశం ఆర్ ఆర్ ఆర్ సినిమాను చూసి మరిచిపోయింది. జక్కన్న సినిమాలకు వెస్ట్రన్ కంట్రీస్ లో కూడా ఫాలోయింగ్ ఉన్న సంగతి తెలిసిందే.

ప్రస్తుతం ఈ సినిమా zee 5 , నెట్ ఫ్లిక్స్ లలో కూడా ప్రసారం అవుతోంది. దీనితో.. విదేశాల్లో కూడా చాలా మంది ఈ సినిమాలో తమ స్మార్ట్ ఫోన్ లలో చూసేస్తున్నారు. వీరిలో వెస్ట్రన్ పీపుల్ కూడా ఎక్కువమంది ఉన్నారు. అయితే, వీరంతా సినిమా చూసి విచిత్రమైన రివ్యూ లు ఇస్తున్నారు. ఇంటర్నెట్ పుణ్యమాని వారి రివ్యూలు అందరికీ తెలుస్తున్నాయి.

తాజాగా ఈ సినిమా చూసిన వెస్ట్‌కు చెందిన మూవీ బేర్ జిమ్ అనే ట్విటర్డ్ యూజర్ ఆర్ ఆర్ ఆర్ మూవీ పై తన ఒపీనియన్ ను ట్వీట్ చేసారు. “ఈ యాక్షన్ డ్రామాని చూస్తే రోమాలు నిక్కబొడుచుకుంటాయి.. ఆ సాహసోపేతమైన మూవీ ని చూసేవారెవరూ ఇది గే లవ్ స్టోరీ అని నాకెందుకు చెప్పలేదు..?” అని ట్వీట్ లో పేర్కొన్నారు. సినిమాలో జూనియర్ ఎన్టీఆర్ మరియు రామ్ చరణ్ పాత్రలు స్వలింగ సంపర్క ఆకర్షణను పంచుకుంటాయని ఆయన తన ఉద్దేశ్యంగా పేర్కొన్నారు.

ఈయన ట్వీట్ కు ఓ ఇండియన్ నెటిజెన్ కూడా స్ట్రాంగ్ కౌంటర్ ఇచ్చారు. “పాశ్చాత్య ప్రజలు ఎప్పుడూ ఆశ్చర్యపడటం మానేయరు.. ఇద్దరు మగ వ్యక్తులు స్నేహితులైతే.. వారిని స్వలింగ సంపర్కులుగా పేర్కొంటారు..? మై గాడ్ వాట్ ఎ మైండ్ సెట్..” అని ట్వీట్ చేసారు. దీనితో ఈ ట్వీట్ నెట్టింట్లో వైరల్ అవుతోంది. అంత మంచి సినిమా మీకు ఇలా అర్థమైందా అంటూ ఇండియన్ నెటిజన్స్ సెటైర్లు వేసుకుంటున్నారు. మరో వైపు.. ఈ ట్వీట్ ను డైరెక్టర్ రాజమౌళి చూస్తే ఆయన ఎలా ఫీల్ అవుతారో అని కొందరు నెటిజన్స్ అనుకుంటున్నారు.

Jaw-dropping action, yes. Adventure, yes. Revenge, yes. But why did none of you tell me #RRRMovie was so heartwarmingly gay??

— Movie Bear Jim (@jjpoutwest) May 22, 2022

వయసు మీద పడుతున్న కొద్దీ మన నటీమనులు ఒళ్లు చేయడం సహజం… కానీ చక్కనమ్మ చిక్కినా అందమే, బొద్దుగా ఉన్నా అందమే అనేది కొందరి హీరోయిన్లకు వర్తిస్తుంది.. తాజాగా సోషల్ మీడియాలో దర్శనం ఇస్తున్న కొన్ని ఫోటోలు ఎవరీ బ్యూటీ అని కాసేపు స్టన్నయ్యేలా చేస్తుంటే..తీరా అది ఒకనాటి తార కుష్బూ అని తెలిసి.. వావ్ .. ఈమె ఆమేనా అంటూ ఆశ్చర్యపోయేలా చేస్తున్నాయి..

జన్మత: ఉత్తరాది అయినప్పటికి , బాలివుడ్ లో కెరీర్ ప్రారంభించినప్పటికి సౌత్ లోనే అగ్రతారగా వెలుగొందారు ఖుష్బూ.. “కలియుగ పాండవులు” చిత్రంలో వెంకటేష్ సరసన నటించి తెలుగు తెరకు పరిచయం అయిన నటి కుష్బూ..తర్వాత తమిళం వైపు వెళ్లి అక్కడే స్థిరపడ్డారు.. అడపదడపా దక్షిణాది భాషలన్నింటిలోను నటించి గుర్తింపు తెచ్చుకున్నారు.. తెలుగులో ఎక్కువగా వెంకటేష్, నాగార్జునల సరసన నటించింది ఖుష్బూ.ఆ  తర్వాత రాజకీయాలు, సినిమాలు , సీరియళ్లు అంటూ అన్ని రంగాల్లో తన ప్రాధాన్యత చాటుకొన్నారు..

అప్పట్లో సన్నగా నాజూగ్గా ఉన్న ఖుష్బూ  తర్వాతర్వాత లావు అయిన సంగతి తెలిసిందే..తమిళ దర్శకుడు సుందర్ ని వివాహం చేసుకుని ,ఇద్దరు పిల్లలకు తల్లి అయిన తర్వాత మరింత ఒళ్లు చేసింది. అయితే లాక్ డౌన్ కాలాన్ని సద్వినియోగం చేసుకుని తన బాడీఫిట్నెస్ పై కాన్సన్ట్రేట్ చేసింది.లాక్డౌన్‌ అమల్లోకి రావడంతో సినీ పరిశ్రమ స్తంభించిపోయింది . సెలబ్రిటీల నుండి సామాన్యుల వరకు అందరూ ఇంటిపట్టునే ఉంటున్నారు..బోలెడంత తీరిక సమయం దొరికింది..ఈ సమయాన్ని వృదా కానివ్వకుండా తన భారీకాయంపై దృష్టి పెట్టి.. రకరకాల వ్యాయామాలు చేసి మూడు నెలల్లో  ఏకంగా 15కిలోల బరువు తగ్గి, సన్నగా , స్లిమ్ గా అయింది.

తన లేటెస్ట్ ఫోటోలను సోషల్ మీడియాలో పోస్టు చేసింది ఖుష్బూ.. సోషల్ మీడియాలో వైరలయిన ఈ ఫోటోలను చూసిన సినిమాభిమానులు ఎవరీ భామ అంటూ రెప్పపాటు ఆలోచించి, ఖుష్బూ అని తెలియగానే ఆశ్చర్యపోతున్నారు..మళ్లీ తొలినాళ్లల్లో ఖుష్బూల ఉన్న  తనని చూసి మళ్లీ హీరోయిన్ గా నటిస్తుందా అనే విధంగా తయారయ్యారు.

మూడు నెలలో 15కిలోలు తగ్గి మునుపటి ఖుష్బూలా తయారవడంతో ఆమె అభిమానులు ఆనందంగా ఫీలవుతున్నారు..ఖుష్బూ ఫ్యాన్ ఫాలోయింగ్ గురించి ప్రత్యేకంగా చెప్పక్కర్లేదు కదా..తన కోసం ఏకంగా గుడినే కట్టించిన అభిమానులున్నారు ఖుష్బూకి… ఆ గుడిని తర్వాత నేలమట్టం చేశారు అది వేరే విషయం. ఇటీవల శర్వానంద్, రష్మిక కాంబినేషన్ లో వచ్చిన “ఆడవాళ్ళూ మీకు జోహార్లు” సినిమాలో నటించారు ఖుష్బూ.

తక్కువ టైం లో టాప్ డైరెక్టర్ల ప్లేస్ లోకి వెళ్లిపోయిన వారిలో అనిల్ రావిపూడి ఒకరు. పటాస్ సినిమాతో డైరెక్టర్ గా పరిచయం అయిన అనిల్ రావిపూడి వరుసగా సుప్రీం, రాజా ది గ్రేట్, ఎఫ్ 2 సినిమాలతో హిట్లు కొట్టి తక్కువ టైం లోనే స్టార్ డైరెక్టర్ అయ్యారు. రాబోయే ఎఫ్ 3 సినిమా కూడా హిట్ అవుతుందని ప్రేక్షకులు భావిస్తున్నారు. దీనితో.. ఈ సారి కూడా అనిల్ రావిపూడి మరో బ్లాక్ బస్టర్ హిట్ ఖాతాలో పడబోతోంది.

ఫుల్ జోష్ లో కెరీర్ లో దూసుకెళ్తున్న డైరెక్టర్ అనిల్ రావిపూడి రియల్ లైఫ్ లో ఓ ఇంటరెస్టింగ్ లవ్ స్టోరీ కూడా ఉంది. అదేంటో ఈ ఆర్టికల్ లో చూసేయండి.

కాలేజీ డేస్ లో చదువుకుంటున్న రోజుల్లోనే అనిల్ రావిపూడి ఓ అమ్మాయికి సైట్ కొట్టేవారట. అయితే.. ఆ తరువాత ఆ అమ్మాయి బ్యాచ్ లోనే ఉన్న మరో అమ్మాయితో అనిల్ రావిపూడి పెళ్లి జరిగిందట. ఏపీలోని ప్రకాశం జిల్లా యద్దనపూడి చెందిన అనిల్ రావిపూడి, ఆయన భార్య ఇద్దరూ ఒకే కాలేజీలో చదువుకున్నారు. అనిల్ రావిపూడి తన ఇద్దరు ఫ్రెండ్స్ తో కలిసి ప్రతి రోజు ఓ నలుగురు అమ్మాయిలు ఉన్న బ్యాచ్ ను చూస్తూ ఉండేవారట. అనిల్ రావిపూడి వారిలో ఓ అమ్మాయికి సైట్ కొట్టేవారట.

అయితే.. ఆ అమ్మాయి చాలా స్ట్రిక్ గా ఉండడంతో.. అనిల్ రావిపూడి వైపు చూసేదే కాదట. అయితే.. ఆ తరువాత చదువు పూర్తయ్యాక అదే బ్యాచ్ లో ఉన్న మరో అమ్మాయితో అనిల్ రావిపూడికి పెళ్లి నిశ్చయమైంది. అనిల్ రావిపూడి భార్య ఇప్పటికీ ఈ విషయమై అనిల్ ను ఆటపట్టిస్తూనే ఉంటారట. కాలేజీ డేస్ లో నన్ను చూడకుండా వేరే అమ్మాయిని చూసారు అంటూ ఆటపట్టిస్తారట. ఈ విషయాన్నీ ఇటీవల ఎఫ్ 3 ప్రమోషన్స్ లో భాగంగా ఇంటర్వ్యూ లు ఇస్తున్న టైంలో అనిల్ రావిపూడి చెప్పుకొచ్చారు. ప్రస్తుతం అనిల్ రావిపూడి ప్రొఫెషనల్ లైఫ్ తో పాటు ఫామిలీ లైఫ్ ని కూడా బాగా ఎంజాయ్ చేస్తున్నారు.

తెలుగు సినిమా ఇండస్ట్రీలో పాన్ ఇండియన్ స్టార్ అనే గుర్తింపు తెచ్చుకున్న నటుడు ప్రభాస్. అప్పటి వరకు కేవలం రెండు తెలుగు రాష్ట్రాల్లో మాత్రమే ఉన్న క్రేజ్ బాహుబలి తర్వాత ప్రపంచ వ్యాప్తంగా పెరిగింది. మిర్చి తర్వాత బాహుబలిలో ప్రభాస్ నటించారు. బాహుబలిలో ప్రభాస్ అసలు అప్పటి వరకు నటించని ఒక పాత్రలో నటించారు. అందుకోసం చాలా కష్టపడ్డారు.

అందుకు తగ్గట్టుగా ఫలితం కూడా వచ్చింది. దాంతో ప్రభాస్ నెక్స్ట్ సినిమా ఏంటి అని అందరూ ఎదురు చూశారు. బాహుబలి తర్వాత వచ్చిన సాహో కూడా ప్రభాస్ కి ఉన్న క్రేజ్ ని దృష్టిలో పెట్టుకొని పాన్ ఇండియన్ సినిమాగా విడుదల చేసారు. కానీ ఈ సినిమా ప్రేక్షకుల అంచ‌నాల‌ని అందుకోలేక‌పోయింది. ఇటీవల విడుదల అయిన రాధే శ్యామ్‌కి వచ్చిన రెస్పాన్స్ కూడా అలాగే ఉంది.

ప్రభాస్ ప్రస్తుతం సలార్ సినిమా షూటింగ్‌లో బిజీగా ఉన్నారు. ఈ సినిమాకి ప్రశాంత్ నీల్ దర్శకత్వం వహిస్తున్నారు. ఈ సినిమా షూటింగ్ ప్రస్తుతం హైదరాబాద్‌లో జరుగుతోంది. ఈ సినిమాకి కేజీఎఫ్ సినిమాకి సంబంధం ఉన్నట్టు చాలా వార్తలు ప్రచారంలో ఉన్నాయి. ఇప్పుడు ఇలాంటి మరో వార్త బయటకి వచ్చింది కేజీఎఫ్ సినిమాలో కనిపించిన కొంత మంది నటులు సలార్ లో కూడా కనిపిస్తారు.

ఆల్రెడీ ఇప్పటికే కొంత మంది పేర్లు బయటకు వచ్చాయి. వారు కాకుండా మరో కొంతమంది కూడా ఈ సినిమాలో కనిపించబోతున్నారు. రవీనా టాండన్ పోషించిన రమికా సేన్ పాత్రతో ఉన్న పోలీస్ ఆఫీసర్, అలాగే పార్లమెంట్ దగ్గర జరిగే సీన్ లో గన్స్ పట్టుకొని ఉన్న వాళ్ళు ఈ సినిమాలో కూడా కచ్చితంగా కనిపిస్తారు. ప్రస్తుతం అయితే ఈ వార్త వైరల్ అవుతోంది. సినిమా విషయానికొస్తే ఈ సినిమాలో శృతి హాసన్ హీరోయిన్ గా నటిస్తున్నారు. జగపతి బాబు ఒక ముఖ్య పాత్రలో నటిస్తున్నారు. అలాగే మలయాళ నటుడు పృథ్వీరాజ్ కూడా ఈ సినిమాలో ఒక ముఖ్య పాత్రలో నటిస్తున్నారని సమాచారం.

తెలుగు నాట బిగ్ బాస్ రియాలిటీ షో కి ఓ రేంజ్ లోనే పాపులారిటీ ఉంది. నిన్న మొన్నటి దాకా టివి లోనే సందడి చేసిన బిగ్ బాస్ యూనిట్.. తాజాగా ఓటిటిలో కూడా తన ఎంటర్టైన్మెంట్ ను విస్తరించింది. రీసెంట్ గానే ఓటిటిలో స్టార్ట్ అయిన బిగ్ బాస్ తొలి షో అట్టహాసంగా ముగిసిన సంగతి తెలిసిందే.

బిగ్ బాస్ ఓటిటి తొలి సీజన్ లో బిందు మాధవి ఫైనల్స్ కూడా నిలబడి విన్ అయ్యి.. టైటిల్ గెల్చుకున్న సంగతి తెలిసిందే. దీనితో ఈ షో పై మరింత ఆసక్తి రేకెత్తుతోంది.

తొందరలోనే టివి లో బిగ్ బాస్ 6 తెలుగు షో ప్రారంభం కావాల్సి ఉంది. సాధారణంగా.. బిగ్ బాస్ షో లో ఎక్కువగా సెలెబ్రిటీలను మాత్రమే తీసుకుంటూ ఉంటారు. అయితే.. ఇప్పుడు కామన్ పీపుల్ కి కూడా అవకాశం కల్పించాలని బిగ్ బాస్ యాజమాన్యం భావిస్తోంది. కాగా.. ఇందుకు సంబంధించి బిగ్ బాస్ యూనిట్ ఓ వీడియోను కూడా రిలీజ్ చేసింది.

ఈ వీడియోలో నాగార్జున మాట్లాడుతూ.. బిగ్ బాస్ హౌస్ లోకి సామాన్యులకు ఆహ్వానం పలికారు. ఇప్పటి వరకు ఇంట్లోనే ఉండి బిగ్ బాస్ షో ను ఆనందించారు. ఇప్పుడు ఈ గేమ్ లో మీరు కూడా భాగస్వామ్యం కావచ్చు అంటూ పిలుపునిచ్చారు. అయితే బిగ్ బాస్ 6 సీజన్ కు టికెట్ పొందాలంటే.. స్టార్ మా వారి వెబ్ సైట్ లోకి లాగిన్ అవ్వాలి అని నాగార్జున సూచించారు. ఈ సైట్ లోకి వెళ్ళాక.. పేరు, జెండర్ వివరాలు ఇవ్వాలి. పుట్టిన తేదీ, అడ్రస్, ఫోన్ నెంబర్ వంటి వివరాలు కూడా ఇవ్వాల్సి ఉంటుంది. అది పూర్తయ్యాక మరో ఎమర్జెన్సీ నెంబర్ తో పాటు సదరు వ్యక్తి డీటెయిల్స్ ను కూడా ఇవ్వాలి. ఆ తరువాత జాబ్, లాంగ్వేజ్ గురించి తెలియ చెప్పాలి. మీ గురించి కొన్ని విషయాలను చెప్పాల్సి ఉంటుంది. ఓ మూడు నిమిషాల ఆడిషన్ వీడియోను కూడా జత చేయాలి. వీడియో సైజు 50 ఎంబి మించకుండా చూసుకోండి.

ఒకప్పుడు టాలీవుడ్ లో క్యూట్ కపుల్ అయిన సమంత, నాగ చైతన్య విడిపోయిన సంగతి తెలిసిందే. ఈ జంట అనూహ్యంగా విడాకులు తీసుకుంటున్నట్లు ప్రకటించడంతో ప్రతి ఒక్కరు కూడా షాక్ అయ్యారు. ఇటు అభిమానులు, అటు సినీ తారలు సైతం విడాకులు తీసుకుంటారని అస్సలు ఊహించలేదు.

వీరిద్దరూ విడాకులు తీసుకున్న తరువాత స్పందించిన నాగ చైతన్య.. విడిపోయాక కూడా మేమిద్దరం హ్యాపీ గానే ఉన్నామని చెప్పుకొచ్చారు. ఇద్దరు ఎవరి కెరీర్ లో వారు బిజీ అయిపోయిన సంగతి తెలిసిందే.

ప్రస్తుతం నాగ చైతన్య థాంక్యూ సినిమాలో నటిస్తున్న సంగతి తెలిసిందే. ఈ సినిమాలో రాశి ఖన్నా, అవికా గోర్, మాళవిక హీరోయిన్లుగా నటిస్తున్న సంగతి తెలిసిందే. విక్రమ్ కుమార్ దర్శకత్వం వహిస్తున్న ఈ సినిమా టీజర్ ఇటీవలే విడుదల అయ్యింది. ఆకట్టుకునే విధంగా ఉండడంతో.. ఈ టీజర్ విడుదల అయిన కొద్దీ సేపటిలోనే వైరల్ అయింది. ఈ టీజర్ లో నాగ చైతన్య చెప్పిన ఓ డైలాగ్ తెగ వైరల్ అవుతోంది.

“లైఫ్ లో కాంప్రమైజ్ అయ్యేదే లేదు.. ఎన్నో వదులుకుని ఇక్కడిదాకా వచ్చాను..” అంటూ నాగ చైతన్య చెప్పిన డైలాగ్ బాగా ఆకట్టుకుంటోంది. అయితే.. నాగ చైతన్య తన గోల్స్ పట్ల చాలా సీరియస్ గా ఉన్నట్లు స్పష్టమవుతుంది. ఈ డైలాగ్ ని సమంతని ఉద్దేశించే చెప్పారా..? అంటూ కొందరు లేని పోని అనుమానాలకు తావిస్తున్నారు. ఇందులో కెరీర్ కోసం చైతు పడుతున్న తపనే కనిపిస్తోంది. తప్పకుండా ఈ సినిమా చైతు కు మంచి హిట్ అవ్వాలని కోరుకుందాం.