Filmy Adda

అనుష్క కెరీర్ లో గుర్తుండిపోయే సినిమాల్లో మొదటిగా వచ్చే సినిమా అరుంధతి. కోడి రామకృష్ణ గారి దర్శకత్వంలో వచ్చిన ఈ సినిమా అప్పట్లో సెన్సేషన్ క్రియేట్ చేసింది. ఇప్పటికి కూడా అనుష్కని చాలా మంది జేజమ్మ అని అంటారు. అంతలా గుర్తుండిపోయింది అరుంధతి సినిమా.

అరుంధతి తెలుగులో మాత్రమే కాకుండా బెంగాలీలో కూడా రీమేక్ అయ్యింది. అరుంధతి సినిమాకి అనుష్క నటనతో పాటు సోను సూద్ పర్ఫార్మెన్స్, గ్రాఫిక్స్, కూడా హైలైట్ గా నిలిచాయి. అసలు మనం అరుంధతి పాత్రలో అనుష్కను తప్ప మరెవ్వరినీ ఊహించుకోలేం.

అరుంధతి అంటే అనుష్క, అనుష్క అంటే అరుంధతి, అనే అంత కరెక్ట్ గా అనుష్క అరుంధతి పాత్రకి సరిపోయారు. కానీ, అసలు అరుంధతి సినిమాలో అరుంధతి పాత్రకి ముందుగా అనుకున్నది అనుష్కని కాదు. అరుంధతి సినిమాలో లీడ్ రోల్ కి ముందుగా మమతా మోహన్ దాస్ ని అనుకున్నారు. ఈ పాత్ర కోసం మమతా మోహన్ దాస్ ని సంప్రదించారు.

సినిమాకి కొంచెం ఎక్కువ రోజులు డేట్స్ ఇవ్వాల్సి ఉండడంతో మమతా మోహన్ దాస్ ఈ పాత్ర చేయలేకపోయారు. తర్వాత అనుష్కని సంప్రదించారు. ఇంత పవర్ ఫుల్ రోల్ పోషించడాన్ని ఛాలెంజ్ గా స్వీకరించి అనుష్క సినిమా చేయడానికి అంగీకరించారు.అరుంధతి ముందు కూడా ఫిమేల్ ఓరియంటెడ్ సినిమాలు చాలా వచ్చాయి. కానీ మధ్యలో కొంత విరామం తర్వాత మళ్లీ అరుంధతి సినిమాతో ఫిమేల్ ఓరియంటెడ్ సినిమాలు రావడం మొదలయ్యాయి. అనుష్క అరుంధతి సినిమాలో తన నటనకి ఎన్నో ప్రశంసలు, అవార్డులు అందుకోవడమే కాకుండా, మనందరికీ కూడా ఇంకా చేరువయ్యారు.

ఏదైనా ఒక సినిమా తీస్తున్నారు అంటే అందులో హీరో, హీరోయిన్ల ఎంపిక చేయడం అనేది కీలకం. హీరో, హీరోయిన్లు బాగా సినిమాకి ప్లస్ అవుతారు. అందుకని హీరోహీరోయిన్ల విషయంలో ఎంతో జాగ్రత్తగా చూసి ఎంపిక చేయడం జరుగుతుంది. అయితే హీరోయిన్లకి సినీ ఇండస్ట్రీలో లైఫ్ టైం కొంచెం తక్కువగా ఉంటుంది.

హీరోలు మాత్రం ఏళ్ల తరబడి నటిస్తూ ఉంటారు, హీరోయిన్లకు హీరోయిన్లగా నటించే అవకాశం తగ్గినప్పుడు వివిధ పాత్రల్ని చేస్తూ ఉంటారు. కొన్ని కొన్ని సార్లు సీనియర్ హీరోయిన్ల పక్కన కూడా తక్కువ వయస్సు ఉన్న హీరోయిన్లు నటించాల్సి వస్తుంది. రెమ్యునరేషన్ ఎక్కువ వస్తుందనో లేదు అంటే కెరియర్ కి ప్లస్ అవుతుందనో నటిస్తూ ఉంటారు.

అయితే ఏ పాత్రా లేకపోవడం కంటే కూడా ఏదో ఒక పాత్ర చేయడం మంచిది కదా అది భావిస్తూ ఉంటారు కొందరు హీరోయిన్లు. సీనియర్ హీరోయిన్లు పక్కన చిన్న వయసు హీరోయిన్లు నటిస్తూ ఉంటారు. ఇప్పుడైతే జూనియర్ హీరోల పక్కన సీనియర్ హీరోయిన్లు కూడా నటిస్తున్నారు. పైగా ఆ జంట ఇంట్రెస్టింగ్ గా కూడా ఉంటోంది. అలా నటిస్తున్న హీరో హీరోయిన్ల గురించి చూద్దాం.

#1. అనుష్క శెట్టి – నవీన్ పోలిశెట్టి:

పదిహేను సంవత్సరాలుగా అనుష్క తెలుగు సినిమాల్లో నటిస్తూనే ఉంది అనుష్క. నవీన్ పోలిశెట్టి చూస్తే కుర్ర హీరో. వీరిద్దరి కాంబినేషన్ లో సినిమా ఇప్పుడు రాబోతోంది. శెట్టి మిస్టర్ పోలిశెట్టి పేరుతో ఈ సినిమా రానుంది.

#2. నాగశౌర్య – కీర్తి సురేష్:

యంగ్ హీరో నాగ శౌర్య పక్కన కీర్తి సురేష్ నటించనుంది. అదేవిధంగా కీర్తి సురేష్ భోళా శంకర్ సినిమాలో చిరంజీవి చెల్లెలిగా నటిస్తున్న సంగతి తెలిసిందే.

#3. సమంతా – దేవ్ మోహన్:

మలయాళ హీరో దేవ్ మోహన్ తో సమంత శాకుంతలం సినిమాలో నటించనుంది. గుణశేఖర్ ఈ సినిమాకి దర్శకత్వం వహించనున్నారు.

#4. ప్రతీక్ గాంధీ – విద్యాబాలన్:

జూనియర్ హీరో అయినా ప్రతీక్ గాంధీతో ఈ సీనియర్ హీరోయిన్ నటించనుంది. ఈ కాంబినేషన్ లో రాబోయే సినిమా ఎలా ఉంటుందో చూడాలి మరి..!

#5. కత్రినాకైఫ్ – విజయ్ సేతుపతి:

కత్రినా కైఫ్ క్రేజ్ చూస్తే మామూలు క్రేజ్ కాదు. విజయ్ సేతుపతి కూడా క్రేజ్ ఉన్నప్పటికీ కత్రినా అంత కాదు. అయితే ఈ జంట కాంబినేషన్ తో రాబోతున్న సినిమా కోసం ప్రేక్షకులు ఎంతగానో ఎదురు చూస్తున్నారు.

#6. దీపికా పదుకొనే – సిద్ధాంత్ చతుర్వేది:

దీపికా పదుకొనే సీనియర్ హీరోయిన్. సిద్ధాంత్ చతుర్వేది అయితే కాస్త జూనియర్ హీరో. అయితే మరి ఈ సీనియర్ హీరోయిన్ ఆ జూనియర్ హీరోతో కలిసి నటించనుంది. మరి వాళ్ళ జంట ఎలా ఉంటుందో చూడాలి.

#7. తమన్నా – సత్యదేవ్ :

తమన్నా , సత్యదేవ్ …ఈ ఇద్దరి కాంబోలో “గుర్తుందా శీతాకాలం” అనే సినిమా రాబోతుంది.

చిన్నప్పుడు తమ సినిమా కెరీర్‌ని మొదలు పెట్టి తరువాత యాక్టర్లుగా పరిచయమయ్యి తమకంటూ ఇండస్ట్రీలో గుర్తింపు తెచ్చుకున్న వాళ్ళు ఎంతోమంది ఉన్నారు. వాళ్లలో స్టార్ హీరోలు ఇంకా ఎందరో క్యారెక్టర్ ఆర్టిస్టులు కూడా ఉన్నారు.

అలా మరో చైల్డ్ ఆర్టిస్ట్ కూడా ఇప్పుడు హీరో అయ్యారు. సూపర్ స్టార్ మహేష్ బాబు హీరోగా నటించిన సినిమా నాని. బాక్సాఫీస్ వద్ద నాని ఫ్లాప్ అయినా కానీ మహేష్ బాబు కెరీర్‌లో ఒక ప్రయోగాత్మక సినిమాగా నిలిచింది. ఈ సినిమాకి ఎస్‌జె సూర్య దర్శకత్వం వహించారు. అమీషా పటేల్ హీరోయిన్‌గా నటించారు. ఏ ఆర్ రెహమాన్ సంగీత దర్శకత్వం వహించారు.

ఇందులో హీరో చిన్నప్పటి ఫ్రెండ్‌గా నటించిన అబ్బాయి గుర్తుండే ఉంటాడు. హీరోకి సంబంధించిన కొన్ని ముఖ్యమైన సన్నివేశాల్లో ఇతను ఉంటాడు. ఇప్పుడు ఆ అబ్బాయి హీరో అయ్యాడు. నానిలో మహేష్ బాబు చిన్నప్పటి ఫ్రెండ్‌గా నటించిన అబ్బాయి ఎవరో కాదు. హీరో సినిమాతో హీరోగా ఇండస్ట్రీలోకి అడుగు పెట్టిన అశోక్ గల్లా. అశోక్ నటించిన హీరో సినిమా సంక్రాంతి కానుకగా విడుదల అవుతోంది.

సినిమా ప్రమోషన్స్ లో భాగంగా అశోక్ గల్లా మీడియాతో మాట్లాడుతూ, తాను చిన్నప్పుడు రెండు సినిమాల్లో నటించినట్లు చెప్పారు. అందులో ఒక సినిమా కృష్ణ గారితో చేశాను అని, ఆ సినిమా చేసే సమయానికి తనకి అసలు ఈ ఫీల్డ్ పై పెద్దగా అవగాహన లేదు అని చెప్పారు. నాని సినిమా చేసే సమయానికి షూటింగ్ ఎలా ఉంటుంది, అలాగే మిగిలిన విషయాల గురించి కొంత తెలిసింది అని చెప్పారు. మధ్యలో చదువుకోడానికి వెళ్ళినప్పుడు కూడా సినిమాలకి, నటనకి సంబంధించిన అన్ని విషయాలపై పూర్తిగా తెలుసుకున్నాను అని చెప్పారు.

హీరో, హీరోయిన్లు తమ రేంజ్ ని బట్టి రెమ్యూనరేషన్ తీసుకోవడం జరుగుతుంది. పైగా సినిమాని బట్టీ కూడా హీరో, హీరోయిన్లు రెమ్యూనరేషన్ తీసుకుంటారు. అయితే కొన్ని కొన్ని సార్లు సినిమాకి నష్టం వస్తే అప్పుడు హీరో, హీరోయిన్లు తమ రెమ్యునరేషన్ ని పూర్తిగా నిర్మాతలకి ఇచ్చేస్తారు లేదా అందులో కొంచెం అయినా సరే ఇస్తారు.

అయితే టాలీవుడ్ లో కూడా రెమ్యునరేషన్ ని తిరిగి వెనక్కి ఇచ్చేసిన హీరోలు, హీరోయిన్లు ఉన్నారా..? అవునండి టాలీవుడ్ లో కూడా రెమ్యూనరేషన్ ని వెనక్కి ఇచ్చేసిన వారూ ఉన్నారు. మరి ఆ నటులు ఎవరు అనేది ఇప్పుడు చూద్దాం.

#1. రామ్ చరణ్ తేజ్:

రామ్ చరణ్ తేజ్ ఆరంజ్ సినిమాలో నటించారు. అయితే ఆ సినిమా ఫ్లాప్ అవ్వడం వల్ల నిర్మాతకి రెమ్యూనరేషన్ లో 90% తిరిగి ఇచ్చేశారు చరణ్. అలానే వినయవిధేయరామ తరవాత దానయ్య మరియు రామ్ చరణ్ డిస్ట్రిబ్యూటర్లకు 5 కోట్లు తిరిగి ఇచ్చారు.

#2. పవన్ కళ్యాణ్:

పవన్ కళ్యాణ్ కూడా నిర్మాతలకి తిరిగి వెనక్కి డబ్బులు ఇచ్చిన రోజులు ఉన్నాయి. పవన్ కళ్యాణ్ నటించిన జానీ, పులి సినిమాలు ఫ్లాప్ అవ్వడం వల్ల రెమ్యూనరేషన్ లో 40 శాతం నిర్మాతలకి తిరిగి ఇచ్చేశారు పవన్ కళ్యాణ్ .

#3. జూనియర్ ఎన్టీఆర్:

జూనియర్ ఎన్టీఆర్ కూడా రెమ్యూనరేషన్ వెనక్కి ఇచ్చిన రోజులు ఉన్నాయి. నరసింహుడు సినిమా ప్లాప్ అయిన తర్వాత జూనియర్ ఎన్టీఆర్ రెమ్యూనరేషన్ లో సగాన్ని నిర్మాతలకు ఇచ్చేశారు.

#4. మహేష్ బాబు:

సూపర్ స్టార్ మహేష్ బాబు ఖలేజా సినిమా ఫ్లాప్ అయిన తర్వాత తాను తీసుకున్న రెమ్యూనరేషన్ లో సగ భాగాన్ని నిర్మాతకు ఇచ్చేశారు మహేష్.

#5. త్రివిక్రమ్:

త్రివిక్రమ్ అజ్ఞాతవాసి సినిమా తర్వాత ఇరవై శాతం రెమ్యునరేషన్ ని నిర్మాతకు ఇచ్చేశారు.

#6. సాయి పల్లవి:

పడి పడి లేచే మనసు సినిమా ఫ్లాప్ అయిన తర్వాత హీరోయిన్ సాయి పల్లవి కూడా తన రెమ్యూనరేషన్ మొత్తాన్ని నిర్మాతలకు ఇచ్చేసింది.

#7. బాలకృష్ణ:

గౌతమీపుత్ర శాతకర్ణి సినిమా అనుకున్నంత హిట్ అందకపోవడంతో బాలకృష్ణ తన రెమ్యూనరేషన్ లో సగం ఇచ్చేశారు.

ఎంతో పాపులర్ అయిన జబర్దస్త్ షో గురించి కొత్తగా పరిచయం చేయనక్కర్లేదు. జబర్దస్త్ షో గురించి అందరికీ తెలిసిందే. ఎన్నో అద్భుతమైన స్కిట్స్ తో కమెడియన్లు నవ్విస్తూ ఉంటారు.

చాలా మంది కమెడియన్ల కి ఈ షో మంచి లైఫ్ ఇచ్చింది. ఫిమేల్ ఆర్టిస్టులు కూడా ఈ షో ద్వారా పాపులర్ అయ్యారు. మరి జబర్దస్త్ షో ద్వారా పాపులర్ అయిన లేడీ ఆర్టిస్టులు గురించి ఇప్పుడు చూద్దాం.

#1. రోహిణి:

జబర్దస్త్ ద్వారా రోహిణికి క్రేజ్ బాగా పెరిగింది. పలు సీరియల్స్ లో కూడా రోహిణీ నటించింది. కామెడీతో రోహిణి బాగా ఆకట్టుకుంటుంది. చక్కటి అవకాశాలు వెండితెరపై కూడా ఈమెకి వస్తున్నాయి.

#2. షబీనా:

షబీనా కూడా సీరియల్స్ లో నటిస్తోంది. జబర్దస్త్ ద్వారా మంచి గుర్తింపు వచ్చింది. చక్కటి పంచులతో అద్భుతమైన యాక్టింగ్ తో మెప్పిస్తుంది. నవ్విస్తూ ఆకట్టుకుంటుంది షబీనా.

#3. వర్ష:

ఈ షో రహో తన క్రేజ్ ని మరింత పెంచుకుంది వర్ష. సీరియల్స్ ద్వారా పరిచయమైన వర్ష జబర్దస్త్ షో తో బాగా ఫేమస్ అయిపోయింది.

#4. పవిత్ర:

టిక్ టాక్ నుండి ఈ పవిత్ర జబర్దస్త్ లోకి వచ్చింది. ఈమె ఎంతో యాక్టివ్ గా ఉంటుంది. ఈమె కూడా జబర్దస్తు తో మంచి పాపులారిటీని సంపాదించుకుంది.

#5. రీతూ చౌదరి:

అద్భుతమైన కామెడీ టైమింగ్ తో ఆకట్టుకుంటుంది రీతూ. ఈమె కూడా జబర్దస్త్ తో బాగా ఫేమస్ అయిపోయింది. చక్కటి యాక్టింగ్ తో మెప్పిస్తుంది.

#6. ఫైమా:

ఈ ఆర్టిస్ట్స్ లాగే ఫైమా కూడా అద్భుతమైన గుర్తింపును సంపాదించుకుంది. తొలిసారిగా ఈమె పటాస్ షో లో కనపడింది. ఆ తర్వాత జబర్దస్త్ లోకి వచ్చి మంచి క్రేజ్ ని సంపాదించుకుంది పైమా.

#7. సత్య శ్రీ:

ఈమెకి కూడా జబర్దస్త్ షో ప్లస్ అయ్యింది. ఈ షో తో ఆమె ఇమేజ్ ని పెంచుకుంది. దీనితో వెండితెరపై కూడా మంచి అవకాశాలు వస్తున్నాయి సత్య శ్రీకి.

ఇండియన్ సినిమా హిస్టరీ గురించి అందులోనూ ముఖ్యంగా తెలుగు సినిమా హిస్టరీ గురించి చెప్పాలంటే బాహుబలికి ముందు బాహుబలికి తర్వాత అని అనొచ్చు. అంతకు ముందు వరకు వేరే దేశం వాళ్ళకి ఇండియన్ సినిమా అంటే కేవలం బాలీవుడ్ సినిమా మాత్రమే గుర్తొచ్చేది. కానీ బాహుబలి తెలుగు సినిమా స్థాయిని పెంచింది.

బాహుబలి సినిమాకి అంతర్జాతీయ స్థాయిలో గుర్తింపు లభించింది. ఈ సినిమాలో నటించిన వాళ్లందరికీ కూడా చాలా గుర్తింపు వచ్చింది. వారిలో మాహిష్మతి రాజ్యంలో ఉండే ఈ మహిళ కూడా ఒకరు. సినిమా విడుదలైన తర్వాత ఈమె ఎవరు అని చాలా మంది వెతకడం మొదలు పెట్టారు.

ఆ తర్వాత ఈమె కళ్యాణ్ హీరోగా నటించిన ఎమ్మెల్యే తో పాటు ఇంకా కొన్ని సినిమాల్లో ముఖ్య పాత్రల్లో నటించారు. అంతే కాకుండా ఇటీవల విడుదలై ప్రస్తుతం సూపర్ హిట్ టాక్ తో దూసుకుపోతున్న పుష్పలో కూడా ఒక పాత్రలో నటించారు. ఈ నటి పేరు కల్పలత. అయితే ఈ చిత్రంలో పుష్ప రాజ్ తల్లి కింద కల్పలత నటించారు. తల్లిగా నటించిన కల్పలత అందరినీ బాగా ఎట్రాక్ట్ చేశారు. నటనతో ఎంతో బాగా ఆకట్టుకున్నారు. దీంతో ఆమెపై ఆరాలు తీయడం మొదలుపెట్టారు.

అయితే కల్పలత తాజాగా మీడియా కి ఇంటర్వ్యూ కూడా ఇచ్చారు. దానిలో ఆమె పాత్ర గురించి, అల్లు అర్జున్ గురించి చెప్పారు. ఈమెకు ఇద్దరు ఆడపిల్లలు. ఇద్దరు కూడా యూఎస్ లోనే ఉంటున్నారు. మగ పిల్లలు ఈమెకి లేరు. అయితే బన్నీని చూడగానే ఇలాంటి మగపిల్లవాడు ఉండాలి అని అనుకున్నారట. అలానే ఆమెకి మగపిల్లలు లేరని బాధపడ్డారట.సినిమా షూటింగ్ సమయంలో బన్నీ చాలా బాగా సపోర్ట్ చేశారు అని ఆమె చెప్పుకొచ్చారు.

ఆమెకు సపోర్ట్ ఇస్తూ చేయి పట్టుకోవడం, నేనున్నానని భరోసా ఇవ్వడం చూసి ఆమె ఏడ్చేశారని అన్నారు. ఈమె ఇప్పటికే పలు సినిమాల్లో నటించారు. అయితే పుష్ప మాత్రం బాగా మంచి గుర్తింపుని తీసుకువచ్చింది. ఈ చిత్రంలో నటించడానికి ఆరు నెలల ముందే తనకి ఆడిషన్ నిర్వహించారని.. ఆరు నెలల తర్వాత అల్లుఅర్జున్ కు తల్లిగా నటించే అవకాశం వచ్చిందని ఫోన్ చేసి చెప్పారని ఆమె అన్నారు. ఆ ఫోన్ కాల్ రాగానే ఎంతో ఆనందపడ్డాను అని.. సుకుమార్ కి కృతజ్ఞతలు కూడా తెలిపానని అన్నారామె.

అల్లు అర్జున్ మొదటి పాన్ ఇండియా సినిమా పుష్ప. పుష్ప సినిమా అల్లు అర్జున్ కి మంచి హిట్ ని తీసుకు వచ్చింది. ఇందులో అల్లు అర్జున్ చాలా డిఫరెంట్ గా కనిపించారు. అల వైకుంఠపురం తర్వాత మంచి బ్లాక్ బస్టర్ ని బన్నీకి ఈ సినిమా తీసుకువచ్చింది. దాదాపు 12 సంవత్సరాల తర్వాత మళ్లీ అల్లు అర్జున్ సుకుమార్ కాంబినేషన్ లో వచ్చిన సినిమా పుష్ప.

గత రెండు రోజుల నుంచి ఓటీటీ లో కూడా ఈ సినిమా స్ట్రీమింగ్ అవుతోంది. పైగా రికార్డు స్థాయిలో వ్యూస్ కూడా వస్తున్నాయట. ఇదిలా ఉంటే సుకుమార్ ఎంతో అద్భుతంగా ఈ చిత్రాన్ని తెరకెక్కించారు. 1996 సంవత్సరం నుంచి 2004 మధ్య జరిగే కథగా ఈ చిత్రం తెరకెక్కింది. అయితే తాజాగా ఈ చిత్రానికి సంబంధించిన చిన్న విషయం ఒకటి వైరల్ అవుతోంది. ఈ చిత్రంలో చంద్రబాబునాయుడు ఉన్నాడని అంతా అంటున్నారు. పైగా నెట్టింట్లో ఓ ఫోటో కూడా చక్కర్లు కొడుతోంది.

చంద్రబాబునాయుడు ఏపీ సీఎం గా తొమ్మిదేళ్లపాటు ఉన్నారు. అయితే అప్పట్లో జరిగిన కధగా దీనిని తీసుకు వచ్చారు కనుక అప్పటి సీఎం చంద్రబాబు నాయుడు అన్న కాన్సెప్ట్ తో సుకుమార్ పోలీస్ స్టేషన్లో చంద్రబాబు నాయుడు ఫోటో ఉండేటట్టు చేశారు. చంద్రబాబు నాయుడు అభిమానులు ఈ విషయంపై సుకుమార్ ని మెచ్చుకుంటున్నారు.

పైగా బాలీవుడ్ లో కూడా ఈ సినిమా మంచి విజయాన్ని అందుకుంది. దీంతో బన్నీ బాలీవుడ్ లోకి వెళ్లడం కూడా మంచిదే అంటున్నారు ఫ్యాన్స్. ఈ సినిమాలో బన్నీ యాక్టింగ్, డైలాగ్స్, డాన్స్, పాటలు అన్నీ కూడా అద్భుతంగా ఉన్నాయి.

డిసెంబర్ 17 న విడుదలైన ఈ చిత్రం అద్భుతమైన కలెక్షన్లతో పాటు అందరి హృదయాల్ని గెలుచుకుంటోంది. సెలబ్రిటీలు కూడా ఎంతో ఆనందిస్తున్నారు. ఎంతో మంది ప్రముఖులు కూడా ఈ సినిమాని ప్రశంసించారు.